Port Elizabeth – praag.co.za

Chaos toe raadslede mekaar bydam

Chaos en geweld het tydens ‘n sitting van die Nelson Mandelabaai Metroraad in Port Elizabeth uitgebreek, en twee raadslede is beseer.

‘n DA-raadslid, Rano Kayser en ‘n ANC-raadslid, Rosi Daaminds is hospitaal toe geneem raadslede mekaar met waterbekers en glase bygedam het.

Daaminds het tydens die voorval ineengestort.

‘n Woordvoerder van die burgemeester, Kristoff Adeldorf sê raadslede wat by die voorval betrokke was sal aangekla word van aanranding met die doel om ernstig te beseer.

Hy beskuldig die ANC daarvan dat hulle vir die voorval aanspreeklik is.

Adeldorf sê Kayser is intussen uit die hospitaal ontslaan nadat hy behandel is vir ernstige kop- en oorwonde.

Die geweld het volgens berigte uitgebreek na pogings om die ANC-raadslid, Xola Sabani weens beweerde wangedrag te dissiplineer.

Die ANC het beswaar teen die stap aangeteken, waarna gevegte uitgebreek het. ‘n Aantal skote is ook afgevuur. Die ANC het aangedui dat hulle aanklagte teen ‘n DA-raadslid gaan indien weens die afvuur van skote.

Die burgemeester, Athol Trollip sê egter dit was waarskuwingskote wat deur veiligheidswagte afgevuur is om orde te herstel.

‘n Ondersoek sal van stapel gestuur word na gdie voorval.

DA praat met Bantu Holomisa oor koalisie in Port Elizabeth

Die leier van die United Democratic Movement (UDM), Bantu Holomisa, het aangekondig dat hy deur “groot partye” genader is om ‘n koalisieregering in die Nelson Mandelabaai-metro saam te stel.

Holomisa het gisteraand gesê: “Ek hoor sekere van die groot partye praat met ons om te vra of ons hulle kan help. Afhangend van die finale telling, mag die UDM óf deur die ANC óf deur die DA genader word om hulle te help. Die DA-leier het my genader maar ek het aan hom gesê dat ons moet wag vir die uitslae om bekendgemaak te word.”

Volgens Holomisa gee hy nie om met watter party hy saamwerk nie maar dat “kiesergedrag” in ag geneem moet word.

“In die verlede het ons beide partye gehelp. Onthou toe Zille Kaapstad van die ANC oorgeneem het? Ons het die ANC in Kwazulu-Natal in 2004 bygestaan toe dit aan bewind gekom het. Die beginsel wat ons toepas, is om na die wense van van die kiesers te kyk, dan neem ons die besluit, nie of ons van ‘n sekere leier hou of nie, ek werk nie so nie,” sê Holomisa.

Terwyl die DA-leier in die metro, Athol Trollip (foto hier bo), reeds aangekondig het dat sy party die grootste is en daarom ‘n nuwe plaaslike regering behoort saam te stel, het die ANC by die OVK beswaar gemaak dat die verkiesing nie “vry en regverdig was nie”.

‘n Woordvoerder van die party, Bheza Ntshona, het gesê dat die party ‘n klag gelê het weens die ontdekking van stembriewe in ‘n tent aan die agterkant van die lokaal.

“Ons het ook ander onreëlmatighede waargeneem, in so ‘n mate dat ons nie die verkiesing as vry en regverdig beskou nie. Die uitslag van dié verkiesing, hoewel dit nog nie finaal is nie, weerspieël nie die wil van die mense van Nelson Mandelabaai nie,” meen hy.

DA-leier in PE smeek ANC op sy knieë

Oproeriges moes met traanrook in die voorportaal uitgedryf word in die Nelson Mandelabaai-metro se vergadering waar die metro se begroting voorgelê is.

‘n Aantal oproermakers het die ou Wolraad-gebou in Sentraal voor middagete Donderdag binnegestorm. Hulle is deur veiligheidswagte voorgekeer, maar het aan die deure na die raadsaal gehamer.

Voorleggings is ontwrig toe die oproermakers al hoe luidrugtiger geraak het.

Retief Odendaal, DA-leier, het op sy knieë gegaan om te smeek om vergifnis nadat hy deur die ANC uitgejou is omdat hy nie “apartheid” verstaan nie. Odendaal wou aanvanklik nie die begroting ondersteun nie en het daarna buite stemming gebly.

Die betogers, lede van die Suid-Afrikaanse Munisipale Werkersunie (Samwu), het later aan Die Burger gesê hulle wil sekerheid hê dat ’n nasionale ingrypingspan nié hul werk gaan oorneem nie.

Gordhan sê dienslewering en werkskepping moet prioriteit geniet sodat die streek ekonomiese ontwikkeling kan geniet.

Hy sê hy is vol vertroue dat die nuwe burgemeesterspan probleme in die metro sal uitstryk.

Oproeriges het ook verkeer op die besige Addo-weg naby Motherwell in Port Elizabeth ontwrig weens griewe oor dienslewering.

Inwoners van Wells Estate beskuldig die Nelson Mandela-baai Metro daarvan dat ontwikkelingprojekte slegs op Fase Een fokus.

Hulle beweer dat die installering van geysers, herstelwerk aan gekraakte huise en die instandhouding van paaie nie na Fase Twee en Drie vorder nie.

‘n Inwoner sê die protesoptrede volg nadat hulle die munisipaliteit Woensdag 24 uur gegee het om op hulle griewe te reageer.

Intussen sê Pravin Gordhan die Nelson Mandelabaai-metro kan sy ekonomiese potensiaal slegs ontgin as korrupsie uitgeroei word.

Die minister van samewerkende regering het raadslede toegespreek tydens die metro se begroting in Port Elizabeth.

DA se etniese planne in PE ontbloot

Die ANC se sekretaris-generaal, Gwede Mantashe, het bewerings ontken dat hulle Danny Jordaan in Port Elizabeth gekies het om bruin kiesers te lok.

Jordaan se aanwysing as burgemeester van die Nelson Mandelabaai metropool is verdoem as ‘n politieke taktiek om bruin steun te werf.

Mantashe het in reaksie gesê Jordaan, ook president van die Suid-Afrikaanse Sokkervereniging, is ‘n bewese administrateur en bedrewe politikus.

Die DA het voorheen staatgemaak op bruines se antipatie teenoor swartes om stemme te trek. Die party is woedend oor Jordaan se aanstelling wat hulle eie ondermaanse etniese strategie ontbloot.

Die leier van die DA in die Oos-Kaap, Athol Trollip het uitgevaar teen die ANC in Port Elizabeth en gesê hulle bly dieselfde party wat die stad tot op sy knieë gedwing het.

Trollip het gesê die ANC is bang om politieke beheer te verloor en het misluk om ‘n gepaste kandidaat onder sy eie raadslede in Port Elizabeth te kry.

Swartes het nie ‘n saak met anti-apartheidsmuseum nie

Swart inwoners het die sluiting van ‘n museum ter ere van anti-apartheidshelde genoop, en hulle beskuldig nou die owerhede dat hulle ‘n “huis vir dooie mense” gebou het, terwyl hulle in haglike omstandighede moet leef.

Die Red Location Museum in New Brighton Port Elizabeth was nie lank gelede nie, ‘n toeriste-magneet waar honderde “geheuebokse” met die verhale van anti-apartheid-aktiviste, insluitend die voormalige president Nelson Mandela, uitgestal is.

Die moderniteit van die R22 miljoen gebou, wat verskeie internasionale argitektoniese toekennings gewen het, staan in totale teenstelling met die plastiek- en sinkplaatstrukture wat dien as huise vir die omliggende swart gemeenskap.

Hulle het nie ‘n saak met die monument wat vir hulle “bevryding” opgerig is nie en herken niks daarin wat vir hulle van belang is nie.

Die museum is nege maande gelede noodgewonge gesluit na dreigemente deur inwoners om besoekers aan te rand. Pogings om dit te heropen is met gewelddadige oproer begroet.

Die webwerf beweer dit is “gesluit is as gevolg van gemeenskapsprotes”, in een van die oudste lokasies van Port Elizabeth.

Die gebou is nou gestroop deur die mense wat hulself gehelp het aan elektriese bedrading, waterpype, kragproppe, omheining en houttoebehore vir hul plakkershutte.

Sekuriteitswagte is ‘n ruk gelede gehuur om die perseel te patrolleer, maar hulle het hul poste verlaat uit vrees vir hul lewens. Dit is glo voorheen as ‘n “navorsingsfasiliteit” deur geskiedkundiges gebruik.

“Die toestande is erg. Die omheining is in verskeie plekke geknip en daar is geen beligting nie,” sê ‘n wag.

“Selfs die deksels van die dreine buite is gesteel. Dit is gevaarlik, jy weet nie wanneer jy aangeval sal word nie,” het hy gesê.

Chris du Preez, die museum se waarnemende assistent-direkteur, sê dat geen artefakte of dokumente gesteel of beskadig is tydens die plundering nie.

Die museum het die 2006 Lubetkin-prys gekry, toegeken deur die Royal Institute of British Architects as die beste nuwe gebou buite die EU.

Die gebou sal gesluit bly.

Werkers beseer toe visfabriekvloer meegee

‘n Onbekende aantal werkers is beseer toe die vloer van ‘n visfabriek in die hawe in Port Elizabeth in die Oos-Kaap ingetuimel het, het RSG berig.

Meer as 80 fabriekswerkers van Eyethu Fishing het gereed gemaak vir hulle skof toe die vloer waarop hulle gestaan het, ingetuimel en hulle meters ver geval het.

Die beseerdes is Donderddagaand in hospitale in die omgewing opgeneem.

Nooddienste en ambulanse het die beseerdes na hospitale in die omgewing vervoer.

Die oorsaak van die ongeluk is nie bekend nie.

Die hawebestuur sal later vandag ‘n verklaring uitreik.

Die Nasionale hawe-owerheid ondersoek tans die oorsaak van die ongeluk.

Twee wat apteker in PE aanhou verskyn

Twee mans wat in hegtenis geneem is omdat hulle na bewering ‘n apteker en sy twee assistente in Seaview buite Port Elizabeth as gyselaars aangehou het, verskyn vandag in die hof.

Die polisie is nog besig om die aanklagte teen die pa en seun te formuleer. Die 53-jarige pa en sy 19-jarige seun het reeds mediese en sielkundige toetse ondergaan en word in die selle by die Kabegapark-polisiestasie aangehou.

Die twee het geëis dat die apteker dodelike inspuitings aan hulle toedien en gedreig om almal met plofstof en ‘n vuurwapen te vermoor.

Dit het later aan die lig gekom dat die twee slegs ‘n speelgoedgeweer en ‘n brandbom by hulle gehad het.

Die beleg van sewe uur is beëindig toe die polisie ‘n skokgranaat gebruik en die twee in hegtenis geneem het. Die twee mans het in ‘n tent op die strand gebly. – RSG

100 in hegtenis na onluste in Port Elizabeth

Meer as 100 mense is vir openbare geweldpleging en die plunder van spaza-winkels tydens betogings in Port Elizabeth gearresteer, het die Oos-Kaapse polisie Woensdag gesê.

“Die situasie in sekere van die lokasies in Port Elizabeth bly gespanne maar bestendig met die polisie wat steeds ‘n streng teenwoordigheid handhaaf,” het brigadier Marinda Mills gesê.

Volgens Mills tree die polisie met verskeie partye in gesprek wat bystand verleen aan diegene wat deur die gewelddadige betogings dakloos gelaat is.

Twee geïsoleerde gevalle het Dinsdagaand in die Soweto-langs-die-see- en KwaMagxaki-lokasies voorgekom waar ‘n Chinese winkel geplunder is.

“Terwyl die polisie op ‘n onlustoneel in Soweto-langs-die-see was, is hulle met klippe gegooi en ‘n lid het ‘n besering aan sy been opgedoen,” het Mills gesê.

Betogings het Maandagnag utigebreek nadat ‘n Somaliër in hegtenis geneem is ná hy Saterdagaand ‘n man buite ‘n winkel na bewering doodgeskiet het.

“Gedurende ons interaksie met die gemeenskappe wat hierdeur geraak word, is dit helder dat die motief vir die aanvalle op spaza-winkels nie xenofobies van aard is nie, maar ‘n misdadige element wat van die geleentheid gebruik maak,” het Mills Dinsdag gesê.

Volgens Mills het inwoners van die gebiede aan polisie gesê dat hulle geen beswaar daarteen het om tussen immigrante te werk en te woon nie, en vele het hulle gedurende die aanvalle bygestaan.

– SAPA

Aanklagte teen Somaliër in PE teruggetrek

Aanklagte voorlopig teruggetrek teen ‘n Somaliese winkeleienaar van Port Elizabeth.

Hy het na bewering ‘n 19-jarige doodgeskiet, wat gelei tot uitgebreide onluste en plundertogte.

Die winkelier is as gevolg van ‘n gebrek aan getuies in die New Brightonse landdroshof vrygelaat.

Die polisie sê hulle was onbewus daarvan dat getuies geroep sou word, sodat hulle getuies ingelig het oor die verskyning in die hof nie.

Tot ‘n honderd winkels is geplunder in Port Elizabeth se lokasies, wat tot sowat 110 arrestasies gelei het.

Polisie sê hierdie is nie xenofobiese aanvalle nie, maar is krimineel van aard. – Sapa

ANC: Polisie moet geweld in PE keer

Die polisie moet die geweld tussen Suid-Afrikaners en Somaliërs in Port Elizabeth stop, het die ANC in die Oos-Kaap, gesê.

“Enige soort geweld, insluitend plundering van winkels in besit van Somaliërs is onwettig, verkeerd en het geen plek in Suid-Afrika nie,” het die African National Congress se provinsiale sekretaris, Oscar Mabuyane in ‘n verklaring gesê.

“Die SA Polisiediens is die eerste en die laaste linie van verdediging vir ons gemeenskappe, en ons doen ‘n beroep op hulle om die wet en openbare-orde polisiëringstegnieke toe te pas om hierdie golf van geweld te stop.“

Oos-Kaapse polisie het gesê sewe mans is in hegtenis geneem die naweek vir plundering en brandstigting van Somaliërs se winkels in Port Elizabeth.

Ten minste 10 winkels in KwaZakhele en New Brighton is aangeval en ‘n voertuig gebrand.

Mabuyane het gesê die ANC in die provinsie doen ‘n beroep op inwoners in die Nelson Mandela Bay Metro om hulle te weerhou daarvan om die wet in eie hande te neem.

“Geweld sal nie help in enige situasie nie, maar sal sake net vererger vir ons mense,” het hy gesê.

Die polisie se woordvoerder in die Oos-Kaap, Miranda Mills sê die geweld het na Missionville uitgebrei waar nog agt winkels geplunder is. Nog drie mense is aangekeer.

Winkels in buitelanders se besit word geteiken. Die polisie is in New Brighton, Zwide, Missionvale, Soweto-On-Sea en Kwa Zakhele ontplooi. – Sapa

Verspreide oproer oor buitelanders, HOP-huise

Daar is steeds ‘n groot polisieteenwoordigheid by New Brighton in Port Elizabeth nadat die plunder van winkels wat aan Somaliërs behoort deur die woonbuurt versprei het.

Die Somaliërs het alles opgepak wat hulle uit hulle winkels kon red en is na veiligheid geneem.

‘n Polisiewoordvoerder, Thembi Gwe sê die geweld het na bewering begin nadat ‘n Somaliese man ‘n 30-jarige man tydens ‘n argument doodgeskiet het.

Lede van die gemeenskap het toe op ‘n stormloop gegaan en tien winkels geplunder. Drie winkels en ‘n voertuig wat buite een van die winkels geparkeer was, is aan die brand gesteek.

Die plundery het in Gunguluza- en Tintilistraat begin, maar het vinnig versprei. Die polisie monitor steeds die gebied.

Verder noord het inwoners van die Thekwane-Suid township naby Nelspruit in Mpumalanga een van die hoofpaaie na Nelspruit met brandende buitebande versper.

Die inwoners beweer dat hulle huise aan ander mense verkoop. Hulle wil hê die LUR vir huisvesting, Andries Gamede moet ingryp en ‘n oplossing vir die saak vind.

Die betoging gaan na verwagting die oggendverkeer in die Mbombela gebied ontwrig, aangesien die pad wat versper word ook die KaNyamazane township met Nelspruit verbind. – RSG

Vals kapingswaarskuwing in PE ondersoek

‘n Woordvoerder van die Suid-Afrikaanse Lugdiens, Tlali Tlali sê hulle stel ondersoek in na ‘n vals kapingskennisgewing wat gistermiddag paniek veroorsaak het op ‘n vlug wat in Port Elizabeth geland het.

Volgens Tlali is die vals kennisgewing geaktivieer vir die vlug SA 417 wat in Johannesburg opgestyg het.

Nooddienste en bykomende veiligheidspersoneel is na die lughawe in Port Elizabeth gestuur om die vlug in te wag.

Tlali sê die vliegtuig en al die passasiers is deursoek, en is veilig verklaar. Hy sê hulle wil graag uitvind waar die kapingskennisgewing vandaan gekom het.- RSG

Vyf swartes verkrag vrou voor haar seuntjie

‘n Blanke vrou van Port Elizabeth is deur vyf swart gewapende rowers in haar huis verkrag terwyl haar vierjarige seuntjie moes toekyk. Volgens ‘n plaaslike koerant in die Baai is dit “die eerste gewelddadige huisaanval waar verkragting betrokke is” sedert die aanvang van die wêreldsokkerbekertoernooi.

‘n Woordvoerder vir die polisie, adjudant-offisier Precious Timla, het gesê dat die rowers omstreeks 3-uur vm. deur ‘n venster van die kothuis in ‘n tuin toegang verkry het.

Die vrou van Pekingstraat, Morningside is deur die geluid van stemme in die kothuis wakker gemaak. “Die volgende oomblik het die (swart) mans haar op die bed vasgedruk,” het Timla gesê. “Hulle het ‘n pistool teen haar kop gehou en haar bankkaarte en pinnommer geëis voordat hulle beurte geneem het om haar te verkrag terwyl haar seun dit in die vertrek moes aanskou.”

Blykbaar is ‘n mes ook teen die vierjarige seuntjie se keel gehou om sy ma te dwing om saam te werk.

Die geweldenaars het gedreig om haar seun as gyselaar aan te hou terwyl hulle bank toe gaan om die geld te trek, maar die vrou kon hulle oorreed om hom agter te laat.

“Ons is nie seker wat tussen haar en die rowers gebeur het nie, maar hulle het uiteindelik die kind agtergelaat,” het Timla gesê.

Hoewel daar geen tekens van ‘n inbraak is nie, het ‘n polisiebron gesê dat die vensters oud is en nie behoorlik toemaak nie, dus kon die rowers maklik deur een van hulle ingekom het.

Sommige aanvallers het weer deur die venster uitgeklim terwyl ander deur die agterdeur vertrek het. Die vensterskarniere is los en het geklap toe die rowers uitgeklim het, wat die huiseienaar op dieselfde perseel wakker gemaak het.

Hy het opgestaan om ondersoek in te stel en het die vlugtende swartes skrams gesien. “By die kothuis gekom, het hy die vrou huilende op die bed gevind,” het die bron gesê.

Die polisie is onmiddellik ontbied.

Volgens Timla is “drie van die mans met pistole gewapen, terwyl ‘n vierde blykbaar ‘n speelgoedpistool by hom het”.

Die erg geskokte vrou is na die hospitaal geneem en later ontslaan. “Die vrou is hoogs emosioneel en erg getroumatiseer,” het die polisieman gesê. “Haar seuntjie is ook baie ontsteld oor die voorval.”

Данильченко Харьков