Die Nigeriese ministerie van finansies het aangekondig dat hulle miljoene gespaar het deur van meer as 20 000 “spookwerkers” op die staat se betaalstaat ontslae te raak.
Diegene wie se name van die betaalstaat verwyder is, is net ’n “persentasie” van “denkbeeldige personeel” wat maandelikse salarisse ontvang het.
Dit beklemtoon voorts die grootskaalse korrupsie in Afrika se grootste ekonomie, het AFP berig.
“Die salarisrekening vir Februarie 2016 is met 2,293 miljard naira ($11.53 miljoen) verminder,” het ’n raadgewer van die ministerie van finansies, Festus Akanbi, in ’n verklaring gesê.
Akanbi sê die strenger betaalstaat-regulering sal Nigerië se begroting die nodige inspuiting gee.
Weens die skerp daling in globale oliepryse huiwer die Nigeriese ekonomie op die rand van ‘n ineenstorting.
Die Nigeriese president, Moehammadu Boehari, het in Desember ’n rekordbegroting aangekondig en belowe om ekonomiese groei te stimuleer en infrastruktuurprojekte van stapel te stuur.
Nou dog ek spookwerkers is diegene wat die begraafplaas in die nag oppas.
Hier by ons is hierdie ook ‘n groot probleem. Dit was ook so met die sosiale toelaes. Daardie probleem is bekamp deurdat elke persoon self sy toelaag moet kom haal. Dit werk goed behalwe in die geval van siekes en mense wat bv verlam is of dalk te oud is om die toelaag te gaan haal.
Dan word die siekes en oues weer beroof by die betaalpunte ,dit lyk by die plekke soos aasvoels wat op n karkas toesak.
Die woongebiede is besaai met so genoemde skoppers. Hul hou die mense se sassakaarte as sekuriteit. Honderde op n slag. Ek weet want my werk bring my tot by die mense. Die rente wat die skoppers vra is so hoog dat hulle die mense se kaarte op n permanente basis hou en net genoeg terug gee vir bietjie pap en n begrafnispolis
Is hulle nie almal spookwerkers nie.