praag.co.za

MTN sukkel met diesel in Nigerië

Written by

praag

in

,

Nigerië se grootste selfoonoperateur, MTN, het gewaarsku dat hy gedwing kan word om sy dienste te sluit weens ‘n tekort aan dieselvoorraad in Afrika se grootste olieproduserende land.

MTN Nigeria het ‘n boodskap op die sosiale netwerk Twitter geplaas en gesê omdat die meeste van sy basisstasies en ander toerusting deur kragopwekkers aangedryf word, kan sy bedrywighede ernstig geknou word tensy hy binnekort brandstof kry.

Dit is die jongste maatskappy wat deur die maandlange brandstoftekort in Nigerië geknou word.

Nigerië word deur brandstoftekorte gekortwiek as gevolg van omstrede subsidiebetalings.

Afrika se grootste olie-produsent beskik oor geen binnelandse raffinaderye nie, en word gedwing om ru-olie uit te voer en verwerkte produkte soos petrol en diesel in te voer.

Om koste aan verbruikers laag te hou, stel die regering pryse onder die markkoers en betaal die verskil aan invoerders.

Maar die daling in oliepryse het die land hard getref.

Comments

9 responses to “MTN sukkel met diesel in Nigerië”

  1. Kaylee van Yken Avatar
    Kaylee van Yken

    ” … toersuting deur kragopwekkers … ” – toerusting

    1. Bad Moon Avatar
      Bad Moon

      Jy is regtig ‘n pyn in die …

      1. Dolk Avatar
        Dolk

        Hallo Bad Moon 🙂 Ek moes nou vir jou glimlag… Het jy geweet dat sy en Riffels (Rifrug) wel Praag se vrywillige post-proeflesers is? Sonder grappies.

        1. Bad Moon Avatar
          Bad Moon

          Nie geweet nie, maar wat ek wel in besit van is, is Dr Dan se e pos adres. Dan kan sy maar seker die foute aan Dr Dan e pos. Gelukkig is daar nie baie nie, of wat sê ek?

          1. Kaylee van Yken Avatar
            Kaylee van Yken

            Hallo Bad Moon – ek gaan nie en ek wil hoegenaamd nie in onenigheid met jou hier op Praag saamleef nie. Wees verseker, indien jy een van my “vyande” was, was dit ‘n ander saak.

            Groete en ‘n baie geseende nagrus aan jou.

        2. Kaylee van Yken Avatar
          Kaylee van Yken

          Hallo Dolk, dis eerlikwaar nie asof ek fout soek nie, ek het net die beste vir Praag ten doel.

          Ek gaan ook nie vingerfoutjies onder Dr Roodt se aandag bring nie, ek dink hy is hopeloos te besig, dalk kan admin maar net die regstellings aanbring.

          Geseende nagrus ook vir jou – ons krag het sopas aangekom.

          1. Dolk Avatar
            Dolk

            Hallo Kaylee – jy’t my totaal verkeerd verstaan. Ek het goedig in die bresse getree vir jul puik “werk”! Dit het my nog nooit gepla nie en sal ook nie. :))

            Baie dankies – ‘n baie geseënde nagrus ook hoor. Ons area se krag kom eer na 10nm DV aan..

          2. Kaylee van Yken Avatar
            Kaylee van Yken

            Nee, wag, jy het my nou weer verkeerd verstaan. Ek was net lus om jou te antwoord omdat ek weet jy vir my in die geval ‘n goeie woordjie gedoen het – dankbaar !

  2. Arnieann Avatar
    Arnieann

    Die velcro nasie het nie die vermoë of kennis, of ………………………..die lys is te lank.
    Voer hulle nie mielies uit, en dan weer die meel terug nie?

Leave a Reply

More posts