swart aanvallers – praag.co.za

Plaasaanvallers wat boervrou martel steeds soek

Die twee mans wat vermoedelik ‘n bejaarde vrou op haar plaas in die Kalbasfontein omgewing vir etlike ure gemartel het, is steeds op vrye voet.

Dit kom nadat ‘n 64-jarige vrou Vrydagoggend deur twee mans by haar plaas se hek oorval en later na haar huis geneem is.

Sy is met ‘n skerp voorwerp gesteek en later met elektriese gereedskap gemartel.

Sy is later na ‘n hospitaal in Vereeniging gehaas.

Die twee swart verdagtes het met die vrou se handwapen, voertuig en ander items op die vlug geslaan.

Die motor is later by die plaas se hek opgespoor. Polisiewoordvoerder, Lungelo Dlamini, sê die ondersoek duur voort.

Bron: OFM Nuus

Levubu-boere ruk op na plaasmoordenaar-verdagtes se verskyning

Drie swart verdagtes wat na bewering ‘n boer van Levubu in Limpopo wreedaardig vermoor het, verskyn vandag in die periodieke hof buite Thohoyandou.

Die drie, onder wie ‘n plaaswerker, het die 60-jarige Hennie Bonnema verlede maand ingewag en doodgesteek. Daar is kort ná die voorval bevestig dat niks gesteel is uit die huis nie.

Na verwagting sal groot getalle belangstellendes weer die hofsaak bywoon. Boere in die omgewing het reeds ‘n beroep gedoen op die Nasionale Vervolgingsgesag om nie borg aan die drie toe te staan nie: “Ons soek nie misdadigers in ons gemeenskap nie.”

Die vermeende swart plaasaanvallers het Maandag vlugtig in die Vuwani Landdroshof verskyn en boere van die omgewing het Maandag opgedaag om hul solidariteit met die Bonnema-familie te wys.

Walter Maringa (24), Mudau Sylvester Takalani (31) en Khodani Tshishonga (33) is Vrydag deur die Levubu-polisie aangekeer. Volgens polisiewoordvoerder is die booswigte naby Mashau aangekeer. Die woongebied is nie ver van Bonnema se plaas, Beaufort F10, in Levubu nie.

Bonnema se bebloede lyk is twee weke gelede deur sy seun, Hendrik, buite sy plaashuis gevind. Hy is met sy terugkeer van ‘n besoek vermoedelik voorgelê en doodgesteek.

Sy aanvallers het Hennie klaarblyklik by sy hek ingewag, sy bakkie se sleutels gegryp en hom vermoedelik van die hek af huis toe gesleep.

Hendrik en sy broer, Pieter, was albei Maandag by die hof teenwoordig vir Maringa en sy twee medebeskuldigdes se eerste verskyning. Hendrik het bevestig dat een van die verdagtes voorheen vir hulle gewerk het.

Daar is nog steeds geen duidelikheid oor die motief vir sy pa se moord nie, het een van die seuns gesê.

Soutpansberg Distrikslandbou-unie (SDLU) het die nuus van die drie se inhegtenisname verwelkom.

“Sy [Hennie se] lewe is geneem op ‘n koelbloedige wyse deur gewetenlose kriminele wat wou kom vat wat nie aan hulle behoort nie. Hulle het ‘n familie van ‘n pa beroof en ‘n groot span werkers ‘n werkgewer ontneem wat vir baie jare net goed was vir hulle,” het Stephen Hoffman, voorsitter van die SDLU, aan die Zoutpansberger gesê.

Die voorsitter van die Levubu Boerevereniging, Fanie Havinga, het Hoffman se woorde beaam: “Ons [het] ‘n leierboer verloor. Hennie was saggeaard en ‘n persoon op wie se ondersteuning daar te alle tye gereken kon word. Hy was geliefd in sy gemeenskap,” het Fanie aan die koerant gesê.

Soektog na vermiste vrou afgeskaal

Die soektog na die vermiste Annetjie Myburgh van die Elanzeni-distrik naby Barberton is afgeskaal.

Myburgh is Woensdag as vermis aangegee nadat sy nie by die werk opgedaag het nie.

Daar was in die afgelope sewe weke twee inbrake en vier pogings tot inbrake by haar huis.

Myburgh werk by ‘n prokureursfirma in Witrivier. Nadat sy Woensdagoggend spoorloos verdwyn het, word daar geglo dat sy by die hek van haar kleinhoewe in Curlews naby Rocky Drift gekaap en ontvoer is.

Twee kapmesse is by die hek gevind sowel as haar bril. Twee stelle spore is langs die heining van Myburgh se kleinhoewe gevind.

Die vermeende kapers het in haar wit Pajero met die registrasienommer CHF 482 MP gevlug.

Haar twee selfone het in ‘n stadium na die Swalala Trust-selfoontoring ‘n sein gestuur, maar is sedertdien afgeskakel.

Soekspanne het in die lokasies inbeweeg met ‘n nuwe taktiese aanslag.

Kapt. Pottie Potgieter van die duikeenheid op Witrivier, koördineer die soektog en het by navraag gesê dat talle mense al ingebel het met inligting sedert daar nou ‘n beloning van R31 000 uitgeloof is.

“Ons volg alle leidrade op. As mense beweer hulle het haar Pajero in ‘n bepaalde area gesien, gaan stel ons dadelik ondersoek in,” het hy gesê.

Albert Gryvenstein van Bossies Community Justice, het by navraag gesê dat, hoewel die soektog nou afgeskaal is, hulle nog reg deur die nag na haar gesoek het.

Intussen stroom aanbiedinge van hulp steeds in van regoor die land om te help met kospakkies en vervoer vir die soekgeselskap.

Boodskappe van bemoediging en gebede word ook telkens op die Facebook-groep, Bid vir Annatjie Myburgh, geplaas.

Haar man, Wendell Myburgh, het almal bedank vir hulle gebede en ondersteuning.

Boer in kop geskiet

‘n Boer van Paulpietersburg in KwaZulu-Natal is Vrydagaand in sy huis vermoor.

Friedel Filter is deur swart aanvallers op die plaas Frischgewagt oorval waar sy dogter en skoonseun uit Duitsland tans kuier.

Die swart aanvallers het die boer na buite gedwing met ‘n handwapen teen die kop waar nog vier gewag het.

Die booswigte het Filter buite in die kop geskiet en daarna te voet gevlug.

Volgens maj. Shooz Magudulela, polisiewoordvoerder sê ‘n plaaswerker is kort daarna in die been geskiet, vermoedelik deur dieselfde aanvallers.

Die werker se selfoon is gesteel. Hy word in die hospitaal behandel.

Die polisie is tans op soek na ses swartes tussen 30 en 40 jaar oud.

Wit pa op hoewe doodgeskiet

‘n Witman is Vrydagaand koelbloedig op ‘n hoewe in Mnandi, Centurion, deur swart aanvallers doodgeskiet.

Douglas Morgan (72) het glo drie skote gehoor waarvan een sy seun, Mathew (43) getref het.

Die swartes het die alarm onskadelik gestel.

Mathew, ‘n pa van twee jong seuntjies, is in die kop geskiet en is op die toneel dood. ‘n Skootrekenaar is uit sy huis gesteel.

Die aanvallers het daarna op Mathew se pa en ‘n mede-inwoner losgetrek toe hulle wou gaan ondersoek instel.

Een van die skote wat op Willem van Beest van Andel gerig was, het ‘n boom neffens hom getref. Die koeël van ‘n 9 mm-pistool het in die stam vasgeslaan.

Die aanvallers het daarna op die vlug geslaan en die polisie en buurtwag is ontbied.

Douglas woon al 47 jaar op die hoewe, waar ‘n aantal ander mense ook woon. Hy sê hy gaan sy seun se dood wreek.

Twee red tiener van swart aanvallers

Twee jong Moot-mans het Maandagoggend op hulle voete gedink toe hulle ‘n tiener in Booysens te hulp gesnel ná ‘n noodoproep.

Jaco Green (20) het Maandagoggend by sy vriend Emile Rheeder (20) in Villieria gekuier to Green ‘n oproep van sy 14-jarige broer ontvang het.

“My boetie het my gebel en gesê dat daar swart aanvallers in die huis is,” vertel Green.

Die twee vriende het dadelik in die motor gespring en na Green se huis in Booysens gery.

Rheeder, ‘n lid van van die plaaslike gemeenskapspolisiëringsforum (GPF), sê alles het teen hul getel.

“My GPF radio se battery was pap, Jaco se lugtyd was op en ons kon nie deurkom na die polisie toe ons 10111 skakel nie,” sê Rheeder.

Die twee het so vining as moontlik gery om by die huis uit te kom nadat hulle ‘n tweede noodoproep van die jonger broer ontvang het.

“Hy het weer gebel en gesê dat hy in ‘n kas geklim het om weg te kruip. Die swart aanvallers was toe al amper in dieselfde kamer waarin hy weggekruip het,” vertel Rheeder.

Op pad na die huis het Rheeder en Green die Wonderboompoort-polisie in Flowersstraat, Capital Park gewaar.

“Die polisie was besig met ‘n arrestasie in Flowersstraat. Ons het net vir hulle geskree Jaco se broer kruip in ‘n kas weg en die aanvallers trek al in die kamer waar hy is,” sê Rheeder.

Die polisie het die twee jong mans na die huis gevolg en intussen ander polisielede in kennis gestel van die inbraak.

“Toe ons daar kom was daar klaar ander polisie op die toneel en selfs ‘n polisie helikopter in die lug. Die swart verdagtes het ongelukkig met ‘n split-sekonde ontsnap,” vertel Rheeder.

Green sê die inbrekers het met ‘n plasma-televisie en ‘n paar stukke juwele weggekom.

“Die inbrekers het van ons ander elektroniese ware reeds by die muur uitgeprop, ek dink hulle was van plan om dit ook te steel.”

Hy sê sy broer is hospitaal toe geneem vir traumaberading.

“My broer is beter, maar is steeds skrikkerig om alleen by die huis te wees. Hy praat nou gelukkig oor wat gebeur het, so dit lyk of dit beter met hom gaan.”

Rheeder sê hulle is dankbaar vir die polisie se hulp.

“As ons nie Sersant Laas en die Wonderboompoort-polisie langs die pad gekry het nie sou dit dalk ‘n ander storie gewees het.”

Die Hercules-polisieskantoor het bevestig dat ‘n saak van huisbraak geopen is.

“Niemand is tot dusver in hegtenis geneem nie,” sê hy.

Bron: Moot Rekord

Plaasvoorman met wielsleutel aangerand

‘n Plaasvoorman van Gauteng word tans vir skedelbreuk behandel nadat drie gewapende swartmans hom Vrydagnag aangeval het in sy huis en hom herhaaldelik oor sy kop met ‘n wielsleutel geslaan het.

Die drie gewapende swartes het Johan Freysen op die Kroons Chicken Farm in Wildebeesthoek, Akasia, noord van Pretoria oorval.

Johan se dogter Elaine, 30, is ‘n professionele paramedikus, het haar pa later te hulp gesnel. Hy is ook gesteek in die arm met ‘n skroewedraaier.

Twee vriende en ‘n jong kleuter was ook ten tye van die aanval in die huis.

Volgens Freysen se dogter het die aanvallers nie daarin belanggestel om hul besittings te steel nie, maar wou glo net haar pa kom doodmaak.

Johan se vrou Rohena, 56, het met die trappe na die egpaar se slaapkamer gevlug om ‘n wapen te kry en sy kon ook die paniekknoppie druk.

Die aanvallers het gevlug met die aanhoor van die alarm. Hulle is met ‘n stel sleutels weg.

Ouers deur swart aanvallers geskiet

‘n Egpaar van Bryanston, Johannesburg, is geskiet terwyl hulle probeer het om hul 9-jarige dogter te beskerm teen swart aanvallers.

Die Citizen berig dat Barbara Edwards Woensdagoggend om hulp geskree het toe sy en haar man, Norman, voorgekeer is deur drie swart gewapende rowers op hul eiendom.

Edwards het aan die koerant gesê haar dogter was in die motor en sy het slaags geraak met een van die verdagtes.

Edwards is een keer geskiet, en haar man is drie keer geskiet, voor die swart aanvallers weggehardloop het.

Hul dogter is ongedeerd.

“Hulle het probeer om ons in die huis te kry. Sy het die toneel buite gehou en dit was toe hulle planne gefnuik is. My vrou het ons gered,” sê Norman Edwards.

Netcare 911 se paramedici het die skietvoorval in Collegelaan Woensdag aangemeld. Die ouers is in die hospitaal opgeneem.

Geen arrestasies nog gemaak na Roodt-aanval nie

Die polisie het bevestig dat geen arrestasies nog gemaak is ná die Efficient Group se hoofekonoom, Dawie Roodt, en sy gesin Donderdagnag in hul huis in Pretoria aangeval is nie.

Roodt en sy vrou, hul twee kleuters, en sy dogter is vasgebind met wapens aangehou terwyl die swart aanvallers die huis geplunder het.

Katlego Mogale, polisiewoordvoerder, het gesê die polisie is nog steeds hard aan die werk om die skuldiges vas te trek.

‘n Persoonlike assistent van Roodt, Erika Botha het in ‘n verklaring gesê dat ‘n plastiese chirurg ‘n tweede operasie op Roodt sal moet uitvoer.

Na afloop van die operasie sal hy vir drie dae in die hoësorgeenheid moet bly.

Corrie Sanders: Moordverhoor duur voort

Die moordverhoor na die dood van die gewilde kampioenbokser, Corrie Sanders, duur vandag voort.

Die drie Zimbabwiërs, wat verdink word van die moord op Sanders, het in Mei in die Pretoriase hooggeregshof skuld ontken op sy moord.

Paida Fish, Chris Moyo en Samuel Mabena het onskuldig gepleit op aanklagte van moord, poging tot moord, roof met verswarende omstandighede, kwaadwillige beskadiging van eiendom, en die onwettige besit van ‘n vuurwapen en ammunisie.

Sanders (46) is in September 2012 tydens ‘n rooftog by ‘n restaurant in Brits, Noordwes, geskiet.

Die kruisondervraging van die derde beskuldigde sal in die Noord Gautengse hooggeregshof in Pretoria voortgaan.

Die staat kon gister nie sy kruisondervraging van die beskuldigde, Samuel Mabena, voltooi nie.

Regter Irvin Preller het die staat se voorstel dat die saak tot Desember uitgestel word, verwerp. Regter Preller sê ‘n uitstel sal die beskuldigde benadeel.

Samuel Mabena het vroeër die polisie daarvan beskuldig dat hulle hom gemartel het.

Sanders het in die hospitaal aan sy beserings beswyk. Hy het tydens die rooftog ‘n verjaarsdagpartytjie bygewoon en wou sy dogter teen die aanvallers beskerm, toe hy geskiet is.

Van die gaste is ook beroof en twee voertuie is beskadig.

Wit ongelukslagoffer deur swartes beroof, mishandel

Die slagoffer van ‘n ernstige motorfietsongeluk, ‘n 20-jarige man, is deur swart omstanders beroof en rondgesleep aan sy gebreekte arm.

Quinton Wagner, wie se pa vroeër vanjaar voor hom deur swartes in ‘n huisrooftog doodgeskiet is, veg om sy lewe in die hoësorgeenheid van die Milpark-hospitaal in Johannesburg, het Beeld berig.

Hy is Vrydagmiddag in Krugersdorp deur ‘n bakkie van agter getref op sy motorfiets.

Sowat 20 omstanders van ’n nabye minibus-taxistaanplek het op die ernstig beseerde Wagner toegesak, hom rondgepluk en 5 m van die ongelukstoneel die bosse ingesleep.

Sedert hy Vrydag in die hospitaal opgeneem is, het hy drie operasies ondergaan. Hy kan nie self asemhaal nie en is van ’n asemhalingsmasjien afhanklik, het bloed op sy longe, sy lewer is geskeur en ses van sy ribbe, sy regterarm en sleutelbeen is ook gebreek. Wagner se pankreas is beskadig en hy het beserings aan sy bene.

‘n Sakeman van Krugersdorp het die gru-toneel gadegeslaan. Hy sê die bloeiende jong man se regterarm was so erg gebreek dat die been by sy hemp uitgesteek het. Die swart aanvallers het hom nogtans aan sy gebreekte arm die bosse ingesleep.

Hy is deur sy kliënt wat by die ongeluk betrokke was, verwittig. Omdat hy nie te ver van die ongelukstoneel was nie het hy en ‘n vriend hul daarheen gehaas. Die swartes het hulle ook beroof.

“Ek kon my oë nie glo nie,” het hy gesê. “Ons het gesien hoe die seun aan sy arms gesleep word. Toe ons uit my bakkie spring, het van die rowers op ons toegesak. Die rowers het die seun se motorfietshelm van sy kop geruk. Die seun het op sy rugsak gelê. Die rowers het hom soos ’n stuk lap rondgepluk om dit te kry. Hulle het ook onder mekaar baklei om sy skoene af te pluk.”

Die Samaritaan sê die rowers het hom vasgehou toe hy by die slagoffer wou uitkom. Sy beursie en selfoon is afgeneem en sy kliënt is ook van sy selfoon en skootrekenaar beroof.

Polisievoertuie het verby die toneel gery en uiteindelik het net een vangwa opgedaag, nadat die polisie vroeër ontbied is.

“Die GPF [Gemeenskapspolisiëringsforum] het die pad afgesper sodat die nooddienshelikopter kon land. Toe die helikopter wou land, het die rowers gehardloop om op hulle toe te sak. Die GPF het hulle weggehou terwyl twee polisiebeamptes eenkant gaan sit het. Hulle wou nie eens verklarings neem nie.”

Ao. Solomon Sibiya, polisiewoordvoerder, kon Maandag nie kommentaar lewer nie. Hy het gesê niemand het hom van die voorval verwittig nie.

GPF-lid dalk van moord aangekla

’n Lid van die gemeenskapspolisiëringsforum in Geduld, Springs, staar ‘n moordklag in die gesig nadat hy ’n swart aanvaller in die been geskiet het.

Kapt. Johannes Ramphora, polisiewoordvoerder, het bevestig die GPF-lid gaan moontlik van poging tot moord aangekla word.

Hy het gesê die polisie ondersoek die voorval.

Dié man het Sondagaand op twee swart aanvallers losgebrand en een in die been gewond.

’n Klag van poging tot moord sal moontlik teen hom aanhangig gemaak word.

Die GPF is Sondagaand ontbied nadat aanvallers ‘n eiendom binnegedring het terwyl die inwoners tuis was.

Beeld berig dat die GPF-lede die swartes met hul buit gevang het, maar dat hulle weggehardloop het

Toe die aanvallers nie wou stop nie, het ’n GPF-lid na bewering op hulle geskiet.

Die twee misdadigers is tans in aanhouding en sal binnekort in die hof verskyn.

Bejaarde met byl doodgekap in derde bylaanval noord van Pretoria

Vyf swart aanvallers het ‘n bejaarde man en sy vrou van Bon Accord, noord van Pretoria, Saterdagmiddag met ’n graaf en ’n byl op hul kleinhoewe aangeval.

Laszlow Bercsényi (87) het vroeg Sondagoggend aan sy wonde beswyk nadat vyf rowers hom en sy vrou aangeval het.

Dit is die derde byl-aanval die afgelope week in dié omgewing.

Sy vrou, Carol (68), het die aanval oorleef. Sy verkeer tans in ’n ernstige, maar stabiele toestand in die hospitaal.

Carol is herhaaldelik met ’n graaf geslaan buite die huis, en Laslow met ’n byl gekap waar hy binne die huis was.

Carol het die bure geroep, waarna die polisie ontbied is. Sy weet skynbaar nog nie dat haar man oorlede is nie.

Plaasmoord eis Merino-boer

‘n Groot Merinoboer in die Oos-Kaap is op sy plaas in die Barkley-Oosgebied vermoor.

Sarel Pretorius is laat in die aand om ongeveer 9h30 doodgeskiet op 14 Januarie 2014 deur swart aanvallers

Die polisie sê die 61-jarige Pretorius is doodgeskiet. Sy vrou, Annemarie is vasgebind maar sy is glo nie beseer nie.

Die voorval het op die egpaar se plaas, Platfontein gebeur. Die aanvallers het met geld en wapens weggekom.

Die bende het na bewering ook die plaas van Van Aardt Greyling in die Lady Grey-distrik vroeër aangeval, waar hulle sy geweer en die bakkie geroof het.

Die Dordrecht SAPD het kort daarna opgedaag en jag tans die bende wat beskryf word as uiters gevaarlik en gewapen.

Die SAPD in Dordrecht en Lady Grey se Distrikte het ‘n waarskuwing aan die GPF uitgereik om op die uitkyk te wees vir ‘n gesteelde wit bakkie met ‘n onbekende aantal gewapende swart insittendes.

Dit word beskryf as ‘n wit bakkie met ‘n kap.