Etiket: xenofobie

‘Johannesburgse polisiestasies vol weens klopjagte op gekaapte geboue’

Die burgemeester van Johannesburg, Herman Mashaba, se strategie om klopjagte op gekaapte geboue in die middestad uit te voer, lei blykbaar tot “oorvol polisiestasies” aangesien 80% van die inwoners van sulke geboue uit buitelanders bestaan. Die munisipaliteit versoek die Suid-Afrikaanse Polisie om onwettige immigrante te arresteer en uit die land te deporteer, wat veroorsaak dat polisieselle nie meer die duisende onwettiges kan huisves nie.

Gerugte dat die departement van binnelandse sake die munisipaliteit en die polisie gevra het om nie verdere onwettiges in hegtenis te neem nie, is deur die departement se direkteur-generaal, Mkuseli Apleni, ontken. In ‘n onderhoud met Radio 702 het hy vanoggend verklaar:

“Hoe kan ons onwettigheid bevorder as ons as departement sê iemand het die wet oortree, en omdat hulle die wet oortree het, dus, moenie hulle arresteer nie want daar is nie plek nie. Dit kan nie moontlik wees nie.”

Apleni het egter die burgemeester gekritiseer omdat hy “xenofobie” aanwakker. Die departement beskou migrasie as ‘n “internasionale verskynsel wat bestuur moet word”.

Suid-Afrikaanse swartes is daarvoor bekend dat hulle buitelanders aanval en in 2008 het ten minste 62 buitelanders uit ander Afrikalande in xenofobiese onluste gesterf. In 2015 het xenofobiese moorde weereens opgevlam en het ten minste twee lande, Malawi en Kenia, van hul burgers gerapatrieer uit vrees dat hulle deur plaaslike swartes aangeval sou word.

Herman Mashaba het twee dae gelede gesê dat hy die situasie geërf het waardeur geboue in die middestad deur krotbase en inwoners gekaap word en dan aan buitelanders verhuur word.

Mashaba, wat aan die DA-opposisieparty behoort, regeer tans in Johannesburg danksy steun van die Afro-kommunistiese party, die EFF wat die ANC vanuit die mag uitgesluit het. Die burgemeester van Johannesburg het gesê: Ek gaan nie die krotbase toelaat om deel hiervan te wees nie. ‘n Minimum van 80% van die mense wat in gekaapte geboue woon, is buitelandse burgers. Ek sal alles moontlik doen om huisvesting te verskaf, maar die stad van Johannesburg sal slegs huisvesting aan Suid-Afrikaners voorsien.”

Volgens Mashaba sal hy nie toelaat dat vervalle geboue gekaap word nie.

Twee weke gelede het sewe mense gesterf nadat ‘n uitgesette inwoner uit weerwraak ‘n brand in een van die geboue gestig het.

Geweld teen buitelanders vlam weer op in Umlazi

Die situasie by Umlazi, suid van Durban, het Dinsdagoggend na normaal teruggekeer ná gewelddadige oproer Maandag uitgebreek het teen buitelanders.

Die geweld het tot laatnag geduur toe swart inwoners winkels van buitelanders in die omgewing aangeval en geplunder het.

Hulle is glo woedend oor gerugte dat leerlinge by skole in KwaMashu ontvoer is. Die verkeer het Maandag op die Mangosuthu-hoofweg tot ‘n stilstand gekom. Die pad was met rommel versper.

Niemand is in verband met die geweld in hegtenis geneem nie.

Volgens berigte was daar ook verkeersopeenhopings in en om die Isipingo-gebied. Betogers het bande gebrand en begin klipgooi. Motoriste is aangemoedig om alternatiewe roetes te gebruik.

Die verkeer het tot stilstand gekom op die Mangosuthu-snelweg in Umlazi, ná inwoners die snelweg afgesper het.

Motoriste is ook versoek om weg te bly van Mega City, Price Mshiyeni Hospitaal, Clare Estate, Foremanweglokasie, Constantine-lokasie, Wandsbeckweg, Marriannhill, Holznerweg, Dorfnersingel, Reunionbrug en die Mega City-kruising tot verdere kennisgewing.

In 2015 is mense van die Kongo, Burundi, Rwanda, Ethiopië en Malawi in dieselfde gebied aangeval. Pres. Jacob Zuma het in Februarie vanjaar uitgevaar teen algemene wetteloosheid, asook dreigemente van geweld en intimidasie teen buitelanders.

Hy het die regering se kommer uitgespreek oor huidige dreigemente van geweld en dade van intimidasie en vernietiging van eiendom wat gerig is op nie-landsburgers wat in Suid-Afrika woon.

Inwoners in sommige gemeenskappe blameer nie-landsburgers vir die toenemende misdade, veral dwelmhandel.

Polisie gaan SA gebiede monitor waar buitelanders woon

Die polisie sê hulle het gebiede wat die ergste deur aanvalle op buitelanders en hulle sake-ondernemings geraak is, as prioriteitsgebiede geoormerk.

Rosettenville in Johannesburg en Pretoria in die Tshwane Metro het die ergste onder die vlaag gewelddadige aanvalle op buitelanders se winkels in die townships deurgeloop.

In Pretoria-Wes is hoofsaaklik Nigeriërs aangeval en van dwelmhandel, mensehandel en prostitusie beskuldig.

Die waarnemende nasionale polisiekommissaris, Khomotso Phahlane, sê die polisie sal voortgaan om die situasie in die betrokke gebiede te monitor.

Die ministers in die Justisie-, Misdaadvoorkomings- en Veiligheidsgroepering, sê die regering het gewaarsku teen sake-ondernemings wat buitelanders sonder dokumente in diens neem as ‘n manier om goedkoop arbeid te bekom.

Die regering sê sulke optrede deur sakelui skep spanning tussen plaaslike inwoners en buitelanders.

Die Minister van Binnelandse Sake, Malusi Gigaba, sê planne is gereed om inspeksies te doen.

Gigaba sê buitelanders sonder dokumente wat in die land opgespoor word, sal na hulle lande van herkoms teruggestuur word.

Hy sê tydens die vorige geldjaar is net meer as 33 000 mense gerepatrieer wat ‘n redelike duur proses is om uit te voer.

Watse xenofobie? ANC hou hulself dom

Meer as honderd mense is in verband met xenofobiese aanvalle in Pretoria in hegtenis geneem.

Intussen het die Suid-Afrikaanse minister van binnelandse sake Malusi Gigaba verklaar Suid-Afrikaners is nie xenofobies nie. Die minister het Sondag by die Lighthouse Chapel International Kerk in Pretoria gepraat.

President Zuma het vroeër’n soortgelyke siening gehuldig toe hy gepraat het oor die saak.

Die Nigeriese regering het bevestig dat geen Nigeriërs in onlangse aanvalle dood is nie.

Gigaba sê die frustrasies teen vreemdelinge is vererger deur die diepgewortelde sosio-ekonomiese probleme in die land. Hy het gepleit met die regering om ‘n einde te bring aan armoede en ongelykheid. “Ons het nie genoeg vordering gemaak om armoede, werkloosheid en ongelykheid aan te spreek nie. Maar ek wil hê julle moet weet dat ons streek van Suider-Afrika in ons vasteland van Afrika nie ‘n hindernis is nie, maar ‘n pad na ons verlossing uit armoede, werkloosheid en ongelykheid,” het Gigaba gesê.

Hy sê die oorgrote meerderheid van Suid-Afrikaners is nie xenofobies nie.

Maar verlede week was ‘n week van angs en beproewing, vrees en intimidasie vir die meeste Nigeriese, Zimbabwiese, Somaliese, en Pakistani immigrante in die omgewing van Johannesburg en Pretoria.

Die geweld het gelei tot die inhegtenisneming van 136 mense. In Johannesburg’n paar weke gelede in die suidelike woonbuurt van Rosettenville, is Nigeriërs geteiken vir dwelmhandel en prostitusie.

Die Afrika-lande, waarvan die burgers geteiken word in hierdie aanvalle, was ironies genoeg instrumenteel in die leiding van die stryd teen apartheid.

Suid-Afrika is ‘n groot bestemming vir miljoene asielsoekers. Die land, in teenstelling met baie Afrika-lande, het ‘n baie liberale asielbeleid, want die meeste vlugtelinge het die reg om te werk, studeer en selfs te lewe in die stad, in teenstelling met ander lande

Keniane wat met verslaggewers gepraat het in Pretoria, het dreigboodskappe deur WhatsApp ontvang, wat hulle waarsku dat ‘n aanval kom. Die Daily Nation berig dat Kenia se Hoë Kommissariaat die situasie monitor.

Die Suid-Afrikaanse Menseregtekommissie het hom uitgespreek teen die onlangse vlaag aanvalle teen immigrante.

Die kommisie het Maandag’n “noodvergadering” van belanghebbendes gehou ná geweld tussen plaaslike inwoners en buitelanders in Pretoria en Johannesburg.

Die Menseregtekommissie sê die kommissie is “baie bekommerd” oor die stand van sake en het alle betrokke partye uitgenooi om insette te lewer hoe hulle die “situasie” gaan hanteer.

Atteridgeville gespanne voor optog teen immigrante

In Atteridgeville, wes van Pretoria is die toestand gespanne in afwagting vir die optog teen “onwettige immigrante” wat skynbaar gemik is teen Nigeriërs.

Paaie in die woongebied is met brandende bande, klippe en ander voorwerpe versper. Die toegangsroetes is gesluit en niemand kan uit of in beweeg nie.

Die polisie het drie mense in hegtenis geneem nadat meer as 20 winkels oor die afgelope week in Atteridgeville, Pretoria geplunder is. Kaptein Bongi Msimango het gesê al die winkels behoort aan buitelanders.

Voorvalle is ook in ander swart woonbuurte in Pretoria-Wes en Mamelodi aangemeld.

Verlede week is ten minste 10 huise wat vermoedelik behoort het aan buitelandse dwelmbase en bordeeleienaars aan die brand gesteek in Rosettenville, suid van Johannesburg.

‘n Woordvoerder van Tshwane se Metropolisie het aan RSG gesê geen voorvalle van geweld is nog aangemeld nie. Die optog word gereël deur `n groep wat hulself Mamelodi Concerned Residents noem.

Die optog-organiseerder sê hulle is moeg vir onwettige immigrante wat handeldryf in dwelmmiddels en prostitusie.

Die optog sal na die kantore van die Departement Binnelandse sake wees en strate in Pretoria se middestad sal gesluit wees.

Intussen is nóg Suid-Afrikaanse sake-ondernemings in Nigerië geteiken weens ontevredenheid met die aanvalle teen buitelanders in Suid-Afrika.

Die Vereniging van Nigeriese Studente in Abuja het onder meer by die kantore van Multichoice betoog.

Betogers het ook die kantore van MTN bestorm waar hulle met klante slaags geraak en selfone gesteel het.

Kapings teiken buitelanders in Bloemfontein

Die polisie soek nog na die verdagtes van ‘n skietvoorval in Bloemfontein wat Saterdagaand op die hoek van Curielaan en Vereenigingrylaan plaasgevind het.

Polisiewoordvoerder, Chaka Marope, sê ‘n Bangladesjiese sakeman en sy vrou het Saterdagaand om 11-uur by die verkeerslig gestop toe ‘n silwerkleurige voertuig langs hulle gestop het.

Die insittendes van die voertuig het op die sakeman en sy vrou begin skiet. Verskeie skote is afgevuur.

Marope sê die Bangladesjiese sakeman is drie keer raakgeskiet, in die linkerarm en rug. Sy vrou is nie beseer nie.

Die gewonde is na die Rosepark-hospitaal geneem vir behandeling. Die polisie ondersoek ‘n saak van poging tot moord.

In nog ‘n kapingvoorval is ‘n Lesotho-burger van sy motor en verskeie persoonlike items beroof terwyl hy by ‘n hospitaalparkeerterrein gewag het.

Marope, sê die man het in sy motor gesit in die parkeerterrein by die Optima-hospitaal in Hospitaalpark toe twee mans aan sy ruit klop.

Die gewapende mans het sy sleutels, selfoon en skootrekenaar geëis. Die rowers het hom uit sy voertuig gedwing, sy voertuig geneem en weggery.

Die voorval het ongeveer nege-uur Vrydagaand gebeur. Marope sê die polisie het nog geen arrestasies in die saak gedoen nie.

Bron: OFM Nuus

EU-ambassadeur oefen sy papegaaitaal op Suid-Afrika

Die pro-EU Britse Moslem, baronnes Warsi, se klagtes oor “xenofobie en rassisme” in Brittanje het skaars opgeklink of die ambassadeur van die Europese Unie (EU) in Suid-Afrika, Marcus Cornaro, sê Europa gaan gebuk onder ‘n “kommerwekkende styging van rassisme en xenofobie”.

Cornaro het sy eenwêreldpapegaaitaal by die Kaapse Skiereiland Universiteit van Tegnologie se Bellville-kampus Maandag geoefen onder die tema: “Globale Uitdagings en vennootskappe”.

Dit maak deel uit van ‘n openbare lesingreeks aangebied deur die Universiteit.

Maandag was glo Wêreldvlugtelingdag en Cornaro sê Suid-Afrika het baie om die EU te leer oor vreedsame naasbestaan en versoening.

Intussen gaan die land gebuk onder voortgesette xenofobiese aanvalle teen buitelanders, meer as dubbel soveel opstande, oproer en geweld as voor 1994, verkiesingsgeweld lê Pretoria lam en meer skole is afgebrand in Limpopo binne ‘n week as ooit gedurende Apartheid.

Die agbare ambassadeur het niks hiervan opgemerk in sy blinde en dowe toespraak nie. Hy het op die bruin massas wat die EU instroom, gekonsentreer, iets waarvan Suid-Afrikaners dadels verstaan.

In Suid-Afrika word vreemdelinge verbrand en op straat doodgesteek. In Europa word migrante verwelkom terwyl hulle wittes aanrand, besteel en verkrag.

“Ek dink een van die belangrikste maniere vir vreedsame naasbestaan ​​is om ‘n onderskeid tussen die vlugtelinge te maak wat beskerming verdien.

“En ek dink Europa soveel as die Suid-Afrikaners is steeds stewig verbind tot die internasionale verpligtinge teenoor enige vlugteling om hul volle beskerming te gee. Die probleem is hoe om migrasie te bestuur en dit is ‘n jammerte dat dit te dikwels gesien word. Ek wil pleit dat ons die bespreking nie verwar met ons migrasiebestuur oor die langer termyn nie, en Suid-Afrika is ‘n interessante vennoot waarmee dit bespreek kan word.”

Cornaro het gesê die verhouding tussen Suid-Afrika en die Europese Unie sal nie beïnvloed word deur die uitslag van Donderdag se referendum oor of Brittanje lidmaatskap van die EU gaan behou of nie.

Cornaro het probeer om sulke vrese te besweer.

Katlehong gespanne na jongste xenofobiese geweld

Die situasie in Katlehong aan die Oosrand is gespanne nadat geweld Dinsdagnag uitgebreek het in die jongste vlaag xenofobiese aanvalle.

Winkels, wat aan buitelandsers behoort, is geplunder en in puin gelê.

Een plunderaar is in die geweld doodgeskiet toe die buitelanders glo hul eiendom wou beskerm.

Die polisie het bevestig dat vier buitelanders – wat tussen 20 en 27 jaar oud is – in verband met die skietery in hegtenis geneem is.

‘n Saak van moord en twee van poging tot moord word ondersoek.

Die oorsaak van die onlangse geweld is in die stadium nog onbekend.

Volgens berigte het dit tydens ‘n gemeenskapsvergadering in die Mandela-plakkerskamp begin.

‘n Katlehong-tiener is verlede Saterdag glo deur ‘n dwaalkoeël getref.

Bongani Msimango is in sy geslagsdele geskiet na die moord op nog ‘n plaaslike swarte wat na bewering deur ‘n Somaliese winkeleienaar doodgeskiet is.

Daar word beweer dat die swarte vroeër ‘n ou hoender gekoop het en dit teruggeneem het na die winkel toe ‘n bakleiery uitgebreek het tussen hom en winkeliers.

Xhosa-faksie protesteer weer onder dekmantel van kerk

‘n Groep politieke aktiviste wat onder die dekmatel van die kerk ‘n opstand onder studente probeer reël, het die oproer oor ‘n verhoging van klasgelde tot ‘n “nasionale krisis” verklaar.

Die groep, onder leiding van Eerwaarde Frank Chikane, het Wits Universiteit in Johannesburg besoek uit sogenaamde eensgesindheid met wat hulle “studente” noem, maar eerder betogende skoonmakers, skoolkinders en ‘n paar belhamels is.

Chikane, ‘n oubekende wat ervaring in stedelike terreur en aanhitsing het, is deel van die Xhosa-faksie in die ANC.

Chikane het gesê hulle veroordeel die “onnodige gebruik van mag en polisiebrutaliteit” teen studente.

Die kerkleiers het ook ‘n beroep gedoen vir die onmiddellike vrylating van die studente wat gister by die Parlement in Kaapstad in hegtenis geneem is.

Chikane het na sy seun verwys wat een van diegene is wat in hegtenis geneem is en gesê hy begryp die “pynlike situasie” van die opstokers.

Intussen is studente wat nie aan die betoging op die Noordwes-universiteit se Mahikeng-kampus deelneem nie, deur betogers uit hul koshuise verwyder.

Dit is die tweede dag van protesoptrede en klasse wat geboikot word. Studente van verskeie studentebewegings waaronder Sasco en die EFF sing struggle-liedjies by die ingang.

Luidens berigte is die universiteit se boekwinkel gisteraand bestorm en boeke, skootrekenaars en tablette gebuit.

Meer as 40 studente sal binnekort in die hof verskyn. Die polisie monitor die situasie.

By die Universiteit van Pretoria het betogers Woensdag studente uit die biblioteek geboender en gedreig dat hulle nie mag leer nie.

Die Kaapstad Skiereilandse Universiteit van Tegnologie het ‘n interdik teen studente wat skade aan die kampus aangerig het, verkry.

Enigiemand wat eiendom beskadig of enige student of werknemer teister, sal van die kampus verwyder sal word.

Dieselfde geld vir enige betogers wat klasse, eksamens of gradeplegtighede ontwrig. Klasse is opgeskort vir die dag.

Talle studente aan die Universiteit van Limpopo is bekommerd oor die opskorting van die finale eksamens. Die universiteit het vroeër ‘n verklaring uitgereik waarin hulle sê die eksamen wat Maandag begin het, is onbepaald uitgestel.

Betogende studente het Woensdag eksamens ontwrig terwyl ander besig was om te skryf.

Spanning heers in Grahamstad in die Oos-Kaap nadat buitelanders se winkels vir die tweede agtereenvolgende dag geplunder is.

Meer as 70 winkels het Woensdag deurgeloop. Die plundery het intussen na nabygeleë gebiede versprei.

Woensdag is 80 mense waaronder 11 jeugdiges in hegtenis geneem. Nog polisiebeamptes is intussen ontplooi en die hoofstraat is afgesper.

Dit is nie bekend hoe die plundery met studentegriewe verband hou nie.

Aanvalle op buitelanders ‘nie xenofobie’

Die polisie in KwaMashu noord van Durban ondersoek ‘n aanklag van kwaadwillige saakbeskadiging nadat ‘n houer wat aan ‘n Ethiopiër behoort, aan die brand gesteek is.

Terwyl aanvalle teen buitelanders steeds voortduur, het die medevoorsitter van die portefeuljekomitee in die parlement rakende xenofobiese geweld Vrydag gesê die aanvalle op buitelandse burgers vroeër vanjaar was nie as gevolg van xenofobie nie.

Soweto is ontwerp om verskillende taalgroepe in afsonderlike gebiede te hou, wat ‘n gevoel van etnisiteit geskep het, het News24 berig.

“Ons as ‘n komitee het tot die slotsom gekom dat hierdie aanvalle nie kbeskou kan word as xenofobies nie,” het Tekoetsile Motlashuping gesê by die Moroka-polisiekantoor in Soweto.

Hulle het die kwessie in diepte bespreek, en die betekenis van die woord xenofobie in ‘n woordeboek opgesoek.

“Die woordeboek sê dit is ‘n “uiterste” haat teen buitelanders. Suid-Afrikaners het nie uiterste haat nie, het hy gesê, en bygevoeg dat enigiemand wat vroeër vanjaar die geweld teen buitelanders beskryf het as xenofobies, is verkeerd.

“Ons is uit ballingskap,” het hy gesê aan die LP’s van die Nasionale Vergadering en die Nasionale Raad van Provinsies, wat hom op ‘n feitesending vergesel het.

Buitelandse burgers kom na Suid-Afrika vir baie redes, insluitend ekonomies, akademies, politieke probleme by die huis, en as gevolg van die politieke stabiliteit in Suid-Afrika.

Hy het gesê sommiges kom want daar is “baie hulpgeld”.

Hoewel die man in die houer nie beseer is in die jonsge aanval nie, gaan die ondersoek in KwaMashu voort.

Verlede jaar het buitelandse eienaars van winkels in die lokasie in en om Durban briewe gekry wat hulle aangesê het om op te hou om sake in die lokasie te doen.

Die briewe was van mense wat aangevoer het dat hulle plaaslike sakelui verteenwoordig.

Die polisie sê niemand is nog in verband met die voorval in hegtenis geneem nie, en die polisie ondersoek nog die saak.

Hofaansoek teen Operasie Fiyela

Die “menseregte-organisasie” Lawyers for Human Rights, wat deur George Soros befonds word, gaan ‘n aansoek by die Hooggeregshof in Pretoria indien teen die ANC-regering se “misbruik van die SAPD”.

Die organisasie beoog om Operasie Fiyela as onwettig en ongrondwetlik verklaar te kry.

Operasie Fiyela is ‘n nasionale inisiatief wat deur die polisie, weermag en amptenare van Binnelandse Sake bedryf word om onwettige immigrante uit te snuffel.

Dit is op die been gebring nadat skoktonele oor die mishandeling van buitelandse burgers koerantvoorblaaie gehaal het tydens ‘n hernude vlaag van geweld teen hulle.

LHR se woordvoerder David Cote sê die operasie is ‘n doelbewuste wanaanwending van die Suid-Afrikaanse Polisiediens.

Die groep sê die operasie word sonder enige agting vir die reg en sonder lasbriewe uitgevoer.

Hulle sê Fiyela skend die Grondwet wat die reg op privaatheid verseker, asook die reg dat ‘n woonplek nie sonder magtiging deurgesoek mag word nie.

Die Europese Unie waar die onwettige immigranteprobleem reeds tot die voorste nasionale kwessie in byna elke lidland gevorder het, dra ook by tot die LHR.

Wêreld Ekonomiese Forum vir Afrika in Kaapstad begin

Meer as 1200 wêreldleiers, politici en sakelui sal van Donderdag af die 25ste Wêreld Ekonomiese Forum oor Afrika in Kaapstad bywoon.

Die konferensie sal deur verteenwoordigers uit 75 lande bygewoon word.

Vanjaar se konferensie, in die Kaapstadse internasionale konferensiesentrum, sal onder meer immigrasie, die ekonomiese impak van terreur en die ontwikkeling van Afrika se informele ekonomie fokus.

Afgevaardigdes het hul kommer uitgespreek oor die onlangse xenofobiese aanvalle in die land, sowel as nuwe visumregulasies.

Sommige sê hulle oorweeg sakegeleenthede elders in Afrika ondanks die feit dat Suid-Afrika die top sakebestemming op die vasteland is.

Nuwe regulasies is glo ‘n bron van frustrasie.

MTN sukkel met diesel in Nigerië

Nigerië se grootste selfoonoperateur, MTN, het gewaarsku dat hy gedwing kan word om sy dienste te sluit weens ‘n tekort aan dieselvoorraad in Afrika se grootste olieproduserende land.

MTN Nigeria het ‘n boodskap op die sosiale netwerk Twitter geplaas en gesê omdat die meeste van sy basisstasies en ander toerusting deur kragopwekkers aangedryf word, kan sy bedrywighede ernstig geknou word tensy hy binnekort brandstof kry.

Dit is die jongste maatskappy wat deur die maandlange brandstoftekort in Nigerië geknou word.

Nigerië word deur brandstoftekorte gekortwiek as gevolg van omstrede subsidiebetalings.

Afrika se grootste olie-produsent beskik oor geen binnelandse raffinaderye nie, en word gedwing om ru-olie uit te voer en verwerkte produkte soos petrol en diesel in te voer.

Om koste aan verbruikers laag te hou, stel die regering pryse onder die markkoers en betaal die verskil aan invoerders.

Maar die daling in oliepryse het die land hard getref.

Regtegroep vaar uit teen Operasie Fiela

President Jacob Zuma het die regering se Operasie Fiela verdedig. Die operasie is daarop gemik om seker te maak dat immigrante die nodige dokumente het en wettig in die land is.

Die veldtog is deel van die regering se planne om misdaad te bekamp.

Stephen Faulkner van die People’s Coalition Against Xenophobia, het gesê die regering vergelyk buitelanders met “gemors” omdat “fiela” beteken om skoon te maak.

Die weermagoperasie impliseer dat diegene wat in hegtenis geneem word as “gemors” in stryd is met die regering se verbintenis om xenofobie uit te roei.

Die operasie word ook gekritiseer omdat dit gesien word as `n veldtog wat nie net onwettige immigrante aankeer nie, maar ook mense wat om asiel aansoek doen.

Zuma, wat vrae in die Nasionale Raad van Provinsies beantwoord het, het gesê dat dit veldtog slegs teen misdadigers is.