Kategorie: Nuus

Motordiewe pak Vrystaat

Nog drie swart verdagtes is op Thaba Nchu in die Vrystaat aangekeer in verband met die moord op ‘n swarte wat op Oujaarsaand tydens ‘n motorkaping in Phahameng in Bloemfontein doodgeskiet is.

Twee swartes is vroeër op Nuwejaarsdag in besit van ‘n gekaapte VW Polo vasgetrek.

Die 27-jarige is vyf keer geskiet en sy vriendin is in die voorval gewond.

Die ander twee verdagtes is in Botshabelo, oos van Bloemfontein, gevang.

Hulle verskyn Maandag in die Bloemfonteinse landdroshof op aanklagte van moord, poging tot moord en kaping, en ‘n vyfde in die hof op Botshabelo op ‘n aanklag van die onwettige besit van ‘n vuurwapen.

Polisiewoordvoerder Thandi Mbambo het bevestig dat twee mans, onderskeidelik 42 en 37 jaar oud, kort na middernag in G-seksie in Botshabelo in hegtenis geneem is.

Sy sê die polisie moes op die voertuig se bande skiet om te verhoed dat die vier insittendes wegkom met die motor wat die vorige oggend in Pahameng gekaap is.

Mbambo sê twee verdagtes het eers ontsnap.

Tydens die kaping is Sphiwe Mashiya doodgeskiet en sy 25-jarige vriendin lig gewond.

In ‘n ander voorval is drie Quantum-voertuie tydens ‘n gewapende rooftog by die Glen Landboukollege net buite Bloemfontein in die vroeë oggendure van Saterdagoggend gesteel.

Mbambo het die voorval bevestig. Sy sê vyf gewapende verdagtes het twee veiligheidswagte vasgebind.

Drie van die verdagtes het toe met die drie voertuie gevlug, terwyl die ander twee by die sekuriteitswagte gebly het en ‘n paar uur later vrygelaat het. Mbambo sê geen arrestasies is gemaak nie.

Volgens ‘n polisiebron is die voertuie na bewering oor die grens na Lesotho geneem in die vroeë oggendure, maar die owerhede in Lesotho kon dit nie bevestig nie.

Plaasmoord buite Sasolburg

In die jongste voorval van plaasmoorde, is ʼn 67-jarige man op ʼn plaas naby Sasolburg in die Vrystaat doodgeskiet.

‘n Woordvoerder van die SA Polisiediens, Lt. Livhuhani Hani, het gesê dat die man en sy gade ʼn huis op die plaas huur. Die vrou het glo Woensdagaand deur die huis se venster geloer en ʼn indringer gesien.

“Die man het na buite gegaan om uit te vind wat aangaan en is in die bolyf geskiet. Hy is op die toneel dood,” sê Hani. “Niemand anders is beseer nie en niks is gesteel nie. Die motief vir die moord is nog nie bekend nie.”

Niemand is nog in verband met die voorval aangekeer nie.

Suid-Afrikaners sterf soos vlieë op die paaie

Volgens die minister van vervoer, Dipuo Peters, is daar reeds 924 noodlottige padongelukke tot op 28 Desember aangemeld. In KwaZulu-Natal was daar 211 ongelukke waarin 249 mense dood is. In Gauteng was daar 156 noodlottige ongelukke waarin 174 mense omgekom het. In die Oos-Kaap was daar 129 noodlottige ongelukke waarin 161 mense die lewe gelaat het.

Die totale aantal sterftes in al dié ongelukke beloop “minstens 1 143 mense”.

In Limpopo was daar 106 noodlottige ongelukke waarin 138 mense dood is terwyl daar in Mpumalanga 90 ongelukke was waarin 110 mense dood is. In die Vrystaat was daar 63 noodlottige ongelukke waarin 95 mense dood is en in die Wes-Kaap was daar 78 noodlottige ongelukke waarin 91 mense dood is.

Peters sê dat daar 50 minder noodlottige ongelukke en 25 minder sterftes as in die ooreenstemmende tydperk verlede jaar was. Sy meen egter dit is “kommerwekkend dat daar sedert 23 Desember ʼn toename was in die aantal ongelukke en sterftes”. Daar was van 1 Desember tot 23 Desember 539 noodlottige ongelukke waarin 677 mense omgekom het.

Peters meen dit is “opvallend dat 31% van noodlottige ongelukke tussen 22:00 en 06:00 plaasvind”. Sy het gesê daar is teen 28 Desember reeds 415 mense vir spoedoortredings in hegtenis geneem. Die vinnigste spoed wat aangeteken is, was 265 k.p.u. in die Vrystaat. Minstens 904 mense is reeds vir dronkbestuur aangekeer.

98% van onafhanklike skole se matrikulante slaag

Die slaagsyfer vir privaatskole wat die onafhanklike eksamenraad se matriekeksamen skryf is so pas bekendgemaak. Vanjaar se slaagsyfer is 98,38% met 85,54% van kandidate wat toegang tot graadstudie verkry en 11,56% van kandidate wat vir ʼn diploma kan studeer. 10 451 kandidate, van wie 9 976 heeltyds en 475 deeltyds, het die eksamen vanjaar afgelê. Verlede jaar se slaagsyfer was 98,56%.

Wat wiskunde en fisiese wetenskappe betref, het die IEB-kandidate insgelyks goed presteer, met 89% wat in albei vakke slaag. “Die persentasie leerlinge wat 40% of meer behaal het in wiskunde is 88,6% en die persentasie leerlinge wat 40% of meer in fisiese wetenskappe behaal het, is 88,5%,” het die organisasie verklaar.

“Onderwys is soveel meer as die verwesenliking van goeie resultate in die nasionale senior-sertifikaat-eksamen,” meen Anne Oberholzer, uitvoerende hoof van die onafhanklike eksamenraad, gesê.

Die uitslae vir openbare skole sal eers op 6 Januarie aangekondig word.

2014 se 25 gewildste bladsye op praag.co.za

Hier is hulle, ons vyf-en-twintig gewildste blaaie vir 2014! Hulle word in volgorde van gewildheid geplaas, gegrond op die werklike aantal kere wat lesers hulle van ons bediener afgelaai het.

  1. Nuus (kategorie)
  2. ANC sê nee vir R1000 miljard rand uit vrees vir ‘te veel witmense’
  3. Afrikaanse nuus (kategorie)
  4. PRAAG staan Steve Hofmeyr by om hofbevel teen linkse teisteraar te verkry
  5. Rubrieke (kategorie)
  6. Sunette Bridges noem Roodt-uitspraak oor selfbeskikking ‘n ‘infame leuen’
  7. Steve sing ‘Die Stem’ en sensors slyp hul messe
  8. Storm om vloekende Jonathan Jansen en sy handlanger Rudi Buys
  9. Piet Croucamp vloek sy weg deur ‘n debat oor die bestaan van God
  10. Suider-Afrikaanse nuus (kategorie)
  11. Afrikaner-aktivis lê beslag op 80 rekenaars by SA Polisiehoofkantoor
  12. Menings (kategorie)
  13. Brittanje se koverte plan om SA van blankes te suiwer
  14. Verkiesing: Het Afrikaners Afrikanerskap verwerp?
  15. Dan Roodt se rubrieke (kategorie)
  16. Menings: Briewe (kategorie)
  17. Honderde mense sluit binne ure by Front Nasionaal aan
  18. Die lot van blankes in Afrika
  19. Wreedheid van jongste plaasmoord skok
  20. Ope brief aan Steve Hofmeyr
  21. Joodse advokaat argumenteer swartes ‘mag maar doodmaak weens apartheid’
  22. ‘Apartheid-twiet’: Wat wou Steve Hofmeyr eintlik sê?
  23. Die akademiese skollie Pierre de Vos
  24. Naspersprokureur pleit dat Dan Roodt tronkstraf kry
  25. Uit die Donker Verligting: ‘n rooi pil vir Afrikaners

Nog lande sluit by soektog na AirAsia-vlug aan

Die lugsoektog na die Air Asia-vliegtuig met 162 mense, wat oos van Java verdwyn het, sal Dinsdagoggend voortgaan.

Daar is nog geen aanduidings van waar die vliegtuig kon geval het nie.

Twee oliekolle is in die see opgemerk, terwyl ‘n Australiese vliegtuig drywende voorwerpe honderde kilometer verder gewaar het.

Meer as vyftien vliegtuie en 30 skepe neem vir die derde dag aan die soektog deel.

Die hoof van die Indonesiese Nasionale- en Soek-agentskap glo dat die vliegtuig iewers ter see geval het.

Lugverkeerbeheer het kontak met vlug QZ8501 verloor sowat ‘n uur nadat dit Sondag by die Juanda Internasionale Lughawe in Surabaya opgestyg het.

Nog lande gaan by die soektog na die vermiste passasiersvliegtuig van Air Asia aansluit, nadat die Amerikaanse vloot Dinsdag aangekondig het dat hulle aan die soektog in die Java See gaan deelneem.

Daar sal egter ook op land gesoek word. Minstens 21 vliegtuie en 30 skepe van lande soos Indonesië, Australië, Maleisië, Singapoer en Suid-Korea help reeds met die soektog oor ‘n gebied van sowat 10 000 vierkante seemyl.

China sal ook aan die soektog deelneem.

Nkandla se eerste sondebok behou werk

‘n Werknemer van die departement van openbare werke is die eerste sondebok van die omstrede opgraderings van R246 miljoen aan pres. Jacob Zuma se huis in Nkandla, het City Press Sondag berig.

Volgens bronne is Itumeleng Molosi (58), direkteur van projekte, geskors nadat hy skuldig gepleit het op aanklag dat hy onreëlmatig kontrakteurs aangestel het en aanskaffingsprosedures verontagsaam het, het die koerant berig.

Hy het glo verlede Maandag die ooreenkoms onderteken nadat hy onderneem het om skuldig te pleit.

Molosi sal glo sy pos behou nadat die departement hom twee maande lank sonder betaling geskors het.

Volgens Molosi het hyself asook ander werknemers onder druk geswig om prosedures te verontagsaam omdat dit die president se huis was.

Elf ander beamptes, wat almal deur die Vereniging vir Staatsamptenare (PSA) verteenwoordig word, kan soortgelyke ooreenkomste aangaan om uitgerekte verhore te vermy.

 

AirAsia-vliegtuig vermoedelik op seebodem

Daar word vermoed dat die vermiste AirAsia-vliegtuig van vlug QZ8501 wat Sondag tussen Surabaya en Singapoer verdwyn het, op die bodem van die see verkeer. Die soektog daarna word vanoggend voortgesit.

Die lugredery het verklaar dat hy alle pogings steun om die vliegtuig te vind en sy volle samewerking bied.

Die lugredery het bevestiging ontvang van die Nasionale Soek- en Reddingsagentskap van die Republiek van Indonesië (Basarnas) dat ʼn internasionale opsporings- en reddingspoging van Indonesië, Singapoer en Maleisië geloods is.

AirAsia het intussen ʼn regstelling uitgereik oor die nasionaliteit van die passasiers en bemanning aan boord van vlug QZ8501. Een van die passasiers is van die Verenigde Koninkryk, een van Singapoer, een van Maleisië, drie van Suid-Korea, en 149 van Indonesië. Een van die bemanningslede is van Frankryk en ses van Indonesië.

Die vliegtuig is ʼn Airbus A320-200 met die registrasienommer PK-AXC. Dit het soek geraak nadat die kaptein, wat oor 20 537 vlugure se ervaring beskik, versoek het om die vlugroete  weens gure weersomstandighede aan te pas.

Nuwe boek werp lig op ANC se terreurveldtog

‘n Nuwe boek werp lig op ‘n sogenaamde ‘n mislukte operasie om ANC-leiers te vermoor in ballingskap.

Die boek wat pas in Brittanje verskyn het, Iron Fist from the Sea: South Africa’s Seaborne Raiders 1978-1988, vertel hoe skilderye met plofstof gelaai, sou gebruik word.

Die vliegtuig vol spesmagsoldate wat die “gelade” skilderye sou aflewer het egter in mistige weer omgedraai.

Dit is een van die dosyne verrassende onthullings waarin besonderhede van bedrywighede van ‘n geheime Suid-Afrikaanse Weermag-eenheid in die 70’s en 80’s oopgevlek word.

Baie min van die lede was ouer as 25. Hule moes onder uiters moeilike omstandighede, lang afstande en min bystand, die ANC se terreurveldtog stuit.

Hoewel die aanval op die ANC-leierskap in ‘n boskamp in Tanzanië afgelas is, was dosyne ander missies suksesvol, insluitend ‘n aanval op ‘n olie-raffinadery in Luanda asook die bombardement en sink van sewe skepe.

Die boek vertel ook hoe twee Suid-Afrikaanse recce’s Thabo Mbeki in ‘n restaurant in Dar es Salaam afgeluister het. Mbeki was ‘n ontwykende en sentrale figuur in die terreurveldtog.

Die skrywers van die boek is luitenant-kolonel Douw Steyn en skout-admiraal Arne Söderlund, twee SAW-offisiere.

Dit onthul van die bedrywighede van een van die mees gevreesde SAW-spesmageenhede,  4 Reconnaissance Regiment – “4 Recce” – ‘n eenheid wat saam met die vloot teikens so ver as Cabinda in Angola naby die mond van die Kongorivier getref het.

Steyn en Söderlund was meer as vyf jaar saam lede van die eenheid, wat digby Langebaan, noord van Kaapstad, gestasioneer was.

Hulp is ook verkry van Russiese veterane om ‘n akkurate weergawe te verseker.

“‘n Klein aantal ex-SAW-lede was nie gelukkig oor die boek nie, maar ons het gevoel dat die geskiedenis aangeteken moes word, en het geweet dat al die bedrywighede uitgevoer is met behoorlike politieke goedkeuring en toesig en streng beheer,” sê Söderlund.

Die boek is ook gebaseer op die skrywers se persoonlike ervaring. Steyn was operasionele bevelvoerder van die 4 Recce-groep en Söderlund was later Suid-Afrika se militêre attaché in Londen en betrokke in die oprigting van die post-apartheid vloot.