praag.co.za

Tag: Lesotho

  • Vermeende korrupte Lesotho-immigrasiebeamptes voor

    Vermeende korrupte Lesotho-immigrasiebeamptes voor

    Vier-en-twintig swart verdagtes wat immigrasiebeamptes insluit, het in die landdroshof in Ladybrand in die Vrystaat verskyn op aanklagte van bedrog en korrupsie.

    Die polisie sê nog twee verdagtes is Maandag in hegtenis geneem.

    Die inhegtenisnemings volg na ‘n ondersoek deur die Valke en die departement van Binnelandse Sake wat twee jaar geduur het.

    Die verdagtes het glo omkoopgeld aanvaar in ruil vir vervalste dokumente by die Maseru-grenspos. Ses van die hulle is glo Lesotho-burgers.

    Die verdagtes is tussen 28 en 41 jaar oud en is in hegtenis geneem met die beëindiging van Projek Cone.

    Die saak is uitgestel tot 10 en 11 Oktober vir formele borgtogaansoeke. Die verdagtes sal in aanhouding bly.

  • Lesotho al byna ingelyf by SA

    Lesotho al byna ingelyf by SA

    Buurland Lesotho is byna al ingelyf by Suid-Afrika, want die twee “deel ‘n spesiale verhouding”. Dit is die mening van die minister van binnelandse sake, Malusi Gigaba.

    Hy het by die Maseru-grenspos gepraat en gesê dit moet makliker vir hul burgers gemaak word om te beweeg tussen die twee lande.

    Lesotho is in wese ‘n Bantoetuisland wat danksy Britse beskerming 1994 oorleef het, maar ekonomies nie sonder Auid-Afrika lewensvatbaar is nie. Byna al die land se inwoners werk in Suid-Afrika.

    Die land se strategiese voordeel is dat hulle – Brittanje dus – die water van Suid-Afrika se ekonomiese hartland beheer.

    Gigaba het gesê Suid-Afrika mag nie Lesotho se burgers in hul land afsonder nie, omdat hulle gereeld reis na Suid-Afrika “om verskeie redes”.

    Gigaba het gesê dat hulle probeer om twee hoofdoelwitte na te streef, naamlik om die verblyf van Lesotho-burgers te vergemaklik en om beweging tussen die twee lande te regulariseer.

    Hy het verduidelik dat hulle tans na die volgende fase beweeg, waar die twee lande hul databasisse sal deel.

     “Dit is om te verseker dat Lesotho-burgers wat reis na Suid-Afrika hul paspoorte gereed sal hê. Ons sal egter nie paspoorte stempel nie. Dit sal mense help deurdat hulle nie genoodsaak sal word om gereeld hul paspoorte te vervang weens bladsye wat gevul word met stempels nie. Dit gaan ‘n groot stap vorentoe wees in terme van die verhouding tussen die twee lande,” het Gigaba gesê.

    Die Departement van Binnelandse Sake het reeds meer as 80 000 aansoeke sedert gister ontvang vir die spesiale permit.
     
    Volgens Gigaba is ongeveer 54 000 van die aansoeke aanlyn ingedien en 51 000 van die aanlyn-aansoeke is reeds verwerk.

    “Dit beteken dat ons min of meer 34 000 mense se aansoeke nog moet verwerk as hulle aanmeld om betalings te kom maak by die Visumfasiliteringsentra.”

  • Veediefstal kos boere ten minste R1,5 miljard per jaar

    Veediefstal kos boere ten minste R1,5 miljard per jaar

    Skaapboere in die Vrystaat ly verliese van sowat R1,5 miljard per jaar as gevolg van veediefstal.

    Dit is volgens navorsing deur WA Lombard, ‘n student in landbou-ekonomie wat aan sy Meestersgraad aan die Universiteit van die Vrystaat werk.

    Die ysingwekkende bedrag het aan die lig gekom in ‘n verklaring wat uitgereik is deur Vrystaat Landbou se Veiligheidstruktuur.

    Lombard se navorsing het net gefokus op direkte verliese, wat daarop dui dat indien die verlies van teeldiere of beter gene in ag geneem word, die werklike syfer soveel as R2 miljard per jaar kan beloop.

    VL het beklemtoon dat ‘n ernstige toename in veediefstal sedert die begin van 2016 waargeneem is.

    Een voorbeeld is in die Steynsrus-gebied, wat drie keer tussen April en 20 Junie getref is en waar tot 31 skape geslag is per voorval.

    In ‘n ander geval in die Oos-Vrystaat is hoëgehalte stoetbulle van R450 000 gesteel en later geslag in die veld gekry.

    Die navorsing het ook beklemtoon dat in die verslagdoening van veediefstal, daar tussen 60% en 70% gevalle nie eers aangemeld word nie.

    Veediefstal se probleemareas sluit in Bethlehem, Ficksburg, Bloemspruit, Harrismith, Phuthaditjaba, Selosesha, Zastron, Heilbron, Vrede en Bothaville.

  • Plaasaanvallers van Clocolan vlug na Lesotho

    Plaasaanvallers van Clocolan vlug na Lesotho

    Die polisie in die Vrystaat soek steeds na sewe swart aanvallers wat ‘n boer van die Clocolan-distrik en sy gesin in hul plaashuis vasgebind en beroof het.

    Vier rowers, waarvan twee gewapen was, het Carl du Randt, sy vrou, Lydia, en hul agtjarige seun, Carl, Sondag omstreeks 18:00 in hul motorhuis ingewag, het OFM berig.

    Die aanvallers het ’n wapen op Du Randt gerig en sy hande met polisieboeie agter sy rug vasgemaak. Die swart booswigte, waarvan drie klapmusse aangehad het, het geld geëis. Du Rant is gedwing om die kluis in die egpaar se slaapkamer oop te maak.

    Geld en ‘n jaggeweer is gebuit. Die gesin is in die studeerkamer vasgebind, waarna die vier aanvallers en drie van hul makkers wat buite gewag het, huisware op Du Rant se bakkie gelaai en weggejaag het.

    Du Randt sê hy het die hele tyd kalm gebly en gedoen wat hulle van hom vra.

    “‘n Mens word onkant gevang en kan nie 24-uur per dag daarop voorbereid wees nie, maar dit is belangrik om kalm te bly,” sê Du Randt.

    Carl Jr. kon homself loswikkel en het op ‘n tweerigtingradio hulp ontbied. Van die Du Randt’s se bure het die aanvallers agternagesit.

    Du Randt sê die boere was kort op die gespuis se hakke, waarna hulle van die bakkie afgespring het en weggehardloop het.

    Die aanvallers het vermoedelik deur ‘n leë Caledonrivier na Lesotho ontsnap. Al die gesteelde goedere is teruggevind behalwe die geld.

    Die polisie werk glo nou saam met owerhede in Lesotho om die aanvallers te soek.

  • Lesotho: Redakteur geskiet

    Lesotho: Redakteur geskiet

    Die redakteur van die Lesotho Times en Sunday Express koerante Lloyd Mutungamiri is geskiet en gewond by sy huis in die hoofstad Maseru.

    Hy is geskiet omstreeks middernag Saterdag toe hy sy motor geparkeer het ná sy terugkeer van die werk af.

    Sy vrou Tsitsi Mutungamiri het gesê sy het ‘n paar skote gehoor en om hulp geskree.

    Sy het haar man bebloed neffens die motor aangetref nadat een koeël sy kakebeen verpletter het.

    Die skietery kom na wat ‘n paar moeilike weke vir die koerant maatskappy, Africa Media Holdings (AMH), was.

    Die koerant staar groot vyandigheid het die gesig van die regering van premier Pakalitha Mosisili wat die mediagroep daarvan beskuldig het dat hulle te krities is.

    Mutungamiri is vir ondervraging deur speurders ingeroep op 23 Junie nadat die Lesotho Times twee verslae gepubliseer het wat die bevelvoerder van die Lesotho Weermag (LDF) Tlali Kennedy Kamoli in ‘n slegte lig stel.

    Volgens een berig sou die regering van Lesotho ‘n stewige R40 miljoen uitbetaal aan Kamoli om die LDF te verlaat.

    Dit was in lyn met ‘n aanbeveling deur die Suider-Afrikaanse Ontwikkelingsgemeenskap (SAOG) na ‘n ondersoek om onstabiliteit in Lesotho te bekamp deur Kamoli te onthef van sy pos.

    ‘n Tweede satiriese stuk het voorgestel dat Lesotho veel beter af sou wees sonder Kamoli.

  • Sewe swartes vas wat glo gesteelde beeste wou verkoop

    Sewe swartes vas wat glo gesteelde beeste wou verkoop

    Sewe swartes, wat van veediefstal verdink word, sal na verwagting aansoek doen om borgtog in die landdroshof op Ventersburg in die Vrystaat nadat hulle verlede maand in hegtenis geneem is toe hulle beweerde gesteelde beeste probeer verkwansel het.

    Die verdagtes is Mc Donald Tladi (42), Samuel Ralenki (35), Innocent Thabethe (21), Hendrik Thekiso (29), Mohaeka Kamohelo (26), Ntsokoane Motsoloane (23) en Motiki Tseisi (23).

    ‘n Veespekulant het onraad vermoed toe hy telefonies deur ‘n man genader is wat beeste ter waarde van sowat R400 000 aan hom te koop aangebied het.

    Die veespekulant is toe deur ‘n onbekende man na die plaas buite Winburg vergesel, waar die beeste in ‘n weikamp aangehou is.

    Hy het egter snuf in die neus gekry toe hulle ‘n alternatiewe hek na die plaas gebruik het, omdat die hek by die hoofingang gesluit was.

    ‘n Lid van die polisie se veediefstaleenheid sê die veespekulant het daarna die polisie genader.

    Ná ‘n polisieondersoek het dit aan die lig gekom dat die beeste nie aan die mans behoort nie. Dit is ook nie die swartes se plaas nie.

    Al die verdagtes, waaronder drie Lesotho-burgers, is op die plaas in hegtenis geneem toe hulle die diere aan die veespekulant en ‘n polisiebeampte, wat hom voorgedoen het as ‘n vennoot van die veespekulant, wou verkoop.

    Die polisie het ‘n beroep op boere en vee-eienaars gedoen om op hul hoede te wees vir booswigte wat onwettige veetransaksies wil aangaan.

    Mense moet bedag daarop wees wanneer hulle telefonies genader word om vee te koop. Sodra voornemende kopers by die transaksies betrokke raak, moet hulle versigtig wees en seker maak dit is nie gesteelde diere wat aan hulle verkoop word nie.

    Diere moet gebrandmerk word kragtens die wet op diere-identifikasie.

  • Vermeende swart reeksmoordenaar verskyn

    ‘n Vermeende swart reeksmoordenaar verskyn na verwagting vandag weer in die Kestell-landdroshof nadat die polisie altesaam ses lyke uit vlak grafte op ’n plaas in die distrik gehaal het.

    Lentsha Molefe (32), ’n seisoenwerker van Lesotho, is op 26 Oktober 2015 in hegtenis geneem nadat die lyke van twee vroue uit vlak grafte op die plaas Geduld gehaal is.

    Volgens polisiewoordvoerder in die Vrystaat, Thandi Mbambo, is nog vier lyke later uit grafte op die plaas gehaal nadat Molefe die plekke aan die polisie uitgewys het.

    Een van die slagoffers is die ma van Molefe se vierjarige dogter. Al die slagoffers was vroue, behalwe ’n driejarige seun.

    Molefe verskyn op ses aanklagte van moord.

  • Vermeende swart reeksmoordenaar verskyn

    ‘n Vermeende reeksmoordenaar verskyn na verwagting vandag in die Kestell-landdroshof nadat die polisie altesaam ses lyke uit vlak grafte op ’n plaas in die distrik gehaal het.

    Lentsha Molefe (32), ’n seisoenwerker van Lesotho, is op 26 Oktober in hegtenis geneem nadat die lyke van twee vroue uit vlak grafte op die plaas Geduld gehaal is.

    Volgens Vrystaat polisiewoordvoerder, Thabo Litabe, is nog vier lyke later grafte op die plaas gehaal nadat Molefe die plekke aan die polisie uitgewys het. Een van die slagoffers is die ma van Molefe se vierjarige dogter. Al die slagoffers was vroue, behalwe ’n driejarige seun.

    Litabi sê Molefe het na bewering in 2008 sy eerste moord gepleeg.

    Litabe sê Molefe het vier jaar later opgeskorte tronkstraf van twee jaar gekry nadat hy glo ’n gewese vriendin se kêrel aangerand het. Hy het toe na bewering die vrou daarna vermoor en haar lyk begrawe.

    Hy het dieselfde jaar ‘n derde vriendin vermoor omdat sy nie sy skuld wou betaal nie. Hy het haar seuntjie daarna verwurg en begrawe.

    Molefe verskyn vandag op ses aanklagte van moord in die hof.

  • Onwettige immigrante stroom oor Lesotho-grens

    Die departement van binnelandse sake in die Vrystaat sê sowat 2,5 miljoen mense het die afgelope vier maande die grens tussen Suid-Afrika en Lesotho oorgesteek.

    Dit is volgens ‘n voorlegging deur die provinsiale bestuurder van die departement, Bonakele Mayekiso, aan die parlementêre portefeuljekomitee oor binnelandse sake.

    Hy sê die meeste reisigers en pendelaars – meer as een miljoen – is by die Maserubrug-grenspos aangeteken.

    Mayekiso sê die grootste gedeelte van mense wat by grensposte aangedoen het sedert die begin van die nuwe finansiële jaar, is buitelanders.

    Hy sê die departement het sowat 2 800 onwettige buitelanders opgespoor en meer as 1 800 is gedeporteer.

    Komiteelede het aangedui dat die koste van die deportasie van Lesotho-burgers bereken behoort te word.

    Suid-Afrika het intussen ontken dat hy gevra is om van die migrante wat Europoa binnestroom, ook te huisves.

    ‘n Woordvoerder van die Departement van Binnelandse Sake, Mayihlome Tshwete, sê Suid-Afrika verleen bystand met bydraes aan die VN-agentskappe.

    Daar nog geen versoeke van die Europese lande nie, sê Tshwete. THy het bygevoeg dat enige versoeke aan die asiel-wetgewing moet voldoen.

    Hy sê Suid-Afrika het reeds die meeste asielsoekers ter wêreld.

    Vroeër het Nieu-Seeland aangekondig dat hy 150 vlugtelinge sal aanvaar. Duitsland en Frankryk het gesê hulle sal 55.000 vlugtelinge huisves.

  • Patoloë na Lesotho om sluipmoord te ondersoek

    Die kantoor van adjunk-president Cyril Ramaphosa sê twee Suid-Afrikaanse patoloë gaan na Lesotho gestuur word om die omstandighede te ondersoek rondom die dood van die voormalige weermagbevelvoerder, luitenent-generaal Maaparankoe Mahao.

    Ondersoekbeamptes van Zimbabwe en Namibië sal ook deel wees van die ondersoek.

    Leiers van die Suider-Afrikaanse Ontwikkelingsmeenskap het Vrydagaand ‘n dringende ondersoek na sy dood gelas.

    Ramaphosa se mandaat as SAOG-fasiliteerder in Lesotho is ook hernu.

    Die regering van die koninkryk glo nou dat hy vermoor is in ‘n militêre operasie wat verkeerd geloop het.

    Maar Koffi Kouakou, ‘n senior dosent aan die School Governance van Wits Universiteit, het gesê Mahao is vermoor in ‘n poging om die ondersteuningsbasis van die voormalige eerste minister van Lesotho, Tom Thabane te vernietig.

    Hy het gesê die bedoeling van so ‘n sluipmoord sou ook wees om die klein koninkryk te destabiliseer en pogings om stabiliteit te herstel, te ondermyn.

    Kouakou sê die grootste gevaar is dat die Thabane-kamp wraak sal soek en daarmee Suid-Afrika dwing om militêr in te gryp in Lesotho.

    Volgens berigte het die opposisie-leiers, joernaliste en prokureurs wat teen premier Pakalitha Mosisili en sy weermag hoof, Tlali Kamoli gekant is, uit die land gevlug.

    Drie opposisieleiers het glo uit die land gevlug, uit vrees vir hul lewens. Dit sluit in die voormalige eerste minister Tom Thabane, wat ‘n bondgenoot van Mahao was.

  • Meer onbestendigheid in Lesotho na sluipmoord

    Adjunk-president Cyril Ramaphosa is dringend na Lesotho gestuur om met die premier Pakalitha Mosisili, te beraadslaag ná kommer oor meer politieke onbestendigheid in die Britse bantoestan.

    Die Suider-Afrikaanse Ontwikkelingsgemeenskap sê dit volg nadat drie opposisiepartyleiers uit die land gevlug het en die onlangse moord op die voormalige weermagbevelvoerder in Lesotho, brigadier Maarparankoe Mahao.

    Die Verenigde Nasies en die Afrika Unie het die dood van Mahao veroordeel.

    Die VN se sekretaris-generaal, Ban ki-Moon het die regering versoek om die skuldiges aan te kla. Die voorsitter van die Au-kommissie, Nkosazana Dlamini-Zuma, sê hulle veroordeel dit ten sterkste.

    Die Regering van Lesotho sê dit het gebeur toe die soldate hom in hegtenis wou neem vir die beweerde mislukte staatsgreep verlede jaar.

    Ramaphosa is die SAOG se fasiliteerder oor Lesotho.

    Ramaphosa se ingryping kom nadat die minister van verdediging, Nosiviwe Mapisa-Nqakula vroeër ‘n afvaardiging, wat Suid-Afrika, Namibië en Zimbabwe insluit, na die land vergesel het vir samesprekings om glo sekere staatsliggame se verantwoordbaarheid aan die uitvoerende gesag te verseker en te versterk.

    Mosisidi het Atul Gupta en sy neef, Essa Omar Aziz as sy raadgewers intussen afgedank na die moord. Hul paspoorte wat deur Mosisidi se voorganger, Tom Thabane uitgereik is, is ook teruggetrek.

    Thabana se administrasie het aangevoer dat die Guptas Lesotho sou help om buitelandse beleggers te kry, maar Mosisidi se party, die Demokratiese Kongres, het dit teengestaan.

    Die party sê om aan die Guptas diplomatieke paspoorte te gegee het was ‘n verleentheid in die lig van die Guptas se omstredenheid in Suid-Afrika.

    Mosisidi se woordvoerder het die regering se standpunt bevestig en sê die Guptas voeg geen waarde tot Lesotho toe nie.

  • Vyf miljoen swartes kry skottels vir digitale TV

    Die departement van kommunikasie gaan buurlande help om satellietskottels aan te skaf sodat hulle SABC-propaganda kan volg.

    Die regering het ‘n veldtog aangekondig wat veral swart Suid-Afrikaners in staat sal stel om met skottels en toestelle uitsaai-seine na digitaal om te skakel.

    ‘n Woordvoerder van die Departement van Kommunikasie, Solly Mokoetle het bevestig dat die regering vyf miljoen swart huishoudings gaan help met toestelle om die uitsaai-seine om te skakel.

    Dié maatreëls word onderneem ter voorbereiding van die omskakeling van analoog na digitaal-uitsendings van Junie vanjaar af.

    Wit kykers sal self vir die omskakeling moet betaal as hulle belangstel om die SABC se volg.

    Mokoetle sê dit is belangrik om inwoners op die grense van Namibië, Botswana, Mosambiek, Swaziland en Lesotho eerste te help.

  • Kommer dat weermag nie uitslag in Lesotho aanvaar nie

    Dit is nie seker of adj.pres. Cyril Ramaphosa se pogings om stabiliteit in Lesotho te bewerkstellig, suksesvol sal wees nie.

    Rama­phosa is deur die Suider-Afrikaanse Ontwikkelingsgemeenskap aangewys om as hooffasiliteerder op te tree wat tot die verkiesing gelei het.

    Terwyl die ver­kiesing Saterdag vreedsaam verloop het en die leiers van die vier die grootste partye aan internasionale waarnemers die versekering gegee het dat hulle wel die uitslag van die verkiesing sal eerbiedig, bestaan kommer dat senior weermagoffisiere nie die uitslag sal aanvaar nie.

    Mothetjoa Metsing van die Lesotho Congress of Democrats (LCD), die party wat Lesotho tussen 1993 en 2012 regeer het, geniet steeds steun onder senior weermagoffisiere, terwyl premier Tom Thabane, van die All Basotho Convention, homself voortdurend teen die weermag verset.

    Sy herverkiesing kan dus tot geweld lei. Hy het gewaarsku dat Lesotho nie ‘n “eiland” is nie en moet kennis neem van die wense van SAOG.

    Thabane het die weermaghoof, lt.genl. Thali Kamoli, vroeër van sy pos onthef en sy afdanking het uiteindelik tot die mislukte staatsgreep gelei toe soldate wat ‘n polisiekantoor in Maseru aangeval het, Thabane se huis bestorm het, en die premier gedwing het om na Suid-Afrika te vlug.

    Thabane het onderneem om die aanstigters van die mislukte staatsgreep in Augustus verlede jaar te vervolg, wat die moontlikheid van geweld na die verkiesing verhoog.

    Indien geen party ‘n volstrekte meerderheid behaal nie, sal partye tot koalisiesamesprekings gedwing word.

    Intussen loop die party van Thabane ver voor, selfs in wyke waar sy teenstander tradisioneel goed gevaar het.

    Die stemme word nie elektronies getel nie, maar met die hand, het ‘n OVK-amptenaar Rethabile Pholo gesê.

    Volgens die plaaslike media, het sowat 1,2 miljoen mense – uit ‘n bevolking van 2,2 miljoen – geregistreer om te stem.

  • Waarnemers glo Lesotho reg vir stem

    Verkiesingswaarnemers van die Afrika Unie glo dat Lesotho gereed is om môre na die stembus te gaan, het RSG berig.

    Die span van 40 waarnemers is reeds vir meer as ‘n maand in Lesotho. Die leier, Raila Odinga, sê hoewel daar uitdagings is, glo die span dat die speelveld gelyk is en dat ‘n vry en regverdige verkiesing moontlik is.

    Meer as een komma twee miljoen kiesers sal na die stembus gaan. Die verkiesing is met twee jaar vervroeg om ‘n einde aan politieke onstabiliteit in die bergkoninkryk te bring.