Dan Roodt lewer kommentaar op die bykomende R59 miljard wat die staat aan Eskom beskikbaar gestel het en verwys na die plundery wat reeds by dié instelling plaasgevind het. Kort ná hierdie opname het verskeie kredietgraderingsagentskappe, waaronder Moody’s Investor Service en Fitch Ratings, aangekondig dat hulle Suid-Afrika se vooruitsigte betreffende kredietgradering vanaf “stabiel” na “negatief” aanpas, as gevolg van die reddingsboei wat deur die staat aan Eskom beskikbaar gestel is.
Etiket: plundery
Swart bendes plunder Florida terwyl orkaan Irma woed
Ten minste 32 plunderaars is regoor Florida, VSA, in hegtenis geneem terwyl die orkaan Irma aanhou om Amerika noord van Tampa te teister. Skokkende videos het na vore gekom waarin hoofsaaklik Afro-Amerikaanse jeugdiges getoon word wat probeer om by winkels in te breek en verlate eiendomme probeer uitbuit.
Die polisie van Miami-Dade het getwiet: “Tot dusver is 28 inhegtenisnames vir inbraak/plundery gemaak. Ons beamptes hou aan patrolleer en die aanklokreël is van toepassing tot 7 vm. #HurricaneIrma.”
Irma was ‘n kategorie-vier-storm toe dit die eerte maal land getref het in die Floriday-eilanda, maar is nou ‘n katorie een. Dit verloor krag en gaan na ‘n tropiese storm toe afgegradeer word.
Diewe het selfs ‘n wapenwinkel beroof terwyl ander op kamera gevang is waar hulle in ‘n sportwinkel inbreek. Sondag is twee groepe plunderaars trouens op kamera vasgevang waar hulle besig was om twee verskillende sportwinkels in Suid-Florida te stroop. Plaaslike media het verder berig dat ten minste een beweerde plunderaar geskiet is en ten minste 12 in hegtenis geneem is.
In die middestad van Miami het ‘n plaaslike televisieverslaggewer Sondag gesien hoe ‘n dosyn goed gekoördineerde plunderaars ‘n winkel beroof.
Twee tieners is in hegtenis geneem nadat hulle gepoog het om Saterdag by ‘n huis in te breek in die voorstad Weston in die welaf Fort Lauderdale-omgewing, het NBC 6 TV berig.
‘n Plaaslike nutsmaatskappy naby Orlando beweer dat ‘n aantal kliënte onstellende klagtes gelê het van rowers wat hulle as elektrisiteitswerkers voordoen en dan huiseinaars oor die loop van ‘n wapen beroof, volgens WOFL-TV.
“Ons wil hê almal moet veilig wees gedurende die orkaan. En ons sal nie diewe verdra wat diegene misbruik wat hul huise verlaat nie. Stropers moet bereid wees om tronk toe te gaan as hulle mense gedurende ‘n noodtoestand probeer uitbuit,” het die sheriff van Polk-graafskap, Grady Judd, in ‘n mediaverklaring gesê.
Die polisie van Fort Lauderdale het bevestig dat nege mense in verband met plundery in hegtenis geneem is. Polisiehoof Rick Maglione sê: “Om tronk toe te gaan vir ‘n paar tekkies is ‘n taamlik swak loopbaankeuse. Bly tuis en kyk na u geliefdes en wees dankbaar dat hulle almal veilig is.”
Dog sommiges het die polisie vir hul pogings om plunderaars te vang, gekritiseer. Een persoon op Twitter het gesê: “Om eiendom te beskerm wat andersins tydens die orkaan vernietig sou word, is vir die polisie belangriker as om lewens te beskerm.”
‘n Ander het gesê: “Julle behoort julle oor mense te kwel en om hulle veilig te hou.”
Video’s het aanlyn verskyn wat toon hoe plunderaars winkels stroop wat verlede week deur Irma beskadig is. In St. Maarten het ten minste twintig mense na bewering reeds winkels gestroop wat deur die storm vernietig is.
"White Supremacists" looting stores in Florida during #HurricaneIrma?? pic.twitter.com/yPDVyHPF0X
— P. J. (@Portosj81) September 11, 2017
Ten minste 28 mense is in die Karibbiese gebied geood, terwyl groot skade aan verskeie eilande aangerig is, waaronder die Britse Maagdeilande.
Irma het Florida getref nadat die orkaan oor Kuba getrek het met stormsterkte winde, reën en vloede. Dit mag blyk te wees die mees rampspoedige strom wat die deelstaat nog ooit getref het, waartydens sewe miljoen mense aangesê is om hul huise te verlaat.
Wits dank sekuriteitsmaatskappy af na klipgooiery
Wits het die sekuriteitsmaatskappy wat met swart studente gebots het, vervang, het ‘n woordvoerder Woensdag gesê.
“Ons het die sekuriteitsmaatskappy vervang, maar voel nie ‘n behoefte om personeel te verhoog nie, want daar is minder studente op die kampus,” het Shirona Patel gesê.
Die gedrag van die sekuriteitswagte wat Dinsdag met betogende studente gebots het, is in ‘n verslag vervat en sal oorhandig word aan die bestuur voor die einde van die dag.
Die twee groepe het mekaar met klippe en stukke beton gegooi buite die Grootsaal op die Oos-kampus. Studente was kwaad omdat hulle nie toegelaat is om na Senaathuis te gaan waar hulle ‘n vergadering wou hou nie.
Hulle het daarna die veiligheidswagte se optrede as verskoning gebruik om die Grootsaal te vandaliseer.
Gerugte dat wit studente (foto) ook weer geteiken is, is ook ontvang.
Woensdagmiddag het die polisie pogings van die swart oproeriges gefnuik om Braamfontein binne te vaar. Dit volg nadat die studente probeer het om in die strate ‘n optog te hou om studente van nabygeleë kampusse te mobiliseer.
‘n Groep oproeriges wou buite die kampus gaan betoog maar is aangesê om terug te draai omdat hulle nie toestemming gehad het om ‘n optog te hou nie.
Skermutselings het uitgebreek nadat die polisie probeer het om die studente na die Wits Braamfonteinkampus terug te dryf.
Twee studente is in hegtenis geneem en vier beseer tydens onderonsies tussen betogende studente en die polisie in die Johannesburgse middestad.
Die polisie het skokgranate gebruik, en sommige studente het die polisie met klippe bestook. Volgens die polisie sal diegene wat in hegtenis geneem is, aangekla word van openbare geweld.
Aanklagte teen swart UV-amokmakers onvoorwaardelik teruggetrek
Aanklagte teen twee swart studente wat aanvanklik op 24 Februarie in hegtenis geneem is tydens die oproer by die Universiteit van die Vrystaat (UV) is onvoorwaardelik teruggetrek.
Die oproer deur ‘n groep skoonmakers en studente het tot vandalisme en openbare geweld gelei waar Afrikanerbeelde afgebreek is.
Machini Motloung, ‘n verteenwoordiger van die Regshulpraad vir studente, sê hulle is bly die vervolging het ooreengekom om al die aanklagte terug te trek.
Lindiwe Abongile Bakaqa sowel as Kgotso Baba moes Maandag in die Bloemfontein-landdroshof verskyn waar ‘n verhoordatum vasgestel sou word.
“Ons het met die vervolgingspan vergader waar die vervolging ingestem het om onvoorwaardelik die aanklagte terug te trek teen die betrokke studente. Die ander student is nou in Turkye. Die aanklagte teen hom is ook onvoorwaardelik teruggetrek. Die saak is nou ter ruste gelê,” het hy gesê.
Die aanklagte het verband gehou met saakbeskadiging en die oortreding van ‘n hofbevel.
Tydens ‘n Varsitybeker-wedstryd tussen die UV Shimlas en die Nelson Mandela Metropolitaanse Universiteit (NMMU) se Madibas het die swart oproeriges op die veld gestorm maar is deur rugby-ondersteuners weggejaag.
‘n Wit damesstudent, Ju-Mari Pretorius (22), is net voordat die Shimlas en die Madibaz se wedstryd afgeskop het, na bewering buite Shimlapark se hekke aangerand deur swart oproeriges. Sy is met ‘n voorwerp oor die kop geslaan.
OFM-nuus probeer egter voorgee dat swart geweld by UV uitgebreek het omdat die swart studente by die rugbywedstryd “aangeval” is deur wittes en hulle daarom “betoog” het.
Dis is ‘n uiterste wanvoorstelling van gebeure. Die oproer is beplan deur simpatiseerders van soortgelyke anti-wit veldtogte by ander instellings oor swart studente se studielenings en swart skoonmakers se kontrakte.
Dié kwessies is egter lukraak gebruik om eiendom te beskadig, klasse te ontwrig en Afrikaans afgeskaf te kry.
Swart betogers het egter met Amerikaanse slagspreuke opgedaag (foto hierbo), wat kennelik dui op ‘n georkestreerde NWO-poging met buitelandse befondsing om ‘n rasseoorlog te ontketen.
‘n Lasbrief vir die inhegtenisneming is uitgereik vir Baba nadat hy versuim het om op te daag vir die vorige hofverskyning. Hy was reeds in die buiteland nadat ‘n beurs skielik aan hom toegeken is deur ‘n Moslemland.
Bakaqa het teruggekeer na die hof omdat sy nie verlede maand wou instem tot die bemiddelingsterme nie.
Oliefonds en polisiebegroting geplunder
Die Sentrale Energiefonds het sy verkope van olie verdedig, en sê Suid-Afrika het toegang tot 90 dae se brent ru-olie reserwes.
Die Fonds het gereageer op ‘n berig deur die Business Day-koerant dat die fonds tien miljoen vate ru-olie in ‘n geslote transaksie verkoop het sonder om toestemming van die Nasionale Tesourie te kry.
Die koerant beweer dat dit byna die hele reserwe-voorraad was.
Die Fonds sê egter die land het toegang tot drie maande se oliereserwes, wat Suid-Afrika sal toelaat om enige markskommelings te absorbeer.
Die direkteur van die fonds, Tseliso Maqubela sê die olie is in Desember aan ‘n eenheid van Glencore, Vitol and Taleveras, teen 28 dollar per vat verkoop.
Die Tesourie sal genader word deur opposisiepartye om strafregtelike aanklagte aanhangig te maak.
Intussen is ‘n klagte van wanbesteding by die Openbare Beskermer ingedien na berigte dat die polisie luukse voertuie ter waarde van miljoene rand vir die vroue van President Jacob Zuma gekoop het.
Die polisie het bykans nege miljoen rand van sy begroting aan voertuie vir Zuma se vyf vroue bestee.
Katlehong gespanne na jongste xenofobiese geweld
Die situasie in Katlehong aan die Oosrand is gespanne nadat geweld Dinsdagnag uitgebreek het in die jongste vlaag xenofobiese aanvalle.
Winkels, wat aan buitelandsers behoort, is geplunder en in puin gelê.
Een plunderaar is in die geweld doodgeskiet toe die buitelanders glo hul eiendom wou beskerm.
Die polisie het bevestig dat vier buitelanders – wat tussen 20 en 27 jaar oud is – in verband met die skietery in hegtenis geneem is.
‘n Saak van moord en twee van poging tot moord word ondersoek.
Die oorsaak van die onlangse geweld is in die stadium nog onbekend.
Volgens berigte het dit tydens ‘n gemeenskapsvergadering in die Mandela-plakkerskamp begin.
‘n Katlehong-tiener is verlede Saterdag glo deur ‘n dwaalkoeël getref.
Bongani Msimango is in sy geslagsdele geskiet na die moord op nog ‘n plaaslike swarte wat na bewering deur ‘n Somaliese winkeleienaar doodgeskiet is.
Daar word beweer dat die swarte vroeër ‘n ou hoender gekoop het en dit teruggeneem het na die winkel toe ‘n bakleiery uitgebreek het tussen hom en winkeliers.
Plakkeroproer in Johannesburg steeds gespanne
Die rewolusionêre teoloog Beyers Naudé, se nalatenskap is lewendig noord van Johannesburg waar swart oproeriges Woensdag op ‘n plundertog gegaan het.
Die situasie is steeds gespanne in Zandspruit, nadat plakkers gewelddadig geraak het oënskynlik oor Eskom se verwydering van onwettige elektrisiteitkabels en “gebrekkige dienslewering”.
Oproeriges het egter op ‘n plundertog gegaan by sake-ondernemings in die omgewing wat nie verband hou met Eskom òf dienste nie.
Dele van Beyers Naude-rylaan en Peterweg was Donderdag steeds gesluit.
Verskeie winkels is leeggedra en gevandaliseer, waaronder ook ‘n vulstatsie.
Paaie in die gebied is steeds met vullis en gebrande bande besaai. Die gietende reën het die swart rookkolomme van die brandende bande effens geblus.
Klein groepe oproeriges het reeds begin bymekaarkom om verder amok te maak, maar ‘n groot aantal polisiebeamptes is ontplooi.
Die Johannesburgse metropolisie het motoriste aangeraai om die N14 en Hendrik Potgieter as alternatiewe roetes te gebruik.
NWU ontruim kampus
Alle studente aan die Noordwes-Universiteit se Mafikeng-kampus moet die kampus teen aagtuur vanmore ontruim, na voortgesette plundery en geweld.
Oproepe van betogers wat die bedanking van die raad eis, is Dinsdag geopper.
Die universiteit se woordvoerder, Louis Jacobs, sê dit sluit alle koshuisinwoners in.
Die besluit is vanoggend deur die bestuur geneem nadat betogings, wat verlede week oor die land heen met #FeesMustFall opgevlam het, tot geweld en plundery gelei het.
Die kampus se hoofingang word sedert verlede week versper deur swart amokmakers wat steeds betoog. Toegang tot die kampus word deur betogers beheer.
Jacobs sê personeel moet nou met die komende eksamen Maandag toegang tot die kampus verkry om onder meer die omvang van die skade te bepaal wat deur studente aangerig is. Jacobs sê niemand sal op die kampus toegelaat word nie.
Hy sê die kampus se studentesentrum en ‘n boekwinkel is deur die betogers geplunder, terwyl meubels Dinsdag uit ‘n gebou op die kampus gesteel is.
Die Reform PUK-aktiviste het sy steun toegesê aan ‘n oproep dat die Noordwes Universiteit se bestuursraad ontbind word.
Die groep sê die hoofrede is die raad se teenstand teen transformasie omdat slegs 28% van swart studente op die Potchefstroom-kampus mag studeer.
Die organisasie kla oor die gebrek aan transformasie, die oneweredige verspreiding van hulpbronne en ongelyke infrastruktuur-ontwikkeling by die universiteit se drie kampusse.
Die kampusse het in 2004 saamgesmelt. Die beweging sê die raad het vir meer as ‘n dekade nie die probleme hanteer nie.
Intussen sal nege studente van die Welkom Sentrale Universiteit vir Tegnologie wat in hegtenis geneem vir openbare geweld en die oortreding van ‘n hofbevel, Woensdag in die Welkom-landdroshof verskyn.
‘n Vrystaatse polisiewoordvoerder, Stephen Thakeng, sê sewe mans en twee vroue was onder die betogers wat tydens die veldtog #FeesMustFall klasse en administrasie ontwrig het Vrydag.
Thakeng sê skokgranate en traangas moes gebruik word om die groep rumoeriges uiteen te jaag.
Berigte van brandstigting op die kampus van die Universiteit van die Witwatersrand is ook ontvang. Verskeie brande is glo gedurende die nag gestig.
Swart studentebetogers verloor stoom
Terwyl studentebetogings besig is om momentum te verloor, het die Nasionale Vergadering ‘n blitsdebat geskeduleer oor transformasie in hoër onderwys.
Verskeie studenteleiers sal na verwagting die debat by die parlement met ‘n duidelike anti-wit strekking bywoon.
Talle wit studente wat betrokke was by die opstand, het na afloop gesê hulle is deur swartes aangesê om nie deel te neem nie, want dis ‘n swart opstand waar wittes nie welkom is nie.
Die minister van hoër onderwys, Blade Nzimande sal die debat lei, wat sal fokus op ‘n “gebrek aan transformasie, en rassisme” asook gratis tersiêre onderrig.
By die Universiteite van Pretoria en Wits en die Tshwane Universiteit van Tegnologie is daar tot ‘n vergelyk gekom.
Klasse sal vandag by die Universiteit van Pretoria begin, terwyl die TUT en die Universiteite van Kaapstad en Witwatersrand Woensdag sal voortgaan.
Verskeie ander universiteite het intussen ooreenkomste met opstokers bereik, maar ontevredenheid heers steeds by sekere instellings.
Die visekanselier en rektor van die Universiteit van die Vrystaat, Jonathan Jansen, wou nie betogers Maandag toespreek nie.
Dit is volgens die Suid-Afrikaanse Studente-kongres se voorsitter in die Motheo-distrik, Bongani Zwane.
Sasco het voor die hoofgebou van die UV se Bloemfontein-kampus saamgedrom in die hoop dat Jansen hulle sou toespreek rakende terugvoer op ‘n griefskrif wat hulle verlede Maandag aan universiteitsbestuur oorhandig het.
Die griewe sluit onder meer duur studierekords en koshuisgelde in.
Intussen sê Zwane het Jansen ingestem om die grieflys Dinsdag in ontvangs te neem. Hy sê word tans reëlings getref om na Jansen se kantoor op te ruk.
By die Universiteit van Limpopo het geweld op die Turfloop-kampus uitgebreek.
Dertien studente is in hegtenis geneem nadat betogers onder meer kafeterias by die kampus beskadig en geplunder het, slegs ure nadat betogers ‘n griefskrif aan die universiteitsbestuur oorhandig het.
Die dertien sal verskyn op aanklagte van kwaadwillige saakbeskadiging en diefstal.
Die woordvoerder van die universiteit, Kgalema Mokgoba sê hul vernaamste eise soos die kwessie van gratis onderrig berus by die nasionale regering. Die omvang van die skade op die kampus is nog nie bepaal nie.
Die Universiteit van Kaapstad is besig om die aanklagte teen van sy studente en werkers weens die oortreding van ‘n hofinterdik, terug te trek.
Die universiteit is ook in gesprek met die Nasionale Vervolgingsgesag om die aanklagte teen betogers wat die parlement bestorm het, te laat vaar.
Twee vooraanstaandes uit die Xhosa-faksie se seuns is in hegtenis geneem tydens die oproer waar onluste-polisie van skokgranate moes gebruikmaak om die stormloop te keer.
Die aangekeerdes sluit die seuns van die eerwaarde Frank Chikane en die visekanselier van die universiteit, Max Price in.
Nege-en-twintig studente is verlede Donderdag met ‘n waarskuwing vrygelaat, met hul volgende hofverskyning wat op 23 Februarie aanstaande jaar moet plaasvind.
Geweld en moorde laat twee kampusse sluit
Die Universiteit van KwaZulu-Natal se Westville-kampus is Maandag weens geweld gesluit.
Dit volg swart studente op ‘n vernietigingstog gegaan het teen ‘n verhoging in die koste van registrasie vir 2016.
Oproerige swart studente het na bewering die hoof administrasiegebou en die hoofkwartier van die risikobestuursentrum aan die brand gesteek.
Verskeie voertuie is ook aan die brand gesteek.
Die ANC Jeugliga se provinsiale sektretaris, Thanduxolo Sabelo sê egter enige van sy lede wat betrokke was, sal getug word.
Intussen is klasse by die Vaal Universiteit van Tegnologie opgeskort na twee onlangse moorde.
Twee swart vroulike studente is by ‘n koshuis buite die kampus vermoor. Hulle het albei ‘n nasionale diploma in logistiek gestudeer.
Die president van die verteenwoordigende studenteraad, Troy Mathebula sê studente eis dat hulle veiligheid gewaarborg word.
Die direkteur van studente-dienste, dr Segopane Seroka sê veiligheidskameras sal binnekort op kampus geïnstalleer word.
Seroka sê die kontrak tussen die universiteit en die diensverskaffer moet net nog onderteken word.
Polisie vat oproeriges in Potch, Ventersdorp vas
Oproeriges wat Vrydag in Pothcefstroom se middedorp binnegevaar het, sal Maandag in die plaaslike landdroshof verskyn. Nog arrestasies word binnekort verwag.
Dit is volgens Provinsiale Polisiekommesaris Jacob Tsumane, en volg na honderde oproeriges die strate in gevaar het en eiendom beskadig het.
Die polisie moes die plunderaars met rubberkoeëls verwilder.
Hulle is glo gekant teen die voorgestelde samesmelting van die Tlokwe-en Ventersdorp Munisipaliteite. ‘n Memorandum van griewe is later aan die munisipaliteit oorhandig.
In nog ‘n voorval is die ou Ventersdorp Stadsaal, wat tans die Verkeersdepartement huisves, Vrydagnag afgebrand.
Oproeriges het ook motors met klippe op die N14-pad bestook. Volgens Tsumane moet daar nog arrestasies in dié verband gemaak word.
Die situasie in Ventersdorp is na wat berig word vanoggend kalm, nadat nadat die klipgooiers motoriste op die N14 naby die Tshing-lokasie geteiken het.
Intussen het Tsumane bevestig dat ondersoeke na die oorsaak van die brand in Ventersdorp nog nie afgehandel is nie.
Wit verslaggewer aangerand in Ferguson
‘n Wit verslaggewer van die Post-Dispatch, Paul Hampel is bewusteloos geslaan en daarna beroof deur ‘n groep swart aanvallers terwyl hy berig het oor hernude opstande in Ferguson, in die Amerikaanse deelstaat Missouri, Sondagnag.
Gewelddadige oproer het uitgebreek met die herdenking van die skietdood van ‘n swart misdadige tiener, Michael Brown ‘n jaar gelede. Brown se dood het aanleding gegee tot die #BlackLivesMatter-veldtog.
Hampel sê hy was besig om foto’s en video’s van inbrake en plundery te neem op West Florissant Avenue kort voordat hy aangeval is.
Hy is van agter oorrompel en die swart aanvallers het hom begin slaan en geskop teen die agterkant van sy kop toe hy op die grond was, het Hampel gesê.
Die aanvallers het daarna sy selfoon en beursie gesteel en hul uit die voete gemaak.
Hampel het probeer opstaan om na die polisiekordon terug te keer en die New York Times se fotograaf Whitney Curtis teëgekom. Hy het aan haar gesê dat hy ‘n ambulans nodig het.
Daarna het hy op die gras ineengesak en kan niks meer onthou nie. Hy het in die hospitaal wakker geword en gesê hy het ‘n harsingskudding opgedoen en is oornag gehou vir evaluering.
‘n Noodtoestand is intussen afgekondig oor die hele St Louis-gebied, nadat onluste verder uitgekring het as Ferguson.
Tydens die oproer is minstens drie swartes geskiet en vier is in hegtenis geneem.
Een van die swart verdagtes wat in op die polisie begin skiet het, is in ‘n kritieke toestand in die hospitaal nadat die polisie teruggeskiet het en hom gewond het.
Distrikspolisie het beheer geneem oor polisiëring in Ferguson onder die noodtoestand.
Volgens die polisie hou die skietery nie verband met die betogings om die dood van Brown te herdenk nie.
Die noodtoestand is verklaar nadat verskeie winkels geplunder is.
Cosas-betogers vas na plundertog
Die polisie het ‘n aantal skoolkinders in hegtenis geneem wat op ‘n plundertog in Pretoria gegaan het, het RSG berig.
Die plunderaars het aan ‘n onwettige optog van die organisasie, Cosas na die Departement van Basiese Onderwys se kantore deelgeneem.
‘n Groep het blykbaar van die roete afgewyk en begin plunder. E
en winkeleienaar sê die kinders het sy winkelvenster gebreek toe hy hulle uitgesluit het.
Hulle het hom ook na bewering met bakstene gegooi.
Hofaansoek teen Operasie Fiyela
Die “menseregte-organisasie” Lawyers for Human Rights, wat deur George Soros befonds word, gaan ‘n aansoek by die Hooggeregshof in Pretoria indien teen die ANC-regering se “misbruik van die SAPD”.
Die organisasie beoog om Operasie Fiyela as onwettig en ongrondwetlik verklaar te kry.
Operasie Fiyela is ‘n nasionale inisiatief wat deur die polisie, weermag en amptenare van Binnelandse Sake bedryf word om onwettige immigrante uit te snuffel.
Dit is op die been gebring nadat skoktonele oor die mishandeling van buitelandse burgers koerantvoorblaaie gehaal het tydens ‘n hernude vlaag van geweld teen hulle.
LHR se woordvoerder David Cote sê die operasie is ‘n doelbewuste wanaanwending van die Suid-Afrikaanse Polisiediens.
Die groep sê die operasie word sonder enige agting vir die reg en sonder lasbriewe uitgevoer.
Hulle sê Fiyela skend die Grondwet wat die reg op privaatheid verseker, asook die reg dat ‘n woonplek nie sonder magtiging deurgesoek mag word nie.
Die Europese Unie waar die onwettige immigranteprobleem reeds tot die voorste nasionale kwessie in byna elke lidland gevorder het, dra ook by tot die LHR.