praag.co.za

Tag: moord

  • Brief: Annette Kennealy was ‘n wonderlike vrou

    Brief: Annette Kennealy was ‘n wonderlike vrou

    William Schalksz van der Merwe is ‘n jong student wat die begrafnis van die vermoorde Annette Kennealy op Woensdag 29 Mei 2019 bygewoon het. Hy gee hier sy indrukke weer.

    Soos wat ons die kerk binnegaan, het die gemoedere nog nie bedaar nie. Dus gaan sit ek alleen, links agter in die hoek. Ek aanskou hoe die kerk begin vol loop: eers iemand met ‘n huilgesig, dan weer ‘n gesig wat bekende gesigte uitsoek en daar by hulle sy plek inneem. Toe ek kom sit het, was die kerk nog redelik leeg , maar hy raak nou geleidelik voller.

    Ou vriende groet en omhels mekaar, maar die vreugde van ou vriende wat weer bymekaar kom, raak vinnig somber wanneer die omhelsing verbreek word en hulle mekaar in die oë kyk, eensklaps weer bewus van die rede vir die byeenkoms. Hul oë wat ‘n oomblik terug vol vreugde en geluk was, word nou met trane gevul, maar voor die trane vloei gaan hulle sit.

    Almal se oë is star gerig op die skerm wat herdenkingsbriewe aan Annette vertoon. Die mense raak stil en lees, maar mens kan sien hulle lees nie net nie, hulle droom, hulle sien die briewe uitspeel in hulle gedagtes aan haar. Die kerk is nou al byna vol. Daar is ‘n ligte gegons; die meeste mense is stil en wag, amper senuagtig vir die begin van die diens. Enkeles kyk die begrafnispamflet met sy collage foto’s van haar oor en oor deur, asof hulle haar nog ‘n rukkie langer as ‘n werklikheid wil koester.

    Die musiek is rustig, nostalgies. Die dominee gaan sit voor en die kerk is nou al byna vol: daar is net nog ‘n paar stoele oop, sowat 10 wat  vir die familie uitgehou word. Die briewe op die skerm begin nou herhaal maar die oë bly lees, asof hulle nou net iets soek om die tyd te laat verbygaan. Die familie kom nou nader en ek sien hoe hulle mekaar in die ingangsportaal drukkies gee.

    Die kerk is ‘n ouerige steengebou in moderne styl, pragtig en rustig. ‘n Mens voel tuis, soos in ‘n ou-ou plaashuis. Dit spreek van simboliek. Ek slaan my Bybel oop, en kom toe af op Psalm 126. Ek glo nie eintlik daaraan om net die Bybel oop te slaan en lukraak gedeeltes te lees nie, maar dié was anders. Ek het antwoorde gesoek in die Woord, en ek het dit gevind.

    Die Psalm lees soos volg:

    1. ‘n BEDEVAARTSLIED. Toe die Here die lot van Sion verander het, was ons soos dié wat droom.
    2. Toe is ons mond gevul met gelag en ons tong met gejubel; toe het hulle onder die heidene gesê: Die Here het groot dinge aan hierdie mense gedoen.
    3. Die Here het groot dinge aan ons gedoen: ons was bly!
    4.  o Here, verander ons lot soos waterstrome in die Suidland.
    5.  Dié wat met trane saai, sal met gejubel maai.
    6 .Hy loop aldeur en ween en dra die saadkoring; hy sal sekerlik kom met gejubel en sy gerwe dra.

    Die kerk is nou stampvol, tog is dit nou die stilste wat dit nog was. Die diens begin amper en die mense maak hulself reg. Die hartseer hang in die lug, maar dit is nie net hartseer nie, dis woede, dis verwarring, dis verlange en soveel onbeskryflike deurmekaar emosies. Ek glo nie iemand hier weet regtig wat hulle voel of hoe om te voel nie. Dit was nie net ‘n ongeluk waar jy vir een mens kwaad kon wees of ‘n siekte waartydens mens nog tyd kon kry vir groet nie. Nee, dit was skielik en doelbewus, barbaars van aard. ‘n Politieke moord. Dit is vreemd hoe mens eens so opgekyk het na iemand soos Annette weens haar moede en aktivisme, maar nou word sy vir dieselfde ding wat sulke trots gekweek het, vermoor. Gemoedere wat met trots gevul is, word nou met hartseer en woede oorspoel.

    Dit is só ironies, hierdie persoon wat vrou-alleen opgestaan het teen die gruweldaad van plaasmoorde word op haar plaas deur haar eie werker vermoor. Dit is soos ‘n distopiese verhoogstuk, ‘n eens optimistiese triomf wat in tragedie . ‘n Moord wat almal raak, ‘n boodskap.
    ‘n Onopgeloste emosionele stryd duur voort in die mense wat sy hier agter los.

    Soos haar dogters instap, draai almal se koppe na hulle. Die mense se oë vertel verskillende stories, een van seer, een van plig tot wraak, een van sprakelose moedeloosheid.

    Wat my opgeval het van die begrafnis was dat ons nog nie weet hoe om hierdie gruwelsituasies te hanteer nie, nog minder weet ons hoe om eerbied te betoon.

    Annette was ‘n wonderlike vrou, ek het haar nie geken nie maar in elke foto van haar lyk sy vrolik en gelukkig, haar glimlag betowerend. Ek het gesit en hoor hoe mense met woeder en seer van hul goeie herrineringe praat. Ek het gehoor by die teraardebestelling hoe lief die mense vir haar was, hoe die mense betowerende grepe uit ‘n lewe vol vreugde, passie en waagmoed beskryf het. Ek het gedroom oor hoe dit sou wees om daar te wees in haar geselskap, ek het gedroom hoe so ‘n vrou iets van haar wysheid aan my sou kon oordra. Maar meer as droom het ek gewens ek kon net, net een keer die eer hê om haar hand te skud en daardie pragglimlag te sien. Maar daardie wens sal nooit waar word nie, al wat ek kon sien was die fragmente van ‘n eens wonderlike vrou wat nou in ‘n gemeenskap in versplinter het.

    Tog is daar hoop, daardie fragmente, daardie herinneringe en glanshelder glimlag leef; dit leef in ons gedagtes en drome, asook in ons wraakgedagtes. Gebruik die fragmente, want met die fragmente en herinneringe aan ‘n vrou soos Annette kan mens meer bereik as met die nagedagtes aan die meeste mense. Ons kan nie haar nalatenskap eer deur passief te droom en te onthou nie, nee, ons moet onthou deur aksie en herdenk deur reformasie. Dis ons plig! Mens mag nie Annette vereer deur net te praat nie; sy was groter as woorde en stories. Sy verdien om nie net ‘n gedagte te wees nie. Sy verdien dat ons haar ideale verwesenlik en dít tot op die vlak van, asook anderkant haar grootste verwagtinge te vervul.

    — William Schalksz van der Merwe

  • ‘Mlungu’, toe stel 3 swartes jong blanke paartjie tereg

    ‘Mlungu’, toe stel 3 swartes jong blanke paartjie tereg

    Die huidige vlaag van swart-op-wit moorde in Suid-Afrika is besig om ‘n crescendo te bereik, met ‘n jong paartjie die jongste slagoffers in wat lyk soos ‘n rassehaatmisdaad. Johanco Fleischman (19) en sy vriendin, Jessica Kuhn (21), is wreed doodgeskiet nadat hul voertuig naby ‘n oorwegend swart woongebied oos van Johannesburg weens ‘n gebrek aan brandstof gaan staan het.

    Fleischman het sy oom gebel wat op pad was om hom vir hom diesel vir sy Toyota-dubbelkajuitbakkie te bring. Sy oproep is omstreeks 11:00  die oggend gemaak, maar die oom moes ‘n plek op die pad soek om om te draai en kon nie dadelik die plek bereik nie.

    Blykbaar het Fleischman buite die voertuig gestaan ​​toe drie swart mans hom genader het, “mlungu” geskreeu het, wapens uitgepluk en hom verskeie kere geskiet het. Agterop die bakkie het twee swart werkers in diens van Fleischman gesit, maar die aanvallers, wat van dieselfde ras was, het hulle nie aangeval nie. Die werkers is deur die afvuur van die wapens verskrik, het van die voertuig afgeklim en weggehardloop.

    Ten minste veertien skote is in totaal afgevuur, aangesien dié aantal patroondoppies by die moordtoneel opgetel is. Met Johanco Fleischman wat op die grond doodgebloei het, het die drie swart aanvallers die wit meisie in die kajuit gesien, om die voertuig gestap en haar met ‘n enkele skoot in die kop doodgeskiet. Dit is later bevestig deur Ross Campbell, ‘n woordvoerder vir ER24-ambulansdienste.

    Ten einde getuienis te vernietig, het die moordenaars daarna voortgegaan om die voertuig aan die brand te steek. ‘n Inwoner van die nabygeleë Crystalpark het die brand net na 12:00 opgemerk en die nooddienste ontbied. Sy wou nie geïdentifiseer word nie omdat sy bang was dat die lewens van haar familielede bedreig kon word wat saam met haar was toe sy die grutoneel ontdek het.

    Johanco Fleischman se oom, wat hom as kind versorg het, is so getraumatiseer deur die ontdekking van sy dooie nefie dat hy Sondagaand steeds besig was om te huil.

    Die ooggetuies van Crystalpark het die grutoneel beskryf wat hulle teëgekom het. Alhoewel sy lyf met koeëls deurtrek is, was Johanco Fleischman nog nie dood nie, maar het geroggel vir asem terwyl hy besig was om dood te bloei.

    “Die seun het langs die voertuig op sy rug gelê,” het die anonieme vroulike ooggetuie gesê. “Ek weet nie hoeveel keer hy geskiet is nie, maar oral was daar baie bloed.”

    “Hy het swaar deur sy mond asemgehaal. Dit was nie ‘n aangename gesig nie, “het sy gesê.

    Daar was oral mense wat rondom die moordtoneel gestaan het, maar niemand het ‘n ambulans gebel nie. Die vrou en haar man het ER24 en die polisie ontbied.

    Die omstanders het probeer om ander voertuie te laat stilhou en gevra vir brandblussers. Hulle het ook die meisie uit die voertuig gesleep.

    “Een van die mans op die toneel het die meisie se pols geneem, maar daar was niks nie,” het die ooggetuie voortgegaan. “Hy het toe haar gesiggie bedek terwyl ons op die nooddienste wag.”

    Die passasiersdeur het ‘n koeëlgat vertoon, met nog ‘n gat deur die sitplek. Daar was verdere koeëlgate in die agterdeure, en die patroondoppies het op die grond verstrooi gelê.

    Die motief vir die moord was duidelik nie roof nie, aangesien die moordenaars nie die egpaar se juweliersware gebuit het nie, insluitend goue halssnoere en Jessica Kuhn se ring. Maar een van hul selfone is geneem, waarskynlik om te verhoed dat iemand hulp soek.

    Foto’s van hul lyke wat deur die goudkleurige materiale van ER24 bedek is, het gou op sosiale media versprei.

    Johanco Fleischman en Jessica Kuhn het mekaar net in Februarie vanjaar ontmoet, maar was baie verlief.

    Die seun se oupa, Willie Fleischman, het gesê dat Johanco se ma “gebroke” was. Nie net was hy haar jongste kind nie, maar ook haar enigste seun.

    “Johanco was een van die mooiste seuns wat iemand kan hê,” het Willie Fleischman gesê. “Hy het nooit kwaad geword nie, nooit met enigiemand baklei nie. Jess was ook ‘n pragtige mens. Baie vriendelik, nooit dikbek nie. Die twee het so goed bymekaar gepas.”

  • Tuinier in hegtenis as verdagte in Kennealy-saak

    Tuinier in hegtenis as verdagte in Kennealy-saak

    Die tuinwerker van die vermoorde Annette Kennealy is gisteraand in hegtenis geneem. Hy heet Kenny Ramatshimbila en het op haar perseel gewoon. Sowel boere in die Louis Trichardt-omgewing as die polisie se woordvoerder, kol. Moatshe Ngoepe, het dit bevestig.

    “Annette het haar ma gebel en gekla dat die tuinwerker besig was om ‘n baie slegte houding te ontwikkel,” het die vermoorde Kennealy se buurman gesê. “Dis moontlik dat daar ‘n struweling was, waarna hy haar met die hamer en ysterpyp doodgeslaan het.”

    Annette Kennealy was ‘n bekende kampvegter teen plaasmoorde in die Louis Trichardt-omgewing en het veral skakelwerk met buitelandse media gedoen om hulle oor die toestande in Suid-Afrika in te lig. Die nuus dat sy vermoor is, het landwyd skokgolwe veroorsaak. Vanoggend in Johannesburg en Pretoria het die dagblad Beeld se baniere op lamppale gelui: “Aktivis op hoewe vermoor.”

    In sy reaksie gister het dr. Dan Roodt van PRAAG geskryf dat hy vermoed dat sy deur ‘n bekende vermoor is aangesien sy altyd gewapen was. “My vriendin en aktivis vir landelike veiligheid, Anntte Kennealy, het self die slagoffer van ‘n verskriklike plaasmoord geword…. Sy was baie dapper, en het altyd ‘n wapen by haar gedra, ‘n 9mm-Astra-pistool. Kennelik was haar paraatheid nie genoeg om haar uiteindelik te red nie. Sy is óf deur iemand gedood wat sy geken het óf sy is verras.”

    Dit blyk dat Kennealy wel haar pistool by haar gehad het tydens die voorval. Nadat die verdagte ondervra is, het hy die pistool op die moordtoneel aan die polisie uitgewys.

    “Waarom het sy hom nie geskiet nie?” het een van Kennealy se vriende, met wie PRAAG vanoggend gesels het, gevra.

    Blykbaar het die verdagte reeds erken dat hy die moord gepleeg het. Hy het egter nog nie in die hof op ‘n moordklag verskyn nie.

    Nog kommentaar van boere in die omgewing was: “Totdat ons ons eie werk begin doen, sal ons nooit veilig wees nie. Annette het hom nie nodig gehad nie. Sy het haar perde verkoop. Maar sy het hom daar laat bly en af en toe die pad bietjie laat regmaak. As sy alleen was, het sy nou nog geleef.”

    Kennealy se moeder het Maandagaand begin onraad vermoed toe sy Sondagaand nie haar selfoon beantwoord het nie. Sy het ook nie soos gebruiklik haar om 18:00 op die plaaslike plaaswag se burgerbandradio aangemeld nie. Toe iemand Maandagoggend uitgestuur is om ondersoek in te stel, is haar lyk omstreeks 9:00 ontdek.

    Op haar Facebook het Annette Kennealy haar die bynaam Tshinakaho gegee, tesame met die Engelse onderskrif: “White lives matter.”

    Die radio-omroeper van RSG, Izak du Plessis, het foto’s van haar op sy Facebookblad geplaas en hulde aan haar gebring:

    Mooi loop, Tshinakaho. Dankie vir die stil nagte in jou paradys op die berg wat jou hel geword het. Dankie vir die diep gesels, vir die spesiale tyd saam met jou, die straight shooting, die aand toe ons knieë geraak het in Saartjie se garage, die blywende vriendskap daarna en die mooi van jou hart. Dankie vir daai naweek toe ons dié foto’s geneem het. Ek sal jou nooit vergeet nie.

  • Duitse hoofstroommedia verdoesel grumoord op twee Duitse tieners

    Duitse hoofstroommedia verdoesel grumoord op twee Duitse tieners

    Drie Duitse tieners is voor ‘n aankomende trein ingestamp op die Nürenburgstasie. Twee van hulle is deur die trein omgery en is op slag dood. Die beweerde moordenaars is twee ouer tieners wat Moslem-migrante is.

    Ten spyte van die feit dat die moordenaars se optrede doelbewus en opsetlik was, het die hoofstroommedia verontagsaam wat gebeur het, en gesê dat “die seuns op die spoor geval het ná ‘n stoeiery”. Die gebeurtenis is beskryf as ‘n “tragedie”, eerder as ‘n gruwel. En daar is na die moordenaars eenvoudig as “Duitsers” verwys, omdat hulle in Duitsland gebore is.

    Op die Nürnbergse S-treinstasie Frankenstadion is drie jong seuns van Franken in die nag van Vrydag tot Saterdag op die spore gestamp. Twee van hulle is deur die aankomende trein getrap en gedood.

    Die kulturele identiteit van die oortreders is verborge deur die Relotius-besmette hoofstroommedia wat bedrieglik van die “Duitsers” gepraat het om die migrasie-afkoms van die moordenaars te bedek. Terme soos “ongeluk” en “tragedie” is gebruik, en daar is bygevoeg by dat die drie 16-jariges op die spore “geval” het.

    Maar die Duitse poniekoerant Bild het Maandagoggend die onaangename waarheid ontbloot: Die moordenaars, of ten minste die strafbare manslagters wat die drie Duitse seuns op die spoor gestamp het, was buitelanders wat bloot in Duitsland gebore is. Een van hulle is van Turkse oorsprong en die ander ‘n Albanees van Griekse oorsprong.

    Die twee slagoffers, Luca en Frederic, was twee Duitsers van Heroldsberg, wat elf kilometer noordoos van Nürnberg geleë is, en hulle was baie gewild in hul tuisdorp. Verlede Vrydagaand het die twee hoërskoolleerlinge die Nürnbergse dansklub “Nightlife” besoek en wou om middernag met die trein huis toe ry.

    By die treinstasie, nadat hulle ‘n derde vriend ontmoet het, het hulle met die twee Moslems in ‘n argumente betrokke geraak. Volgens die polisie het die rusie om ‘n onbenulligheid begin, wat egter tot ‘n baie aggressiewe reaksie deur die twee verdagtes gelei het.

    Sowat 500 jaar van Ottomaanse Islamitiese koloniale heerskappy het verwoestende spore in Griekeland gelaat. Op 20 Desember 2007 was dit ook ‘n Turk (Serkan A) en ‘n Griek (Spyridon L) wat Bruno N byna doodgeslaan het. Hy is ‘n afgetrede direkteur van die Hermann-Frieb-skool in Schwabing en is ernstig by die München-Arabellapark-stasie aangerand, bloot omdat hy het uitgewys het dat daar ‘n rookvrye beleid op die trein geld.

    Terwyl hy hom geslaan het, het hulle hom “vuil Duits” genoem. Ná hulle verhoor, het hulle uitdagend aan almal die middelvinger gewys.

    Volgens Bild toon die bewakingsvideo van die misdaadtoneel in Nürnberg dat daar suiwer die voorneme was om die drie op die spoor te stamp, aangesien die trein reeds teen sowat 80 km / u besig was om die stasie binne te kom.

    Aangesien daardie trein gewoonlik nie by die stasie stop nie, het dit Luca en Frederic op volle spoed getref. Die seuns het nie ‘n kans gestaan ​​nie, en hulle is albei op slag dood. Hul vriend kon skaars voor die trein wegkom.

    In die media is die twee oortreders valslik  as “Duitsers” beskryf, soos in Focus: “Soos ‘n woordvoerder vir die polisie verduidelik, is twee 17-jarige Duitsers verantwoordelik vir drie jeugdiges wat Saterdagoggend kort na middernag op die spore geval het.”

    Die media het ook probeer om die indruk van hul inheemse Duitsers te slyp: “Intussen is twee 17-jarige verdagtes in hegtenis geneem, albei kom ook uit die graafskap Fürth.”

    Die verdoesling van die verdagtes se etnisiteit is gegrond op die woorde van die polisiewoordvoerder, maar Bild is in hierdie geval die uitsondering op die reël. Die ander media het hierdie brutale moorde op die skandaligste manier afgemaak. Die Süddeutsche Zeitung het openlik verklaar dat ‘n bakleiery tussen die jeugdiges bloot ‘n “tragiese einde” bereik het.

    Drie 16-jariges het op die spore “geval” en is “deur die trein gevang en doodgery”. Die twee 17-jariges moet vermoedelik “verantwoordelik” gehou word dat “hul drie mededingers van die platform af op die spore geval het”.

    Die Alpynse Prawda het nagelaat om te noem dat die distriksprokureur ‘n lasbrief vir inhegtenisname weens manslag uitgereik het nie en dat suiwer “kwaadwilligheid” veronderstel word. Verder noem hulle ondersoekers wat aanvanklik die kwessie oopgelaat het of die verdagtes die drie seuns gestamp, geslaan en geskop het.

    Selfs die Beierse Rundfunk is van mening dat die drie Duitsers op die spore “geval” het:

    “Tydens die nag van Vrydag [vroeg Saterdag] het die twee jeugdiges in ‘n argument met twee ander 17-jarige jeugdiges by die Nürnbergse S-treinstasie Frankenstadion in ‘n argument betrokke geraak. Altesaam drie 16-jarige jeugdiges het tydens die argument op die treinspore geval. ”

    Teen laat Saterdagoggend het BR Online die dubbele moord in sy video-verslag beskryf as ‘n “ongeluk”, waarin “drie mans” ná die rusie “op die treinspore geval het”.

    Selfs die CSU-burgemeester van Heroldsberg, Johannes Schalwig, het in alle erns gepraat van ‘n “ongeluk” en nie van moord of manslag nie.

    Die hele dorp met sy 8 500 burgers verkeer sedert Vrydagaand in ‘n toestand van skok, veral die sportklub TUSPO Heroldsberg, waar die twee slagoffers sedert hulle seuntjies was, sokker gespeel het.

    Verder was een van die twee lid van die Katolieke kerkgemeenskap St Margaretha, waar hy saam met ander jong kinders gewerk het, en die ander het kontrabas in ‘n musiekgroep gespeel.

  • Polisie soek na moordenaars van Engelbrecht-egpaar

    Polisie soek na moordenaars van Engelbrecht-egpaar

    Die Gautengse polisie soek glo na die moordenaars van die Engelbrecht-egpaar wat oor die naweek digby Westonaria vermoor is. ‘n Woordvoerder van die polisie, Kay Makhubele, het ‘n beroep op die publiek gedoen om na vore te kom met inligting oor die verdagtes of die voorval indien enigiemand iets sou gesien of gehoor het.

    Fanie, 78, en Colleen Engelbrecht, 74 is op hul plaas Welgevonden gisteroggend omstreeks 9:00 gedood. Volgens berigte is Fanie se keel afgesny en Colleen met ‘n strykysterkoord doodgewurg.

    Volgens die polisie is handwapens, kontant, selfone en ‘n iPad geroof.

    Die egpaar het met beeste en gewasse geboer.

     

  • Kleurlingmans skuldig aan moord op skryfster Winnie Rust

    Kleurlingmans skuldig aan moord op skryfster Winnie Rust

    Nigel en Johannes Plaatjies, die beskuldigdes in die moord op die Afrikaanse skryfster Winnie Rust, is vandag in die Wes-Kaapse Hooggeregshof deur regter Elize Steyn skuldig bevind. Benewens die moord op Winnie Rust, het die twee ook gepoog om die Rust-woonhuis aan die brand te steek om die spore van hul daad uit te wis.

    Winnie Rust. Foto: Wikipedia.

    Winnie Rust, wat haar oor ‘n tydperk van jare oor Nigel Plaatjies ontferm het en as sy weldoener opgetree het, is deur hom en sy oom vasgebind en verwurg. Hierna het hulle ‘n gasstoof oopgedraai en ‘n brandende kers daarvoor gelos in ‘n poging om die hele huis te laat afbrand.

    Nigel en Johannes Plaatjies het twee goue ringe en skootrekenaars uit die woning weggedra. Hulle het ook die vermoorde mev. Rust se bankkaart geneem en R5000 uit haar rekening onttrek. Die juweliersware is aan ‘n pandjieswinkel vir R1200 verkoop.

    Terwyl Nigel skuld beken het op die aanklag van diefstal wat verband hou met die onttrekking van R5000, het Johannes Plaatjies skuld op dié klag ontken. Daarom het die regter slegs vir Nigel aan die diefstal van die R5000 skuldig bevind.

    Maar albei die Plaatjies-familielede is, benewens die moord, aan ander klagte van diefstal en bedrog skuldig bevind aangesien hulle gepoog het om kruideniersware en ‘n selfoon met Winnie Rust se bankkaart te koop.

    Regter Steyn het in haar uitspraak gesê dat albei “kop in een mus” was sover dit die roof en diefstal betref en “beplan het om voordeel uit Rust se dood te trek… Die enigste afleiding wat gemaak kan word, is dat hulle dit saam beplan en betrokke was.”

    Hoewel sy albei aan moord op Winnie Rust skuldig bevind het, het sy gemeen hulle is onskuldig aan die klag van poging tot moord op Rust se eggenoot.

    Vonnis sal op 5 Februarie 2018 opgelê word.

  • Man dood, vrou ernstig na gewapende aanvalle te Muldersdrift

    Man dood, vrou ernstig na gewapende aanvalle te Muldersdrift

    Gewapende aanvalle op blanke kleinhoewebewoners in Muldersdrift duur voort. Oor die afgelope naweek is ‘n blanke man doodgeskiet en ‘n blanke vrou swaar gewond in twee afsonderlike voorvalle.

    Volgens konstabel Lucky Matome van die Suid-Afrikaanse Polisiediens is ‘n eenheid omstreeks 20:30 Saterdagaand na ‘n kleinhoewe in Muldersdrift se Rietfonteingebied ontbied. Daar aangekom, het hulle die vrou in ‘n plas bloed aangetref.

    “Die voorlopige ondersoek dui daarop dat die vrou tydens ‘n huisroof in die rug geskiet is,”  het konstabel Matome gesê. “Dit is nie duidelik hoeveel verdagtes by die hartelose misdaad betrokke was nie.” Enkele waardevolle items is as vermis aangemeld, waaronder selfone, ‘n tuisteaterstel en ‘n onbekende bedrag kontant.

    Matome het voorts gesê: “Daar kon nie veel inligting by die slagoffer verkry word nie, aangesien sy in ‘n ernstige toestand was. Sy is vir dringende mediese behandeling na ‘n hospitaal gehaas.

    ‘n Saak van poging tot moorde en huisroof word tans ondersoek.

    Die vorige oggend, Vrydag, het ‘n blanke man in dieselfde omgewing gesterf terwyl hy hom teen ‘n gewapende aanval probeer verdedig het. Die man het skuins voor ses in die oggend onraad bemerk en sy huis verlaat om ondersoek in te stel. Hierna het die aanvallers op hom losgebrand en het hy teruggeskiet, maar is noodlottig in sy bolyf gewond.

    Volgens Matome is die polisie “bekommerd” oor die toename in aanvalle op kleinhoewebewoners in Muldersdrift.

    Lede van die publiek met inligting kan die Muldersdrift-polisie skakel by 011 952 4600 of die Wesrand-trio-taakspan by 079 496 6288.

  • Franse intellektuele beskuldig regering dat hulle haatmisdaad toesmeer

    Franse intellektuele beskuldig regering dat hulle haatmisdaad toesmeer

    ‘n Groep beroemde Franse intellektuele het die Franse owerhede daarvan beskuldig dat hulle die brutale moord deur ‘n swarte op ‘n Paryse vrou toesmeer. Die ope brief bevraagteken die aanklaer se weglating van haatmisdaad in ‘n voorlopige aanklag teen die verdagte.

    Die misdaad, besonder barbaars, wat in die middel van die Franse presidensiële veldtog plaasgevind het, het min aandag in die media gekry.

    Kobili Traore, ‘n 27-jarige swart Moslem uit Mali, het die bejaarde Sarah Halimi op 4 April doodgemartel. Nadat Traore sy slagoffer herhaaldelik geslaan en aangerand het, het hy haar uit haar derde verdieping woonstel gegooi.

    ‘n Lid van die Europese Parlement en 17 prominente Franse intellektuele het teen dié weglating in die konsep-aanklag beswaar gemaak. Frederique Ries, ‘n wetgewer van België, het gesê die Franse owerhede het die erns van die misdaad geïgnoreer.

    “Die Franse owerhede het haar moord met ysige stilte beantwoord,” het Ries gesê. Traore, wat nie ‘n geskiedenis van geestesongesteldheid gehad het nie, is by ‘n psigiatriese instelling geplaas en is nie aangekla van ‘n haatmisdaad nie, ondanks bewyse wat daarop dui dat hy Halimi weens godsdienstige redes doodgemartel het.

    “Geen nasionale mobilisering vir Sarah se moord nie, want die media het kwasi-onverskillig gebly.” Die groep het ‘n opname van die voorval wat deur ‘n ander buurman gemaak is, aangehaal. Daarin kan Traore gehoor word waar hy “Allahu Akbar” skree. Sommige waarnemers glo dat die owerhede Halimi se moord toegesmeer het om te verhoed dat dit Marine Le Pen se presidensiële veldtog help.

    Alain Finkielkraut, Michel Onfray, Jacques Julliard, Elisabeth Badinter, Marcel Gauchet en ander persoonlikhede het gevra vir meer deursigtigheid oor die dood van Halimi.

    Halimi, ‘n ma van drie en ‘n afgetredene, is in haar eie huis gemartel. Die slagoffer het sowat dertig jaar lank in die Belleville-distrik in staatsbehuising gewoon. Daardie nag, het haar buurman Traore, die oggend om vieruur by haar huis ingebreek, haar aangerand en geslaan.

    Volgens die Tribune Juive, het hy Sarah “Satan” genoem en kalm gebid ná haar moord. “Alles oor hierdie misdaad dui daarop dat daar ‘n voortdurende ontkenning van die werklikheid is” deur owerhede, het die intellektuele gesê.

    Traore, ‘n dwelmhandelaar en ‘n dwelmverslaafde, het bure met die verskriklike gille van sy slagoffer wakker gemaak. Een het getuig dat die moord “dierlik” was. Ander het gesê hulle het gehoor dat Kobili “Allahu akbar”, “bly stil” en “sheitan!” (Satan) geskree het.

    Die Halimi-gesin sê die moord was ‘n terroriste-daad met marteling en haat as verswarende omstandighede.

    Terwyl die openbare debat in Frankryk woed, het die Britse Indiese skrywer, Sir Salman Rushdie, in ‘n onderhoud met die Franse tydskrif L’Obs Europese leiers geblameer omdat hulle weier om die werklikheid van die oorsprong van jihadisme te sien:

    “Ek het ‘n fundamentele meningsverskil met hierdie linkse mense wat alles doen om fundamentalisme van Islam te dissosieer. Islam is vir vyftig jaar besig. Aan die Sjiïtiese kant was daar Imam Khomeini en sy Islamitiese revolusie. In die Sunni-wêreld was daar Saoedi-Arabië, wat sy enorme hulpbronne gebruik om die verspreiding van hierdie fanatisme van Wahhabism te finansier. Maar hierdie historiese evolusie het plaasgevind binne Islam en nie buite nie. Wanneer die Islamitiese staat aanval, doen hulle dit deur Allahu Akbar te sê. So, hoe kan ons dan sê dat dit niks met Islam te doen het nie? Dit moet gestop word.”

    ‘n Islamitiese doodsvonnis is oor Rushdie uitgespreek vir beweerde godslastering in sy 1988 blitsverkoper roman The Satanic Verses.

  • Boere in Rustenburg, Ladybrand aangeval kort na Lichtenburg se gru-moord

    In die Rustenburg-omgewing is ‘n boer in nog ‘n plaasaanval in die Noordwes-provinsie aangeval en in die arm geskiet.

    Drie swart aanvallers het glo die boer oorval toe hy by sy hek op die plaas stilgehou het. Hy en sy minderjarige kind is aangehou. Volgens hom het ‘n geveg toe uitgebreek waarna die boer in sy arm gewond is.

    Die swart booswigte het later te voet ontsnap en dit is nie bekend watter items tydens die aanval gesteel is nie. Die boer is in ‘n plaaslike hospitaal opgeneem.

    Die boer het glo van ‘n kroeg af teruggekeer toe hy aangeval is. Die tyd van die aanval is in hierdie stadium nog onbekend. Die boer het gelukkig geen ernstige beserings opgedoen nie. Hy is steeds in die hospitaal.

    Hy het ook gaste gehad wat op sy perseel gebly het, maar hulle is ongedeerd. Die polisie ondersoek glo die jongste voorval.

    Die aanval volg kort nadat ’n 46-jarige man by die Habernia-plaas naby Lichtenburg deur drie swart aanvallers ten aanskoue van sy ma in die kop geskiet is.

    Die 46-jarige Hanno Steyn is Vrydagaand deur drie onbekende plaasaanvallers vermoor. Steyn is vasgebind en ten aanskoue van sy ma, Zackie, in die kop geskiet.

    Die drie swart aanvallers het met ‘n onbekende voertuig op die plaas aangekom en voorgegee dat hulle skape wil koop.

    ‘n Woordvoerder van die Noordwes-premier, Supra Mahumapelo, sê na aanleiding van die aanval die Premier glo daar moet “versoening” kom wat aandui dat Mahumapelo probeer voorgee dat boere vermoor word weens ‘n gebrek aan “versoening”.

    “Premier Mahumapelo wil mense in die provinsie aanmoedig om by die Versoening, Genesing en Hernuwingsprogram van die provinsie aan te sluit. Dit is daarop gemik om te verseker dat plaas-eienaars, plaaswerkers, sowel as mense met verskillende agtergronde saamwerk om te verseker dat ons die provinsie vorentoe neem,” het Setswambung bygevoeg.

    In hierdie stadium het die polisie nie bevestig wat gesteel is nie en die ondersoek duur voort.

    Die polisie in die Vrystaat het ‘n soektog geloods na twee swart verdagtes in verband met nog ‘n plaasaanval buite Ladybrand.

    Phumelelo Dlamini, polisiewoordvoerder, sê ‘n 46-jarige boer, Hamilton Bruce, en sy vrou is Saterdagaand deur twee mans op hul plaas aangeval. Dlamini sê Bruce het hoofbeserings aangeval en opgedoen.

    Die swart verdagtes het na bewering van die toneel gevlug met ‘n onbekende bedrag kontant, ‘n skootrekenaar en selfone.

    Dlamini sê dit word beweer die verdagtes is buitelandse burgers en doen ‘n beroep op enigiemand met inligting om na vore te kom.

  • TV-aanbieder Johann Botha gisteraand doodgeskiet in Johannesburgse middestad

    TV-aanbieder Johann Botha gisteraand doodgeskiet in Johannesburgse middestad

    Die voormalige aanbieder van die TV-program 50/50, asook aanbieder van ‘n klassieke musiekprogram op Pretoria FM, Johann Botha, is gisteraand tydens ‘n rooftog in die Johannesburgse middestad doodgeskiet. Botha het in ‘n kroeg in die Maboneng-buurt gekuier toe daar ‘n rooftog plaasgevind het. Die kroegeienaar self is insgelyks tydens die rooftog doodgeskiet.

    Die direkteur van Pretoria FM, Willie Spies, het in ‘n verklaring gesê dat sy “dood… ‘n reuseverlies vir die land, media en die mense van Suid-Afrika” is. Sy dood onderstreep weer eens die vlaag van gewelddadige misdaad en rampokkery wat Suid-Afrika tans gevange hou.

    Die Johannesburgse middestad, waar feitlik geen blankes meer woon nie, is volgens die Suid-Afrikaanse Polisiediens se misdaadstatistiek die derde gevaarlikste polisiedistrik in die land, ná Mitchellsplein en die middestad van Kaapstad.

    Die Maboneng-buurt wat aan die oostekant van die stad in Jeppesdorp geleë is, bestaan uit opgeknapte geboue wat deur ‘n jong eiendomsontwikkelaar, Jonathan Liebmann, tesame met kroeë en ander vorme van vermaak, tot stand gebring is. Liebmann is reeds enkele jare gelede as die “ABSA Jewish Report Achiever of the Year” vir sy werk in die Maboneng-buurt aangewys. ABSA borg dié seremonie jaarliks met R4 miljoen.

    In 2016 is daar 75 moorde in die Johannesburgse middestad gepleeg, volgens polisiestatistiek.

  • Motor wat in huis vasjaag dood bejaarde vrou

    Motor wat in huis vasjaag dood bejaarde vrou

    Die polisie op Postmasburg in die Noord-Kaap ondersoek ‘n klag van strafbare manslag nadat ‘n bejaarde vrou Woensdagaand in haar huis dood is toe ‘n motor teen ‘n buitemuur van haar huis vasgery het.

    Polisiewoordvoerder, Sergio Kock, sê Martha Johanna Geldenhuys is op die toneel dood verklaar. Hy sê die bestuurder van die motor het vermoedelik in die straat buite die huis beheer daaroor verloor.

    Die motor het eers ‘n boom getref, waarna dit deur die heining van die erf is en teen ‘n buitemuur van die sitkamer, waarin Geldenhuys was, vasgery het. Kock sê vensterrame en ander puin van die muur het vermoedelik op haar geval. ‘n Nadoodse ondersoek sal gedoen word om die oorsaak van Geldenhuys se dood te bepaal.

    Netcare 911 se woordvoerder, Chris Botha, het vroeër gesê ‘n roomkleurige ouer model Mercedes-Benz het na bewering nie by ‘n T-aansluiting gestop nie.

    Volgens hom het paramedici omstreeks 18:45 hulp verleen nadat hulle na ‘n huis in Tuinstraat ontbied is. Die motor het vermoedelik deur ‘n heining van die erf gery en Geldenhuys, wat volgens hulle op haar voorstoep was, getref, het Botha gesê.

    Met hul aankoms op die toneel het paramedici Geldenhuys ondersoek, maar die vrou wat vermoedelik in haar sewentigs was, het reeds aan haar beserings beswyk. Dit het vir hulle voorgekom of die motor eers vir Geldenhuys getref het en toe teen ‘n muur van die huis vasgery het.

    Geldenhuys se erg getraumatiseerde man was in hul huis, het Botha gesê. Hy is nie in die voorval beseer nie.

    Volgens Botha het die motorbestuurder ligte beserings opgedoen, maar is nie na ‘n hospitaal gebring nie. Daar was glo twee ander insittendes in die motor, maar hulle het na bewering weggehardloop.

    Bron: OFM Nuus

  • Duitsland in skok na verkragtings, moord by ouetehuis deur swarte

    Duitsland in skok na verkragtings, moord by ouetehuis deur swarte

    Duitsland is in skok na ‘n dubbele verkragting, en moord deur ‘n swart migrant by ‘n ouetehuis in Neuenhaus, ‘n dorp in die distrik Bentheim in Nedersakse.

    ‘n Somaliese “asielsoeker” is aangekla van verkragting van twee gestremde mans in ‘n tehuis asook die moord op die vrou van een, in die vroeë oggendure van 22 Oktober verlede jaar.

    Die “18-jarige” het na berig word ingebreek by die ouetehuis in Neuenhaus, waar hy ‘n verlamde 59-jarige man verkrag het. Die polisie sê die migrant het daarna ‘n bejaarde in ‘n aangrensende kamer verkrag, voordat hy gekonfronteer is deur die 87-jarige vrou van die slagoffer.

    Na wat verneem word het die vrou in dieselfde kamer as haar man by die Haus am Bürgerpark ‘n bejaarde sorghuis, gewoon.

    Die vrou van die tweede slagoffer het die verkragter verras waarna hy haar met “groot krag” vermoor het om te verhoed dat hy gevang word, volgens Duitse polisiebronne.

    Die beskuldigde is tans in ‘n psigiatriese inrigting vir waarneming, want hy was glo in ‘n “alkoholiese toestand” met “geestelike probleme”. Dié twee kesssies kan uiteindelik lei tot verminderde straf.

    Sy verhoor sal voor die Land Gericht Osnabrück se jeugfasiliteit plaasvind, maar dit is nie seker of die dader wel ‘n jeugdige is nie.

    Die 32-jarige opsigter het Woensdag, nadat hy die skof van ‘n kollega oorgeneem het, op die dader afgekom. Om middernag, het alles gelyk of dit nog in orde was, maar op die middelste vloer, het hy skielik ‘n persoon teëgekom wat ​​in die gang in die dowwe gloed van die naglig staan.

    “Ek was verbaas en het gedink dit was ‘n inwoner,” het die verpleër verduidelik. Die vermeende verkragter het daarna doodluiters die trappe afgeloop na die grondvloer in die rigting van die hoofingang, maar skielik verander van rigting en ontsnap.

    Die Somaliër is egter gou in hegtenis geneem na die misdade. In sy huis, het die polisie ‘n paar wit – nog klam – tekkies, en ‘n stel nat klere in die kas ontdek. Dit is deur ‘n 53-jarige polisiesuperintendent aan die media onthul.

    Verlede maand het ‘n 19-jarige Marokkaanse migrant skuldig gepleit op die verkragting van ‘n 90-jarige Duitse vrou helder oordag op pad huis toe van die kerk.

    Verlede week is aangekondig dat die Afghaanse reeksmoordenaar en verkragter, Hussein K., deur Duitse aanklaers as ‘n jeugdige beskou word, ten spyte van verskeie mediese ouderdomskundiges wat bepaal het dat hy 22-jaar oud was toe hy die 19-jarige Maria Ladenburger vermoor het. Hy het haar liggaam in Dreisamrivier in Freiburg gegooi.

    Die meisie was die dogter van ‘n top Eurokraat, en ten minste die tweede slagoffer van die moordenaar.

    Hy het voorheen ‘n ligte twee-en-‘n-half jaar tronkstraf uitgedien vir die verkragting en moord op ‘n jong Griekse student wat hy daarna van ‘n krans afgegooi het.

  • Polisielede wat op mekaar skiet eis drie

    Twee polisiebeamptes en ‘n voormalige polisiebeampte is vanmiddag in ‘n skietvoorval in Kimberley se middestad dood.

    Polisiewoordvoerder Mohale Ramatseba sê ‘n voormalige polisiebeampte het by die polisie se provinsiale kantoor, waar sy vrou werksaam is, opgedaag. Hy wou haar na bewering aanrand, en het later uit die kantoor gehardloop, in sy motor gespring en weggejaag.

    Polisiebeamptes het hom agternagesit.

    By ‘n verkeerslig voor ABSA-bank het hy uit die motor geklim en op die polisiebeamptes losgebrand. ‘n Oor-en-weer-skietery het gevolg.

    Ramatseba sê die oud-polisieman het drie beamptes gewond. Een van hulle is op die toneel dood. Die ander twee is hospitaal toe geneem, waar een van hulle aan sy wonde beswyk het.

    Die oud-polisieman is ook doodgeskiet.

    Bron: OFM Nuus

  • Dullstroom-plaasaanval: Twee onskuldiges wat altyd net die goeie in almal wou raaksien

    Dullstroom-plaasaanval: Twee onskuldiges wat altyd net die goeie in almal wou raaksien

    Die grusame verhaal van die plaasaanval in Dullstroom, is nogmaals een van wrede swart geweld teen onskuldige wit slagoffers.

    Sue Howarth is in ‘n kritieke toestand in die Midmed intensiewe sorgeenheid. Haar man, Robert Lynn, lê minder as ‘n honderd meter van haar in die chirurgiese saal. Dokters hou hom nog onder verdowing.

    Die egpaar is oorval in hul huis, gemartel, in hul eie voertuig gelaai en Sondagoggend vir dood agtergelaat langs die pad in ‘n bergagtige pas buite Belfast.

    Sue het ‘n passie vir skaaphonde en is ‘n gereelde deelnemer aan die Suid-Afrikaanse Skaaphond Proewe.

    Voordat die egpaar na Dullstroom verhuis het, was Sue aan die hoof van ‘n farmaseutiese maatskappy in Johannesburg. Sy het haar nooiensvan behou nadat sy met Robert, ‘n elektriese ingenieur vir Eskom, getroud is.

    Die verskrikking van wat gebeur het, is nog vars in almal se geheue. Robert se liggaam is vol sny- en brandmerke en ‘n koeël sit in sy nek. Die dokters het besluit om dit nie te verwyder vir die oomblik nie.

    Robert en Sue is die mede-eienaars van ‘n plaas met die naam Mash Land, net buite Dullstroom waar Sue haar passie vir skaaphonde en hul opleiding uitleef. Sy het drie honde, al drie van die Border Collie Rescue Organisation aangeneem.

    Irene Thompson, van die organisasie, beskryf Sue as ‘n vrou met ‘n hart van goud wat dikwels geld geskenk het aan hulle.

    Sondagoggend, net ná 02:00, het Robert wakker geword in sy bed met drie swartes in klapmusse wat ​​langs hom staan. Wat daarna gevolg het, was ‘n weersinwekkende aanval op twee onskuldige mense wat altyd net die goeie in almal wou raaksien.

    Maar miskien is die twee juis daarom as sagte teikens beskou deur hul swart aanvallers.

    Hulle is gemartel met ‘n blaasvlam en messe. ‘n Plastieksak is in Sue se keel afgedruk en hulle het probeer om Robert te verwurg met ‘n swart sak om sy nek.

    Robert het aan die swart aanvallers sy bankkaarte en PIN-nommers oorhandig soos hulle versoek het, maar die booswigte was nog nie tevrede nie.

    Hulle het die egpaar, nog in hul nagklere, in hul Nissan Hardbody dubbelkajuit met Border Collie plakkers op die agterkant, gelaai.

    Daarna is hulle na Belfast deur Stoffberg. In die pas is Sue twee keer in die kop geskiet voordat haar aanvallers haar gesleep het in die veld langs die pad. Die voorste deel van haar liggaam is rou geskraap, nadat sy met haar gesig na onder gesleep is oor die teerpad, grond en gras.

    Paar meter verder was dit Robert se beurt. Sy aanvallers het gemik vir sy kop, die sneller getrek en hom uit die voertuig gesmyt.

    Die egpaar is ontdek na 06:00 deur twee vriende wat op pad was om te gaan visvang. Hulle het ‘n sigbaar verwarde Robert opgemerk langs die pad.

    Hy het snye en brandmerke oral op sy lyf en ‘n wond aan sy nek. ‘n Swart sak is styf vasgemaak om sy nek en hy kon eers behoorlik praat nadat dit verwyder is. Dit is steeds onduidelik of hy daarvan bewus is dat hy geskiet is op daardie tydstip.

    Sue is ontdek onder bome, in ‘n sloot. Haar redders het daarin geslaag om haar te vind omdat hulle haar kreune van pyn gehoor het en sleepmerke van die pad in die veld gesien het.

    Haar kop was bedek met ‘n handdoek. Haar oë was toegeswel. Sy was slegs gedeeltelik geklee met net stukkies van haar hemp wat oorgebly het.

    Die swartes het ‘n plastieksak afgedruk in haar keel om haar te versmoor, en dit is ‘n wonderwerk dat sy dit oorleef het. Sy is twee keer in die kop geskiet en die twee koeëls is steeds nie verwyder nie.

    Die beseerde paartjie is inderhaas na die Belfast-hospitaal geneem waar hulle later na Middelburg se Midmed verskuif is. Die swart personeel in Belfast het nie opgemerk dat die egpaar geskiet is nie. Dié skietwonde is glo eers in Middelburg ontdek.

    Sue het nog nie haar bewussyn herwin sedert die beproewing nie. Sy verkeer steeds in ‘n koma. Howarth word tans vir skok behandel en vir observasie in die hospitaal gehou.