grondwet – Bladsy 2 – praag.co.za

Mandela-advokaat probeer walgooi teen erfenisvandalisme

Advokaat George Bizos het ‘n beroep op jong Suid-Afrikaners gedoen om hulle te weerhou van geweld wanneer hulle kwessies soos standbeelde takel, en eerder die Grondwet as riglyn te gebruik.

Bizos het Nelson Mandela tydens sy hoogverraad-verhoor in die 1960’s verteenwoordig. Hy het ‘n lesing aangebied oor gedeeltes van die Grondwet by die Universiteit van KwaZulu-Natal.

Bizos sê hy steun die studente van die Universiteit van Kaapstad oor die verwydering van Cecil John Rhodes se standbeeld, maar sê geweld en vandalisme is strydig met die Grondwet.

Na wekelange betogings is Cecil John Rhodes se standbeeld is gister met ‘n hyskraan van die Universiteit van Kaapstad se gronde, waar dit vir agt dekades lank gestaan het, geskuif.

Die rektor van die UK, Max Price, sê “die meeste” belanghebbendes is is verheug omdat die standbeeld afgebreek is.

Die universiteit het strydig met wetgewing opgetree en prosedures betreffende erfenissimbole verontagsaam.

Wit studente by die UK is ontsteld oor die raadsbesluit om die standbeeld af te breek en sê dit kom neer op onverdunde rassisme, aangesien swart studente se grootste aanklag teen Rhodes is dat hy wit was.

Boendoeregter pak Steve Hofmeyr by KKNK

Steve Hofmeyr word verbied om in Oudtshoorn op te tree, maar sy handelsmerknaam word uitgebuit om kaartjies te verkoop vir ‘n boendoehof wat tans in sy afwesigheid plaasvind by die KKNK.

Prof. Pierre de Vos, ‘n giftige anti-wit aktivis wat homself voordoen as ‘n grondwetkenner, het onder meer sonder ironie verklaar dat dit nie op sensuur neerkom om Hofmeyer te verbied om op te tree nie.

Die gehoor kon klaarblyklik nie fout vind met dié onsinnigheid nie, ‘n aanduiding van die lae vlak van gesprekvoering by die “debat”.

Die Burger se absurde aanbieding oor “vryheid van spraak” by die sukkelende kunstefees veronderstel ook dat diegene wat reeds geen vryheid het om op te tree nie, ook nie hulself in die openbaar mag verdedig teen kwaadwillige aanvalle van die mediamonopolie nie.

De Vos was een van die paneellede van die boendoehof. Terwyl hy openbare sensuur as sy eie persoonlike voorreg voorgehou het, het hy ook verklaar dat Hofmeyr nie in staat is om ‘n “redelike” debat met hom te voer nie.

Dat Hofmeyr verhoed word om dit te doen, het die “kenner” blykbaar nie opgeval nie.

Duisende mense wat nie meer kans sien vir die KKNK-klug nie het intussen Hofmeyr se boodskap op Facebook ondersteun waar hy ‘n oproep om eenheid teen dié ongeregtigheid gedoen het: “Ek staan op vir julle. Wie sal saam my staan!?”

Die Burger-gespreksreeks het weereens die gehoor se vrees vir swartes uitgebuit. Daar is onheilspellend gevra of kunstenaars volle vryheid het om “enigiets” op die verhoog te sing of te sê. Daarmee is eintlik bedoel of dit iets mag wees wat ongelukkigheid by swartes mag veroorsaak en wat hulle tot verdere geweld sal dryf.

Talle in die gehoor het instinktief op hul vrees vir swart geweld gereageer en Hofmeyr verkwalik daarvoor in ‘n klassieke geval waar die boodskapper en nie die boodskap nie, aangeval word.

Die “grondwetkenner” het dié opsetlike denkfout aangemoedig met herhaaldelike skerp persoonlike aanvalle teen Hofmeyr.

“As ek besluit dat ek nie vir Steve uitnooi na ’n braai nie, het dit nie eintlik ’n effek nie, behalwe dat ek nie na Neil Diamond-covers hoef te luister nie,” het De Vos sarkasties, uit die hoogte, verklaar.

Die Burgerreeks se organiseerders was duidelik ten gunste van sensuur om “kunstenaars wat omstrede politieke uitlatings maak”, dws diegene soos Hofmeyr wat kwelvrae oor swart geweld opper, nie uit te nooi nie.

Lede van die gehoor en die drie paneellede het daarna ‘n versiersuikerlagie op hul onverkwiklikhede teen Hofmeyr se eerlike taksering probeer smeer.

Hofmeyr het Dinsdag gesê De Vos het in dié “dwepende KKNK-gesprek” versuim om te noem dat nóg sy uitspraak nóg sy twiet aan rassisme “skuldig bevind” is.

“Hoe weet ek dit, Pierre de Vos? Want ek sing steeds elke aand in die geselskap van tientalle borge en institusies wat my klaarblyklik onskuldig bevind het,” het hy geskryf.

Hy meen De Vos, die feesraad en “hierdie linkse kangaroe-hof” het geen oordeel aan die publiek oorgelaat nie. “Dis hierdie reg wat onse grondwetkenner van jou, die feesganger en die publiek weerhou omdat hulle jou sien as onoordeelkundig en nie opgewasse genoeg vir jou eie oortuigings nie.”

As komediante op die fees “laakbare, godslasterlike, seksistiese drek” kwytraak, word daar anderpad gekyk en dit as “konteks” afgemaak, meen hy.

“Maar my konteks word my ontneem: my konteks is natuurlik die ‘waarheid’, wat oënskynlik taboe geword het in die nasionale narratief.”

Hofmeyr het sy gehoor en die boendoeregters daaraan herinner dat “nie een enkele persoon nog ooit gewelddadig geraak [het]. . . na aanleiding van die sing van ‘Die Stem’ nie”.

Tesourie gaan fondse van wanbetalende munisipaliteite terughou

Die Nasionale Tesourie sê hy gaan die oorbetaling van fondse aan munisipaliteite terughou weens hulle versuim om Eskom en ander diensverskaffers te betaal.

Die Tesourie, wat verantwoordelik is vir die bestuur van Suid-Afrika se nasionale regeringsfinansies, het gesê dat die aanhoudende versuim deur sommige krediteure om binne 30 dae te betaal neerkom op finansiële wanbestuur.

Munisipaliteite skuld volgens ‘n verklaring deur die Tesourie vir Eskom en water-verskaffers miljarde rande.

Die weerhouding van fondse aan soveel as 60 munisipaliteite wat Eskom en addisionele krediteure R9 miljard skuld is reeds vanaf 20 Maart 2015 van krag.

Die besluit is geneem weens die versuim om hul finansiële verpligtinge na te kom “en Eskom en ander dienslewering krediteure te betaal in ooreenstemming met artikel 65 (2) van die Wet op Munisipale Finansiële Bestuur, 2003 (MFMA, Wet No. 56 van 2003)”.

Artikel 216 (2) van die Grondwet bepaal dat die Nasionale Tesourie die oordrag van fondse aan ‘n staatsorgaan wat aanhoudend hul finansiële verpligtinge minag, mag staak.

“Munisipaliteite, was op 31 Desember 2014, aan Eskom R9 miljard verskuldig,” het die Tesourie gesê. Munisipaliteite skuld Waterrade verder R3.6 miljard, volgens die Tesourie.

In Februarie, het die Minister van Openbare Ondernemings, Lynne Brown, gesê dat die regering planne beraam om agterstallige skuld in te vorder.

Buitelander lewendig verbrand deur gepeupel

In die jongste voorval van vreemdelinghaat is ‘n buitelander lewendig aan die brand gesteek deur ‘n verwoede gepeupel in Soweto.

In nog ‘n voorval is twee mense in hegtenis geneem vir diefstal van goedere uit ‘n buitelandse winkel in Thembelihle, Lenasia. Altesaam 180 mense is reeds verlede maand vasgetrek vir ivm plundery en geweld.

Die buitelander is ernstig beseer toe die skare Donderdag in Doornkop in Soweto paraffien oor hom uitgegooi het en hom aan die brand gesteek het nadat hy aangesê is om die plek te verlaat.

Lt. Kay Makhubela, woordvoerder van die polisie, het die voorval bevestig. “Polisiebeamptes het na die toneel gehaas om hom te red. Hy is baie ernstig beseer en is na ‘n hospitaal geneem.”

Niemand is nog in verband met die voorval in hegtenis geneem nie.

Vier buitelanders is in ‘n afsonderlike voorval in hegtenis geneem toe ‘n groep swart plaaslike inwoners hul winkel begin plunder het.

“Een van die buitelanders het ‘n in die lug gevuur,” volgens Makhubela. Die polisie het die vuurwapen daarna gekonfiskeer. Nie een van die plaaslike inwoners is in hegtenis geneem nie.

Verskeie buitelandse winkels loop in Gauteng onder plundery deur nadat die 14-jarige Siphiwe Mahori op 19 Januarie doodgeskiet is.

Mahori was deel van ‘n skare wat ‘n Somaliër se winkel in Snake Park in Soweto wou beroof. Die onrus het van Soweto na Kagiso aan die Wes-Rand oorgespoel, asook Sebokeng in die Vaal, Edenpark in Ekurhuleni en Alexandra in Johannesburg.

Verskeie mense is dood, insluitend ‘n baba wat tydens ‘n stormloop versmoor het.

Die geweld teen buitelanders se ondernemings regoor die land sal ondersoek word, die minister van Klein Sake, Lindiwe Zulu gesê.

“Die verlies van lewens en die vernietiging van eiendom moet in die sterkste moontlike terme veroordeel word,” het Zulu in ‘n verklaring gesê.

Sy het gesê ‘n span sal saamgestel word om die oorsake te ondersoek en aanbevelings te maak.

“Ons doen ‘n beroep op lede van ons gemeenskappe om saam te werk met die polisie en nie die reg in eie hande te neem nie.”

Sy het gesê almal wat in Suid-Afrika woon, insluitend buitelanders, is geregtig op beskerming onder die wet. In terme van die Grondwet, kan asielsoekers en vlugtelinge besighede in Suid-Afrika bedryf.

“Buitelanders wat besighede besit is ook onderhewig aan dieselfde belasting en heffings as Suid-Afrikaners,” het sy egter bygevoeg.

“Ons doen ‘n beroep op lede van ons gemeenskappe om aan staatsdepartemente en ander regeringsagentskappe die ruimte te laat om die situasie aan te spreek.”

Zulu is onlangs gesê buitelanders moet hulle handelsgeheime en sukses met die plaaslike bevolking deel.

“Swart mense was nooit deel van die ekonomie van Suid-Afrika in terme van die besit van enigiets nie. Daarom, as hulle sien dat ander mense van buite suksesvol is, voel hulle asof hulle uit daardie ruimte gesluit word deur buitelanders,” het sy aan Bloomberg op 28 Januarie gesê.

“Dit is belangrik vir buitelanders om hul sukses met Suid-Afrikaners te deel.”

Ouers by privaatskool teken petisie teen wit klasse

‘n Privaatskool in Pretoria het ‘n herrie veroorsaak omdat hulle glo leerlinge op grond van hul ras in klasse indeel, het Eyewitness News Donderdag berig.

Sekere ouers dring glo nou daarop aan dat die skool “in ooreenstemming met die land se Grondwet” handel. Kennelik meen dié ouers dat vryheid van assosiasie verontagsaam kan word.

Die beswaarde ouers wou glo weet hoekom sommige klasse net swart leerlinge bevat, terwyl wit leerlinge saam gegroepeer word.

Byna 30 ouers by die skool het na bewering ‘n petisie onderteken teen die Curro Roodeplaat Privaatskool in Pretoria.

André Pollard, streeksbestuurder van Curro Holdings, het ontken dat die skool leerlinge skei op grond van hul ras. “Dit is nie omdat ons die wittes wil skei nie, dit gaan oor vriendskappe. Kinders kan vriende maak met kinders van hul kultuur,” het hy aan die EWN gesê.

Pollard het gesê die aantal wit kinders in die skool is só baie min en daarom probeer die skool om hulle saam te groepeer.

“Sodra daar 12 of meer wit leerlinge is, word hulle verdeel en gelykop in ander klasse geplaas,” het Pollard verduidelik.

Pere de Vos se hartseerverhaal

Pierre de Vos klink deesdae vir my of hy die soort van afskuwelike sielshartseer ervaar wat die Hexvallei se werkers teister na ‘n uitmergelende dag se geswoeg, waar hy sy buurman verwurg het, sy vrou hospitaalryp geslaan het, die verkragte baba in die vuur gegooi het, en dan die enigste kas in sy armoedige, rookgevulde plakkersgehuggie oopgemaak het om te ontdek dat die papsak klaar is.

Pierre beteken glo klip in Frans, hoor Skoppensboer, maar hy dink dis ‘n verkeerde spelling vir die regte naam Pere. Niks aan die vent se hardvogtigheid is hard genoeg om nie onder die aanslag van ‘n paar sagte vrugte te vou nie. Nie dat Skoppensboer veel van Frans weet nie, maar dit staan nie in ons Grondwet nie.

Pere se pyn kom van sy bemoeienis met groot sake waar die leier van die Vrye Wêreld, sy swart rolmodel, daagliks stoei met sake van uiterste belang soos hoe om kougom ongesiens uit te haal as jy dit klaar oopbek gekou het. En ou Pere glo vas hy kan al hierdie planetêre kwessies in sy Morele Eskatalogie vir ons oorvertaal in Grondwets.

Skoppensboer verwonder hom altyd aan al die gemiddeldes wat nog nooit basiese wiskunde kon baasraak nie, maar die Grondwet voorhou as vordering op Fermat. Daar’s nou ‘n bietjie Frans wat Skoppensboer wel ken.

Uit Grondwets leer ons sulke dinge soos dat Pere skitter met projeksie waar hy die gewildste sanger in Suid-Afrika se ondersteuners as hartseer beskryf, terwyl hy met trane in sy nywieblou oopgerekte oë vas onder die indruk verkeer dat die aanvaarding van pedofilie ‘n hoofstroomdebat is. Dis om van te gril. En Skoppensboer gril nie maklik nie.

Die hele gegrondwettery is so opgeblaas soos ‘n leë papsak op ‘n Saterdagaand, dws baie opgepomp. Amper so baie dat ‘n mens se oë wil uitpeul daarvan. En diesulkes wat ons vertel hoe vreeslik ingewikkeld Grondwets is, het glo ewe erg gesukkel om deliktereg baas te raak.

Ewenwel, gelukkig is Skoppensboer nie op papsak nie, maar op papsakke van die tweebeenspesie wat al wat ‘n alie is moet lek teen hulle enorme hartseer van verlies. Die grootste verlies synde natuurlik die een aan waardigheid en eer soos hulle skarrel om nie van die anti-misdaad-, swart, bendewerende elektriese veiligheidsdraad af te val nie.

As daardie grondwetterkennis nog groter was, was dit so gevaarlik soos ‘n plassie op die vloer. Van daai waarna ‘n mens wys as jy sê: “Pasop! Moenie daarin trap nie!”.

Geen wonder die Katalane het dié week kies-‘n-vinger met Spanje se regering gespeel nie. Skoppensboer verneem hulle het Sondag vinger-etes, tapas, op die Spaanse grondwetters se dekrete bedien toe hulle gaan stem het vir onafhanklikheid.

Skoppensboer kan met redelike sekerheid dinge voorspel, en een is dat die wolf Rooikappie se grondwet gebruik het om sy smoel mee af te vee eers nadat hy haar ingesluk het, ten spyte van wat ou Pere homself wysmaak.

Dis nie dat Skoppensboer Grondwetsweersin wil aanwakker nie, maar waar gashere na parasietpartytjies uitgenooi word sonder ‘n waarskuwing, en dit in die naam van ‘n stel dooie letters wat mense soos Pere adverteer, sit hy sy voet dwars neer. Soos hulle in ‘n antieke taal sê: Aikôna!

Nog so ‘n man wat nie deur ‘n hartseer papsakstorie van stryk gebring word nie, is Skoppensboer se held, Wladimir.

Hier is die onlangse lugfoto van Poetin se motorkade. Duidelik was hy net agter Obama toe dit geneem is. Pere moet begin kennis neem van hoe dié manne rol.

Zuma maan Burkina Faso se junta

President Jacob Zuma het die bedanking van Burkina Faso se president, Blaise Compaore verwelkom en gesê dit is ‘n duidelike teken dat die dae van diktatorskap en militêre staatsgrepe in Afrika verby is.

Zuma sê Afrika moet aanvaar dat sy leiers demokraties verkies moet word.

Die Franse president Francois Hollande het die weermag in Burkina Faso vroeër gemaan om so gou moontlik die mag oor te gee aan ‘n burgerlike owerheid wat verkiesings in die land kan reël.

Die militêre leiers wat beheer van die land oorgeneem het ná die gedwonge bedanking van Compaore het vroeër onderneem om ‘n oorgangsleier aan te stel totdat ‘n nuwe regering aangewys word.

Compaore moes noodgedwonge bedank ná gewelddadige betogings toe hy probeer het om sy bewind van 27 jaar te verleng.

Frankryk het intussen gehelp het om Compaore uit die land te neem.

Dit was eers onduidelik hoe Compaore die land kon verlaat het. Hy het na die Ivoorkus uitgewyk.

Die Afrika Unie het Togo se voormalige eerste-minister, Edem Kodjo aangewys as spesiale gesant na Burkina Faso om die “demokratiese proses” te help bewerkstellig.

In 2013 was Burkina Faso nommer 129 uit 192 armste lande. Dit is egter ‘n ligpunt in Wes-Afrika, met sowat agt nuwe goudmyne in die ontwikkelingsfase, sowel as ‘n paar eksplorasieteikens.

Die Houndé-myn bevat klaarblyklik sowat 25 miljoen ton, met ‘n gemiddelde graad van 1,95 g / t goud.

Endeavour Mining verwag dat die huidige politieke onrus sy skedule vir sy Houndé projek sal vertraag tot ten minste ná verkiesings gehou is, wat na verwagting binne die volgende 90 dae gehou sal word.

Die land is tans onder militêre bewind en die grondwet is opgeskort.

Opposisie se Nkandla-veldtog stort in duie

Die parlementêre adhoc-komitee oor Nkandla het president Jacob Zuma in sy voorlopige verslag kwytgeskel van enige ongerymdhede met die opgraderings by sy privaat woning.

Mathole Motshega sê die “pay-back-veldtog” deur opposisie partye het in duie gestort.

Opposisiepartye het daarop aangedring dat die president ‘n gedeelte van die geld wat op Nkandla se opgraderings spandeer is, terugbetaal.

Maar Woensdag het die ANC die Wes-Kaapse hooggeregshof se beslissing tussen die DA en die SABC-voorsitter in die opposisie se neuse gevryf oor Nkandla.

Luidens die beslissing strek die magte van die Openbare Beskermer, Thuli Madonsela, nie so ver as wat die DA beweer tov Nkandla nie.

Die hof het bevind dat die remedieerende optrede deur die Openbare Beskermer nie bindend is nie.

Die ANC-lid van die komitee, Motshega is van mening dat die hofuitspraak die komitee se bevindinge regverdig.

“Die uitspraak sê as die Grondwet in die vooruitsig gestel het dat die remedieerende optrede van die Openbare Beskermer bindend moet wees, sou dit so gesê het. Dit sê nie so nie en die Wet op die Openbare Beskermer sê ook nie so nie.”

“Die terugbetaalveldtog het dus in duie gestort as gevolg van die hofbevel en die briewe wat geskryf is [deur Madonsela], het hul geldigheid verloor. So ek is bly dat die regbank van hierdie land ons regtig behoorlik gelei het. Ons sal in staat wees om vorentoe te beweeg met spoed sonder enige verwarring van enigiemand se kant.”

Die komitee wat slegs uit ANC-lede bestaan nadat die opposisie uit die komitee gestap het, het weer begin om sy voorlopige verslag te bespreek.

‘n Komiteelid, Mamoloko Kubayi, sê president Zuma was nie deel van ongerymdhede nie, maar dat die argitek van die projek, Minenhle Makhanya, onreëlmatig aangestel is.

Hy sê dit is duidelik dat die president nie die opgraderings versoek het nie.

FW speel Dalai Lama op sy eensnaar-ramkietjie

Volgens FW de Klerk is Suid-Afrika “nie meer die baken van hoop” vir ’n wêreld nie. Blykbaar is hy soos Brittanje en die VSA steeds van mening dat plaasmoorde en etniese haatveldtogte “hoop” verteenwoordig.

Dié en ander sotternye is Donderdag by ‘n mediakonferensie gehoor nadat ‘n feodale simbool van Tibet ‘n geleentheid raakgesien het om op Kaapstad se onkoste ‘n bietjie publisiteit vir sy moeë beeld op te wek.

De Klerk en Patricia de Lille het die mediakonferensie van die Kaapse stadsraad gehou om aan te kondig dat die 14de beraad van wenners van die Nobelvredesprys afgestel is.

Die beraad, wat van 13 tot 15 Oktober in Kaapstad gehou sou word, is tot niet nadat sekere pryswenners onttrek het uit protes teen Suid-Afrika se bande met China.

De Klerk het gesê die land se buitelandse beleid behoort die “waardes” van die Grondwet te weerspieël. Dit is klaarblyklik “waardes” wat wit aanstellings soos dié van Renate Barnard in die SAPD laat verbied deur die Grondwethof.

“Om ’n visum aan ’n geestelike leier te weier, is teen die Grondwet en teen godsdiensvryheid . . . dit skreeu teen grondwetlike waardes.”

Volgens De Klerk se soort logika, skreeu niks egter teen die mees ondemokratiese bestel in moderne tye, feodalisme, in Tibet nie.

Die Dalai Lama, wat reeds by verskeie geleenthede sy reise na Suid-Afrika afgestel het, het dié week weer so gemaak en ‘n konferensie wat R60 miljoen sou genereer, gekelder.

Die Tibetaan se besluit val toevallig saam met ‘n kleurrewolusie wat tans in Hong Kong afspeel uit “verset teen China se menseregtevergrype”.

Die mediasirkusbeswaardes se verbintenis tot menseregtevergrype teen etniese minderhede in Suid-Afrika is na dese onder groter verdenking.

Die regering het gesê dit is onsin om te beweer dat die Dalai Lama ’n visum geweier is.

“Die man het sy besoek gekanselleer terwyl sy aansoek nog hangende was,” het Clayson Monyela, woordvoerder van die departement van internasionale betrekkinge en samewerking, aan Bloomberg gesê.

De Klerk het gesê weens die “agteruitgang sedert 2008”, is dié besluit van die Dalai Lama “die punt waarop Suid-Afrika uiteindelik sy aanspraak verloor het as die land in Afrika wat iets besonders en internasionaal iets edels verteenwoordig het”.

Hy het daarmee sy noue verbintenis tot die Mbeki-era se Boerehaat, korrupsie en plundery bevestig. Sy swak besluit om Suid-Afrika se minderhede uit te lewer aan die genade van swart impi’s, word as iets “edels en besonders” voorgehou.

De Klerk het gesê hy en emeritusaartsbiskop Desmond Tutu, asook die Nelson Mandela- en Albert Luthuli-stigtings, het op 23 September in ’n brief aan die groep dit benadruk dat hulle nie die beraad moet boikot nie.

Blade Nzimande blaf dat die PUK moet verengels en verswart

Blade Nzimande het gister aan die media in Johannesburg gesê dat daar “‘n kultuur van vrees” op die PUK-kampus heers, asook dat swart en Engelse studente nie daar welkom voel nie, want “as jy nie wit en Afrikaans is nie, gaan dit vir jou soos ’n vreemde plek voel”.

Die minister van hoër onderwys het die PUK insgelyks vanweë sy Afrikaanse aard as ‘n “apartheidsenklawe” uitgekryt en verder gesê: “Dít wat op die Potchefstroom-kampus gebeur het, is tragies en net soos om ons Grondwet te vertrap.”

Gister se mediakonferensie volg op die veldtog wat daar sedert die begin van die jaar teen die PUK gevoer word, deur die Johannesburgse dagblad Beeld, maar ook deur dr. Leon Wessels, ‘n voormalige kommissaris van die Menseregtekommissie wat ANC-waardes beliggaam. Wessels is as voorsitter van ‘n sogenaamde “onafhanklike taakspan” aangestel wat die Potchefstroomkampus moes “ondersoek” ná die negatiewe beriggewing deur Beeld oor “Nazi-praktyke” op die kampus. Die universiteitsraad wou egter nie amptelik die verslag aanvaar nie.

In reaksie op die Wessels-verslag het Blade Nzimande gister gesê:

“Ek verwelkom die taakspan se waarnemings en voorstelle, maar moet sê dat ek ’n ongemaklike gevoel het omdat die taakspan met net ’n maand se ondersoekwerk net aan die puntjie van die ysberg geraak het. Ondanks die feit dat hulle verhinder is om alle relevante feite en verslae te ondersoek, het hulle wel daarin geslaag om baie waardevolle aanbevelings te doen.”

Nzimande het gekla dat daar oor vyf jaar vier verslae oor transformasie en ontgroening opgestel is, sonder dat daar met suiweringsveldtogte teen studente en dosente begin is.

Hy het voorts verklaar:

“Die feit dat daar in ’n stadium drie ondersoeke was en die voormalige visekanselier (dr. Theuns Eloff) dit probeer afmaak het as onskuldige studentepret, wys dat ek die regte ding gedoen het deur in te gryp.

“Daar is duidelik diep gewortelde praktyke by die universiteit wat met sy oriëntasieprogramme vir eerstejaars op die skending van hul menseregte neerkom.”

“Die bestuur kan nie onkunde aanvoer nie. Daar heers ’n kultuur van vrees op hierdie kampus. Mense is te bang om te praat uit vrees vir viktimisasie.

“Transformasie is ’n tweerigtingstraat. Dit help nie ons gebruik Madiba se naam, maar leef nie die beginsels van transformasie uit nie.”

Volgens Nzimande kan sy departement “nie toelaat dat ’n universiteit die Grondwet vertrap nie” en “het ons universiteite ’n plig om die leiding te neem in die ontwikkeling van ’n menseregtekultuur”.

Hoewel die Grondwet ook voorsiening maak vir akademiese vryheid en universitêre outonomie, lyk dit asof Blade Nzimande nou regstreeks beheer van die PUK geneem het, want hy het die universiteit beveel om driemaandeliks aan hom verslag te doen oor sy vordering met “transformasie” wat binne die huidige verband net “suiwering van blankes en Afrikaans” kan beteken.

Solidariteit weer na hof oor diskriminasie

Die vakbond Solidariteit het Jeff Radebe, voormalige minister van justisie en grondwetlike ontwikkeling, gedagvaar om op 25 en 26 September 2014 in die gelykheidshof in Pretoria te verskyn. Solidariteit sal sy lid, landdros Martin Kroukamp, in die gelykheidshof verteenwoordig en aanvoer dat minister Radebe onbillik op grond van sy ras teen hom gediskrimineer het.

‘n Volbank regters van die Grondwethof het onlangs Solidariteit se nege jaar lange regstryd teen onregverdige diskriminasie teen Renate Barnard van die SAPD op grond van ras gesink.

Die hof het beslis daar is nie onregverdig teen Barnard gediskrimineer omdat sy wit is nie.

Die vakbond is tans in 33 sake teen regstelaksie in verskillende howe betrokke. Solidariteit het voorheen gesê die stryd van bruin tronkbewaarders in die Wes-Kaap is die heel belangrikste.

Volgens Johan Kruger, adjunkhoofsekretaris van Solidariteit, volg die hofsaak nadat Radebe die aanbeveling van die Landdrostekommissie om Kroukamp aan te stel, geïgnoreer het op grond van Kroukamp se ras.

“Vir Solidariteit is die hart van die saak nie net die reg van landdros Kroukamp nie, maar die reg van Suid-Afrikaners op ŉ effektiewe regstelsel. Die kernpilaar van die Suid-Afrikaanse demokrasie is die regstaat en ons moet dit beskerm,” het Kruger gesê.

Kroukamp het hierna ŉ aansoek, ingevolge die Wet op die Bevordering van Toegang tot Inligting, gebring om vas te stel hoekom hy nie aangestel is nie. Volgens die inligting wat Solidariteit ontvang het, sê die Landdrostekommissie dat, in ag genome die prestasie van die onderhoudkandidate, die vereistes ten opsigte van geslag en ras vervat in artikel 174(2) van die Grondwet, die behoeftes van die kantoor en die behoeftes van die gemeenskap wat bedien word, Kroukamp as die enigste geskikte kandidaat aanbeveel word.

Volgens Kruger het minister Radebe die kommissie se aanbevelings geïgnoreer ten spyte daarvan dat Kroukamp deur die Landdrostekommissie as die beste en enigste kandidaat vir die pos van landdros in die Alberton-landdroshof aangewys is, en gesê dit sou nie transformasie bevorder nie. Hy het verder aangedui dat die vakante poste weer geadverteer moes word.

“Dit is die eerste keer dat Solidariteit ŉ Minister dagvaar om sy besluit in die hof te verduidelik. In ons dagvaardiging aan die minister versoek ons dat hy bewyse moet lewer om sy besluit ten opsigte van die nie-bevordering van landdros Kroukamp te staaf,” sê Kruger.

“Senior landdroste speel ’n belangrike rol in die funksionering van die laer howe en moet onder andere landdroste bystaan. Dit is dus noodsaaklik dat die posisies gevul word ten einde te verseker dat landdroshowe die nodige dienste aan die publiek kan lewer,” het Kruger gesê.

Oscar Pistorius: Regshervorming nodig

Is dit nie skandalig dat die Steenkampfamilie hulleself deur die ANC se vroueliga in die hof laat omring het nie?

Die Oscar Pistorius-saak is sekerlik vir die “man op straat” van opvoedkundige waarde, maar ook ‘n ontnugtering. Van opvoedkundige waarde oor die proses en die hofprosedure. Maar dan ook ‘n ontnugtering oor die kostes, oor die eensydige manipulasie van feite en insidente, en van die fabrikasie en weerhouding van inligting en dokumente, asook bewysstukke.

‘n Mens sou binne die konteks van die 1996-grondwet verwag dat die staat en sy beamptes die voorsittende beampte (die regter in die Oscar-saak) van gebalanseerde feite sal voorsien, ten einde geregtigheid in uitspraak te lewer.

In die Oscar-saak kom dit voor asof die selektiewe aanwending van vermeende feite daarop bedag was om hom skuldig te laat bevind, kom wat wil. Gesien die sielkundige profiel van Pistorius, is sy reg om te swyg aangetas, sy sielkundige stabiliteit ondermyn en dus sy menswaardigheid dusdanig aangetas dat hy onmoontlik op ‘n koel, kalm en beredeneerde wyse sy saak kon stel.

Die Oscar-saak roep om diepgaande regshervorming, wat inhou ‘n plig op die aanklaer om die voorsittende beampte van alle tersaaklike feite en gegewens (positief en negatief vir die aangeklaagde) in te lig. Geregtigheid in uitsprake vra ‘n gebalanseerde feitebasis.

Kortom, die Handves van Regte, is bindend op die wyse waarop die aanklaers hulle werk sal doen. Na my oordeel is die Oscar-saak ‘n sprekende bewys hoe dit nie in die howe behoort te gaan nie. As Pistorius nie die dienste van ‘n bekwame Roux kon bekostig nie en as die regter nie deur drukgroepe beïnvloed sal word nie, sal die resultaat bedroewend wees. Nou is die vraag watter uitwerking die ANC se vroueliga op die proses probeer uitoefen? Is dit nie skandalig dat die Steenkampfamilie hulleself deur die ANC se vroueliga in die hof laat omring het nie?

Ramaphosa ontmoet Boere-Afrikaner Volksraad by Uniegebou

Adjunkpresident Cyril Ramaphosa het met verteenwoordigers van die Boere-Afrikaner Volksraad by die Uniegebou in Pretoria samesprekings gevoer.

‘n ANC-woordvoerder, Ronnie Mamoepa, sê die vergadering het aan die Volksraad ‘n geleentheid gebied om Ramaphosa oor hulle kommer oor selfbeskikking in te lig.

Mamoepa sê die adjunkpresident het opnuut die belangrikheid van die Handves van Menseregte in die Grondwet bevestig, en veral die regte van alle burgers om hulle kultuur, geloof en taal in ‘n verenigde demokratiese staat uit te oefen.

Ramaphosa het ook gesê die regering is daartoe verbind om meer duidelike beleidsrigtings aan die sakesektor te verskaf terwyl hy daaraan werk om beleggersvertroue in die land te verstewig.

Bloomberg berig dat Ramaphosa die gunsteling is om pres. Jacob Zuma te vervang.

Ramaphosa het die opmerkings by die leierskapskonferensie Muldersdrift aan die Wes-Rand gemaak en gesê hy besef dat die beleggingsklimaat deur swak vertroue negatief geraak word.

Hy het gesê die regering bly verbind tot ‘n stabiele valuta-omgewing.

Ramaphosa het aan afgevaardigdes gesê die regering sal sy 20 jaar plan om ekonomiese groei bo die kritieke vyf persentvlak verstewig en die hoë werkloosheidvlak verminder.

Hy sê president Jacob Zuma beplan om binnekort ‘n sakeberaad te hou om aandag aan die kwessies te gee.

Afrikaans en Afrikaners as ANC-vraagstuk

Dit is bekend dat FW de Klerk bekommerd is oor hoe sy mandaatlose, dus onwettige, politieke oorgawe namens die blanke kiesers en die oordrag van daardie mag aan die swart meerderheid histories beoordeel gaan word. Hy het sekerlik baie rede om ongerus te wees. Deel van sy strategie is om die FW de Klerk-stigting as sy beeldpoetser te gebruik. Jare gelede is genoem dat De Klerk, as deel van sy voordele as oud-staatshoof, meer uitgawes as PW Botha en Nelson Mandela van die staatstesourie terugeis. ‘n Mens kan maar net hoop dat die koste van beeldpoetsing nie ‘n terugbetaalbare uitgawe is nie.

Dave Steward funksioneer reeds baie jare lank as die uitvoerende hoof van die FW de Klerk-stigting. Steward kan dus namens De Klerk reageer; ook wanneer dit ongewens, bv onbeskeie, sou wees as De Klerk vir homself in die bres tree. Dikwels het sodanige openbare verklarings nie veel meer as lastigheidswaarde nie en hulle ontvang gewoonlik min blootstelling in die pers. Sulke uitsprake kan nie op gesaghebbendheid aanspraak maak nie, want die ironie is dat De Klerk nie net die blanke kiesers se politieke mag in die niet laat verdwyn het nie, maar ook homself van al sy mag gestroop het.

Ek wil nogtans die aandag op een van Steward se jongste skrywes vestig. Dit is met die volgende opskrif gepubliseer: “Afrikaans is deel van SA vraagstuk” (Die Burger, 31 Julie, p 14). Daardie opskrif het my genoop om die teks te lees. Soos gebruiklik word daar gehamer op hoe wonderlik die grondwet is. As daarvolgens gehandel word, sou alles glo omtrent onverbeterlik wees. Hierdie hoogs onvolmaakte wet word telkens aan ons voorgehou as die item waarvoor ons eerbiedig dankbaar teenoor De Klerk moet wees. Die blankes se mag en selfrespek is hulle ontneem en toenemend ook hulle beskawing, kultuur, taal en veiligheid. Maar daar word nogtans van ons verwag om vir daardie stukkie papier, wat al hoe meer omseil word, waardering te hê.

As die grondwet die potensiaal het om ons welsyn te beskerm, waarom staar die verlies van die helfte van blanke boere (en later moontlik van alle blankes) se bates ons in die gesig? Verder, sedert die ramp van 1990/1994 word die land feitlik ongehinderd deur miljoene inkommers oorstroom. Die grondwet verhoed dit nie en politieke partye verwys polities korrek nie na hierdie tydbom nie. Hierdie inkommers, meesal swartes uit Afrika, gaan uiteindelik burgerregte kry. Die grondwet sal dus al hoe makliker deur swartes met ‘n tweederde meerderheid na willekeur verander kan word. Ek dink nie ons hoef vir De Klerk hiervoor ewig dankbaar te wees nie.

Die aanleiding vir Steward se skrywe is die kommunistiese minister van hoër onderwys, Blade Nzimande, se stelling dat daar nie Afrikaanse universiteite is nie; net Suid-Afrikaanse universiteite. Steward se veels te gedienstige reaksie is:”Nzimande is natuurlik reg … Niemand verkondig enkelmedium-universiteite … nie.” Maar ek bepleit juis enkelmedium-universiteite omdat hulle die mees praktiese en mees ekonomiese inrigtings is. Ek dink ook dat die Universiteit Stellenbosch (US), wat na sy stigting in 1918 Engels uitgefaseer het, dit ‘n eeu later weer kan en behoort te doen.

“Dit is … duidelik prakties en billik dat minstens een uit die vier universiteite in die Wes-Kaap, wat hoofsaaklik Afrikaans is, Afrikaans as sy hooftaal van onderrig gebruik.” Om op ‘n Afrikaanse universiteit in die Wes-Kaap aan te dring, is inderdaad billik. Dit is myns insiens egter kortsigtig om te spesifiseer dat dit “hoofsaaklik Afrikaans” moet wees. Die ANC-regering befonds universiteite op ‘n eentalige grondslag. Geld vir uitgawes wat deur twee- (of die Botman-US se meer-) taligheid veroorsaak word, moet deur die universiteit self gevind word. In daardie sin verval Steward se “duidelik prakties”.

Steward se “hoofsaaklik Afrikaans” is ook onprakties. Afrikaans moet dan met Engels as onderrigtaal meeding. Dan word Engels al hoe meer die hoofonderrigtaal, soos gesien kan word aan al die eens enkeltalige Afrikaanse universiteite. Daar is by my geen twyfel nie dat Engels reeds die hoofonderrigtaal aan die US is, al word hierdie feit verdoesel en Russel Botman heeltemal misplaas postuum deur veral bruin ANC-kamerade as ‘n wafferse Afrikaanse taalbul geloof. (Dieselfde word met Jakes Gerwel gedoen.) Jonathan Jansen, wat graag voorgee het dat die Universiteit Vrystaat (UV) danksy parallelmedium-onderrig ‘n volledig tweetalige inrigting is, voorsien deesdae dat die UV ‘n eentalige Engelse instansie gaan word. Jansen “believes it will ultimately be resolved in favour of English, as a matter of practicality” (Donna Bryson, It’s a Black-White Thing, Cape Town: Tafelberg, 2014; Amazon Kindle, location 2171); sekerlik met kameraad Jansen se seën.

Volgens Steward is Afrikaans en Afrikaners ‘n vraagstuk vir die ANC omdat dié hom nie deur die grondwet laat lei nie, maar eerder deur sy eie ideologieë, waarvan die nasionale demokratiese rewolusie, Afrika-hegemonie en demografiese verteenwoordiging voorbeelde is. Die gevolg is dat dit vir die ANC gaan om Afrikaan-bevryding en Afrikaan-nasiebou en daar nie werklik ruimte vir minderhede se etnisiteit en kultuur gelaat word nie. Steward haal ‘n ANC-beleidsdokument soos volg aan: “Ons nasie se bevestiging van ons wese as Afrikane nie met die heerskappy van een kultuur of taal bo ‘n ander verband hou nie, maar dat dit verband hou met die erkenning van ‘n geografiese werklikheid en die ontwikkeling van ‘n bewussyn wat deur kolonialisme onderdruk is.” Verskille/diversiteit word dus deur gelyk- of eendersverklaring, oftewel swart mag, verswelg.

Steward kom tot die volgende gevolgtrekking:”Nzimande se vasberadenheid om kulturele en linguistiese eenvormigheid aan ons universiteite op te dwing is ongrondwetlik.”