Suider-Afrika – praag.co.za

Waarnemerspan na Zambië waar verkiesingstryd warm word

‘n Waarnemersending, SEOM, van die SAOG het in Lusaka, Zambië, aangekom om te verseker dat die land se presidentstussenverkiesing op 20 Januarie vreedsaam, vry en regverdig verloop.

Maite Nkoana-Mashabane, Suid-Afrika se minister van internasionale betrekkinge en samewerking wat die waarnemerspan lei, het in Lusaka gesê SEOM sal hom deur die grondwetlike waarborge van vryheid en die regte van die burgers laat lei.

Sy sê altesaam 65 waarnemers sal landwyd ontplooi word om toesig oor die kiesproses te hou. Hulle sal ook ná afloop van die verkiesing seker maak die uitslag word aanvaar en gerespekteer, en sou dit betwis word, verseker dat die proses kragtens wetgewing geskied.

Die verkiesing is ingevolge dié land se grondwet afgekondig en gee gehoor aan die bepaling dat ’n tussenverkiesing binne 90 dae ná ’n president se afsterwe gehou moet word.

Die Zambiese staatshoof, pres. Michael Sata (77), is op 28 Oktober verlede jaar ná ’n kort siekbed in Londen oorlede, waarna die 70-jarige Guy Scott, ‘n witte, die leisels oorgeneem het. Hy was voorheen die adjunkpresident.

Scott kan egter nie president word nie weens ’n konstitusionele bepaling wat hom verhoed omdat sy ouers nie in Zambië gebore is nie.

Zambiërs het in November teen Scott betoog toe hy probeer het om Edgar Lungu, sekretaris-generaal van die Patriotiese Front (PF), af te dank. Honderde Lungu-ondersteuners het oornag na Lusaka opgeruk. Lungu staan midde in die opvolgstryd.

Talle Zambiërs glo Scott se poging om Lungu af te dank, was om Lungu se kanse om die PF se presidentskandidaat te word in die wiele te ry. Scott is glo ’n bondgenoot van Wynter Kabimba, ’n voormalige minister van justisie en Lungu se teenstander.

Dokumente wat toon hoe Lungu skuldig bevind aan professionele wangedrag deur die Wetlike Vereniging van Zambië nadat hy geld uit ‘n kliënt se rekening gesteel het wat hy beweer hy het verteenwoordig, het opgeduik in die media.

Lungu is ook die land se minister van verdediging. Hy is deur Sata uitgesonder as ’n tussentydse leier voordat Sata die land verlaat het om mediese behandeling in Londen te ontvang.

Regering vergader oor Zim-bedeling

‘n Dringende vergadering om die dokumentasie te bespreek van Zimbabwiërs wat in Suid-Afrika woon, word vir vandeesweek beplan, het binnelandse sake se woordvoerder Ronnie Mamoepa gister gesê.

Hy het gesê die besonderhede van die vergadering met die verteenwoordigers van Zimbabwiese inwoners in SA sou met verloop van tyd vrygestel word.

“Die vergadering sal hierdie week gehou word. Sedert die aankondiging deur die kabinet dat Zimbabwiërs wat in SA lewe gedokumenteer moet word, het daar ‘n groot mate van verwarring en verkeerde inligting veral van NRO’s en [sogenaamde] immigrasiedeskundiges ontstaan, wat daarop gerig is om verwarring onder Zimbabwiërs in die land te saai,” het hy gesê.

Hy het gemeen die suggestie dat Zimbabwiërs en masse na Zimbabwe sal moet terugkeer om die dokument te bekom, is “ver van die waarheid af”.

Hy het gesê daar is ‘n ooreenkoms tussen Pretoria en Harare dat die Zimbabwiërs die Zimbabwiese ambassade in Pretoria moegt nader of konsulate in Johannesburg of Kaapstad wat hul besonderhede sou afneem.

Die kabinet het Donderdag aangekondig dat ‘n spesiale bedeling vir Zimbabwiërs teruggetrek is.

Die bedeling – wat in April verlede jaar in werking getree het – het aan Zimbabwiërs wat Suid-Afrika binnekom die reg verleen om in die land te woon, werk te soek, ‘n opvoedkundige fasiliteit by te woon en toegang tot basiese gesondheidsorg vir ses maande te bekom.

Die bedeling sou op 31 Desember verval.

Nie-regeringsorganisasies het gesê die besluit om die bedeling op te hef sou tot massadeportasie lei vir diegene wat nie die middele het om die wettige permit te verkry nie.

free slots no deposit uk

Staatsdienswerkers begin met staking

Staatsdienswerkers het Woensdag met ‘n landswye staking begin om op beter lone aan te dring en sê hulle geduld is besig om op te raak.

“Ons het geduldig probeer om die werkgewer te oortuig om ‘n hersiene aanbod aan te bied,” het Cosatu en die Onafhanklike Arbeidskoukus (ILC) Dinsdag in ‘n gesamentlike verklaring gesê.

“Die staking van staatsdiensvakbonde sal voortgaan totdat die werkgewer aan die werknemers se eise voldoen.”

Stakings sal by “al ons werkstasies” plaasvind terwyl massa-optogte regoor die land vir 26 Augustus beplan word.

Nomusa Cembi, woordvoerder vir die South African Democratic Teachers’ Union (Sadtu), het gesê dat meeste van hul 245 000 lede na verwagting aan die staking sal deelneem.

Sadtu het stakende onderwysers aangemoedig om nie ander te intimideer nie ná gerugte van ontwrigtings van klaskamers in die Vaaldriehoek vroeër vandeesweek.

topcargo кидалы

Chaos by Durban-lughawe ‘het vele oorsake’

Die lughawemaatskappy van Suid-Afrika (Acsa) het gister allerlei redes aangebied vir die chaos by die Koning Tsjaka-lughawe wat veroorsaak het dat honderde sokkergeesdriftiges die halfeindrondte van die wêreldsokkerbeker in Durban misgeloop het. ‘n Rekenaarstelsel, die weer en privaatstralers wat die parkeerruimtes beset het, is onder andere daarvoor geblameer.

Die sentrale lugruimbeheereenheid, wat die beweging van vliegtuie na en van lughawes beheer, het Woensdag tussen 16:00 en 20:00 foutief geraak, wat veroorsaak het dat lugbeheerdienste gleuwe na gelang van eerste aankoms begin toeken het, het ‘n woordvoerder vir Acsa, Solomon Makgale in ‘n verklaring gesê.

Die stelsel het tot Woensdag “volmaak” gefunksioneer.

“Privaatoperateurs het die situasie uitgebuit en in sekere gevalle gleuwe opgeneem wat nie aan hulle toegeken was nie…”

Soos wat lugverkeer gedurende die dag toegeneem het, is vliegtuie wat rondom 12:00 namiddag wou land, vir 20 minute vertraag weens lae wolke, wat die sig belemmer het.

Die gevolglike toename in lugverkeer in die Durbanse lugruim was so hoog dat kontroleurs teen 14:00 besluit het om lurgruimbeperkings in te stel. Dit het beteken dat geen vliegtuie na Durban vir 30 minute kon opstyg nie.

Toe beperkings rondom 17:00 opgehef is, het agt privaatvliegtuigoperateurs wat geland het in gebreke gebly om instruksies na te kom om na ander lughawens in die omgewing te vertrek.

“Dit het dit onmoontlik gemaak vir ander vliegtuie om na die lughawe te vlieg aangesien die vliegtuigparkeerruimtes beset was.

150 meer as gewoonlik

Gevolglik is ses geskeduleerde vlugte – van SAL, Kulula en British Airways – gedwing om hetsy na hul basis terug te keer, hetsy na ander lughawens te vlieg, wat ongeveer 600 passasiers verhoed het om by die sokkerwedstryd tussen Duitsland en Spanje by die Moses Mabhida-stadion uit te kom.

Die bedryfshoof van Acsa, Themba Maseko, het gesê dat daar op ‘n normale dag omtrent 100 vliegtuie by die Koning Tsjaka-lughawe land. Woensdag was daar egter 250.

Die vlieëniers van privaatvliegtuie, waarvan vele BBP’s aan boord had, het geweier om die vasgestelde prosedure te volg om hul passasiers af te laai voordat hulle na die ou Durbanse Internasionale Lughawe moes vertrek om te parkeer.

“Ek blameer nie die BBP’s nie. Die mense wat die probleem veroorsaak het, was die mense wat die vliegtuie gevlieg het,” het Maseko gesê.

Volgens hom het die vlieëniers begin om hul vliegtuie te verskuif toe Acsa met optrede teen hulle begin dreig het, maar toe was dit al te laat.

Die besturende direkteur van Acsa, Monhla Hlahla, het Suid-Afrikaners en geesdriftiges wat die wedstryd wou sien om verskoning gevra.

“Dit spyt ons dat hierdie voorval die heuglike bui in die land bederf het en ‘n vlek gelaat het op die uitmuntende pogings wat in die voorbereiding en fasilitering van lugverkeer gedurende dié luisterryke toernooi aangewend is.”

Sowel die wêreldsokkerliggaam FIFA as die 2010-organiseringskomitee het Donderdag hul hande in onskuld oor die chaos gewas.

Die voorsitter van die plaaslike organiseringskomitee, Irvin Khoza, het gesê sy liggaam neem geen verantwoordelikheid vir die chaos by die lughawe nie.

Die sekretarisgeneraal van FIFA, Jerome Valcke, het tydens ‘n mediakonferensie in Sandton, Johannesburg, gesê: “Ek wil dit duidelik maak dat dié probleem niks met FIFA te make het nie.”

Khoza het bygevoeg: “Dit was nie ons fout nie. Ons is jammer dat dit gebeur het maar kan nie verantwoordelik gehou word vir vliegtuie wat nie in Durban kon land nie.”справка о болезни

90% van ‘hervormde’ grond onproduktief

Negentig persent van grond wat aan sogenaamde “ontluikende” swart boere uitgedeel word, is tans onproduktief. Die ANC-regering het ook nagelaat om R3,4 miljard se toelaes aan die ontvangers van grondhervorming uit te betaal, met potensiële gevaarlike gevolge, het die minister van landelike ontwikkeling en grondhervorming Gugile Kkwinti gister gesê.

Ontvangers het in 389 gevalle nie hul toelaes ontvang nie, het die minister op ‘n parlementêre vraag van die DA gesê.

“Grondbesettings kan plaasvind waar ontvangers nie plase kan betrek as gevolg van oponthoude met uitbetalings nie,” het hy gesê.

Nkwinti het gesê Mpumalanga is die provinsie wat die meeste deur die gebrekkige uitbetalings geraak word, met 173 hervormingsprojekte wat steeds R2,6 miljard “geskuld” word.

Hierna volg die Oos-Kaap, waar 49 projekte vir R395 miljoen van die staatskas wag. In die Wes-Kaap, word 17 projekte R196 miljoen geskuld. Sekeres van diegene wat vir geld wag is families wat uit Distrik Ses gesit is.

Nkwinti het aangetoon dat toelaes nie direk aan begunstigdes deur sy ministerie betaal word nie, maar oorgedra word aan ‘n “genomineerde agent”, wat in die meeste gevalle die tersaaklike munisipaliteit is, soos bepaal deur die Wet op Openbare Finansiële Bestuur.

Die minister het geen redes vir die teruggehoue betalings aangevoer nie.

Hy het ook op ‘n vraag deur die DA onthul dat die departement boonop R268 miljoen aan deposito’s op grondrestitusieprojekte.

Die departement het 972 473 hektaar grond vir restitusiedoeleindes oor die laaste drie jaar in 1 300 transaksies gekoop, maar in sekere gevalle kon dit nie aktevervaardigers se trusts betaal nie wat 50% deposito’s verlang het.

“Betalings kon nie gemaak word met betrekking tot sekere van die ooreenkomste nie weens begrotingstekorte in die 2008/09 en 2009/10-finansiëlejare.”

In Maart het Nkwinti laat blyk dat die ANC-bewind se grondhervormingsprogramme nie volhoubaar was nie en het bevestig dat die teiken om 30% van landbougrond teen 2014 aan swart boere oor te dra nie gehaal sal word nie.

Hy het onthul dat ten minste nege uit tien “ontluikende boere” wat grond onder die regering se grondhervormingsbeleid ontvang het nie ‘n kommersiële sukes van hul plaasgrond kon maak nie.

‘n Totaal van 5,9 miljoen hektaar is sedert 1994 herversprei, maar 90% van daardie grond is nie produktief nie.

In reaksie op die probleem beplan die ANC-bewind om vanjaar miljoene rande daaraan te bestee om die mislukkende plase te herkapitaliseer.

Nkwinti het gesê dat grondrestitusie en -herverspreiding word deur ‘n gebrek aan kapasiteit in die wiele gery aan die kant van diegene wat grond ontvang het en weerhou hulle daarvan om “aan te hou om effektief en optimaal op die grond te produseer”.

In Maart het Nkwinti tydens sy begrotingsstemming in die nasionale vergadering kommer in landbougeledere gewek toe hy aangekondig het dat hy binnekort in ‘n groenskrif ‘n drieledige stelsel van grondbesit gaan voorstel wat dit vir blanke boere moeilik of onmoontlik sal maak om grond te besit.

Hy het ontken dat dit beteken dat nasionalisering van grond vir die land voorlê.

Mandela ontmoet Ghana se sokkerspan

Met president Zuma en ander wat gaande oor die Ghanese sokkerspan is, het ook Nelson Mandela besluit om “die Swart Sterre” te besoek, volgens sy stigting wat gister ‘n verklaring uitgereik het.

“Nelson Mandela is vanmiddag aan lede van die Swart Sterre-sokkerspan en hul bestuurder, afrigter en tegniese span by sy huis in Houghton voorgestel,” het die woordvoerder vir die Nelson Mandela-stigting, Sello Hatang, gesê.

Die span het vroeër vir Winnie Madikizela-Mandela en haar familie by haar huis in Soweto ontmoet, het hy gesê.

Mandela het ‘n brief gestuur waarin hy die span sterkte in hul wedstryd teen Uruguay Vrydagaand toegewens het.

Hy het gesê Ghana het die hele vasteland goed verteenwoordig en hoewel hulle nie vir halfeindrondte gekwalifiseer het nie, kon hulle kop omhoog terugkeer huis toe.

Мордвинов

Amerikaanse toeris in Johannesburg geskiet

‘n Amerikaanse toeris is tydens ‘n rooftog in Johannesburg geskiet, net nadat hy van die Gautrein afgeklim het om sy vakansie in Suid-Afrika te begin.

‘n Woordvoerder vir die polisie, luitenantkolonel Leon Engelbrecht van die Wêreldbeker-gesamentlike-operasiesentrum, het gesê die 35-jarige David Bueche is aangerand en in die arm geskiet nadat hy Marlboro-stasie net ná 21:00 Woensdagaand verlaat het.

“Hy het in Northwaystraat van die Gautreinstasie na ‘n jeugherberg gestap,” het Engelbrecht gesê. “Hy is aangerand, geskiet en beroof deur vier mans in ‘n onbekende voertuig.”

Bueche het so pas die land aangekom en het die Gautrein van Johannesburg-lughawe na die Marlboro-stasie geneem. Hy is na die Sunninghill-kliniek geneem waar sy toestand as stabiel beskryf word.

“Hy is met vakansie hier en nie vir die wêreldbeker nie,” het Engelbrecht gesê.

Geen inhegtenisnames het nog geskied nie.deposit free

Volksmoordaanhitsing kring wyer uit

Teksboodskappe waarin swartes aangehits word om blankes te vermoor en agterna “video’s daarvan op YouTube te plaas” word landwyd versend en werkers by ‘n onderneming op Tzaneen het dit aan hul werkgewer kom toon.

Gerugte dat daar ná die wêreldbeker aanvalle op sowel blankes as buitelandse swartes mag plaasvind, loop tans wyd. ‘n Praag-verslaggewer het Zimbabwiese kelners in Johannesburg hieroor ondervra en elkeen het spontaan bevestig dat daar groot kommer onder buitelandse swartes heers oor wat ná die sokkerwêreldbeker mag plaasvind.

Dieselfde vrese as in Johannesburg is deur Zimbabwiërs bevestig wat op verskillende dorpe in die Limpopo-provinsie ondervra is.

Blankes se ‘gunstelinge’

Op die vraag waarom Suid-Afrikaanse swartes veral Zimbabwiërs haat, is geantwoord: “Hulle sien ons as die blankes se gunstelinge. Ons werk harder en daarom verkies ondernemings en restaurante om ons aan te stel. Ons gaan lê ook nie klagtes by die Kommissie vir Versoening, Bemiddeling en Arbitrasie nie. Die Suid-Afrikaners is vas oortuig dat ons hulle van werk ontneem.”

Zimbabwiërs ondersteun oor die algemeen die Suid-Afrikaanse sokkerspan of ander Afrikaspanne. Maar sodanige steun maak blykbaar geen verskil aan die xenofobiese gevoelens wat Suid-Afrikaanse swartes teenoor buitelanders koester nie.

“Die Suid-Afrikaners is lui. Hulle kan nie met ons meeding nie en daarom wil hulle ons uit die land verdryf,” sê Maria, ‘n Zimbabwiër wat in Bellevue, Johannesburg saam met haar man en twee kinders woon.

“Die Suid-Afrikaners word ook deur die blankes bedreig,” gaan sy voort. “Ons het aan die ander kant ‘n baie goeie verhouding met die Suid-Afrikaanse blankes. Hulle is intelligent en ondernemend. Ons voel glad nie deur hulle bedreig nie en word oor die algemeen goed behandel. Maar elke dag as ek die taxi werk toe neem, vrees ek vir my lewe tussen die Suid-Afrikaanse swartes.”

Sy sê die polisie dreig Zimbabwiërs gereeld en daarom meen sy die aksie word deur die leierskap in die ANC gedryf.

topcargo

Vyf swartes verkrag vrou voor haar seuntjie

‘n Blanke vrou van Port Elizabeth is deur vyf swart gewapende rowers in haar huis verkrag terwyl haar vierjarige seuntjie moes toekyk. Volgens ‘n plaaslike koerant in die Baai is dit “die eerste gewelddadige huisaanval waar verkragting betrokke is” sedert die aanvang van die wêreldsokkerbekertoernooi.

‘n Woordvoerder vir die polisie, adjudant-offisier Precious Timla, het gesê dat die rowers omstreeks 3-uur vm. deur ‘n venster van die kothuis in ‘n tuin toegang verkry het.

Die vrou van Pekingstraat, Morningside is deur die geluid van stemme in die kothuis wakker gemaak. “Die volgende oomblik het die (swart) mans haar op die bed vasgedruk,” het Timla gesê. “Hulle het ‘n pistool teen haar kop gehou en haar bankkaarte en pinnommer geëis voordat hulle beurte geneem het om haar te verkrag terwyl haar seun dit in die vertrek moes aanskou.”

Blykbaar is ‘n mes ook teen die vierjarige seuntjie se keel gehou om sy ma te dwing om saam te werk.

Die geweldenaars het gedreig om haar seun as gyselaar aan te hou terwyl hulle bank toe gaan om die geld te trek, maar die vrou kon hulle oorreed om hom agter te laat.

“Ons is nie seker wat tussen haar en die rowers gebeur het nie, maar hulle het uiteindelik die kind agtergelaat,” het Timla gesê.

Hoewel daar geen tekens van ‘n inbraak is nie, het ‘n polisiebron gesê dat die vensters oud is en nie behoorlik toemaak nie, dus kon die rowers maklik deur een van hulle ingekom het.

Sommige aanvallers het weer deur die venster uitgeklim terwyl ander deur die agterdeur vertrek het. Die vensterskarniere is los en het geklap toe die rowers uitgeklim het, wat die huiseienaar op dieselfde perseel wakker gemaak het.

Hy het opgestaan om ondersoek in te stel en het die vlugtende swartes skrams gesien. “By die kothuis gekom, het hy die vrou huilende op die bed gevind,” het die bron gesê.

Die polisie is onmiddellik ontbied.

Volgens Timla is “drie van die mans met pistole gewapen, terwyl ‘n vierde blykbaar ‘n speelgoedpistool by hom het”.

Die erg geskokte vrou is na die hospitaal geneem en later ontslaan. “Die vrou is hoogs emosioneel en erg getroumatiseer,” het die polisieman gesê. “Haar seuntjie is ook baie ontsteld oor die voorval.”

Данильченко Харьков

Zim-leiers maak geld uit ‘bloeddiamante’

Zimbabwe se politieke en militêre elite gebruik geweld en hul bande met maatskappye om die land se diamantskat te ontgin, sê ‘n nuwe verslag wat vandag deur die aksiegroep Global Witness in Londen uitgereik is.

Die groep kritiseer ook die sogenaamde Kimberley-proses se sertifiseringskema, wat geskep is om die verkoop van bloeddiamante te verhoed, weens die swak reaksie op die probleme in Zimbabwe se diamantnywerheid.

Die verslag verskyn op die vooraand van die volgende vergadering van die Kimberley-groep in Israel aanstaande week waar Zimbabwe waarskynlik samesprekings gaan oorheers.

“Oor die afgelope drie jaar het die nasionale weermag (van Zimbabwe) skokkende vergrype teen burgerlikes in die Marange-diamantveld gepleeg,” sê Elly Harrowell, ‘n aktivis van Global Witness.

“Niemand is vir dié misdade aangekla nie en nou blyk dit dat die gesamentlike ondernemings wat geskep is om toestande te verbeter direkte bande met Zanu-PF en die militêre elite het.”

Zanu-PF regeer Zimbabwe as deel van ‘n eenheidsregering met die Beweging vir Demokratiese Verandering.

Die nuwe beleggingstransaksies toon “‘n gevaarlike mate van ondeursigtigheid”, het Harrowell gesê.

“Dit laat die deur wyd oop vir staatsplundery en -korrupsie, asook die reële moontlikheid dat internasionaal gesertifiseerde diamante hernieude politieke geweld in Zimbabwe kan finansier.”

Global Witness het insgelyks die Kimberley-proses gekritiseer vir die aanvaarding van ‘n “swak kompromie-ooreenkoms”, pleks van Zimbabwe te skors vir wat beskryf word as flagrante oortredeings van die Kimberley-reëls.

‘n Verslag van die Kimberley-sertifiseringskema wat verlede week deur Agence France-Presse bekom is, het gesê Zimbabwe hou hom nou by die minimum-menseregtestandaarde in sy diamantvelde, waarmee die land ‘n stap nader daaraan gekom het weer internasionale handel in die edelstene te hervat.

“Global Witness doen ‘n beroep op internasionale regerings om Zimbabwe van die Kimberley-prosesskema uit te sluit totdat die land kan bewys dat sy diamante nie geweld en menseregteskendings finansier nie,” meen die groep.

Mugabe het besluit om aan die Kimberley-proses te onttrek indien die land nie toegelaat word om sy diamante te verkoop nie.uk online topcargo развод

Polisie wil stadionbetogers arresteer

Die Durbanse polisie het die onderneming gegee dat diegene in hegtenis geneem sal word wat ‘n betoging by die Moses Mabhida-stadion Sondagaand gelei het.

“Ons doen nog ondersoek en ons glo dat sommiges mense binnekort in hegtenis geneem sal word omdat hulle aan ons bekend is,” het brigadier Phindile Radebe gesê.

Volgens Associated Press het omtrent 300 veiligheidswagte ná die wedstryd tussen Duitsland en Australië oor lae lone betoog. AP het een van die veiligheidswagte, Fanak Falakhebuengu aangehaal waar hy gesê het dat hulle R1500 per dag belowe is, maar slegs R190 ontvang.

“Hulle was veronderstel om ons 1 500 te betaal, dis wat FIFA gesê het en hulle het ons 190 gegee.”

Radebe het gesê die toeskouers het reeds die stadion verlaat toe die betoging begin het.

“Die polisie het daarin geslaag om hulle weg van die stadion te verskuif, maar hulle het weer bymekaar gekom en met die betoging aangehou.”велосипед детский топкарго отзывы

CDP geskok oor aanval op Portugese mediakontingent

“Ons is geskok en met afgryse vervul met die nuus dat ‘n Portugese mediaspan in hul vier ster gastehuis naby Fourways beroof is,” sê ds. Theunis Botha, leier van die Christen-Demokratiese Party (CDP) en waarnemende voorsitter van die Christen-Demokratiese Alliansie (CDA).

“Nog voor die Fifa-toernooi se amptelike opening, word toeriste aan die land verwelkom asof dit die land van geleenthede – vir die misdadigers – is. Die Sentrale Dwelmagenskap verwag 40 000 prostitute net in die Johannesburg-omgewing alleen, meestal uit Zimbabwe. (Agtergrondberig hieronder). Dit noop ‘n mens om te sê die land wat eens die land van melk en heuning was, is nou die land van misdaad en prostitusie.

“Drie joernaliste van Portugal wat in ‘n gastehuis by Magalliesburg ‘tuis’ was is van hul kameras, skootrekenaars, paspoorte ens beroof. Die een moes in die loop van ‘n vuurwapen vaskyk, terwyl die ander twee tydens die voorval geslaap het.

“Die CDP maak van die geleentheid gebruik om namens die Suid-Afrikaners wat by hul volle positiewe is, die slagoffers om verskoning te vra en besoekers vooraf te waarsku wat moontlik op hulle wag.

“Moontlik sal die polisie nou ‘n slag daad by die woord voeg en die misdadigers aankeer en die gesteelde goedere terugvind.

“As die negatiewe publisiteit waaronder Suid-Afrika nou oorsee deurloop as maatstaf geneem word, en wat meestal verband hou met prostitute, Zuma se sekslewe en Malema se manewales, is hierdie nuus dit waarsonder die land goed kan klaarkom.

“Ons vertrou dat die regering nou sal besef dat misdaad, en nie die Afrikaner of Christene of enige groep wat vir diskriminerende praktyke uitgesonder word nie, die land se werklike vyande is.

отзывы хорватия прокурор Фильчаков

ANC-jeug vaar uit teen ‘mal Afrikaner’

Die ANC-jeugliga is gewalg deur die “kranksinnigheid” van “‘n sekere” Afrikanerboer wat na bewering ‘n klag van volksmoord teen sy leier Julius Malema by die internasionale geregshof gelê het.

“Die ANC-jeugliga is gewalg deur die aandagsoekende sentimente en kranksinnigheid van ‘n sekere Afrikanerboer van Rustenburg wat na bewering ‘n klag by die internasionale geregshof gelê het oor die sing van vryheidsliedere in Suid-Afrika deur Suid-Afrika se bevrydingsbeweging wat deur die ANC gelei word,” het die liga in ‘n verklaring gesê.

Die ANC-jeugliga het gesê die lê van die klag is ‘n poging deur “regse elemente” om hom van sy vernaamste politieke programme te laat afwyk.

“Die kwessie van vryheidsliedere is tans voor die Suid-Afrikaanse howe, wat ‘n tussentydse bevel gelewer het oor die sing van sekere vryheidsliedere tot tyd en wyl die ANC suksesvol sy stryd- en bevrydingsliederfenis gaan verdedig.”

Die liga het gesê dat hy nog nooit in misdaadaktiwiteit betrokke was nie omdat hy daarvan bewus is dat sodanige aktiwiteit die “vryheid” sou ondermyn waarvoor sy “voorgangers” met hul lewens geveg het.

“As daar mense bestaan wat volksmoord teen ons mense gepleeg het, is dit die Afrikaners wat vele vryheidsvegters en onskuldige Suid-Afrikaners geslag het om die rassistiese apartheidsbewind vir baie jare te beskerm en ons het hulle daarvoor vergewe.

“Die beweerde klag by die internasionale geregshof het vanuit mediaberigte onder ons aandag gekom en geen kommunikasie is aan ons deur die internasionale strafhof gestuur nie.

“Ons is meer as seker dat die internasionale strafhof hom nooit aan ‘n sekere Afrikaner se onnoselheid en onsekerheid steur nie en behoort eerder te fokus op die vervolging van oorloë wat deur imperialiste geborg word en wat steeds in die wêreld plaasvind.”

Die liga het gesê dat hy as ‘n beginselsaak alle Suid-Afrikaners aanmoedig om te waak teen regse agents provocateurs, “waarvan die meeste begunstigdes van ‘n rassistiese moorddadige apartheidsbewind is”.

Malema “Hulle maak herhaaldelik misbruik van die regte waarvoor die bevrydingsbeweging geveg het ten einde ons aandag van ernstige kwessies rondom die ekonomiese emansipering van die swart meerderheid en Afrikane in die besonder af te lei. Ons word nooit geskud nie.

Volgens ‘n berig gister in Beeld, het ‘n onbekende boer van Rustenburg en gesin Suid-Afrika verlede week verlaat uit vrees vir hul veiligheid nadat hy besluit het om die klag teen Malema te lê.

Hul prokureur, Fanie van der Walt, het gesê dat die beskuldigings teen Malema Maandag op skrif aan die internasionale strafhof in Den Haag, Nederland, gestuur is.

Die klagtes hou verband met Malema se singery van “skiet die Boer”, wat deur die Rustenburgse boer geïnterpreteer word as aanhitsing van jeugliga-ondersteuners om volksmoord teen Afrikanerboere te pleeg.

Kort nadat Malema deur die ANC betig is, het die woorde van die liedjie verander na “soen die Boer”.

липецк жгуты Лобановский

Deel van Vrystaatse Cope-leierskap sê openlik steun aan Shilowa toe

“Die Shilowa Express loop sterk, en die nasionale kongres van Cope gaan voort.”

So is ’n nuuskonferensie van ‘n deel van Cope se Vrystaatse tussentydse provinsiale leierskapgroep ingelui.

Dié nuuskonferensie is belê om steun aan die Shilowa-groep toe te sê wat wil hê die nasionale konferensie moet voortgaan soos die grondwet en beplanning tot dusver behels het. “Daar sal Vrystaatse afgevaardigdes by die kongres wees, al besluit die tussentydse bestuur om die kongres te boikot,” aldus mnr. Mahlomola Ralebesi, een van die groep Shilowa-ondersteuners.

Nog ‘n bekende op die nuuskonferensie was me. Gertrude Mothupi.

“Die omspringery (van Lekota se ondersteuners) oor die nasionale konferensie het eers gekom nadat ‘n oudit van takke gedoen is en dit aan die lig gebring het dat die Leokota-groep te min steun gaan hê om te keer dat Shilowa-groep koning kraai. Boonop meen die groep Cope moet nou ‘n beleid kry sodat besluit kan word of genoeg raakvlakke bestaan om aan opposisie-aliansiepolitiek deel te neem.

Hoewel die groep erken dat verskeie blankes bedank het, meen hulle nie die bedankings is so omvangryk dat dit die aanvanklike euforie oor ‘n werklike nie-rassige party gaan ondermyn nie.

Лобановский Харьков