Etiket: Limpopo

Zuma moet koes vir woedende skare in Limpopo

President Zuma se verskyning by beplande saamtrek met inwoners van Vuwani in Limpopo, moes afgelas word, nadat die president besluit het om weg te bly van ‘n vyandige skare wat hom ingewag het.

Die Presidensie sê die teenkanting van die skare teen die president, was nie verteenwoordigend van die hele gemeenskap nie, want net ontevredenes oor die nuwe munisipale afbakening was by die byeenkoms.

Die Presidensie het ‘n verklaring uitgereik nadat Zuma daarteen besluit het om oproerige inwoners van Vuwani te gaan toespreek.

Hulle sê die saamtrek was nie verteenwoordigend van almal nie, omdat die bywoning meestal bestaan het uit diegene wat gekant is teen die nuwe munisipaliteit.

Vier mense is in hegtenis geneem toe gefrustreerde inwoners, wat lank op Zuma gewag het, motors met klippe bestook het en minstens twee voertuie van die SABC ook beskadig.

Zuma het wel vroeër die plaaslike brandweerstasie besoek om met lede van die Pro-Makhado-taakspan, kerk- en tradisionele leiers, asook sakelui en die jeug te vergader, waarna hy vertrek het.

Twee voertuie van die SABC se vensters is gebreek en Zuma wou dit nie naby by die Nandoni-sportterrein waag nie.

Inwoners het ure lank in ‘n volgepakte tent op hom gewag en het later oproerig begin raak.

Zuma sal glo teruggaan vir ‘n besoek aan Vuwani in Limpopo om met álle gemeenskapslede te vergader oor die krisis met munisipale afbakening. Die gebied word reeds maande lank deur etniese onrus geteister.

Hof verbied swart pastoor om sy gemeentelede met ‘Doom’ te bespuit

‘n Swart Suid-Afrikaanse pastoor wat sy gemeentelede met “Doom” bespuit het om hulle op bonatuurlike wyse van hul siektes te genees, is deur die hof verbied om daarmee voort te gaan, hangende ‘n hofsaak wat aanstaande maand in Limpopo aangehoor sal word.

Lethebo Rabalago het nasionale en internasionale bekendheid verwerf met sy onortodokse genesing van gemeentelede, wat nietemin nie veel verskil van metodes wat toordokters met die volle ondersteuning van die parlement elders in die land aanwend nie.

Volgens ‘n radio-onderhoud het Rabalago gesê dat God modder, speeksel en “selfs giftige dinge kan gebruik om mense te verlos”.

Derick Kganyago, ‘n woordvoerder van Limpopo se departement van gesondheid, het gesê dat die provinsiale regering ‘n hofbevel teen Rabalago verkry het “totdat hy in Januarie in die hof verskyn. Doom is nie geskik vir menslike gebruik nie.”

In 2014 het ‘n ander swart Suid-Afrikaanse lekeprediker in Pretoria dosyne lede van sy gemeente aangemoedig om gras te eet om gesond te word. In 2015 het dieselfde swart predikant sy gemeentelede aangesê om petrol te drink aangesien dit hulle van kwale sal genees.

In dié stadium het ‘n TV-kanaal berig dat gemeentelede wat petrol gedrink het, gesien is waar hulle flou word of op die vloer rondrol met simptome van naarheid.

Levubu-boere ruk op na plaasmoordenaar-verdagtes se verskyning

Drie swart verdagtes wat na bewering ‘n boer van Levubu in Limpopo wreedaardig vermoor het, verskyn vandag in die periodieke hof buite Thohoyandou.

Die drie, onder wie ‘n plaaswerker, het die 60-jarige Hennie Bonnema verlede maand ingewag en doodgesteek. Daar is kort ná die voorval bevestig dat niks gesteel is uit die huis nie.

Na verwagting sal groot getalle belangstellendes weer die hofsaak bywoon. Boere in die omgewing het reeds ‘n beroep gedoen op die Nasionale Vervolgingsgesag om nie borg aan die drie toe te staan nie: “Ons soek nie misdadigers in ons gemeenskap nie.”

Die vermeende swart plaasaanvallers het Maandag vlugtig in die Vuwani Landdroshof verskyn en boere van die omgewing het Maandag opgedaag om hul solidariteit met die Bonnema-familie te wys.

Walter Maringa (24), Mudau Sylvester Takalani (31) en Khodani Tshishonga (33) is Vrydag deur die Levubu-polisie aangekeer. Volgens polisiewoordvoerder is die booswigte naby Mashau aangekeer. Die woongebied is nie ver van Bonnema se plaas, Beaufort F10, in Levubu nie.

Bonnema se bebloede lyk is twee weke gelede deur sy seun, Hendrik, buite sy plaashuis gevind. Hy is met sy terugkeer van ‘n besoek vermoedelik voorgelê en doodgesteek.

Sy aanvallers het Hennie klaarblyklik by sy hek ingewag, sy bakkie se sleutels gegryp en hom vermoedelik van die hek af huis toe gesleep.

Hendrik en sy broer, Pieter, was albei Maandag by die hof teenwoordig vir Maringa en sy twee medebeskuldigdes se eerste verskyning. Hendrik het bevestig dat een van die verdagtes voorheen vir hulle gewerk het.

Daar is nog steeds geen duidelikheid oor die motief vir sy pa se moord nie, het een van die seuns gesê.

Soutpansberg Distrikslandbou-unie (SDLU) het die nuus van die drie se inhegtenisname verwelkom.

“Sy [Hennie se] lewe is geneem op ‘n koelbloedige wyse deur gewetenlose kriminele wat wou kom vat wat nie aan hulle behoort nie. Hulle het ‘n familie van ‘n pa beroof en ‘n groot span werkers ‘n werkgewer ontneem wat vir baie jare net goed was vir hulle,” het Stephen Hoffman, voorsitter van die SDLU, aan die Zoutpansberger gesê.

Die voorsitter van die Levubu Boerevereniging, Fanie Havinga, het Hoffman se woorde beaam: “Ons [het] ‘n leierboer verloor. Hennie was saggeaard en ‘n persoon op wie se ondersteuning daar te alle tye gereken kon word. Hy was geliefd in sy gemeenskap,” het Fanie aan die koerant gesê.

Stormwinde waai plakkershutte weg

Die Vrystaat en Limpopo is deur stormwinde gelooi wat plakkershuise weggewaai het.

Deneysville in die Vrystaat, is deur die erge storms getref wat ongeveer 500 mense oor die naweek dakloos gelaat het en die munisipaliteit het sakeondernemings gevra om hulp te verleen.

Die storm het oornag Sondag gewoed.

Volgens die woordvoerder by die Metsimaholo-munisipaliteit, is sowat 100 huise in Refengkgotso buite die dorp geraak.

Die burgemeester van die Metshimaholo Plaaslike Munisipaliteit, Sello Hlasa, sê hulle is besig om die skade te bepaal en hoe hulle die gemeenskap kan bystaan.

Hy sê van die inwoners weier om die beskadigde huise te verlaat uit vrees vir vandalisme en diefstal. Ander word in kerke en gemeenskapsale gehuisves.

Ouers weier om te gaan werk omdat drie kleuterskole ook beskadig is.

In die Thohoyandou-gebied in Limpopo is dakke van verskeie huise ook tydens ‘n storm afgewaai.

Die woordvoerder van die Vhembe-distrikmunisipaliteit, Matodzi Ralushai, sê die gebiede wat geraak word, sluit in Makonde, Kubvi en Makumeke buite Malamulele.

Ralushai sê hulle sal binnekort die skade assesseer.

Nog ‘n skool in Limpopo afgebrand

Nog ‘n swart hoërskool in Limpopo is afgebrand in voortslepende etniese onrus. Die ANC wil nie toegee dat die twee taalgemeenskappe geskei moet word nie.

Tsonga-inwoners se ontevredenheid oor munisipale grense in die Vuwani-gebied wat Vendas bevoordeel, het tot onluste gelei.

Die brand het die naweek by die Humula-hoërskool buite Malamulele in Limpopo groot skade aangerig. Dit is die tweede voorval van brandstigting by dié skool vanjaar.

Drie klaskamers en ‘n administrasiekantoor van in die Mukhomi-gemeenskap is opsetlik aan die brand gesteek.

Bykans 30 skole is vroeër vanjaar tydens onluste oor munisipale afbakening by Vuwani en Malamulele aan die brand gesteek.

‘n Woordvoerder van die departement, Naledzani Rasila sê dokumente, toerusting en meubels is in die brand vernietig.

Die departement van Onderwys in Limpopo sê hulle moet nog bepaal wat die omvang van die skade is.

Rasila sê die polisie ondersoek die oorsaak van die brand.

Die minister van basiese onderwys, Angie Motshekga, het intussen die jongste aanval op ‘n skool in Malalulele veroordeel.

Sy sê die vernietiging van infrastruktuur ondermyn die vordering wat in skole gemaak word.

Motshekga het na afloop van ‘n vergadering van die Raad van Onderwysministers in Pretoria gesê vordering is gemaak om skoolinfrastruktuur regoor die land met meer as 170 van 510 geoormerkte skole wat op standaard gebring is.

SA: 56 miljoen siele

Daar woon na raming 56 miljoen siele in Suid-Afrika waarvan 51% vroulik is, volgens die halfjaarlikse berekeninge van Statistiek Suid-Afrika, en hulle sit nie stil nie.

Vir die tydperk 2011-2016, het ongeveer 247 437 mense gemigreer vanaf die Oos-Kaap uitwaarts, maar die uitvloei van Limpopo van byna 305 030 mense, was nog groter.

Gedurende dieselfde tydperk, het Gauteng en die Wes-Kaap ‘n geraamde invloei van immigrante van ongeveer 1 216 258 en 363 114 onderskeidelik ervaar.

By dié aankondiging tydens ‘n mediakonferensie in Pretoria Donderdag, het die statistikus-generaal, Pali Lehohla, gesê migrasie is ‘n belangrike demografiese proses wat die ouderdomsprofiel en verspreiding van provinsiale bevolkings raak.

Die grootste deel van die Suid-Afrikaanse bevolking (24%) woon in Gauteng, sowat 13,5 miljoen mense. KwaZulu-Natal is die provinsie met die tweede grootste bevolking van 11,1 miljoen mense (19,9%).

Die Noord-Kaap bly steeds die provinsie met die kleinste deel van die Suid-Afrikaanse bevolking, net oor die 2%.

Sowat ‘n derde van die bevolking is tussen die ouderdomme van 15 jaar en jonger en ongeveer 8% is 60 jaar of ouer.

Van diegene jonger as 15 jaar, woon ongeveer 23% in KwaZulu-Natal en 20,4% in Gauteng.

Die grootste persentasie van mense van 60 jaar en ouer woon in Gauteng, te wete 26%, en dié groep gaan waarskynlik groter word met die verloop van tyd.

Nog drie klaskamers in Vuwani afgebrand

Ten minste drie klaskamers is Dinsdagaand afgebrand by die Mugoidwa Sekondêre Skool in Vuwani, Limpopo.

Die Mugoidwa hoërskool is die 29ste skool wat in ‘n kwessie van drie maande deur ontevrede inwoners van die gebied aan die brand gesteek is.

Ouers en leerlinge was voorberei vir die eerste dag van skool na drie maande van gewelddadige oproer wat kinders tuis gehou het, toe die skool deur vermeende brandstigters in ligte laaie gelaat is.

Die departement van basiese onderwys het gesê die aanval was laakbaar en is besig om die departement miljoene te kos wat hulle nie het nie.

Departementele woordvoerder Elaijah Mhlanga het gesê die aanval was teleurstellend en pogings om ‘n einde aan geweld te bring het ‘n groot terugslag gekry.

“Niks gaan ons stop nie, ons gaan nou saamwerk met die gemeenskap om seker te maak dat ons mense wat dit doen isoleer, want dit gaan die verstand te bowe. Dit is by ‘n punt waar ons regtig nodig het om drastiese stappe te neem om te verseker dat ons ons onderwysstelsel herstel, en die toekoms van ons kinders respekteer,” het Mhlanga gesê.

“Dit is oor die toekoms van ons kinders, natuurlik is dit die toekoms van ons land en dit is intimidasie en moet nie toegelaat word nie. Ons hoop die polisie sal hul werk doen en die oortreder in hegtenis neem.”

Mhlanga glo dat die aanval was ‘n intimidasietaktiek wat nie moet geduld word nie.

“Ons moet drastiese stappe neem … Dit is intimidasie, dit moet nie aanvaar word nie.”

Een van die ouers het gesê hulle is optimisties dat die skool sal hervat Woensdagoggend.

Beatrice Masuvhelele het gesê sy het haar kinders voorberei om terug te keer skool toe.

Inwoners het nie opgedaag by die stemlokale Woensdag nie, nadat hulle ‘n besluit geneem het om verkiesings te boikot en nie te stem nie.

Tydens stemdag, hulle óf sokker gespeel of sit by die huis gesit vir die 2016 plaaslike verkiesings.

Onluspolisie is reeds in die gebied ontplooi sowat 70km daarvandaan in Nzhelele waar ‘n ander gewelddadige oproer uitgebreek het.

Hulle is na Vuwani gehaas toe brand uitgebreek het.

Vuwani, Malamulele steeds uiters onbestendig

Swart onderwysers het nie Dinsdag by skole in Mashau, naby Vuwani in Limpopo vir klas opgedaag nie. Geen van die beloofde mobiele klaskamers is nog afgelaai nie.

Vuwani en Malamulele in Limpopo word steeds as uiters onbestendig bestempel ten spyte daarvan dat die minister van Staatsveiligheid die situasie dmv sekere hoofmanne probeer kalmeer.

By die Maligana Wilson-sekondêre skool het slegs twee van die 23 onderwysers aangemeld. Leerlinge het by skole opgedaag maar kon nie onderrig ontvang nie omdat onderwysers uit vrees vir geweld wegbly.

Sowat 24 skole is die afgelope ruk afgebrand na etniese geweld uitgebreek het oor ‘n besluit rakende die munisipale afbakening van die gebied

Parlementslede het ‘n blitsdebat oor die etniese krisis in Vuwani in die Nasionale Vergadering gehou. Tydens die blitsdebat oor die etniese geweld in Vuwani in die Nasionale Vergadering is die afbrand van skole gekritiseer.

Die minister van staatsveiligheid, David Mahlobo het ‘n streng waarskuwing gerig aan inwoners wat onderwysers in en om Vuwani in Limpopo intimideer.

Tradisionele leiers in die gebied het ook hul kommer uitgespreek. Hoofman Livhuwani Matsila wat Mahlobo vergesel, sê onderwysers het onderneem om aan te meld vir werk.

Matsila sê hulle is teleurgesteld, veral na hul gesprekke met die onderwysvakbond, Sadou en skoolbeheerliggame.

Die OVK het reeds in April ‘n beroep gedoen dat die geweld by sy lokale gestaak word.

Op Vuvani in Limpopo moes nege lokale weens onrus gesluit word.

Die Hoofkiesbeampte, Mosotho Moepya het ‘n beroep op kiesers gedoen om hulle van geweld te weerhou en hulle reg om te stem uit te oefen.

Die EFF se hoofsweep, Floyd Shivambu het die ANC en ‘n tekort aan ekonomiese ontwikkeling die skuld gegee vir die onrus in Vuwani.

Shivambu sê die geweld hou verband met konflik binne die ANC.

Hy beweer die burgemeester van Makhado en sekere raadslede besef dat hulle hulle poste sal verloor indien Vuwani volgens ‘n besluit van die Munisipale Afbakeningsraad by ‘n nuwe munisipaliteit ingesluit word.

ANC verwerp Tsonga-minderheidsaansprake

Die ANC het nie ‘n saak met minderhede nie. Die minister van staatsveiligheid, David Mahlobo het die Tsonga-minderheid in Limpopo gewaarsku dat hulle eise om ‘n eie munisipale gebied en skole nie geduld sal word nie.

President Zuma het Mahlobo glo gestuur om te gaan ondersoek instel. Volgens die Business Day is daar “baie agterdog” oor die geweld en oproer in die gebied omdat 17 skole afgebrand is.

Mahlobo het ontken dat misdaadintelligensie misluk het, en dat dit die rede is hoekom die 24 skole wat aan die brand gesteek is, nie gered kon word nie.

Die minister van samewerkende regering, David van Rooyen het ook sê die regering gaan nie die besluit deur die Munisipale Afbakeningsraad omkeer nie.

Tsongas is woedend oor die samesmelting van Vuwani en Malamulele in Limpopo.

Hulle sê hulle wil nie onder Vendas se gesag wees nie. Oproer en onrus teister die gebied al maande lank terwyl die ANC leë beloftes maak oor inspraak en toegewings.

Verskeie skole is tydens gewelddadige protesoptrede afgebrand nadat die Hooggeregshof vroeër ten gunste van die Afbakeningsraad beslis het.

Van Rooyen het Donderdagaand in Thohoyandou gesê inwoners wat teen die besluit is, moet teen die hofbeslissing appelleer.

Intussen is nog sewe verdagtes in hegtenis geneem nadat 17 skole in die gebied afgebrand is.

Dit bring die aantal verdagtes wat in hegtenis geneem is vir openbare geweld, brandstigting en opsetlike saakbeskadiging in Vuwani, op twaalf te staan.

Die Menseregtekommissie sê kommer heers oor 26 000 swart skoolkinders in Vuwani in Limpopo se reg tot toegang tot onderwys, wat geskend word.

Onderrig in die gebied is gestaak te midde van voortslepende gewelddadige betogings, en sowat 24 skole is al aan die brand gesteek en beskadig.

Die provinsiale Menseregtekommissaris, Victor Mavhidula het die geweld veroordeel. Hy sê mense kan ook sukses bereik deur om ‘n tafel te sit en hul griewe te spreek, eerder as om eiendom aan die brand te steek.

Etniese spanning kook oor met 17 skole reeds afgebrand

Nog twee skole in die Vuwani-gebied naby Thohoyandou in Limpopo is afgebrand deur die inwoners na ‘n hofuitspraak wat teen hulle beslis het.

Die Tsongas is woedend oor die Hooggeregshofuitspraak wat hul aansprake op ‘n eie taalgebied van die hand gewys het en die ANC se onwilligheid om die voortslepende etniese onderdrukking op te los.

Die Departement van Basiese Onderwys sê kinders in Vuwani sal onder die bome moet skoolgaan. Die departement van Basiese Onderwys gaan ‘n span na Vuwani stuur om die omvang van die skade te bepaal.

Nege skole is Disndagaand aan die brand gesteek, vermoedelik deur woedende inwoners, terwyl nog vier beskadig is.

Lede van die gemeenskap wil nie hul gebied ingelyf hê by ‘n nuwe munisipaliteit nie en wil eerder onder die Makhado Munisipaliteit bly.

Etniese geweld het uitgebreek oor die Afbakeningsraad se besluit om dele van Vuwani en Malamulele by ‘n nuwe munisipaliteit in te lyf.

Die Tsonga-tuisland, die voormalige Gazankulu, wil nie deel wees van die Venda-gebied nie. Hulle voel dat hulle taal en identiteit bedreig word deur die Noord-Sothos en Vendas.

Daar is reeds 17 skole in puin gelê in die uitgebreide veldtog om skole aan die brand te steek.

Die Pedi-premier van Limpopo, Stanley Chupa Mathabatha het intussen ‘n beroep op gemeenskapsleiers in Vuwani gedoen om kalmte en orde in die gebied tot stand te bring.

Mathabatha is direk verantwoordelik vir die heersende chaos aangesien die oud-MK-lid ‘n deurslaggewende rol gespeel in die konsolidasie en transformasie van die destydse Bantoe-administrasies van Lebowa, Venda en Gazankulu onder die Transvaalse Provinsiale Administrasie (TPA).

Alhoewel hy aktief deur die DA gesteun word, is die Pedi baie ongewild by die Tsongas sowel as die Vendas. Hy is vermoedelik gekies sodat die ANC nie ‘n Tsonga of Venda hoef aan te stel nie.

Mathabatha, wat aan Harvard gestudeer het, het die vernietiging van eiendom skerp veroordeel en veral die afbrand van skole, alhoewel hyself in 1976 hard deelgeneem het aan skoolvernietiging omdat hy gekant was teen Afrikaans.

Hy was voorheen ambassadeur na die Oekraïene.

Sy woordvoerder, Kenny Mathivha sê die onderwysdepartement in Limpopo ondervind reeds druk om skole-infrastruktuur te voorsien.

‘n Interministeriële taakspan sal glo binnekort uitgestuur word om aan inwoners te verduidelik hoekom hulle die Venda-oorheersing moet aanvaar.

Etniese geweld in Limpopo sal OVK-regsitrasie ontwrig

Twee voertuie insluitende ‘n polisievoertuig is Donderdagaand beskadig toe inwoners van Vuwani in Limpopo paaie probeer versper het.

Die polisie se Openbare Orde-eenheid, met gepantserde voertuie is in die gebied ontplooi en het daarin geslaag om die situasie te ontlont, het RSG berig.

Voorvalle van etniese geweld het die afgelope ruk in Vuwani en omliggende gebiede naby Thohoyandou voorgekom uit ontevredenheid met Vuwani se insluiting by Malamulele om ‘n nuwe munisipaliteit te vorm.

Die OVK beraadslaag intussen met die gemeenskap in aanloop tot die laaste kieserregistrasienaweek wat môre en oormôre plaasvind.

Die vorige registrasienaweek in die gebied is deur onrus gekenmerk.

Inwoners en die pro-Makhado taakspan het reeds gesê hulle gaan die komende naweek weer kiesersregistrasie ontwrig.

Doodslag op die paaie verwag, maar ambulanse staan

Die LUR vir Gesondheid in Limpopo, Phophi Ramathuba, verwag doodslag op die paaie oor die Paasnaweek.

Phophi sê mediese personeel behoort op bystand te wees in die geval van enige padongelukke in die provinsie, maar sy het ontdek die ambulanse staan.

Die LUR het die mediese nooddiensstasie op Louis Trichardt besoek, waar sy vasgestel het dat slegs vier van die nege ambulanse die naweek gebruik sal kan word.

Die ambulanse kon glo weens ‘n gebrek aan die nodige magtiging nie gediens word nie.

Daar is splinternuwe ambulanse wat slegs 15 000 kilometer afgelê het, maar al vir meer as twee weke staan omdat hulle wag dat iemand die voertuigdiens moet magtig.

Die Departement van Vervoer sal glo dringend versoek word om die saak reg te stel.

Sy het ook die bestuur van die Louis Trichardt Gedenkhospitaal opdrag gegee om bykomende dokters te ontplooi om noodgevalle tydens die Paasnaweek te hanteer.

Phophi het ‘n verrassingsbesoek aan die hospitaal gebring om ondersoek in te stel na die gereedheid van die nooddienste en geriewe daar.

Swaar verkeersopeenhopings van sowat 20 kilometer lank kom tans by die Kranskop-tolhek op die N1 tussen Pretoria en Polokwane voor.

Die alternatiewe roete op die R101 na Polokwane dra ook swaar verkeer.

Die ZCC-saamtrek by Moria in Polokwane en ander kerkdienste wat gehou word, trek duisende swart kerkgangers.

Die president van die Nasionale Geloofsraad van Suid-Afrika, Biskop Daniel Matebesi, sê dit is belangrik dat “rassisme” op die paaie uitgeroei word omdat almal die reg het om hul godsdiens te beoefen.

Twee mense is intussen dood en nog 12 beseer in ‘n ongeluk tussen ses voertuie op die N1 buite Polokwane in Limpopo.

Die ongeluk het by die Solomondale-afrit gebeur toe ‘n voertuig op ‘n sperstreep verbygesteek en teen ‘n ander voertuig gebots het.

Nog vier voertuie het daarna in die twee voertuie vasgery.

Die Nasionale Seereddingsinstituut het intussen die publiek gewaarsku teen sterk trekstrome langs die land se kuslyn die naweek.

‘n Woordvoerder, Craig Lambinon, sê die strome sal deur die volmaan se springgety veroorsaak word.

Etniese eise in Limpopo laat ANC bontstaan

Die etniese geskil tussen Vendas en Tsongas oor die samesmelting van Vuwani en Malamulele in Limpopo is nog steeds nie opgelos nie.

‘n Vergadering is gehou tussen die Onafhanklike Verkiesingskommissie, die Limpopo se LUR vir samewerkende regering, Makoma Makhurupetja en verteenwoordigers van die inwoners.

Dele van die munisipaliteite sal ‘n nuwe munisipaliteit in die Vhembe-streek vorm, maar inwoners het die voorstelle verwerp.

Hulle sê hulle is oorgehaal om kieserregistrasie tydens die registrasienaweek in Maart te ontwrig.

Die saak sal eers in April in die hooggeregshof aangehoor word.

Die OVK se provinsiale hoof, Nkaro Mateta sê egter hulle het reeds aansienlike vordering behaal met voorbereidings vir die verkiesing in die nuwe munisipaliteit.

In nog ‘n vergadering in Limpopo tussen amptenare van die departement van onderwys en die onderskeie beheerliggame van nege laerskole, het ouers verseg om die skole te laat open.

Die laerskole is in die Zoutpansberg-noord distrik. Die partye tot nie ‘n vergelyk kom tydens die vergadering wat in Louis Trichardt (Makhado) gehou is nie.

Ouers het die skoolhekke gesluit omdat daar volgens hulle nie genoeg onderwysers is nie.

Die groep se woordvoerder, Sibongile Tshikosi sê hulle wou oor die pad vorentoe vergader, maar amptenare wou slegs oor die gevolge praat indien die skole gesluit sou bly.

Tshikosi sê die skole sal gesluit bly totdat bykomende onderwysers aangestel word.

Onmin heers omdat swart Vhembe-kinders beter presteer as die res.

Limpopo verskaf slegs hulp aan swart boere

Wit boere in Limpopo kla dat die departement van landbou slegs veevoer aan swart boere verskaf.

Die bestuurshoof van Agri-Limpopo, Willem van Jaarsveld sê die departement se droogtehulpprogram sluit wit boere deur middel van sy kategorieë uit.

Intussen sê die departement se woordvoerder, Selby Makgotho dit is onmoontlik om aan alle boere voer te verskaf weens finansiële beperkings.

Hy sê die departement sal verseker dat alle boere, wat daarvoor in aanmerking kom, bystand ontvang.

Die fokus is tans op bestaansboerderye en diegene wat op klein skaal boer, juis omdat so min as twee sakke voer uitgedeel word.

Die swart boere het hul kommer uitgespreek oor die hoeveelheid veevoer wat deur die departement van landbou versprei word.

Die provinsie is reeds verlede jaar tot rampgebied verklaar weens die nypende droogte.

Die departement het in 2015 R20 miljoen opsygesit vir droogtehulp, m aar swart boere sê hulle het tot dusver net drie sakke veevoer ontvang, ongeag hoeveel vee hulle besit.

Die voorsitter van die Dzanani Livestock Farmers Committee, Marubini Samson Netangula sê daar is ook boere wat nog geen veevoer ontvang het nie.