Gugile Nkwinti – praag.co.za

Grondoordrag: Landbou-organisasies koop in

Gugile Nkwinti, minister van landelike ontwikkeling en grondhervorming het Sondag verklaar dat die ANC die oordrag van wit grond as beleid aanvaar het en reeds toepas met die seën van landbou-organisasies.

Daarvolgens moet wit boere die helfte van hul plaas met hul werkers deel. Dit is amptelik deur die ANC as beleid aanvaar, het Nkwinti, lid van die ANC se subkomitee rakende grondhervorming, gesê.

Landbou-organisasies het glo “voorstelle” ingedien in die vorm van “sakemodelle” waarin “vaardigheidsontwikkeling” deur eiendomsoordrag aangebied word.

Volgens Nkwinti het talle kommersiële boere, veral in die Vrystaat en Noordwes, al aangedui dat hulle deel van die program wil wees.

‘n Resolusie oor die beleidsraamwerk is op die ANC se Mangaung-kongres in 2012 aanvaar. Die ANC het daarna die beleidsraamwerk in Februarie vanjaar te volle aanvaar en geformaliseer.

Minister: Khoi en San kan uitsien na grond van voor 1913

Gugile Nkwinti, minister van landelike ontwikkeling en grondhervorming, het gesê grond is vir Khoi-San-grondeise in die Wes-Kaap beskikbaar.

Nkwinti het die naweek in Qwa-Qwa gesê soortgelyke eise sal ook in die Oos-Kaap toegestaan word.

Daar is glo geen spertyd vir die eise nie, het Nkwinti se woordvoerder, Mthobeli Mxotwa, aan Netwerk24 gesê.

Sulke aansprake kan kragtens die wet wat bepaal dat grondeise slegs ná 1913 oorweeg word, ongeldig wees, maar klaarblyklik “kyk” die ANC na die saak.

Afstammelinge van die Khoi en San moet deurgaans bewys lewer van hul erfenis, het aktiviste gesê, maar wanneer ‘n Xhosa grond eis, word ‘n DNS-toets nie vereis nie.

Nkwinti se aankondiging het wenkbroue laat lig aangesien die Khoi en San se tradisionele leiers nie deur die ANC erken word nie.

Swart boere waarsku minister, Absa prys grondbeleid

Swart boere het gevra dat grond slegs toegewys word aan nuwe swart boere wat die vermoë het om dit te gebruik.

Die president van die swart boerevereniging, Mzamo Mlengana, sê die minister van Grondhervorming, Gugile Nkwinti, moet sorg dat maatstawwe in plek is vir die keuring van nuwe boere.

Mlengana sê sonder boerderykennis, strek só ‘n grondbegunstigde tot nadeel van die landbou en skep dit die indruk dat swart boere nie kan boer nie.

Mlengana sê ‘n goeddeurdagte grondherverdelingsproses sal voedselsekuriteit verseker en tot voordeel van die land wees.

Die “hand van vriendskap en samewerking deur mnr. Gugile Nkwinti is dié geleentheid van ‘n leeftyd vir die landbou”, sê mnr. Ernst Janovsky, hoof van Absa AgriBesigheid.

Janovsky het Nkwinti, Minister van Landelike Ontwikkeling en Grondhervorming, by Agri SA se kongres geprys.

Hy het by die kongresdinee gesê die “oorlog” is verby. “’n Wit vlag is gehys wat sê kom ons werk saam en hierdie samewerking moet vir ons die pad vorentoe baan. Ek wil elkeen uitdaag om dit môre op jul plase te begin toepas.”

Hy het verwys na Nkwinti se opmerkings dat hy in sy skik is met die vordering wat Agri SA met hervormingsplanne maak. Hy het gesê hy is verleë dat hy nie daarvan bewus was nie.

Janovsky sê banke kan baat by grondhervorming en meer winsgewend wees. “Hierdie moet nie ’n meulsteun om jou nek wees nie. Hierdie is die geleentheid waarvoor almal gewag het. As jy kyk na hoeveel kos in die volgende 40 of 50 jaar geproduseer moet word, is hierdie die grootste enkele geleentheid wat nog binne Suid-Afrikaanse landbou bestaan het.

“Die Minister het gesê die planne het verander en júlle planne lyk beter as myne. Dit is ’n groot verandering. Moet nie daardie geleentheid laat verbygaan nie, al gaan dit nie maanskyn en rose wees nie. Daar is staatsdepartemente wat nog nie ingekoop het by dit wat gebeur het nie. Van die banke se kant af sal ons julle help bemagtig om die pad vorentoe te stap.”

Janovsky het boere gemaan om nie geleentheid te laat verbygaan nie: “Moet nie dat dit by julle verbygaan of toelaat dat klein jakkalsies die skape opvreet nie. Dit is ’n geleentheid om aan te gryp.”

Agri SA en Nkwinti is dit roerend eens oor grondhervorming

Agri SA en Gugile Nkwinti, die minister van landelike ontwikkeling en grondsake het mekaar gister gevind toe Agri SA grondhervorming heelhartig omhels het. Trouens, Nkwinti was selfs onkant gevang deur die mate waartoe die boere bereid is om die ANC se grondhervormingsplanne deur te voer.

Volgens berigte het Nkwinti sy voorbereide toespraak “opsy geskuif” en gesê:

“Ek het hierheen gekom om julle te oortuig om in te koop in die program van grondhervorming. Noudat ek gehoor het hoe ver julle beplanning al gevorder het, skaam ek my. Ek het niks om vir julle te sê nie.”

”Julle maak my dag. Hierdie is nie politieke praatjies nie, dit is eerlik. Daar is net een ding waaroor ek met julle kan baklei. Hoekom doen julle dit nou eers?”

Nkwinti het gepraat pas ná Agri SA se voorsitter, mnr. Johannes Möller, sy organisasie se “rigtinggewende beginsels en voorstelle” oor grondhervorming bekendgestel het. Ook me. Sandy la Marque, die sameroeper van Agri SA se Tegniese Taakspan oor Grondhervorming, het ’n aanbieding daaroor gedoen.

Möller het gesê dat Agri SA ‘n “holistiese benadering” voorstel waarmee elke grondhervormingsprojek op eie meriete beoordeel sal word.

“Voorstelle vir grondhervorming moet boere en landelike bewoners bemagtig om hulle eie toekoms te bepaal,” meen Möller. “Dit moet lei tot die verbreding van die aantal persone uit voorheen benadeelde gemeenskappe wat eiendomsreg van landbougrond het en bydra tot die voorsiening in die groeiende vraag na voedsel.”

Die Oos-Kaap moet as model vir grondhervorming dien, het Möller voorgestel. Daar werk kommersiële boere en “ontwikkelende boere” in die wol- en pynappelbedrywe saam. Kommersiële skaapboere het beter skeerlokale vir die ontwikkelende boere help finansier en sodoende die waarde van hul wol verhoog. Insgelyks het pynappelboere finansiering vir kommunale boere bekom.

In reaksie het Kkwinti voorgestel dat Agri SA en die departement van grondsake saamwerk om meer blanke boere deur swart boere te vervang, soos wat die ANC se Nasionale Ontwikkelingsplan vereis.

“Die belangrike aspek van hierdie pragtige plan is dat dit uiteensit hoe ons die mense wat op die land bly, se maatskaplike toestande gaan verbeter,” het Nkwinti gesê. “Ek het baie waardering daarvoor want ek weet dit kon nie vir Agri SA maklik gewees het nie, want Agri SA is, soos die ANC, ’n huis met vele kamers.”

Die hele Agri SA-kongres het gestem ten gunste van “volhoubare” grondhervormingsplanne.

ANC praat uit drie monde oor landbou

Die minister van grondhervorming, Gugile Nkwinti, se voorstelle by die grondberaad dat daar ‘n beletsel geplaas moet word op die hoeveelheid grond wat landbouers mag besit, is sy eie idee, het City Press berig.

Daar is dus nog geen duidelikheid oor die minister se voorstel dat landbouers 50% van hul grond aan hul swart plaaswerkers moet afstaan nie. Boonop is die riglyne wat Nkwinti stel onuitvoerbaar.

City Press het berig dat die oordrag van wit eienaarskap na swart arbeiders die minister se eie voorstel is en dat hy nie goedkeuring van enige van die ANC-strukture of regeringstrukture gehad het om met so ŉ voorstel vorendag te kom nie.

Die Nasionale Ontwikkelingsplan (NOP) se hoofstuk ses bevat daarbenewens heeltemal ander voorstelle vir grondhervorming op distriksvlak.

Die ANC se sekretaris-generaal, Gwede Mantashe, het die NOP-voorstelle vroeër aan kommersiële landbouers voorgehou, wat verskil van die Nkwinti-planne.

Daar is voorts nog geen duidelikheid oor wat presies die nuwe onteieningswet behels wat deur die kabinet goedgekeur is nie.

Intussen het adjunk-president Cyril Ramaphosa verlede week kommersiële landbouers in Limpopo aangemoedig om opnuut in landbou te belê en as wildboere hul belange uit te brei.

Oor Nkwinti se ondeurdagte grondgrypvoorstelle was daar byna nog geen konsultasie met die landboubedryf nie, wat tot onherstelbare skade vir boerdery gelei het. Boere neem tans ingrypende besluite om hul kennis, vaardighede en beleggings buite Suid-Afrika aan te wend.

Uitbreidings word dus gestaak en werkersgetalle neem af deur weens die onophoudelike en wêreldvreemde ideologiese opswepery. Die onherstelbare skade aan die Suid-Afrikaanse landbou is tot groot nadeel van voedselsekerheid in Suid-Afrika.

Regering se grondgrypplan gaan voort

Die minister van grondhervorming, Gugile Nkwinti het vroeër gesê dat die regering sal voortgaan met die plan om die omstrede grondhervormingsbeleid in te stel.

Hy het in Boksburg aan die Oos-Rand by ‘n beraad oor grond en eiendomsreg gepraat.

Die ANC stel in sy beleidsdokument voor dat plaaswerkers die helfte van die grond van boere wat hulle as werknemers aanhou, moet oorneem.

Die regering sal luidens dié voorstelle die koste van die oordrag van grond dra.

Die landbou-unie, AgriSA sê die kwessie van grondhervorming skep onsekerheid in die landbousektor.

Die adjunk-president van die unie, Theo de Jager sê dat die uitvoering van die beleid maak boere senuweeagtig en nie die beleid as sodanig nie.

Hy sê die unie ondersteun grondhervorming, maar dat die proses kan skeefloop indien dit nie behoorlik bestuur word nie.

De Jager het gesê vennootskappe tussen privaatondernemings en die staat moet as alternatief ondersoek word

Hy het gesê die gevaar bestaan dat voedselsekerheid in die gedrang kan kom.

Eens florerende landboubedryf binnekort geknak

Dit lyk asof die ANC met die hulp van die EFF die eens florerende landbousektor binnekort op sy knieë sal hê.

Die Ekonomiese Vryheidsvegters sê die voorstel dat wit boere 50 persent van hulle grond aan hulle werkers moet gee, sal ‘n massa-uitsetting van plaaswerkers tot gevolg hê.

‘n Woordvoerder van die EFF oor grondsake, Andile Mngxitama, sê die regering kan die eiendomsklousule in die Grondwet verander met die hulp van die EFF om ‘n tweederde meederheid te monster.

Op die manier sal grond sonder vergoeding onteien kan word.

‘n Tweederde meerderheid is nodig om artikel 25 in die Grondwet te wysig om ‘n einde aan die beleid van gewillige koper-gewillige verkoper te maak.

Boere het tot April volgende jaar tyd om op die voorstel van die ANC te reageer.

Deur die skep van verdere onsekerheid in die landbou – vir werkers ook – sal die minister verseker dat boere groener weivelde opsoek. Die EFF gee verdere aansporing daartoe.

Boerdery vereis belegging, maar ook krediet. Volgens Agri SA is landbougrond in Suid-Afrika R155 miljard werd, maar dra ‘n skuldlas van R89 miljard.

As die regering die helfte van die grond wat boere kommersieel besit wegneem en aan werkers gee, wat gebeur met daardie skuld?

Sal banke tevrede wees om te sien hoe hul sekuriteit verdwyn in ‘n verwarde smeltkroes van kollektiewe eienaarskap?

Dis ook ‘n feit dat 90% van swart boerderye op totale mislukking uitloop en daar word tans van boere verwag om dié las op hulself te neem met die wete dat die staat daarbenewens ook oor die mag beskik om die grond te konfiskeer met die hulp van die EFF.

Daar is seker kwalik groter afskrikmiddels vir enige belegger. Voeg daarby landelike onveiligheid waar plaasmoorde gedy, en dis donker op die horison.

Dit is duidelik dat boere sal ophou om te belê. Dit het reeds op talle plase gebeur onder die huidige grondhervormingskemas en die situasie kan net verder versleg.

Dit strek almal tot nadeel, insluitende plaaswerkers. Die verbruiker sal uiteindelik vir die gelag moet betaal.

Die regering “koop” die belang van 50% van die kommersiële boer, maar die opbrengs gaan nie na die boer nie. Dit is ‘n doodgewone ekonomiese onsinnigheid.

Die ANC-kieser, net soos die EFF-kieser, brand van wit haat en hebsug, maar terwyl hulle grondgryp as ‘n doelwit stel, stroom honderde duisende ironies genoeg na stede sonder die minste belangstelling in boerdery.

Swart Suid-Afrikaners meen grondhervorming is nodig want hulle is ideologies verblind deur verslete beloftes. Die Afrikaners se eiendom is in hulle visier. Aanstons sal dit waarskynlik elke eiendom raak, nie alleen plase nie.

Die ANC skep aaneenlopende chaos in die landboubedryf en ondermyn doelgerig voedselsekuriteit, terwyl die EFF dié treurige stand van sake verder aanhelp.

Elke besorgde landsburger sit magteloos en toekyk hoe die landbousektor stelselmatig vernietig word.

Pure gif teen wit boere met nuwe grondgrypvoorstelle

Agri-Noordwes en die Afrika-boerevereniging van Suid-Afrika het hulle stemme by ‘n aantal ander landbou-organisasies gevoeg teen die regering se jongste grondgrypvoorstelle.

Die betrokke dokument heet Final Policy Proposals for Strengthening the Relative Rights of People Working the Land, en fokus op die “uitbuiting” van swart arbeid.

Ingevolge die voorstelle kan plaaswerkers op kommersiële plase die helfte van die plase besit. Dit sal beteken dat die helfte van alle plase in die land verniet aan swart plaaswerkers gegee sal moet word.

Die staat het reeds wetgewing in plek om grond sonder vergoeding te onteien en eienaars sal waarskynlik geen vergoeding kan verwag nie, ook omdat die staat nie oor die fondse beskik om daarvoor te betaal nie.

Dié voorstelle sal uiteindelik die einde van wit grondbesit beteken en voedselvoorsieng ten nouste raak. Suid-Afrikaners kan dus uitsien na opstande, voedseltekorte en hongersnood.

Dit stel die volgehoue plaasaanvalle en -moorde deur georganiseerde bendes ook in ‘n nuwe lig, aangesien dit soortgelyke druk verteenwoordig om wit eienaars van hul grond te vervreem deurdat die owerhede afsydig teenoor die verskrikking bly.

Die woordvoerder van die departement van Grondhervorming en Landelike Ontwikkeling, Linda Page het die jongste voorstelle verdedig en gesê dit is belangrik dat mense besef dit is ‘n “konsep-voorstel” en dat “raadpleging” met alle rolspelers sal plaasvind.

Page sê daar is talle standpunte wat die grondgrypvoorstelle ondersteun sodat ‘n “konsensus” binne bereik is.

Die Suid-Afrikaanse regering het reeds 9,4 miljoen hektaar grond sedert 1994 as deel van sy grondhervormingsprogram aan swartes uitgedeel.

Bonnie Ramaila, ‘n woordvoerder vir die Departement van Prestasiemonitering en -evaluering in die presidensie, het bevestig dat die Departement van Prestasiemonitering se landelike vorderingsverslae toon dat baie meer grond uitgedeel is as wat die Departement van Landelike Ontwikkeling aandui.

President Jacob Zuma het in ‘n toespraak van die regering se prestasie na 20 jaar verklaar dat meer as 9 miljoen hektaar grond wel uitgedeel is.

In Zuma se staatsrede vroeër vanjaar het hy egter beweer dat 4,2 miljoen hektaar grond oorgedra is aan swart Suid-Afrikaners en ‘n bykomende 80.000 grondeise, wat sowat 3,4 miljoen hektaar grond beslaan, afgehandel is.

Dit is slegs tot ‘n totaal van 7,6 miljoen hektaar, minder as die werklike 9,4 miljoen hektaar. Dié syfer is deur die departement van Landelike Ontwikkeling aan die president voorgehou as korrek.

Ontleders sê dit behels ‘n verskil in oppervlakte van 1,8 miljoen hektaar – so groot soos die hele Gautengprovinsie – en word klaarblyklik doelbewus onderspeel om die emosies van swart kiesers op te jaag om die grondgrypvoorstelle te ondersteun.

Die minister van Landelike Ontwikkeling en Grondhervorming, Gugile Nkwinti , het syfers oor grondoordrag by ‘n vroeëre geleentheid ook verkeerd weergegee toe hy aan die parlement in Februarie verlede jaar vertel het dat slegs ‘n totaal van 5,5 miljoen hektaar oorhandig is.

Die departement van Landelike Ontwikkeling se syfers is duidelik verouderd en word nie deeglik byhgehou nie, want die 7,3 miljoen hektaar merk is reeds in September 2012 verbygesteek.

Byna al hierdie plase is ook reeds tot niet deur wanbestuur, diefstal en grootskaalse korrupsie.

Die departement se woordvoerder, Page, het geen idee wat die werklike oordragsyfers is nie en het by navraag prontuit gesê sy weet nie, en sy weier om kommentaar te lewer.

Sy sou die syfers intussen “verifieer”, maar is klaarblyklik steeds in die duister oor die mees basiese en noodsaaklike inligting betreffende die sogenaamde grondhervormingsprogram

Ten spyte van haar kommerwekkende onkunde het sy die jongste pogings om ‘n Zimbabwiese grondgryp in Suid-Afrika te herhaal, as ‘n regverdige proses aan die media probeer voorhou.

Regering gaan plase terugvat wat onderbenut word

Die regering gaan plase wat in die herkapitalisering- en ontwikkelingsprogram toegeken is, maar nie benut word nie, terugvat, het Gugile Nkwinti, minister van landelike ontwikkeling en grondhervorming, gesê.

Nkwinti het verskeie herkapitalisering-grondhervormingsprojekte in die Vrystaat besoek.

Die besoek is deel van ’n bestekopname oor vordering wat gemaak is sedert die instelling van die program vir herkapitalisering en ontwikkeling vir grondhervormingbegunstigdes in 2010.

Nkwinti het gesê die regering gaan streng tydsbebalings instel sodat die nuwe eienaars nie die grond verkoop of verhuur kort nadat hulle dit bekom het nie.

Die provinsiale leier van die African Farmers Association of South Africa (Afasa), het aan Beeld gesê baie van die begunstigdes het plase verkoop weens ’n gebrek aan toewyding aan landbou en afwesige mentors.

Nkwinti sal ‘n hof Dinsdag vra om te bevestig dat sy departement onwettig opgetree het met ‘n R600 miljoen grondeis in 2009.

Die transaksie het aanleiding gegee tot KwaZulu-Natal se R10 miljard Blythedale Coastal Resort ontwikkeling.

Die verhoor wat oor vier dae sal loop, dien voor Regter AJ Sardiwalla in die Durbanse Grondeisehof. Landboukenners sê indien Nkwinti en die grondeisers daarin slaag dat die transaksie gekanselleer word, twyfel sal heers oor al die grondeisooreenkomste wat deur die regering sedert 1998 aangegaan is.

Nkwinti beskuldig die voormalige Minister van Landbou, Lulu Xingwana, en die waarnemende hoof van die voormalige Departement van Grondhervorming, Blessing Mphela – wat die transaksie vir 3 800 hektaar goedgekeur het – van ‘n “onwettige” rubberstempel.

Die voormalige minister van behuising, Lindiwe Sisulu het voorheen na die transaksie as ‘n “belangrike mylpaal en ‘n bloudruk vir behuisingsontwikkeling” verwys.

Die meer as 1 000 eisers vra dat die hof ‘n ooreenkoms met die KwaZulu-Natalse ontwikkelaar Mark Taylor ter syde te stel, en beweer die implikasies van die transaksie was nie ten volle aan hulle verduidelik toe hulle dit onderteken het nie.

Hulle het die hof gevra om die ontwikkelingsooreenkoms nietig te verklaar, wat aan hulle gratis huise en duisende werkgeleenthedesou bied .

Hulle vra die hof ook om Xingwana te dwing om ‘n belofte na te kom van 2009, waar elke eiser ‘n kontant betaling van R10 000 sou ontvang tot die huise en werksgeleenthede realiseer.

In hofdokumente het die eisers, beter bekend as die Zwelabantu Dube Communal Property Association, ook gevra dat Regter Sardiwalla oorweeg of die regering, in terme van artikel 42D van die Wet op Herstel van Grondregte, grondwetlik was.

Taylor is in die knyp met ‘n paar angstige beleggers en skuldeisers wat hulself nou na die howe wend om hul geld terug te kry na die oord-ontwikkeling verlede jaar tot stilstand gekom het.

AgriSA, Kwanalu en SA Canegrowers sê dat hulle die hofverrigtinge fyn dophou aangesien die uitslag beleggingsvertroue kan skud.

Die Mamre–gemeenskap het verlede Dinsdag die titelaktes van 4 200 hektaar se landbougrond terug ontvang wat glo onder die apartheidsregering meer as twee dekades gelede, van hulle vervreem is.

Die oorhandiging is deur die minister van Landelike Ontwikkeling en Grondhervorming as deel van die dorp se Erfenisdagvieringe gedoen.

“Hierdie oordrag is ‘n groot prestasie vir die meer as 2 000 huishoudings wat sal voordeel trek uit dit. Dit is die eerste van ‘n soortgelyke oordrag na ander landelike bruin gemeenskappe,” het die departement gesê.

Sowat 500 gesinne is gedwing om hul grond te verkoop in 1986 om plek te maak vir die ontwikkeling van Atlantis.

90% van ‘hervormde’ grond onproduktief

Negentig persent van grond wat aan sogenaamde “ontluikende” swart boere uitgedeel word, is tans onproduktief. Die ANC-regering het ook nagelaat om R3,4 miljard se toelaes aan die ontvangers van grondhervorming uit te betaal, met potensiële gevaarlike gevolge, het die minister van landelike ontwikkeling en grondhervorming Gugile Kkwinti gister gesê.

Ontvangers het in 389 gevalle nie hul toelaes ontvang nie, het die minister op ‘n parlementêre vraag van die DA gesê.

“Grondbesettings kan plaasvind waar ontvangers nie plase kan betrek as gevolg van oponthoude met uitbetalings nie,” het hy gesê.

Nkwinti het gesê Mpumalanga is die provinsie wat die meeste deur die gebrekkige uitbetalings geraak word, met 173 hervormingsprojekte wat steeds R2,6 miljard “geskuld” word.

Hierna volg die Oos-Kaap, waar 49 projekte vir R395 miljoen van die staatskas wag. In die Wes-Kaap, word 17 projekte R196 miljoen geskuld. Sekeres van diegene wat vir geld wag is families wat uit Distrik Ses gesit is.

Nkwinti het aangetoon dat toelaes nie direk aan begunstigdes deur sy ministerie betaal word nie, maar oorgedra word aan ‘n “genomineerde agent”, wat in die meeste gevalle die tersaaklike munisipaliteit is, soos bepaal deur die Wet op Openbare Finansiële Bestuur.

Die minister het geen redes vir die teruggehoue betalings aangevoer nie.

Hy het ook op ‘n vraag deur die DA onthul dat die departement boonop R268 miljoen aan deposito’s op grondrestitusieprojekte.

Die departement het 972 473 hektaar grond vir restitusiedoeleindes oor die laaste drie jaar in 1 300 transaksies gekoop, maar in sekere gevalle kon dit nie aktevervaardigers se trusts betaal nie wat 50% deposito’s verlang het.

“Betalings kon nie gemaak word met betrekking tot sekere van die ooreenkomste nie weens begrotingstekorte in die 2008/09 en 2009/10-finansiëlejare.”

In Maart het Nkwinti laat blyk dat die ANC-bewind se grondhervormingsprogramme nie volhoubaar was nie en het bevestig dat die teiken om 30% van landbougrond teen 2014 aan swart boere oor te dra nie gehaal sal word nie.

Hy het onthul dat ten minste nege uit tien “ontluikende boere” wat grond onder die regering se grondhervormingsbeleid ontvang het nie ‘n kommersiële sukes van hul plaasgrond kon maak nie.

‘n Totaal van 5,9 miljoen hektaar is sedert 1994 herversprei, maar 90% van daardie grond is nie produktief nie.

In reaksie op die probleem beplan die ANC-bewind om vanjaar miljoene rande daaraan te bestee om die mislukkende plase te herkapitaliseer.

Nkwinti het gesê dat grondrestitusie en -herverspreiding word deur ‘n gebrek aan kapasiteit in die wiele gery aan die kant van diegene wat grond ontvang het en weerhou hulle daarvan om “aan te hou om effektief en optimaal op die grond te produseer”.

In Maart het Nkwinti tydens sy begrotingsstemming in die nasionale vergadering kommer in landbougeledere gewek toe hy aangekondig het dat hy binnekort in ‘n groenskrif ‘n drieledige stelsel van grondbesit gaan voorstel wat dit vir blanke boere moeilik of onmoontlik sal maak om grond te besit.

Hy het ontken dat dit beteken dat nasionalisering van grond vir die land voorlê.

Versoening of grypsug?

Te oordeel aan sy uitlatings, is Jimmy Manyi ‘n aartsrassis. Hy laat geen geleentheid verbygaan om blankes by te kom, of om te kla oor die stadige pas van rassistiese transformasie nie. Manyi is egter nie alleen nie. Baie lede van die regerende regime is weliswaar minder uitgesproke as Manyi, maar op die oog af is hulle ook anti-blanke rassiste, wat blankes en ons beskou as ‘n groot deel van die land se problematiek. Só waarsku Gugile Nkwinti byvoorbeeld dat swartes se vergewensgesindheid nie onbeperk sal wees nie, iets wat neerkom op ‘n kwalik bedekte “of anders..” dreigement.

So ook is daar nie net in swart geledere nie, maar in die klein troppie blanke Quislings en mak werfbobbejane wat die ANC napraat, telkens donker waarskuwings oor die rassisme en weiering om te versoen waaraan blankes kwansuis skuldig sou wees. Een van die mak werfbobbejane wat getrou die ANC se evangelie verkondig, is oud-Broeder en ouddominee Nico Smith, wat wie se kategismus uitsluitlik deesdae handel oor hoe blankes dankbaar moet wees dat die swartes ons nie uitmoor nie. Nog ‘n voorbeeld is Antjie Krog, waarskynlik die alfawyfie onder die ANC se werfbobbejane.

Gaan dit egter werklik vir die ANC oor sogenaamde blanke rassisme en blankes se halstarrige weiering om te versoen, of is dit ‘n blote rookskerm? Wat beteken versoening nou eintlik vir die ANC op voetsoolvlak, om nou soos ‘n Krog-kader te wil klink? Hoe gaan ons weet die slag ons regtig versoen is? Wat sal dit kos om die ANC en die linkses tevrede te stel dat blankes nou regtig versoen is met die res?

Ek is van mening al die versoeningspraatjies en rassisme-aantygings is ‘n blote rookskerm. Ek sal wel toegee dat die mak blanke werfbobbejane hopeloos te naief is om raak te sien wat werklik aan die gang is, maar die res van ons is darem nie bobbejane nie. Daar is naamlik een tema wat soos ‘n goue draad deur Manyi, Gugile en andere se aanhoudede rassisme-geskree en geteem oor transformasie en versoening loop: blankes moet ons bates oorhandig, of anders… Dit word weliswaar versoening genoem, maar uiteindelik handel dit oor slegs een term: “Gee ons wat joune is, so nie is jy ‘n rassis.” Of, erger: “Versoen deur jou bates te oorhandig, want anders… (vul die gewelddadige scenario van jou eie keuse hiernaas in.)”

Gugile se tirade was byvoorbeeld in die konteks van grondhervorming, en sy dreigement kom daarop neer dat swartes blankes slegs sal vergewe mits blankes omrol, dood speel en boere 40% van hul plase wat dikwels oor geslagte heen opgebou is, summier aan swartes oorhandig. In die naam van versoening, sien. Wat is die quid pro quo wat die boere in ruil vir hierdie geweldige gawe te wagte kan wees? Niks nie, behalwe ‘n skimp dat hulle dan sal toegelaat word om voort te leef. Vermoedelik het Gugile iets soos die Zimbabwiese benadering in gedagte, met boere wat 1 uur gegun word om hul plase te ontruim. Dit het dus bitter min met die gewaande rassisme of gebrek aan ewigdurende jammerte aan blankes se kant te make nie, en alles met die gedwonge onteiening en plundery van blankes se bates. Sogenaamde blanke skuld (jammer dat ons julle geleer lees en skryf het en bevry het van malaria) is ‘n gerieflike stok om druk op blankes uit te oefen om van ons eiendom afstand te doen.

Die ANC se ganse bestaansrede kan eintlik in een woord opgesom word: plundery. Die ANC is niks anders as een reuse misdaadfamilie nie, wie se enigste en uitsluitlike doel is om die land se rykdom vir homself toe te eien, op enige denkbare manier. Die skuldgevoelens wat aanhoudend onder veral blanke werfbobbejane aangewakker word, is uit en uit ontwerp om mee te help in die proses van plundery.

Dit is eweneens die geval met Manyi. Manyi skree telkens, soos die snuffelende trogvark wat hy is, oor die gebrek aan etniese reiniging van blankes uit hul poste bekend as reg-stelende-aksie of rassistiese transformasie, maar Manyi se masker het afgeval toe hy ‘n Noorweegse afvaardiging geskok het met sy hebsug. Ja, daardie einste, naïewe, liberale Skandinawiërs wat so pro-ANC was, het uiteindelik agtergekom met watter ondersese kaliber van indiwidue hulle in die ANC te make het. Manyi het nie in die minste belanggestel in aangeleenthede waaroor sy posbeskrywing handel nie, maar het probeer om kontrakte vir hom en sy mede-trogvarke by die Noorweegse afvaardiging te beding. Vergete was Manyi se praatjies oor die imaginêre blanke rassisme. Dit het alles gehandel oor hoe Manyi homself kan verryk. Was ek maar ‘n vlieg teen die muur om my te verkneukel aan hoe die liberales se seepbel geprik was deur Manyi se ware kleure!

As die ANC of kranksinnige linkses soos Stalinbos se professor Sampie Terre’Blanche of ander ANC-werfbobbejane dus op jou gevoel wil speel, meneer en mevrou die blanke, en jou wil maak skuldig voel oor jou vermeende gebrek aan gewilligheid om te versoen, vra die voor-die-hand-liggende vraag. Indien dan nie aan die spreker nie, maar vir jouself: “Wat beteken versoening regtig in praktiese terme?” Ek is bevrees dat die ANC se begrip van versoening veel meer te make het met plundery as met enige houdings wat blankes glo nog sou koester.

какой клей для плитки Фільчаков прокурор

ANC slaan bal mis oor grondsake

“Stille diplomasie jeens Robert Mugabe se grondroof en versuim om die breë publiek in te lig oor die armoedegevolge van die uitdeel van onlewensvatbare lappies grond in ‘n marginale landbouland, eerder as grondpryse moet die skuld kry vir die regering se dilemma met grondhervorming.

“Terwyl die regering steeds volhou met sy stelling dat hy lewensvatbare kleinboere wil vestig, verstrengel probleme binne die Departement van Grondsake die grondhervormingsproses en word die blaam steeds, te midde van talle bewyse tot die teendeel, op boere geplaas,” aldus ds. Theunis Botha. Leier van die Christen-Demokratiese Party (CDP) en waarnemende voorsitter van die Christen-Demokratise Alliansie (CDA).

Botha het gereageer op ‘n stelling van die minister van landelike ontwikkeling en grondhervorming, Gugile Nkwinti, dat die regering nie die beginsel van vrywillige verkoper, vrywillige koper, kan bekostig nie.

“Boonop verplig die Suid-Afrikaanse grondwet die land om internasionale ooreenkomste te respekteer. Ook die Afrika-Kommissie vir Mense- en Groepregte erken eiendomsreg en dat die billike kompensasie by onteiening betaal moet word.

“Ons stel voor dat die regering eers ‘n behoorlik grondoudit hou, omdat verskeie gesaghebbende studies toon dat die 30 % teiken van swart besit lank reeds bereik is. Die regering se weiering om so ‘n oudit te hou lyk toenemend verdag.”

детские магазины

ANC-minister dreig met ‘grondhervorming soos in Zimbabwe’

Die minister van landelike ontwikkeling en grondhervorming, Gugile Nkwinti, het oor die naweek gedreig dat grondhervorming na die Zimbabwiese model in Suid-Afrika toegepas gaan word.

Nkwinti het op Vryheid in Kwazulu-Natal gesê: “Ons het gesien wat in Zimbabwe gebeur het, dit gaan hier gebeur omdat grond ‘n sleutelkwessie tydens bevryding is.” (In die oorspronklike Engels het hy gesê: “We have seen what happened in Zimbabwe , it will happen here because land is a key question in liberation.”

Die adjunkminister van landbou, dr. Pieter Mulder van die Vryheidsfront Plus, het met onsteltenis gereageer en dit in ‘n verklaring as “onverantwoordelik” bestempel. Volgens Mulder skep so ‘n uitspraak “groot onsekerheid in die landbougemeenskap”.

Nkwinti het ook daarna verwys dat die regering nie oor genoeg geld beskik om grond by boere te kan koop nie en dat grondhervorming daaronder lei. Volgens Mulder is “die onafwendbare afleiding wat hieruit deur die Suid-Afrikaanse landbougemeenskap gemaak word, dat die Minister Zimbabwe-tipe grondhervorming onbewustelik aanmoedig. Dit is tot niemand in Suid-Afrika se voordeel nie.”

Die Vryheidsfront Plus-leier het voorts gesê: “Omdat onsekerheid oor grondhervorming reeds voedselsekerheid in Suid-Afrika bedreig, maak uitsprake soos hierdie dit moeiliker en nie makliker nie om die samewerking van kommersiële boere te kry. Dit word as ’n verskuilde dreigement en afpersing deur die boere ervaar.”

By dieselfde geleentheid het die Minister sy bekommernis uitgespreek oor die honderde plase wat onproduktief is na hulle aan nuwe eienaars oorgedra is.

Navrae deur praag.co.za aan die ministerie is tot dusver onbeantwoord gelaat. Die minister het van persoonlike assistent verander en ‘n woordvoerder van die departement, Elton Green, was nie beskikbaar nie.

uk casino games