Etiket: den haag

Oorsese betogings teen Afrikanervolksmoord nou ‘groter as anti-apartheidsbeweging’

Gister het daar ‘n betoging teen plaasmoorde en die uitwissing van die Afrikanervolk voor die Suid-Afrikaanse ambassade in Den Haag plaasgevind en vanoggend is ‘n soortgelyke optog in Adelaide, Australië gehou. Dit het dr. Dan Roodt van PRAAG genoop om te twiet dat “die wêreldwye betogings teen #plaasmoorde en #volksmoord in SA is nou groter as wat anti-apartheid ooit was”.

Nederlandse vlae, maar ook die Vierkleur van die ou ZAR is tydens die betoging geswaai. Dit volg op ‘n vorige betoging op 24 Maart vanjaar voor dieselfde Suid-Afrikaanse ambassade in Den Haag wat deur die “Nederlands Actiecomité tegen de blanke genocide in Zuid Afrika” gereël is.

PRAAG het vooraf een van die drie sprekers, mevrou Arine Prins bygestaan om die heel jongste statistiek oor plaasmoorde te bekom. Sy was eens in Suid-Afrika woonagtig, maar het na Nederland teruggekeer nadat haar eggenoot, Peet, verlede jaar op ‘n plaas naby Barberton deur vyf swartes doodgemartel is. Sedertdien is sy betrokke by aktivisme teen plaasmoorde en volksmoord in Suid-Afrika.

Die betoging in Adelaide, Suid-Australië het vanoggend voor die provinsiale parlementsgebou plaasgevind. Ook daar was die twee hooftema plaasmoorde en die uitwissing van die Afrikanervolk.

Die toneel vanoggend in Adelaide, waar uitgeweke Suid-Afrikaners teen plaasmoorde en rassisme teen blankes betoog het.

Omtrent vyftig Nederlanders, Vlaminge en Afrikaners het die betoging in ń sonnige Den Haag bygewoon. Ná die toespraak deur drie sprekers voor die Suid-Afrikaanse ambassade, het die betogers na die Koekamp, ‘n klein parkie in die middestad, gestap. Baniere met die woorde, “Afrikaans sal bly”, “Stop die moorde” en “Stop Afrikaner Genocide” is gedra.

In haar toespraak het Arine Prins teen sowel plaasmoorde as die onteiening van grond uitgevaar. “Julius Malema sing in die openbaar ‘Kill a Boer’. Hulle is trots daarop om so vinnig as moontlik die blanke boere (wat die voorraadskuur van die Suid-Afrikaanse voedselbedryf verteenwoordig) af te slag en hul boerderye te stroop. As die boere hulself probeer beskerm en terugskiet, word hulle direk aangekla en in die gevangenis gegooi.”

Mevrou Prins het gevra dat daar ekonomiese sanksies teen Suid-Afrika ingestel word en dat toeriste teen die gevaar in die land gewaarsku moet word.

Sy het haar ook teen enige vorm van grondhervorming of -onteiening uitgespreek deur te sê: “Die regering verkoop grond waarop daar eise was en wat geslagte lank deur families bewerk en bewoon is. Dit staan nie in die koerant nie. Die regering verkoop renosterhoring aan die Chinese. Al die arme renosters, waarvoor daar geld hier deur skoolkindertjies ingesamel word, dit staan ook nie in die koerant nie.”

Die groep sal later vanjaar nog ‘n betoging reël teen grondonteiening, om die saak soveel moontlik onder die aandag van die Nederlandse publiek te hou.

Tydens die hoogbloei van die anti-apartheidsbeweging het klein groepies betogers in die buiteland soms voor SA ambassades betoog. Maar dit is gerugsteun deur miljoene dollar wat deur die regerings van Swede, Kanada, Nederland en ander geskenk is en was daarom nie spontaan nie. Tans bars daar egter regoor die Westerse wêreld gereelde betogings teen die ANC-bewind en geweld teen die Afrikaner- en Westerse minderheid in Suid-Afrika los.

Rusland onttrek aan Internasionale Strafhof

Rusland het amptelik onttrek aan die Internasionale Strafhof se stigtingsverordening, het die Kremlin se webblad aangekondig.

Die besluit is geneem ‘n dag nadat ‘n verslag uitgereik is waarin Rusland se inlywing van die Krim as ‘n “besetting” geklassifiseer word, terwyl die skiereiland se toekoms deur ‘n referendum beslis is.

Die Russiese minister van buitelandse sake het die aankondiging in opdrag van pres. Wladimir Poetin gedoen en gesê die tribunaal het nie aan die internasionale ­gemeenskap se verwagtinge voldoen nie.

Rusland het die Verdrag van Rome in 2000 onderteken, maar nie bekragtig nie.

Die Verenigde Nasies sal in kennis gestel word van die Russiese besluit, in die nasleep van ‘n soortgelyke besluite deur Gambië, Suid-Afrika en Burundi.

Zeid Ra’ad al-Hussein, die VN se hoëkommissaris vir Menseregte, het ‘n beroep op alle lande gedoen Woensdag om te bly. Die hof se toekoms en aansien is ‘n swaar slag toegedien deurdat lande die bestaan van die instelling in twyfel trek.

Slegs verweerders uit Afrika is voor die hof gedaag en ‘n aantal sleutellande, waaronder die VSA, China, Indië, Pakistan, Indonesië en Turkye het nie die verdrag onderteken nie.

Soos Rusland, het Egipte, Iran en Israel die Verdrag onderteken, maar versuim om die ooreenkoms te bekragtig, wat beteken dat hul regerings in elk geval nooit vervolg kan word deur die hof nie.

Ban Ki-Moon soebat by Zuma oor Strafhof

Teenkanting teen die Internasionale Strafhof het duideliker geword tydens ‘n debat oor die Strafhof se jaarverslag wat in die Verenigde Nasies se Algemene Vergadering gelewer is.

Suid-Afrika het nie aan die debat deelgeneem nie. Die VN-sekretaris-generaal, Ban Ki-Moon het President Jacob Zuma die naweek in ‘n telefoniese gesprek probeer oorreed om die besluit te heroorweeg.

Talle Afrika-lande het hulle tydens die ope debat teen lande in Europa, Asië en Latyns-Amerika uitgespreek, maar ander het hul voortgesette steun toegesê aan die Strafhof.

Sommige lande het ook hul teleurstelling uitgespreek oor Suid-Afrika en ander lande se aankondiging dat hulle hul aan die Statuut van Rome gaan onttrek, terwyl die Strafhof Kenia en Burundi die skerpste veroordeel het.

Maar druk bou vir Afrika-state om die wêreld se enigste permanente oorlogstribunaal te verlaat, maar die hof sê hulle sal voortgaan.

“Selfs as die helfte van die Afrika-lande die hof verlaat, sou dit baie jammer en skadelik vir die konsep van internasionale reg wees, maar dit sal nie die einde van die hof wees nie,” het een IS amptenaar wat anoniem wou bly, aan Reuters nuusagentskap gesê.

“Dit is duidelik die IS nie regverdig is nie,” het die Keniaanse akstivis Ngujiri Wambugu in sy rubriek vir die Jamaica Observer geskryf en gevra waarom die voormalige Amerikaanse president George W. Bush en oud-Britse premier Tony Blair nog nie aangekla is vir die inval in Irak nie.

Uganda se president Yoweri Museveni het die hof beskryf as ‘n “klomp nuttelose mense” by sy inhuldiging in Julie, en is reeds besig om druk toe te pas om met die volgende AU-beraad in Januarie ‘n Afrika-uittog te bewerkstellig.

“Die IS verdien wat nou gebeur,” sê Okello Oryem, Uganda se junior minister van buitelandse sake.

Die mees kommerwekkende vir die IS, is bewerings van rassistiese vooroordeel en “neo-kolonialisme”. Byna elke Afrikaland het ingekoop by dié besware.

Steve se byeenkoms in Den Haag gaan voort

Die byeenkoms van die sanger Steve Hofmeyr in Den Haag tesame met Martin Bosma en ander leiers van die Partij voor de Vrijheid op Woensdagaand 1 Junie gaan voort, maar in ‘n ander lokaal. Vanweë dreigemente wat ‘n uitgeweke ondersteuner van terrorisme teen Afrikaners, Johan “Sloet” de Villiers, teenoor die restaurant Studio Dudok gemaak het, is die byeenkoms waar Hofmeyr oor “die toekoms van Afrikaners” sou praat, aanvanklik afgestel.

Martin Bosma van die PVV het egter vroeg vanoggend teenoor PRAAG bevestig dat die geleentheid voortgaan, op ‘n plek wat tot nog toe onbekend is. Hofmeyr en Bosma was gister in Antwerpen, België, waar hulle met Vlaamse politici beraadslaag het.

Op die Facebookblad van Netwerk24 is daar gister met leedvermaak gereageer op die nuus dat Hofmeyr se byeenkoms by Studio Dudok in Den Haag afgestel is. Vele van die liberale bydraers voel dis reg dat Afrikaners uitgemoor word en dat dit “tydmors” vir Steve Hofmeyr is om met Nederlanders oor die geweld in Suid-Afrika te gesels.

 

Weste stap uit Uganda se presidentsinhuldiging oor al-Basjir

Amerikaanse, Europese en Kanadese verteenwoordigers het uit die inhuldiging van die Ugandese president, Yoweri Museveni in Kampala gestap.

Die Westerse lande het uit protes teen die teenwoordigheid van die Sudanese leier, Omar al-Basjir, die byeenkoms verlaat en omdat die Ugandese president die Internasionale Strafhof beledig het in sy toespraak.

Museveni het in sy verwelkomingstoespraak aan die begin van sy vyfde ampstermyn kritiek uitgespreek teen die ISS en hulle “‘n spul nuttelose mense” genoem.

Al-Basjir het die plegtigheid bygewoon ten spyte van ‘n internasionale lasbrief teen hom op klagtes van menseslagting.

Amnestie Internasionaal sê al-Basjir moet verantwoording doen vir menseregte-skendings en Uganda moet sy internasionale verpligtinge nakom.

‘n Onlangse hofuitspraak in Suid-Afrika het die Suid-Afrikaanse regering skerp gekritiseer oor die Soedannese leier se teenwoordigheid.

‘n Lasbrief is uitgereik om Al-Basjir in hegtenis te neem, maar Suid-Afrika het versuim toe hy hom verlede jaar in Johannesburg bevind het vir ‘n Afrika Unie-beraad.

Indië het ook geweier om die president in hegtenis te neem tydens sy besoek aan Nieu-Delhi in Oktober verlede jaar het die Internasionale Strafhof gesê.

Indië is nie ’n stigter-ondertekenaar van die Verdrag van Rome waardeur die hof tot stand gebring is nie, maar die hof voer aan dat Indië ’n plig het ingevolge ’n resolusie van die Verenigde Nasies (VN) se Veiligheidsraad.

Al-Basjir se immuniteit is volgens die internasionale reg opgehef, maar Afrikalande steur hulle nie aan die hof se uitsprake nie.

Al-Basjir het ongehinderd in Indië opgedaag vir ’n Indië-Afrika-beraad en is vriendelik deur premier Narendra Modi ontvang. Die twee het intussen samesprekings gehou.

Indië is die tweede grootste handelsvennoot van Soedan na China. Verskeie Indiese olie-, gas- en konstruksiemaatskappye werk in Soedan.

In Maart verlede jaar het die president ook Egipte besoek waar hy aan ‘n internasionale ekonomiese konferensie deelgeneem het en hy het China ook besoek sedert die lasbrief uitgereik is.

ANC-appèl teen bepalings van Roomse Statuut misluk

Die ANC is oor die vingers getik nadat die Appèlhof teen hulle beslis het omdat hulle Soedan se president Omar al Basjir laat gaan het.

Die Suid-Afrikaanse appèlhof in Bloemfontein het dié week beslis dat die regering se oortreding van ’n plaaslike hofbevel, dat Al-Basjir die land nie mag verlaat nie, onwettig was.

Suid-Afrika is ‘n ondertekenaar van die Internasionale Strafhof (IS) se Roomse Statuut, waarin misdade wat onder die jurisdiksie van die hof val gelys word asook die prosedures en die meganismes vir lande om saam te werk met die hof.

Die IS in Den Haag het voorheen lasbriewe vir die Soedanees se inhegtenisneming op grond van misdade teen die mensdom uitgereik.

Die volbank van vyf Suid-Afrikaanse appèlregters het beslis dat die regering se besluit strydig was met Suid-Afrika se internasionale verpligting en daarom onwettig was.

Die hof het beslis dat die Suid-Afrikaanse regering onder ‘n verpligting was om gehoor aan die lasbrief te gee, maar die ANC-regime het op sy beurt in hofstukke aangevoer dat dit “onwettig” is om ’n dienende president in hegtenis te neem.

Al-Basjir het in Junie verlede jaar die hasepad gekies nadat die hooggeregshof in Pretoria gelas het hy mag nie die land verlaat nie.

Al-Basjir was in Suid-Afrika vir ’n konferensie van die Afrika-Unie.

Die Appèlhofbesluit is mosterd na die maal, aangesien Soedan se leier oral kuier en hom nie steur aan die Strafhof se lasbriewe nie. Hy was onlangs in Egipte en kuier in China.

Internasionale Strafhof laat name van sleutelgetuies uitlek

Die Internasionale Strafhof het om verskoning gevra nadat die name van sleutelgetuies tydens die verhoor van die voormalige president van die Ivoorkus, Laurent Gbagbo, uitgelek het.

Die beskerming van getuies een van die belangrikste beloftes van die Internasionale Strafhof. In sekere gevalle word getuies na ‘n ander land verskuif en ‘n nuwe identiteit gegee.

Die regter het gesê hy weet nie of dit “roekeloosheid, oppervlakkigheid of onnoselheid” was wat die fout veroorsaak het nie.

Voorsittende regter Cuno Tarfusser het bygevoeg dat hy nie wil “spekuleer oor iets anders nie”, waarmee hy opsetlikheid gesuggereer het.

Verslaggewers in Den Haag berig dat die voorval na die openbare galery versprei het en die opname is sedertdien op sosiale media geplaas.

Die hof sê hy het per ongeluk die name van verskeie getuies bekendgemaak wat onder beskerming is.

Die aanklaer het Vrydag egter die name van verskeie getuies onthul wie se identiteit geheim gehou moes word omdat hy glo onder die indruk was dat die mikrofone afgeskakel is.

Gbagbo ontken die aanklagte van oorlogsmisdade en misdade teen die mensdom, na die geweld wat na afloop van die omstrede presidentsverkiesing in 2010 in die land voorgekom het.

Dit is die belangrikste verhoor nog vir die Hof, wat nog net twee mense, beide Kongolese krygshere skuldig bevind het, sedert sy stigting in 2002.

Die Hof verkeer reeds onder groot druk weens ‘n gebrek aan geloofwaardigheid.

Internasionale Strafhof val vas met Kenia-saak

Kenia se adjunkpresident, William Ruto, se regsgeleerde het die Internasionale Strafhof (ICC) aangeraai om die klagte van misdade teen die mensdom teen hom te laat vaar.

Die aanklaers nie daarin kon slaag om sy rol in verkiesingsverwante bloedvergieting te bewys nie.

“Die bewyse is nie daar nie,” het Karim Khan die drie regters wat op die bank was verlede week meegedeel, waar Ruto teregstaan vir sy aandeel in die dodelike 2007-2008 verkiesings­geweld.

Ruto (49) en sy medebeskuldigde, die eienaar van ’n radiostasie, Joshua arap Sang (40) staar drie klagte van misdade teen die mensdom, insluitende moord, gedwonge deportasie en vervolging in die gesig.

Pogings in Suid-Afrika om Soedan se president voor die Hof te daag, is besig om stoom te verloor.

Suid-Afrika het ‘n plig ingevolge die internasionale reg om die immuniteit van ‘n dienende hoof van ‘n vreemde staat te respekteer.

Onder Suid-Afrikaanse reg, sou dit ‘n misdaad wees om hierdie immuniteit te skend.

Die Hooggeregshof in Pretoria het in Junie verlede jaar bevind dat die regering se besluit om nie die Soedanese president Omar al-Basjir aan te hou nie, strydig is met die grondwet.

Egipte het intussen dié week ‘n amptelike uitnodiging aan Al-Basjir gerig om ‘n Afrika-beraad in Egipte by te woon.

‘Links kan niet zonder islamitisch stemvee’

turksTurkse verkiezingsposters in Den Haag hebben opnieuw veel ophef veroorzaakt. Ook bij vorige verkiezingen was er verontwaardiging over de teksten en nu is het weer raak.

Vier jaar geleden was iedereen in polletiek Den Haag het erover eens dat campagnevoeren in een andere taal dan Het Nederlands onrechtstatelijk alsook onwenselijk was.

De nummer 11 van de PvdA prijst zich in zijn moederstaal (Turks) aan op borden die op lantaarnpalen bij de Haagse Markt zijn geplakt. De PVV in de Tweede Kamer heeft minister Lodewijk Asscher (ook PvdA) gevraagd om ervoor te zorgen dat de campagnes voor de gemeenteraadsverkiezingen ‘gewoon in het Nederlands’ worden gevoerd.

Volgens Kamerlid Joram van Klaveren van de PVV is het belachelijk dat er weer posters in het Turks hangen. ‘Kunt u bevestigen dat ook u vindt dat Nederlands de voertaal is in Nederland?’, vraagt hij aan de minister. Asscher zelf zou niet meer geloofwaardig zijn als minister van integratie, omdat immigranten zich kennelijk niet aanpassen.

‘Wildplakken mag niet’

De gemeente Den Haag wijst in een reactie op de voorbedrukte borden met verkiezingsposters die op meer dan 50 plaatsen in de stad staan. De teksten daarop zijn in het Nederlands. ‘Wildplakken is niet toegestaan. Er gelden dezelfde regels als voor reclame-uitingen’, zegt de woordvoerder van burgemeester Van Aartsen.

Bron: omroepwest.nl/geenstijl.nl

Kenyatta moet verhoor bywoon sê ISH

iccDie Internasionale Strafhof het ‘n beslissing omgekeer waarvolgens die Keniaanse president, Uhuru Kenyatta toegelaat is om slegs dele van sy verhoor by te woon.

Die hof het nou bepaal dat Kenyatta wel teenwoordig moet wees in die hof in Den Haag.

Die hof sê enige toekomstige versoeke om dele van die verhoor nie by te woon nie, sal op geval tot geval beoordeel word.

Kenyatta en sy adjunk, William Ruto het aansoek gedoen om die saak via video-verbinding te volg. Hulle word aangekla van misdade teen die mensdom na die verkiesing in 2007.

Pogings van Kenia en die Afrika-Unie om te keer dat dienende leiers aangekla word, het vroeër misluk. – RSG

Internationaal Strafhof zaak tegen Kenyatta uitgesteld

kenyattaHet proces tegen de Keniaanse president Kenyatta voor het Internationaal Strafhof in Den Haag is uitgesteld. Kenyatta moet nu pas op 5 februari terechtstaan voor misdaden tegen de menselijkheid.

De verdediging had vorige week gevraagd om uitstel van het proces, dat op 12 november zou beginnen. Kenyatta heeft meer tijd nodig in Kenia, in de nasleep van de aanslag van vorige maand op het winkelcentrum Westgate in Nairobi.

De aanklagers hadden geen bezwaar tegen uitstel, omdat ze nieuwe stukken van de verdediging willen bestuderen. Het strafhof zelf zegt het nieuwe uitstel van de zaak diep te betreuren.

Kenyatta wordt net als zijn rechterhand Ruto verdacht van het aanzetten tot geweld na de verkiezingen van 2007. Na die verkiezingen brak een strijd uit waarbij meer dan duizend doden vielen.

Ondanks de aanklacht van het strafhof werd Kenyatta eerder dit jaar tot president gekozen. Hij zegt dat hij onschuldig is. – NOS.nl

Hoeveel onse in jou Afrikaanse pond?

Hierdie opskrif van ‘n rubriek deur Die Burger se Dawie vang telkemale my oog as ek so ‘n vinnige blik oor die binnelandse pers werp – danksy die geleentheid wat die internet bied.

Ek het dit gelees ook, en sou dalk ook ‘n eiertjie wou lê, maar daardie geleentheid is nie gebied nie. Dawie, so lyk dit, het ‘n dunnerige vel.

Maar hy kan die lakens uitdeel, en dr. Pieter Mulder, dr. Dan Roodt en die onbekende boer wat Julius Malema by die internasionale strafhof in Den Haag gaan verkla het, kom onder meer onder die loep.

Maar is die vraag oor wie die Afrikaner is, is wie namens die Afrikaner praat, al opgeklaar?

Dieselfde kwessie is pas op Praag se woernaal onder die loep geneem.

In die Staatsregklas, in 1994, het die jong dosent ons probeer oortuig die Afrikaner kan nie aanspraak maak op ‘n entiteit wat homself staatkundig kan uitdruk nie. Sy het aangevoer die Afrikaner voldoen nie aan die vereistes vir ‘n regsubjek nie.

Die aandklas, liberaal of regs of in die middel van die pad, was egter ‘n spul hardebaarde met tussen hulle ‘n streep regskwalifikasies wat al diep spore in die lewe getrap het. Sy weer, bloedjong en ‘n dissipel van Dirk du Toit wat pas sy ry as departementshoof gekry het om adjunk-minister in die ANC-regering te word. Ons klas het hieroor, en oor verskeie ander sake, oor haar geloop.

Presies hoe verskil die Afrikaner nou van byvoorbeeld die Baske, die Koerde, die Vlaminge en ander wat ingevolge die volkereg vorme van staatkundige uitdrukking gekry het?

En van wanneer af moet ‘n volk ‘n regsubjek, of regsobjek wees?

‘n Volk wat hom kultureel in kulturele organisasies uitdruk, is goed. ‘n Volk se kernkenmerk is immers kultuur, soos taal en godsdiens, en die goue draad hiervan loop diep in die Afrikanergeskiedenis, met Retief se manifes in die Grahamstown Journal as belangrike rigtingwyser.

In ‘n onderhoud wat Naspers dié week met die nuwe AWB-leier, Steyn van Ronge, geplaas het word die element van Geloftevolk beklemtoon.

Wat duidelik ontbreek, is ‘n tipe Afrikanerowerheid. Aanvanklik miskien iets wat funksioneel met die Joodse Raad vergelyk kan word. Die Afrikaner is tradisioneel ingestel op demokrasie, en daarom sal die owerheid demokraties verkies moet word.

So ‘n Afrikanerliggaam, soos wat deur verskeie Afrikanerorganisasies in die vooruitsig gestel word met ‘n verkiesing wat vir volgende jaar beplan word, sal die kwessie van legitimiteit moet oorkom. Gaan Dawie die Afrikanerliggaam as verteenwoordigend erken? Gaan Helen Zille dit doen?

Uiteindelik kan die belangrike vraag nie omseil word nie. Wie is die Afrikaner?

Iemand, soos Koos Kombuis wat al by geleentheid as Afrikaner bedank het, sal waarskynlik nie in so ‘n aksie wil deelneem nie. Iemand wat homself as Afrikaanse definieer, en Afrikanerskap ontglip, sal hulself ook waarskynlik vrywillig uitskakel.

Wanneer ‘n Moslem-adjunk-minsiter sonder om haar eers van die feite te vergewis onder Israel inseil, laat die Joodse Raad van Afgevaardigdes van hom hoor, en die skuldige sit met eier in die gesig en verdwyn effektief van die politieke toneel.

Wanner ‘n boer tydens ‘n plaasaanval lewend agter ‘n bakkie aan gesleep en vermoor word, is daar ‘n gebrom en selfs ‘n aksie of twee. Dit haal nie eens al die Afrikaanse koerante nie. Word ‘n swart plaaswerker agter ‘n bakkie aangesleep, is daar ‘n groot beroering.

‘n Verteenwoordigende owerheid, met die legitimiteit van ‘n verkiesing agter die blad, kan nie so ligtelik van die tafel gevee word nie.

slots loginФильчаков прокурор

ANC-jeug vaar uit teen ‘mal Afrikaner’

Die ANC-jeugliga is gewalg deur die “kranksinnigheid” van “‘n sekere” Afrikanerboer wat na bewering ‘n klag van volksmoord teen sy leier Julius Malema by die internasionale geregshof gelê het.

“Die ANC-jeugliga is gewalg deur die aandagsoekende sentimente en kranksinnigheid van ‘n sekere Afrikanerboer van Rustenburg wat na bewering ‘n klag by die internasionale geregshof gelê het oor die sing van vryheidsliedere in Suid-Afrika deur Suid-Afrika se bevrydingsbeweging wat deur die ANC gelei word,” het die liga in ‘n verklaring gesê.

Die ANC-jeugliga het gesê die lê van die klag is ‘n poging deur “regse elemente” om hom van sy vernaamste politieke programme te laat afwyk.

“Die kwessie van vryheidsliedere is tans voor die Suid-Afrikaanse howe, wat ‘n tussentydse bevel gelewer het oor die sing van sekere vryheidsliedere tot tyd en wyl die ANC suksesvol sy stryd- en bevrydingsliederfenis gaan verdedig.”

Die liga het gesê dat hy nog nooit in misdaadaktiwiteit betrokke was nie omdat hy daarvan bewus is dat sodanige aktiwiteit die “vryheid” sou ondermyn waarvoor sy “voorgangers” met hul lewens geveg het.

“As daar mense bestaan wat volksmoord teen ons mense gepleeg het, is dit die Afrikaners wat vele vryheidsvegters en onskuldige Suid-Afrikaners geslag het om die rassistiese apartheidsbewind vir baie jare te beskerm en ons het hulle daarvoor vergewe.

“Die beweerde klag by die internasionale geregshof het vanuit mediaberigte onder ons aandag gekom en geen kommunikasie is aan ons deur die internasionale strafhof gestuur nie.

“Ons is meer as seker dat die internasionale strafhof hom nooit aan ‘n sekere Afrikaner se onnoselheid en onsekerheid steur nie en behoort eerder te fokus op die vervolging van oorloë wat deur imperialiste geborg word en wat steeds in die wêreld plaasvind.”

Die liga het gesê dat hy as ‘n beginselsaak alle Suid-Afrikaners aanmoedig om te waak teen regse agents provocateurs, “waarvan die meeste begunstigdes van ‘n rassistiese moorddadige apartheidsbewind is”.

Malema“Hulle maak herhaaldelik misbruik van die regte waarvoor die bevrydingsbeweging geveg het ten einde ons aandag van ernstige kwessies rondom die ekonomiese emansipering van die swart meerderheid en Afrikane in die besonder af te lei. Ons word nooit geskud nie.

Volgens ‘n berig gister in Beeld, het ‘n onbekende boer van Rustenburg en gesin Suid-Afrika verlede week verlaat uit vrees vir hul veiligheid nadat hy besluit het om die klag teen Malema te lê.

Hul prokureur, Fanie van der Walt, het gesê dat die beskuldigings teen Malema Maandag op skrif aan die internasionale strafhof in Den Haag, Nederland, gestuur is.

Die klagtes hou verband met Malema se singery van “skiet die Boer”, wat deur die Rustenburgse boer geïnterpreteer word as aanhitsing van jeugliga-ondersteuners om volksmoord teen Afrikanerboere te pleeg.

Kort nadat Malema deur die ANC betig is, het die woorde van die liedjie verander na “soen die Boer”.

липецк жгутыЛобановский

Team Bedreigde Politici

Om mense, veral politici, in Nederland per e-pos of op hul webwerwe met haatpos te dreig, is nie nuut nie, maar toe vyf jongelinge op een dag in Den Haag in die hof beland het oor verskillende politici wat onafhanklik van mekaar gedreig is, is die streep getrek.

Nicolaas V se saak trek die meeste aandag, aangesien sy slagoffer die gewilde, omstrede politikus Geert Wilders is. Nicolaas het glo vir Wilders die volgende bewoording gestuur: “F&^% idioot jij gaat bnnenkort dood.” Wilders is egter nie die enigste wat per e-pos minder as die beste toegewens word nie.

Volgens ‘n waarnemer het dié soort e-pos sedert 2005 begin toeneem, en veral sedert Pim Fortuyn en Theo van Gogh vermoor is, word dit baie ernstig opgeneem. Ook op plaaslike regeringsvlak word dit ‘n probleem met twee derdes van die burgemeesters en raadslede wat al gedreig is.

Die polisie in Den Haag het nou selfs ‘n spesiale eenheid, Team Bedreigde Politici. Verlede jaar is 424 gevalle aangemeld, waarvan Wilders in 292 gevalle die slagoffer was.

Nou, met die vyftal, wil die Openbare Ministerie die streep trek. Die woordvoerder, Nicolette Stoel, sê dat die ministerie hierdie soort bedreigings nie sal duld nie.

In die verlede was vonnisse baie uiteenlopend. In 2007 is ‘n vrou wat Wilders met ‘n e-pos verwilderd probeer laat het, ‘n jaar tronk toe gestuur. ‘n Man wat ‘n paar soortgelyke e-posse aan die Amesterdamse burgemeester, Job Cohen gestuur het, is egter net met 500 Euro’s beboet.

 

fish partyпрокурор Фильчаков