Die Nasionale Tesourie sê hy gaan die oorbetaling van fondse aan munisipaliteite terughou weens hulle versuim om Eskom en ander diensverskaffers te betaal.
Die Tesourie, wat verantwoordelik is vir die bestuur van Suid-Afrika se nasionale regeringsfinansies, het gesê dat die aanhoudende versuim deur sommige krediteure om binne 30 dae te betaal neerkom op finansiële wanbestuur.
Munisipaliteite skuld volgens ‘n verklaring deur die Tesourie vir Eskom en water-verskaffers miljarde rande.
Die weerhouding van fondse aan soveel as 60 munisipaliteite wat Eskom en addisionele krediteure R9 miljard skuld is reeds vanaf 20 Maart 2015 van krag.
Die besluit is geneem weens die versuim om hul finansiële verpligtinge na te kom “en Eskom en ander dienslewering krediteure te betaal in ooreenstemming met artikel 65 (2) van die Wet op Munisipale Finansiële Bestuur, 2003 (MFMA, Wet No. 56 van 2003)”.
Artikel 216 (2) van die Grondwet bepaal dat die Nasionale Tesourie die oordrag van fondse aan ‘n staatsorgaan wat aanhoudend hul finansiële verpligtinge minag, mag staak.
“Munisipaliteite, was op 31 Desember 2014, aan Eskom R9 miljard verskuldig,” het die Tesourie gesê. Munisipaliteite skuld Waterrade verder R3.6 miljard, volgens die Tesourie.
In Februarie, het die Minister van Openbare Ondernemings, Lynne Brown, gesê dat die regering planne beraam om agterstallige skuld in te vorder.
Nou wonder ek wat die ANC gaan doen met die mense wat beheer
oor hulle eie munisipaliteite oorgeneem het om die agterstallige krag en water
rekening vanuit n privaat verbruikersfonds te betaal het. Daar het seker nou te
min oorgebly om te steel die wat die ANC nou skielik beheer wil neem na donkie
jare se skelmstreke van die munisipaliteite? Mense sal voortaan hulle grond moet baie mooi
dophou dat dit nie sommer net oornag aan iemand anders behoort nie.
Hier in my dorp word die elektrisiteit van wanbetalende verbruikers afgesit. Dit kan nog gaan alhoewel daar ‘n paar honderd rekeninge in dispuut is weens oorverhalings.
Dit gaan nou so erg dat eienaars van eiendomme se krag afgesit word as die huurders nie betaal nie. So ‘n saak het daartoe gelei dat ‘n interdik (mandament van spolie) laat Februarie teen die munisipaliteit verkry is.
Ons bied hulle toe twee weke aan voordat ons aansoek sal doen om die bevel Nisi finaal te maak. Die munisipaliteit, in hulle angs, hulle het so-iets glad nie verwag nie want ek het nog die vorige week met hulle ooreengekom om ongeveer R294 000 van twee rekeninge van die eienaar te laat afskryf (nou hoe kan die Boertjie dan nou so optree), dring toe aan dat die twee weke na slegs een week verander word. Ons kom toe ooreen dat hulle die volgende Maandag, die bevel was Donderdag verkry, hulle antwoordende verklaring liasseer en ons dan Dinsdagmiddag, ons repliserende verklaring sal liasseer.
Vrydag-oggend is die krag nog nie aangesluit nie. Hulle prokureur kry toe 30 minute om te reël dat die munisipaliteit die krag aansluit of die Mun Bestuurder en die Hoof Fin. Beampte slaap daardie aand in die tronk. 35 minute daarna is die krag aangesit.
So kom Maandag en Dinsdag – die verklarings word geliasseer. Maar lieg hulle darem in hulle antwoordende beëdigde verklaring.
Kom Donderdag – een van die voorwaardes van die finale bevel is dat hulle nie weer die krag mag afsit tot tyd en wyl die dispuut voor of op 18 Maart afgehandel is.
Toe neem ek weerwraak vir al my gesukkel met hulle. Lewer die dokumente eers af die 15de. Gebruik toe hulle leuens teen hulle. Nou is die tyd amper verby en hulle het nog nie gereageer nie.
So reageer hulle laat – eers die 25ste. Pas my. Dreig my dat ek een van die bede minag en dat hulle hof toe sal gaan. Nogals op skrif.
Die datum wat ek voorgestel het vir onderhandelinge is so middel April.
O! en die dispuut sal nie op die dag opgelos word nie.
Waarskynlik eers oor so 6 maande. Laat die bl*ksems die krag afsit en hulle slaap in die tronk.
Twee partye kan die spel speel!
Johan as daar maar net meer mense soos jy is wat hulle met
hulle eie kweperlat bloedstrepe slaan. Dankie vir jou volgehou veg teen
magsmisbruik en alles wat daarmee gepaard gaan.
Dankie!
Plaas die tesourie eerder die geld direk aan ESKOM betaal – nou hou hulle dit terug. Een of ander ander rakker gaan die ton fondse sien en dit vir sy eie gewin aanwend.