praag.co.za

Tag: potchefstroom

  • Swart rowers skiet PUK-studente

    Swart rowers skiet PUK-studente

    ‘n Afrikaanse studente van die Noordwes-universiteit se Potch-kampus, Magda Geldenhuys, 21, is Sondag deur ‘n swart rower geskiet. Die voorval het in die vroeë oggendure plaasgevind toe sy en haar huismaat tuiskom.

    “Ek het by die huis gekom ná ‘n aand uit, en toe is daar ‘n skelm by die huis,” het sy vertel. “En hy skiet my toe deur die rug, maar ek is baie geseënd want gelukkig het die koeël niks raakgeskiet wat belangrik is nie. Hy is by die een kant van my heup in en by die ander kant uit, en ek is nie ernstig beseer nie.”

    Sy vermoed dat daar altesaam drie rowers was wat die twee studente ingewag het. “Hulle wou selfone hê, maar ons het nie fone by ons gehad nie. Hulle het seker gedink ons jok, kwaad geword en daarop op my geskiet,” het sy gesê.

    Sy is ná behandeling by die Mediclinic op Potchefstroom ontslaan.

  • NWU se klasgelde styg

    NWU se klasgelde styg

    ’n Besluit om klas- en koshuisgelde by die Noordwes-Universiteit (NWU) met 8% in 2017 te verhoog is na aanleiding van ’n diepgaande analise van die universiteit se finansiële posisie geneem.

    Die woordvoerder Louis Jacobs sê verder die besluit is verlede week Donderdag tydens ’n raadsvergadering geneem.

    Die verhoging sal egter nie vir studente wat vir die nasionale finansiële hulpskema vir studente (NSFAS) kwalifiseer geld nie. Studente wie se huishoudelike inkomste meer as die NSFAS-drempel, maar minder as R600 000 per jaar is, word ook nie deur die verhoging geraak nie.

    Volgens Jacobs sal die goedgekeurde verhoging deur die regering in die vorm van ’n toelaag – die sogenaamde “gapingsbefondsing” – aan die universiteit betaal word.

    “Studente met beurse wat alle uitgawes dek sowel as studente wie se huishoudelike inkomste meer as R600 000 per jaar is sal nie vir die gapingsbefondsing kwalifiseer nie. Soos in die verlede sal alle studente tydens registrasie hulle registrasie- en minimum betaalbare gelde moet betaal. Slegs NSFAS-goedgekeurde studente en studente wat deur ander goedgekeurde borge befonds word sal van hierdie betalings vrygestel word en sal tydens registrasie stawende dokumentasie in hierdie verband moet toon”, voeg Jacobs by.

    Luidens die NWU se webtuiste sal studente wat om watter finansiële rede ook al nie kon registreer nie, individueel op elk van die drie kampusse in Potchefstroom, Vanderbijlpark en Mahikeng gëevalueer word. Daar sal op meriete besluit word hoe dié studente gehelp kan word met beskikbare geld, sodat soveel moontlik akademies verdienstelike, maar behoeftige studente wel kan registreer.

    Bron: OFM

  • Moord op tolk ruk Potchefstroom

    Moord op tolk ruk Potchefstroom

    Die moord op ‘n tolk van die Noordwes-Universiteit (NWU) se Potchefstroom-kampus het skokgolwe deur die gemeenskap gestuur.

    Die 46-jarige Maria Arangies (links op foto) van die Taaldirektoraat se tolkdienste op dié kampus is gedurende in ‘n gewapende huisaanval doodgeskiet.

    Die direkteur van die Taaldirektoraat, Johan Blaauw, sê hulle het vanoggend nadat klasse reeds begin het, eers uitgevind wat gebeur het.

    Blaauw het gesê die talentvolle Arangies was die afgelope tien jaar verbonde aan die Taaldirektoraat.

    “Arangies was ‘n baie begaafde en intellektuele mens. Sy het haar regsgraad voltooi, en toe haar studies voortgesit in die mediese rigting. Sy het as tolk in die gesondheidswetenskappe vir studente in lesings opgetree.”

    Blaauw sê sy was besig om haarself in ‘n farmaseutiese rigting te bekwaam. Hy het die sinnelose moord veroordeel, veral dat ‘n begaafde mens só ‘n wrede dood moes tegemoetkom. “Dit is ‘n mors van ‘n lewe,” het hy gesê.

    Volgens polisiewoordvoerder in Noordwes, Kelebogile Moleko, is Arangies buite haar huis in Mooivalleipark geskiet. Moleko het bevestig dat Arangies dood is terwyl sy die huis binnegestrompel het.

    Vyf swart aanvallers het daarna nog ‘n vrou wat in die huis was, aangerand. Dié beseerde Lieske Burger (regs op foto), wat ernstige kopbeserings opgedoen het, is in ‘n plaaslike hospitaal opgeneem.

    Burger was na bewering Arangies se huismaat.

    Maleko sê die rowers het met juweliersware, ‘n televisiestel, ‘n rekenaar en ander waardevolle items op die vlug geslaan.

    Moleko sê niemand is nog in hegtenis geneem nie.

  • Aardklop begin vanoggend

    Aardklop begin vanoggend

    Die Aardklop Kunstefees het vanoggend in Potchefstroom afgeskop en sal tot Sondag duur.

    Vroeër vanjaar was die kunstefees in die weegskaal na ‘n aankondiging dat die fees nie langer sal voortgaan nie.

    ‘n Groep rolspelers het egter koppe bymekaar gesit om die fees weer op die been te bring.

    Die Feesdirekteur, Alexa Strachan, sê hulle is opgewonde oor die program.

    “Die dorp is ‘tjokkenblok’ en ‘n mens kry skaars parkering. My stoutste verwagtinge is oortref.”

    Die fees is ‘n ekonomiese inspuiting vir die dorp.

  • Aardklop hou sy naam

    Aardklop hou sy naam

    Gerugte dat Media24 wil wegstaan van Afrikaans is bevestig nadat die organiseerders van die Potchefstroom-kunstefees bekend gemaak het dat hul onderhandelings met die Aardklop Stigting oor dié naam suksesvol was.

    Die naam van die Aardklop Kunstefees sal dus nie verander nie.

    Die Aardklop-name en -handelsmerke is teen ‘n “uiters redelike koste” aan die nuwe Potchefstroom Kunstefees beskikbaar gestel.

    Die fees word van 4 tot 9 Oktober gehou.

    Louise Barretto, voorsitter van die Aardklop Stigting, en Japie Gouws, woordvoerder van die nuwe Potchefstroom-kunstefees, het gesê dat hulle die afgelope weke verskeie gesprekke gehad het oor die moontlikheid dat die Aardklop-handelsmerk na die te-stigte maatskappy wat die nuwe fees op Potchefstroom reël, oorgedra word.

    Samesprekings het in ‘n goeie gees plaasgevind en albei partye is bly dat ooreenkoms nou bereik is, het die bestuur gesê.

    Gouws het sy dank teenoor die Aardklop Stigting uitgespreek vir die wyse waarop die gesprekke kon plaasvind en ook die “goeie gesindheid” wat in die proses ervaar is.

    Die Aardklop-naam sal by die komende fees gebruik word.

    Hy het ook die wens uitgespreek dat “enige omstredenheid rondom die naam hopelik nou afgehandel is”.

  • Potch se nuwe feesbestuurder aangewys

    Potch se nuwe feesbestuurder aangewys

    Die Potchefstroom Kunstefees het bekend gemaak dat Alexa Strachan, bekende vervaardiger, skrywer, regisseur, sanger en akteur, aangestel is om die fees vir 2016 te bestuur.

    Japie Gouws, woordvoerder van groep van Aardklop-belanghebbendes, het die aankondiging gemaak.

    Gouws sê hulle is verheug dat Alexa nou aan die hoof van die span staan om die fees tussen 4 en 9 Oktober 2016 in Potchefstroom te laat gebeur.

    Hy sê haar wye ervaring en kundigheid stel haar in staat om hierdie taak aan te pak.

    Strachan het in in 1987 aan die Hoër Volkskool Potchefstroom matrikuleer, en behaal haar BA-graad met hoofvakke Wysbegeerte en Kunsgeskiedenis in 1991 aan die Universiteit van Pretoria.

    Sy hanteer reeds jaarliks al die bestuur, samestelling en tekste van groot teater- en musiekproduksies, onder andere SARIE se Voorbladgesig; FNB se Night with the stars; Atterbury Trust en Rust en Vrede se Versnit-konserte en Akademia se Sakeplankompetisies.

  • Potchefstroom Kunstefees soek kundigheid

    Potchefstroom Kunstefees soek kundigheid

    Beplanning van die Potchefstroom Kunstefees wat Aardklop sal vervang, is glo druk, maar daar is ‘n tekort aan kundigheid.

    ‘n Woordvoerder vir die groep van Aardklop-belanghebbendes en besturende direkteur van die ATKV, Japie Gouws, sê verder die proses om ‘n maatskappy sonder winsbejag te stig, waarin alle sake van die fees gehanteer sal word, is aan die gang en ‘n direksie sal binnekort aangestel word.

    Die belanghebbendes het in Maart gesê die Aardklop Kunstefees sal voortaan die Potchefstroom Kunstefees genoem word, en voorlopig van 4 tot 9 Oktober gehou word.

    Gouws sê die proses om aansoek te doen vir produksies het ook nou begin, en skriftelike aansoeke kan per e-pos gerig word.

    Daar word versoek dat nominasies, uit die geledere van Potchefstroom om op die direksie of op die direksiekomitees te dien, nou ingedien word.

    Kundighede wat benodig word, is onder meer finansies, kunste, gemeenskapsbetrokkenheid, regskundigheid en bemarking.

  • Pukke ontken skorsings op grond van ras

    Pukke ontken skorsings op grond van ras

    Die tydelike skorsing van ses swart studente, hangende ’n dissiplinêre ondersoek ná Vrydag se betoging deur stakende werkers op die NWU se Potch-kampus, hou nie verband met hul velkleur nie.

    Waarnemende rektor, Fika Jansen van Rensburg het aan OFM gesê dit is gedoen op grond van ’n berekende oortreding van prosedure-maatreëls en beleid.

    Dit volg na ’n verklaring wat vroeër uitgereik is deur die SR-lid, Grantham Jonkers.

    In die verklaring beweer Jonkers dat die betrokke studente die slagoffers van ’n rassistiese veldtog is, aangesien wit studente van die Laureus-manskoshuis, wat glo ’n swart student aangerand het, nie geskors is nie.

    Jansen van Rensburg voer egter aan dat die studente nog nie geskors is nie omdat die ondersoek na hul beweerde wandaad pas eers begin is.

    Verder sê hy Jonkers staar nou moontlik self dissiplinêre stappe in die gesig.

  • ‘Reform PUK’ dreig om universiteitsrugby op Potch ook Maandag te ontwrig

    ‘Reform PUK’ dreig om universiteitsrugby op Potch ook Maandag te ontwrig

    Terwyl die geweld en onrus ná die ontwrigting van ‘n universiteitsrugbywedstryd op die Bloemfonteinkampus steeds wyer uitkring, het die Afro-marxistiese organisasie ‘Reform PUK’ dreigbriewe aan rugby-afrigters op Potchefstroom gestuur. Onder die opskrif “Black Lives Matter” sê die groep dat hy “geen rugby Maandag” op die PUK-kampus gaan toelaat nie. Hier volg die volledige boodskap soos dit aan rugbybelanghebbendes op die Potchefstroomkampus gestuur is.

    BLACK LIVES MATTER: NO VARSITY CUP RUGBY ON MONDAY

    The events on Monday 22 February 2016 at the University of the (un)Free State have shook us and the rest of conscious South Africa to our core.

    Black students protesting and interrupting the Varsity Cup rugby match were savagely beaten by barbaric white Afrikaner students and their parents.

    Our hearts go out to the courageous Black students of the U.F.S. No one understands the fear and constant threat of physical violence as we do.

    Please continue to protect each other.

    Now is the time for us to stand up and publicly and loudly condemn this vicious attack!

    Reform PUK is hereby demanding that campus management disassociate themselves with the tournament and cancel Monday 29 February 2016 match against the very same UFS that unashamedly continued the game after the attack.

    A university that repeatedly professes to want equality and social justice can not continue to associate itself with a university and rugby team that viciously beats Black students.
    We join the national call to protest or disrupt all Varsity Cup games and the organization and sponsors.

    Stop the match or we will arrive in our masses to disrupt it.

    The comforts of whiteness will not be allowed to continue while Black students and workers’ needs are sidelined.

    We sympathize and offer our support to the courageous Black students of the University of Pretoria. Our struggles over a language policy that protects white Afrikaner privilege while disregarding and excluding Black students from education, mirrors ours.

    We stand in solidarity with you.

    We call on all sympathizers, allies and friends to join us as we undertake this massive task.

    Knowing full well that the attitudes, privilege and ignorant mindset that cause the attacks at UFS is bred in huge quantities on this campus.

    We will not be deterred.

    A luta Continua.

  • Polisie ondersoek moord op NWU-student

    Die polisie in Potchefstroom ondersoek ‘n moordsaak nadat ‘n student aan die Noordwes-Universiteit se liggaam Dinsdag in sy woonplek in Wilgenstraat gevind is.

    DIe 35-jarige Bobby Motlatla is skynbaar met ‘n mes doodgesteek.

    Volgens polisiewoordvoerder, Kelebogile Moleko, het ‘n kennis van Motlatla die polisie Dinsdag gekontak omdat hulle die derdejaar musiekstudent verlede Vrydag laas gesien het.

    Sy lyk is vol meswonde op sy bed aangetref. Hy het op sy rug gelê met ‘n kussing op sy maag.

    Motlatla se familie het van Welkom na Potchefstroom gereis om hul seun uit te ken.

    Niemand is nog in hegtenis geneem nie.

    ‘n Woordvoerder van die universiteit, Kiewiet Scheppel sê die instellings is geskok deur die nuus van Motlatla se dood.

  • ‘Pukke moeg vir politiekery’

    Die huidige onrustigheid in die tersiêre onderwyssektor is wat gelei het tot die totstandkoming van “NWU-Pukke Breek die Stilte”, ‘n groep studente wat die belange van die Noordwes-Universiteit Potchefstroomkampus op die hart dra.

    Dit is volgens SR-voorsitter, Paul Maritz, wat vanoggend ‘n nuusverklaring uitgereik het waarin hy onder meer sê dat studente op die Potchefstroomkampus “moeg is vir politiekery” en “vals beskuldigings van rassisme” asook “onderdrukking onder die vaandel van transformasie”.

    Dit volg nadat ‘n ander groep, Reform PUK, verlede week ‘n memorandum van griewe aan visekanselier Dan Kgwadi oorhandig het waar hulle onder meer die behoefte aan transformasie op die kampus beklemtoon.

    Maritz sê studente sal Vrydag in die Sanlam-ouditorium op kampus geleentheid kry om hul menings rondom hierdie en ander sake te lug.

  • Reform PUK betoog teen Afrikaans

    Reform PUK betoog teen Afrikaans

    Nagenoeg 150 studente het op die Potchefstroom-kampus van die Noordwes-Universiteit het Dinsdag betoog om ‘n memorandum van griewe aan die universiteitsbestuur te oorhandig.

    Reform PUK, wat die belange van swart studente wil bevorder, het egter gesê dat indien hul klagtes nie aandag kry nie, hulle die kampus onregeerbaar sal maak.

    Hul klagtes sluit onder meer die gebruik van tolkdienste in, wat hulle meen ondoeltreffend is en swart studente uitsonder as buitestaanders.

    Volgens verteenwoordiger Ignatius Mokhatle skep die gebruik van Afrikaans as onderrigtaal ‘n versperring wat verhoed dat swart studente aan die kampus kan of wil studeer.

    Visekanselier Dan Kgwadi het ingestem om binne die volgende sewe dae terugvoer te gee.

  • Polisie vat oproeriges in Potch, Ventersdorp vas

    Oproeriges wat Vrydag in Pothcefstroom se middedorp binnegevaar het, sal Maandag in die plaaslike landdroshof verskyn. Nog arrestasies word binnekort verwag.

    Dit is volgens Provinsiale Polisiekommesaris Jacob Tsumane, en volg na honderde oproeriges die strate in gevaar het en eiendom beskadig het.

    Die polisie moes die plunderaars met rubberkoeëls verwilder.

    Hulle is glo gekant teen die voorgestelde samesmelting van die Tlokwe-en Ventersdorp Munisipaliteite. ‘n Memorandum van griewe is later aan die munisipaliteit oorhandig.

    In nog ‘n voorval is die ou Ventersdorp Stadsaal, wat tans die Verkeersdepartement huisves, Vrydagnag afgebrand.

    Oproeriges het ook motors met klippe op die N14-pad bestook. Volgens Tsumane moet daar nog arrestasies in dié verband gemaak word.

    Die situasie in Ventersdorp is na wat berig word vanoggend kalm, nadat nadat die klipgooiers motoriste op die N14 naby die Tshing-lokasie geteiken het.

    Intussen het Tsumane bevestig dat ondersoeke na die oorsaak van die brand in Ventersdorp nog nie afgehandel is nie.

  • Sprake van bedrog by Tlokwe-tussenverkiesing

    Die OVK het in die Grondwethof erken dat die kiesersrol wat gebruik is in die 2013 Tlokwe-tussenverkiesings, geen adresse gehad het nie.

    ‘n Opposisielid wat die hofverrigtinge bywoon, het dié inligting getwiet.

    Dit het ook aan die lig gekom dat onafhanklike kandidate nie behoorlik stemme kon werf nie omdat hulle eers sewe dae voor die verkiesings kieserslyste ontvang het.

    Agt onafhanklike kandidate beweer kiesers is met busse aangery uit ander streke van die provinsie om in Tlokwe te stem, en daar het ook ander ongerymdhede tydens die verkiesings plaasgevind.