Etiket: huisaanval

Huisaanval in Pretoria eis die lewe van pa

‘n Man wat sy gesin teen swart aanvallers wou beskerm, is Donderdagaand voor sy gesin doodgeskiet.

Die 47-jarige is in Pretoria-oos noodlottig gewond nadat vier swartes die huis binnegedring het en die oorledene se vrou in die sitkamer oorweldig het.

Die man was glo op die boonste verdieping van die woonhuis en het na benede gestorm, het ‘n polisiewoordvoerder gesê.

Die aanvallers het twee skote op die man afgevuur voordat hulle gevlug het. Nooddienste het probeer om die gewonde pa se lewe te red, maar dit was tevergeefs.

Niemand is nog weens die moord in hegtenis geneem nie. Niks is gedurende die aanval geroof nie.

Moord op tolk ruk Potchefstroom

Die moord op ‘n tolk van die Noordwes-Universiteit (NWU) se Potchefstroom-kampus het skokgolwe deur die gemeenskap gestuur.

Die 46-jarige Maria Arangies (links op foto) van die Taaldirektoraat se tolkdienste op dié kampus is gedurende in ‘n gewapende huisaanval doodgeskiet.

Die direkteur van die Taaldirektoraat, Johan Blaauw, sê hulle het vanoggend nadat klasse reeds begin het, eers uitgevind wat gebeur het.

Blaauw het gesê die talentvolle Arangies was die afgelope tien jaar verbonde aan die Taaldirektoraat.

“Arangies was ‘n baie begaafde en intellektuele mens. Sy het haar regsgraad voltooi, en toe haar studies voortgesit in die mediese rigting. Sy het as tolk in die gesondheidswetenskappe vir studente in lesings opgetree.”

Blaauw sê sy was besig om haarself in ‘n farmaseutiese rigting te bekwaam. Hy het die sinnelose moord veroordeel, veral dat ‘n begaafde mens só ‘n wrede dood moes tegemoetkom. “Dit is ‘n mors van ‘n lewe,” het hy gesê.

Volgens polisiewoordvoerder in Noordwes, Kelebogile Moleko, is Arangies buite haar huis in Mooivalleipark geskiet. Moleko het bevestig dat Arangies dood is terwyl sy die huis binnegestrompel het.

Vyf swart aanvallers het daarna nog ‘n vrou wat in die huis was, aangerand. Dié beseerde Lieske Burger (regs op foto), wat ernstige kopbeserings opgedoen het, is in ‘n plaaslike hospitaal opgeneem.

Burger was na bewering Arangies se huismaat.

Maleko sê die rowers het met juweliersware, ‘n televisiestel, ‘n rekenaar en ander waardevolle items op die vlug geslaan.

Moleko sê niemand is nog in hegtenis geneem nie.

Wit pa in sy huis doodgeskiet

‘n Wit pa van Durban, Gary Mackay (foto), is dood toe hy probeer het om sy vrou en twee kinders by hul huis Duncanweg, Westville, Saterdag teen swart aanvallers te beskerm.

Drie swart indringers het hom in sy maag geskiet, en daarna die huis besteel voordat hulle gevlug het met die buit.

Die 35-jarige webbestuurder het geluide in sy huis gehoor omstreeks 04:00. Hy het gaan kyk wat aangaan onder. Hy is gekonfronteer deur die drie gewapende aanvallers en ná ‘n stryd, is hy geskiet.

Sy vrou en sy twee kinders, tussen die ouderdomme 19 maande en vier jaar, was wakker en op die boonste verdieping van die huis.

Na hulle Mackay doodgeskiet het, het die misdadigers op hul gemak voortgegaan om goedere te steel uit die huis.

Sy skoonpa, Orlando Pereira, het gesê almal is geskok, ook deur die aanvallers se koelbloedigheid.

“Mense is nie veilig in hul huise nie. Die mans wat dit gedoen het, het nie eens enige berou nie en het doodluiters [na hulle Gary doodgeskiet het] by die trappe opgegaan om besittings van my dogter te neem,” het hy gesê.

Hy sê die woonsbuurt het baie onveilig geword. Verlede jaar is twee huisaanvalle geregistreer, terwyl daar reeds nege aanvalle hierdie jaar was.

Dubbelmoord in Groot Brak skok gemeenskap

Die polisie se forensiese eenheid was Sondag op die toneel in Groot-Brakrivier waar ‘n egpaar Saterdagaand wreed vermoor is.

Die egpaar is is intussen geidentifiseer as Tewie en Eureka Human. Die slagoffers is beide in hulle sestigs.

Die egpaar is in hul woning in Sandhoogtepad aangeval en vermoor.

Groot-Brakrivier se polisie was Sondagaand tot laat op die toneel besig om leidrade bymekaar te maak.

Dit is nog nie duidelik hoe toegang tot die slagoffers se huis gekry is nie omdat al die deure van buite gesluit was.

Volgens polisie is die egpaar wreed vermoor.

Voorlopige ondersoek dui daarop dat die vrou vermoedelik met ‘n skerp voorwerp gesteek is terwyl die man met ‘n swaar voorwerp doodgekap is.

Die ondersoek duur voort. Nog geen verdagtes is in hegtenis geneem nie.

Bekende van Karasburg oorlede na huisaanval

‘n Bekende en geliefde inwoner van Karasburg, in die suide van Namibië, is in hospitaal in Suid-Afrika oorlede aan beserings wat hy gedurende ‘n gewapende roof opgedoen het.

Die 63-jarige mnr. Tillian Walters is op Afrikadag, 25 Mei deser, deur sy broer in sy huis gevind waar hy vasgebind in sy kamer gelê het. Walters was ten tyde van die voorval alleen by die huis.

Hy is per ambulans en vliegtuig na ‘n hospitaal in Kimberley vervoer waar hy tot en met sy dood in ‘n koma was, het die Republikein berig.

Walters word op Saterdag 25 Junie op Karasburg begrawe.

Walters word oorleef deur sy vrou, twee seuns, ‘n dogter, vier broers en ‘n suster.

Desmond Vries en Daniel Nuyoma is in verband met die aanval op Walters in hegtenis geneem. Hul borgtogaansoek is tot 21 Junie uitgestel en hulle bly in aanhouding.

Man bly soos soutpilaar staan tydens aanval

‘n Man is wreed aangeval voor sy gesin nadat drie gewapende swart verdagtes hul eiendom in Chancliff, Krugersdorp oor die naweek binnegedring het.

Roy Jacobie en sy gesin, wat onlangs verhuis het, is in hul huis op 23 April oorval.

Die gesin het in die sitkamer gesit toe die aanvallers om ongeveer 06:30 by die voordeur ingestap het. Dit is nie duidelik hoe hulle toegang tot die huis verkry het nie.

Een was gewapen met ‘n snoeiskêr, en die ander twee met gewere. Die verdagte, gewapen met die snoeiskêr het Jacobie onmiddellik begin aanval en hom voortdurend geslaan.

“Dit is onnodig. Neem wat jy wil hê en loop,” het Jacobie kalm gesê. Die swart verdagtes het nie ‘n woord gesê nie.

Die bejaarde Jacobie het soos ‘n soutpilaar roerloos bly staan. Die verdagtes het skielik opgehou, omgedraai en die huis verlaat voordat hulle gevlug het te voet.

Roy se vrou het daarna die paniekknoppie gedruk en lede van die Gemeenskapspolisiëringsforum was nie lank daarna nie op die toneel.

Sedert die voorval oor die naweek, het die gesin dit sterk oorweeg om weer te trek.

“Ek kan nie slaap in die nag nie. Ek het nog nooit ooit gedink dat so iets sou gebeur nie, maar daar is altyd ‘n eerste keer.”

Roy het heelwat beserings opgedoen. Hy moes meer as 10 steke kry, behalwe vir ‘n gebreekte elmboog.

Die drie verdagtes is swart en was geklee in blou oorpakke. Hulle was vermoedelik deel van die verhuisingsmaatskappy.

Welkom-aanvallers nog op vrye voet

Die swart aanvallers wat ‘n vrou van Welkom verras het terwyl sy gebid het, is nog nie vasgetrek nie.

Die 41-jarige vrou was voorverlede Vrydag in die vroeë oggendure in haar huis in Bedelia langs haar bed in ‘n knielende posisie toe sy bewus geword het van iemand wat naby haar is.

Polisiewoordvoerder, Stephen Thakeng, sê twee mans met klapmusse en handskoene het agter die vrou gestaan en na haar gestaar.

Volgens hom het die booswigte vermoedelik toegang tot die vrou, wat alleen tuis was, se huis verkry deur ‘n venster in die studeerkamer. Die vrou, wat verkies om anoniem te bly, het ná 12:00 reggemaak om te gaan slaap.

Die mans het haar daarna beveel om stil te bly en op ‘n rusbank in ‘n ander vertrek te sit, sê Thakeng. Hulle het haar kop met ‘n laken toegegooi en haar hande met ‘n handdoek agter haar rug vasgebind.

Die mans het haar met ‘n moersleutel aangeval. Volgens hom het die mans aan die vrou gesê hulle is hier om ‘n plasmaskerm-televisiestel te vat en haar dood te maak.

Thakeng sê die rowers het ‘n televisiestel, ‘n selfoon, huissleutels en drie trouringe gevat. Terwyl hulle op pad uit was, het een van die mans aan die ander man gesê hulle moet doen wat hulle beplan het om te doen.

In reaksie daarop het die ander man gesê hulle moet die vrou alleen laat. Die geskokte vrou kon daarin slaag om haarself te bevry.

Thakeng vra enigiemand met inligting om hul naaste polisiekantoor te bel.

Dawie Roodt se ope brief laat ANC koud

“Ope briewe skryf nooi mense nie uit om deel te neem aan ‘n bespreking nie,” sê die ANC.

Die ANC se sekretaris-generaal Gwede Mantashe is deur Media24 genader vir sy gedagtes oor ‘n ope brief van Dawie Roodt, ekonoom, wat gerig is aan alle Suid-Afrikaners oor die rede waarom hy nie beplan om te emigreer nie.

Roodt is ernstig beseer toe gewapende swart rowers hom en sy gesin by hul huis in Pretoria aangeval het.

In die brief, getiteld “Ek kies die groter vrees – ‘n brief aan my mede-Suid-Afrikaners – almal van hulle”, betreur Roodt die regering se burokrasie en hoe die land verval, voordat hy besonderhede in ‘n drie-punt plan stel oor hoe dinge verbeter kan word.

Mantashe het gesê die ANC was altyd oop vir gesprekke met iemand, maar nie deur ‘n ope brief nie.

“Hulle stel belang in ‘n publisiteitfoefie, en ek wil nie met sulke mense debat voer nie,” het hy gesê.

“Die brief is nie gerig aan ons nie, dit is gerig aan almal,” het hy bygevoeg.

Ouers deur swart aanvallers geskiet

‘n Egpaar van Bryanston, Johannesburg, is geskiet terwyl hulle probeer het om hul 9-jarige dogter te beskerm teen swart aanvallers.

Die Citizen berig dat Barbara Edwards Woensdagoggend om hulp geskree het toe sy en haar man, Norman, voorgekeer is deur drie swart gewapende rowers op hul eiendom.

Edwards het aan die koerant gesê haar dogter was in die motor en sy het slaags geraak met een van die verdagtes.
 
Edwards is een keer geskiet, en haar man is drie keer geskiet, voor die swart aanvallers weggehardloop het.

Hul dogter is ongedeerd.

“Hulle het probeer om ons in die huis te kry. Sy het die toneel buite gehou en dit was toe hulle planne gefnuik is. My vrou het ons gered,” sê Norman Edwards.

Netcare 911 se paramedici het die skietvoorval in Collegelaan Woensdag aangemeld. Die ouers is in die hospitaal opgeneem.

Gewapende rowers skiet bejaarde in maag

‘n 63-Jarige vrou is in ‘n kritieke toestand nadat sy Woensdag buite ‘n huis deur gewapende swart rowers in die maag geskiet is.

‘n Motoris, (40) wat verby die huis gery het en haar te hulp gesnel het is in die been gewond.

Die voorval het ongeveer 1.25nm te McCullem Straat , Brakpan-Noord plaasgevind.

Volledige detail is nog nie beskikbaar nie.

Volgens kapt Joep Joubert, woordvoerder van die Brakpan SAPD, het die man verby die huis gery toe hy gesien het dat die vrou in die moeilikheid was.

Hy het verskeie skote op die rowers geskiet. Hy is deur een van die mans in die been geskiet.

Die twee booswigte kon daarin slaag om in hul silwer/grys BMW weg te jaag.

Bron: Brakpan Herald

Geen arrestasies nog gemaak na Roodt-aanval nie

Die polisie het bevestig dat geen arrestasies nog gemaak is ná die Efficient Group se hoofekonoom, Dawie Roodt, en sy gesin Donderdagnag in hul huis in Pretoria aangeval is nie.

Roodt en sy vrou, hul twee kleuters, en sy dogter is vasgebind met wapens aangehou terwyl die swart aanvallers die huis geplunder het.
 
Katlego Mogale, polisiewoordvoerder, het gesê die polisie is nog steeds hard aan die werk om die skuldiges vas te trek.
 
‘n Persoonlike assistent van Roodt, Erika Botha het in ‘n verklaring gesê dat ‘n plastiese chirurg ‘n tweede operasie op Roodt sal moet uitvoer.
 
Na afloop van die operasie sal hy vir drie dae in die hoësorgeenheid moet bly.

Dawie Roodt in sy huis aangeval

Hoofekonoom van die Efficient Group en tv-aanbieder, Dawie Roodt, word in Pretoria-Oos-hospitaal se hoësorgeenheid behandel nadat hy en sy gesin Donderdagaand in sy huis aangeval en vasgebind is.

Roodt se kollega, Willem Basson, sê Roodt se dogter het gisteraand omstreeks 20:00 van aandklasse teruggekeer toe sy buite in haar motor deur vier gewapende swartes ingewag is.

Basson sê hulle het haar in die huis gedwing en almal vasgebind. Hulle was gewapen met ‘n pistool en messe. Die swart aanvallers het dit duidelik gemaak hulle soek geld.

Volgens Basson het Roodt egter kopgehou en aan die rowers gesê hy het geld in sy motor. Hy sê Roodt kon daarin slaag om sy hande los te wikkel, terwyl hy en twee rowers met messe na sy motor gestap het.

Roodt het onder meer ‘n kopwond opgedoen toe hy en die twee rowers baklei het nadat hy sy hande losgekry het.

Volgens Basson was Roodt by sy volle bewussyn vanoggend toe hy hom in die hospitaal besoek het.

Gelukwensinge stroom in vir Afrikanervrou wat swart huisrower doodskiet

Nadat Beeld ‘n berig geplaas het oor ‘n vrou wat ‘n swart huisrower naby Mooinooi in Noordwes doodgeskiet het, stroom gelukwensinge steeds van lesers in. Tina du Toit het in ‘n hangkas weggekruip, maar kans gehad om haar rewolwer vanuit die kluis te gaan haal terwyl rowers die res van haar gesin, waaronder haar “hoogswanger” dogter en skoonseun, met ‘n koevoet, mes en pistool aangehou het.

Tina du Toit sê: “Ek kon sien hoe loop een van hulle verby die kas na my man toe. Hy dwing hom toe op sy knieë. ‘Ek skiet jou vrek, jou wit Boer,’ het een vir hom gesê terwyl hy die kabel om sy gewrigte probeer bind het. Hy was aggressiewer as die ander,” het Tina gesê.

“Hy kon dit nie regkry (om die kabel vas te bind) nie en het reguit na die kas gekom. Ek het die rewolwer reg gehou. Hy het in die kas begin grawe. Ek het die rewolwer reg gehou en hom vol in die gesig getref. Ek skiet hom toe weer ’n keer in die gesig,” het Tina gesê en begin huil.

Die koerant berig verder:

Die ander twee het weggehardloop toe hulle die skote hoor.

“Ek lees elke dag op Facebook van die plaasaanvalle en ek het elke keer gebid en gevra dat die Here my gesin moet beskerm en my in beheer moet plaas.”

Tina is verbaas oor hoe kalm sy was.

“Ek het God binne-in my gevoel toe ek daar in die kas gelê en wag het. Ek is so God-dankbaar-bly my gesin is orraait. My hele gesin kon voor my oë uitgewis gewees het.”

Sy is ook bang haar gesin se beproewing is nie verby nie.

“Nou leef ek met die vrees dat hulle kan terugkom. Hulle het die een wat ek doodgeskiet het 12 keer probeer bel – sy foon was nog by hom.”

Sy het nog nie ’n verklaring by die polisie afgelê nie weens die erge skok. Haar rewolwer is wel in die polisie se besit.

“Ek gaan nie sonder my rewolwer terug na die huis toe nie. As dit nie vir daai rewolwer was nie, was my hele gesin vermoor . . . Ek vrees wat voorlê.”

Daar woed iets van ‘n oorlog in die gebied tussen Rustenburg en Brits waar mnr. Braam Blignaut verlam is toe hy ‘n week gelede deur huisaanvallers geskiet is.

Op Netwerk24 se Disqus-kommentaarblad het lesers geesdriftig op Tina du Toit se optrede gereageer deur te sê:

Pieter du Toit: Mooi so Tina ons is trots opjou, mag Jesus vir julle styf in die holte van Sy hand bewaar En ek glo dat Hy engele opdrag sal gee om julle te bewaar. Vrede.

Frans van der westhuizen: UITSTEKEND, welgedaan, bravo, uiteindelik, mooi so. Mense dit is julle enigste uitweg want di polisie is hopeloos. Help en beskerm julle self. De hel met die res. Hoop dit gebeur sommer vele meer kere sodat hierdie kriminele tweekeer sal dink. Mooi so Tina jy behoort n goue medalje te kry vir jou braafheid. Ek is baie beïndruk.

Great Dane: Welgedaan Tina. Die ander twee sal verseker tweekeer dink voordat hulle wil teruggaan. As die polisie hulle sout werd is behoort hulle die twee op te spoor deur die selfoon oproepe.

Charl Hattingh: Mooi. Gee daai dame ‘n pallet vol Bell’s. Ons het meer suke mense nodig.

Riaan van Zyl: Wel, een van die drie sal dit nie weer doen nie. Sterkte.

Carl Jordaan: Tina, baie sterkte, julle is deur hel, en het dit oorleef. Julle behoort almal vir berading te gaan, dit is nie maklik om na so n slegte ervaring net weer normaal aan te gaan nie. Ons as Suid-Afrikaners is getraumatiseer, ons is stukkend, ons is kwaad, maar die wat verantwoordelik is vir wet en orde, voel vere.

7×57 M: Hoe kan die polisie die rewolwer by die vrou afneem? Dis nog n onding wat moet stop. Hulle besluit seker nog of sy van ” moord” aangekla moet word. Die staat behoort sulke slagoffers van geweldadige misdaad persoonlik te beskerm tot die ander vuilgoed agter tralies is.

Pieter Muller: Beslis goeie nuus vir n slag, jy het geen rede om sleg te voel nie, daardie uitvaagsel het geen nut op hierdie planeet gehad nie. Net jammer die ander twee is ook nie bokveld toe gestuur nie!

David Potgieter: En wat doen Stortkop? Draai net sy kop weg! hehehehehehe!!!! Dit is mos wat hy wou gehad het toe hy ‘n jong man was.

JJ Olivier: sommer 2 keer indie gesig!!..dis tyd dat die afrikaaner begin terug baklei …ons mense word gemartel op plase en roof is soos brood en melk koop dit geneur met almal!..skiet die blksems!!!!!!

Mimi SWART: As geweld met geweld begroet word sal die booswigte minder “mak” wees om hulle bose planne uit te voer. It takes two to tango”.

Susan Neethling: 10 uit 10 Tina!! God was verseker met julle!! Ons glo en vertrou die kleinding sal een van die dae gebore word sonder enige komplikasies…Sterkte vorentoe!! Kry nog wapens indien die Polisie nie die spesifieke wapen wil terug gee nie…elke tweede dag ‘n aanval in Mooinooi se omgewing veral op die kleinhoewes…

A Conradie: Ja, maar nou het die polisie haar wapen. Hulle kan hulself vir n tyd lank nie beskerm.

Clarence Hewson: Kan iemand se hoekom die polisie iemand se wapen vat na wat ooglopend n situasie van selfverdediging was? En hoe lank mag hulle die wapen hou? Want daardie mense kan nou nie terug gaan na hulle huis toe nie omdat hulle hulself nie kan verdedig nie en twee van die aanvallers loop nog los.

D Roeder: As die polisie ‘n misdaad ondersoek of selfs ‘n ondersoek doen om ‘n geregtelike ondersoek te hou mag hulle die wapen neem om dit te laat toets. Ballistiese toetse ondermeer van die koeelpunte wat uit die kop van die dooie rower gekry is. Daar moet formeel bewys word dat die wapen die koeel afgevuur het. Dit kan weke vat want die ondersoeke deesdae is nie van die doetreffendste nie. Dis nie onmoontlik dat ‘n rassistiese p[olisieman swal probeer om haar van moord aan te kla nie. Popcru hou nie daarvan dat witmnense hulleself verdedig nie.

Hennie DE BEER: Ek stem saam met Andre – die foto kan `n heel verkeerde boodskap uitstraal. Die feit dat almal ook nou weet dat hulle deur die polisie ontwapen is maak die risiko nou soveel groter. Welgedaan Mev. du Toit – jou blitsvinnige reaksie het beslis leeue moed en `n koel kop geverg.

Billy Augustyn: Pragtig, Mevrou!!!

Willem Liebenberg: Is daar nog iemand wat wil beweer dat daar geen rassisme betrokke is by plaasaanvalle nie? Ek glo nie! Maar laat een swartetjie nou enigsins iets oorkom – boeta, dan is daar nou vir jou moelilikheid.

Die Bronx: Sien jy, Willem? Daar verwyder Netwerk 24 my kommentaar. Seker omdat hulle dit “rassisties” vind. Maar gereeld plaas hulle berigte van mense wat ontken dat hierdie aanvalle ook, soos weereens bewys deur hierdie aanvallers se dreigement: “Ek sal jou doodskiet, jou wit Boer”, rasgedrewe is. As hierdie vrou nou na die aanvaller se ras sou verwys het voordat sy hom geskiet het sou dít seker rassisme gewees het, Maar nie as ‘n swart aanvaller na sy slagoffer se ras verwys in ‘n doodsdreigement nie. Dit is tyd dat ons deurlopend na hierdie aanvalle begin verwys as “genocidal attacks”.

pieter van zyl: Pragtig dametjie. As die regering nie die doodstraf wil terugbring nie, moet ons maar self die doodstraf uitvoer.

Witbanker: As die polisie enige integriteit het, sal hulle haar pistool aan haar teruggee. Hulle sal ook sorg dat die booswigte gevang word en agter tralies BLY sonder borg. Dit is seker nie vergesog nie dat hulle haar nou gaan aankla van moord.

Pieter Labuschagne: In die gesig! Briljant!

RINA MYNHARDT: Dapper vrou! Jy verdien voorwaar medalje! Baie sterkte vorentoe!

LOURENS KRITZINGER: UITSTEKEND! ALMAL IS GATVOL VIR MISDAAD! GOD IS VIR ONS,WIE KAN TEEN ONS WEES?

Ansie Schlebusch: Mooi so, Tina – baie dankbaar julle is almal veilig. Gaan eis jou pistool onmiddellik terug – kry ‘n hofbevel indien nodig. Dis sommer twak dat hulle jou pistool konfiskeer as jy duidelik uit noodweer opgetree het.

A VAN JAARSVELD: Dit is standaardprosedure. Die ballistiese deskundiges moet die doppie en vuurwapen met bewyse aan die misdaadtoneel kan verbind vir die geregtelike doodsondersoek.

Pieter Brummer: Goed kopgehou. Sterkte vir julle. Sonder om negatief te wees – wat het die rewolwer in die kluis gesoek?. Daar is daagliks nuus oor hoewe en plaas aanvalle en nog steeds is ons mense nie paraat nie. As jy tuis is hoor jou vuurwapen by jou nie in die kluis nie. Ek is baie blt dinge het goed uitegwerk en dat julle veilg is.

vettie gouws: Dit is verskriklik. Mens moet bid vir veiligheid en dan moet mens bid dat die Here jou sal vergeef dat jy iemand doodskiet om jou eie gesin te beskerm. Mens weet nie meer watter kant toe nie.

Karin Burger: Wanneer gaan ons mense op plase,kleinhoewes en selfs in dorpe en stede leer dat die belangrikste deel om jouself en jou gesin te beskerm is om n doeltreffende vroee waarskuwing stelsel te he wat 100% werk. Al die vuurwapens in die wereld gaan jou niks help as jy en jou gesin verras word nie.

Leana Jooste: Dank die Vader Hy het jou wel in beheer geplaas en jou gebede geanwoord. Dit was of hulle of jy en jou gesin, jy het gedoen waarvoor jy Krag ontvang het en hoef nie skuldig te voel nie. Jy is ‘n heldin. All sterkte vorentoe vir jou en jou gesin.

Hester Swart: EK STEM SAAM MET WAT FRANS SE. WELGEDAAN TINA.!!!!

Andra du Mont: Sterkte vorentoe

Nicola Smit: Whooohooo Eks so so bly vir jou Tina!!

Shaun van Niekerk: Mooi so. Net jammer sy kon nie die ander twee ook uitwis nie.

G Scheepers: BRAVO ! (1000 keer!)

Petro DOman: Dankie Tina, dat jy jou en jou gesin beskerm het. Sterkte met alles wat voorle, die trauma en die vrees wat julle nou sal moet oorwin.

Derek Bekker: sal die nuus vanaand met n braai vier

E Smith: so bly julle gesin is veilig, maar o wee wanneer sal die media besef dat hulle nie moet foto’s plaas van mense wat die rowers skiet en/of terugveg nie. Dit maak mos dat hulle (slagoffers) geteiken gaan word.

Pieter Erasmus: Hoop nie die vrou word nie aangekla nie want jy mag mos net terug skiet as jy klaar doodgeskiet is.

Fanie BRINK: Ek sou dit darem gelaaik het as sy met nog net 1 skoot sy knaters uitgeskiet het!!!

WILLEM DE BEER: Mooi werk, Tina !

Karin Burger: So hoekom fotos en name plaas van die gesin.Well done Dame maar jou vuurwapen moes by jou gewees het veral as jy op n plaas of kleinhoewe bly.

 

Namibiese egpaar oorleef huisaanval

Mnr. Willem Burger (70) en sy vrou, Alta (70), is Vrydagoggend­ in hul huis op Lüderitz­ deur twee swartes aangeval en ernstig aangerand, het die Republikein berig.

Burger is die eienaar van die OK Grocer op die dorp. Dit was Vrydag sy beurt om die winkel oop te sluit. Hy het omstreeks 05:15 sy huis se motordeur­ oopgemaak toe twee swartes ingestorm het en hom met kieries begin slaan het totdat hy bewusteloos­ was.

“Volgens die dokter is my pa verder geslaan terwyl hy bewusteloos was,” het me. Hannelie de Lange gesê.

Burger het sy bewussyn herwin en vir Alta, wat nog in die bed was, geskree dat sy die rewolwer moet bring. Voordat sy egter kon opstaan, het een van die aanvallers haar ook met ’n kierie begin slaan.

“Terwyl een van die aanvallers vir tannie Alta deur die huis gesleep en vir haar gesê het wat sy alles moet inpak, het die ander een my pa na die kluis toe gevat en gesê hy moet dit oopmaak. Hoe meer my pa vir hom gesê het dat hy nie sonder sy bril kan sien nie, hoe meer het die man hom geslaan,” het De Lange gesê.

Volgens De Lange het die aanvallers gedreig om Alta te verkrag as hy nie die kluis opmaak nie. Hulle het ook ’n plastieksak aan die brand gesteek en gedreig om haar met die warm plastiek­ te brand. Burger het die kluis oopgekry­ en die mans het vuurwapens en kontant gevat.

Burger en sy vrou is in die badkamer vasgebind en die mans het op die vlug geslaan. Alta kon daarin slaag om los te kom. Sy het haar man losgemaak en na vriende se huis gehardloop en die polisie gebel.

“My pa het erge hoofbesering opgedoen­ en sy arm is geswel soos hy probeer keer het toe hulle hom met die kierie slaan. Hy is in erge pyn. Tannie Alta moet ’n spesialis gaan sien, omdat haar kakebeen vermoedelik­ gekraak of gebreek is. Hulle het albei kneusplekke­ oor hul lywe soos hulle geslaan is. Albei sal vir skanderings Windhoek toe moet gaan,” het De Lange gesê.

Volgens haar is die aanvallers dieselfd­e swartmans wat twee maande gelede ook probeer het om die egpaar aan te val.

“My pa het van die werk af huis toe gekom en twee mans met balaklawas in die oprit gesien ophardloop. Alta het vir hulle geskree ‘ons gaan julle vrek maak’, waarna die twee mans weggehardloop het.”

Die twee swartes het glo tydens Vrydag se aanval vir Burger en sy vrou gesê “julle het mos gesê julle gaan ons vrek maak, nou wys ons julle hoe maak ons júlle vrek”.

“My pa en tannie Alta is al twee 70. As jy hulle goed wil vat, vat dit dan. Wat kan die twee ou mense doen? Maar om hulle so aan te rand en te slaan, is onmenslik en verskriklik.”

De Lange het ’n beloning van N$20 000 uitgeloof vir enige inligting­ wat tot inhegtenisneming kan lei. Die polisie het reeds twee van die gesteelde­ vuurwapens teruggekry.

“Ons het volle vertroue in die polisie dat hulle die twee mans sal arresteer­. Lüderitz is oor die algemeen ’n baie rustige dorp en die gemeenskap staan almal saam, want ons soek nie sulke elemente in ons dorp nie,” het sy gesê.