naamsverandering – praag.co.za

Solidariteit, ANC stem dat ‘apartheidname’ moet verander

Dr. Danie Brink, uitvoerende direkteur van Solidariteit Helpende Hand, sê Solidariteit stem saam met die ANC dat “apartheidsname” moet weg. Hy word soos volg aangehaal op Netwerk24:

Dr. Danie Brink, uitvoerende direkteur van Solidariteit Helpende Hand, het gesê hulle stem in beginsel saam dat die name met ’n apartheidsverbintenis moet waai.

Die ANC wil Afrikanername van skole in Gauteng, sogenaamde “apartheidsname”, verander.

Volgens die SA Skolewet egter, is dit die skoolbeheerliggaam wat oor die naam moet besluit.

Alhoewel Solidariteit meen dat daar ander prioriteite soos wiskunde-onderrig is, is die vakbond nie sonder meer gekant teen die naamsveranderingvoorstel nie.

Panyaza Lesufi, LUR vir onderwys in Gauteng, het gesê Afrikaners “wat op hul dag as helde beskou is” se nalatenskap moet gesloop word in die naam van transformasie en samehorigheid.

Chris Klopper, uitvoerende hoof van die Suid-Afrikaanse Onderwysunie (SAOU), het aan Netwerk24 gesê: “Daar is by die SAOU geen twyfel nie dat skoolgemeenskappe deurlopend kennis neem van sensitiwiteite. Die onderwysdepartement moet in ag neem dat hier nie sprake is van staatskole nie, maar eerder van openbare skole. Ons kom toenemend onder die indruk dat onderwysdepartemente skole benader asof hulle staatskole is.

“Openbare skole is demokratiese instellings wat ’n verlengstuk is van gemeenskappe en die doel met die skryf van die SA Skolewet was om skole as demokratiese instellings en verlengstukke van die betrokke gemeenskap te vestig. Besluitneming word tot op die laagste vlak gedevalueer.

“Die onderwysdepartement kan dus nie by wyse van dekreet besluite neem nie.”

Phumla Sekonyane, woordvoerder van die departement, het gesê hulle win ’n regsmening in oor die saak.

Dit is nie bekend of Solidariteit meen dat die straat in Kaapstad wat onlangs na FW de Klerk vernoem is, ook ‘n “apartheidsnaam” is nie.

Noordwes wil naam verander te midde van diensleweringsfiasko

Noordwes moet eers sy huis in orde kry voor daar op luukshede soos naamsveranderinge gefokus kan word, sê kritici van die jongste ANC-foefie.

Ongelukkigheid volg op Premier Supra Mahumapelo se aankondiging Vrydag dat daar oorweging geskenk word aan die gedagte om die provinsie se naam na Moses Kotane te verander.

Kotane was ’n anti-apartheidsaktivis wat in ballingskap in Rusland oorlede is.

Kwessies soos dienslewering in die Matlosana- en Madibeng-munisipaliteite wat tot stilstand gekom het, behoort dringend aandag te geniet eerder as ideologiese warm lug, sê wit belastingbetalers.

Lüderitz ontstoke oor naamsverandering

“Hulle kan die dorp se naam verander soos hulle wil; ons sal ‘Buchters’ bly,” was die algemene gevoel oor die moontlike naamsverandering wat Lüderitz mag tref.

Wit en swart inwoners wat met Republikein gesels het, is uiters ongelukkig oor die nuwe poging vir ’n naamsverandering en sê hulle was nie deur die dorpsraad oor die kwessie geraadpleeg nie.

Die Rally for Democracy and Progress (RDP) se voormalige raadslid op die dorpsraad en lid van die Lüderitz Erfenisraad, mnr. Reginald Hercules, het gister gesê inwoners het reeds in 2013 met pres. Hifikepunye Pohamba se aankondigings oor verskeie naamsveranderinge, dit duidelik gemaak dat hulle nie die dorp se naam verander wil hê nie.

“’n Petisie met honderde handtekeninge van beswaar was aan die burgemeester, me. Susan Ndjaleka, oorhandig. Sy is bewus van die gevoelens van die gemeenskap,” het Hercules gesê.

“As die nuwe naam op ons afgedwing gaan word, is ons volgende stap om dit in die hof te beveg,” het nóg ’n lid van die Erfenisraad wat verkies om anoniem te bly, bygevoeg.

Inwoners is ook ongelukkig omdat die kennisgewing van vergaderings met verskeie sektore op die dorp oor die kwessie slegs twee dae voor die tyd uitgereik is. Baie sê ook hulle is onseker oor die oorsprong van die hernude poging om die naam te verander.

“Mense is bitterlik ontstoke,” het ’n bekende sakepersoonlikheid op die dorp gesê.

Die voorsitter van die voormalige Lüderitzbucht-stigting, sê hy is “totaal en al negatief” oor die nuwe verwikkeling.

“Ek dink dit is baie hartseer dat die kwessie só hanteer word. Ons weet nie wie agter hierdie veldtog is nie. Ons weet nie waar dit vandaan kom nie. Hoekom is dit nou so belangrik? Wie het hierdie gesprek begin? Ek dink buitestanders het dit begin. Ek glo nie ’n ‘Buchter’ sou dit begin nie. Dit lyk asof die nuwe naam op ons afgedwing gaan word. Dit getuig van diktatorskap,” het hy gesê.

Ndjaleka wou gister geen kommentaar lewer nie, omdat sy die hele dag in vergaderings was. Haar kantoor het teen druktyd ook nog nie op vrae geantwoord nie. Daar is dus geen duidelikheid oor die oorsprong van die nuwe poging nie.

Gerugte loop egter die dorp vol dat Ndjaleka “en haar raadslede” die naamsveranderingsproses begin het.

Hoofman David Fredericks van die Soromaas tradisionele owerheid op Bethanie het oorspronklik in 2010 !Nami#nûs as ’n naam vir Lüderitz voorgestel. Die kiesafdeling is egter in 2013 so vernoem en die dorp se naam het onveranderd gebly.

Fredericks het gister gesê sy “aanvanklike standpunt” was egter dat die dorp se naam as sodanig moes verander het.

Hy het gesê hy het sedertdien met die dorpsraad vergaderings oor die kwessie, ook dié van gister, gehad.
Van die inwoners met wie Republikein gepraat het, het gesê Fredericks het by die eerste vergadering met skoolhoofde prontuit gesê die naam sal verander word. Ander het weer gesê hy het gepraat oor die oorsprong van die name Lüderitz en !Nami#nûs. Fredericks wou gister egter nie sê wat sy bydrae op die vergaderinge was nie.

“As daar dan geskiedkundige oorwegings vir die naamsverandering is, hoekom kan die dorp nie weer Angra Pequena genoem word nie?” het een inwoner gevra.

Angra Pequena is die naam wat die Portugese seevaarder Bartolomias Dias wat in 1487 op die suidelike kus geland het, die gebied genoem het.

“Ek dink nie die oorwegings vir die nuwe naamsverandering is op feite gebaseer nie,” het stigting gesê.

Te veel ekstremiste is al vernoem

Die Kaapse stadsraad wil Tafelbaai-boulevard na F.W. de Klerk hernoem en De Klerk se minnesanger Leopold Scholtz vind dit uitstekend aangesien “ekstremiste” daarteen gekant is.

Die probleem is egter dat sommige “ekstremiste” in Leopold se eie verbeeldingswêreld nes geskop het, waarmee hyself sy “gematigde” draadsitterstatus onder verdenking plaas.

Linkse ekstremiste meen De Klerk was ’n nare apartheidspresident wat dié beleid net afgeskaf het omdat die heldhaftige ANC hom daartoe gedwing het. Aan die regterkant word gesê De Klerk het die wit mense en die Afrikaners verraai.

Albei groepe meen De Klerk moenie op dié manier vereer word nie. (Interessant hoe uiterstes mekaar altyd êrens vind!)

Teen hierdie tyd is daar min Afrikaners wat nie al oor die kop geslaan is met die “wonderlike” uitkoms van De Klerk se onderhandelinge nie, en hulle is gewone middelklasmense, kwalik die soort wat by ISIS gaan aanmeld om koppe af te saag.

Dis daar in die “gematigde middel” waar Poldi homself bevind waar sulke afwykings eintlik heers. Dis die soort mense wat glo terreur is die antwoord om van Afrikaners ontslae te raak, en dit befonds, aanmoedig en uitvoer. En dan vir 20 jaar volhou met geteikende veldtogte teen ons taal, ons skole en elke ander instelling waar Afrikaners verteenwoordig is.

Poldi is dus terdeë bewus van die onverkwiklike gemors wat De Klerk nagelaat het, anders sou hy nie so verheug gewees het dat ons “burgerregte” flink deur die Grondwet beskerm word nie.

Renate Barnard, die wit polisiekaptein, sal egter verskil hiervan:

Twee gevolgtrekkings spruit hieruit. Een: Moenie so baie kerm nie; gooi jou gewig agter bewegings soos AfriForum en Solidariteit in en maak gebruik van die Grondwet as wapen. Twee: Vereer De Klerk vir sy rol in die Suid-Afrikaanse geskiedenis.

Verbasend dat die twee uitsluitende gevolgtrekkings Scholtz nie in die minste pla nie. As sy tweede gevolgtrekking korrek is, was die eerste nie nodig nie, nie waar nie?

Die vermaarde pryssanger erken egter sy tekortkominge: Hy weet “vaagweg” van al die “geweld en burgeroorloë ver in die wêreld, die Oekraïne, Sirië, Irak, Afganistan, Pakistan, die Kongo, Suid-Soedan, Nigerië, noem maar op, maar is nie régtig bewus daarvan nie”.

Dit het Praaglesers al opgeval hoe oningelig die man is, ja, maar blykbaar weerhou dit hom nie daarvan om voortdurend allerlei “internasionale” menings aan algar op te dis nie, die meeste daarvan uit sy duim gesuig.

Ons was onderweg na ’n volskaalse burgeroorlog, soortgelyk aan die enorme geweld in die gebiede wat hierbo genoem is, veel erger as wat ons tans ondervind.

En die maan is van kaas gemaak. Daar is baie ander uitkomste wat namens die Afrikaners onderhandel sou kon word, maar met sulke vooropgestelde idees soos “die volskaalse burgeroorlog” waarheen ons op pad was, was dit kennelik te groot om af te byt vir die Boksombende.

Die harde waarheid is dat apartheid teen 1989-’90 nie alleen moreel uitgehol was nie, maar prakties misluk het. Ons weet vandag dat die oorspronklike partisie-idee wat – as dit behoorlik uitgevoer kon word – moreel aanvaarbaar was, reeds met die NP-oorwinning in 1948 onuitvoerbaar was. In die praktyk het dit verword tot ’n naakte en immorele rasse-oorheersing van ’n meerderheid deur ’n minderheid.

Hierdie wysheid het Poldi waarskynlik woordeliks uit sy Britse handleiding vertaal. Die harde waarheid is dat die myne Eldorado in die opkoms van China raakgesien het en hul bedrywe terug wou skuif na Londen en dus geen meer nut gehad het in apartheid nie, ‘n stelsel wat deur Jan Smuts verfyn is om arbeid aan Britse mynbelange te verseker.

Die burgeroorlog teen Afrikaners woed onverpoos voort sedert 1994. Ons het geen geweld vrygespring nie; ons beleef dit daagliks. Die mynbase in Londen nié. Die idee dat ons geweld vrygespring het, is gewoon onsinnig. Met 77 moorde per dag as die gevalle van manslag ingesluit word, grens Scholtz se stellings eintlik aan kránksinnig.

Uit De Klerk se persoonlike geskiedenis wil dit voorkom asof hy juis op daardie tydstip toe hy bewus moes gewees het van sulke kwessies, nie ernstige oorweging daaraan geskenk het nie.

Dat Poldi sekere burgerregte-organisasies adverteer saam met De Klerk, moet vir sulke organisasies rede tot kommer wees, tensy hulle hulself distansieer van die man wat vir Afrikaners se penarie verantwoordelik is.

Dit kan hulle beeld wat hul teikenmark betref, net goed doen.

Daar is al genoeg ekstremiste wat vernoem is. Om die waarheid te sê, te veel, want oral waar ‘n mens kom, pryk hulle name op straatborde, geboue en openbare ruimtes in Suid-Afrika. Nie nog een nie, asseblief!

‘Rue des Boers’ in Luxemburg verander na Nelson Mandelaweg

Luxemburg se tweede grootste stad, Esch-sur-Alzette, gaan ‘n bekende pad wat in 1923 na die Boere-soldate in die Tweede Vryheidsoorlog vernoem is, verander na Nelson Mandela-weg. Dié aankondiging het hewige reaksie onder die land se konserwatiewe en selfs verregse groepe uitgelok. Die Nasionale Museum vir Weerstandsbewegings het die stadsvaders van Esch-sur-Alzette naby die Belgiese grens toestemming gevra om die naam van die “Rue des Boers” te verander ná mnr. Nelson Mandela se dood in Desember verlede jaar.

‘n Uitstalling wat bekend staan as “Van Prisonier tot President” word tans deur die museum aangebied. Die burgemeester, Vera Spautz, sê die museum is naby die Weerstands-plein geleë en die stad het gemeen dat die ou Suid-Afrikaanse president se verset teen die destydse NP-regering meer simbolies as dié van die Boere-soldate is. Die Apartheidsmuseum in Johannesburg het sy steun aan die naamsverandering toegesê. – Radio Pretoria

Nelspruit-naamsverandering weens fout nie voor hof

Die hofsaak oor Nelspruit se naamsverandering na Mbombela kon nie in die Noord-Gautengse hooggeregshof in Pretoria aangehoor word nie weens ‘n fout op die hofregister.

Die finansiële bestuurder van die Laeveldse Sake- en Toerismekamer, Linda Grimbeek het dit as teleurstellend en frustrerend bestempel, maar gesê dat dit buite die beheer van albei partye is.

Volgens berigte het meer as 20 000 inwoners en lede van die kamer ‘n petisie oor die verandering onderteken. Volgens Grimbeeck sal die naamsverandering die plaaslike munisipaliteit sowat R450 miljoen kos. – RSG

Nelspruit hof toe oor naamsverandering

Inwoners van Mpumalanga en die Laeveldse Sake- en Toerismekamer is vandag in die Hooggeregshof in Pretoria om die naamsverandering van Nelspruit na Mbombela uit te daag.

Sowat 20 000 inwoners en die Kamer het R300 000 ingesamel om die naamsverandering in die hof teen te staan.

Die Kamer voer aan dat die naamsverandering die plaaslike munisipaliteit R450 miljoen kan kos.

Nelspruit se naam is in Oktober 2009 amptelik na Mbombela verander.

Die Kamer sê 52 ander dorpe in die land kan hul naamsverandering teen staan indien hulle hul saak kan wen. – RSG

Stellenbosch en ander Wes-Kaapse name verander

Mev. Helen Zille, premier van die Wes-Kaapse provinsie, het ‘n hele reeks naamsveranderings in dié provinsie aangekondig. Dít volg ná die suksesvolle transformasie van skool- en straatname wat die party reeds in Midvaal uitgevoer het.

“As ek om my kyk, sien ek nog te veel name en simbole uit die apartheidstyd,” het mev. Zille in Kaapstad gesê. “Ons party, wat die fakkel van bevryding by die ANC oorgeneem het, sal sorg dat die hele provinsie van apartheidsname gesuiwer word.”

Die naam van die Hoërskool Jan van Riebeeck in Kaapstad is een van die eerstes wat gaan waai. Sowel die munisipaliteit van Kaapstad as die provinsiale owerheid het reeds stukke op die skool en sy beheerraad beteken waarin hulle tien dae gegun word om die skool se naam te verander, anders sal die dit summier gesluit word.

Die skool moet ook sy wapen en leuse verander. Die leuse, “Wees jouself”, word deur die Stad Kaapstad en die provinsie as “uiters rassisties, seksisties, patriargaal en etnies chauvinisties” gesien en moet daarom saam met die naam gewysig word.

‘n Bekende naam wat ook in die slag bly, is dié van Stellenbosch. Die Swazi-gebore parlementêre leidster van die DA, me. Lindiwe Mazibuko, het die naam as “uitheems en ‘n klad op die hele Wes-Kaap” beskryf. Die party het tydens ‘n seremonie by die Victoria-en-Alfred-waterfront in Kaapstad aangekondig dat Stellenbosch voortaan as die “Robert-Sobukwe-metro” bekend sal staan.

Die Universiteit van Stellenbosch het die naamsverandering van die dorp verwelkom en terselfdertyd verklaar dat dié instelling insgelyks sy naam na die “Robert-Sobukwe-universiteit vir Afrikastudies” sal verander.

“Ons voel al lankal ongemaklik met die naam Stellenbosch,” het prof. Russel Botman, die rektor, gesê. “Dit herinner te veel aan die gekonstrueerde apartheidsidentiteit van die Afrikaner. Ons is deesdae ‘n Afrika-universiteit waar Afrikastudies een van die grootste enkele doseer- en navorsingsaktiwiteite verteenwoordig. Daarmee saam word die meeste van ons kursusse vanuit ‘n swartbewussynsperspektief aangebied, iets waarvan mnr. Robert Sobukwe, stigter van die PAC, natuurlik ‘n voorloper was. Ons is daarom baie trots om ons kampus hier onder die eikebome na die Robert-Sobukwe-universiteit vir Afrikastudies te herdoop.”

Prof. Cheryl Walker, hoof van die departement sosiologie aan die universiteit en ‘n voorste pleitbesorger vir grondhervorming, was “verheug” oor die naamsverandering. “Ons moet nou nog net van Afrikaans hier op die kampus ontslae raak, dan sal ons almal meer tuis voel.”

Wynboere op Stellenbosch het ná ‘n vergadering met die premier se kantoor hul “heelhartige samewerking met die transformasie-inisiatief” belowe. Alle wynetikette waarop die woorde “Wine of Stellenbosch” verskyn, sal eersdaags met “Wine of the Robert Sobukwe Metro” vervang word. “Ons het reeds ‘n klompie jare gelede alle Afrikaans van ons etikette verwyder,” het een van die wynboere gesê. “Dus sal ook hierdie verandering glad verloop. Mens moet aanpas by die nuwe omstandighede.”

Die bekende Dorpstraat op Stellenbosch sal insgelyks tot “Robert-McBride-straat” herdoop word. ‘n Woordvoerder van die Bruin Bevrydingsinisiatief het gesê: “Noudat mnr. McBride op klagtes van dronkbestuur en regsverydeling vrygespreek is, voel ons die tyd het gekom om hom vir sy bedrae tot die ‘struggle’ te vereer. Hy sal altyd vir sy dapper optrede by Magoo’s Bar op die Durbanse strand onthou word. Ons wil ook die universiteit versoek om ‘n eredoktorsgraad aan hom toe te ken, sommer by dieselfde seremonie waar ‘n eredoktorsgraad postuum aan Robert Sobukwe toegeken sal word.”

Terwyl die hele Robert-Sobukwe-metro (voorheen Stellenbosch) werskaf om die nuwe naamborde aan te bring, het die raad van die universiteit besluit om vandag op 1 April te vergader om die voorgestelde Ph.D.’s, honoris causa, aan die twee Roberts (Sobukwe en McBride) te bespreek.

“Ek dink nie daar sal ‘n probleem wees nie,” meen prof. Russel Botman. “Toe die eredoktorsgraad postuum aan Bram Fischer toegeken is, was daar ‘n effense polemiek, maar dié keer is ons hele gemeenskap baie eensgesind. Die Robert-Sobukwe-universiteit vir Afrikastudies is ‘n globale universiteit met Engels as voertaal en hierdie progressiewe gebaar kan net ons internasionale aansien verhoog.”

Ook die SR het tydens ‘n spesiale sitting sy onvoorwaardelike steun aan sowel die naamsverandering as die toekenning van die twee eredoktorsgrade uitgespreek.

Ander Wes-Kaapse name wat verander, is onder andere: Montagu word Winnie Madikizela-Mandela Village, De Doorns verander na Chris Hani City, Bellville word gewysig na Joe Slovo Town en Franschhoek word na Frantz Fanon Corner herdoop.

Kampsbaai sal voortaan as Tsafendasbaai bekendstaan. Volgens mev. Zille “word die liberale bydrae tot die bevrydingstryd in Suid-Afrika dikwels onderskat. Ek het veral ‘n sagte plekkie vir mnr. Frederick John Harris wat deur die apartheidsregime ter dood veroordeel is. Daarom sal ons De-Waal-rylaan na hom vernoem en ook ‘n standbeeld teen Duiwelspiek vir hom oprig van waar hy ‘n ogie oor die stasie van Kaapstad kan hou.”

Wat lê na die sokkerwêreldbeker?

In die grootste nasiebouprojek op aarde probeer die ANC om die Nuwe Suid-Afrikaanse nasie in ‘n eenheid saam te snoer. Miljarde rande is reeds gespandeer om die diep klowe tussen Suid-Afrika se volkegemeenskap te oorbrug deur sport as saambindende faktor in te span.

Net soos ekonomiese aktiwiteite, is sport ook ‘n middelpuntsoekende krag, wat burgers na binne saambind. Daarenteen word kultuur en godsdiens as middelpuntvlieënde (sentrifugale) kragte beskou, wat mense uitmekaar laat neig.

Maar nasiebouprojekte word egter ook deur Westerse lande beskou as pogings om gebreke van mislukkende state te verbloem. Daardeur word ‘n kunsmatige territoriale lojaliteit geskep sodat burgers hul regering se tekortkominge sal vergewe.

Pres. Jacob Zuma beskou die SWB in so ‘n ernstige lig dat niks, maar NIKS toegelaat mag word om die sukses daarvan te verseker nie. Kontensieuse kwessies word uitgestel tot na die SWB afgeloop het. Malema het skielik van die televisiesieskerms verdwyn en op uitgebreide oorsese reise gestuur sodat gemoedere kan bedaar endat daar op die SWB gefokus kan word.

Wat gaan dan van daardie kwessies word?

Ons moet onthou dat die derdevlakverkiesings aanstaande jaar gaan plaasvind. Daarvoor sal kiesersmobilisasie benodig word om te verseker dat die ANC in bewind sal bly tenspyte van swak dienslewering.

Daardie feit sal die enjinkamer vir politieke gebeure na die SWB wees. Sagte kwessies soos anti-Boer sentimente sal voorrang geniet. Ons kan dus vferwag dat die volgende sal gebeur:

Pretoria se naam gaan verander word. Dit sal waarskynlik voor die einde van die jaar ‘n voldonge feit wees.
Die skroewe vir die grondhervormingsprogram gaan aangedraai word.
Daar gaan opgetree word teen regse organisasies en webwerwe wat kwansuis die nuutgevonde nasionale eenheid bedreig.
Malema gaan ná ’n ligte waarskuwing weer losgelaat word op die media om anti-Boer stommiteite te verkondig, sodat hy die swart jeug kan mobiliseer. Ons moet in gedagte hou dat 70% van die swartmense jonger is as 35 jaar. Meeste is werkloos, en meeste soek waarskynlik vir ‘n sondebok vir hul swaarkry. Net soos in Zimbabwe, is die witmense ‘n handige verskoning vir die land se ineenstorting.
Aangevuur deur Malema se nuwe kennis van hoe dinge in ander rewolusionêre lande gedoen was, sal die debat oor die nasionalisering van grond en die myne weer in die kollig kom. Hiermee sal groot verwagtings geskep word om die stemvee agter die ANC te verenig. In tipiese Afrikastyl wys hierdie gebrekkige strategie weereens dat die oorlewing van die regerende party swaarder weeg as die belange van die land as geheel.
Honderde duisende werkers wat aan infrastruktuurprojekte voor en vir die SWB gewerk het, sal werkloos wees. Die insigte om hierdie werkers weer ekonomies in te span ontbreek geheelenal, want beplannimng was nog nooit een van Afrikaregerings se sterkpunte nie.

So, ons moet maar die gordels vasmaak en gereed maak vir die maande wat voorlê.

компрессор продажа

Adverteerder misken Krugersdorp se naam

Die VF Plus het vandag ‘n klagte by die Reklame Standaarde Agentskap (ASA – Advertising Authority of SA) ingedien oor die verkeerdelike gebruik van die naam Mogale City op ‘n advertensiebord.

Die advertensiebord op die N14 tussen Pretoria en Krugersdorp van MiWay-korttermynversekering het aanvanklik die naam Krugersdorp vertoon. Die naam Mogale City is egter skuins bo-oor Krugersdorp geplak.

Mnr. Jaco Mulder, Lid van die Gauteng Wetgewer vir die VF Plus, sê dat daar geen plek soos Mogale City by die Geografiese Pleknaamraad geregistreer is nie, maar wel Krugersdorp. Mogale City is slegs die naam van die munisipaliteit wat dienslewering aan die groter Krugersdorp gebied lewer.

“Die VF Plus het verlede Donderdag in die Hooggeregshof van Pretoria daarin geslaag om die naamsverandering van Pretoria na Tshwane te stuit deur die handhawing van ‘n vroeëre tussentydse bevel. Die onsensitiewe gebruik en verandering van plekname in Suid-Afrika moet met groter omsigtigheid hanteer word,” het Mulder gesê.

MiWay behoort deur die ASA versoek te word om die advertensie reg te stel deur die naam Krugersdorp op die advertensiebord terug te plaas.

Pretoria bly Pretoria

“Pretoria se naam bly voorlopig Pretoria,” was dr. Pieter Mulder, VF Plus-leier, se reaksie na gister se hofsaak oor die stad se naam.

Volgens dr. Mulder was dit die implikasie van regter Ismael se bevel gister in die Pretoriase hooggeregshof waardeur die aansoek om uitstel goedgekeur is.

Die Tshwane-metroraad het geargumenteer dat die interdik wat in 2008 aan die VF Plus toegestaan is en waardeur Pretoria se naam Pretoria gebly het, geskrap moet word. Dit sou dit vir die stadsraad moontlik maak om voort te gaan met hulle beplande naamsverandering van Pretoria . Die VF Plus het daarteenoor geargumenteer en gevra dat die saak uitgestel word en die vorige interdik dus behou word. Regter Ismael het die uitstel van die saak goedgekeur in die lig van ’n moontlike politieke oplossing. Dit is gebaseer op president Zuma se reaksie in die Parlement oor ’n moontlike politieke oplossing vir die probleem na gesprekke tussen hom en dr. Mulder.

“Hierdie tipe saak gaan nooit permanent met hofsake opgelos word nie. Dit bly tydelike oplossings. ’n Permanente oplossing is slegs moontlik as daar die wil tot ’n politieke oplossing by die ANC is. Die VF Plus is van plan om met gesprekke hieroor met mnr. Zuma voort te gaan,” was dr. Mulder se reaksie na die hofsaak.

липецк аксессуары Фильчаков Харьков

Zuma se reaksie oor Pretoria

Die Vryheidsfront Plus verwelkom president Zuma se reaksie in sy parlementêre repliek op die VF Plus se besware oor die verandering van Pretoria en ander geografiese plekname.

Mnr. Zuma het in sy repliek verwys na die gesprek wat hy met dr. Pieter Mulder as VF Plus leier op 3 Februarie vanjaar oor die aangeleentheid gehad het en het herhaal dat ‘n oplossing vir naamsverandering en vir Pretoria se naam gesoek moet word wat alle partye tevrede sal stel.

Die Vrydag na die gesprek met die President (5 Februarie 2010) is die proklamasie in die staatskoerant, wat Pretoria se naamsverandering aangekondig het, amptelik teruggetrek.

Dr. Mulder het in reaksie gesê dat die Vryheidsfront Plus voorstelle aan die President gemaak het oor hoe sensitiewe sake soos hierdie hanteer moet word. Die VF Plus sal weer in die toekoms aan gesprekke oor naamsverandering deelneem.

President Zuma se verwysing na Pretoria en naamsverandering volg hieronder:

Honourable members,

In appreciating our history, we will also need to return to the difficult question of what names we should use to describe the towns, cities, streets and geographical features of our country.

The Honourable Deputy Minister and leader of the Freedom Front Plus, Dr Pieter Mulder, raised the issue of geographic name changes and specifically the name of Pretoria in his speech in this House.

I appreciate his constructive contribution to this problem.

On Wednesday 3 February, the honourable member and I had a constructive discussion in Pretoria about this problem and dealt with the issue.

I agree with him that further talks with all the parties involved will have to take place and that a solution and working method which will be acceptable to all parties will have to be found.

We must also point out that we had earlier decided, as government, not to rush with the renaming of Pretoria as it is the capital city of our country.

We need to move along together on this path to ensure that we all appreciate the significance of the process.

Фильчаков

Verf Pretoria oranje, blanje, blou!

Die ANC se besluit om in openlike konfrontasie met die Afrikanerinwoners en belastingbetalers van Pretoria te tree met sy provokatiewe naamsverandering moet beantwoord word.” So sê dr. Dan Roodt van PRAAG, in antwoord op die nuus dat die ANC se ontplooide kaders wat oor die munisipaliteit van Pretoria regeer, beplan om die stad se naam finaal te verander.

Roodt het inwoners van die stad versoek om hulself volgens kieafdelings te organiseer. In elke kiesafdeling moet ‘n invividu, groepering, gesin, organisasie of ondergrondse sel verantwoordelikheid aanvaar om te sorg dat die kleure oranje, wit en blou op strategiese plekke aangebring word. Dit kan geverf word, vlae kan gehys word, of dit kan selfs snags met behulp van projektors op geboue en mure geprojekteer word.

“Stel die verbeelding aan bewind, is ‘n ou revolusionêre slagspreuk,” het Roodt gesê.

PRAAG sal binnekort ‘n lys van Pretoriase kiesafdelings op die internet publiseer. “Hierdie is ook ‘n gulde geleentheid vir opposisiepartye om hul ondersteuners en partylede op te vorder om insgelyks Pretoria oranje, blanje, blou te verf,” meen Roodt. “Dieselfde aktiviste wat aan die verfaksie deelneem, kan aanstaande jaar sorg dat inwoners in groot getalle teen die ANC se onwettige – weens die onreëlmatige afbakening van die stad se grense – oorheersing oor Pretoria stem.”

Volgens Roodt veg Afrikaners nie bloot vir die behoud van Pretoria se naam nie. “Dit gaan om veel meer as dit,” het hy gesê. “Dit gaan oor ons vryheid, ons menswaardigheid, ons reg op ‘n kultuur en ‘n voortbestaan in hierdie stukkende, korrupte, misdadige en siek land. Ons sal die ANC beveg met woorde, met begrippe, met verf, selfs met wapens as dit moet. Maar ons kan nie langer toelaat dat ons in ons eie stad en in ons eie gebied deur die besetters vanuit Natal en die Transkei oorheers word nie.”

купить куклы

Afriforum sal hof toe oor Pretoria

Die burgerregte-inisiatief AfriForum het aangedui dat sy regspan gereed staan om enige poging om Pretoria se naam te verander, in die hof te stuit. Dié organisasie is ook van voorneme om grootskaalse protesaksies voor, tydens en na die Wêreldbekersokkertoernooi te loods, sou die naam verander word. AfriForum se reaksie volg nadat die ANC in Pretoria volgens mediaberigte begin het met gesprekke met die regering om Pretoria se naam voor die Wêreldbekersokkertoernooi te verander.

Volgens Kallie Kriel, uitvoerende hoof van AfriForum, voldoen die proses wat gevolg is om Pretoria se naam te probeer verander, nie aan die wetlike vereistes vir openbare deelname nie. “Die howe het reeds op dieselfde gronde Louis Trichardt se naamsveranderingsproses ongeldig verklaar en AfriForum sal toesien dat dieselfde met enige poging om Pretoria se naam te verander, gebeur,” het Kriel bygevoeg.

Kriel het daarop gewys dat die feit dat sowat 30 000 mense verlede jaar ŉ byeenkoms bygewoon het wat deur AfriForum ter behoud van Pretoria se naam gereël is, wys dat mense sterk voel oor die behoud van die naam. Baie van die voorstanders van Pretoria se naam, voel volgens Kriel emosioneel en kultureel gebonde daaraan en sien pogings om die naam te verander as ŉ daad van kulturele aggressie. “Die polarisering wat die Pretoria-dispuut veroorsaak, kan nie bekostig word in ŉ land met sensitiewe intergroepverhoudings soos Suid-Afrika nie – nie nou nie, nie tydens die Wêreldbekersokkertoernooi nie en ook nie daarna nie,” het Kriel gesê.

AfriForum het volgens Kriel vanoggend ‘n dringende skrywe aan die president en die minister van Kuns en Kultuur, Lulu Xingwana, gerig, waarin die regering versoek word om nie in te stem tot die naamsverandering nie. AfriForum is ten gunste van ŉ wen-wen-oplossing, in terme waarvan die Metroraad se naam Tshwane bly en die stad se naam steeds Pretoria is.

casino slot