praag.co.za

Tag: Demokrate

  • Amerikaanse linkses is ‘onvoorspelbaar en op soek na identiteit’

    Amerikaanse linkses is ‘onvoorspelbaar en op soek na identiteit’

    Militêre historikus Victor Davis Hanson het aan die Daily Caller gesê dat daar ‘n “groot leuen” rondom “Russiese samespanning” is wat deur Demokrate en die media bevorder word.

    In ‘n eksklusiewe onderhoud met die Daily Caller News Foundation, het hy voorgestel dat president Barack Obama gekonfronteer is met identiteitspolitiek en “die blou muur van die Demokrate het verkrummel,” en werkende mense teen die party gedraai. “Russiese bemoeiing” is toe gebruik om hul verkiesingsverlies te verduidelik.

    Hy het Demokratiese leiers “afgeleef” genoem en jonger Demokratiese ondersteuners “onvoorspelbaar en op soek na ‘n identiteit”. Voormalige president Bill Clinton en Hillary Clinton was meer in die Russiese politiek betrokke as die meeste Republikeine, het Hanson gesê.

    Toe die “groot leuen” van Russiese samespanning in die afgelope Amerikaanse presidentsverkiesing deur invloedryke Demokrate herhaal is, is twyfel gesaai en gerugte sonder bewyse versprei, maar nuwe verrassende bewyse van Obama se misdadige optrede teen Trump-ondersteuners sal oor die volgende ses maande rugbaar raak, het Hanson voorspel.

    Eerder as om oplossings te vind om die kiesers van die werkersklas na die Demokratiese Party te lok, voorspel Hanson dat hulle ras, klas en geslag sal moet gebruik, asook klimaatsverandering en ander foefies wat deur Hollywood en die radikale elite uitgedink word.

    Hanson het ook die opspraakwekkende en groeiende onverdraagsaamheid en kinderagtigheid op Amerikaanse kampusse bespreek, waar sprekers met verskillende sienings deurlopend verban en stilgemaak word deur linkses.

    Oor aangeleenthede van identiteitspolitiek het Republikeine dikwels probeer om links te probeer lyk, en nie aktief teen rasse-, etniese en geslagsdrukgroepe opgetree nie. Die strategie was om minderhede nie teen te gaan nie in die hoop om ‘n groter deel van hul stemme te trek.

    Daarom beweer Hanson dat die instelling van die Republikeinse Party in ‘n eksistensiële paradoks vasgevang bly, want sonder Donald Trump se pro-wit en nasionalistiese 2016-veldtog sou die GOP waarskynlik nie die verkiesing gewen het nie.

    Trump glo dat 3 persent BBP-groei in die VSA en geen groot oorlog in die buiteland nie, ‘n ekonomiese nasionalisme kan bevorder om die hoofstroom “vryemark” -republikanisme te vervang.

    Maar as die ekonomie traag bly of ‘n konflik ontwikkel in die buiteland, sal Trump sukkel om sy momentum te behou.

  • Swart Demokraat braak gal oor ‘Poetin se inval in Korea’

    Swart Demokraat braak gal oor ‘Poetin se inval in Korea’

    Die swart Demokratiese Kongreslid Maxine Waters hou nie van president Vladimir Poetin se “inval in Korea” nie, en dit terwyl Poetin die Amerikaanse president stewig in ‘n omhelsing hou.

    Waters het ook ‘n beroep gedoen vir die vervolging van president Donald Trump, al het sy geen bewyse gegee dat Trump die wet oortree het nie.

    Verslaggewers het verbaas geluister hoe Waters, saam met ander Huis Demokrate, gepoog het om die saak te stel vir waarom Demokrate die vervolging van Trump moet oorweeg.

    “Hoe kan ‘n president wat optree op die wyse waarop hy optree – of hy praat oor die [Moslem]reisverbod, die manier waarop hy teen Moslems uitvaar, en of hy praat oor sy verhouding met (Vladimir) Poetin en die Kremlin en die wete dat hulle ons gekraak het (Demokratiese Kongres Komitee veldtog) en die DNK (Demokratiese Nasionale Komitee),” het Waters uitgevaar.

    “En die wete dat hy verantwoordelik is vir die verskaffing van die bomme wat onskuldige kinders en gesinne vermoor het in … uhm … in, uhm …” het sy gesê, maar kon nie die naam onthou totdat iemand agter haar gefluister het nie: “Aleppo.”

    “Ja … in Aleppo,” het sy gesê. Onverstoord het Waters voortgegaan, “En die feit dat hy met sy arms om Poetin staan terwyl Poetin se inval in Korea vorder.”

    Korea, die Krim, die twee moet dieselfde klink vir Waters, maar verslaggewers het na haar gestaar in ongeloof.

    Met verwysing na Trump, het sy gesê: “Ek dink hy verkeer in daardie soort posisie waar mense sal begin vra:” Wat gaan ons doen? En die antwoord gaan wees: ‘Uiteindelik gaan ons iets daaromtrent doen’.”

    Moskou verwag intussen ‘n verskoning van Fox News ná gasheer Bill O’Reilly die Russiese president Vladimir Poetin ‘n “moordenaar” genoem het. Die onvleiende term is gebruik om te bevraagteken of Donald Trump se voorneme om nouer saam te werk met Rusland wenslik is.

    Kremlin woordvoerder Dmitri Peskov het gesê: “Ons sou verkies om ‘n verskoning te ontvang aan die Russiese president van ‘n gerespekteerde TV-stasie soos dié.” Hy het gesê dis onaanvaarbaar en beledigend.

    Trump het die nare kommentaar afgemaak ten tye van die onderhoud en gesê: “Daar is ‘n baie moordenaars. Ons het baie moordenaars hier [in die VSA]. Wat, dink jy ons land is so onskuldig?”

    Trump het nie spesifieke Amerikaanse amptenare genoem nie, maar verwys na die Amerikaanse inval in Irak in 2003 as ‘n voorbeeld van waarom hy nie dink dat Amerika so onskuldige kan wees nie.

  • Clintons verklaar oorlog teen FBI

    Clintons verklaar oorlog teen FBI

    Daar is talle ontwikkelings na die heropening van die FBI se ondersoek rakende Hillary Clinton, veral die oorlogsverklaring deur Clinton se span teen FBI-direkteur James Comey.

    Die skote het begin opklink slegs 24 uur na Comey se skok-en-ontsag aankondiging Vrydagmiddag, wat Hillary en die res van Clinton surrogate in wanorde gedompel het oor wat om volgende te doen.

    Hulle het eers ‘n poging aangewend om die gety van nuusdekking terug te hou, maar die ontdekking van Hillary se eposse op die rekenaar van Anthony Weiner, die sekspes en vervreemde man van haar topraadgewer Huma Abedin, het opslae gemaak.

    Clinton-ondersteuners het eers probeer om tyd te koop deur die definisie van die betekenis van “heropen” te herontdek. Dit was komies, maar dié gestryery oor definisies is wat die Clintons doen om te hergroepeer voordat hulle ‘n teenaanval kan monster.

    Die argument oor die “regte definisie” was gou vergete nadat die Clintons na die hoogste rat oorgeslaan het. Die top Demokratiese strateeg James Carville was die eerste Clintonsurrogaat wat amptelik het sy humeur verloor het oor die ondersoek na die private epos bediener van Clinton.

    In ‘n verskyning op MSNBC Maandag, het Carville uitgehaak oor die besluit van die FBI om die ondersoek te heropen, en beweer dit is deel van ‘n “sameswering”.

    Hy het byna ‘n toeval gehad oor die aankondiging van Comey en dit beskryf dit as ” ‘n aanslag” of “aanval op die Amerikaanse demokrasie” meer as een keer, het lifezette.com berig.

    “Die Huis Republikeine en die KGB probeer om ons demokrasie te beïnvloed,” het die sigbaar ontstelde Carville getier.

    “Dit is in effek ‘n poging om ‘n verkiesing te kaap,” het hy voortgegaan. “Dit is ongekend … die Huis Republikeine en die KGB probeer om ons demokrasie te beïnvloed,” het hy gesê.

    Ongelukkig vir Carville, is wolhaarstories oor Sowjetspioene al ietwat verouderd en terwyl die werklike drama van oënskynlike wetteloosheid van die Clintons tans op die voorgrond is.

    En toe die MSNBC-aanbieder Carville probeer herinner dat Demokrate Comey hoog aangeprys het slegs ‘n paar maande gelede oor sy besluit dat die FBI geen saak teen Hillary gaan open nie, het Carville amper verstik van woede en onsamehangend begin praat.

    Sedert dit bekend gemaak is Vrydag, het die Groot Drie (ABC, CBS, NBC) netwerke op die aanval oorgegaan teen James Comey, en wat ‘n skandaal oor Clinton moet wees in ‘n smeerveldtog teen die FBI-direkteur probeer verander, het newsbusters.org opgemerk.

    In die mediaverklarings wat ‘n posisie ingeneem het oor Comey en Clinton, was daar reeds 88 teen Comey, terwyl Clinton slegs 31 negatiewe verklarings ontvang het, ‘n verhouding van byna 3-1.

    Die mediavooroordeel vir Clinton was voor die hand liggend. Noudat die FBI die nodige lasbrief gekry het om die 650 000 eposse op Weiner se notaboek te fynkam, het die Amerikaanse departement van justisie vinnig aangekondig dat hy ook by die ondersoek ingeval het het AP berig, en beloof om al die nodige hulpbronne te wy aan die saak.

    Die Amerikaanse Departement van Justisie het Huis en Senaat wetgewers belowe hulle “sal die nodige stappe so vinnig as moontlik neem,” volgens die assistent Prokureur-generaal Peter J. Kadzik.

    Kadzik is die beste vriend van Clinton se veldtogvoorsitter, John Podestà, in beheer van ‘n ondersoek wat moontlik vir Hillary kan sink.

    Soos die Daily Caller opgemerk het, is dié onverkwiklike reëling “net die jongste voorbeeld van ‘n oënskynlike botsing van belange tussen die Clinton-veldtog en die federale agentskap belas met die ondersoek na die voormalige minister van buitelandse sake se epos praktyke”.

    Podestà, wat later Obama se Withuis-oorgang bestuur het, het geskryf dat Kadzik ‘n “fantastiese prokureur” was wat “my uit die tronk gehou het” toe Kadzik Podestà tydens die Monica Lewinsky-ondersoek verteenwoordig het.

    Sy rol in die departement waar hy begin het in 2013, is veral opvallend, want hy was instrumenteel in die poging om Lorretta Lynch te nomineer. Lynch is gekritiseer vir haar geheime vergadering met die voormalige president Clinton.

    Volgens ‘n persoon vertroud met die ondersoek, het Abedin nou vir haar surrogate gesê dat sy onseker is oor hoe haar epos op haar man se rekenaar opgeduik het, wat die beslaglegging van die FBI-ondersoek genoodsaak het.

    Comey is ingesweer as FBI direkteur in 2013 vir ‘n termyn van 10 jaar. Dit beteken dat as Clinton wen in November, sal Comey onder haar administrasie dien, tensy sy hom uit sy pos verwyder.

  • Skokkende beelde van Clinton wat ineenstort

    Skokkende beelde van Clinton wat ineenstort

    Terwyl dit beslis waar is dat gesonde mense soms flou word, sal dit ook dom wees om bloot te aanvaar dat ‘n persoon wat flou word op ‘n matige warm dag, blakend gesond is.

    Dit sal nog dommer wees as juis daardie persoon wat voorheen flou geword het – aan harsingskudding en ‘n bloedklont – dan beweer dat ‘n Amerikaanse federale wetstoepassingagentskap haar beserings as ernstig genoeg beskou om belangrike leemtes in haar geheue te verskoon.

    Ten slotte, is dit die absolute hoogtepunt van onsin om Hillary se woord te aanvaar oor haar eie “goeie” gesondheid.

    Die skokkende toneel wys hoe Clinton inmekaarsak en die laaste meter tot in haar voertuig letterlik gesleep moet word deur haar veiligheidspersoneel, met haar bene wat onder haar ingee. Sy verloor ook ‘n skoen in die proses.

    Haar span het daarna verslaggewers “heeltemal in die donker gehou vir 90 minute,” en na bewering enige een verbied om haar motor te volg.

    Gegewe haar geskiedenis van aanhoudende, volgehoue, oorkoepelende, deurlopende en meedoënlose oneerlikheid oor feitlik elke aspek van haar persoonlike en openbare lewe, is dit regtig so ongeloofwaardig dat sy oor haar gesondheid ook sal lieg?

    Al wat geloofwaardig sal wees, is ‘n onafhanklike mediese opinie oor Clinton se toestand. Deursigtigheid is nou dringend nodig en Clinton skuld die Amerikaanse kieser ‘n antwoord.

    Hillary se gesondheidstoestand is ‘n probleem, maar haar span steek iets weg. Vrydag, tydens ‘n opvolgevaluering rakende haar langdurige hoes, is sy glo gediagnoseer met “allergië” en “longontsteking”, volgens haar dokter Lisa Bardack.

    Die medikus het in ‘n verklaring gesê Clinton is op antibiotika, sy moet rus en haar skedule is aangepas.

    Maar longontstekening het Clinton nie verhoed om roekeloos ‘n kind op straat te omhels in New York Sondag nie, ten spyte van die feit dat die siekte aansteeklik is. Sy is glo twee dae tevore gediagnoseer met longonstekening en het dus geweet sy kon die dogtertjie aansteek.

    Clinton het met dié geleentheid aan die media vertel sy voel “wonderlik, net wonderlik”.

    Andrea Mitchell het vroeër aan CNN gesê dat Hillary is “blakend gesond”, en enige kommer is deel van ‘n “Donald Trump-samesweringsteorie”.

  • Trump se posisie verstewig verder

    Trump se posisie verstewig verder

    Donald Trump se aanslag op die Amerikaanse presidentskap het verder verstewig.

    Trump het beloof om die oneerlike media, veral CNN, “die Clinton News Network, aan te vat by ‘n byeenkoms in Harrisburg, Penn. Maandagaand.

    “Ons het ‘n media wat so oneerlik is,” het Trump gesê. “Dit is van die mees oneerlike mense wat jy ooit, ooit sal ontmoet.”

    “Ons gaan deur die media slaan,” het hy gesê. “Ons moet.” Hy het ook die New York Times uitgesonder as ‘n leuenfabriek.

    Met die aanvang van die eerste volle week se veldtogbedrywighede met die oog op die presidentsverkiesing in November, het Hillary Clinton se span ‘n “Moslemslagoffer” van haar konfliksaaiery teen Trump probeer inspan.

    Die Demokrate het Kahn al voorheen gebruik in 2005 om Amerikaanse invalle in die Midde-Ooste te bemark.

    Clinton het die Amerikaanse politieke en maatskaplike taboe verbreek toe sy ‘n emosiebelaaide woordestryd deur Khizr en Ghazala Khan, die ouers van ‘n Moslem weermagkaptein, teen Trump gebruik het.

    Khan het deur die toedoen van ‘n selfmoordbomaanvaller in 2004 in Irak gesneuwel. Sy pa het van die verhoog af op Trump gegil, die ma blykbaar onaangetas deur die mediasirkus.

    Trump het gesuggereer dat Ghazala Khan nie gepraat het nie omdat sy ‘n Moslemvrou is en daarom nie ‘n spreekbeurt kry nie. Só ‘n opmerking is in die Demokrate se oë om een of ander rede ‘n doodsonde.

    Dit is kennelik ‘n teer punt om na die ooglopende gebrek aan regte onder Moslemvroue te verwys.

    In nog ‘n TV-verskyning op CNN, hierdie keer op “New Day,” het Kahn nou aangekondig dat hy “uit die kollig wil bly” omdat die druk oor sy teenstrydighede blykbaar vir hom te veel raak.

    Die politieke storm het Hillary grootliks geïsoleer gelaat in haar Demokratiese kampie en het die potensiaal om onafhanklike kiesers wat woedend is oor haar onderduimse manipulasies teen Bernie Sanders, nog verder te vervreem.

    Intussen het Jill Stein (foto bo) Hillary se sorge nog groter gemaak.

    Die Groen Party presidensiële kandidaat Stein het na berig word die swart menseregte-aktivis Ajamu Baraka as haar vise-presidentkandidaat gekies.

    Dr. Stein het dit amptelike Maandag op Twitter aangekondig. Stein gaan waarskynlik stemme van die Demokrate wat Hillary en haar miljardêrsklub haat, wegrokkel.

    Op sy persoonlike webwerf het Baraka gesê hy het wortels in “die Swart bevrydingsbeweging, anti-apartheid- en Sentraal-Amerikaanse solidariteitstryd”.

    Sy werk was hoofsaaklik in die humanitêre sektor in samewerking met Amnestie Internasionaal in die verlede.

    Sowel die speaker van die huis van verteenwoordigers, Paul Ryan, as die leier van die meerderheid in die senaat, Mitch McConnell, het verklarings uitgereik waarin kapt. Humayun Khan, aan wie ‘n brons ster en ‘n “Purple Heart” toegeken is, geprys word.

    Vir die tweede keer in ‘n week het Trump se visepresidentskandidaat, Indiana se goewerneur, Mike Pence, ook ‘n verklaring uitgereik wat die angel uit die Demokrate se flou poging gehaal het.

    Pence, die pa van ‘n Amerikaanse seesoldaat, het gesê kapt. Khan is ‘n held en sy familie moet deur elke Amerikaner gekoester word.

    Verlede week het Pence gesê Rusland sal ernstige gevolge in die gesig staar indien hulle met Amerikaanse verkiesings inmeng.

    Die swart Republikein, dr Ben Carson, wat waarskynlik ‘n pos in die Amerikaanse Departement van Gesondheid en Maatskaplike Dienste kan verwag onder ‘n Trump-administrasie, het Clinton direk gekoppel aan die duiwel twee weke gelede tydens sy toespraak by die Republikeinse Nasionale Konvensie.

    Carson het gesê as ‘n dissipel van ver-linkse aktivis Saul Alinsky, is Hillary deel van die Lucifer-bende, die “oorspronklike radikales”.

    Alinsky het sy boek “Reëls vir Radikales”, een van Clinton se bronverwysings aan Lucifer opgedra.

  • FBI gaan Demokrate se epos-fiasko ondersoek

    FBI gaan Demokrate se epos-fiasko ondersoek

    Die Amerikaanse Federale Speurdiens (FBI) het Maandag aan­gekondig dat ondersoek ingestel word na die kuberkrakery van e-posse wat vir ‘n groot verleentheid vir die Demokratiese nasionale komitee gesorg het.

    Die Clinton-­veldtog beskuldig Rusland van aandadig­heid en sê Moskou probeer die Amerikaanse presidentsverkiesing­ beïnvloed.

    Die e-posse wat deur WikiLeaks uitgelek is, het onthul dat partyleiers probeer het om die veldtog van Hillary Clinton se teenstander, Bernie Sanders, te ondermyn.

    Dit het die Demokrate se nasionale­ konvensie )DNC) op die eerste dag in chaos begin het en die partyleier genoop om te bedank.

    “Dit is kommerwekkend dat sommige deskundiges sê dit is deur die Russe gedoen met die doel om Donald Trump te help,” het die bestuurder van Clinton se verkiesingsveldtog, Robby Mook, aan ABC gesê.

    Terwyl sommige deskundiges die vinger na Moskou wys, het ander tot versigtigheid gemaan. Rusland het enige betrokkenheid ontken en die bewerings as “absurd” afgemaak.

    Russiese minister van buitelandse sake Sergei Lawrof, het nalv die beskuldigings deur die Clinton-veldtog net voor sy vergadering van die Amerikaanse minister van buitelandse sake John Kerry in Laos gesê: “Ek wil nie vier-letter woorde gebruik nie.”

    Trump het voorheen gesê die VSA behoort saam te werk met die Russiese president, Wladimir Poetin.

    Die stigter van die Wikileakswebwerf Julian Assange, het aan NBC News gesê daar is geen bewyse dat die e-pos deur die Russiese intelligensie-agentskappe gesteel is nie.

    Bill Clinton sal een van die toesprake lewer by die DNC. Hy word steeds van verkragting beskuldig.

    Die konvensie het vroeër gedreunsing “Black Lives Matter” toe die “Moeders van die Beweging” die DNC toegespreek het.

    Ondersteuners van die Demokrate het die Amerikaanse vlag buite die saal aan die brand gesteek.

    Tot dusver het nie een van die deelnemers ‘n woord gerep oor terreur nie.

    Hillary is amptelik verkies tot die Amerikaanse Demokratiese Party se presidentskandidaat vir die verkiesing in November.

    Clinton het by die Demokrate se Nasionale Konvensie in Philadelphia die nodige aantal stemme van die onderskeie state op haar verenig en so die eerste vrou in Amerika geword wat aan die stuur van ‘n groot politieke party staan.

    Clinton sal Vrydagoggend Suid-Afrikaanse tyd die benoeming amptelik aanvaar.

    Haar teenstaander en slagoffer van die epos-debakel in die wedloop om die benoeming, Bernie Sanders, het sy steun aan Clinton toegesê in ‘n poging om die verdeeldheid binne die party toe te smeer.

  • Demokrate se byeenkoms in chaos gehul

    Demokrate se byeenkoms in chaos gehul

    Die Amerikaanse Demokratiese Party is in chaos gehul, op die vooraand van hul byeenkoms.

    Nadat Wikileaks e-posboodskappe laat uitlek het wat daarop dui dat die party se nasionale voorsitter, Debbie Wasserman Schultz (foto bo), stemmery beïnvloed het namens Hillary Clinton, moes Wasserman Schultz uittree.

    Die Demokrate se nasionale komitee het senator Bernie Sanders intussen om verskoning gevra nadat die e-posboodskappe wat uitgelek het, aangedui het dat hulle sy presidensiële veldtog ondermyn het.

    In ‘n verklaring sê die komitee dat die aanmerkings in van die e-posse onverskoonbaar is.

    Daarin word bespiegel dat Sanders, wat homself as ‘n gelowige Jood voordoen, eintlik ‘n ateïs is en dat dit teen hom gebruik behoort te word om Christenkiesers te swaai.

    Dit het meegebring dat die aanvang van die Demokratiese Party se konvensie in Philadelphia in chaos begin het, met die voorsitter wat skielik van die toneel verdwyn het en geen media-navrae neem nie.

    Die afgevaardigdes het die party se voorsitter uitgejou.

    Die komitee sê die e-posse wat deur WikiLeaks uitgelek het, weerspieël nie die komitee se onderneming vir neutraliteit met die benoemingsproses nie.

    Intussen het Julian Assange van Wikileaks gesê hulle gaan nog inligting vrystel wat Hillary se leuens oor haar eposbedrywighede gaan ontbloot.

    Die FBI het reeds aangedui dat hulle Clinton nie gaan vervolg omdat sy staatsgeheime op haar privaatbediener gehou het nie.

  • Bernie gewild, maar Hillary loop voor

    Bernie gewild, maar Hillary loop voor

    Bernie Sanders het met sy jongste reeks oorwinnings oor Hillary Clinton gewys dat hy besonder gewild is by kiesers.

    Die voorloper in die wedloop om afgevaardigdes is egter steeds Hillary.

    Sanders en Clinton wedywer in die Amerikaanse presidensiële verkiesingswedloop om as die Demokrate se kandidaat aangewys te word.

    Met sy oorwinning Saterdag in Wyoming het Sanders sewe van die laaste agt voorverkiesings gewen.

    Die jongste oorwinning het hom egter nie veel in die sak gebring wat afgevaardigdes betref nie, omdat voorverkiesings in Wyoming op proporsionele verteenwoordiging ­geskied.

    Aangesien Wyoming net 14 afgevaardigdes vir die Demokrate het, is dit die minste van enige van die state.

    Sanders en Clinton het gevolglik elk sewe afgevaardigdes ingepalm.

    Clinton is nog ver voor en het byna die helfte van die 2383 afgevaardigdes wat sy benodig om benoem te word.

    Albei van hulle het die week stemme in New York gewerf waar daar 291 afgevaardigdes is. Die New Yorkse verkiesing word op 19 April gehou.

  • China is op hol oor Trump

    China is op hol oor Trump

    China is erg bekommerd oor die sukses van Donald Trump, Republikeinse voorloper vir die komende Amerikaanse presidensiële verkiesing.

    In een van die eerste openbare negatiewe reaksies, het die Global Times, ‘n amptelike staatskoerant, in ‘n hoofberig gesê die groot protes teen Trump se veldtog in Chicago Vrydagaand wat in ‘n fisiese konfrontasie geëindig het, voorspel niks goeds nie.

    Die Chinese kommentaar sê alhoewel vuisgevegte onder kiesers redelik algemeen is in ontwikkelende lande tydens verkiesingseisoene, is ‘n soortgelyke vertoning skokkend in die VSA, “een van die mees ontwikkelde en volwasse demokratiese verkiesingstelsels”.

    Trump het glo “baie konvensionele norme van die Amerikaanse politieke lewe verwoes” en “sy opmerkings is beledigend, rassisties en ekstremisties, wat ‘n indruk by die Amerikaanse publiek gelaat het dat hy doelbewus die omverwerping van politieke korrektheid nastreef”.

    Die kommentaar lui voorts:

    Trump se meteoriese opgang is nie deur die meeste ontleders en waarnemers voorspel nie. Aan die begin van die verkiesing was Trump, ‘n ryk, narcissus en opruiende kandidaat, net beskou as ‘n buiteperd. Sy werk was basies om op te tree as ‘n nar om meer kiesers se aandag op die Republikeine te vestig. Maar met meeste ander belowende kandidate uitgeskakel, is die nar nou die grootste buiteperd.

    Die aanval op Trump gaan voort asof China kan baat by ‘n Demokratiese oorwinning.

    Die opkoms van Trump het Pandora se blik in die Amerikaanse samelewing geopen. Trump se ondersteuners is meestal laerklas wittes, en hulle het baie verloor na die finansiële krisis van 2008. Die Amerikaanse samelewing het die grootste en mees stabiele middelklas in die Westerse wêreld, maar dis besig om vinnig te verdwyn.

    Dit wil voorkom asof die Withuis se marionetmeesters planne maak om Trump te keer wat reeds aan die Chinese leierskap gekommunikeer is.

    Hy is selfs ‘n nuwe Benito Mussolini of Adolf Hitler genoem deur die Westerse media. Mussolini en Hitler het aan bewind gekom het deur middel van verkiesings, ‘n swaar les vir Westerse demokrasie. Die meeste ontleders glo die Amerikaanse verkiesingstelsel sal verhoed dat Trump uiteindelik president word. Die proses sal skrikwekkend wees, maar nie gevaarlik nie.

  • Clinton en Demokrate kry min belangstelling

    Hillary Clinton en ander Demokratiese aanspraakmakers op die party se nominasie as presidentskandidaat, het Donald Trump as politieke strooipop gebruik toe hulle Saterdagaand aan die party se debat deelgeneem het.

    Die debat het op ’n Saterdagaand ­plaasgevind midde die hoogtepunt van die stormloop vir Kersinkopies en op die eerste naweek sedert die ­bekendstelling van die nuwe Star Wars-fliek, wat ­meegebring het dat nog minder mense ingeskakel het om na die ­regstreekse uitsending te kyk.

    Die Demokrate het soos regte verloorders die Republikeinse voorloper se anti-Moslem-retoriek ook ingespan vir hul eie stemvee.

    Die voormalige minister van ­buitelandse sake, Clinton, senator Bernie Sanders en die ­oudgoewerneur van Maryland, Martin O’Malley, het klem gelê op die noodsaaklikheid om nasionale veiligheid te verbeter, minimum lone te verhoog en die regte van vroue, minderhede en ­minderbevoorregtes te beskerm toe hulle mekaar in New Hampshire die stryd aangesê het.

    Clinton het nie om verskoning gevra vir die vele leuens wat sy herhaaldelik opdis nie, maar wel dat sy ‘n lewendige televisie-uitsending moes laat wag omdat sy in ‘n tou moes wag by die dames-geriewe tydens pouse.

    Die debatsorganiseerders het toegelaat dat die uitsending sonder haar voortgaan.

    Harde woorde het geval oor die ekonomie, vuurwapens, hoe om die terreurbedreiging die hoof te bied en die rol van Amerika in die buiteland.

    Met net meer as ses weke voordat die eerste stemme uitgebring sal word in die nominasiewedloop wat op 1 Februarie in Iowa begin, is Sanders en O’Malley besig om stoom te verloor in ’n poging om die momentum van die voormalige eerste dame en minister van ­buitelandse sake te stuit.

    Hillary is 25 punte voor haar naaste teenstander, Sanders, in ­nasionale ­meningspeilings, ten spyte van haar versinsels oor geklassifiseerde eposse wat sy rondgestuur het. O’Malley is ver agter in die meningsopnames.

    Dit was die Demokrate se derde debat, die laaste van 2015 en hul eerste sedert die dodelike aanvalle in San ­Bernardino, Kalifornië, waar ’n radikale Moslemegpaar 14 mense doodgeskiet het.

    Die kandidate het beurte gemaak om Trump aan te val en as slaansak te gebruik om te moraliseer oor sy gewilde uitlatings oor immigrante en sy onlangse beroep om Moslems te verbied om Amerika binne te kom.

    Amerikaners, het Clinton gesê, “moet seker maak die werklik ­diskriminerende boodskappe wat Trump die wêreld instuur, val nie op ontvanklike ore nie”.

    “Hy is besig om die ­Islamitiese ­Staat-groep se beste werwer te word,” het sy bygevoeg. Sy beweer die­ ­jihadiste vertoon Trump se video’s waar hy Moslems en Islam beledig ten einde meer radikale jihadiste te werf.

    Trump het in reaksie gesê: “Niemand is in staat om bewyse te gee [van sulke werwing] nie. Dit is nonsens. Net nog ‘n Hillary-leuen. Dis gek hoe sy lieg oor alles. Of dit nou reise is waar sy amper doodgeskiet word in ‘n helikopter of ‘n vliegtuig, sy is ‘n leuenaar en almal weet dit. Sy maak sommer net dinge op.”

    Hillary is verantwoordelik vir die dood van senoir Amerikaanse diplomate in Benghazi, Libië wat met hul wapensmokkelary aan terroriste in ‘n lokval gelei is. Sy het ook gelieg dat terroriste op haar helikopter geskiet het.

    Hy het bygevoeg dat haar optrede tot verskriklike geweld en dood in die Midde-Ooste gelei het. Oral waar sy aangedoen het, het geweld losgebars en honderde duisende mense moes met hul lewens boet vir haar foute.

    O’Malley het ook op die wa probeer klim en gewaarsku teen die “politieke gevaar” wat Trump inhou. Amerika sal volgens hom opstaan teen die uitdaging van ISIS-­ekstremiste, maar nie onder die invloed van “­fascistiese oproepe van miljardêrs met groot monde” nie.

    Clinton het die aand afgesluit met ‘n patetiese kniebuiging na die fliek want tans in teaters draai: “Dankie, goeie nag en ‘may the Force be with you’.”

  • Jeb Bush kla dat Hillary nie oorlogsugtig genoeg is nie

    Jeb Bush kla dat Hillary nie oorlogsugtig genoeg is nie

    Die voormalige goewerneur van Florida, Jeb Bush, sê “hernude Amerikaanse leierskap” is in die Midde-Ooste nodig om die militante Islamitiese Staat-groep (ISIS) en ’n ideologie wat die “fokus van boosheid in die moderne wêreld is”, te verslaan.

    “Die bedreiging van ’n globale jihad en ISIS in die besonder, vereis al die krag, eenheid en selfvertroue wat net Amerikaanse leierskap kan bied,” het Bush gesê. Hy het in Simi Valley, Kalifornië, opgetree.

    “ISIS het gegroei terwyl Amerika belangstelling in die Midde-Ooste verloor het en die bedreiging geïgnoreer het. Waar was die minister van buitelandse sake, Clinton, toe dit gebeur het?” het Bush gevra.

    Hy sê Clinton het “rondgestaan” toe die harde oorwinning deur Amerikaners en hul bondgenote “weggegooi” is. “In al haar rekordaantal buitelandse reise het sy presies een keer in Irak gestop.”

    Amerikaanse troepe het Irak in Desember 2011 verlaat ingevolge ’n 2008 veiligheidsooreenkoms met oudpresident George W. Bush. Albei kante wou graag sien dat etlike duisende Amerikaanse troepe ná die sperdatum in Irak moes aanbly om ’n demper op spanning onder Islamitiese sektes te plaas.

    Die Irakse regering het egter geweier dat Amerikaanse magte in die land aanbly nadat pres. Barack Obama se administrasie op “geregtelike immuniteit” aangedring het om die magte te beskerm.

    Obama, wie se veldtog om die president­skap grootliks gevoer is op die beëindiging van die oorlog in Irak, het die geleentheid aangegryp om Amerikaanse magte aan Irak te onttrek.

    “Dit was ’n geval van dodelike haas om te onttrek en om die tragiese gevolge iemand anders se probleem te maak,” het Bush gesê. “Om weg te vlug van gevaar is net so onwys as om in gevaar in te storm. Die koste is ewe groot,” het hy bygevoeg.

  • Winkelgroep verbreek bande met Trump

    Winkelgroep verbreek bande met Trump

    Die winkelgroep, Macy’s het alle bande met Donald Trump verbreek, nadat hy uitgevaar het politieke korrektheid en onwettige immigrante wat dwelms, misdaad en verkragting na die VSA bring.

    Trump se uitlatings word as ‘n klein bonus vir die Demokrate beskou wat meeding met die Republikeine om Latino-stemme te trek.

    Ten spyte van die opskudding, het Trump se gewildheid in twee sleutelkieserstate, Iowa en New Hampshire, die hoogte ingeskiet.

    Macy’s is die tweede maatskappy wat afstand doen van die televisiepersoonlikheid ná sy neerhalende opmerkings oor Meksikane.

    Die winkel sal Trump se mansklerereeks uitfasseer, wat hemde, dasse, mansjetknope en pakke insluit.

    Die reeks word al sedert 2004 by Macy’s verkoop, maar hulle sê hulle kan nie diskriminasie in enige vorm aanvaar nie.

  • Hillary kondig aan dat sy vir die Withuis mik

    Die voormalige Amerikaanse minister van buitelandse sake Hillary Clinton het formeel haar toetrede tot die presidensiële benoemingstryd aangekondig op sosiale media. Sy sal in die 2016-wedloop vir die Withuis meeding.

    Clinton se perskantoor het glo ‘n tikfout in haar persverklaring gemaak met die reël dat sy “teen kinders en gesinne al haar loopbaan lank veg”. Die mediaspan sê dit moes “vir” gewees het.

    As Hillary slaag, sal sy die eerste vroulike Amerikaanse president word. Barack Obama was die eerste swart president, en dit sal ‘n manier wees om nie weer ‘n swarte te hoef aan te wys nie.

    Sy het op haar veldtogwebwerf gister aan Amerikaners gesê sy wil graag hulle “kampioen” wees.

    Hillary het vir die Demokratiese presidensiële nominasie in 2008 gestaan, maar verloor teen Obama.

    Sy is met ‘n oorweldigende meerderheid die Demokratiese gunsteling. Met die bruin Meksikane wat oor die grense van die VSA stroom en summier burgerskap kry, het die Demokrate seker gemaak dat die Republikeine se kanse vir goed bederf is, aangesien hulle beeld te “wit” is.

    Die VSA streef ‘n aggressiewe beleid van rasse-gelykheid na.

    Hillary dreig al vir maande om haar kandidatuur te verklaar. Haar veldtogspan sê hulle sal die volgende paar weke ondersteuning op voetsoolvlak bou in die vroeë Demokratiese primêre state.

    Sy sal na verwagting haar eerste byeenkoms in die middel van Mei hou om haar veldtog mee af te skop.

    Haar kritici sê sy is onnosel en het haar loopbaan aan haar man te danke. Terwyl Obama verkies is op grond van “potensiaal”, het sy twintig jaar gehad om te wys dat sy tot baie min in staat is, behalwe die gemors in Libië waaroor sy gespog het toe ‘n Amerikaanse senior diplomaat vermoor is.

    Hillary het 2003 gestem vir die inval in Irak. Nadat sy, bekend as die luiste senator, ses keer gestem het dat die oorlog verder befonds moet word, het sy in die openbaar verklaar dat dit ‘n “dom oorlog” is.

    Sy het kort voor die Skotse referendum ingemeng om te verklaar dat onafhanklikheid ‘n “slegte idee” is en ‘n pleidooi gelewer dat Brittanje in die EU moet bly omdat die EU “nie sonder Brittanje kan klaarkom nie”.

    Hillary het aan FOX News in ‘n onderhoud met Bill O’Reilly, op 30 April 2008 gesê : “Ryk mense [soos ons], mag die Here ons seën. Al die geleentheide kom ons toe om seker te maak dat ons land en ons seëninge in die volgende generasie bly.”

  • Derde Bush vir die Withuis?

    Die Withuis kan ‘n derde Bush dalk te wagte wees en ‘n tweede keer dat ‘n Bush ‘n Clinton die stryd aansê.

    Jeb Bush, ­voormalige goewerneur van die deelstaat Florida, is een van die Republikeinse Party se ­sterkste kandidate in die aanloop tot ­volgende jaar se benoemingstryd vir 2017 se presidentsverkiesing.

    Bush is die seun van oudpres. George H. Bush en die jonger broer van oudpres. George W. Bush.

    Mitt Romney, die Republikeine se vorige presidentskandidaat in 2012, het Vrydag gesê dat hy nie vir 2017-verkiesings sal staan nie en aan Bush daarmee ‘n stewige hupstoot besorg.

    Ná Romney se vroeë onttrekking is Bush se kanse om die Republikeinse voorloperkandidaat tot die benoemingstryd te wees, baie goed, het The Washington Post berig.

    Bill Clinton het George H. Bush in die presidentstryd in 1992 verslaan.

    Die jong Bush en Hillary ­Clinton sal volgende jaar weet hoe hulle in die Republikeinse en Demokratiese Party se benoemingstryde gevaar het.

    Clinton het nog nie haar amptelike kandidatuur bekend gemaak nie. As sy deelneem, sal senator ­Elizabeth Warren van Massachusetts haar sterkste mededinger wees.

    Die Republikeinse teenstanders is goeweneurs Scott Walker en Chris Christie en senators Marc Rubio, Ted Cruz en Rand Paul.