praag.co.za

Tag: moorde

  • Man steeds vermis na sy vrou in plaasaanval vermoor is

    Man steeds vermis na sy vrou in plaasaanval vermoor is

    ‘n Man wie se vrou gedurende ‘n plaasaanval vermoor is, word steeds vermis.

    Roger Solik en sy vrou Christine van ‘n plaas in die Nottingham Road omgewing in KwaZulu Natal, is Vrydag aangeval.

    Die vrou se liggaam is eers ‘n dag later, ongeveer 70km van die huis in die Inzingarivier aangetref. Haar hande was agter haar rug vasgebind.

    Solik ly aan Parkinsonsiekte en kan nie sonder sy medikasie praat of loop of self oor die weg kom nie.

    ‘n Polisiesoektog is van stapel gestuur en die gemeenskap word ook gevra om hulle by te staan.

  • Raaiselagtige moorde in Bloemfontein kan etniese twis wees

    Raaiselagtige moorde in Bloemfontein kan etniese twis wees

    Die polisie sal na verwagting meer verdagtes in hegtenis neem in verband met die moorde op drie jong mans van Bloemfontein.

    Tien verdagtes tussen die ouderdomme van 19 en 29 is Vrydag in Bloemfontein vir die moorde in hegtenis geneem.

    Die lyke van Lefa Soaisa, Vuyani Makhapela and Mojalefa Fransis is op 1 Februarie in ‘n oop stuk veld langs die nuwe Lemo-winkelsentrum in Dr Belcherweg, Heidedal deur ‘n verbyganger gevind. Daar was verskeie steekwonde aan hul bolywe.

    Polisiewoordvoerder, Thandi Mbambo, sê die tien verdagtes wat Vrydag in hegtenis geneem is, het gister in die plaaslike landdroshof op ‘n klag van moord verskyn.

    Sy sê hulle sal na verwagting op 20 Februarie vir borg aansoek doen. Die verdagtes bly intussen in aanhouding.

    Die omstandighede wat gelei het tot die moorde is nie bekend nie. Dit kan moontlik verband hou met etniese twis.

  • Kayla Meyer en haar gesin se moordenaars gevang

    Kayla Meyer en haar gesin se moordenaars gevang

    In wat deur die polisie as ‘n “deurbraak” beskryf is, is vier verdagtes deur die Randfonteinse polisie aangekeer in verband met die grusame moorde op 10 Maart 2016 op Kayla Meyer,9, en die res van haar gesin, waaronder haar moeder Marietjie Meyer, 46, dié se vriend Kenny MacCormack, 42, en Monty MacCormack, 73. Die vier verdagtes het gister in die Randfonteinse landdroshof verskyn en hul saak is tot 18 Augustus uitgestel. Hul name is nog nie bekendgemaak nie.

    Volgens kaptein Appel Ernst van die Randfonteinse polisiestasie, het “luitenant-kolonel Gert Kruger, wat aan die Randfonteinse speurtak verbonde is, asook lede van die Wesrand-trio-taakmag vier verdagtes ná ‘n intense ondersoek in die saak in hegtenis geneem”.

    Brigadier Manamela, die stasiebevelvoerder van Randfontein, het sy tevredenheid oor die inhegtenisnames uitgespreek. “Hierdie span polisiebeamptes het ‘n positiewe uitwerking op ondersoeke betreffende ernstige misdaad,” het hy gesê. Hy het luitenant-kolonel Kruger met sy volharding in die saak gelukgewens.

    Lees ook ons vorige berigte oor die moorde op ‘n kleinhoewe in die Rodora-gebied in Randfontein:

    ‘Nog geen arrestasies’ in moorde op Kayla Meyer (9) en haar gesin

    ‘Dis kruipende volksmoord’: kommentaar oor uitwissing van Randfontein-gesin

     

  • Plaasmoorde: Die slagting van wit boere in syfers

    Plaasmoorde: Die slagting van wit boere in syfers

    Daar is ‘n aansienlike toename in plaasaanvalle in Suid-Afrika sedert 2012 sê die Transvaalse Landbou-unie (TLU SA).

    Die statistiek sluit plaasaanvalle en moorde in wat sedert 1990 tot Junie 2016 plaasgevind het.

    ‘n Totaal van 1 824 moorde is aangemeld tydens plaasaanvalle sedert 1990 asook 3 933 aanvalle.

    Van die 1 824 moorde, was 1 170 slagoffers boere, 491 was direkte familie van die boere, 141 was werkers op die plaas en 22 was besoekers.

    Volgens die tweejaarlikse opname, toon 2012 (174 aanvalle) ‘n beduidende toename in vergelyking met die 96 aanvalle in 2011.

    In 2013 weer het die getal gestyg tot 231 slagoffers wat aangeval is. In 2014 het dit gestyg tot 279.

    ‘n Rekordhoogtepunt is in 2015 aangeteken toe 318 mense aangeval is op hul plase. Vermoedelik is die meeste slagoffers wit en Afrikaans.

    In terme van plaasmoorde, was 2002 die bloedigste jaar met 119 mense wat hul lewens verloor het in plaasaanvalle.

    Tot dusver is daar 2016 ‘n verbysterende 188 aanvalle waarin 39 mense gedood is, aangeteken.

    Gauteng het die hoogste moordsyfer met 499 aanvalle en 413 moorde sedert 1990. Hierdie jaar is daar 14 moorde en 40 aanvalle alleen reeds gepleeg.

    Die provinsie met die minste aanvalle en moorde is die Noord-Kaap met 46 aanvalle en 26 moorde sedert 1990.

  • ‘Dis kruipende volksmoord’: kommentaar oor uitwissing van Randfontein-gesin

    ‘Dis kruipende volksmoord’: kommentaar oor uitwissing van Randfontein-gesin

    Volgens die polisie se hersamestelling van gebeure by die huis op ‘n kleinhoewe in Randfontein waar Kennith McCormick (42) se gesin wreedaardig uitgemoor is, het klein Kayla Meyer (9) gepoog om te gaan wegkruip toe sy deur die moordenaars gevang is. Hulle het die dogtertjie se handjies eers met draad vasgebind, haar gewurg en waarskynlik met ‘n graaf doodgeslaan.

    In kommentaar op sosiale media het mense hul skok en afgryse oor die moorde uitgespreek, met die PRAAG-rubriekskrywer J.H. du Toit wat dit as ‘n “kruipende volksmoord” bestempel het. Hy het hom soos volg op ‘n Media24-webblad uitgelaat:

    Dit help nie dat Afrikaans op universiteite as rassisties gesien word, maar hierdie moorde wat duidelik deur rassistiese haat gedryf is, word nie as rassisme gebrandmerk nie.

    As die ANC en EFF voortgaan met hulle rassistiese veldtog teen die wit minderheid sal hierdie tipe haatmisdaad net toeneem.

    Hierdie is deel van ‘n kruipende volksmood.

    Op die vermoorde paartjie Kennith McCormack en Marietjie Meyer se Facebookprofiele het ou skoolvriende en familie gister hul verdriet en medelye uitgespreek. Marietjie Meyer (45) was ‘n oudleerling van die Hoër Volkskool Heidelberg. Robert Sutadi Horneman skryf op Facebook:

    Marietjie “Blackie” Meyer saam met ons in tagtigsmatriek 1988-matriek eind-1987-koshuis is wreed vermoor deur julle weet wie saam met haar dogterjie van 9, haar verloofde en skoonpa. Niks gesteel nie, net doodgeslaan, f** die bliksemse addergebroed.

    Anna Sada Wiese skryf ook op Facebook:

    Jy was soos ‘n suster vir ons, ek kan dit nog nie glo nie. Ons harte is stukkend, bid vir ons Vader dat hy na julle kyk en vir dié wat dit gedoen het, geen genade het nie. Ons gaan hulle kry, sal nie wegkom nie. Die mense wat dit gedoen het is nie mense nie, hulle is monsters. God slaap nie!!!

    Aandoenlike foto’s van die vier vermoordes is steeds op Facebook te sien, soos dié hier bo van Marietjie en Kayla Meyer. Die gesin moes tydens ontbyt deur hul aanvallers oorval gewees het, want Saterdag was vier snye gesmeerde brood en twee koppies koffie nog op die kombuistafel waar hulle klaarblyklik verkeer het.

    Die eienaar van die kleinhoewe in Rodora, Randfontein, wil nie sy naam in die media gepubliseer hê nie uit vrees dat hy geviktimiseer mag word. Hy het egter aan ‘n Sondagkoerant gesê: “Ek weet vir ‘n feit dit was nie ‘n rooftog nie.”

    Kennith McCormack (42)
    Kennith McCormack (42)

    Vanweë die swaar reën wat verlede week aan die Rand uitgesak het, het hy niks van die moorde gesien of gehoor nie. Die laaste keer wat hy vir Kennith McCormack gesien het, was Woensdagaand. Kennith McCormack en Marietjie Meyer het in ‘n tydelike huis op die kleinhoewe gewoon terwyl hulle ‘n houthuis elders op die kleinhoewe met swart arbeid laat bou het. Woensdagaand was Kennith nog op pad na die houthuis om die werkers se daglone te gaan betaal.

    Terwyl die moorde waarskynlik Donderdagoggend gepleeg is, het niemand onraad vermoed nie. Die bebloede lyk van Kennith McCormack se vader, Monty (73), is eers Donderdagaand deur ‘n vriend van Kennith op klein Kayla se bed ontdek. Hierna het ‘n soektog na die ander gesinslede gevolg.

    Marietjie Meyer het voorheen in die Hartebeespoortdam-omgewing gewoon, iets wat nou nog só op haar Facebookprofiel aangedui word.

    ‘n Vriend, Tony van der Westhuizen, het die volgende boodskap op haar Facebook gelaat:

    Marietjie Meyer, ons sal jou nog lank onthou. Ons gebede is met haar familie en vriende gedurende dié moeilike tyd! Marietjie, haar verloofde, haar 9-jarige meisie en skoonpa is maar net nog syfers op die statistieke van plaasmoorde! Vir my is dit so onwerklik, kan so iets wreeds gebeur met iemand wat ek ken en kan enige mens so wreed wees met ‘n kind?

    Die polisie ondersoek steeds die moorde, maar niemand is nog in hegtenis geneem nie.

  • Bainsvlei-moordverdagtes toon geen berou

    Die moordverhoor van drie swartes Fana Ntshedi, Motsamai Bitterbos en Jackie Louw het Maandag in die Bloemfonteinse hooggeregshof begin.

    Hulle staan tereg op die dubbelmoord op die Swanepoel-egpaar van Bainsvlei in Januarie vanjaar.

    Bitterbos se suster, Katrina Matthys het Maandag getuig dat die beskuldigdes die aand voor die moorde by haar oorgeslaap het, iets wat hulle nooit vantevore gedoen het nie.

    Sy was die staat se eerste getuie en is nie deur die verdediging gekruisondervra nie, aangesien hulle eers met hul kliënte wou konsulteer.

    Die Swanepoels se familiewoordvoerder, Danie Marais, sê dit is duidelik dat die verdagtes geen berou toon oor hulle dade nie.

    Marais het gesê teen hierdie tyd moes hulle al nagedink het oor wat hulle gedoen het, maar klaarblyklik het dit nie gebeur nie en dis is hartseer.

  • Verdagte in Vredefort-moorde aangekeer

    ‘n Vyftigjarige man en twee kinders is Sondagaand doodgeskiet op ‘n plaas by Vredefort in die Vrystaat.

    Volgens polisiewoordvoerder Masilela Langa het plaasvoorman Hansie Raadt na bewering ‘n swartman, wat aan hom bekend is, en ses kinders by ‘n vulstasie op die dorp opgelaai en saam met hulle op die plaas Palmietkuil gaan eet.

    Die man het blykbaar ‘n vuurwapen van Raadt in die hande gekry en die groep daarmee gedreig. Hy’t Raadt doodgeskiet asook die elf- en 15-jarige seun doodgeskiet toe hulle probeer vlug het.

    Hy het met Raadt se bakkie gevlug wat hy daarna aan die brand gesteek het.

    Die verdagte is in ‘n lokasie in Kroonstad aangekeer.

  • Geweld en moorde laat twee kampusse sluit

    Die Universiteit van KwaZulu-Natal se Westville-kampus is Maandag weens geweld gesluit.

    Dit volg swart studente op ‘n vernietigingstog gegaan het teen ‘n verhoging in die koste van registrasie vir 2016.

    Oproerige swart studente het na bewering die hoof administrasiegebou en die hoofkwartier van die risikobestuursentrum aan die brand gesteek.

    Verskeie voertuie is ook aan die brand gesteek.

    Die ANC Jeugliga se provinsiale sektretaris, Thanduxolo Sabelo sê egter enige van sy lede wat betrokke was, sal getug word.

    Intussen is klasse by die Vaal Universiteit van Tegnologie opgeskort na twee onlangse moorde.

    Twee swart vroulike studente is by ‘n koshuis buite die kampus vermoor. Hulle het albei ‘n nasionale diploma in logistiek gestudeer.

    Die president van die verteenwoordigende studenteraad, Troy Mathebula sê studente eis dat hulle veiligheid gewaarborg word.

    Die direkteur van studente-dienste, dr Segopane Seroka sê veiligheidskameras sal binnekort op kampus geïnstalleer word.

    Seroka sê die kontrak tussen die universiteit en die diensverskaffer moet net nog onderteken word.

  • Drie verdagtes vas na moorde op paartjie

    Die polisie het drie verdagtes vasgetrek ivm die moorde op twee jongmense in die Oos-Kaap. Die twee is vermoedelik ontvoer, vermoor en toe in die dam gegooi, het eNCA berig.

    Drie swart vermeende aanvallers sal vandag in die landdroshof op Mthatha in verband met die moord op ‘n jong paartjie die naweek.

    Die liggame van die 19-jarige Jacqueline Miller en die 20-jarige Carl George is Sondagmiddag by die Mthatha-dam gevind, nadat hulle Saterdag laas gesien is.

    Die verdagtes, een van 19 en ‘n ander van 22, is in die KwaLink-woongebied in hegtenis geneem. Hulle het van die slagoffers se besittings in hul besit gehad.

  • Kraaifontein-moorde skokkend wreed

    Die moorde van ses mans het die gemeen­skap van Joostenbergvlakte geskok gelaat.

    Vier van die lyke is intussen uitgeken.

    Die vermoorde mans het langs mekaar gelê met hul arms agter hul rûe vasgebind, en hul gesigte in die grond. Hulle is vermoedelik met skerp voorwerpe gesteek.

    Een fotograaf het aan die media vertel het daar was klippe op die mans se koppe gepak.

    Volgens AFP is dié “teregstelling” soos hierdie ’n ontstellende nuwe verwikkeling in ’n land waar gewelddadige misdaad hoogty vier.

    “Die polisie ondersoek ses moordsake en ons vra dat enigiemand met inligting na hul naaste polisiekantoor gaan,” het kapt. Frederick van Wyk, ’n provinsiale polisiewoordvoerder gesê.

    Polisielede het Woensdag tot net ná 21:00 die gebied gefynkam en bakstene, reuse-klippe en bourommel waaraan daar glo bloedvlekke was, versamel as bewysstukke.

    Geskokke inwoners van Kraaifontein het aan AFP gesê die polisie wou niemand by die misdaadtoneel toelaat nie en gesê “hulle sal nie slaap as hulle die liggame sien nie”.

    Een van die mans se koppe was slegs ‘n bloederige gemors.

    Volgens ’n private sekuriteitswag wil dit voorkom asof die mans tereggestel is. “Dit lyk of hulle aangesê is om langs mekaar aan te tree en toe vermoor is,” het hy aan AFP gesê.

    Intussen berig EWN dat lt.genl. Arno Lamoer, die Wes-Kaapse polisiekommissaris, ’n spesiale span ondersoekbeamptes aangewys het om die moorde te ondersoek.

    Lamoer het nie op telefoonoproepe vir kommentaar gereageer nie.

    Volgens IOL is daar “nuwe” inligting dat die moorde verband hou met ‘n inbraak of ‘n gesteelde kitsrondawel, maar die gerugte kon nie bevestig word nie.

    Daar word bespiegel dat die misdaad met dwelms verband hou.

  • Lyke van agt myners opgespoor

    Die SAPD in Gauteng het op die lyke van agt onwettige mynwerkers Sondagaand in ’n goudmyn by Benoni afgekom nadat hulle deur mynpersoneel ontbied is.

    Lt.kol. Lungelo Dlamini, woordvoerder van die polisie, sê twee van die lyke was ondergronds. “In die stadium is die motief vir die moorde onbekend. Al agt is in die bolyf geskiet. Die identiteite van die oorledenes is nog nie bekend nie.”

    Van die oorledenes is glo dood aan kopskote van agter. Dlamini sê daar is bewerings dat van die oorledenes buitelanders was.

    Veldmotorfietsryers het glo op die lyke afgekom, waarna veiligheidswagte van die myn die polisie ontbied het. Verskeie patroondoppies is naby die lyke opgespoor.

    Die polisie ondersoek ’n saak van moord. Niemand is nog in hegtenis geneem in verband met die voorval nie.

  • Swart skare in Vrystaat vermoor man

    Swart skare in Vrystaat vermoor man

    mesmoord‘n 22-jarige man is buite sy huis in Meloding deur ‘n woedende skare met messe doodgesteek, het die Vrystaatse polisie vandag laat weet.

    ‘n Groep het Tshidiso Klaas gisteraard in Stiltepark vermoor, volgens die polisie se woordvoerder, Malebo Khosana.

    Die groep het hom met klippe gegooi en met messe gesteek, nadat hulle hom by sy huis kom opsoek het.

    “Hy is etlike kere oor sy hele liggaam met skerp voorwerpe gesteek.”

    Hy het op die toneel beswyk.

    ‘n Moorddossier is geopen, maar niemand is tot dusver in hegtenis geneem nie.

    “Geen van die gemeenskapslede wat in groot getalle op die moordtoneel aanwesig was, kon die polisie met inligting help om die saak op te los nie.”

  • Polisie ondersoek jongste moord by Marikana

    Polisie ondersoek jongste moord by Marikana

    amculonmin‘n 27-Jarige swart man in hegtenis geneem in verband met nog ‘n moord by Marikana buite Rustenburg, het Noordwes polisie gesê.

    Die mans is in die Groep 5-seksie van die Lonminmyn in hegetenis geneem, waar die moord gepleeg is.

    Die aanvaller het sy slagoffer in bors bors gesteek en hy is op die toneel dood.

    Gerugte wil dit hê dat die moord verband hou met die twis tussen die twee strydende vakbonde, maar die polisie sê dit is nie bekend of die oorledene aan een van die strydende vakbonde, die NUM of Amcu behoort het nie.

    Die NUM-leierskap sal Maandag met die polisie vergader oor vordering in die ondersoek na die moord van een van die takvoorsitters by die Westelike platinum-afdeling naby Koppie verlede week.

  • Afrikaans kort ‘n nuwe mediamodel

    Afrikaans kort ‘n nuwe mediamodel

    roodt_dan_wiki

    deur Dan Roodt

    [followbutton username=’danroodt’ count=’true’ lang=’en’ theme=’light’]

    Hou van Dan Roodt se Facebookblad

    Moontlik was daar ‘n tyd in die negentiende eeu toe mense koerante gelees het bloot om ingelig te word. As deel van jou koerant het jy sommer op die koop toe die jongste aflewering van ‘n vervolgverhaal deur Charles Dickens of Honoré de Balzac, twee van die gewildste skrywers in die negentiende eeu, ontvang.

    Daardie tye is egter vir goed verby. Toenemend in die twintigste eeu, maar veral nou in die een-en-twintigste, het media byna ‘n vorm van “oorlog met ander middele” geword. Joernalistieke objektiwiteit en selfs integriteit het plek gemaak vir belange wat deur media gedien word. Individuele joernaliste en meningsvormers is “penvegters” wat elke dag teen ‘n opponent in die kryt tree. Trouens, laasgenaamde is die titel van ‘n biografie deur Jaap Steyn oor Piet Cillié, een van die bekende historiese joernaliste van Die Burger.

    Twee onlangse onderhoude wat hier op die praagwebblad gevoer is, is verhelderend sover dit die hedendaagse rol van media betref. Die eerste is dié met Margarita Simonjan, die uitvoerende redaktrise van die Russiese TV-netwerk, Russia Today. Die tweede gesprek, met dr. Christo Landman, verskyn vandag.

    In haar onderhoud vergelyk Simonjan die rol van haar internasionale nuusnetwerk met dié van die Russiese departement van verdediging en sê: “…as Rusland gaan oorlog maak… dan sal ons by die geveg betrokke raak, ja. Dit is op die land se regte, gewapende konflikte van toepassing. Onthou u die oorlog in Augustus 2008? Op daardie tydstip het die meeste Westerse mediahuise gereageer asof hulle Georgië se departement van verdediging was.”

    Aansluitend hierby verduidelik dr. Christo Landman: “As jy onder die aandag kom, dan moet jy aanvaar dat daar strategieë in werking gestel sal word om jou te neutraliseer. Sodra jy ‘n faktor word, is jy ‘n teiken.” Met ander woorde, Individue en groepe wat vir Afrikaans of die Afrikanersaak standpunt inneem, sal geteiken word.

    In die Engelse rubriek wat ek gister geskryf het, sê ek in die eerste sin: “South Africa’s multiracial and multicultural society is exploding into a never-ending Kulturkampf or American-style culture war.” Hierdie kultuuroorlog gaan oor idees, maar ook oor ons reg op voortbestaan, ons reg om ons privaateiendom te behou of om ons kinders na Afrikaanse skole te mag stuur. Dit is alles “regte” wat in die brandpunt van hierdie stryd staan. Aan die oorkant is daar twee radikale standpunte: een beskou ons as “nie deel van die Afrika-kontinent nie” en daarom behoort al ons bates gewoon genasionaliseer te word en ons uit die land verdryf te word. Die ander “laat ons toe” om aan te bly, maar op voorwaarde dat ons geheel en al in die meerderheidsamelewing integreer en op die duur geassimileer word.

    In hierdie oorlog is geen metode taboe nie: ‘n persoon kan geëtiketteer word, vir ‘n idioot uitgeskel word, sy privaatlewe kan oopgevlek word en soos ons in die onlangse Amerikaanse geval van Paula Deen gesien het, as jy dertig jaar vantevore die K-woord (die N-woord in die VSA) gebruik het, kan jou reputasie vandag daardeur geruïneer word.

    Dit is ook ‘n reële oorlog want dit gaan om klimaatskepping, propaganda, om haat en vyandigheid teen die geteikende groep op te wek. Geweld geskied agterna byna outomaties. Ek verstout my om te sê dat plaasmoorde in dié land nie sou plaasgevind het indien die Afrikanervyandige media nie oor baie jare soveel nyd en gif teen boere gesaai het nie. Die internasionale propagandastryd wat tans om Sirië gevoer word, is ‘n ander insiggewende voorbeeld. Of Amerika, Frankryk en Brittanje daardie land gaan aanval, gaan uitsluitlik bepaal word deur die soort klimaat wat hulle in die media kan skep. Daar geskied manipulasie van feite, oor en weer beskuldigings van chemiese wapengebruik, oorlogsmisdade en dergelike meer.

    Daar is feitlik geen “redaksionele onafhanklikheid” nie, want elke orgaan, elke koerant, TV-kanaal of radiostasie het reeds kant gekies, sowel plaaslik as internasionaal en dis maklik om sy partydigheid uit sy beriggewing en kommentaar af te lei.

    Om maar een bekende voorbeeld te noem: Die Naspersgroep volg openlik die Britse en Amerikaanse regerings se standpunte in sy internasionale beriggewing en daarom steun Naspers blindelings ‘n aanval op Sirië. In hul plaaslike nuusdekking word alles weer so geplooi om die DA en die groot sakeondernemings, waaronder die mynhuise, te pas. Afrikanerskap is vir Naspers ‘n onding en word telkens met “rassisme” en ander ongure begrippe verbind.

    ‘n TV-kanaal soos Russia Today word deur die Russiese regering befonds. Hier sit Afrikaners met ‘n probleem, want geen regering ter wêreld gaan vir ons media betaal nie. Plaaslike adverteerders mag ‘n bydrae lewer, maar te eniger tyd kan adverteerders deur veiligheidsdienste of vyandelike media geteiken word en kan sodanige fondse summier afgesny word. Suid-Afrikaanse korporatiewe advereerders is ook geheel en al verbind tot die multikulturele samelewing, regstellende aksie, swart ekonomiese bemagtiging en alles wat daarmee saamgaan, dus gaan hulle ook maar langtand wees om in media te adverteer wat krities teenoor dié beleidsrigtings staan. Boonop verkies Suid-Afrikaanse reklame-agentskappe steeds om op papier of in uitsaaimedia soos radio of TV te adverteer, pleks van op die internet. Volgens beskikbare statistiek, word slegs 2% van alle reklame in ons land aan digitale media bestee.

    Hoewel digitale media soos webblaaie, ens., dus aan die agterspeen suig sover dit advertensie-inkomste betref, is gedrukte koerante besig om te kwyn en word hulle deur aanlynmedia vervang. Dit skep ‘n geweldige finansiële krisis vir die mediahuise, want niemand maak werklik geld uit die internet nie, behalwe enkele reuse- internasionale groepe soos Google of Facebook wat oor honderde miljoene gebruikers beskik.

    In Afrikaans is die toestand des te meer akuut, vanweë die klein mark wat deur Afrikaanse media bedien word. Hoewel Afrikaanse media redelik sterk staan teen Engelse media in Suid-Afrika, kan ons glad nie met die groter tale, veral natuurlik Engels, internasionaal meeding nie. ‘n Webwerf soos die Britse mailonline beskik byvoorbeeld oor 70 miljoen gebruikers wat aan hom ‘n aardige advertensie-inkomste besorg.

    Om verskeie redes is Afrikaanse media nie volhoubaar nie. Naspers het ‘n sogenaamde “betaalmuur” vir sy dagblaaie se aanlynweergawes ingestel. Behalwe vir die Wall Street Journal en ‘n paar ander internasionale voorbeelde, wil lesers eenvoudig nie vir aanlyninhoud betaal nie. Die internet is veronderstel om gratis te wees.

    Dit is egter waar dat aanlynmedia tans nog op die gedrukte media parasiteer. Vanweë die groter advertensie-inkomste van gedrukte media, kan hulle bekostig om meer joernaliste in diens te hê, ondersoekende joernalistiek te doen en bepaalde groot stories oop te vlek. Aanlynmedia maak meesal gebruik van die groot nuusdienste wat die stories van gedrukte koerante herverpak en teen ‘n breukdeel van die oorspronklike koste te koop aanbied. Andersins het sulke nuusdienste hul eie joernaliste in diens wat berigte skryf wat weer aan die gedrukte koerante en aanlynmedia verkoop word.

    Maar wat gebeur wanneer gedrukte koerante heeltemal tot niet gaan en al daardie joernaliste wat danksy papier steeds ‘n salaris verdien, eensklaps sonder werk gaan sit? Ek vermoed dat ons in Afrikaans slegs vyf jaar van so ‘n situasie verwyder is, gouer indien die huidige vervreemding tussen die Nasperskoerante en Afrikaanse lesers wyer uitkring. Danksy sy oorsese belange, onder meer in Hong Kong, kan Naspers al sy Afrikaanse media sluit sonder dat dit sy winsgewendheid noemenswaardig sal beïnvloed.

    Wat ons by praag probeer regkry, is om die gratis model wat reeds op die internet gevestig is, só aan te wend dat dit op die duur volhoubaar kan raak. Niks is egter ooit heeltemal gratis nie en in die reël moet vyf persent van gebruikers bereid wees om vir ‘n diens te betaal vir so ‘n diens om te kan voortbestaan.

    Die netwerk wat praag gevestig het, met sowel ‘n Afrikaanse as ‘n Engelse webwerf, asook ‘n sterk teenwoordigheid op sosiale media soos Facebook en Twitter, beskik oor die potensiaal om daardie “departement van mediaverdediging” te word wat Afrikaners so broodnodig het. Veral vanaf ons Engelse webblad loods ons kritiese kommentaar en berigte wat hard slaan en konsternasie onder ons vyande veroorsaak, omdat Afrikaners nou vir die eerste keer in ‘n lang tyd hulle teen propaganda-aanvalle verdedig.

    Beide webwerwe verteenwoordig ‘n formidabele navorsingsbron waar die aantal moorde, verkragtings en ander geweld in ons land daagliks weerspieël word. Dit maak dit vir navorsers, aktiviste en kommentators moontlik om sulke inligting altyd byderhand te hê.

    Die internet beskik beslis oor die potensiaal om ons te bevry, want ons kan ook ekonomiese netwerke, handel, beleggings, betalings en wat nog van hier af bedryf. Daar moet egter ‘n nodale punt wees waar al hierdie dinge ontmoet.

    Dat hierdie webblad moet aanhou bestaan en moet groei, is van wesentlike belang. Word deel van die vyf persent deur op die onderstaande banier te klik!

    praagcoza_adv