ISS – praag.co.za

Weste stap uit Uganda se presidentsinhuldiging oor al-Basjir

Amerikaanse, Europese en Kanadese verteenwoordigers het uit die inhuldiging van die Ugandese president, Yoweri Museveni in Kampala gestap.

Die Westerse lande het uit protes teen die teenwoordigheid van die Sudanese leier, Omar al-Basjir, die byeenkoms verlaat en omdat die Ugandese president die Internasionale Strafhof beledig het in sy toespraak.

Museveni het in sy verwelkomingstoespraak aan die begin van sy vyfde ampstermyn kritiek uitgespreek teen die ISS en hulle “‘n spul nuttelose mense” genoem.

Al-Basjir het die plegtigheid bygewoon ten spyte van ‘n internasionale lasbrief teen hom op klagtes van menseslagting.

Amnestie Internasionaal sê al-Basjir moet verantwoording doen vir menseregte-skendings en Uganda moet sy internasionale verpligtinge nakom.

‘n Onlangse hofuitspraak in Suid-Afrika het die Suid-Afrikaanse regering skerp gekritiseer oor die Soedannese leier se teenwoordigheid.

‘n Lasbrief is uitgereik om Al-Basjir in hegtenis te neem, maar Suid-Afrika het versuim toe hy hom verlede jaar in Johannesburg bevind het vir ‘n Afrika Unie-beraad.

Indië het ook geweier om die president in hegtenis te neem tydens sy besoek aan Nieu-Delhi in Oktober verlede jaar het die Internasionale Strafhof gesê.

Indië is nie ’n stigter-ondertekenaar van die Verdrag van Rome waardeur die hof tot stand gebring is nie, maar die hof voer aan dat Indië ’n plig het ingevolge ’n resolusie van die Verenigde Nasies (VN) se Veiligheidsraad.

Al-Basjir se immuniteit is volgens die internasionale reg opgehef, maar Afrikalande steur hulle nie aan die hof se uitsprake nie.

Al-Basjir het ongehinderd in Indië opgedaag vir ’n Indië-Afrika-beraad en is vriendelik deur premier Narendra Modi ontvang. Die twee het intussen samesprekings gehou.

Indië is die tweede grootste handelsvennoot van Soedan na China. Verskeie Indiese olie-, gas- en konstruksiemaatskappye werk in Soedan.

In Maart verlede jaar het die president ook Egipte besoek waar hy aan ‘n internasionale ekonomiese konferensie deelgeneem het en hy het China ook besoek sedert die lasbrief uitgereik is.

Al Basjir-besoek aan Indië is nuwe uitdaging aan ISS

Indië sal president Omar al-Basjir in hegtenis moet neem en uitlewer as hy Nieu-Delhi die week vir ’n beraad sou besoek, het die Internasionale Strafhof gesê.

Al-Basjir se immuniteit is volgens die internasionale reg opgehef, maar Afrikalande steur hulle nie aan die hof se uitsprake nie.

Al-Basjir het ongehinderd in Indië opgedaag vir ’n Indië-Afrika-beraad en is vriendelik deur premier Narendra Modi ontvang. Die twee het intussen samesprekings gehou.

Indië is die tweede grootste handelsvennoot van Soedan na China. Verskeie Indiese olie-, gas- en konstruksiemaatskappye werk in Soedan.

Bilaterale handel tussen Indië en Soedan het tot $1,4 miljard in 2014-15 gestyg, van $327,000,000 in 2005-06. Handel met Afrika het twintigvoudig toegeneem sedert 2000 tot $72 miljard.

Fatou Bensouda, ’n aanklaer by die ISS, het gesê die hof moet die Suid-Afrikaanse regering dwing om te verklaar waarom Soedan se president in Junie nie in hegtenis geneem is nie.

Die hooggeregshof in Pretoria het in Junie beslis dat Al-Basjir in hegtenis geneem moet word, maar hy is toegelaat om te vertrek.

Hy word deur die Strafhof gesoek weens beweerde oorlogsmisdade in Darfoer. Die Verenigde Nasies (VN) skat 300 000 mense het sedert 2003 in die streek die lewe gelaat.

Die ANC het egter intussen gedreig om aan die hof te onttrek.

As die geding teen Al-Basjir se besoek in die Suid-Afrikaanse Grondwethof voortgesit word, sal ’n uitspraak oor die kwessie moontlik eers einde volgende jaar gelewer word. Intussen sal dit moontlik wees vir hom om die land weer te besoek.

Gewapende roof kan maklik gestop word meen ISS

Die Instituut vir Sekerheidstudies sê die toename in ernstige geweldsmisdaad dui op die polisie wat nie ‘n duidelike strategie het om misdaad te bekamp nie.

Dit is die reaksie van die Instituut van Sekerheidstudies (ISS) nadat Suid-Afrika se misdaadsyfer vroeër in die parlement voorgelê is.

Luidens ‘n ISS-verklaring laat die toename in voorvalle van gewapende roof ‘n vraagteken oor of die polisie sy hulpbronne doeltreffend gebruik.

Die verslag toon roof met verswarende omstandighede het ‘n 6,9% toename oor die land heen getoon.

Die ISS meen gewapende roof is ‘n duidelike aanwyser van die polisie se doeltreffendheid, omdat rooftogte deur ‘n relatief kleiner getal georganiseerde gewoontemisdadigers uitgevoer word.

Dit kom daarop neer dat ‘n goed beplande polisiestrategie wat ondersteun word deur gespesialiseerde spanne en speurders tot die identifisering, inhegtenisneming en suksesvolle vervolging van die toenemende getal gewapende rowers sal lei.

Die ISS sê Suid-Afrikaners kan nie nog ‘n jaar onder toenemende gewelddadige rooftogte deurloop nie, terwyl die polisie ‘n begroting van R80 miljard het en meer as 194 000 werknemers in sy diens het.

Suid-Afrika het ook van die beste tegnologie ter wêreld en moet misdaad soos gewapende roof bekamp.

‘Ontleed misdaadinligting’

Die akkurate insameling van inligting oor misdaad is deurslaggewend vir misdaadvoorkoming.

Dit is die mening van die afgetrede polisiebeampte, Generaal-majoor Chris de Kock.

Hy sê die inligting wat op die Misdaad Administrasiestelsel vasgelê word, behoort deurlopend ontleed te word om inligting oor gevaarpunte, spitstye en die beweegredes van misdadigers te bekom.

De Kock was 18 jaar vir die inwinning van misdaad-data by die SAPD verantwoordelik.

Sy kommentaar volg op die Instituut vir Sekerheidstudies se aankondiging dat die polisie se mees onlangse misdaadstatistieke nie korrek is nie.

Die ISS sê die rede is dat daar ernstige statistieke flaters op nasionale vlak begaan is. Die instituut het ‘n amptelike onafhanklike ondersoek na die swak berekening aangevra.

Die Instituut vir Sekerheidstudies (ISS) het gevra vir ’n onafhanklike kommissie van ondersoek na die misdaadstatistieke van die Suid-Afrikaanse Polisiediens.

Die ISS sê hy het foutiewe statistieke opgespoor.

Die ISS sê dié fout gee aan Suid-Afrikaners ’n vals prentjie van die gevare wat hulle bedreig en dit verbloem die toename in gewelddadige misdaad.

Die fout spruit blykbaar daaruit dat twee verskillende bevolkingskattings vir die twee jaar vergelyk is.

Die ISS se Gareth Newham sê: “Omdat die grondslag van die formule verkeerd is, het dit die toename in élke kategorie verminder. Byvoorbeeld, volgens die polisieverslag het moord met 0,6% opgegaan terwyl dit wérklik met 2,8% gestyg het.”

Die instituut sê hy verwerp nie die syfers nie – hy stem bloot nie saam met die afname of toename wat in sommige kategorieë verklaar is nie. – RSG/EWN

‘Wreedheid’ in polisie neem glo toe

Die Instituut vir Sekerheidstudies sê gevalle van polisie-wreedheid het in die laaste tien jaar met meer as 300% toegeneem, met slegs een persent van gevalle waar oortreders skuldig bevind is.

Die syfer is bekend gemaak op die vierder jaarlikse konferensie oor nasionale en internasionale perspektief oor die vermindering van misdaad en strafregterlike geregtigheid in Johannesburg.

‘n Senior navorser van die instituut, Chandre Gould, sê die statistieke toon dat daar ‘n meerderwaardigheidskultuur binne die polisie bestaan wat burgerlikes kan vervreem.

Sy sê uit die 11880 strafregterlike sake wat by die onafhanklike polisie ondersoek direktoraat aanhangig gemaak is, in die vyf jaar tot en met 2012, is slegs 2000 sake voor die hof gebring en was daar slegs 129 suksesvolle skuldigbevindings. – RSG