Die Instituut vir Sekerheidstudies sê die toename in ernstige geweldsmisdaad dui op die polisie wat nie ‘n duidelike strategie het om misdaad te bekamp nie.
Dit is die reaksie van die Instituut van Sekerheidstudies (ISS) nadat Suid-Afrika se misdaadsyfer vroeër in die parlement voorgelê is.
Luidens ‘n ISS-verklaring laat die toename in voorvalle van gewapende roof ‘n vraagteken oor of die polisie sy hulpbronne doeltreffend gebruik.
Die verslag toon roof met verswarende omstandighede het ‘n 6,9% toename oor die land heen getoon.
Die ISS meen gewapende roof is ‘n duidelike aanwyser van die polisie se doeltreffendheid, omdat rooftogte deur ‘n relatief kleiner getal georganiseerde gewoontemisdadigers uitgevoer word.
Dit kom daarop neer dat ‘n goed beplande polisiestrategie wat ondersteun word deur gespesialiseerde spanne en speurders tot die identifisering, inhegtenisneming en suksesvolle vervolging van die toenemende getal gewapende rowers sal lei.
Die ISS sê Suid-Afrikaners kan nie nog ‘n jaar onder toenemende gewelddadige rooftogte deurloop nie, terwyl die polisie ‘n begroting van R80 miljard het en meer as 194 000 werknemers in sy diens het.
Suid-Afrika het ook van die beste tegnologie ter wêreld en moet misdaad soos gewapende roof bekamp.
Strategie is een ding – voor dit kort jy ‘n WIL om iets aan die probleem te doen. Die medelandsburgers voel vere vir ‘n mense lewe (tensy jy natuurlik blank is en net vir een van hulle skeef kyk, ‘n harde woord sê of net sou dink om leed aan te doen). Hulle voel niks vir hulle eie mense nie en nog minder vir my en jou lewe. As hierdie ingesteldheid nie verander nie sal die moordsyfer in hierdie land altyd hemelhoog bly.