Etiket: staatsrede

Zuma se 2017 staatsrede: Universiteite, grond, myne, water

President Jacob Zuma het is sy staatsrede gesê die regering sal kyk na die verhoging van die R122 000 huishoudelike inkomste drempel vir studente om Nasionale Studente Finansiële Hulpskema (NSFAS) beurse te bekom.

Zuma het ook gesê dit sou “moeilik, indien nie onmoontlik nie” wees, om ware versoening te bereik tot die grondkwessie opgelos is.

Bewerkbare grond moet terug gaan na swartmense, het hy gesê. “Net agt miljoen hektaar landbougrond is oorgedra aan swart mense, wat net 9,8 persent van die 82.000.000 hektaar bewerkbare grond in Suid-Afrika besit.”

Hy het gesê daar was ‘n 19 persent afname in huishoudings wat betrokke is in die landbou, van 2,9 miljoen in 2011 was, tot 2,3 miljoen huishoudings in 2016.

Zuma het gesê die Onteieningswet sal terug na die Parlement verwys word vir meer openbare deelname, sodat hulle kan voortgaan om grondhervorming en herverdeling van grond na te streef, in ooreenstemming met die Grondwet.

Hy het ook gesê dat die regering sal voortgaan om ander programme, soos die 50-50 program te implementeer.

“In hierdie program, kom die plaaswerkers saam as ‘n regspersoon, tesame met die plaaseienaar, om ‘n nuwe maatskappy te stig en die werkers en die eienaar word gesamentlike eienaars.” Hy dié grondgryp “innoverend” genoem.

Hy het gesê dat die regering sal voortgaan met drastiese transformasie in die ekonomie deur onder meer direk by mynbou betrokke te raak.

Hy sê wetgewing oor `n staatsbeheerde mynmaatskappy sal vanjaar deurgevoer word. Hy het ook die herstel in kommoditeitspryse verwelkom.

Zuma sê ook die finaliseering van die mynbouhandves sal help om die sektor te stabiliseer. Die minister van Mynbou, Mosebenzi Zwane, het vroeër die week gesê dit sal teen die middel van Maart afgehandel wees.

President Zuma sê die regering werk nóú saam met die rolspelers om onwettige mynbedrywighede te bekamp, lewens te red en die onwettige handel in diamante en ander edelmetale te voorkom.

Zuma het ook ‘n program aangekondig om aandag te skenk aan die watertekort en om werkloosheid te bekamp. Zuma sê bykans tienduisend jongmense sonder werk word opgelei as loodgieters, ambagsmanne wateragente om die lekkasies in munisipale pype op te spoor.

Dit sal nie net water bespaar nie, maar ook werk verskaf. Volgens die president is dit deel van die planne om die waterlekkasies te beperk wat in sommige munisipaliteite tot 37 persent beloop.

Flou Staatsrede verder deur opposisiesirkus ontsier

President Jacob Zuma se Staatsrede het Donderdag die verwagte sirkus opgelewer.

Zuma het beleggers en plaaslike sakelui probeer paai, maar omstrede kwessies vermy.

Cope-leier, Mosiua Lekota, was die eerste om die vergadering te verlaat. Hy is gevolg deur die EFF, wat walsend “Zupta moet val” gedreunsing het.

Beide Lekota en Malema het sonder ironie verklaar dat die president nie meer eerbaar is nie. Lekota sê die president het reeds in die Grondwethof erken dat hy sy ampseed oortree het.

Die Nasionale Vergadering is vir meer as ‘n uur nadat verrigtinge begin het ontwrig deur ‘n sinnelose woordetwis tussen Baleka Mbete, speaker, en die EFF.

Die DA beplan om later ‘n mosie van wantroue in die president in die parlement voor te stel, terwyl die leier van die EFF, Julius Malema kort na hulle uitgestap het op ‘n nuuskonferensie gesê hulle is van plan om die president in ‘n staat van beskuldiging te laat plaas.

Die president se versekering dat die beplande kernaanlegplan net sal voortgaan gaan as dit bekostigbaar is, is verwelkom.

Maar min was beïndruk met Zuma se toespraak en die ekonomiese vooruitsigte vir die land.

Alhoewel Suid-Afrika steeds ‘n aanloklike beleggersbestemming kan wees, bly die grondhervormingskwessie en die ANC se anti-wit magsbeheptheid ‘n groot kopseer.

Zuma het die nuttigheid en koste van twee hoofstede aangeroer.

Wat staatsbesteding betref, het Zuma gesê die regering “onderneem om besteding suinig te doen en vermorsing te besnoei”.

“Oorsese reise sal ingeperk word en diegene wat wil reis, moet redes verskaf en wys hoe dit tot voordeel van die land sal wees. Verdere beperkings op spyseniering, vermaak, konferensies en sosiale geleenthede sal ingestel word.”

Die vraag op almal se lippe was of dit alles genoeg sal wees om internasionale sentiment te draai, en ‘n resessie af te weer en of opposisiepartye nie ywerig meewerk aan die land se probleme nie.

Staatsrede sal niks nuuts oplewer nie

Suid-Afrikaners kan niks nuuts te wagte wees wat vanaand se Staatsrede betref nie, meen ontleders.

President Jacob Zuma se 2016 Staatsrede kom te midde van verskeie politieke- en ekonomiese kwessies wat deur die DA en EFF voorgehou word as redes om verrigtinge weer eens te ontwrig.

Dié twee opposisiepartye het die instelling voorheen tot ‘n sirkus verklaar deur lede aan te rand, chaos te saai en rond te hardloop in die gebou.

Die kanse dat sulke manewales Zuma sal laat bedank, is nul.

Veiligheidsmaatreëls is só verskerp dat aktiviste reeds gekla het dat hulle nie naby die gebou of parlementslede kan kom om te betoog nie.

Betogers sal ten minste 600m ver van die Parlementsgebou gehou word.

Die ANC-Jeugliga het intussen gedreig met ‘n “burgeroorlog” teen die EFF en ander aktiviste.

#ZumaMustFall het toestemming van die Stad Kaapstad gekry vir 5 000 betogers, terwyl die Ses’khona People’s Rights Movement toestemming vir 1 500 deelnemers het.

Zuma sal beleggingsvertroue in Suid-Afrika probeer herstel deur maar weens druk van die EFF waarskynlik nie veel vermag nie.

Die komende plaaslike verkiesing is aanstons en die ANC se sogenaamde “Back to basics” program is daarop gemik om stemme te werf.

Die rand het op die vooraand van die Staatsrede vir ‘n tweede agtereenvolgende dag veld gewen teen die dollar.

Die rand hou sy posisie ondanks kommentaar deur die voorsitter van die Federale Reserweraad, Janet Yellen wat laat blyk het dat die Amerikaanse Sentrale Bank nog nie heeltemal die moontlikheid van ‘n rentekoersverhoging in Maart uitgesluit het nie.

Te midde van minder vrese oor die swakker vooruitsigte vir die wêreldekonomie, het die rand nogtans op ‘n stadium vir R15,80 teen die Amerikaanse geldeenheid verhandel.

Die plaaslike geldeenheid was die naasbeste teen die dollar uit ‘n mandjie van die geldeenhede van 25 ontluikende markte, met slegs die roebel wat hom geklop het.

Grondgryp teen wittes tref Zim opnuut

‘n Nuwe vlaag van grondgryp teen wittes in Zimbabwe dreig. Daar is hernieude druk om wit Zimbabwiërs gewelddadig van hul grond te vervreem, het Sapa berig.

Ten minste 20 wit grondeienaars is die afgelope weke aangesê om hul plase te verlaat, het die Zimbabwiese Commercial Farmers’ Union (CFU) aan Sapa gesê.

Boere word ‘n maand gegun om hul grond te verlaat, en word ook sonder amptelike dokumente van die ministerie van grondsake gedreig.

Die afsettings is glo hoofsaaklik in Matebeleland-Suid.

Dit volg nadat die Zimbabwiese minister van grondsake, Douglas Mombeshora, aan Bloomberg gesê het dat wit boere op kleiner plase behoort te boer.

Pres. Jacob Zuma het soortgelyke waarskuwings in sy staatsrede aan wit boere gerig met konsepwetgewing wat plaaslike boere sal dwing om slegs 12 000 ha grond te besit. Dié lappies grond is nie kommersieel lewensvatbaar nie.

Plase moet glo “formeel geregistreer word om te voorkom dat hulle afgesit word”. Volgens die Wêreldbank se 2011-verslag, leef sowat 72% van Zimbabwiërs reeds onder die broodlyn.

Van die sowat 4 000 kommersiële boere wat in 2000 70% van Zimbabwe se kos geproduseer het, is daar nou slegs tussen 300 en 400 oor en die land ly honger. Zimbabwe is ‘n netto invoerder van kos.

Die Zimbabwiese koerant Newsday het verlede maand berig wit boere gaan slegs 90 dae kry om hul plase te ontruim en die hoeveelheid grond wat elke boer mag besit, gaan beperk word.

Hans van der Merwe, hoofbestuurder van Agri SA, beweer dat Suid-Afrika oor “wetgewing beskik wat keer dat grond net gevat word” en dat daar teen die EFF opgetree word as hulle dit oortree.

Wie het Zuma probeer vergiftig?

President Jacob Zuma se kantoor het ‘n Sunday Times-berig dat sy vrou Nompumelelo Ntuli-Zuma hom vergiftig het, as skinderpraatjies afgemaak.

Mac Maharaj, die presidensiële woordvoerder, sê die berig is gebaseer op totale spekulasie en skinderpraatjies en hy sal nie kommentaar lewer daarop nie.
 
Die Sunday Times het berig dat drie “anonieme bronne” bevestig het dat Zuma siek was en in Junie verlede jaar in die hospitaal opgeneem is.
 
Tydens ‘n besoek aan die VSA twee maande later het hy ontdek dat hy vergiftig is. Die diagnose is glo bevestig deur die Russiese dokters in Augustus nadat die president agterdogtig was oor die Amerikaners se diagnose.

Ntuli-Zuma het die president op sy Augustus-reis na die VSA vergesel, maar het Kersfees en Oujaarsaand alleen in haar huis in Nkandla deurgebring.

Spekulasie oor die egpaar se gespanne verhouding is al vir maande ryp, en is verder verlede week aangevuur deur haar afwesigheid by Zuma se staatsrede.
 
Die koerant berig dat Ntuli-Zuma in Januarie uit Nkandla getrek het en nou in Durban met haar drie kinders woon.

Sy is steeds geregtig op voordele uit die presidensie omdat sy en Zuma nie geskei is nie.
 
Zuma se broer, Michael, het bevestig dat Ntuli-Zuma “nie lank gelede nie” uitgetrek het.

Die direkte skakel tussen Ntuli-Zuma en ‘n gifkomplot kon egter nie finaal vasgestel word nie.

Berigte dat sy ‘n buite-egtelike verhouding gehad het, het ‘n paar jaar gelede opgeduik, maar is nie afdoende bewys van die aanslag nie.

Zuma, as die voormalige hoof van ANC-intelligensie in ballingskap, glo dat net iemand in sy binnekring toegang tot sy kos kon gehad het.

Gedurende die 10 dae tussen 7 en Junie 17 Junie sou Zuma na Brasilië reis vir die opening van die Wêreldbeker-sokkertoernooi en die amptelike oorhandiging omdat Suid-Afrika die vorige gasheer in 2010 was.

Maar Zuma was so siek gedurende daardie tydperk dat hy verward en onsamehangend geraak het.

Kort na Zuma se terugkeer, het hy sy persoonlike geneesheer, dr Harold Adams, afgedank vir versuim om die regte diagnose te maak, volgens twee onafhanklike bronne.

Adams, ‘n bruinman, het hierdie week ontken dat hy afgedank is, en sê dat hy tyd nodig het om verder te studeer.

Butana Komphela het voorheen Adams se rol in die Caster Semenya-sage gekritiseer, en hom beskuldig dat hy verantwoordelik is vir die uitlek Semenya se toetsuitslae aan die media.

“Waar is die Adams? Hy is die mees gevaarlike persoon wat ek nog gesien het in my lewe, wat ander mense se inligting uitlek. Ons moet na die raad waar hy geregistreer is gaan en hierdie kwessie met hulle opneem.”

Komphela het toe gesê Adams behoort nie naby die president toegelaat te word nie.

Besope regter slaap deur staatsrede

Regter Ruth Bader Ginsburg van die Amerikaanse hooggeregshof het gesê sy het ’n baie goeie rede waarom sy op pres. Barack Obama se staatsrede verlede maand ingedut het: “Ek was nie 100% nugter nie.”

Die 81-jarige Ginsburg het op 20 Januarie op die gesamentlike sessie van die Kongres en die Huis van Verteenwoordigers openlik gesit en slaap, het Reuters berig.

By ’n gespreksbyeenkoms op die kampus van die George Washington-universiteit verlede week, het sy op ’n vraag van die moderator vertel dat ’n paar regters tradisioneel voor die staatsrede vir ’n ete bymekaarkom.

En regter Anthony Kennedy het vanjaar glo “’n uiters gawe Kaliforniese wyntjie, genaamd opus iets” saamgebring.

“Ek het my voorgeneem om vanjaar by die vonkelwater te hou en weg te bly van die wyn. Maar op die ou end was die ete so heerlik, ek moes net wyn ook hê,” het Ginsburg verklaar.

Sanef wil hof toe oor selfoonseine in parlement

Die Suid-Afrikaanse Nasionale Redakteursforum, Sanef, wil ‘n regshulpfondsop die been bring om hofsake te maak teen die skending van joernaliste se reg om ondermeer oor parlementêre gebeure te berig.

Dit volg nadat selfoonseine in die Parlement ontwrig is voor President Jacob Zuma se Staatsrede.

Die redakteursforum het die naweek verklaar dat media-maatskappye gaan aansoek doen vir ‘n dringende hofbevel om te keer dat veiligheidsagentskappe kommunikasieseine kan verhinder soos wat glo met die president se staatsrede gebeur het.

Sanef sê dit meng met beriggewing in.

Donderdagaand is die spesiale sitting in die Nasionale Vergadering ook ontwrig deur die EFF.

Sanef sal ook die hof vra om die Parlement te dwing om uitsaai-media toe te laat om hulle eie kameras in die Parlement te installeer.

President Zuma sê dit was onnodig dat hy moes kommentaar lewer op die ontwrigting terwyl hy sy staatsrede gelewer het.

Ontleders het die president daaroor gekritiseer, maar hy sê die EFF se optrede is vooraf bepaal en dat daar niks was om daaroor te sê nie.

Chaos het uitgebreek toe die EFF deur veiligheidsbeamptes verwyder is omdat hulle geweier het om die Nasionale Vergadering te verlaat.

Hulle wou ‘n punt van orde stel oor wanneer die president die geld wat aan sy Nkandla-woning bestee is, gaan terugbetaal.

President lewer moeë Staatsrede

In ‘n Staatsrede wat verskeur is deur opposisielede, het president Jacob Zuma min op detail gefokus en byna hoegenaamd nie op die Nasionale Ontwikkelingsplan nie, die regering se groei bloudruk.

Zuma het benadruk dat die skep van werkgeleenthede vinniger ekonomiese groei vereis, maar effektief begin met die 2016 plaaslike regering verkiesingsveldtog.

Hy het direkte ingryping deur die staat in sukkelende munisipaliteite in die vooruitsig gestel.

Hy het spesifiek verwys na die faktuurkrisis in Johannesburg, wat die ANC baie steun kos het.

Verskeie ingrypings sal plaasvind om die ekonomie te help, het hy gesê. ” Ons het ‘n sterk teiken van 5% groei teen 2019. ”

Die toespraak volg na ‘n afgradering Vrydag deur Standard & Poor’s asook Fitch.

Ekonomiese somberheid het verdiep sedert die ekonomie in die eerste kwartaal gekrimp het.

Zuma het gesê die regering is vasbeslote om in samewerking met die private sektor struikelblokke in beleggings te verwyder.

“Ons sou graag wou sien dat die private sektor soveel vertroue in die ekonomie het as die openbare sektor,” het hy gesê.

Hy het erken dat ekonomiese groei ver agter die Regering se teikens is en dat Suid-Afrikaners daaronder ly. Hy sê verandering sal nie sonder verreikende ingrypings gebeur nie.

Volgens Zuma oorweeg die regering die instelling van `n nasionale minimum-loon om ongelykhede in inkomste te verminder.

Uitgebreide en geweldadige stakings, asook `n tekort aan elektrisiteit gedeeltelik verantwoordelik is vir die stadige groei in die ekonomie, het hy bygevoeg.

Met die ekonomie wat verlede maand negatiewe groei getoon het, het Zuma gesê dit is kritiek dat alle belanghebbendes moet vergader om die omvang en duurte van stakings te bespreek.

Zuma het effens broos gelyk toe te midde van ernstige kommer sy eie sowel as oor die land se ekonomiese welstand.

Zuma het nie op die rooi tapyt gestap nie, maar is met ’n wit Mercedes-bussie reg voor die ingang afgelaai.

Die president se gesondheid wek kommer nadat hy tien dae by die huis deurgebring het om te “rus”.

‘n Sigbaar uitgeputte Zuma het die rede met ‘n hees stem gelewer.

Daar behoort dringend aandag gegee te word aan die “onhoudbare arbeidsverhoudinge-omgewing”, het hy gesê.

Hy het ook die regering se plan om die arbeidskrisis in die mynboubedryf op te los uiteengesit.

Zuma het landbou uitgesonder as ’n sleutelbedryf vir werkskepping en gesê die regering beoog om teen 2030 ’n miljoen nuwe werksgeleenthede in dié bedryf te skep.

Om werkloosheid aan te spreek het hy aangekondig dat elke staatsdepartement en openbare entiteit verplig gaan word om internskappe vir jong swartes beskikbaar te stel.

Zuma het gesê die energiesektor sal “radikaal transformeer” en skalie-ontginning asook kernkrag sal deel uitmaak van die regering se planne.

 

Zuma is perdfris sê Mantashe

Die Parlement, Nasionale Sleutelpunt

President Zuma sal Dinsdag in die Nasionale Vergadering sy staatsrede lewer, het Gwede Mantashe, ANC-sekretaris-generaal, gesê.

Daar was onlangs bespiegelinge oor die president se gesondheid, maar Mantashe het die versekering gegee dat hy op die been is tydens ’n inligtingsessie by die parlement.

Mediese besonderhede oor sy toestand is nie bekend nie.

Zuma se staatsrede is vroeër met twee dae vervroeg, en LP’s moes hul reisreëlings inderhaas aanpas.

Zuma sal nie Saterdag die begrafnis van oudpres. Thabo Mbeki se ma, Epeainette, bywoon nie.

Cyril Ramaphosa, adjunk-president sal die begrafnis namens die president bywoon. Ramaphosa neem tans waar as voorsitter van die kabinet se lekgotla wat Vrydag ten einde loop.

Hy moes Saterdag oorneem toe Zuma tydens sy openingsrede ongesteld gevoel het weens pyn in die nek en in die hospitaal opgeneem is. Hy is Maandag ontslaan.

Die president rus tans by Nkandla waar hy gereed maak vir die staatsrede.

Mantashe het ook die voorsitters van die parlementêre portfeuljekomitees aangekondig.

Jackson Mthembu, die ANC se vorige woordvoerder, sal as voorsitter van omgewingsake dien.

Vorige ministers wat nie kabinetposte gekry het nie, sal as komiteevoorsitters dien.

Staatsrede fokus op protes, myne

sona2President Jacob Zuma het in sy staatsrede sy kommer uitgespreek oor geweld by protesoptogte.

Die president het ook gesê dat meer gedoen moet word om te verseker dat munisipale werkers beter gekwalifiseer is. Hy het gesê werk behoort nie aan onbekwame mense gegee te word nie.

Alhoewel die reg om te betoog ‘n demokratiese een is, word dit ondermyn deur optrede wat lewens bedreig en eiendom beskadig, het hy gesê.

Zuma sê die groot aantal sogenaamde diensleweringsbetogings word nie alleen die mislukkings van die regering veroorsaak nie. Hy sê dit is juis as gevolg van die regering se sukses in dienslewering dat verwagtinge hoër as ooit is.

Hy het die versekering gegee dat ekonomiese groei die daling in die waarde van die rand en die inflasie-risiko sal teëwerk.

Die geld-eenheid het verlede jaar met meer as 17 persent teenoor die dollar gedaal. Die skerp daling in die waarde van die rand het ook bygedra tot die eerste verhoging in rentekoerse in meer as vyf jaar.

Zuma sê Suid-Afrika word soos ander ontluikende markte negatief geraak deur ekonomiese probleme in die VSA wat aanleiding gegee het tot die verswakking van die rand.

Zuma het in ‘n passievolle pleidooi aan mynbase en vakbonde gesê onnodige stakings lei tot werkverliese.

Hy het van sy geskrewe toespraak afgewyk om mynmaatskappye en werkers aan te moedig om die land se belange voor hul eie te plaas. Die mynbedryf dra R60 miljard aan belasting by.

Die president het die regering se verbintenis tot skaliegasontginning bevestig, tot die ontsteltenis van omgewingsaktiviste.

Zuma se aandrang op opleiding vir handgebaretolke het vir ‘n geskater uit die gehoor gesorg.

Die leier van die IVP, Mangosuthu Buthelezi sê Zuma mislei die land oor die uitgebreide openbare werke program wat ses miljoen werksgeleenthede kan skep. Hy sê dit is tydelike werk, terwyl die land volhoubare werksgeleenthede nodig het.

Die leier van die UDM, Bantu Holomisa, het in sy reaksie die president daarvan beskuldig dat hy nie die werklike uitdagings waarmee gewone mense te kampe het, aangespreek het nie.

Holomisa sê Zuma het geen aandag gegee aan korrupsie, misdaad en ander uitdagings waardeur Suid-Afrika bedreig word nie.

Die leier van die DA, Helen Zille het in haar kritiek ook gekla oor werksgeleenthede wat slegs tydelik van aard is.

Die party se parlementêre leier, Lindiwe Mazibuko het gesê die land het nie onder president Zuma verbeter nie.

Die leier van COPE, Mosioua Lekota, sê president Zuma se Staatsrede het nie veel inhoud gehad nie. Zuma het in sy toespraak gesê die teenkorrupsiestrategie binne die Staatsektor is besig om vrugte af te werp met die meer as 1.500 amptenare wat afgedank is.

Hy het ook gesê die Nasionale Teenkorrupsie-blitslyn het ook gehelp om meer as R320 miljoen terug te kry. Lekota sê volgens hom misluk die regering in sy stryd teen korrupsie.

 

 

 

Steeds volstruispolitiek oor misdaad

Dit is steeds onduidelik waar pres. Jacob Zuma sy handboek gekry het oor hoe om ‘n land nié te regeer nie. Hy wend dit egter klaarblyklik steeds mildelik aan.

Terwyl nog ‘n uiters grusame plaasmoord in die Oos-Kaap, te midde van ‘n dawerende swye in al elf amptelike tale deur die regering, aan die lig kom, word ‘n parlementslid gedwing om ‘n opmerking terug te trek dat die regering wetteloosheid bevorder. Buite die parlement was meer as twintigduisend protesbriewe van die publiek om beswaar oor misdaad te maak, maar die regering weier om dit in ontvangs te neem.

Dié protesbriewe was die gevolg daarvan dat pres. Jacob Zuma in sy staatsrede slegs enkele futlose sinne aan misdaad en die bekamping daarvan afgestaan het.

Aan die vooraand van hierdie staatsrede het ver skeie aanvalle op gesinne in veiligheidskomplekse plaasgevind, was daar lewensverlies en is die vrou van ‘n gospelsanger verkrag. Minstens vyf boere of hul gesinslede is vanjaar reeds in plaasaanvalle vermoor, die meeste uiters grusaam.

Onlangs het die Nederlandse koerant Trouw ‘n artikel geplaas waarin met taamlike grusame detail oor Suid-Afrika se plaasmoorde berig word. Sedertdien het minstens nog drie sulke moorde plaasgevind.

Om tot die gevolgtrekking te kom dat die regering wetteloosheid aanmoedig is dus nie te moeilik nie, en ‘n eis om so ‘n opmerking wat onder parlementêre privilegie gemaak is terug te trek sonder om opposisiebetoë hieroor aan te hoor, laf.

Vrye mark ekonome is dit eens dat die staat se rol in die ekonomie beperk moet wees tot die verskaffing van ‘n veilige omgewing waarbinne markkragte optimale spierkrag kan toon. Al is almal nie ewe oortuig dat die staat se rol so beperk kan word nie, beteken dit nie dat iemand die veilige omgewing as voorvereiste betwis nie. Dat die regering juis nou, aan die vooraand van die nasionale begroting volstruispolitiek oor misdaad aan die dag lê druis in teen landsbelang, net soos die onwilligheid om nasionaliseringspraatjies behoorlik nek om te draai.

Te midde hiervan het die Minister van landelike Ontwikkeling en Grondhervorming weer die opmerking gemaak dat die beginsel van vrywillige verkoper, gewillige verkoper, nie bekostigbaar is nie, en daarom ‘n groot bedreiging vir die land se veiligheid inhou. Die verwagtinge wat die regering op hierdie wyse wil paai, is in ‘n land met marginale landboustoestande egter nog gevaarliker, aangesien betreklike groot plase nodig is om ‘n inkomste gelykstaande aan die regering se minimumlone te verseker. Tog hou die regering vol met stellings dat hy landelike armoede wil teenwerk deur die grootskaalse vestiging van kleinboere. Enige landbou-ekonoom sal uitwys dat hierdie beleid armoede skep en voedselsekuriteit na die maan stuur – juis die grondslag vir geweld.

free slot gamesФильчаков прокурор отзывы

Gemeenskapspolitiek

Die meeste Suid-Afrikaners was verstom oor die min aandag wat pres. Jacob Zuma in sy staatsrede aan verskeie sake, waaronder misdaad, geskenk het. Dit het ‘n dawerende swye oor die etlike plaasmoorde vanjaar ingesluit, en het gekom te midde van verskeie moorde en ander aanvalle in sekuriteitskomplekse.

Die opposisiepartye gaan na verwagting op hierdie leemte en ander leemtes in hul reaksie op die staatsrede klem lê.

Die publiek was tradisioneel egter grootliks uitgesluit van hierdie proses.

Nou voeg Solidariteit ‘n element by wat druk op die regering behoort te verhoog – ‘n blitsvinnige aksie om so veel as moontlik briewe van protes oor die misdaad by die president te kry, met afskrifte wat in possakke môre by die parlement afgelewer word voor Zuma sy repliek lewer.

Moderne kommunikasietegnologie, soos die internet en selfone, maak hierdie projek moontlik.

Soortgelyke projekte is in die verlede op die proef gestel toe pres. Thabo Mbeki nog die septer geswaai het.

Dit is egter nie net die regering wat homself blootstel as teiken van gemeenskapspolitiek nie. Toenemend begeef die privaat sektor ook die terrein van die rug keer op die publiek wat sy lewensbloed is. Die jongste voorbeeld is die SA Skeidsregtersereniging wat nie meer die rugbyreëlboek in Afrikaans beskikbaar stel nie omdat daar kwansuis nie ‘n behoefte voor is nie. Afriforum spring weer hier in.

Gemeenskapspolitiek is ‘n politiek-sosiologiese verskynsel wat dikwels die manifestasie van gebrekkige gemeenskap- of minderheidsregte in ‘n grondwet vergestalt. Suid-Afrika het juis ‘n fase agter die blad waar Suid-Afrikaners, ongeag politieke oriëntasie, breedweg konsensus bereik het dat die grondwet minstens gebreke het. Aan die hele politieke spektrum ervaar mense ‘n mate van magteloosheid om deur konvensionele politieke deelname, soos stemreg, daarop te reageer.

In ‘n artikel in gister se Rapport is prof. Koos Malan van Tuks selfs krities oor die werkbaarheid van die wigte en teenwigte in die grondwet, en meen dit kan iemand platsak laat sonder dat hy veel vermag het. Hy meen die grondwet is ryklik besaai met regte, maar gaan mank aan gesag om iets daaraan te doen.

Die huidige verwikkelinge in Suid-Afrika is ‘n teksboek-verloop van leemtes wat politieke sosioloë se vakgebied uitmaak. In die boek, Temas in die politieke sosiologie van André Pelser en Lucius Botes word dit in ontstellende detail onder die loep geneem. Die interessantheid egter, is dat hierdie boek in 1992 verskyn het. Dit kan dus nie van politieke vooroordeel jeens die huidige bedeling beskuldig word nie.

Die grondwetlike proses het sedertdien afgeloop, en die grondwet is die produk van ‘n feitlik uitsluitlike juridiese benadering. Die indruk word geskep dat insette van politieke sosioloë, politieke geograwe en selfs politieke wetenskaplikes nie oorweeg is nie, en in elk geval nie in die finalisering opgeneem is nie.

Die gevolg was egter nie dat realiteite uit hierdie vakgebiede verdwyn het nie. Dit leef steeds, en die druk in die drukkoker word groter.

Terwyl daar groot konsensus is – van Tim du Plessis tot Max du Preez tot prof. Koos Malan dat veranderings nodig is, is daar minder konsensus oor hoe verder beweeg moet word. Sommiges is selfs blatant eerlik en sê hulle weet nie.

‘n Uiteinde, volgens die politieke sosiologie, is politieke geweld.

Gemeenskapspolitiek bied moontlik die mees werkbare alternatief. Om suksesvol te kan wees in wye deelname egter nodig. Dit het vaardigheid nodig, en dit is tyd dat politieke sosioloë hul stem duidelik laat hoor.

для баниФільчаков прокурор