praag.co.za

Tweede kouefront sal binneland laat bibber

Written by

praag

in

,

Die vroeë sneeu op die Drakensberg se pieke is ‘n moontlike aanduiding dat Suid-Afrika ‘n bitter koue winter kan ondervind.

Intussen sal ‘n tweede kouefront wat oor die binneland inbeweeg, vandeesweek sy verskyning maak.

Die Suid-Afrikaanse Weerdiens sê die front het reeds oor die Wes-Kaap inbeweeg en sal later die week die Oos-Kaap. Lesotho, KwaZulu-Natal, die Vrystaat en Gauteng tref.

Die maksimum temperatuur in Gauteng sal glo teen die einde van die week skaars 12 grade Celsius wees.

Sneeu is vroeër vandeesmaand op die Sani-pas in KwaZulu-Natal en ‘n ski-oord by Rhodes, naby Lesotho se grens aangemeld.

Comments

8 responses to “Tweede kouefront sal binneland laat bibber”

  1. Witbeer Avatar
    Witbeer

    Goeie nuus, dankie
    Sneey bring water vir die Oranja

    1. Witbeer Avatar
      Witbeer

      Sneey is die ander tiepe sneeu wat in Leshoto voorkom, dink ek.

      1. G Avatar
        G

        LOL! Swart sneeu? Nee jy dink aan die Krokodil en die Jukskei riviere.

        1. Witbeer Avatar
          Witbeer

          BEE sneeu, G

  2. WhiteOak Avatar
    WhiteOak

    Lekker sneeu storie die:
    Iemand vertel my anderdag van die vrou wat in Kanada gaan ski het en om begrypbare redes beslis naamloos sal wil bly. Die eerste dag onder instruksie neem die instrukteur hulle een-een teen die helling af, sodat net sy later nog oor is. In die tyd ontwikkel sy ‘n nood en na ‘n vinnige rondkyk of daar nie miskien nog iemand op die helling is nie, hurk sy net daar met haar skibroek om haar enkels, sonder om te besef wat die warm water aan die sneeu onder haar ski’s gaan doen.

    Net toe sy mooi klaar is en wil opstaan, begin die ski’s vanself teen die helling afgly en om de dood kan sy nie regop kom nie. Daar gaan sy, al vinniger teen die helling af, steeds met haar broek om haar enkels. Die windjie van voor af is nogal koelerig en die spulletjie word verder afgekoel deur haar kaal boude wat stamp-stamp teen die sneeu, want die skokbrekers in haar knieë het lankal van skrik opgehou werk. Wonder bo wonder bly sy so al hurkende op haar ski’s bo en eindig uiteindelik teen die muur van die ski-hut. Enigste ongeval is ‘n gebreekte arm, ‘n bibberend koue “Suidekant” vol sneeu en ‘n verkreukelde ego met die hoop dat niemand haar teen die helling sien afkom het nie.

    Die hotel het ‘n dek waar die krankes en oues van dae in die son kan sit en kyk hoe die mense ski. Volgende oggend sit sy ook daar met haar arm in gips. Na ‘n rukkie stoot die hotelpersoneel ‘n man in ‘n rolstoel buitentoe en parkeer hom reg langs haar. Sy been is gebreek en met vroulike nuuskierigheid vra sy daarna uit.

    “Jy sal my nou nie glo nie,” kom die antwoord. “Gistermiddag is ek hier buite op die ski-helling en die volgende oomblik kom ‘n vrou al hurkende en kaalstert hier by my verby geski. Ek gaap die petalje so aan dat ek skoon vergeet om te kyk waar ek gaan en ski toe binne-in ‘n boom vas. Maar wat het jou oorgekom?”

    1. Rooikop Avatar
      Rooikop

      Goeie een die 🙂

  3. Rooikop Avatar
    Rooikop

    Ys Beer waar’s jy?

    1. Dolk Avatar
      Dolk

      Gun ‘n beer sy slaap!

Leave a Reply

More posts