praag.co.za

Tag: menseregte

  • Karel Combrinck: Weste voer VN ‘n woestynpil

    Karel Combrinck: Weste voer VN ‘n woestynpil

    Indien daar nog twyfel was oor die sinisme, valse vroomheid en korrupsie van Westerse demokrasieë, dan het die verkiesing van die VN se Kommissie vir Vroueregte in April 2017 dit tot walging toe bewys. Sewe-en-veertig van die 54 lede van die VN se Ekonomiese en Sosiale Raad het naamlik ‘n verteenwoordiger van Saoedi-Arabië tot lid van die Kommissie vir Vroueregte verkies.

    Die stemming was geheim maar by wyse van eliminasie is dit duidelik dat minstens 15 Westerse demokrasieë vir die Saoedi-Arabiese kandidaat moes gestem het, waaronder minstens 5 Europese lande. Die Kommissie bestaan uit dertien lede, waarvan een nou ‘n Saoedi-burger is.

    Die posisie is natuurlik dat Saoedi-Arabië een van die swakste rekords ter wêreld het vir sover dit vroueregte aanbetref. Steniging en geseling van vroue is amptelike strafvorme in Saoedi-Arabië en kom algemeen voor. Minder belangrik, maar tog insiggewend, is dat vroue in Saoedi-Arabië nie eers ‘n motorvoertuig mag bestuur nie.

    Met een uitsondering is geen van die Europese lande wat vir die Saoedi-Arabiër gestem het bereid om dit te erken nie, maar kruip hulle weg agter die geheime stemming. Die uitsondering is België, wie se buitelandse minister, Didier Reynders voor die Belgiese parlement apologie aangeteken het vir die pro-Arabiese stem wat die gevolg was van die patetiese rede dat die Belgiese verteenwoordiger by die VN nagelaat het om vooraf met sy regering oorleg te pleeg.

    Die ware redes vir die vriendskapsgebaar teenoor Saoedi-Arabië is natuurlik eerstens oliebelange en voorts die feit dat Westerse lande wapens ten bedrae van miljarde dollar aan Saoedi-Arabië verkoop, wapens wat hulle onder meer gebruik om die bevolking van Jemen te onderdruk. Die Westersgesteunde Saoedi-Arabiese oorlog in Jemen is daarop gemik om die regering daar teen rebelle te verdedig, m.a.w. presies die teenoorgestelde situasie as dié in Sirië, waar die Westerse lande die rebelle téén die regering steun.

    Waarmee ons hier te make het, is die volslae morele dekadensie van wat ons as die ” Westerse Beskawing” beskryf en waar daar net een waarde oor is — die $-teken.

  • VN-ondersoekers na mensregteskendings in DRK se liggame in vlak graf gekry

    VN-ondersoekers na mensregteskendings in DRK se liggame in vlak graf gekry

    Die Amerikaanse en Sweedse VN-ondersoekbeamptes se liggame is in ‘n vlak graf in die Demokratiese Republiek van die Kongo ontdek.

    Die twee het blykbaar nie besef dat hulle nie tussen ‘n Afrika-despoot en sy geld moet kom met praatjies van menseregte nie.

    Die twee is “sinneloos vermoor,” het die Amerikaanse ambassadeur, Nikki Haley by die Verenigde Nasies in reaksie Dinsdag gesê en gelas dat ‘n ondersoek na hul dood aan die gang kom.

    “Dit is met groot hartseer dat ons vandag bevestiging ontvang het van die dood van Michael Sharp en Zaida Catalan,” het Haley in ‘n verklaring gesê.

    Catalan was die jeugleier van die Groen-linkses in Swede.

    Die twee het meer as twee weke gelede verdwyn. Hul liggame – en dié van hul Kongolese tolk Betu Tshintela – is gevind in die provinsie Sentraal Kasai, het plaaslike amptenare Dinsdag gesê. Die twee ondersoekbeamptes was op soek na grootskaalse geweld en beweerde menseregteskendings deur die Kongolese weermag en plaaslike burgermag groepe.

    Daar heers ontevredenheid in die provinsie teen die president, Joseph Kabila. Regeringsamptenare het Saterdag gesê sowat 40 polisiebeamptes is keelaf-gesny in die dodelikste aanval op die veiligheidsmagte sedert die opstand verlede jaar begin het.

    VN-syfers dui daarop dat meer as 400 mense reeds dood is in geweld waarin militante die skuld vir gruweldade op regeringsmagte pak wat daarvan beskuldig word dat hulle burgerlikes uitroei.

    Suid-Afrikaanse doeanebeamptes het intussen ‘n Ferrari ter waarde van meer as 13 miljoen rand onderskep wat na Suid-Afrika gesmokkel is deur ‘n burger van die DRK.

    Volgens die Suid-Afrikaanse Inkomstediens staan die motor sedert 2014 in ‘n pakhuis in Suid-Afrika. Die SAID sê toe die motor vir die eerste keer die land ingebring is, het die eienaar nie die regte invoerprosedure gevolg nie en die motor is in die pakhuis gehou.

    Die eienaar het in Februarie dokumente ingedien om die motor na die DRK te neem, maar ‘n dag later is daar gepoog om die Ferrari deur dieselfde grenspos terug na Suid-Afrika te bring. Die motor is intussen geskut.

  • Leon Wessels betaal sy soustreinkaartjie met wit UV-studente se toekoms

    Leon Wessels betaal sy soustreinkaartjie met wit UV-studente se toekoms

    Die voorval by die Universiteit van die Vrystaat se Reitz-koshuis in 2008 wat internasionale nuus gemaak het weens ‘n samespanning om Afrikaners swart te smeer, is weer deur Leon Wessels opgehaal as sou dit een of ander brandende kwessie bly.

    Vier Afrikaanse studente het ontgroeningsgrappies gemaak, maar dit word voorgehou asof die universiteit se skoonmakers “urine” gedrink het. Dié leuen word steeds by die universiteit en die Suid-Afrikaanse Menseregtekommissie ingespan vir rasbytery teen wittes.

    Volgens die direkteur van die Vrystaatse Sentrum vir Menseregte, Wessels, moet die universiteit ‘n memorandum van verstandhouding tussen die sentrum self, die Vrystaatse afdeling van die SAMRK asook die Instelling vir Versoening en Sosiale Geregtigheid, teken as ‘n soort skuldbewys van iets wat nie werklik gebeur het nie. Dit sal Wessels klaarblyklik beter laat voel oor sy naakte rasgedrewe manipulasie.

    “Wat dit sal beteken is dat ons, natuurlik, dink aan die geskiedenis [van sulke voorvalle] herinner sal word maar ons sal regtig ‘n poging aanwend van vorentoe te beweeg. Die memorandum bepaal dat ons sal ontmoet op ‘n gereelde basis en projekte sal bepaal wat ons saam kan doen. Die projekte wat ons saam sal doen, sal wees om ‘n ogie te hou oor transformasie en ‘n kultuur van menseregte aan die Universiteit en in die breër universiteitsgemeenskap,” sê hy.

    Dus wil Wessels “vorentoe” beweeg na “transformasie” wat beteken dat wittes al hoe meer uitgesluit word, verantwoordelik gehou word vir swart mislukking en blatante diskriminasie teen hulself moet aanvaar.

    Hy het gepraat voor die amptelike bekendstelling van die Vrystaatse Sentrum vir Menseregte by Bloemfontein-kampus. Die sentrum konsentreer oorheersend op menseregte kwessies op kampus en nagraadse en navorsingsinisiatiewe op die kampus. Dit is gestig op ‘n eksperimentele basis in Januarie 2016, maar sal op ‘n groter skaal in 2017 voortgaan.

    Die ANC se apparatsjiek het daarmee kennelik sy eie soustreinkaartjie met die wit studente aan die UV se toekoms betaal.

  • Riool tas plakkers se ‘menseregte’ aan sê DA

    Verskeie swart gesinne in Ikageng, naby Potchefstroom in Noordwes, woon al maande lank kniediep in onverwerkte riool wat in en om hul huise loop.

    Nou gaan ‘n wit raadslid van die DA hulle bystaan, want self doen die mense niks daaroor nie. Die Demokratiese Alliansie in Noordwes het Dinsdag aan OFM-nuus bevestig dat die party van voorneme is om ‘n klag teen die munisipale bestuurder by die Suid-Afrikaanse Menseregtekommissie, sowel as ‘n kriminele klag by die polisie, in te dien.

    Die DA beskou dit as ‘n “ernstige menseregteskending”, en dat die situasie ernstige mediese implikasies inhou vir diegene wat gedwing word om onder hierdie omstandighede te leef.

    “Ons het klagtes uit die gemeenskap ontvang – spesifiek Uitbreiding 11 in Ikageng – dat hulle al sedert Desember in riool sit. Die mense se huise is omring deur riool, as gevolg van rioolpype wat nie skoongemaak word nie. Hul klagtes val op dowe ore by die munisipaliteit. Hul kinders het al veluitslae; van hulle kan nie meer in hul huise leef nie; en ons het besluit om hierdie [saak] na die Menseregtekommissie te verwys,” sê die raadslid.

  • Skrywer jaag Eugene de Kock by boekbespreking uit

    Skrywer jaag Eugene de Kock by boekbespreking uit

    ‘n Engelse skrywer, Lauren Beukes het Eugene de Kock uit ‘n skrywersvergadering gejaag waar hy opgedaag het om te verneem of sy boek op ‘n pryskortlys aangekondig sal word.

    Die biografie, wat Anemari Jansen in samewerking met De Kock geskryf het, is in April benoem vir die Sunday Times Alan Paton-prys.

    De Kock, wat sy tronkstraf uitgedien het en sowat ‘n jaar gelede op parool vrygelaat is, was glo ‘n gas van die biografie se uitgewer, Tafelberg, maar Beukes het besluit om hom terstond van ‘n basiese menseregte te ontneem.

    Beukes het soos die Engelse gewoonte maar is, haarself aangestel om ‘n paar bonuspunte vir Engelse voortreflikheid te probeer aanteken deur namens swart skrywers en uitgewers verontwaardig te wees.

    Volgens haar was die swartes die naweek by die letterkundefees in Franschhoek “verskriklik getraumatiseerd oor De Kock se teenwoordigheid”.

    Almal het “gewonder” of hulle die lokaal moet verlaat, sê sy. Niemand het egter uitgeloop uit die bespreking nie.

    Toe nie een van die swartes wou loop nie, het Beukes besluit om in te gryp en voormalige Vlakplaas-verhoorde soos ‘n wafferse konsentrasiekampbevelvoerder te gaan verjaag.

    Een van die oud-polisieman se paroolvoorwaardes is dat hy nie met die media mag praat nie. Beukes kon die media dus op haar eentjie trakteer oor die gebeure.

    Lede wat die paneelbespreking bygewoon het waar Jansen opgetree het, sê hulle was nie bewus van swart ontsteltenis nie.

    De Kock was self verbaas om te verneem van die “swart trauma” maar het nie teëgestribbel nie. “Dankie dat jy my gesê het,” het hy gesê en daarna opgestaan en uitgestap.

    Hy het Vrydag en Saterdag die letterkundefees bygewoon.

  • Suid-Afrikaanse Menseregtekommissie weier om in Afrikaans te kommunikeer

    Suid-Afrikaanse Menseregtekommissie weier om in Afrikaans te kommunikeer

    Die mediawoordvoerder van die Suid-Afrikaanse Menseregtekommissie, Isaac Mangena, weier om in Afrikaans te kommunikeer. Hy gebruik slegs Engels, of anders antwoord hy op Noord-Sotho wanneer vrae aan hom in Afrikaans gestel word.

    Dr. Dan Roodt van PRAAG (die Pro-Afrikaanse Aksiegroep) het verlede jaar, asook verlede week, versoeke om inligting aan Mangena gestuur vir publikasie op die PRAAG-webblad, waarna Mangena weereens in Noord-Sotho geantwoord het.

    “Ons aanvaar nie hierdie behandeling nie,” sê dr. Roodt. “Ons siening is dat Afrikaans die oorspronklike taal van Suid-Afrika is. In die Transvaal en die Vrystaat is Engels ‘n onlangse immigrantetaal, net soos Noord-Sotho of Pedi. In elk geval is ons hoofkantoor in die Transvaal en ons dring daarop aan dat daar aan die Verdrag van Vereeniging van 1902, asook ‘n hele rits internasionale verdrae, benewens nog FW en Roelf se patetiese grondwet van 1996, gehoor gegee word.”

    Die Menseregtekommissie is veronderstel om na die menseregte van Suid-Afrikaners om te sien. “Maar hier word taalregte vertrap deur dieselfde liggaam as wat veronderstel is om oor ons regte te waak. Dis totaal absurd!” sê Roodt.

    Nie net PRAAG nie, maar al die Afrikaanse media word deur die MRK se weiering om vrae in Afrikaans te beantwoord, geraak. Daarom gaan die organisasie “dringend en indringend die kwessie ondersoek”, met die oog op optrede om die MRK te dwing om Afrikaans te gebruik.

    “Ons wil nie onnodig ons tyd met hofsake mors nie, en ons is reeds in ‘n geding met die departement van kuns en kultuur, asook die departement van omgewingsake betrokke rondom hul weiering om erkenning aan Afrikaans te gee,” sê Roodt. “Maar vir seker buig geen Afrikaner voor ‘n Pedi nie, of hy nou ‘n Pedi-Pedi of ‘n Engelse Pedi is. Met dié dat Paul Kruger so in die nuus is, moet die Pedi’s dalk bietjie gaan oplees oor hoe hy dié beginsel telkemale gedemonstreer het.”

    Benewens ‘n hofaansoek teen die MRK, sal PRAAG ook klagtes by internasionale organisasies aanhangig maak. Die organisasie voer uitgebreide korrespondensie met internasionale organisasies wat mense- en taalregte betref. “Die Menseregtekommissie kan hom maar regmaak vir ‘n PRAAG-aksie,” sê Roodt. “Toe ons in 2000 gestig is, het iemand geskerts dat ons leuse moet wees, ‘na aksie, satisfaksie’. Vir seker gaan ons die saak nie hier laat nie.”

    PRAAG sal ook ‘n e-petisie teen die SAMRK loods. “Ek is lus en stel die stelsel só dat elke e-pos in die inmandjie van Mangena, asook elke menseregtekommissaris beland. Dan sal hulle miskien twee keer dink oor hul anglofilie en pedifilie,” sê Roodt.

    PRAAG beplan ook om ‘n eis van etlike miljard rand teen die ANC-SAKP-bewind in te stel vir skade aan die Afrikaanse taal en kultuur. “Ons wil reparasies hê vir dít wat Afrikaans aangedoen is,” sê Roodt. “Die verdrukker moet betaal.”

    Besonderhede oor die eis teen die ANC-SAKP-bewind sal binnekort bekendgemaak word.

  • Internasionale Strafhof val vas met Kenia-saak

    Kenia se adjunkpresident, William Ruto, se regsgeleerde het die Internasionale Strafhof (ICC) aangeraai om die klagte van misdade teen die mensdom teen hom te laat vaar.

    Die aanklaers nie daarin kon slaag om sy rol in verkiesingsverwante bloedvergieting te bewys nie.

    “Die bewyse is nie daar nie,” het Karim Khan die drie regters wat op die bank was verlede week meegedeel, waar Ruto teregstaan vir sy aandeel in die dodelike 2007-2008 verkiesings­geweld.

    Ruto (49) en sy medebeskuldigde, die eienaar van ’n radiostasie, Joshua arap Sang (40) staar drie klagte van misdade teen die mensdom, insluitende moord, gedwonge deportasie en vervolging in die gesig.

    Pogings in Suid-Afrika om Soedan se president voor die Hof te daag, is besig om stoom te verloor.

    Suid-Afrika het ‘n plig ingevolge die internasionale reg om die immuniteit van ‘n dienende hoof van ‘n vreemde staat te respekteer.

    Onder Suid-Afrikaanse reg, sou dit ‘n misdaad wees om hierdie immuniteit te skend.

    Die Hooggeregshof in Pretoria het in Junie verlede jaar bevind dat die regering se besluit om nie die Soedanese president Omar al-Basjir aan te hou nie, strydig is met die grondwet.

    Egipte het intussen dié week ‘n amptelike uitnodiging aan Al-Basjir gerig om ‘n Afrika-beraad in Egipte by te woon.

  • Marteling in SA deur polisie laat menseregte-organisasies koud

    Geen internasionale menseregte-organisasie het eens kennis geneem van tien Suid-Afrikaanse polisiebeamptes wat van moord en marteling aangekla word nie, ten spyte daarvan dat sulke organisasies oorverteenwoordig is in die land.

    Die tien is borgtog in die Tembisa-landdroshof aan die Oos-Rand geweier.

    Hulle het ‘n 37-jarige man verlede jaar in Ivory Park in hegtenis geneem en hom na bewering onderweg na die polisiekantoor gemartel.

    Die polisielede is Donderdag in hegtenis geneem. Die Onafhanklike Polisie Ondersoekdirektoraat ondersoek die saak.

    Dit volg kort nadat die Hooggeregshof in Pretoria agt oudpolisiemanne skuldig bevind het aan die moord op die taxibestuurder, Mido Macia.

  • Weermag ontken berigte van gyselaarskap vir al-Bashir

    Die weermag het Dinsdag berigte verwerp dat Soedan Suid-Afrikaanse soldate as gyselaars aangehou het om die inhegtenisneming van President Omar al-Bashir te verhoed.

    Daar is tans Suid-Afrikaanse Nasionale Weermag troepe in Darfoer ontplooi.

    “Die Suid-Afrikaanse Nasionale Weermag (SANW) het met uiterste ontsteltenis van die verslae in verskeie mediabronne kennis geneem wat beweer dat SANW-troepe gyselaar gehou word in Soedan. Daar is geen iota van waarheid in hierdie bewerings nie,” het ‘n woordvoerder van die SANW Siphiwe Dlamini, gesê.
     
    Hy het gereageer op ‘n aanlynmediaverslag dat Soedanese troepe 1400 Suid-Afrikaanse soldate van die Verenigde Nasies se missie (UNAMID) gyselaar hou terwyl ‘n diplomatieke krisis broei.
     
    Daar is gesê dat die Soedanese troepe hul Suid-Afrikaanse eweknieë in die weste van Soedan omring het en net sou onttrek indien Al-Bashir Maandag in Khartoum land.
     
    Maar volgens Dlamini is die situasie in die gebied waar die Suid-Afrikaanse troepe gestasioneer is, kalm.
     
    Die Suider-Afrikaanse Litigasiesentrum, ‘n Britse nie-regeringsorganisasie ten spyte van die naam, wou danksy ‘n suksesvolle hofaansoek die regering dwing om Al-Bashir in hegtenis te neem. Maar ‘n regsverteenwoordiger vir die regering het bevestig dat Bashir uit die land is.

    Die Internasionale Strafhof (IS) het vroeër ‘n lasbrief vir Al-Bashir se inhegtenisname uitgereik weens “menseregteskendings”.

    Opposisiepartye sê die Suid-Afrikaanse regering het tot ‘n skandalige nuwe laagtepunt gedaal deur toe te laat dat die president van Soedan die land verlaat en in die proses ‘n hofbevel verontagsaam het.

    DA-woordvoerder Stevens Mokgalapa sê die regering het aan die wêreld gewys dat hy nie glo in geregtigheid vir ernstige internasionale misdade nie.

    Hy sê deur toe te laat dat al-Bashir die land verlaat, het die minister van Binnelandse Sake, Malusi Gigaba, en die regering hulle skuldig gemaak aan minagting van die hof.

    Suid-Afrika het “minstens drie keer internasionale wetgewing oortree” met sy hantering van president Omar al-Bashir van Soedan.

    Dit is volgens professor Bonita Meyersfeld van die Sentrum vir Toegepaste Regstudies aan die Universiteit van die Witwatersrand.

    Sy het haar nie uitgelaat oor internasionale oortredings deur Brittanje en die VSA in Irak en Sirië nie.

    Sy sê die oortredings was om hom in Suid-Afrika toe te laat en hom nie in hegtenis te neem nie, dat hy verwelkom is by die beraad van die Afrika-unie in Sandton, en dat hy toegelaat is om die land te verlaat ondanks ’n hofbevel om dit te keer.

    Meyersfeld het aan Beeld gesê sy twyfel of iemand vervolg kan word omdat al-Bashir toegelaat is om die land te verlaat, maar Suid-Afrika se aansien het erge skade opgedoen.

  • Regtegroep vaar uit teen Operasie Fiela

    President Jacob Zuma het die regering se Operasie Fiela verdedig. Die operasie is daarop gemik om seker te maak dat immigrante die nodige dokumente het en wettig in die land is.

    Die veldtog is deel van die regering se planne om misdaad te bekamp.

    Stephen Faulkner van die People’s Coalition Against Xenophobia, het gesê die regering vergelyk buitelanders met “gemors” omdat “fiela” beteken om skoon te maak.

    Die weermagoperasie impliseer dat diegene wat in hegtenis geneem word as “gemors” in stryd is met die regering se verbintenis om xenofobie uit te roei.

    Die operasie word ook gekritiseer omdat dit gesien word as `n veldtog wat nie net onwettige immigrante aankeer nie, maar ook mense wat om asiel aansoek doen.

    Zuma, wat vrae in die Nasionale Raad van Provinsies beantwoord het, het gesê dat dit veldtog slegs teen misdadigers is.

  • MRK afgeraai om Zoeloekoning te ondersoek

    Die voorsitter van die parlementêre portefeuljekomitee oor justisie, Mathole Motshkega het probeer om die voorsitter van die Menseregtekommissie, Lawrence Mushwana af te raai om voort te gaan met die ondersoek na uitsprake van koning Goodwill Zwelithini.

    Die ondersoek word gedoen ná bewerings dat uitsprake van die koning bygedra het tot xenofobiese geweld, het RSG berig.

    Motshekga wat volhou dat hy in sy persoonlike hoedanigheid praat, sê as hy Mushwana was sou hy die saak as afgehandel beskou het.

    Mushwana het bevestig dat personeel van die kommissie onder druk geplaas word weens die ondersoek.

    President Jacob Zuma het intussen gesê streekleiers van die Suider Afrikaanse Ontwikkelingsgemeenskap is tevrede met die wyse waarop Suid-Afrika op die xenofobiese geweld in die land gereageer het.

    Die president het by ‘n buitengewone beraad van die SAOG in Harare, Zimbabwe gesê Suid-Afrika sal verslae oor die aanvalle aan die SAOG, die Afrika Unie en die Verenigde Nasies stuur.

    Leiers van die streekorganisasie het gesê dat die industralisering van die streek sal help om die probleem van ekonomiese migrasie op te los.

    Zuma sê daar is ooreengekom dat industralisasie deel van die oplossing is. Hy sê ‘n strategie wat deur die SAOG goedgekeur is sal bydra tot die visie van ‘n vreedsame en vooruitstrewende Afrika.

    Die beraad het Woensdagaand tot ‘n einde gekom.

    Die KwaZulu-Natalse spesiale verwysingsgroep oor migrasie en gemeenskapsintegrasie sê intussen hulle het reeds met sakeleiers en handelaars van Inanda en KwaMashu, noord van Durban beraadslaag.

    Die voormalige VN hoë kommissaris oor Menseregte, Navi Pillay is die voorsitter van die groep wat aangestel is om navorsing te doen oor die oorsake van xenofobiese geweld in die provinsie.

    Pillay sê ‘n voorlopige verslag sal binne drie maande aan die premier van KwaZulu-Natal, Senzo Mchunu voorgelê word. Die groep moet ook ‘n herintegrasie plan saamstel en aan die premier voorlê.

  • Athi­saari wens Namibië geluk

    Die Nobelpryswenner, voormalige president van Finland en die spesiale verteenwoordiger van die sekretaris-generaal van die Verenigde Nasies vir Namibië in 1989 en 1990, mnr. Martti Athi­saari, het n spesiale boodskap van gelukwensing aan Namibië met die herdenking van die land se kwarteeu van onafhanklikwording gestuur.

    Athi­saari het sy gelukwensing aan die Republikein gestuur.

    “Dit is vir my n groot plesier om Namibië geluk te wens met die silwerjubileum. Ek is trots om te sien wat Namibië gedurende die eerste 25 jaar van onafhanklikheid bereik het.

    “Ek het oor die jare Namibië se ontwikkeling noukeurig gevolg. Volgens die Mo Ibrahim-stigting se indeks vir staatsbestuur in Afrika, was Namibië in 2014 sesde uit 52 Afrikalande.

    “Prestasie van lande word in vier staatsbestuurkategorieë gemeet, naamlik veiligheid en die regstaat; deelname en menseregte; volhoubare ekonomiese geleent­hede en menslike ontwikkeling. Namibië is duidelik op die regte pad om hierdie oogmerke te verwesenlik.

    “Uitdagings is daar, maar die resultate tot dusver is bemoedigend.

    “Ek wil die leierskap en die mense van Namibië op die skouer klop met hierdie prestasies wat staatsbestuur, vrede en stabiliteit insluit.

    Die regerings van Duitsland en Brittanje finansier die land se grondhervormingsproses. Ongeveer 4 000 wit kommersiële boere besit byna die helfte van die grond in land.

  • Noord-Korea wil weerbaarheid verskerp

    Noord-Korea sê hy sal sy oorlogsvermoë aansienlik versterk in protes teen die goedkeuring van ’n mylpaal VN-resolusie teen die land se wydveroordeelde skending van menseregte, het AP berig.

    ‘n VN-komitee het Dinsdag die resolusie aanvaar waarin daarop aangedring word dat die Veiligheidsraad die Noorde se menseregte­situasie na die Internasionale Strafhof verwys. Voordat die VN gestem het, het die Noord-Koreaanse gesant met ’n kerntoets gedreig.

    Vanjaar se resolusie sluit die nuwe idee in dat die absolute leier van die Noorde deur aanklaers geteiken kan word.

    Pjongjang se ministerie van buitelandse sake het gister gesê die goedkeuring van die resolusie is ’n “ernstige politieke uitdaging” wat deur die VSA georkestreer is.

    Die ministerie het ook gesê die Noorde se oorlogsweerbaarheid sal “op ’n onbeperkte wyse” versterk word om met Amerikaanse vyandigheid af te reken.

  • Dood van vier kinders lei tot skietstilstand in Gasa

    Israel en Hamas het ‘n skietstilstand van vyf uur aangekondig nadat vier kinders op ‘n strand in ‘n Israelse lugaanval dood is, het eNCA Donderdag berig.

    Die VN het dié versoek gerig in ‘n poging om ‘n langtermyn oplossing vir Israel se aggressie teen Palestynse burgerlikes te vind.

    Daar is ooreengekom dat alle spervuur van 10:00 tot tot 15:00 gestaak sal word. Israel berei glo vir ‘n grondaanval voor teen die inwoners van Gasa wat die dodetal aansienlik sal verhoog.

    Israel se onwettige militêre operasie teen Hamas het Donderdag sy tiende dag bereik.

    Daar het reeds 224 Palestynse inwoners gesneuwel waarvan 80% burgerlikes is.

    Sedert 2009, het Israel drie groot aanvalle in die Gasagebied onderneem, wat tot ‘n groot aantal sterftes en beserings gelei het, meestal van burgerlikes.

    Na elke aanval het Israel sy eie militêre “ondersoek” onderneem na die dood van slagoffers.

    Hulle het hulself ook elke keer vrygespreek van die slagting van burgerlikes en vernietiging van Gasa se hulpbronne, geboue, huise en kritieke infrastruktuur.

    Die ontoereikendheid van hierdie “ondersoeke” word skerp deur die internasionale gemeenskap veroordeel.

    Die Verenigde Nasies, Amnestie Internationaal, die Israeliese organisasie B’Tselem en talle ander menseregtegroepe wys op die algehele gebrek aan onafhanklikheid of deursigtigheid.

    Onder die internasionale reg, is state verplig om ‘n geloofwaardige ondersoek in te stel en daarna vergoeding aan die slagoffers van oorlogmisdade aan te bied.

    In 2013 het Amnestie Internasionaal gesê dat die slagoffers en menseregteorganisasies geen insae in die ondersoeke gegun word nie.

    In November 2012, is 165 Palestyne gedood waarvan 35 persent onder die ouderdom van agtien, terwyl niemand in die Israelse weermag ondersoek of vervolg is nie.

    Die vorige militêre ondersoek het geeneen aanspreeklik gehou vir die aanvalle op twee hospitale, vier klinieke en 10 lede van een gesin waaronder vier kinders tussen die ouderdomme van een en sewe nie.

    In 2005, het die Israeliese eerste minister Ariel Sharon besluit om te onttrek van Gasa. Sharon, skepties oor Palestynse onafhanklikheid, het tot die gevolgtrekking gekom dat die Israeliese besetting nie in Israel se belang is nie.

    Sharon het die Israeliese buiteposte ontruim en 10000 setlaars teruggebring. Dit was ‘n uiters omstrede skuif in Israel.

    Die huidige Israeliese eerste minister, Benjamin Netanyahu, het destyds uit die regering bedank uit protes.

    Ontleders meen Sharon is vergiftig vir die stappe wat hy geneem het om vrede te bewerkstellig.

    Egipte beheer die enigste ander toegang tot Gasa, benewens Israel.