Menings – Bladsy 13 – praag.co.za

Gaan die Republikeine verder oorlog maak?

President Barack Obama se administrasie sal in sy laaste twee jaar ‘n opdraende stryd moet voer, nadat die opposisie – die Republikeine – beheer oor die Senaat in die middeltermynverkiesing gewen het.

Elke Senaatskomitee sal nou onder voorsitterskap van ‘n Republikein staan, alles van buitelandse beleid tot Hooggeregshofaanstellings.

Die Republikeine beheer die Huis van Verteenwoordigers sowel as die Senaat.

Die party het ses bykomende setels in die senaat benodig om ‘n meerderheid te behaal, en het daarin geslaag om sewe setels te verower.

Die toekoms wat die VSA se buitelandse beleid betref, is egter duister, aangesien gewone Amerikaners toenemend gekant is teen oorlog, maar weens drakoniese binnelandse wetgewing nie in opstand kom teen hulle heersers se konflikgedrewe uitbreidingsug nie.

Onder aanvoering van NAVO is Bulgarye, Estland, Letland, Litoue, Romenië, Slovakye, and Slovenië reeds onder die VSA se hak en is die Nuwe Koue Oorlog in die Oekraïne aangekondig.

Republikeine het sedert 1970 binnelandse veiligheid beklemtoon.

Vir byna al die afgelope 40 jaar, het stembusse getoon dat die Amerikaners die Republikeine met veiligheid, buitelandse sake en die weermag vertrou, maar met George Bush het dié ingesteldheid dalk verander.

Sedert 1972, was dit vir die Republikeinse Party maklik om kiesers te vertel dat hulle militêre uitgawes beheer.

Dit was verreweg hul topbestedingsprioriteit, terwyl Demokrate oënskynlik altyd veg teen armoede.

Gewapen met meerderheid in beide huise, kan ‘n Republikeinse Kongres President Obama egter in die verleentheid stel met veranderinge aan sy gesondheidsorgplan.

Die GOP kan ‘n 1996-Wet gebruik om feitlik enige regulasie te stop, ten minste totdat Obama sy veto uitoefen, wat die politieke gang in Washington kan vertraag.

Die president se immigrasieplanne is natuurlik ook van die baan met felle Republikeinse teenkanting en ‘n onmiddellike befondsingsmeganisme vir die Keystone-oliepyplyn kan so gou as Januarie gebeur.

Vir die militêr-industriële kompleks in Washington is dit die Pentagon wat hul winsgrense waarborg. Oorlogskoors uit daardie oorde sal dus nie gou taan nie. Dit het ook nie onder die Demokrate en ‘n swart president gewapen met ‘n Nobelvredesprys nie.

Washington se werklike teiken is Rusland wat oorloop van natuurlike energiehulpbronne. Dit sal interessant wees om te sien hoe die Republikeine dit gaan benader.

Steve Hofmeyr het reg op sy perspektief

Dit is Steve Hofmeyr se reg om vanuit ’n bepaalde perspektief na die ontwikkeling van Suid-Afrika se geskiedenis te kyk. Dit wil voorkom asof Hofmeyr se perspektief inpas by die siening dat Suid-Afrika se geskiedenis handel oor die koms van die wit man na Suid- Afrika. Wat met sy Westerse kultuur, die christendom, eiendomsreg, ensovoorts gesien kan word as die wit beskawer van Suid Afrika.

Vir sommiges handel die ontwikkeling van Suid-Afrika se geskiedenis egter oor die stryd tussen wit en swart nasionalisme, of ’n bevrydingstryd, of die stryd tussen ryk en arm, of die stryd tussen kapitaliste en arbeiders, of oor kolonialisme en imperialisme, om net ’n paar te noem. Gebeure uit die geskiedenis word dikwels aangehaal om ’n bepaalde perspektief te regverdig.

Hofmeyr se siening moet miskien net weer ’n bewustheid wek dat daar meer as een perspektief oor Suid-Afrika se geskiedenis bestaan. Hopenlik open dit weer die debat en gesprekke hieroor.

Die vraag is egter watter perspektief of ideologie gaan Suid-Afrika se toekoms bepaal? Watter perspektief of ideologie sal daartoe lei dat Suid-Afrika tot sy volle potensiaal kan ontwikkel? Gaan daar ’n beweging na regs (vrye mark) of links (sosialisme) in die ekonomie wees? Gaan daar beweging na verdere demokrasie of miskien outokrasie wees?

– Dr. N. Keyser, Bloemfontein

Pick n Pay hersien borgskap vir AIG ná komediant se anti-Steve-veldtog

Pick n Pay sal sy borgskap van Afrikaans is Groot (AIG) glo hersien nadat ‘n politieke veldtog deur ‘n Joodse komediant deur Media24 ondersteun is om Steve Hofmeyr se optrede by dié musiekfees te kelder.

Conrad Koch het Steve in sy kwaadwillige teisterveldtog ‘n “apartheid-ontkenner” en “wit suprematis” genoem nadat Hofmeyr in ‘n twiet opgemerk het dat die meerderheid swartes voorheen apartheid ondersteun het.

Hofmeyr se stelling berus op ‘n gewone feitlike taksering oor die houding van landelike swartes voordat die ANC ‘n terreurveldtog mbv buitelandse befondsing van stapel gestuur het om ‘n volskaalse “People’s War” in stedelike gebiede te loods.

Van die tien Suid-Afrikaanse tuislande, was die drie grootste die Transkei, Bophuthatswana en KwaZulu.

Die swart bevolking was in totaal de jure die enigste bevolking van hierdie drie areas, dus meer as 60 persent van die bevolking van Suid-Afrika wat in daardie state gestem het vír apartheid.

PnP het destyds fluks sake gedoen in sulke gebiede sonder enige morele selfkastyding, net soos ‘n meerderheid Joodse sakemanne wat klaarblyklik tans hul seile na groter politieke winde wil span met ‘n georkestreerde Boerehaatveldtog.

In teenstelling met die Transkei, was Bophuthatswana en KwaZulu geleë in die groot groei-areas van die Suid-Afrikaanse ekonomie.

Conrad Koch het Pick n Pay, die hoofborg van AIG, daarna genader om hul borgskap te onttrek.

“Dit sal baie hartseer wees as ’n misplaaste sosiale-media-veldtog daartoe lei dat ons nie meer in staat is om hierdie konserte te ondersteun nie. Maar in die lig van onlangse gebeure sal ons ons toekomstige borgskap van die fees hersien,” lui ’n verklaring deur Pick n Pay gister.

Die maatskappy, ’n gekontrakteerde borg van AIG, het lelik begin kleitrap en later te kenne gegee hulle steun musiek wat nie hulle politieke doelwitte aantas nie.

In reaksie het PnP gesê hulle “ondersteun Afrikaanse musiek, maar nie individue nie”.

Hulle het Hofmeyr se stellings veroordeel en gesê sulke opmerkings het geen plek in Suid-Afrika nie.

Die maatskappy het ’n roemryke geskiedenis van teenkanting teen ongeregtigheid, het hulle gesê.

Pick n Pay het sy teenkanting teen Hofmeyr se opmerkings aan die organiseerders van AIG duidelik gemaak, in navolging van Koch se aanbevelings.

Beeld wil ons soos Sonja Loots afbreek

Beeld is veronderstel om vir die mense te praat – al die mense – hoekom is daar so min oor die gewelddadige aanvalle en moorde op die blankes/ boere in julle koerant?

Media 24 waarvan julle deel is, vervreem sy mark met berigte soos dié van Sonja Loots wat op beroepsouers/ma’s afgaan en oor mense wat hulle belang op die hart dra soos Steve. As daar iemand was wat na hulle belange omgesien het, sou Steve nie ‘n inpak gehad het nie.

Nou egter is ons uitgelewer aan moord, roof, geweld, korrupsie en die forums wat in ons taal druk staan vir die ander party. Julle is so uit voeling in julle room-en-botterkantore dat julle geen benul het wat die man op straat se probleem is nie. Julle sal liewer verder afdruk en afbreek – soos Sonja Loots – as om op te staan vir dít wat reg is. Maar dit sal seker julle meerderheidvennote wie se sakke julle moet vol hou en aan wie julle bonusse betaal, ontstel.

Vir onreg om te seëvier moet goeie mense stil bly, “see no evil, hear no evil, speak no truth, genocide!”

– Elize Annandale

Aan Beeld: swartes het saam met ons op sypaadjies geloop!

Dalk dink die …okkers ons outoppies van 1948 is al dood en weet nie van beter nie.

Anekdote : In 1963 -15 jaar oud – ry ek fiets poskantoor toe met ‘n pakkie. ‘n Volwasse Skilpadnek kom ry langs my en snou my toe “jou bliksemse Boer kom uit my pad uit”. Skaamkwaad noem ek hom toe die groot “K”-woord plus ‘n paar uitsoekvloekwoorde wat ek by grootmense gehoor het.

Hy ry my van my fiets af en toe ek opstaan, skop en slaan hy. Ek kry ‘n paar goeie opstoppers in en besluit Ta hy gaan dit nie maak nie. Haal sy gordel af en slaan my deur die oë. Ek kan skaars sien en skop vir die eerste en enigste keer in my lewe na iemand en tref met groot geluk die teiken.

Terwyl hy van die pyn krul, stop ‘n Ingelse libturd ou lady met skreeuende bande langs ons en hol na die booi toe. Seg sy woedend: “Shame on you for hurting the poor boy”. Toe bugger off ek maar en vergeet my pakkie net daar.

Gaan terug om die pakkie te soek toe wag Ta om die hoek vir my en gooi my met ‘n halwe baksteen en tref my op die knieg. Kruppel stoot ek fiets tot by poskantoor en hinkepink huis toe. Loop vir twee weke kruppel daarna.

Beeld, as ons daardie dae bekkig rassisties was, was hulle toe al gewelddadig – vol pense, werk en al. En nee, julle praat stront – hulle het saam met ons op die sypaadjies geloop en in dieselfde winkels as ons gekoop.

Gert Fouché

Te veel ekstremiste is al vernoem

Die Kaapse stadsraad wil Tafelbaai-boulevard na F.W. de Klerk hernoem en De Klerk se minnesanger Leopold Scholtz vind dit uitstekend aangesien “ekstremiste” daarteen gekant is.

Die probleem is egter dat sommige “ekstremiste” in Leopold se eie verbeeldingswêreld nes geskop het, waarmee hyself sy “gematigde” draadsitterstatus onder verdenking plaas.

Linkse ekstremiste meen De Klerk was ’n nare apartheidspresident wat dié beleid net afgeskaf het omdat die heldhaftige ANC hom daartoe gedwing het. Aan die regterkant word gesê De Klerk het die wit mense en die Afrikaners verraai.

Albei groepe meen De Klerk moenie op dié manier vereer word nie. (Interessant hoe uiterstes mekaar altyd êrens vind!)

Teen hierdie tyd is daar min Afrikaners wat nie al oor die kop geslaan is met die “wonderlike” uitkoms van De Klerk se onderhandelinge nie, en hulle is gewone middelklasmense, kwalik die soort wat by ISIS gaan aanmeld om koppe af te saag.

Dis daar in die “gematigde middel” waar Poldi homself bevind waar sulke afwykings eintlik heers. Dis die soort mense wat glo terreur is die antwoord om van Afrikaners ontslae te raak, en dit befonds, aanmoedig en uitvoer. En dan vir 20 jaar volhou met geteikende veldtogte teen ons taal, ons skole en elke ander instelling waar Afrikaners verteenwoordig is.

Poldi is dus terdeë bewus van die onverkwiklike gemors wat De Klerk nagelaat het, anders sou hy nie so verheug gewees het dat ons “burgerregte” flink deur die Grondwet beskerm word nie.

Renate Barnard, die wit polisiekaptein, sal egter verskil hiervan:

Twee gevolgtrekkings spruit hieruit. Een: Moenie so baie kerm nie; gooi jou gewig agter bewegings soos AfriForum en Solidariteit in en maak gebruik van die Grondwet as wapen. Twee: Vereer De Klerk vir sy rol in die Suid-Afrikaanse geskiedenis.

Verbasend dat die twee uitsluitende gevolgtrekkings Scholtz nie in die minste pla nie. As sy tweede gevolgtrekking korrek is, was die eerste nie nodig nie, nie waar nie?

Die vermaarde pryssanger erken egter sy tekortkominge: Hy weet “vaagweg” van al die “geweld en burgeroorloë ver in die wêreld, die Oekraïne, Sirië, Irak, Afganistan, Pakistan, die Kongo, Suid-Soedan, Nigerië, noem maar op, maar is nie régtig bewus daarvan nie”.

Dit het Praaglesers al opgeval hoe oningelig die man is, ja, maar blykbaar weerhou dit hom nie daarvan om voortdurend allerlei “internasionale” menings aan algar op te dis nie, die meeste daarvan uit sy duim gesuig.

Ons was onderweg na ’n volskaalse burgeroorlog, soortgelyk aan die enorme geweld in die gebiede wat hierbo genoem is, veel erger as wat ons tans ondervind.

En die maan is van kaas gemaak. Daar is baie ander uitkomste wat namens die Afrikaners onderhandel sou kon word, maar met sulke vooropgestelde idees soos “die volskaalse burgeroorlog” waarheen ons op pad was, was dit kennelik te groot om af te byt vir die Boksombende.

Die harde waarheid is dat apartheid teen 1989-’90 nie alleen moreel uitgehol was nie, maar prakties misluk het. Ons weet vandag dat die oorspronklike partisie-idee wat – as dit behoorlik uitgevoer kon word – moreel aanvaarbaar was, reeds met die NP-oorwinning in 1948 onuitvoerbaar was. In die praktyk het dit verword tot ’n naakte en immorele rasse-oorheersing van ’n meerderheid deur ’n minderheid.

Hierdie wysheid het Poldi waarskynlik woordeliks uit sy Britse handleiding vertaal. Die harde waarheid is dat die myne Eldorado in die opkoms van China raakgesien het en hul bedrywe terug wou skuif na Londen en dus geen meer nut gehad het in apartheid nie, ‘n stelsel wat deur Jan Smuts verfyn is om arbeid aan Britse mynbelange te verseker.

Die burgeroorlog teen Afrikaners woed onverpoos voort sedert 1994. Ons het geen geweld vrygespring nie; ons beleef dit daagliks. Die mynbase in Londen nié. Die idee dat ons geweld vrygespring het, is gewoon onsinnig. Met 77 moorde per dag as die gevalle van manslag ingesluit word, grens Scholtz se stellings eintlik aan kránksinnig.

Uit De Klerk se persoonlike geskiedenis wil dit voorkom asof hy juis op daardie tydstip toe hy bewus moes gewees het van sulke kwessies, nie ernstige oorweging daaraan geskenk het nie.

Dat Poldi sekere burgerregte-organisasies adverteer saam met De Klerk, moet vir sulke organisasies rede tot kommer wees, tensy hulle hulself distansieer van die man wat vir Afrikaners se penarie verantwoordelik is.

Dit kan hulle beeld wat hul teikenmark betref, net goed doen.

Daar is al genoeg ekstremiste wat vernoem is. Om die waarheid te sê, te veel, want oral waar ‘n mens kom, pryk hulle name op straatborde, geboue en openbare ruimtes in Suid-Afrika. Nie nog een nie, asseblief!

Wat gebeur werklik in Irak en Sirië?

Die oorlog teen Sirië wat ook in Irak woed, word deur talle krisisse gekenmerk.

In Junie 2012, by die eerste konferensie in Geneve, het die pasverkose Francois Hollande sy eie interpretasie van die finale verklaring gemaak.

Met die hulp van Israel en Turkye, asook die ondersteuning van Hillary Clinton en die destydse CIA-direkteur David Petraeus, is daar ‘n chemiese aanval beplan wat dié groep aan Sirië wou toedig.

Clinton en Petraeus is egter uitgeknikker deur President Obama, en Turkye moes die leisels oorneem in die somer van 2013, tesame met Israel en Frankryk, om die chemiese aanslag “vanuit Damaskus” te reël, sonder die VSA se hulp.

In Januarie 2014 het die Verenigde State van Amerike ‘n geheime sitting van die Kongres gehou oor befondsing en bewapening van die Sunniegebiede van Irak en die Koerdiese gebied van Sirië om nasionale state omver te werp.

Frankryk en Turkye, nadat hulle Al-Kaida (al-Nosra Front) van wapens voorsien het, het egter gesorg dat die Verenigde State van Amerika noodgedwonge moes terugkeer na die oorspronklike plan van die koalisie wat Hillary en Petraeus beoog het.

Die Koalisie van die Vriende van Sirië het in Julie 2012 ten minste ‘n honderd lande en internasionale organisasies ingesluit, maar onlangs gekrimp tot 11. Die lys deelnemers bly ‘n geheim.

Slegs 22 lede is onlangs uitgenooi na die vergadering van die hoofde van die koalisie.

In werklikheid, was die koalisie se aanvanklike bestaan te danke daaraan dat menige deelnemers baie spesifieke doelwitte in die oog gehad het en nie kon ooreenkom oor hul gemeenskaplike doelwit nie. Daar is vier sulke strominge:

– Die Verenigde State poog om die olie van die streek te beheer. In 2000 het die Nasionale Energiereguleerder Policy Development Group (NEPDG) onder voorsitterskap van Dick Cheney deur satellietbeelde en boordata, globale olie-reserwes geïdentifiseer en groot reserwes van Siriese gas waargeneem. Washington het in 2001 besluit om agtereenvolgens agt lande (Afghanistan, Irak, Libië, Libanon en Sirië, Soedan, Somalië, Iran) aan te val en hul natuurlike hulpbronne te konfiskeer. Die “breër Midde-Ooste” is die uiteindelike doelwit, wat ook die aftakeling van Turkye en Saoedi-Arabië beteken. Die State Department het dus die loodsveldtog die “Arabiese Lente” waargeneem.

– Israel verdedig sy nasionale belange in die kort termyn. Strategies moet die land die ruimte tussen die twee riviere beheer, die Nyl en die Eufraat, en hy is van voornemens om alle ekonomiese aktiwiteit te beheer in die gebied, insluitend natuurlik olie. Vir beskerming is Israel se vyande gedeeltelik geneutraliseer: Die Egiptiese en Siriese leër deur die ontplooiing van Patriotmissiele van NAVO in Turkye, en die skep van ‘n Koerdistan in Irak asook Suid-Soedan).

– Frankryk en Turkye wil voortgaan om te droom van die herstel van hul ryke. Frankryk hoop om ‘n mandaat te kry oor Sirië, of ten minste ‘n gedeelte van die land. Die Vrye Siriese leër het ‘n groen vlag, met wit, swart en drie sterre gekry, presies soos die een van die Franse mandaat van 1920. Turkye, vir sy deel, is van voorneme om die Ottomaanse Ryk te herstel. Hulle het reeds ‘n Wali soos van ouds vanaf September 2012 aangestel om die “provinsie te administreer”. Turkse en Franse projekte is onderling versoenbaar omdat die Ottomaanse Ryk erken het dat sommige van sy provinsies met ander koloniale magte bestuur word.

– Ten slotte, Saoedi-Arabië en Qatar weet hulle kan nie sonder voetesoenery van die Verenigde State en die stryd teen sekulêre regimes oorleef nie, en hulle beursies is oop.

Hierdie vier kragte kon net gedurende die eerste deel van die oorlog, vanaf Februarie 2011 tot Junie 2012, saamwerk.

Dit was inderdaad ‘n vierde orde strategie: Spesiale magte organiseer voorvalle en hinderlae hier en daar, terwyl die Atlantiese media ‘n verhaal borduur oor “diktatorskap, en onderdrukking van die demokratiese revolusie”.

Maar in die vroeë 2012, het die Siriese bevolking begin twyfel dat president Bashar al-Assad kinders martel en gifgasaanvalle beplan teen sy eie mense.

Frankryk het gou-gou ‘n einde aan die krisis gemaak nadat Franse beamptes gevange geneem is. Die Verenigde State en Rusland het ‘n nuwe Sykes-Picot-verdrag met die Verenigde Koninkryk en Frankryk onderhandel.

Sedert dié ooreenkoms, werk niks in die koalisie meer nie en opeenvolgende mislukkings wys dat dit haas onmoontlik geword het om almal te plesier.

In Julie 2012 is die toespraak deur Francois Hollande in Engels geskryf, waarskynlik deur die Israeli’s, en in Frans vertaal. Hillary Clinton en ambassadeur Robert S. Ford was van daardie oomblik ongetwyfeld betrokke by die grootste geheime oorlog in die geskiedenis. Die koste van die oorlog was voorts enorm, ten volle deur Saoedi-Arabië en Qatar betaal.

Duisende buitelanders het aan die “Siriese demokratiese revolusie” deelgeneem. Na wat geraam word is dit 250,000 buitelandse jihadiste vanaf Julie 2012 tot Julie 2014.

Barack Obama en sy twee sekretarisse van Verdediging, Leon Panetta en Chuck Hagel word egter gedryf deur ‘n radikaal verskillende politiek: Panetta is van die Baker-Hamilton Kommissie en so ook Obama. Volgens hulle is die Verenigde State van Amerika nie ‘n koloniale mag in die Middellandse See nie. Dit wil sê, hulle moet nie territoriale beheer deur setlaars oorweeg nie. Die ervaring van die Bush-administrasie in Irak was baie duur in vergelyking met sy opbrengs en dit moes nie herhaal word nie.

In Januarie 2014 is ‘n geheime vergadering van die Kongres belê en het hulle besluit om jihadiste te gebruik om etniese suiwering toe te pas, iets wat uitdruklik deur die internasionale reg verbied word.

Barack Obama oorweeg nie ‘n herskikking van die “breër Midde-Ooste” as ‘n doel op sigself nie, maar slegs as ‘n middel om die natuurlike hulpbronne te beheer. Hulle gebruik ‘n klassieke ontwerp, uit Jimmy Carter se dae om dit te bereik.

In sy toespraak op 23 Januarie 1980, het President Carter die doktrine wat sy naam dra, uitgestippel: die Verenigde State van Amerika is van mening dat die olie in die Golf baie belangrik vir die ekonomie is en aan die VSA behoort. Dus, alles en almal wat “nadelig vir die belangrike belange van die Verenigde State van Amerika is, sal uitgeskakel word, ook met militêre mag indien nodig.”

Carter se gedagte was die beheer van die wêreld se olie-mark in dollar op dieselfde wyse waarop die Verenigde Koninkryk in die negentiende eeu die beheer van die wêreld steenkool oorgeneem het.

Tans word die Pentagon simbolies bygestaan deur Saoedi-Arabië en Qatar met ‘n paar vliegtuie, maar nie Frankryk nie Turkye nie. Meer as 4000 sorties is reeds gevlieg om bomme op ISIS te reën, maar net meer as 300 vegters is dood.

Amptelik dus, beteken dit is meer as 13 sorties en ‘n onbekende aantal bomme en missiele om een jihadi dood te maak. Dit sal die duurste en die mees ondoeltreffende lugveldtog in die geskiedenis wees.

Maar as ons kyk na die manipulasie van oliepryse wat van $115 per vat tot $83 gedaal het, beteken dit ‘n afname van byna 25%. Nouri al-Maliki, die vorige wettig verkose premier van Irak, het die helfte van die olie verkoop aan China.

Al die oliefasiliteite wat gebruik word deur Chinese maatskappye is intussen vernietig. De facto, word Irakse en Siriese olie tans van Chinese kopers weggehou en geïntegreer in die internasionale mark wat beheer word deur die Verenigde State van Amerika.

Uiteindelik is hierdie lugveldtog ‘n waarskuwing aan President Xi Jinping wat probeer om hier en daar bilaterale oliekontrakte te sluit teen die VSA se wil.

Die Verenigde State van Amerika is dus bereid om hul strategiese beheer oor die internasionale oliemarkte te verdedig.

Maar Frankryk en Turkye sal nooit in staat wees om hul drome te verwesenlik nie. Frankryk moet dink oor die rol wat Africom op die swart kontinent speel in alle lande wat probeer om nader aan China te beweeg soos die Ivoorkus, Mali, Sentraal-Afrikaanse Republiek. Erdogan van Turkye sal een oggend wakkerskrik met ‘n staatsgreep in sy land as hy voortgaan met die herlewing van die Ottomaanse Ryk.

Saoedi-Arabië en Qatar sal nooit die miljarde wat hulle in oorlog belê, sien nie. Erger nog, dit is waarskynlik dat hulle sal moet betaal vir ‘n deel van die heropbou. Washington kan kies wanneer om hul private eiendom, Saoedi-Arabië te verdeel.

Israel is eintlik die enigste wenner in hierdie oorlog teen Sirië en binne die koalisie self. Siriese mag is verswak en hy het daarin geslaag om die buurland se chemiese arsenaal af te bou terwyl Israel self spog met beide ‘n gesofistikeerde kernarsenaal en ‘n chemiese asook biologiese arsenaal.

Rusland en China sal dringend moet ingryp teen jihadiste omdat hierdie hulpmiddel binnekort teen hulle deur die Verenigde State van Amerika gebruik sal word.

Die Georgiese minister van verdediging het erken dat hy gasheer speel met oefenkampe vir jihadiste. As Moskou en Beijing huiwer, sal hulle in die Kaukasus, in die Ferghana-vallei, en Xinjiang die jihadiste moet tegemoet gaan.

SINK nooit deur US-raad goedgekeur nie

Die sogenaamde “Sentrum vir Inklusiwiteit” by die Universiteit van Stellenbosch, wat soveel opslae met sy kontroversiele uitsprake oor transformasie aan die US gemaak het, het in werklikheid nooit amptelik bestaan nie.

Die sentrum (SINK) is die geesteskind van die viserektor Julian Smith, tans met sogenaamde “studieverlof”, al kan administratiewe amptenare soos hy nie kwalifiseer vir studieverlof nie.

Smith se pos as Viserektor Gemeenskapsinteraksie word afgeskaf, en as hy terugkeer is dit die einde van sy kontrak en sal hy na verwagting met pensioen aftree. Dit is ondenkbaar dat hy na die Departement Drama kan gaan as “professor”, waar hy nominaal ‘n leerstoel beklee, net sodat hy as “professor” aangespreek kan word.

SINK se instelling as Sentrum aan die US is nooit deur die universiteitsraad goedgekeur nie. Om as sentrum te kwalifiseer, moet ‘n behoorlike reglement deur die Senaat goedgekeur sowel as die universiteitsraad goedgekeur word.

Dit het nooit gebeur nie. Botman het die proses probeer omseil deur te beweer dat SINK bloot ‘n bestuursaangeleentheid is, maar die universiteitsraad het dit op sy voorlaaste vergadering nie aanvaar nie.

Die probleem is: Wat doen die US nou met ‘n “direkteur” van SINK, naamlik dr Lwellyn MacMaster?

Hy was, net soos Botman, een van die dosente wat in 1990 vanaf die Fakulteit Teologie aan UWK na US oorgeplaas is, sonder dat hulle ooit aan die akademiese keuringsproses onderwerp was.

MacMaster se kontrak verstryk einde vanjaar, en die hoop is dat hy dan nie weer enige pos aan die
US sal beklee nie. Plannetjies word glo beraam om hom weer by die Fakulteit Teologie te huisves, waar hy as ‘n liggewig akademikus beskou was.

Monica du Toit, die ander amptenaar van SINK, se posisie is nog onseker.

John Kennerson

Geleerdheid bring nie wysheid nie

Na aanleiding van die Kovsiedosente, Driekie en Derek Swemmer, wat reggestel is, het dit my herinner aan my politieke argumente met my plantkundedosent op Tukkies voor die Ja/Nee-stemreferendum. Hy wou in die klas voorgee dat die Ja-stem die intelligente en onbevraagtekenbare keuse sou wees. Ek het as enkeling die noodwendige verafrikanisering probeer skets, maar helaas die prof het my wysgemaak dat ek nog sal grootword.

My ervaring is dat dosente oor die algemeen geneig was om die NP-wanpersepsie van die utopiese reënboognasie ongetoets te sluk. Ek vermoed dit is nie tans juis anders nie. Ek kan myself dus nie sover kry om medelye te hê met die twee nie, want ons as Afrikaners moes maar almal uitspring en ‘n lewe buite om die NSA se strukture maak. Hulle regstelling is ‘n noodwendige gevolg van die NSA waarvoor hulle almal gekies het, gehoop het en nog steeds bly hoop. Die grond (plase) is die noodwendige volgende regstelling. Die revolusie omsluit alles soos wat dit maar goeie revolusies se aard is.

Die geleerdes het raakgesien dat apartheid nie meer moreel regverdigbaar was nie, maar kon nie insien dat die Afrikaner se republikeinse strewe nie apartheid is nie – toe word alles sommer opgeoffer omdat apartheid vernietig moes word.

Helaas – dis nie net die vorige swak regering wat die slagskape gesus het nie, maar ook die geleerdes.

Kry vir julle.

Vaughn

Handelsooreenkoms tussen EU en Oekraïne drup van ironie

Alhoewel die ondertekening van ‘n handelsooreenkoms tussen die EU en die Oekraïne as ‘n oorwinning bestempel sal word, is die ironie daarvan dat dit sonder die omverwerping van die vorige regering beter sou geslaag het.

Die wettig verkose president Janoekowitsj wat in Februarie vanjaar deur ‘n staatsgreep verwyder is, het nie die EU-ooreenkoms hoegenaamd uitgesluit nie. Hy het net beswaar gemaak teen die EU se aandrang dat Rusland nie moet deelneem nie.

Dit moes gedoen word sodat die Oekraïne ten minste ‘n paar van sy energiesubsidies kon behou en nie sy status as begunstigde van uitvoere na Rusland – ‘n groot koper van Oekraïense produkte – prysgee nie.

Nou is Rusland pens en pootjies deel van die ooreenkoms en albei voordele verlore.

Janoekowitsj wou eintlik met beide Oos en Wes saamwerk tot voordeel van sy land wat geografies veral goed geplaas is as ‘n poort tussen die twee.

Die Oekraïne word aan die gang gehou deur Russiese subsidies, wat huur vir die Swart See-vlootbasis 20 jaar vooruit ingesluit het.

Rusland se legitieme bekommernis is dat al sy beleggings in die Oekraïne deur bankrotskap opgevreet sal word met die Weste wat Kiëf onder lenings sal toegooi en dan op gewone manier eise begin stel oor die oorhandiging van bates wat eintlik aan Rusland behoort.

Een vreemde voorbeeld van so ‘n lening is die GMO-saadklousule in die eerste “hulpleningspakket” aan die post-staatsgreepregering, ‘n baie eienaardige topprioriteit vir die EU-blok om Monsanto se belang skielik voorop te stel. Dit sou die Oekraïne se landbou vir die Monsantomonopolie oopstel met die staatsgreep, terwyl energie ‘n veel groter prioriteit vir die EU, Kiëf en Rusland is.

Dit is egter voorgehou as ‘n manier om Georgië, nog ‘n pro-Amerikaanse gasheer, se landboustatus af te takel.

Sanksies deur die EU help nie met die gewildheid van leiers van die EU nie. Hollande is gebrande Franse roosterbrood. Die Britte se “wêreldmag”-geskenkpapier is minder mooi sonder Skotland en ons sien ‘n groeiende verset teen Merkel, die soort waar haar verwydering as die enigste oplossing vir haar gekke optrede bespreek word.

Die woede is nie net oor die ekonomiese ramp wat dreig na al die harde werk deur Duitse maatskappye om die sterkste ekonomie in Europa te bou nie, maar ook NAVO se spierbultery teen Rusland – blykbaar alleen tot voordeel van LockheedMartin – wat nog ‘n groter ramp sal skep.

Die yslike agterstallige bedrae skuld wat Kiëf vir gas moet opdok, sal dus nie verdwyn nie want Kiëf kon nie hul etniese uitwissing van Russe tot ‘n volskaalse oorlog uitbrei nie en het trouens ‘n groot pakslae gekry in die Donbass.

Die afskiet van MH17, die dood van honderde Nederlanders en ‘n gevingerwys na Rusland sonder enige bewyse het ook nie gehelp om Wêreldoorlog III te loods nie.

Wanneer die Oekraïne se skuld die 60%-merk oorsteek, kan Rusland ‘n opsie uitoefen wat sy $2 miljard-lening betref. Dit lyk asof dit teen jaareinde op 66% sal staan. Dus hou Moskou die bankrotskapkaart teen Kiëf wat ‘n yslike verlies vir die EU se banke sal beteken.

Al wat die EU en die Kiëf-junta sover gewen het is dus onbenullige burokratiese inkgevegte, terwyl hulle hul IMF-lening weggesmyt het in ‘n dom, tevergeefse poging om die Oos-Oekraïne etnies te suiwer.

Die mite van 9/11

Die Amerikaanse publiek word ‘n fabel vertel oor die tragedie van 11 September 2001.

Dit gaan veel verder as die dood van diegene wat in die torings gewerk het en die dood van die brandweerpersoneel en nooddienste van siektes wat veroorsaak is deur die inaseming van giftige stowwe.

Vir dertien jaar lank reeds word die 9/11-mite gebruik om Amerikaanse oorlogvoering te regverdig.

Die korrupte Bush en Obama regimes gebruik 9/11 steeds om dood te maak, te vermink, te verdryf en chaos in sewe lande te skep, waarvan nie een enigiets hoegenaamd te doen gehad het met 9/11 nie!

Volgens die amptelike feëverhaal, op 11 September 2001, is die magtigste land op aarde, die wêreld se enigste supermoondheid, verslaan deur ‘n paar jong Saudi-fundementaliste gewapen net met papiermesse.

Die grootse Amerikaanse Nasionale Veiligheidsopset was heeltemal hulpeloos en is die grootste vernedering ooit in die geskiedenis toegedien deur mense wat slegs kamele in die sand kon baasraak.

Daardie dag het geen aspek van die Nasionale Veiligheid van die VSA gewerk nie. Alles het misluk. Die Amerikaanse lugmag kon nie eers vegvliegtuie in die lug kry nie. Al sestien Amerikaanse intelligensie-agentskappe het misluk net soos dié van Amerika se NAVO en Israeliese bondgenote. Amerikaanse lugbeheer het misluk, en lughaweveiligheid het vier keer op dieselfde oomblik op dieselfde dag misluk.

Klink dit verdag? Ja nogal. Die waarskynlikheid van so ‘n mislukking is nul.

Indien so ‘n ding werklik gebeur het, sou daar ‘n magdom eise van die Withuis gewees het, van die Kongres, en van die media vir ‘n ondersoek. Amptenare sou verantwoordelik gewees het vir hul mislukkings en koppe sou vir seker gerol het.

In plaas daarvan, skop die Withuis hard teen eise van 9/11-families vir ‘n verdere ondersoek. Die ergste veiligheidsmislukking in die geskiedenis het daartoe gelei dat nie ‘n enkele persoon afgedank is nie. Niemand is verantwoordelik gehou nie.

Osama bin Laden, ‘n CIA-bate wat aan nierversaking dood is, het die skuld gekry ten spyte van sy eksplisiete ontkenning.

Vir die volgende tien jaar is Osama bin Laden as die verskoning gebruik vir Washington om ontelbare Moslems te gaan doodmaak wat voorheen nooit enige bedreiging vir die VSA ingehou het nie. Amerika was trouens besig om die Moslemwêreld oor te wen met sagte mag en die Persiese vyand Iran. Deesdae is die bordjies verhang.

En skielik op 2 Mei 2011, kondig Obama aan dat die Amerikaanse seesoldate Bin Laden in Pakistan gaan doodmaak het. Ooggetuies op die toneel weerspreek die Withuis se weergawe.

Osama bin Laden is die enigste mens in die geskiedenis wat nierversaking oorleef het vir ‘n volle tien jaar. Daar was geen dialisemasjien in Bin Laden se beweerde wegkruipplek gewees nie. Die talle doodsberigte van Bin Laden se afsterwe in Desember 2001 het ook verdwyn.

Dieselfde span seesoldate het ‘n paar weke later in ‘n geheimsinnige helikopterongeluk in Afghanistan omgekom. Een van hulle was glo besig om aan ‘n boek te werk.

Die duisende matrose op die vliegdekskip waarop Bin Laden se seebegrafnis gehou is en sy liggaam in die Indiese Oseaan gestort is het almal die huis laat weet dat geen sodanige begrafnis plaasgevind het nie.

Die sprokie van Bin Laden se moord deur Seal Team Six het Obama se nominasie vir ‘n tweede termyn gered en die “oorlog teen terreur” van die beperking wat Bin Laden daarop geplaas het. Washington wou Libië, Sirië, en Iran, lande waar Bin Laden nie organisasies het nie, gaan aanval.

Die vervalsde Bin Laden video’s, waarin die kêrel progressief jonger word, het ook geloofwaardigheid verloor onder kenners wat nie meer lus was om aan die speletjie deel te neem nie.

Maar wat van die twee torings en WTC 7?

Dit is duidelik dat die geboue nie geval het as gevolg van strukturele skade nie. Toe dit duidelik word dat die Withuis ‘n onafhanklike ondersoek blokkeer oor die enigste drie staal wolkekrabbers in die wêreld se geskiedenis wat geval het as gevolg van lae temperatuur kantoorbrande, het almal met ‘n halwe breinsel besef die VSA se amptelike weergawe het niks met die werklikheid te make nie.

Na jare van volharding het ‘n groep in New York die nodige aantal geldige handtekeninge ingesamel om die oorsaak van die ineenstorting van die drie WTC-geboue te ondersoek. Die amptelike verklaring, indien dit korrek is, beteken dat die bestaande brand- en boukodes onvoldoende is om die publiek te beskerm en dat alle ander hoë staalstrukture dieselfde risiko inhou vir openbare veiligheid.

Die saak dien voor die hof in New York en berus op ‘n regter se uitspraak. Al skrik die regter vir die implikasies, sal die argitekte en ingenieurs en ander spesialiste nogtans die punt maak dat die Amerikaanse regering geen vertroue in die geldigheid van sy eie storie het nie.

Fisici, aptekers, argitekte, ingenieurs, en die nooddienste het oorweldigende bewyse wat die amptelike weergawe heeltemal weerlê.

9/11 is gebruik om fundamenteel die aard van die Amerikaanse regering en sy verhouding tot die Amerikaanse volk te verander. In wese, het wit Amerikaners vandag geen regte meer nie.

Geen bevoegde fisikus kan moontlik glo dat die amptelike storie van die drie WTC-geboue sin maak nie. Maar fisikadepartemente by Amerikaanse universiteite is baie afhanklik van die federale geld. Enige twyfelende fisikus sal nie net sy eie loopbaan in gevaar stel nie, maar ook die loopbaan van al sy kollegas. Fisikus Steven Jones, wat die eerste keer gewys het op die gebruik van termiet in die vernietiging van die twee torings, moes daarna instem dat sy universiteit sy ampstermyn uitkoop of hulle verloor al hul federale finansiering.

Argitekte en strukturele ingenieurs wat twyfel oor die amptelike verklaring van die ineenstorting van drie wolkekrabbers word beskou deur potensiële kliënte as Moslem-aanhangers. Die kliënte, natuurlik, het geen deskundige kennis waarmee hulle die kwessie kan evalueer nie. Hul indoktrinasie maak hulle immuun teen feite.

NAVO brei uit sonder MH17-vlugopnemerdatavrystelling

NAVO is reeds in die Oekraïne. ‘n NAVO-kubersentrum is reeds sedert Maart in Kiëf bedrywig. Die sentrum is in die gebou van die land se Nasionale Veiligheidsraad en Verdediging. Die spul NAVO-burokrate bepaal tewens die nuusagenda in die Oekraïne en die onophoudelike demonisering van alles wat Russies is.

Daardie uitnemende Deense middelmatigheid by name Anders Fogh Rasmussen, is al hoe meer koorsig van oorlogsug. Die sekretaris-generaal het by die pasafgelope NAVO-beraad in Cardiff en Newport in Wallis weer bewys dat hy die mees gedienstige NeoCon-skoothondjie is. Maar “Fogh of War” het dalk iets laat deurskemer met sy ywer.

Terwyl hy weer “die voorafplasing van voorrade, [wapen]toerusting” bepleit het dié naweek vir iets wat klaarblyklik al voor die afskiet van vlug MH17 gereed was, begin algar wonder waarom die vrystelling van die data op die vlugopnemers van die Maleisiese rampvlug dan so kan talm?

Sou dit nie besonder geleë wees om juis dié data te hê voordat NAVO nog verdere aanvalsplanne teen Rusland met ‘n mag van 10 000 soldate uitdink nie? Die “snelreaksiemag”, terloops is ‘n presiese weergawe van die Amerikaanse Imperium se aanvalsdoktrine wat sedert die eeuwending geld.

“Toerusting”, ‘n eufemisme vir wapens, nuwe basisse en hoofkwartiere in gasheerlande asook die vinnige reaksiemag om te reageer op Russiese “aggressie” binne ‘n maksimum van vyf dae is in Wallis ooreengekom sonder dat iemand weet wie vlug MH17 met bykans 300 passasiers afgeskiet het.

Oekraïne is intussen besig om Duitsland se politieke toneel te vergiftig. Berlyn weet dat ‘n politieke oplossing die enigste oplossing is wat vir kiesers links, sentrum en regs aanvaarbaar sal wees. En Berlyn wil natuurlik toesien dat Russiese gas via die Oekraïne weer vloei. Berlyn wil veral nie Amerikaanse missielverdedigingstelsels in Oos-Europa sien nie, ten spyte van die Baltiese state se histeriese aandrang.

NAVO se entoesiastiese verkoopsman Rasmussen het voorheen met die verkragting van Irak gesmous. Kiesers in Duitsland sal nie weer dieselfde produk koop nie. Maar die hondsdol Angelsaksiese aanvalshond gaan nie maklik die aftog blaas nie, selfs by gebrek aan ‘n sondebok vir die dood van onskuldige passasiers.

Daar gaan dus nie meer “magte-rotasie” wees vir NAVO se oostelike front nie.

Volgens wet kan NAVO-basisse nie gedefinieer word as “permanent” nie, want dit druis in teen ‘n NAVO-Rusland-verdrag van 1997. Maar dit sal permanent wees. Dit sal in Szczecin, Pole, naby die Oossee, geleë wees om land, lug en see te “verdedig”.

En daar is nuttige idiote wat van die Atlantiese aandag hou. Estland en Letland is vir alle praktiese doeleindes as “Poetin se volgende doelwitte” teen “Russiese aggressie” aangewys.

Daarbenewens kan Finland en Swede NAVO-ooreenkomste onderteken om gasheerlande te wees. Dit impliseer NAVO-troepe mag Sweedse en Finse grondgebied gebruik in die toekoms vir “bedrywighede”.

Ten minste moet die ontplooiing van buitelandse troepe parlementêre goedkeuring in dié twee lande kry, dus kan die kiesers nog optree teen dié waansin.

Brittanje se koverte plan om SA van blankes te suiwer

Deur Ben van Straaten

‘n Onlangse video op die Business Day se webblad bevat ‘n onderhoud met die vorige Britse ambassadeur in Suid-Afrika, Robin Renwick. Tydens sy ampstermyn het De Klerk aan die ANC oorgegee en hy was ook een van die sleutelspelers tydens die Lancastherhuis-beraad wat op Robert Mugabe se oorname van die ou Rhodesië gelei het.

Tydens die onderhoud met Business Day onthul Renwick enkele van die koverte Britse aksies wat hy onderneem het. In die eerste instansie, het hy baie nou met Helen Suzman saamgewerk. Onlangs het Renwick ook ‘n biografie oor Suzman gepubliseer. Dit was van die begin af sy plan om Nelson Mandela vrygelaat te kry en die ANC die land en die ekonomie te laat oorneem. Hy noem ook in die video dat hy Nelson Mandela afgerig het om byvoorbeeld ‘n goeie indruk op mev. Thatcher te maak.

Daar was destyds ook ander koverte Britse operasies wat met of sonder die amptelike goedkeuring van die regering plaasgevind het. Onder andere was daar ‘n geldwassery-operasie in St. Paul’s Cathedral wat geld na terroriste in Suid-Afrika gekanaliseer het. Kanon Collins het aan die hoof daarvan gestaan. In ‘n arikel in The Guardian op 12 Februarie 2001 I was a teenage gun runner verduidelik Stuart Round hoe hy wapens, waaronder AK47s, na Suid-Afrika gesmokkel het. Die wapens is agterna deur Muff Anderson by die Eastgate-winkelsentrum in Bedfordview, Johannesburg, afgehaal en onder Suid-Afrikaanse swartes versprei. Etlike tonne wapens is so oor ons grense gebring en word vandag waarskynlik in plaasmoorde en ander aanvalle op SA blankes gebruik. Muff Anderson het wel amnestie van Biskop Tutu se Waarheidskommissie vir haar aandeel in die wapensmokkelary ontvang.

Verder terug in die geskiedenis, is daar die boek Bird on a wing deur Allan Bird waarin hy verduidelik hoe dieselfde Britse psigiater vir sowel David Pratt as Dimitri Tsafendas behandel het. Verwoerd was in Brittanje om twee redes ongewild:

Hy het Suid-Afrika uit die Statebond geneem en ‘n republiek ingestel.

Hy wou die land se soewereiniteit versterk en het begin om die land se weermag te versterk, iets wat later deur PW Botha as verdedigingsminister voortgesit is.

Verwoerd is deur Tsafendas vermoor en in 1989 was daar ook ‘n aanslag op PW Botha se lewe toe hy vergiftig is. Agterna het die media gesê dat hy ‘n beroerte-aanval gehad het, maar vir sy familie en vriende het PW Botha dit gestel dat hy vergiftig is. Mediese spesialiste het dit ook bevestig.

In sy video-onderhoud met Peter Bruce van die Business Day verklaar Lord Robin Renwick dat hy “nie met PW Botha kon werk nie” en daarom reeds met FW de Klerk begin praat het nog voordat Botha uit die saal gelig is. Die vraag is nou: waarom op De Klerk fokus as jy nie reeds wéét dat Botha geëlimineer gaan word nie?

Die Britte was een van die groot begunstigdes van die wapenskandaal. Ook het Yskor en ABSA in hul skoot geval. Lakshmi Mittal, die Indiër wat ‘n vriend van Tony Blair is, het Yskor gratis verkry en daarmee ‘n wêreldryk in die staalnywerheid kon opbou. Voeg daarby BP en Vodacom wat sedertdien deur Vodafone ingepalm is, asook Anglo American en Ou Mutual wat Londen toe verskuif is.

Daar is Britte betrokke by die propaganda teen Afrikanerplaasboere en Brittanje steun radikale grondhervorming. Afrikaners en blankes moet alle eiendom behalwe miskien voorstedelike huise verloor. Vir die ryker blankes staan die deur na Australië oop waar die volgende geslag Afrikaners volledig sal verengels, terwyl die armer blankes hier óf uitgemoor óf geassimileer sal word deur ondertrouery met kleurlinge en swartes.

Net soos wat Brittanje en die VSA op ‘n stadium Al Kaida ondersteun en opgelei het, steun veral Brittanje steeds die mees radikale faksies in Suid-Afrika, soos byvoorbeeld Malema. Die Britse media en veral BBC, wat ‘n blote verlengstuk van die Britse regering en die Britse geheimediens is, bou Malema as die volgende Groot Swart Leier op, net soos wat Renwick en ander voorheen vir Mandela gedoen het.

Nou die dag het Malema op Radio 702 gesê dat die EFF gaan voorberei vir guerilla-oorlogvoering. Wie gaan die opleiding daarvoor verskaf, wonder ‘n mens? Die Britse wapens wat Stuart Round en Muff Anderson die land ingebring het, is nog steeds iewers beskikbaar om boere en ander blankes mee aan te val. Die ANC het nooit daardie ondergrondse wapens aan die staat en sy organe oorhandig nie.

Net soos in die Midde-Ooste, sal Brittanje dus die mees radikale faksie in Suid-Afrika ondersteun om chaos te saai en verskrikte blankes op ‘n streep te laat emigreer. Die Rhodesië/Zimbabwe-geval verskaf die scenario wat hier gaan plaasvind. Soos wat wanorde in Suid-Afrika toeneem, sal meer en meer blankes in elk geval vermoor en verkrag word, wat die gevoel van verskrikking en terreur sal laat toeneem. Onthou dat “People’s War” die ANC-SAKP se strategie was waarmee hulle steun van die swart massas verkry het. In die geval van swartes is geweld soos halssnoermoorde gepleeg om die gesag van die ANC oor die land se swartes te vestig. Geweld teen blankes is bedoel om hulle die skrik op die lyf te jaag, soos wat Mao Zedong gedoen het. Juis op die oomblik word ‘n straat in Pretoria na Mao vernoem, wat aan ons sê in hoe ‘n mate die ANC-SAKP (en die Britte!) van sy tegnieke bewus is. Die terreur teen SA blankes het nie in 1994 opgehou nie; dit gaan nou bloot voort in nuwe vorme.

Reeds tydens die Anglo-Boereroorlog wou Brittanje die Afrikaner geheel en al vernietig en was daar wel ‘n volksmoordplan op die tafel. Ook die verkragtings op Boerevroue wat jare lank verswyg is, was deel van Brittanje se plan om Afrikaners as ‘n volk en ‘n mededingende groep in Suid-Afrika geheel en al te elimineer.

Hoe gaan Brittanje baat by ‘n Malema-oorname en algemene ekonomiese chaos in die land? Soos wat blankes en opgeleide mense uit die land vlug, sal dit ‘n vraag na “konsultante” en kundiges skep wat almal ten duurste van Engeland ingevlieg sal word. Die Britse hulporganisasies soos Oxfam wat oral in Afrikan bedrywig is, sal hier voedsel aan die bevolking kom verskaf en sodoende ook beheer verkry.

Omdat Suid-Afrika ‘n nywerheidsland is, sal die funksionering van die stelsel steeds tegniese vaardighede vereis, wat deur Engeland verskaf sal word. Ook die myne sal spotgoedkoop van hande verwissel. Te midde van voedseltekorte sal die mynwerkers nie sulke hoë lone kan vra nie en moontlik kan daar selfs Zimbabwiërs in die SA myne ingespan word, om vir ‘n appel en ‘n ei te werk, nes in die ou dae.

In elk geval is die grens tussen Zimbabwe en Suid-Afrika reeds afgeskaf, iets waarvoor die Engelse kerke in Suid-Afrika hulle doelgerig beywer het. Die Engelse kerke is, afgesien van die BBC en Oxfam, nog ‘n frontgorganisasie van die Britse regering. Ons het gesien hoe die Anglikaanse Kerk geld vir die terreurbeweging in Suid-Afrika gewas het. Die prominente rol wat Desmond Tutu van die Anglikaanse Kerk ook in die propaganda teen plaaslike blankes gespeel het, is voor die hand liggend. Om die grens tussen Suid-Afrika en Zimbabwe afgeskaf te kry, was ‘n oogmerk van Brittanje sodat die Suid-Afrikaanse identiteit verder kon vervaag.

Die tafel is dus gedek vir die tweede revolusie waarmee die blankes uit die land verdryf gaan word sodat Suid-Afrika weer ‘n kolonie van Brittanje kan word, met afhanklike, korrupte en hoogs omkoopbare swart politici wat die land regeer. Die probleem met die blanke teenwoordigheid in die land is dat ons nog steeds die instellings en die ekonomie funksioneel hou, wat ook die ANC-bewind minder afhanklik van Brittanje vir hulp en kundigheid maak want hy kry nog steeds ‘n triljoen rand se belastings elke jaar. Iets van Verwoerd se ou soewereiniteit het dus oorgebly.

Ander leiers wat die soewereiniteit van hul lande wou verdedig soos Saddam Hoesein en Moeammar Ghaddafi is summier deur Brittanje en Amerika afgesit en vermoor. Solank as wat die korrupte oligargie wat SA regeer, bereid is om na die Britte se pype te dans, sal hulle in taamlike weelde mag oorleef.

Die probleem is dat die blankes se tyd in Suid-Afrika uitgedien is. Hulle staan onwetend in die pad van groter Britse beheer oor die land. Daarom sal hulle genadeloos vanuit Suid-Afrika gesuiwer word. Die propagandawerk daarvoor is reeds deur Engeland gedoen. Dit kom nou net by die uitvoering van die plan.

Koos Reyneke is 20 jaar te laat

deur Leonie Rheeder

Mnr Piet Le Roux, ras maak saak – loop net by jou deur uit en haal jou donker bril af en kyk hoe lyk die NSA ná ras “nie meer saak maak nie”.

Intussen skryf mnr. Koos Reyneke 20 jaar te laat oor die moontlikheid om in 1994 ‘n Afrikanermeerderheidsgebied van 17% van Suid-Afrika se oppervlak te bekom. Mnr Reyneke, u ongekwalifiseerde verwyte t.o.v. die NP en KP maak geen sin nie en is in wese niks beter as die ondergrawery van ons Afrikanervolk deur die politici van daardie tyd waarna u verwys nie. Geheime vergaderings met Mandela? Watse geheime vergaderings en hoekom geheime vergaderings? Dit het immers gegaan oor ons Afrikaners se toekoms wat julle almal in julle “geheime hande” gehad het en ons Afrikaners belieg het.

Mnr Reyneke hoekom het jy jou dan nie destyds by Jaap Marais geskaar en die waarheid vir ons vertel nie toe dit nog ‘n verskil kon maak nie?

Met hierdie twintig-jaar-te-laat-“openbaring” kan mens nie anders om te wonder wat julle nuwe agenda is om ons Afrikanervolk weer êrens te na te kom en verder te onderdruk nie. Laat ons met rus: ons is besig om te herstel en hierdie keer gaan julle dit nie regkry om speke in die wiele te plaas nie.