Volgens Gustav Venter is die huidige inperking in die land “een van die grootste flaters wat die ANC ooit begaan het”. Maar het hulle werklik ‘n keuse gehad? Gegewe dat die staatskas leeggesteel is en die infrastruktuur afgetakel is sodat geen ander oplossing moontlik was nie. En wat gaan einde April gebeur as kleinsake nie hul werknemers kan vergoed nie? Die huidige toestand is ‘n krisis maar dalk ook ‘n geleentheid om ‘n nuwe soort ekonomie in Suid-Afrika te skep.
Etiket: ekonomie
Suid-Afrikaanse ondergang byna so erg soos oorloggeteisterde lande s’n – verslag
‘n Internasionale ekonomiese dinkskrum het bevind dat Suid-Afrika ‘n “buitengewone afgang in ‘n hele reeks aanwysers ondergaan het”. Volgens Claude Baissac, hoofuitvoerendebeampte van Eunomix, “vertel hierdie buitengewone daling vir ons dat dít wat ons reeds weet, wat aan die gang is, wat ons daagliks beleef, waar, verreikend en struktureel is. En ernstig.”
‘n Kwarteeu nadat rasse-“bevryding” aangekondig is, is Suid-Afrika se amptelike werkloosheidsyfer meer as 27 persent. Wat mense onder 35 betref, is die koers ‘n onrusbarende 53 persent — een van die hoogstes ter wêreld.
Die swart ANC-regering maak herhaaldelik beloftes, veral tydens verkiesingsveldtogte, om werk te skep. Maar dis nie in staat om daaraan te voldoen nie. Al wat sedert 1994 gefloreer het, is oop grense, naakte korrupsie en byna geen aanspreeklikheid nie.
Vir die eerste keer sluit die nuwe manifes van die ANC vir die 8 Mei-verkiesings, die party se verbintenis in om die vloed van ongedokumenteerde immigrante oor die landsgrense heen te probeer stuit.
Die party sê dit sal “streng maatreëls neem teen ongedokumenteerde immigrante wat betrokke is by misdadige aktiwiteite in die land of in ‘n oorgrensmisdade, waaronder diegene wat betrokke is by die onwettige handel en verkoop van afgewaterde kos in lokasies en dorpe”.
Tydens sy toespraak by die Moses Mabhida-stadion in Januarie het president Cyril Ramaphosa gepraat oor die behoefte aan “doeltreffende grensbeheer.”
Die Internasionale Monetêre Fonds het in April Suid-Afrika se geprojekteerde BBP-groeikoers vir 2019 van 1,2 persent verminder, en verwys na beleidsonsekerheid oor grondbesetting, die hoë vlakke van korrupsie en herhaalde kragonderbrekings, asook die benadeling van beleggersvertroue.
Die ANC-bewind se teiken is om werkloosheid met die helfte te verminder, tot sowat 14 persent in 2020, maar dit is “onwaarskynlik dat dit sal plaasvind,” sê die Wêreldbank in ‘n 2018-verslag.
Die massiewe werkloosheidsyfer het apatie onder kiesers aangevuur , met die Verkiesingskommissie ‘n daling van 47 persent in geregistreerde kiesers op die ouderdomme 18 en 19 bemerk. Ongeveer tweederdes van die nege miljoen stemgeregtigdes wat nie die moeite doen om te registreer nie is onder 30 jaar oud.
Met laer toelatingsvereistes, het toegang tot hoër onderwys verhoog, met die aantal gegradueerdes van openbare universiteite wat meer as verdubbel het van 92 874 in 2000 tot 203 076 in 2016.
Ondanks die verhoogde universiteitstoelatings, toon nuwe navorsing deur die Eunomix-dinkskrum vir sake en ekonomie het dat Suid-Afrikaanse aanwysers oor die afgelope 12 jaar die ergste gedaal het van enige land wat nie in oorlog verkeer nie.
Gemeet aan ‘n verskeidenheid van sosiale, ekonomiese en bestuursgegewens, het Suid-Afrika meer versleg as enige ander land wat nie by ‘n internasionale of burgerlike konflik betrokke was nie, volgens Eunomix. Net konflikgeteisterde lande soos Mali, die Oekraïne en Venezuela het oor die afgelope dekade erg as Suid-Afrika agteruit geboer, het Eunomix gesê.
Gemeet aan ‘n indeks van veiligheid-, beheer-, voorspoed-, en welsynsaanwysers het Suid-Afrika verlede jaar gedaal tot nommer 88 uit 178, vergeleke met die 31ste posisie wat die land in 2006 beklee het. Die dinkskrum blameer die afgelope nege jaar van verslegtende korrupsie en beleidsverlamming.
Ramaphosa, wat sy eerste nasionale verkiesing op 8 Mei in die gesig staar, loop “die sterkste moontlikheid om ‘n eentermynpresident te word,” het die hoof van Eunomix, Claude Baissac gesê.
Baissac het teenoor Bloomberg verklaar: “Hy begin met ‘n baie swak ekonomie, die swakste van enige president sedert Mandela. Hy begin met ‘n redelike swak hand vanuit ‘n politieke oogpunt. “Ramaphosa bevorder die idee van grondgryp terwyl Mandela ‘n vooruitstrewende ekonomie van die voormalige apartheidsregering geërf het.
Landbou in die land verkeer in ‘n toestand van skok ná Ramaphosa gedreig het om blanke grond “sonder vergoeding” te onteien.
“Die ontwikkelingstaatsprojek het misluk. Suid-Afrika is nou ‘n brose staat, en sal na verwagting voortgaan om te verswak,” sê Eunomix. “Staatsprestasie het in Suid-Afrika sy hoogtepunt in 2007 bereik, die jaar toe die ekonomie en staatsbestuur op hul beste was. Sedertdien het die staat deurlopende daling in alle kernaanwysers van prestasie ervaar. “
Nedlac en Gigaba sal glo saam planne beraam om ekonomie te red
Die Nasionale Ekonmomiese Ontwikkelings- en Arbeidsraad, Nedlac, sê hy en die Minister van Finansies, Malusi Gigaba, het maatreëls bespreek wat ingestel sal word om ‘n verdere kredietafgradering te verhoed.
Dit volg op twee internasionale graderingsagentskappe se onlangse afgradering van Suid-Afrika se ekonomie na rommelstatus, het RSG berig.
Ekonome het die afgraderings toegeskryf aan President Jacob Zuma se middernagtelike kabinetskommeling twee weke gelede waartydens Minister Pravin Gordhan en sy adjunk, Mcebisi Jonas, uit die portefeulje van finansies verwyder is.
Adjunkpresident Cyril Ramaphosa se woordvoerder, Ronnie Mamoepa, sê Nedlac is daartoe verbind om die impak van die afgradering te beperk.
Die jongste vervaardigingsyfers van Statistieke Suid-Afrika toon dat die sektor onder enorme druk is. Februarie se vervaardigingsyfers het met 3,6 persent afgeneem, wat aansienlik laer is as die markvooruitskatting van 0,1 persent.
Die senior ekonoom van Nedbank, Nicky Weimar, sê dié afname kan die verwagte groeisyfers vir die ekonomie negatief beïnvloed.
Weimar sê sóós in mynbou en nywerheid, toon vervaardiging soms ook ‘n redelik sterk opwaartse swaai van een kwartaal na ‘n volgende – wat ‘n wesenlike invloed op groeisyfers kan hê.
Sy sê sy voorsien egter dat mynbou sal herstel namate die vraag verhoog en kommoditeitspryse herstel, hoewel dit duidelik baie langer neem as wat aanvanklik geraam is.
Die daling in die rand wat gevolg het op Zuma se skommeling, het die uitvoermoontlikhede verbeter, ironies genoeg.
Graderingsagentskappe kondig aanstons SA se status aan
Die eerste van drie internasionale kredietgraderingsagentskappe sal vandag aankondig of Suid-Afrika afgegradeer word of nie.
Moody’s sal vandag sy besluit aankondig, terwyl Standard and Poors op 2 Desember sy verslag oor die land se kredietgradering vrystel.
Moody’s gradeer Suid-Afrika tans op twee kerwe bokant rommelstatus.
President Jacob Zuma het Woensdag in die parlement gesê dat die land genoeg gedoen het om aan graderingsagentskappe te wys dat hy ekonomiese groei kan bevorder.
Beleggers sê egter die voortslepende binnegevegte in die ANC kan ‘n kredietafgradering tot gevolg hê.
Die land moet sowat 165 miljoen rand leen weens ‘n begrotingstekort, en die koste van lenings kan verdubbel of verdriedubbel indien die land tot rommelstatus afgegradeer word.
Sweedse ekonoom waarsku dat laaggeskoolde instroming ‘tydbom’ is
Ten spyte van die aandrang van linkse Sweedse politici dat nie-blanke immigrante in Swede “hoogs opgeleide mense” is en ‘n “ekonomiese seën” sal word, het ‘n ekonoom Johan Javeus gewaarsku dat die nuwelinge laaggeskooldes is, en ‘n tikkende tydbom in die arbeidsmark.
Die Skandinawiese Individuele Bank (SWV) se ekonoom het gewaarsku dat die gebrek aan los werkies gekombineer met rekord hoë massa-migrasie ‘n tydbom is wat kan ontplof voor die verkiesings in 2018.
Maar die minister van arbeid Ylva Johansson het Javeus se kommentaar afgelag. Sy het die toestroming beskryf as ‘n “uitdaging wat bestuur kan word”.
Die minister het gesê die departement het “baie ver gekom”, maar kon geen besonderhede gee oor hoe die probleem van honderde duisende werklose immigrante in die herfsbegroting geakkomodeer gaan word nie.
Die doel van haar program is om alle nuwe aankomelinge binne twee jaar aan die werk te kry. Tot dusver het slegs ‘n skamele 31 persent van immigrante aan hierdie doelwitte voldoen.
Die oorgrote meerderheid van die nuwe aankomelinge in 2015 het baie min onderrig ontvang in die lande waaruit hulle kom, het Javeus aan Svenska Dagbladet gesê. Hy meen die gaping sal voortgaan om al groter te word.
Met die hoogtepunt van die migrasiekrisis in Europa verlede jaar, het premier Stefan Löfven Swede verseker dat immigrante wat die land oorstroom “hoogs opgeleides is wat die ekonomie sal bevoordeel”.
Daar is egter geen ekonomiese rede waarom Swede met die vooruitgang in tegnologie wat hul krimpende bevolking tot voordeel kan strek, hierdie massas nie-blankes hoef in te voer nie.
Britte maak reg vir Brexit
Brittanje hou aanstons ‘n referendum om te besluit of die land die Europese Unie moet verlaat.
Die pond het intussen verder teruggesak met die nuus dat Brittanje die EU waarskynlik gaan verlaat en die banksektor Londen is glo besig met skadebeheer.
Die koninkryk sal op 23 Junie stem daaroor en voorbereidings word reeds getref in ‘n gees van verset teen die EU wat die klein elite wat in die Unie wil bly, tot paniek stem.
Die uit-veldtog sê Europa is te duur en benadeel Brittanje se ekonomiese groei. Brittanje betaal elke week £350 miljoen aan Brussel oor vir weinig voordeel.
EU-wetgewing bedreig boonop Britse soewereiniteit, sê die Brexit-aanhangers.
EU-besluite word nie deur kiesers bepaal nie, want ten spyte daarvan dat die EU elke referendum verloor het oor soewereniteit, het hulle voortgegaan om hul eie bepalings af te dwing op lidlande wat daarteen gestem het.
Die voormalige Britse premier, John Major, het Sondag tot die vreesveldtog om Brittanje in die Europese Unie (EU) te hou, toegetree.
Hy het kiesers aangeval omdat hulle gekant is teen immigrasie en die koste verbonde aan EU-lidmaatskap en dit as “misleiding” voorgehou, iets waarmee hy self kennelik besig is.
Die EU wil lidlande dwing om immigrantekwotas te aanvaar.
Major het uitgevaar teen die “hofnar” Boris Johnson, ‘n vurige ondersteuner van die uit-veldtog en waarskynlike toekomstige leier van die Konserwatiewe Party.
“Wat hulle doen, is om die Britse publiek onakkurate en openlike verkeerde inligting te voer,” het Major aan die BBC gesê, skaars drie weke voor die referendum.
Johnson het Major se kommentaar verwerp.
Major is die enigste ander Konserwatiewe premier behalwe die huidige premier, David Cameron, wat wil hê dat Brittanje in die EU bly.
Major het gesê diegene ten gunste van onttrekking aan die EU mislei kiesers deur te sê terwyl twee-derdes daarvan as subsidies en ’n korting terugkom.
Die swart Sanef-pot verwyt die swart mediaketel
Die besluit van die SABC om nie beeldmateriaal van die verwoesting van eiendom tydens nuusbulletins uit te saai nie, is sensuur, het die Suid-Afrikaanse Nasionale Redakteursforum (Sanef) sonder ironie Maandag gesê.
Die aankondiging deur die SAUK dat hulle voortaan nie beeldmateriaal van “vernietiging van eiendom” uitsaai tydens nuusbulletins nie is “jammer en skokkend”, want dit is in die “openbare belang”, sê Sanef.
Die rand het intussen verder verswak en kredietgraderingsmaatskappye wil die land na rommelstatus afgradeer.
Maar klaarblyklik is Sanef tevrede met dié stand van sake wat die geldeenheid betref.
Volgens Sanef het die apartheidsregering ook die media en veral TV-kameras blameer vir die verspreiding van swart opstande landwyd destyds. Die polisie het joernaliste toe uit gebiede waar betogings plaasgevind het, uitgehou om ‘n prentjie van “valse vrede” te vervaardig.
Daar was destyds baie minder opstande as vandag en dit is kunsmatig deur onder meer agente van die Anglikaanse Kerk aangewakker soos ons vandag weet.
Dit het direk aanleiding gegee tot die demokratiesverkose ANC-regering wat deur die Britte aan bewind geplaas is, iets waaroor hulle vandag blykbaar spyt is.
Die hoofstroommedia wat Sanef verteenwoordig is besig om irrelevant te raak juis omdat hulle nie oor nuus berig nie maar oor die ideologiese obsessie van ‘n paar mense en alle ander menings sensureer.
Al Jazeera se anti-Zuma-onderhoud val in Afrika-anekdotes vas
Die Suid-Afrikaanse minister van internasionale betrekkinge, Maite Nkoana-Mashabane se onderhoud met Al Jazeera is klaarblyklik vir die anti-Zuma-kamp ‘n yslike kopseer en die rand ly daaronder.
Tydens die onderhoud met die voormalige Suid-Afrikaner en liggewigjoernalis, Jane Dutton, het Nkoana-Mashabane het daarin geslaag om byna elke draaibal-vraag oor die huidige krisisse met mening en ‘n stortvloed anekdotes terug te slaan.
Reg van die eerste kolfbeurt af, was dit duidelik dat hierdie onderhoud was nie maklik vir Dutton gaan wees nie
Die minister het Dutton uit die staanspoor reggehelp deur te sê dat sy nie “aangestel” is nie, maar verkies is deur ‘n meerderheid stemme.
Dit het Dutton, wat kennelik nie daarna ‘n tirade teen demokrasie kon loods nie, sprakeloos gelaat.
Dutton was besonder swak voorberei en kon skaars die gesprek stuur.
Nkoana-Mashabane het gereageer op Dutton se vraag oor die onlangse gevegte in die parlement met ‘n staaltjie oor die dra van water op haar kop.
“Ek en jy mag dalk in dieselfde ouderdomsgroep wees, maar jy het nog nooit ‘n waterkan op jou kop gedra nie. Ek het, toe ek 10 jaar oud was. En nie omdat ek gekies het om dit te doen nie. Ek het my verwonder oor spoeltoilette, want dit was ‘n droom vir my, maar nie vir jou nie. So [dit is] dinge wat ek en jy as vanselfsprekend aanvaar, want ons kom uit verskillende wêrelde, al kom ons uit dieselfde land,” het Nkoana-Mashabane aan Dutton gesê.
Die antwoord is op egte Afrika-wyse verbloem in ‘n metafoor wat Dutton nie gesnap het nie, maar die minister se kiesers goed begryp.
Vir die minister is Julius Malema se optrede in die parlement geen probleem nie, maar Dutton se wit Engelse houding wel.
Nkoana-Mashabane het openlik erken dat Trevor Manuel slegs aangestel is vanweë die kleur van sy (ligte) vel, en dat die president dus ook die reg het om ministers aan te stel of af te dank.
In reaksie op ‘n vraag oor die afdanking van Nhlanhla Nene, wat gelei het tot die geldeenheid wat R500 miljard in waarde verloor het na aanleiding daarvan, het Nkoana-Mashabane gesê kredietgraderings word in geen ander Afrikalande gedoen nie.
Die minister het ook geantwoord dat die land steeds deel sal bly van toonaangewende internasionale instellings soos BRICS en die G20.
Die rand het na die onderhoud teen die Amerikaanse dollar verswak in afwagting op die graderingsmaatskappy, Standard and Poor se hersiening van Suid-Afrika se kredietgradering.
Die rand het laat Maandag teen R15,82 verhandel in afwagting op die aankondiging wat na verwagting Vrydag sal wees.
Dit is bykans een-persent swakker as wat die geldeenheid Vrydag teen sluitingstyd in New York verhandel het.
Volgens ‘n onlangse opname deur Reuters sal S&P en Fitch die land se gradering tot rommelstatus afgradeer.
Fitch sal na verwagting ook sy gradering vandeesmaand bekend maak. Rand Aksepbank verwag dat die rand wisselvallig sal bly totdat die aankondigings plaasvind.
Suid-Afrika het met een plek tot die 52ste plek verbeter op die lys van die mees mededingendste ekonomieë ter wêreld.
Die land is egter steeds onder die laaste tien van 61 ekonomieë wat beoordeel word.
Amerika moes sy eerste plek aan Hong Kong afgee en is nou in die derde plek ná Switserland.
Duitsland is ook die eerste keer nie onder die top 10 nie en moet met die 12de plek tevrede wees. Die lande se ekonomieë word deur meer as 5400 vooraanstaande sakelui beoordeel.
Die onsigbare stryd
Daar is ‘n sosio-ekonomiese probleem onder ons mense wat verbloem word deur die huidige politieke bestel. ‘n Probleem wat heel moontlik ‘n direkte invloed het op die onverstaanbare verdeeldheid binne die volk. ‘n Hartseer realiteit onder ons mense, veilig weggesteek onder die politieke onstabiliteit van die land.
Wanneer ‘n mens kyk na die see sien ons hoe verskillende spesies gedurig kompeteer vir hulpbronne. Dit is eers as mens ondersoek instel na ‘n spesifieke spesie dat mens die onderlinge kompetisie binne die spesie of groep agterkom. Net so is Suid Afrika tans ‘n oseaan waar groepe meeding om mag, wat in kort niks anders as beheer oor die hulpbronne is nie, maar omdat die blankedom so erg versplinter is, vergeet mens om na die kompetisie onder hierdie groep te kyk as ‘n studie op sy eie.
Internasionaal begin die gaping tussen die “Haves” en “Have not’s” al groter word en die middelklas verdwyn teen ‘n geweldige spoed. Die rykes word ryker en die armes word al meer en al armer. Omrede ons as volk opgeneem is in die groter Suid-Afrikaanse gemeenskap, waar nasionale probleme soos korrupsie, die waarde van die Rand en ander ekonomiese beginsels as maatstaf gebruik word, verbloem dit die gaping tussen die ryk wittes en die arm wittes. Blanke plankerskampe word blameer op die regering se onbevoegdheid om te effektief te regeer, terwyl ryk wittes rustig agteroor sit en nog meer geld maak.
Om die probleem beter te verstaan moet ons vir ‘n oomblik van verbeelding gebruik maak en ons indink hoe dit sou wees as ons blankes ‘n land op ons eie was. Natuurlik sal daar die mense wees wat reken ons sou nie in so situasie wees as ons oor onsself beskik het nie, maar hulle vergeet gerieflik van die Bywoners, die Armblanke-vraagstuk en die gaping wat daar nog altyd geheers het tussen ons eie mense. Net soos enige ander homgene volk sou hierdie ekonomiese gaping ook onder ons volk groter geword het en sou die ongelukkigheid posgevat het in ‘n middel en laer klas wat al swaarder trek. In so oomblik van verbeelding sou mens baie duideliker kon sien wat is die verskil tussen ryk en arm binne ons eie volk.
Die huidige politieke bestel beskerm egter die rykes in die volk, want almal blameer die regering. Dit is nou die verantwoordelikheid van die regering om die nasionale sosio-ekonomiese toestand aan te spreek en daar is geen volks-assosiasie betrokke of nodig nie. Sou ons ‘n homogene groep wees, sou die frustrasie heel moontlik teen groot kettingwinkels of myn magnate begin manefisteer het.
Die ander dimensie van die probleem is dat die middelklas met ‘n morele kwessie gekonfronteer word wanneer dit kom by hulle ekonomiese frustrasie. Die gemiddelde huisgesin kry al swaarder, met ‘n groot skuldlas, en hulle oorleef letterlik net. In ‘n homogene gemeenskap sou dit genoeg rede wees om in die strate te vaar. Kyk ons na Europa sien ons hoe boere baie vinnig massa-aksies begin as pryse laag is. In Suid-Afrika is die middelklas egter weer so ver verwyder van die lae inkomste groepe wat bestaan uit miljoene mense wat in sink gehuggies bly, dat dit moreel verkeerd voel om te kla. Daar is miljoene mense wat nie elke dag kos het om te eet in Suid-Afrika nie en daarom hou die middelklas eerder aan om stil te bly.
Het rykes ‘n morele plig om te sorg vir armes? Moet rykes verantwoordelik gehou word vir die gaping tussen ryk en arm? Die realiteit is dat die groter meerderheid ryk blankes/Boere/Afrikaners geen behoefte het om betrokke te raak by die voortbestaan van die kulturele kollektief nie. Ryk Afrikaners gebruik die Nuwe Suid Afrika as verskoning om nie betrokke te raak by die voortbestaan van ons kultuur nie en daar word aangeneem dat die res van ons moet “verstaan” dat hulle verhouding met die regering, wat direk gekoppel is aan hulle inkomste, gaan versuur indien hulle betrokke raak by die saak van die volk. Hulle beskerm dus net hulle persoonlike welvaart.
Een van die grootste struikelblokke in ons stryd vir ‘n mate van selfbeskikking of volks-oorlewing is die tekort aan fondse. Die toetrede van die rykes tot die oorlewing van die volk kan soveel meer opsies genereer. ‘n Eie universiteit, ‘n stuk aarde wat self gekoop en ontwikkel word om werk te skep binne ‘n homgene gemeenskap, eie skole… die opsies is legio as daar genoeg fondse is. Op NAMPO die jaar is daar meer as 9 van die nuwe John Deere trekkers verkoop teen meer as R6 miljoen elk.
Met R54 miljoen kon ons ‘n hengse stuk aarde koop, dit ontwikkel en vir ons mense ‘n veilige hawe skep. Miljoene word spandeer aan nuwe viertrekvoertuie, strandhuise en visvangbote om nie eerst te praat wat die troue van Christo Wiese se dogter gekos het nie. Verbeel jou vir ‘n oomblik manne soos Raymond Ackerman, Christo Wiese, Whitey Basson en die Ruperts raak betrokke by ‘n opheffingsprogram vir die volk! Dit sal internasionaal aandag trek en ons sal soveel kan bereik.
As die ryskte boer in elke distrik net 2% van sy grond, (nie 50% soos die ANC vra of 80% soos die EFF vra nie)beskikbaar stel vir ons volke sit ons môre met grond oor die hele land. As die drie rykste ouens in elke distrik saamspan en net toegang gee tot basiese hulpbronne kan ons infrastruktuur ontwikkel in elke distrik in die land. Klein oases vir ons mense waar die armes ten minste ‘n kans kan kry om te werk en vir hulle self ‘n bed en ‘n bord kos te verdien. Daar is soveel moontlikhede as die rykes van die volk tot die stryd toetree. Daar is welgestelde manne en vroue in die volk wie se hande oop is en die artikel het geen betrekking op julle nie, net dank van die volk (en kritiek van die res).
Vir nou is dit ‘n arm-man-stryd, ‘n geveg vir die armes om kop bo water te hou en elke dag verloor nog een van ons broers sy werk en word deel van die statistiek terwyl die rykes voor in die ry staan en die regering blameer! ‘n Stryd binne die volk wat vergete is en niemand kan verstaan hoekom ons so sukkel nie…
Vannermerwe
SA in top tien van ‘misrabele lande’
Elke jaar publiseer die Cato Instituut ‘n lys van die wêreld se mees “miserabele lande” deur die gebruik van ‘n eenvoudige ekonomiese formule om die tellings te bereken.
Beskryf as ‘n ellende-indeks, word die formule bereken deur die werkloosheidsyfer, inflasie, en uitleenkoers, bymekaar te tel en dan die verandering in die reële BBP per capita daarvan af te trek.
Volgens die dinkskrum, is lande met ellendetellings van meer as 20 “ryp vir transformasie”.
Die verslag beklemtoon die “vrot appels” Iran, Rusland, Brasilië en Suid-Afrika in sy lys van die mees miserabele plekke in die wêreld.
Dit is toevallig ook BRICS-lande wat as onbewoonbaar voorgehou word, alhoewel lande soos Palestina en die Oekraïne ingesluit word omdat hulle inderdaad in ‘n toestand van vryval verkeer as gevolg van die weste se neo-liberale ingryping.
“Transformasie” in Suid-Afrika mag dus beteken dat die EFF aan bewind kom om hul “ekonomiese rewolusie” te volvoer wat funeste gevolge sal hê soos in die Oekraïene gebeur het.
Baie Westerse kliëntstate is opsigtelik weggelaat. Griekeland, vreemd genoeg, is nie in die top tien nie, gegewe sy 26% werkloosheidsyfer en 7 jaar van ekonomiese depressie.
Die ellende-indeksformule is gebaseer op die aanname dat hoë rentekoerse ‘n direkte maatstaf van lewenstandaarde is en dat die verhouding tussen die twee binne ‘n omgekeerde verband bestaan.
Rusland se rentekoers van 11% stoot dus die Russiese ellende-indeks hoër, wat ‘n swak lewenstandaard beteken.
Negatiewe rentekoerse in Europa beteken egter nie beter lewenstandaarde in die EU nie.
Dit lyk dus of daardie formule geskep is om die Amerikaanse Federale Reserwebank te pas.
Transnet het intussen aangedui dat hulle die Nuwe Ontwikkelingsbank van BRICS genader het vir die befondsing van vyf infrastruktuurprojekte as deel van die Noord-Suid vervoer-deurgang.
Die bedryfshoof, Siyabonga Gama het by die Wêreld Ekonomiese Forum in Rwanda, aan die SAUK gesê die projekte word op R28 miljard rand geraam.
Die Noord-Suid-deurgang het vervoer- en energie-infrastruktuur van Durban na Dar es Salaam in Tanzanië verbeter.
Gama sê hulle sal binnekort met die bank vergader.
Moody’s gradeer SA af van stabiel na negatief
President Jacob Zuma het die besluit van die graderingsagentskap Moody’s verwelkom om nie Suid-Afrika se oorhoofse kredietgradering te verlaag nie.
Moody’s het bevestig dat die land se kredietgradering dieselfde bly, maar egter gesê dat die uitkyk van stabiel na negatief verander is met ‘n Baa2-gradering.
Volgens Moody’s sal Suid-Afrika steeds twee kerwe bokant sub-beleggingsgraad gegradeer word.
Zuma sê die kredietagentskap se besluit toon dat die regering vordering maak met transformasie, maar die rand het weer teruggesak nadat dit aanvanklik effens herstel het toe die nuus uitgekom het.
Die sentiment op die markte was gemeng met vrese dat Fitch en Standard & Poor steeds die land se kredietgradering afwaarts kan aanpas.
Die agentskap het gesê Suid-Afrika is by ‘n keerpunt na ‘n paar jaar van dalende ekonomiese groei.
Die Internasionale Monetêre Fonds het intussen die ANC geloof vir hul verhoogde samewerking met die privaatsektor.
Die IMF sê dit kan die implementering van transformasie aanhelp en ekonomiese groei ondersteun.
Maar dit is nie seker of vertroue in die Suid-Afrikaanse ekonomie by die Wêreld Ekonomiese Forum (WEF) oor Afrika 2016 in Rwanda hierdie week volkome sal herstel nie.
Beleggings in staatsinstellings deur die privaatsektor is Maandagaand op ‘n hoëvlakvergadering in Pretoria bespreek op die vooraand van die Rwanda-byeenkoms.
Zuma en sy adjunk, Cyril Ramaphosa het met bestuurshoofde van maatskappye en vakbondleiers by die Uniegebou in Pretoria vergader oor die kwessie.
Die president het van die maatreëls wat beleggersvertroue sal aanwakker, toegelig.
Die regering sê hy bly daartoe verbind om besteding aan energie, infrastruktuurontwikkeling, landbou en die veredeling van minerale te verhoog.
Wêreldbank sê armoede in SA kan toeneem
Vir die eerste keer sedert 1994 is armoede in Suid-Afrika aan die toeneem, het die Wêreldbank gesê.
Volgens die Wêreldbank het ekonomiese aktiwiteit in Sub-Sahara-Afrika in 2015 afgeneem, met BBP-groei van gemiddeld 3 persent, af van 4.5 persent in 2014.
“Die 2016 groeivooruitsigte bly gedemp by 3,3 persent, ver onder die sterk groei van 6.8 persent in die BBP wat die streek in die tydperk 2003-2008 getoon het,” luidens die Pulse-verslag.
Kommoditeitsprysrisiko in 2016 het Afrika se sak met ‘n geraamde 16 persent geraak, met kommoditeitsuitvoerders wat groot verliese ly, het die verslag uitgewys.
“Om groei en maatskaplike ontwikkeling te verseker, moet stede goedkoper vir maatskappye en meer aantreklik vir beleggers word,” sê Punam Chuhan-Pole, waarnemende hoofekonoom van die Wêreldbank-Afrika en die skrywer van die verslag.
Suid-Afrika se ekonomiese vooruitsigte lyk minder rooskleurig. Die Wêreldbank voorspel dat armoede tot 2017 verder sal toeneem van 36% tot 37,5%.
Die land se ekonomie sal vanjaar met net sowat 0.8% groei, teenoor 2015 se sukkelende 1,3%.
Die swak ekonomiese vooruitsigte word grootliks aan beleidsonsekerheid toegeskryf wat die wisselkoers, die aandeelbeurs en die koste van lenings negatief raak.
Die moontlikheid dat staatskuld na rommelstatus afgegradeer kan word, kan voorts bykomende fiskale druk skep.
Regering dank duisende spookwerkers af
Die Nigeriese ministerie van finansies het aangekondig dat hulle miljoene gespaar het deur van meer as 20 000 “spookwerkers” op die staat se betaalstaat ontslae te raak.
Diegene wie se name van die betaalstaat verwyder is, is net ’n “persentasie” van “denkbeeldige personeel” wat maandelikse salarisse ontvang het.
Dit beklemtoon voorts die grootskaalse korrupsie in Afrika se grootste ekonomie, het AFP berig.
“Die salarisrekening vir Februarie 2016 is met 2,293 miljard naira ($11.53 miljoen) verminder,” het ’n raadgewer van die ministerie van finansies, Festus Akanbi, in ’n verklaring gesê.
Akanbi sê die strenger betaalstaat-regulering sal Nigerië se begroting die nodige inspuiting gee.
Weens die skerp daling in globale oliepryse huiwer die Nigeriese ekonomie op die rand van ‘n ineenstorting.
Die Nigeriese president, Moehammadu Boehari, het in Desember ’n rekordbegroting aangekondig en belowe om ekonomiese groei te stimuleer en infrastruktuurprojekte van stapel te stuur.
Flou Staatsrede verder deur opposisiesirkus ontsier
President Jacob Zuma se Staatsrede het Donderdag die verwagte sirkus opgelewer.
Zuma het beleggers en plaaslike sakelui probeer paai, maar omstrede kwessies vermy.
Cope-leier, Mosiua Lekota, was die eerste om die vergadering te verlaat. Hy is gevolg deur die EFF, wat walsend “Zupta moet val” gedreunsing het.
Beide Lekota en Malema het sonder ironie verklaar dat die president nie meer eerbaar is nie. Lekota sê die president het reeds in die Grondwethof erken dat hy sy ampseed oortree het.
Die Nasionale Vergadering is vir meer as ‘n uur nadat verrigtinge begin het ontwrig deur ‘n sinnelose woordetwis tussen Baleka Mbete, speaker, en die EFF.
Die DA beplan om later ‘n mosie van wantroue in die president in die parlement voor te stel, terwyl die leier van die EFF, Julius Malema kort na hulle uitgestap het op ‘n nuuskonferensie gesê hulle is van plan om die president in ‘n staat van beskuldiging te laat plaas.
Die president se versekering dat die beplande kernaanlegplan net sal voortgaan gaan as dit bekostigbaar is, is verwelkom.
Maar min was beïndruk met Zuma se toespraak en die ekonomiese vooruitsigte vir die land.
Alhoewel Suid-Afrika steeds ‘n aanloklike beleggersbestemming kan wees, bly die grondhervormingskwessie en die ANC se anti-wit magsbeheptheid ‘n groot kopseer.
Zuma het die nuttigheid en koste van twee hoofstede aangeroer.
Wat staatsbesteding betref, het Zuma gesê die regering “onderneem om besteding suinig te doen en vermorsing te besnoei”.
“Oorsese reise sal ingeperk word en diegene wat wil reis, moet redes verskaf en wys hoe dit tot voordeel van die land sal wees. Verdere beperkings op spyseniering, vermaak, konferensies en sosiale geleenthede sal ingestel word.”
Die vraag op almal se lippe was of dit alles genoeg sal wees om internasionale sentiment te draai, en ‘n resessie af te weer en of opposisiepartye nie ywerig meewerk aan die land se probleme nie.