Oos-Kaap – praag.co.za

Skietery jaag studente uit koshuis

Chaos het uitgebreek by die Walter Sisulu Universiteit in die Oos-Kaap toe die polisie studente met rubberkoeëls uit hulle koshuise gejaag het. Honderde swartes het van die polisie gevlug tot by die N2.

Een student is deur ‘n motor omgery en na die Nelson Mandela Akademiese Hospitaal gehaas. Sommige studente het die hele nag buite deurgebring.

Die polisie het die studente uit die koshuis gedwing nadat gewelddadige studenteoptrede gelei het tot ‘n brand by ‘n studentekroeg.

Studenteleiers is woedend oor die situasie by die Walter Sisulu Universiteit in Mthatha in die Oos-Kaap.

Twee studenteleiers, Sinelizwi Mgotshongo en Khanya Nkeqa sê hulle gaan vandag verdere stappe doen en weet nie waarom daar op hulle geskiet is nie.

Studente het die hele nag in ‘n nabye berg geskuil uit vrees vir die polisie.

Drie skole in PE in een week besteel

Drie skole in Port Elizabeth is dié week besteel. Kontant en ander duur bates is weggedra.

‘n Woordvoerder van die Oos-Kaapse polisie het Donderdag bevestig dat daar Woensdagaand ‘n inbraak by ‘n laerskool in Humewood was waar ‘n aansienlike bedrag in kontant verdwyn het.

By die Victoria Park Grey Primary School is ook skootrekernaars gesteel benewens die kontant.

Vroeër vandeesweek het booswigte ‘n kluis by ‘n ander skool, Theodore Herzl Primary, oopgebreek en kontant gesteel.

Harvest Christian School se personeel is Woensdag oorval in ‘n gewapende roof deur rowers wat hulself as ouers voorgedoen het wat skoolgeld wil betaal.

Die polisie het skole gemaan om nie groot bedrae kontant op die perseel aan te hou nie en dit liewer te deponeer aangesien die aanvallers blykbaar ook weet hoe om die alarmstelsels te omseil.

Maclear-aanvallers nog op vrye voet

Vyf swart vermaande plaasmoordenaars in die Oos-Kaap is nog soek. Hulle het verlede maand ‘n plaaswerker op Rustig, ‘n plaas buite Maclear genader om te sê hulle wou ‘n paar beeste koop.

Nou, word ‘n moordsaak ondersoek deur die Queenstown-eenheid teen georganiseerde misdaad as gevolg van die moord en aanranding van ‘n bejaarde wit egpaar op die plaas.

Die plaaswerker sê hy het die booswigte wat vou beeste koop na die 74-jarige plaaseienaar, Louis van den Berg, verwys.

Hy sê hy het nooit geweet hy sal sy baas aan ‘n spul kriminele uitlewer wat sy lewe sal neem nie.

Van den Berg het glo die aanvallers uitgenooi na sy plaasopstal, en na ‘n ruk, het die plaaswerker gille gehoor en hy het gaan ondersoek instel.

Die booswigte het hom gegryp en hom in die plaashuis ingedwing sê hy, waar hulle daarop aangedring het dat hy die sleutels tot ‘n kluis oorhandig.

“Na ‘n stryd, wat mev Van den Berg beseer gelaat het, het hulle toegang tot die kluis verkry en het verskeie vuurwapens gebuit. Hulle het te voet gevlug nadat hulle die werker en mev Van den Berg vasgebind het,” het die SADP in ‘n verklaring gesê.

Die werker het daarin geslaag om homself los te maak en kontak met die familielede te maak wat daarna die polisie in kennis gestel het.

Mev Van den Berg is na die hospitaal geneem vir mediese behandeling. Haar man se lyk gevind is by die hek van die plaas, na bewering aangerand en doodgesteek, volgens die polisie.

SA: 56 miljoen siele

Daar woon na raming 56 miljoen siele in Suid-Afrika waarvan 51% vroulik is, volgens die halfjaarlikse berekeninge van Statistiek Suid-Afrika, en hulle sit nie stil nie.

Vir die tydperk 2011-2016, het ongeveer 247 437 mense gemigreer vanaf die Oos-Kaap uitwaarts, maar die uitvloei van Limpopo van byna 305 030 mense, was nog groter.

Gedurende dieselfde tydperk, het Gauteng en die Wes-Kaap ‘n geraamde invloei van immigrante van ongeveer 1 216 258 en 363 114 onderskeidelik ervaar.

By dié aankondiging tydens ‘n mediakonferensie in Pretoria Donderdag, het die statistikus-generaal, Pali Lehohla, gesê migrasie is ‘n belangrike demografiese proses wat die ouderdomsprofiel en verspreiding van provinsiale bevolkings raak.

Die grootste deel van die Suid-Afrikaanse bevolking (24%) woon in Gauteng, sowat 13,5 miljoen mense. KwaZulu-Natal is die provinsie met die tweede grootste bevolking van 11,1 miljoen mense (19,9%).

Die Noord-Kaap bly steeds die provinsie met die kleinste deel van die Suid-Afrikaanse bevolking, net oor die 2%.

Sowat ‘n derde van die bevolking is tussen die ouderdomme van 15 jaar en jonger en ongeveer 8% is 60 jaar of ouer.

Van diegene jonger as 15 jaar, woon ongeveer 23% in KwaZulu-Natal en 20,4% in Gauteng.

Die grootste persentasie van mense van 60 jaar en ouer woon in Gauteng, te wete 26%, en dié groep gaan waarskynlik groter word met die verloop van tyd.

Onluste oor gratis universiteite by vier kampusse in Oos-Kaap

Onluste oor eise vir gratis onderwys vir arm swart studente veroorsaak ontwrigting by vier universiteitskampusse in die Oos-Kaap.

Die bestuur van die Walter Sisulu Universiteit het ‘n hofinterdik aangevra om orde te probeer handhaaf tydens lesings, te verhoed dat eiendom beskadig word of personeel geïntimideer en aangerand word, het die Daily Dispatch berig.

Studente van die Universiteit se Mthatha, Butterworth en Oos-Londen kampusse is in hegtenis geneem vir openbare geweld, huisbraak en diefstal, opsetlike saakbeskadiging en die besit van petrolhouers.

WSU se registrateur Khaya Maphinda het in ‘n beëdigde verklaring in die Grahamstadse Hooggeregshof gesê: “Personeel het gevlug die kampusse uit vrees vir hul persoonlike veiligheid en die veiligheid van hul voertuie, en het nie teruggekeer nie.”

Die Nelson Mandela Metropolitaanse Universiteit (NMMU) is ook lamgelê deur oproer, met lesings en toetse wat uitgestel is nadat sowat 300 Cosas-studente ‘n ingang na die Suidkampus afgesper het.

Studente is gewaarsku om die kampus Woensdag te vermy.

Die Verteenwoordigende Studenteraad het op Twitter gesê dat ‘n massavergadering met studente Dinsdag geëindig het met ‘n besluit om ‘n voorstel in te dien by die presidensiële kommissie van ondersoek vir hoër onderwys om ‘n verhoging van 0% te vra.

Die vergadering het ook gevra dat akademiese aktiwiteite voortgaan en diegene wat toetse gemis het, toegelaat word om te skryf.

Die Herald het NMMU-bestuur aangehaal wat sê dat geen verhoging in fooie die instelling finansieel sal ruïneer.

“Soos met alle universiteite, staar die NMMU finansiële beperkings in die gesig staar. Geen toename in fooie as (opsie) is nie volhoubaar nie,” het woordvoerder van die universiteit Zandile Mbabela gesê.

Polisie skiet oproerige in Oos-Kaap dood

‘n Betoger is naby Mount Ayliff in die Oos-Kaap dood tydens hernude oproer.

Die slagoffer was na bewering deel van ‘n groep oproeriges wat die R-61 tussen Magusheni en Fort Donald versper en die polisie aangeval het.

Die betogers eis elektrisiteit, padinfrastruktuur en die voorsiening van water en sanitasie.

‘n Polisiewoordvoerder sê die Onafhanklike Polisie-ondersoekdirektoraat sal die dood ondersoek.

Die polisie moes al herhaaldelik ingryp in die gebied.

Toeriste moes verlede jaar in Mei omdraai nadat hul motorruit stukkend geslaan is.

Die polisie in Kokstad het bevestig dat daar soortgelyke voorvalle was.

In die woorde van een toeris, Phillida Ellis, “het ons afgekom op ‘n woedende en baie aggressiewe skare mense en is gewaarsku om terug te draai deur ‘n motoris wat probeer het om deur te ry en en afgedreig is. Die betogers het vir hom gesê hulle betoog omdat hulle nie ‘n teerpad het nie.

Op pad na Kokstad naby Fort Donald, het Ellis en haar man afgekom op ‘n vernielde motor en ‘n man wat desperaat probeer om motoriste te stop.

Dit was ‘n Duitse toeris, Dr. Herbert Plum en sy vrou, wat die swart oproeriges teëgekom het.

Die vensters van hul huurmotor was verpletter met klippe en knuppels. Hulle is van die pad gedwing en het deur die veld probeer wegkom. Die onderstel van die motor is sodanig beskadig dat dit tot stilstand gekom het by Ford Donald.

Mevrou Plum was erg getraumatiseer en kon nie ophou huil nie. Terwyl hulle daar was, het nog toeriste van Gauteng ook gestop. Die voorste venster van hul Toyota Fortuner was ook stukkend geslaan.

ANC-minister smeek Oos-Kaapse munisipaliteite om Eskom-betalings

Die ANC-minister van openbare ondernemings, Lynn Brown, smeek in ‘n onlangse verklaring munisipaliteite in die Oos-Kaap om Eskom te betaal. “Dit is onaanvaarbaar vir burgers om gedurende dié seisoen te ly,” sê sy. “Munisipaliteite moet verantwoordelikheid aanvaar en diegene met uitstaande skuld moet Eskom onmiddellik nader om uit te vind hoe hulle die uitstaande skuld kan vereffen.”

Die minister se opmerkings geskied ongeveer ‘n dag nadat inwonwers van vier munisipaliteite in die Oos-Kaap, wat Eskom gesamentlik R173 miljoen skuld, kragonderbrekings ervaar het.

Eskom het verklaar dat hy die kragonderbrekings gedurende spitstye vir nege uur per dag ingestel het, as ‘n uiterste maatreël nadat daar geen reaksie op sy aanmanings om te betaal was nie.

Eskom het egter later die kragonderbrekings opgeskort nadat die Oos-Kaapse premier Phumulo Masualle tussenbeide getree het, en ‘n “aansienlike deel” van die skuld in Eskom se rekening inbetaal is.

‘n Woordvoerder van die elektrisiteitsmaatskappy, Khulu Phasiwe, wou nie sê presies hoeveel daar aan Eskom oorbetaal is nie, maar dit behels glo “miljoene rand”. Hy het bygevoeg dat daar nog ‘n betaling teen die einde van die maand gemaak sal word.

“Ons sal hulle by daardie ooreenkoms hou. Dis nou hulle verantwoordelikheid,” sê Phasiwe.

Indien die volgende betaling nie teen 31 Desember in Eskom se rekening verskyn nie, sal inwoners van die vier munisipaliteite weereens aan beurtkrag tydens spitstye (tussen 6vm en 9vm, 12nm en 2nm, en tussen 5nm en 9nm) onderwerp word.

Onderbesteding en growwe wanbestuur in onderwys

Noordwes Departement van Openbare Werke het met die bou van nuwe skole en klaskamer gesloer en veroorsaak dat die onderwysdepartement op sy onderwysinfrastruktuurtoelae onderbestee het.

Ander redes wat aangevoer is vir die vertraging van projekte, is dat twee groot projekte deur subkontrakteurs tot stilstand gebring is toe hulle op beter betaling aangedring het.

Openbare onrus in Schweizer-Reneke toe inwoners daarop aangedring het dat lede van die gemeenskap aangestel word en ‘n geskil oor grond tussen die tradisionele leiers en die munisipaliteit vir ‘n ander projek het ook daartoe gelei dat projekte sloer.

Die provinsiale departement sê benewens al die probleme sukkel hulle ook met onbetroubare kontrakteurs.

Die besteding van provinsies se toelaes is vroeër vandeesmaand deur die nasionale department van basiese onderwys en nasionale departement van finansies tydens ‘n sitting van die portefeuljekomitee van basiese onderwys in die parlement bespreek.

President Jacob Zuma het intussen ‘n proklamasie onderteken wat die Spesiale Ondersoekeenheid vra om ondersoek in te stel na die sake van die beleërde departement van onderwys in die Oos-Kaap.

Van die bewerings wat ondersoek gaan word is wanadministrasie, growwe wangedrag en onwettige bedrywighede deur werknemers en amptenare wat met skape en bokke betaal vir poste.

‘n Woordvoerder van die presidensie, Harold Maloka sê ‘n verdere ondersoek sal behels dat die geld wat wanbestee is, teruggekry word.

Tweede kouefront sal binneland laat bibber

Die vroeë sneeu op die Drakensberg se pieke is ‘n moontlike aanduiding dat Suid-Afrika ‘n bitter koue winter kan ondervind.

Intussen sal ‘n tweede kouefront wat oor die binneland inbeweeg, vandeesweek sy verskyning maak.

Die Suid-Afrikaanse Weerdiens sê die front het reeds oor die Wes-Kaap inbeweeg en sal later die week die Oos-Kaap. Lesotho, KwaZulu-Natal, die Vrystaat en Gauteng tref.

Die maksimum temperatuur in Gauteng sal glo teen die einde van die week skaars 12 grade Celsius wees.

Sneeu is vroeër vandeesmaand op die Sani-pas in KwaZulu-Natal en ‘n ski-oord by Rhodes, naby Lesotho se grens aangemeld.

DA se etniese planne in PE ontbloot

Die ANC se sekretaris-generaal, Gwede Mantashe, het bewerings ontken dat hulle Danny Jordaan in Port Elizabeth gekies het om bruin kiesers te lok.

Jordaan se aanwysing as burgemeester van die Nelson Mandelabaai metropool is verdoem as ‘n politieke taktiek om bruin steun te werf.

Mantashe het in reaksie gesê Jordaan, ook president van die Suid-Afrikaanse Sokkervereniging, is ‘n bewese administrateur en bedrewe politikus.

Die DA het voorheen staatgemaak op bruines se antipatie teenoor swartes om stemme te trek. Die party is woedend oor Jordaan se aanstelling wat hulle eie ondermaanse etniese strategie ontbloot.

Die leier van die DA in die Oos-Kaap, Athol Trollip het uitgevaar teen die ANC in Port Elizabeth en gesê hulle bly dieselfde party wat die stad tot op sy knieë gedwing het.

Trollip het gesê die ANC is bang om politieke beheer te verloor en het misluk om ‘n gepaste kandidaat onder sy eie raadslede in Port Elizabeth te kry.

Drie verdagtes vas na moorde op paartjie

Die polisie het drie verdagtes vasgetrek ivm die moorde op twee jongmense in die Oos-Kaap. Die twee is vermoedelik ontvoer, vermoor en toe in die dam gegooi, het eNCA berig.

Drie swart vermeende aanvallers sal vandag in die landdroshof op Mthatha in verband met die moord op ‘n jong paartjie die naweek.

Die liggame van die 19-jarige Jacqueline Miller en die 20-jarige Carl George is Sondagmiddag by die Mthatha-dam gevind, nadat hulle Saterdag laas gesien is.

Die verdagtes, een van 19 en ‘n ander van 22, is in die KwaLink-woongebied in hegtenis geneem. Hulle het van die slagoffers se besittings in hul besit gehad.

Openbare geweld laat polisie bontstaan

Die polisie in Balfour in Mpumalanga is op hoë gereedheidsgrondslag geplaas nadat gewelddadige oproer vir ‘n derde agtereenvolgende dag in die Siyathemba-lokasie woed.

Inwoners dreig dat hulle na die munisipale kantore wil opruk om dit af te brand.

Oproeriges is glo al sedert vier uur vanoggend besig om in die strate van die lokasie te dreunsing en dans.

Die polisie is ook in Rooihoogte by Uitenhage in die Oos-Kaap ontplooi nadat ‘n vragmotor aan die brand gesteek is.

Die polisie ondersoek ook ‘n saak van openbare geweld nadat twee petrolbomme na die adjunk-hoof van die kollege se kantoor gegooi is. Tydens die oproer by die Oos-Kaapse Midlands-kollege op die dorp is voertuie met klippe bestook.

Paaie in die gebied is met brandende bande en ander versperrings onbegaanbaar gemaak.

In Gauteng word motoriste in Soweto gewaarsku om die Madlalose en Ndaba-strate in Protea Noord te vermy.

Oproeriges dreig met geweld teen Eskom se installering van elektrisiteitsmeters.

`n Woordvoerder van Johannesburg se metropolisie, Edna Mamonyane sê die metropolisie sowel as die polisie is ontplooi. Volgens haar, is die strate gesluit en is die protes steeds aan die gang.

Beloning vir inligting oor Kamdeboo-stropers

Die Wilderness Foundation en die Forever Wild Rhino Protection Initiative bied ‘n R150 000 beloning aan vir inligting wat sal lei tot die inhegtenisneming en suksesvolle vervolging van stropers wat betrokke is by die slagting van twee renosters by die Kamdeboo-berg Privaatwildreservaat.

Woensdag is ‘n ma en haar kalfie van twee-en-‘n-half-jaar geslag.

Die dragtige moeder se ongebore kalf ook dood.

Enigiemand met inligting kan die Wildlewemisdaadlyn op 078 696 9494 skakel.

Winnie se eis op Qunu kry wind van voor

President Jacob Zuma het ‘n kennisgewing ingedien wat Winnie Madikizela-Mandela se beweerde aansoek teenstaan om inligting oor Mandela se grond te bekom.

Madikizela-Mandela wil toegang tot staatsdokumente kry wat inligting bevat oor oud-president Nelson Mandela se eiendom op Qunu in die Oos-Kaap.

Die presidensiële woordvoerder, Mac Maharaj het bevestig dat die kennisgewing ingedien is.

Maharaj het egter nie verdere besonderhede bekend gemaak nie.

Madikizela-Mandela se regsgverteenwoordiger, Mvuzo Notyes, het in Oktober die aansoek in die Mthatha Hooggeregshof ingedien waarin Mandela se boedel teengestaan word en sy die reg op sy Qunu-huis eis.

Sy voer aan dat die voormalige president moontlik skuldig was aan bedrog toe hy die grond in Qunu op sy eie naam geregistreer het.

Madikizela-Mandela voer aan dat die abaThembu koning, Buyelekhaya Dalindyebo die grond aan haar gegee het toe Madiba in die tronk was.

Die Xhosa-stamhoof wat onlangs die grootste DA-vergadering onder sy stamgenote gehou het, word deur die party as die “koning” van die Transkei voorgehou.