Net soos wat Mugabe vir die hele ramp in Zimbabwe geblameer word, is ons veronderstel om te glo dat een mens, Jacob Zuma, vir die huidige vlaag onstabiliteit in Suid-Afrika verantwoordelik sou wees. Dan Roodt verduidelik waarom dit ‘n illusie is en skryf die geweld in die land toe aan juis die ontkenning van etnisiteit wat aan ons die verkeerde politieke stelsel nagelaat het. Luister gerus deur hier onder te klik.
Tag: oproer
-
Oproeriges by Krugersdorp steek huis aan die brand
Die polisie ondersoek ‘n saak van brandstigting nadat oproeriges van die Princess-plakkerskamp in Roodepoort, Dinsdagaand ‘n huis aan die brand gesteek het.
Tydens oproer en onluste, wat RSG beskryf as ‘n “diensleweringsbetoging”, is verbygaande voertuie en motoriste ook met klippe bestook.
Motoriste word aangeraai om Ontdekkersweg of die N12 te gebruik. Tot dusver is geen beserings nog aangemeld nie.
Die Johannesburgse Metropolisie sê Albertina Sisuluweg langs die plakkersgebied in die rigting van Krugersdorp, bly gesluit.
Die polisie wil duidelik nie kanse waag nie want drie maande gelede het plakkers van Princess aan die Wes-Rand ‘n vragmotor gekaap en aan die brand gesteek ná ‘n gewelddadige protes deur inwoners. Die vragmotor vol groente en vrugte op die Hoofrifpad is eers geplunder en daarna aan die brand gesteek.
Die polisie het gereageer met rubberkoeëls en skokgranate om die skare te verjaag en van die gesteelde goedere terug te vind.
Die inwoners sê hulle wil hê die regering moet hul belofte van behuising, water en elektrisiteit nakom.
Terwyl kalmte op Hoofrifweg herstel is, was dit lank gesluit aangesien beamptes moes werk om te verwyder wat oorgebly het van die brandende vragmotor, bande en sementblokke.
Gemeenskapsleier David Mathibe sê die protes sal nie ophou nie, want die regering het voortgegaan om leë beloftes te maak.
“Die regering luister nie na ons nie, wat beteken dat hulle nie omgee vir ons mense nie.”
“Ek is al so lank hier, ek behoort nou in ‘n pragtige huis te bly. Hulle neem ons nie ernstig op nie. Laat hulle dus doen soos hulle wil, en ons sal dieselfde doen,” het ‘n inwoner gesê.
Die polisie sê hulle sal in die omgewing bly om seker te maak dat protes nie weer opduik nie.
In Maart het betogers ‘n gedeelte van Elsburgweg en ander strate wat na die Ramaphosa-plakkers en Reigerpark gelei het, met brandende bande, gemors, boomtakke en vullis afgesper.
“Ons het besluit om ons griewe na die strate te neem, want daar is nog steeds geen ontwikkeling in ons omgewing nie, alhoewel ons baie keer gestem het,” het een van die inwoners gesê.
Ramaphosa word nie ontwikkel nie, terwyl ontwikkelings in ander gebiede langs hul area in die bruin gebied plaasvind, sê hulle.
“Skole, ‘n biblioteek, gemeenskapsale, sportgeriewe, teerpaaie en ander dienste is aan die orde van die dag in Reigerpark, maar nie Ramaphosa nie.
“Ons het nie eens sportgeriewe om jongmense van die strate te hou wat verslaaf is aan dwelms nie.”
-
Moeilikheid by watersuiweringsaanleg oor te veel Zoeloes
Swart inwoners van Boschkoppies by Olifantsvlei, suid van Johannesburg, het die opgradering van die Olifantsvlei-aanleg vir die behandeling van afvalwater tot ‘n stilstand gebring weens etniese spanning, het RSG berig.
Hulle eis om in diens geneem te word in stede van die Zoeloes wat ingebring is van elders.
Die inwoners beskuldig die bestuur van Johannesburg Water dat hulle honderde mense van KwaZulu-Natal gebring het om op die projek te werk, ondanks beloftes van werk aan die inwoners verlede jaar.
Die opgradering sal na raming sowat 170-miljoen beloop. ‘n Gemeenskapsleier in die gebied, Mpho Mawatsa, sê hulle sal nie toelaat dat die projek voortgaan as plaaslike inwoners nie daarop kan werk nie.
Intussen is dit kalmer in Maruping by Ottoshoop en woonbuurte by Zeerust in Noordwes, ná verskeie gewelddadige diensleweringsonluste hierdie week.
In Maruping het lokasiebewoners geëis dat die regering aandag skenk aan kwessies soos die voorsiening van elektrisiteit aan sewe honderd huise, asook die voltooiing van talle HOP-huise.
Die lokasie se verteenwoordigers het intussen met amptenare van die Mahikeng plaaslike munisipaliteit vergader om hul griewe te lug.
Die speaker van die munisipaliteit, Pontsho Tabane, sê die vergadering het goed afgeloop want hulle is belowe dat die probleme aandag sal kry.
-
Sewe aangehou na onluste in Zeerust uitbreek
Sewe mense is Maandag in Zeerust in die Noordwes-provinsie gearresteer ná ‘n gewelddadige protes.
Dit is bevestig deur die polisiewoordvoerder, Sabata Mokgwabone.
Onluste het uitbreek in die Itireleng-lokasie. Al sewe van die verdagtes wat gearresteer is, is swart vroue. Volgens die DA se verklaring, is lokasie-inwoners gemaan om nie winkels in privaatbesit te plunder weens ‘n gebrek aan dienslewering nie.
Die VF+ se raadslid, Karlien Venter, sê alhoewel paaie nie afgesper is nie, is winkels gesluit en skole het vroeg verdaag.
Mokgwabone sê dat die sewe binnekort in die Zeerust-landdroshof sal verskyn op aanklagte van openbare geweld. Hy sê die situasie is tans kalm, maar dat polisiebeamptes in die gebied ontplooi sal word want geweld kan weer opvlam.
“Ons wil weer ‘n nederige appèl aan lede van die gemeenskap rig om seker te maak dat hulle die oppergesag van die reg respekteer, asook die regte van ander burgers wat nie deel van die protes is nie,” het Mokgwabone bygevoeg.
In Coligny word Phillip Schutte en Pieter Doorewaard volgende week Vrydag terug in die hof verwag. Verskeie huise is aan die brand gesteek en drie vragmotors is tydens die gewelddadige betogings uitgebrand.
Daar was ook protes in Lichtenburg, wat na berig word veroorsaak is deur ongelukkigheid oor swak dienslewering. Winkels is geplunder en voertuie, insluitend ‘n Njala-polisievoertuig, is met klippe gegooi en aan die brand gesteek.
Die SABC berig die rede vir die onluste in Zeerust is nog onbekend. In 2014 het die inwoners oproerig geraak oor ‘n gebrek aan water en die paaie afgesper naby die grenspos met Botswana. Motoriste is met klippe bestook.
Ook in 2009, het onluste uitgebreek oor swak dienslewering.
-
ANC wil verder olie op Coligny-vure werp
Die Noordwes se provinsiale regering en die ANC het sê dat hulle wil appelleer teen die besluit om borgtog toe te staan aan twee wit boere van Coligny wat reeds deur die media veroordeel is as moordenaars, sonder enige bewyse.
Eyewitness News en Radio 702 het sonder ophou ‘n haatveldtog teen die twee volgehou en die oproeriges oortuig dat hul optrede geregverdig is.
Die premier van Noordwes, Supra Mahumapelo het by die tiener se begrafnis “Afrikaners” van sy moord beskuldig en die gemeenskap sodoende doelbewus gaan opsweep.
Hoewel die twee plaaslike inwoners, wat teregstaan in die hof, ontken dat hulle Matlhomola Mosweu vermoor het, word hulle in die media as “moordenaars” beskryf.
Die regering wil dus verder olie op die vuur gooi van onluste en aanvalle teen wittes in die gebied opnuut aanmoedig deur na verwagting in die komende week ‘n aansoek by die Hooggeregshof in Mahikeng in te dien, voordat die twee mans weer op die 26 ste van aanstaande maand in die hof moet verskyn.
Skole op Coligny in Noordwes mag weer vandag heropen na twee weke se gewelddadige betogings en plundery na die dood van die swart tiener, maar dit is nie seker of dit wel gaan gebeur nie.
Lokasiebewoners het klasse ontwrig en leerlinge glo gedwing om die oproer te ondersteun nadat borgtog aan die twee wit beskuldigdes toegestaan is.
Volgens ‘n SABC-verslaggewer op die dorp is inwoners van Tlhabologang verdeeld oor of die kinders toegelaat behoort te word om terug te keer skool toe.
Ook in Noordwes ondersoek die polisie ‘n moord nadat die verbrande liggaam van ‘n 15-jarige swart meisie in die veld buite Jouberton in Klerksdorp gekry is.
Die oorledene is oor die naweek as vermis aangemeld nadat sy die vorige dag by haar huis weg is om by ‘n vriend te gaan kuier.
Dit volg na die moord op Karabo Makoena van Soweto wat ook aangerand is voordat sy onherkenbaar verbrand is.
Daar word geen onluste gepleeg deur die swart gemeenskap oor hierdie gruweldade nie, wat duidelik bewys hoe dat die oproer in Coligny deur rassehaat gedryf en aangemoedig word.
-
Buitelanders in Coligny kom agter hulle is ook in die spervuur
Die situasie in Coligny in Noordwes, wat geteister word deur gewelddadige betogings, bly op ‘n mespunt.
Die polisie is steeds in die gebied ontplooi, aangesien dit binne oomblikke kan verander. Dit is volgens polisiewoordvoerder, Sabata Mokgwabone, en volg nadat geweld Woensdag weer uitgebreek het ná afloop van ‘n besoek deur die Noordwes LUR vir Openbare Veiligheid, Mpho Motlhabane, en die Ditsobotla-munisipaliteit se burgemeester, Lesego Holele.
Hulle het ook met leiers van sowel die boere- as die plaaslike gemeenskap vergader oor die “rassisme” in die gebied. Rassegeweld het Maandag in die dorp opgevlam nadat Pieter Doorewaard en Philip Schutte, wat teregstaan op versinde aanklagte van moord op die sestienjarige Matlhomola Mosweu, borgtog van R5000 elk ontvang het. Hulle sal weer op 26 Mei in die hof verskyn.
Mokgwabone sê die N14 tussen Ventersdorp en Lichtenburg is tans oop vir verkeer, maar dat motoriste egter steeds waaksaam moet bly indien hulle deur die area ry.
Verskeie huise is al geplunder en voertuie, waaronder drie vragmotors, is aan die brand gesteek. Die oorsaak van Matlhomola Mosweu se dood is nie bekend nie, maar die hoofstroommedia berig dat die twee wit boere “moord” gepleeg het.
Mosweu is Sondag by die Scotland-lokasie in Coligny begrawe waar Noordwes se Premier, Supra Mahumapelo, sowel as ander afgevaardigdes, die begrafnisgangers teen Afrikaners opgesweep het.
Maar ten minste 30 winkels in besit van buitelanders is sedert die uitbreek van rassegeweld in Coligny geplunder, het ‘n plaaslike sakeman Woensdag gesê.
“Ek het niks oor nie, hulle het alles in my winkel gesteel, hulle het selfs die koppies wat ek gebruik het om water te drink,” het Mahammed Rubel gesê.
“Dit is hartverskeurend om te sien dat jou buurman jou winkel plunder. Hulle het alles gevat, insluitende my klere. Mense het nie genade nie, jy gee hulle krediet en help hulle, maar hulle plunder jou winkel. Mense wat jy ken … ”
Rubel is een van 30 Bangladesjse handelaars wat winkels in Tlhabologang besit. Hy het gesê dat Bangladesjse sake-eienaars voorraad verloor het wat meer as R700 000 werd was.
“Ons weet nie of ons van hierdie groot verlies kan herstel nie, ons het nie ‘n manier om weer te begin nie. Ons is afhanklik van donasies van kos tot klere. Ons het nêrens om te gaan nie. Ons bly nou by die moskee en hoop ons broers in Johannesburg sal ons help.”
-
Suide van Johanneburg, Brits, Kaapstad gebuk onder onluste
Geweld oor gebrekkige dienslewering en behuising het weer opgevlam in Ennerdale in die suide van Johannesburg. Volgens berigte word voertuie met klippe bestook.
Gewelddadige oproer kom sedert verlede week in Eldoradopark, Freedom Park, Kliptown, Lenasia, Ennerdale en Finetown voor. Verskeie winkels is geplunder. Die polisie het meer as 50 mense in hegtenis geneem op aanklagte van openbare geweld.
Niemand is nog in hegtenis geneem nadat ‘n bus gistermiddag by Bapong naby Brits in Noordwes aan die brand gesteek is nie. Die polisie sê die brandstigting het tydens ‘n betoging oor werksgeleenthede by die Lonmin-myn plaasgevind.
‘n Polisiewoordvoerder, Mpeile Talane, sê niemand is in die voorval beseer nie. Die ondersoek duur voort.
In Kaapstad, het die Kaapstadse metroraad gesê geweld en intimidasie sal hom nie laat afsien van ‘n diensleweringsprojek wat vir inwoners van Tamboplein in Gugulethu op die Kaapse Vlakte bestem is nie.
Inwoners van ‘n ander gebied het vroeër die strate ingevaar en buitebande aan die brand gesteek uit protes teen die opgradering van Tamboplein. Hulle wil hê die grond moet vir ontspanningsdoeleindes gebruik word.
‘n Burgemeesterskomiteelid, Siyabula Mamkeli, sê hulle sal nie geïntimideer word om die projek te skrap nie.
Mamkeli sê die polisie is by die situasie betrek omdat die inwoners misdadig optree. Hy het dit benadruk dat hulle nie kan toegee aan ongrondwetlike eise nie.
In Durban, gaan die ANC met massa-optrede begin omdat die party in KwaZulu-Natal meen die howe maak inbreuk op die skeiding van magte.
Die ANC se provinsiale sekretaris, Super Zuma, sê hulle sal die strate van Durban invaar en betoog teen de regbank.
Hy sê opposisiepartye misbruik die regbank en sekere instellings praat asof hulle die land regeer. Zuma voer aan dat die kiesers reeds in 2014 hulle keuse gemaak het toe hulle vir die ANC en President Jacob Zuma gestem het.
Hy sê die ANC wil nie hê die howe moet die swart stem in die land ondermyn nie.
-
Na Noordwes-premier se aanhitsing brand skare vier wit Coligny-huise af
Die swart aktiviste-organisasie Sanco het glo dokumente ingedien om te vra dat die besluit van die landdros van Coligny om borgtog aan Pieter Doorewaard en Philip Schutte toe te staan, in hersiening geneem word.
Geweld het opnuut in Coligny in Noordwes uitgebreek toe ‘n huis op die plaas Rietvlei aan die brand gesteek is. Die chaos het uitgebreek nadat borgtog aan die twee wit mans toegestaan is. Intussen is altesaam vier huise afgebrand.
Die hof se besluit om borgtog toe te staan, is gegrond op gesonde regsbeginsels, sê Michal Groenewald, leier van die VF Plus in Noordwes. Hy sê Premier Supra Mahumapelo moet ophou om verdere rassistiese opmerkings teen wittes te maak.
Volgens berigte in die media het Mahumapelo by die swart tiener se begrafnis gesê hy is gedood “deur die hande van wit mense”. Hy het ook gesê dat die mense “deur wie se hande” die seun gedood is, is “Afrikaners van Coligny”.
As Mahumapelo voortgaan met sulke stellings, kan dit die swart skares tot verdere geweld aanmoedig. Die Premier moet verantwoordelikheid neem as enige gewelddadige protes weer as gevolg van sy aanhitsings uitbreek, het Groenewald gesê.
“Wanneer wit mense deur swartmense vermoor word, is dit gewone misdaad. Wanneer die situasie andersom is, noem die ANC dit rassisme. Dit is onaanvaarbaar.
“Mahumapelo is welkom om ons te vertel hoeveel begrafnisdienste van vermoorde wit boere in die provinsie hy al bygewoon het en wat hy daaroor gesê het.”
Volgens berigte behoort geen van die huise wat afgebrand is aan die twee beskuldigdes nie. Hulle is borgtog van vyfduisend rand elk toegestaan.
Die oproeriges het daarna die strate van die dorp ingevaar. Die EFF het Maandag op Twitter ondersteuners aangemoedig om wit boere te gaan aanval.
Joernaliste wat eiendom betree het sonder toestemming, is deur van die boere gewaarsku om die gebied te verlaat en nie foto’s te neem nie. Sanef het die wit boere veroordeel wat op hul privaatheid aangedring het, asof wit boere geen reg daarop het nie.
Landdros Makgaola Foso het vroeër in sy uitspraak gesê die borgtogaansoek was ‘n moeilike proses omdat verskeie belange opgeweeg moes word, soos geregtigheid, persoonlike vryheid, én die publieke belang.
Doorewaard en Schutte word van ‘n swart tiener se dood beskuldig omdat hulle hom glo van ‘n bakkie sou afgestoot het, terwyl die vermeende swart dief self van die bewegende voertuig afgespring het.
Die twee mans staan tereg op aanklagte van moord ná die dood van die 17-jarige Matlhomola Mosweu, maar ontken skuld.
Die sekretaris van Sanco in Noordwes, Packet Seaketso, sê die landddros was bevooroordeeld met sy borgtoguitspraak. Volgens Seaketso is die belange van die gemeenskap nie in aanmerking geneem nie.
Hy het ook die landdros daarvan beskuldig dat hy Vrydag die verdediging se regspan leiding gegee het oor wat hulle in die hof moet sê.
Die president van AgriSA, Johannes Möller, sê mense wat die reg in eie hande neem omdat hulle ontevrede is oor hofverrigtinge, moet aanspreeklik gehou word. Möller het die polisie gevra om beskerming aan die landbougemeenskap te verleen.
Hy sê dié tipe geweld kan geen probleme oplos nie en tot ‘n veiligheidskatastrofe lei indien die polisie en leiers in die gemeenskap nie optree nie.
Möller sê ook indien die twee verdagtes skuldig bevind word, moet hulle die gevolge van hulle dade dra.
Die waarnemende Nasionale Polisiekommissaris, Khomotso Phahlane, het die VF Plus die versekering gegee dat die polisie met versterkings sal ingryp om die plofbare situasie en hernieude geweld in Coligny te kalmeer, sê dr. Pieter Groenewald, leier van die VF Plus. Maar ten spyte van die versekerings is eiendom vernietig en gisternag het groepe swartes van plaas na plaas beweeg om wit huise aan te val.
Op die Putfontein-pad is voertuie aangeval en aan die brand gesteek, volgens onbevestigde berigte.
Van die huise wat afgebrand is, behoort aan dr. Rabie Barnard, ‘n mediese dokter wat bekend is vir die onbaatsugtige werk wat hy onder al die gemeenskappe van die gebied doen, en die ander aan ‘n boer, mnr. Henk Keyser, wat op ‘n plaas naby die dorp woon.
Dr. Groenewald is glo in direkte kontak met Phahlane en die kommissaris het hom verseker dat versterkings en ‘n helikopter na die gebied ontplooi sal word.
“Ek is ook in direkte kontak met die polisie generaal in beheer van bedrywighede in die omgewing wat my op hoogte hou van die nuutste ontwikkelinge.
“Die VF Plus doen ‘n beroep op alle politici, en veral dié van die ANC, om hul volgelinge te vertel om die oppergesag van die reg te respekteer en nie rassistiese of populistiese stellings te maak soos die Noordwes se premier Supra Mahumapelo by die begrafnis van die seun gedoen het nie.
“Die situasie is uiters plofbaar, en die VF Plus wil weer daarop wys dat ‘n gemeenskap die reg het om hom te verdedig en sy eiendom te beskerm, en dit moet deur almal gerespekteer word,” sê dr. Groenewald.
Die polisie in Noordwes het inwoners van Coligny gewaarsku dat mense wat eiendom afbrand, vervolg sal word, maar ‘n polisiewoordvoerder, Sabata Mokgwabaone, sê egter niemand is nog in hegtenis geneem nie.
Hy sê die polisie het hul hande vol om die groot groepe mense in bedwang te hou en sodra hulle die inwoners op een plek onder beheer het, breek geweld op ‘n ander plek uit. Mokgwabanone sê daar was geen berigte van enige beserings nie.
Intussen is die oorsaak van ‘n brand wat Maandag in ‘n oop stuk veld langs ‘n polisiekantoor in Jan Hofmeyrweg, Welkom uitgebreek het, steeds onbekend.
Francois Klaassen, van die Matjhabeng-munisipaliteit se brandweerdiens, sê hulle is omstreeks 14:00 ontbied. Hy sê met hul aankoms het die vlamme vinnig versprei na ‘n omheinde terrein van die polisie waar van hul voertuie en ander motors wat geskud is of in ongelukke betrokke was, gestaan het.
Vrystaat polisiewoordvoerder, Motantsi Makhele, sê van dié voertuie het aan die brand geslaan. Daar is motors wat ontplof het en selfs uitgebrand het. Makhele sê 37 voertuie van die polisie, wat nie meer in gebruik is nie of in ongelukke betrokke was, het vlam gevat.
Daar word nou gewag vir die polisie se forensiese ondersoek se uitslag. Makhele het verder gesê daar kan nie bespiegel word oor die oorsaak van die brand of die presiese omvang van die skade nie. Dit sal eers later bepaal word.
-
Borgaansoek-uitspraak van Coligny-boere vandag verwag
Uitspraak word vandag verwag in die borgaansoek van twee wit boere wat van moord op ‘n tienerseun van Coligny in Noordwes aangekla word.
Die swart gemeenskap wat klaarblyklik nie tussen oorsaak en gevolg kan onderskei nie, het die hotel op die dorp afgebrand om druk op die owerhede te plaas om die twee wittes skuldig te bevind.
Pieter Doorewaard en Philip Schutte word beskuldig van die moord op die 17-jarige Matlhomola Mosweu, wat tot gewelddadige betogings en brandstigting in Coligny gely het.
Die twee sê hulle het Mosweu gevang nadat hulle hom en nog ’n seun in hul werkgewer se sonneblomland gesien het. Die ander swarte het glo weggehardloop.
Die twee sê die swart tiener het van hul bewegende bakkie afgespring. Die staat het met ‘n dranksugtige getuie vorendag gekom wat beweer die beskuldigdes het Mosweu “ontvoer, met ’n vuurwapen gedreig en van die bakkie afgegooi”.
Doorewaard en Schutte staan tereg op aanklagte van moord, ontvoering en regsverydeling.
Intussen het die premier van Noordwes, Supra Mahumapelo, en die LUR vir onderwys, Sello Lehari, Sondag Mosweu se begrafnisdiens saam met vriende, familie en hooggeplaastes bygewoon. In plaas daarvan om die gemeenskap te kalmeer, het hulle olie op die vuur gegooi.
Mahumapelo het gesê die hof moet kyk hoe Mosweu dood is. Hy het ook gewaarsku dat as “geregtigheid” nie geskied nie, sal die gemeenskap aanhou onluste pleeg.
Sy woordvoerder, Brian Setswambung, sê die premier vra die gemeenskap om te wag vir die hof se beluit of borg toegeken sal word.
-
Coligny-twee hoor vandag oor borg
Uitspraak in die borgtogaansoek van die twee mans van Coligny in Noordwes sal na verwagting vandag gelewer word. Pieter Doorewaard en Phillip Schutte is aangekla na die dood van ‘n 17-jarige swart tiener.
Die twee sê die swart seun, wat agterop die bakkie was, het afgespring van die bewegende voertuig terwyl hulle met hom na die polisiestasie onderweg was en sy nek gebreek. Hy is betrap toe hy na bewering sonneblomme gesteel het.
Maar ‘n getuie beweer die twee het die swart tiener van die bakkie “gestamp”, ‘n hoogs ongeloofwaardige bewering aangesien die bakkie sou moes beweeg sonder ‘n bestuurder.
Woensdag het Jeremiah Modisane aan die hof gesê die tiener het van die gesig en ore gebloei, maar het nog geleef toe hy op die toneel aankom. Hy is glo in die hospitaal dood.
Intussen het Mosweu se pa, Sakkie Dinkgane, gesê sy seun se begrafnisdiens sal Sondag gehou word. “Hy het my vertel dat hy na die hoërskool ‘n verkeersbeampte wou word. Dit was die soort werk wat hy liefgehad het,” sê Dinkgane.
Die staat is gekant teen borgtog en sê indien die beskuldigdes vrygelaat word, sal dit weer tot onrus in die omgewing lei.
Owerhede in Johannesburg het motoriste intussen aangeraai om die Goue Hoofweg en die K43 in Lenasia Suid te vermy weens oproer in die gebied.
Dit is nog nie duidelik waaroor dié lokasie klipgooi nie. Geen berigte òf gerugte van wit Afrikanermans in die omtrek wat een of ander versinde misdryf begaan het, het nog opgeduik nie.
‘n Woordvoerder van die Johannesburgse Metropolisie, Wayne Minnaar sê die gebied is nie veilig vir enige motoriste nie.
-
Coligny, Lichtenburg in konflikspergebied verander na gepeupel op wittes toesak
Die gebied van Coligny in die Noordwes-provinsie is Dinsdag in ‘n konflikspersone verander te midde van gewelddadige oproer deur swart inwoners wat oorgespoel het in rassespanning in die gebied. Die lokasiebewoners protesteer oor ‘n gebrek aan dienslewering in die omgewing, maar het dit nou op die wit inwoners van die dorp uitgehaal.
Al die drankwinkels in die dorp insluitend die hotelkroeg is geplunder en twee wit woonhuise naby aan die lokasie is afgebrand.
Privaatsekuriteit is in albei dorpe wat sowat 20km van mekaar geleë is, ontplooi.
Wit huiseienaars het planne gemaak om hul eiendom te beskerm. Polisieversterkings is vanoggend vanaf Gauteng ingeroep. Die polisie gebruik rubberkoeëls om die betogers uit een te jaag, terwyl die betogers die polisiebeamptes met klippe bestook.
Daar is ‘n groot polisie teenwoordigheid in die omgewing. Teen Dinsdagmiddag was die hoofpad wat Coligny en Lichtenburg verbind, heeltemal afgesluit vir verkeer. Nelson Mandela-rylaan is ook met groot rotse en rommel versper, terwyl ‘n polisie-njala (gepantserde voertuig) aan die brand gesteek is, op dieselfde plek waar die brandstofvoorval gebeur het.
Elke vulstasie en die sakegebied word deur polisiebeamptes opgepas terwyl ‘n polisiehelikopter ook oor die gebied sirkel.
Onbevestigde berigte van botsings tussen betogers en die polisie by die nabygeleë Blydeville-omgewing is ontvang.
‘n Regeringstaakspan is intussen aangestel om die oorsaak van die onrus in die Coligny-omgewing in Noordwes te ondersoek.
Die munisipaliteit het die afgelope boekjaar gesukkel om sy werkers en diensverskaffers te betaal.
Die provinsiale en plaaslike regering het die geweld deur inwoners van Itsoseng en Blydeville by Lichtenburg en Coligny veroordeel, maar tydens die opstand was net ses polisielede ontplooi en een Njala beskikbaar.
Die polisie het Dinsdag met inwoners van die Tlhabologang lokasie slaags geraak. Swart skole is ook steeds gesluit. Die burgemeester van die Ditsobotla-munisipaliteit in Noordwes, Daniel Buthelezi het aan ontevrede inwoners gesê hulle griewe oor dienslewering is nie ‘n verskoning vir die afgelope ruk se geweld nie.
Hy sê die protesoptrede is nou suiwer misdadigheid en word uitgebuit deur misdadigers vir hulle eie gewin. Buthelezi sê die betogings hou glad nie meer verband met dienslewering nie en is nou suiwer boewery. Hy sê die mense word uitgebuit en vir ander doelwitte gebruik.
Die oproer hou al die afgelope paar dae aan en was deurentyd geweldadig. Die polisie is te laat ingeroep om die wit inwoners se eiendom te beskerm, aangesien dit al lank reeds duidelik was dat die oproer en geweld ‘n verskoning vir misdaad is.
Groepe swart inwoners in Coligny het met mekaar slaags geraak. Berigte is ontvang dat skerppunt-ammunisie gebruik is om die oproerige brandstigters terug te dryf.
Die swartes het glo betoog omdat die polisie nog niemand in hegtenis geneem het in verband met die dood verlede week van ‘n ongeïdentifiseerde 12-jarige seun nie. Die oproeriges het aan EWN gesê die “wit boere” moet skuld erken voordat hulle gaan ophou geweld pleeg. “Dis baie maklik,” het een verklaar. Maar die omstandighede rondom die kind se dood is troebel.
Versinsels dat ‘n wit boer of boere vir die swart kind se dood verantwoordelik gehou word, blyk ‘n rookskerm te wees vir die misdadigheid en geweld. Ander oproeriges sê hulle pleeg geweld oor ‘n gebrek aan HOP-huise.
Die N14 tussen Ventersdorp en Lichtenburg is steeds gesluit.
-
Drankwinkels leeggesteel, kuikens doodgebrand en motoriste gestenig
Plundery deur swart inwoners van Coligny in Noordwes in die dorp het Maandag die hele dag voortgegaan en verskeie drankwinkels en ander winkels is leeggesteel.
‘n Groot groep polisiebeamptes is in die Tlhabologang-township by Coligny ontplooi.
Die lokasiebewoners het gisteroggend winkels begin plunder nadat ‘n 12-jarige seun verlede Donderdag van ‘n sleepwa afgeval en later in die hospitaal oorlede is.
‘n Boer in die omgewing het hom glo daarvan beskuldig dat hy sonneblomme gesteel het, maar dit is nog nie duidelik hoe die kwessies verband hou nie.
Vrydag is ongeveer 38 000 eendagse kuikens doodgebrand toe ‘n vragmotor tydens ‘n oproer in Lichtenburg, Coligny se buurdorp, aan die brand gesteek is.
Sommige van die kuikens is van die vragmotor af gegooi en is toe deur ‘n ander vragmotor doodgery, het Opti Chicks, die maatskappy wat hulle voorsien het, in ‘n verklaring gesê.
Die Dierebeskermingsvereniging het gesê sy plaasdierebeskermingseenheid is op die toneel ontplooi, maar is herroep nadat hy ingelig is dat geen kuikens oorleef het nie.
“Ons beklemtoon dat die lyding wat deur hierdie voëls verduur moes word, skaars verbeel kan word. Dit moes verskriklik en langdurig gewees het. Dit was ook heeltemal onnodig,” het die organisasie Maandag in ‘n verklaring gesê.
Omdat daar glo geen beeldmateriaal beskikbaar is van die oproer waarin die swart daders geïdentifiseer kan word nie, sal ‘n ondersoek na die wreedheid ingewikkeld wees sê die organisasie.
In Limpopo het lokasiebewoners by Muledane buite Thohoyandou nie kuikens nie, maar mense in motors met klippe gegooi. Hulle eis dat verdagtes in ‘n rituele moord in hegtenis geneem word.
Die liggaam van ‘n 23-jarige man is sonder sekere liggaamsdele gevind. ‘n Woordvoerder van die polisie sê hulle het beamptes ontplooi en monitor die toestand.
-
Oproeriges gooi klip by Ogies en Hoedspruit
Vyf-en-twintig oproeriges is by Ogies in Mpumalanga in hegtenis geneem na ‘n onwettige optog Woensdag deur jeugdiges in die gebied. Hulle het die polisie, veiligheidswagte en geboue met klippe bestook.
Die betogers het ‘n beroep op die waarnemende bestuurshoof van Eskom, Matshela Koko gedoen om te bedank nadat hy na bewering miljard rand se tenders aan sy stiefdogter toegeken het.
Hulle is ook ontevrede oor die sluiting van vier kragstasies in die provinsie. Die betogers het na die Kusile-kragstasie opgeruk.
Intussen is ‘n tweede vragmotor aan die brand gesteek in Namakgale by Phalaborwa in Limpopo. Inwoners betoog teen die indiensneming van twee gemeenskapskakelbeamptes by die Phalaborwa-mynmaatskappy.
Die R40 by Hoedspruit word met rommel versper. Die myn se woordvoerder, Zulu Shikati sê werksaamhede by die myn is opgeskort.
Shikati sê die myn sal vanmiddag met gemeenskapsverteenwoordigers en die plaaslike munisipaliteit vergader om die probleem te probeer oplos.
-
Kind gewond na polisie en gemeenskap slaags raak
‘n Elf-jarige swart kind is gewond, terwyl 19 winkels wat aan buitelanders behoort, beskadig is nadat die polisielede en die gemeenskap naby Wesselsbron in die Vrystaat Saterdag slaags geraak het.
‘n Polisiewoordvoerder, Montantsi Makhele, sê die polisie was besig met ‘n roetine-operasie by ‘n plaaslike taverne omstreeks 19:00, toe lede van die gemeenskap begin toi-toi het. Hy sê lede van die gemeenskap was blykbaar nie tevrede is met die optrede deur die polisie nie, waarna ‘n ernstige konfrontasie gevolg het.
Polisievoertuie is met klippe bestook, terwyl 19 winkels beskadig is in die proses. Makhele sê die kind se beserings het gekom nadat die polisie rubberkoeëls gebruik het om die skare uiteen te jaag.
Nege mense is in hegtenis geneem op aanklagte van openbare geweld.
Intussen hou verkeersbeamptes ‘n wakende oog op die N2 naby Borchard Quarry naby die Kaapstad Internasionale Lughawe waar swart amokmakers ook vroeër oproerig geraak het.
Dit volg nadat protesoptrede vroeër in die gebied uitgebreek het. Die snelweg is weer vir verkeer oopgestel, maar die verkeerspolisie is nog op die toneel.
‘n Voetganger is glo op die N2 naby Spineweg dood. Die voorval, wat kort ná middernag plaasgevind het, word ondersoek.
Motoriste word ook aangeraai om die omgewing van Riverlea, wes van Johannesburg, te vermy.
Swart inwoners in die gebied het het oproerig geraak en verskeie paaie afgesper. Die rede vir die protesoptrede is nog onduidelik. Die verkeersvloei op Hoofrifweg word ernstig belemmer.
