‘n Plaaslike winkelsentrum in Monument was Vrydag ‘n mini oorlog-sone ná ‘n skietery uitgebreek het, helder oordag.
‘n Voertuig van British American Tobacco (BAT) vol sigarette is gekaap om 09:50 die oggend op Genl. Pienaarlaan, het die Roodepoort Rekord berig.
Nuusjoernalis Ghia ten Doeschate het onbevestigde verslae van die toneel dat die betrokke kaping by die Noordheuwel Winkelsentrum op Robert Broomrylaan plaasgevind het.
By die die Anthos-sentrum (Monument Checkers) op Voortrekkerweg, het veiligheidsbeamptes klaarblyklik die kapers ingehaal.
Dit is nie duidelik wie eerste begin skiet het nie, maar ‘n Fidelity-ondersteuningsvoertuig was ook betrokke.
Toegang tot beide winkelsentrums is afgesper deur die polisie en die plaaslike GPF.
Kopers en motoriste is Vrydag aangeraai om die gebied te vermy tot verdere kennisgewing.
Ten Doeschate sê sy is bewus van drie arrestasies wat gemaak is. Sy sê een verdagte is ook geskiet maar talle ander het te voet in die gebied weggekom.
Die agtjarige seuntjie wat met ‘n baksteen teen sy kop getref is, is van asemhalingsmasjiene ontkoppel.
Die Krugersdorpnuus het vanoggend met Caden Slabbert se ma Andriëtte Cooper, wat oppad na die hospitaal toe was, gesels oor Caden se huidige toestand.
Caden en sy sussie Eden, sou vir die langnaweek by hulle pa gaan kuier het in Alberton toe ‘n swarte ‘n baksteen van ‘n brug af gegooi het en hom deur die kar se ruit getref het.
Caden, wat in ‘n in geïnduseerde koma was is nou van die masjiene af en haal self asem. Sy ma vertel die dokters het gewaarsku dat hy ontrekkingsimptome, hallusinasies en terugflitse mag hê as gevolg van die sterk medikasie wanneer hy wakker geword het.
“Dis aaklig om hom so te sien,” sê sy bedroefde ma.
Sy ogies gaan baie klein oop en hulle kan sien hoe volg hy hulle bewegings en hou selfs hulle hande styf vas.
Cooper meen dat die dokters gelukkig is met Caden se verbetering maar steeds bekommerd is oor sy wond op sy kop waar die linkerkantse deel van sy skedel verwyder was en gaan weer geherkonstruktief terug gesit word.
Wanneer Caden ten volle wakker word sal die dokters die nodige toetse kan doen om te bepaal of hy enige breinskade in die insident op gedoen het.
“Daar is beslis positiewe verbetering in sy toestand en ons is baie dankbaar vir al die gebede vir Caden. Sy herstelling is beslis ‘n wonderwerk.”
Die swart krimineel is nog steeds op vrye voet en die plaaslike polisie in die omgewing is skynbaar opsoek na ‘n onstabiele man wat naak op die hoofweg loop en bakstene en klippe vanaf die brûe rondom The Glen-winkelsentrum gooi.
‘n Winkelsentrum in Krugersdorp, Gauteng het ‘n partytjiebestemming vir wit minderjariges geword wat drink en rook.
In baie gevalle laai die ouers hul tieners by die winkelsentrum af denkende dat hul telge gaan fliek, sonder enige idee van die oortredings wat sommiges in die donker hoeke van die sentrum begaan.
Die Krugersdorpnuus het klagtes ontvang oor minderjarige kinders wat in die openbaar by die winkelsentrum drink en rook. Oortreders word ook by die dam op sekere dae van die week en oor naweke gewaar.
Na bewering is seksuele aktiwiteite reeds op afgeleë plekke in die sentrum opgemerk, met tieners wat gevang is in bedenklike posisies.
Daar is reeds berig oor dwelmmisbruik deur die jongmense, en na bewering rook ‘n paar tieners dagga openlik by die skaatsplankpark.
Die Krugersdorpnuus het onlangs die Key West-winkelsentrum besoek om verslag te doen oor die Jack Parow-verskyning.
Minderjarige kinders is opgemerk waar hulle rook en drink binne en net buite die sentrum, by die skaatsplankpark en die dam.
Die Krugersdorpnuus het selfs ‘n foto van ‘n minderjarige meisie met ‘n alkoholiese drankie geneem terwyl sy kennelik onder die invloed luidrugtig oor die aankoop van ‘n ses-pak biere redekawel, heeltemal onbewus van die nuusspan se teenwoordigheid.
Een van haar vriende nie te ver weg weg nie, het die flits van die kamera gesien en het ‘n opmerking gemaak oor ‘n foto wat geneem word.
Die jong seun, skaars 13 jaar oud, het die nuusspan uitgetart: “Kyk antie”, en geposeer vir ‘n foto met ‘n sigaret in sy mond.
Esther Sequeira van Hoërskool Roodepoort het gesê sy het dié verskynsel al dikwels gesien: “Al baie kere gesien hoe jong meisies … miskien 14 uithang saam groot volwasse anderkleurige mans, beslis onder die invloed van drank of dwelms. Ouers word moet wakker word. Kinders is kosbaar.”
In die 31 jaar sedert Hannes (61) en Hannetjie (66) le Roux in hul huis in Noordheuwel, Krugersdorp woon, was die bejaarde egpaar nooit slagoffers van enige vorm van misdaad nie, maar op 28 Januarie het alles verander.
Hannes was besig om buite die huis te werk toe twee onbekende swartes sy erf binnekom, het hy aan looklocal.co.za vertel.
“Die swartes het navraag gedoen oor ‘n werker van my, en die volgende oomblik is ek en een van my ander werkers beveel om die sekuriteitshek van my huis oop te sluit en om hulle in te laat,” vertel hy.
Binne etlike oomblikke het die Le Roux’s se huis in ‘n slagveld verander.
“Toe ons instap het een van die swartes ‘n mes en geweer uitgepluk. Hy het my grond toe gegooi en meubels is heen en weer gegooi; ons het lank met mekaar gestoei.”
Uit die hoek van sy oog het Hannes gesien hoe sy werker met ‘n mes gesteek word en daarna reggekry het om te ontsnap.
Hy het by die bure gaan hulp soek en sekuriteit ontbied.
Elders in die huis is Hannes se vrou, Hannetjie en hul 15-jarige kleindogter en drie van haar vriendinne intussen met ‘n vuurwapen aangehou en beveel om in ‘n ry te staan.
“Hulle het geld en skootrekenaars gesoek en almal wat selfone gehad het moes dit oorhandig,” vertel Hannetjie.
Hannes het aangehou om met die een swarte in die sitkamer te stoei en hom uiteindelik uit die huis gekry.
“Ek het geweet dat die ander man nog in die huis is en het dadelik na my vrou en die kinders gehardloop waar ek die geveg voortgesit het. Ek kon die tweede man ook uiteindelik uit die huis kry en albei het gevlug.
“Ons was verlig en dankbaar dat ons leef. Ons wil dit net nooit weer oorhê nie,” vertel Hannetjie.
Maar presies vyf dae later, op Maandag 3 Februarie omstreeks 1vm is die egpaar en hul kleindogter se grootste vrese bewaarheid die rowers was terug.
“Dit was soos ‘n fliek. Ons was almal in die hoofslaapkamer toe ons ‘n harde geluid hoor en skielik vier gemaskerede mans deur die plafon sien val,” vertel Hannes.
Die Le Roux’s se kleindogter, wat twee van die rowers herken het van die vorige inbraak nadat hulle die maskers afgehaal het, is beveel om stil te sit en stil te bly.
Die rowers het daarna met aggressie op die egpaar toegesak. Hannetjie is met ‘n hamer in haar gesig geslaan en Hannes twee keer met ‘n mes in die bors gesteek.
“Hulle wou die kluissleutel hê,” vertel Hannes.
Terwyl drie van die rowers die huis gestroop het, het die ander lakens om Hannes se kop en komberse om sy lyf gedraai.
“Hulle wou my versmoor.”
Hannes wat teen daardie tyd al n groot hoeveelheid bloed verloor het, sê dat hy net vir kort oomblikke sy bewussyn herwin het.
“Ek was seker ek gaan sterf.”
Hannetjie is beveel om vir die swartes te wys waar hulle die kar parkeer.
“Ek moes die kar aansluit en uitklim, toe het die vier ingeklim en gevlug.”
Toe dit stil word het die Le Roux’s se kleindogter die straat ingehardloop om hulp te soek.
Inwoners verder af in die straat het uiteindelik kom help en die ambulansdienste is ontbied.
Na dae in die intensiewe sorg-eenheid van die Netcare Krugersdorp Hospitaal is Hannes ontslaan en sterk nou by die huis aan.
Die egpaar en hul kleindogter het hul storie aan vertel om mense daarvan bewus te maak en doen ‘n beroep op Krugersdorp-inwoners om veiligheidsmaatreëls in plek te stel.
“Moenie dink dat dit nie met jou kan gebeur nie dit kan,” waarsku Hannes.
Die nasionale polisiekommissaris, Riah Phiyega sal na verwagting besoek aflê in Ha-Kutama, net buite Makhado in Limpopo, nadat oproer en geweld in die gebied uitgebreek het.
Gemeenskapslede het vier huise, twee voertuie en twee polisiemotors tydens die oproerogheid in ligte laaie gelaat.
Die ontstoke inwoners eis dat nege mense in hegtenis geneem word vir die moord op ‘n 38-jarige swart man in ‘n nabygeleë woongebied. Hulle glo die nege is vir die man se dood verantwoordelik.
Die situasie in die swart woongebiede buite Tzaneen in Limpopo is steeds kalm.
Die polisie in Limpopo het gesê dat die eenhede wat openbare orde handhaaf steeds die gebied monitor.
Relela en Kubjana is verlede week in chaos gedompel toe ‘n oproerige skare ‘n satelliet-polisiestasie aangeval het.
Die stasie in Relela het kwaai onder vandale deurgeloop. Vyftien polisiebeamptes is beseer en 19 polisievoertuie is beskadig.
Drie mense is tydens die oproer dood. Inwoners sê hulle is deur die polisie doodgeskiet.
Nege verdagtes sal môre op aanklagte van openbare geweld, saakbeskadiging en brandstigting in die plaaslike landdroshof verskyn, en nog nege is steeds in aanhouding tot hul volgende hofverskyning aanstons.
Die munisipaliteit van Mogale City het intussen die gewelddadige oproer deur Heuningklip-inwoners naby Krugersdorp veroordeel.
Die skare oproeriges het die N14 met brandende buitebande versper in ‘n poging om grond te beset.
Geweld het losgebars het toe personeel van ‘n privaat veiligheidsmaatskappy hulle van die grond afgejaag het.
Vier mense is beseer, toe die Rooimiere met rubberkoeëls op die skare losgetrek het.
‘n Woordvoerder van Mogale City sê die grond sal beskikbaar gemaak word aan gesinne wat van plase in die omgewing afgesit is.
Betogers het paaie in Roodepoort in Gauteng met klippe en brandende voorwerpe versper en verkeer tussen Randfontein en Krugersdorp word negatief geraak.
Motoriste wat die pad tussen Randfontein en Krugersdorp gebruik, is aangeraai om alternatiewe roetes te oorweeg weens oproer in die gebied.
Voorvalle waar betogers verbygaande motors met klippe bestook het, is aangemeld, volgens Wayne Minnaar, woordvoerder van die Johannesburgse metropolisie.
Die Johannesburgse Metroplisie het motoriste aangeraai om alternatiewe roetes via Albertina Sisulu-, Impala- en Ontdekkersweg te gebruik.
Volgens berigte is die oproermakers by die saamvloei van Main Reef-, Randfontein-, Miles Stoker- en Cemeteryweg saamgetrek.
Minnaar sê die oproerigheid het net ná 05:00 begin en polisiebeamptes is op die toneel.
In Alexandra, Johannesburg, betoog inwoners teen uitsetting.
Llt.kol Katlego Mogale, polisiewoordvoerder, sê plakkers wat ‘n pakhuis beset het kennisgewing ontvang dat hulle uitgesit gaan word.
Hulle het glo vroeg vanoggend motorbande aan die brand gesteek naby ‘n kliniek in Wynbergweg. Die SAPD monitor die situasie.
Vyf swartes wat in hegtenis geneem is in verband met Oujaarsdag se skietvoorval op Krugersdorp aan die Wesrand sal binnekort in die hof verskyn.
Sewe mense is by ‘n spazawinkel gewond vanwie twee se toestand kritiek is.
‘n Polisiewoordvoerder, Katlego Mogale, sê daar word beweer dat ‘n groep mense die winkel binnegekom en oproerig geraak het.
Dit is nie bekend of die voorval uit vreemdelinghaat plaasgevind het nie. Spazawinkels word dikwels deur buitelanders bedryf.
Mogale sê die eienaar het toe sy vriend nadergeroep waarna ‘n woordewisseling ontstaan het. ‘n Sesjarige kind is onder die gewondes, het RSG berig.
Die verdagtes sal op aanklagte van poging tot moord in die hof verskyn.
Intussen is nog ‘n swartman doodgeskiet en een gewond in ‘n verbyryskietvoorval in Soweto, het die SABC berig.
Die Tshwane Metropolisie het motoriste in Pretoria geloof omdat hulle tydens die Nuwejaarsvieringe die wet gehoorsaam het.
Die hoof van die Tshwane Metropolisie, Steven Ngobeni, sê die plaaslike polisie is in hulle skik omdat geen ernstige voorvalle in die tydperk aangemeld is nie.
Die bloulig-bestuurder wat Thomas Ferreira in November 2011 ernstig beseer het, sal vandag in die Krugersdorpse landdroshof sy straf aanhoor.
Joseph Motsamai Semitjie het Ferreira van sy motorfiets gestamp in ‘n wilde jaagtog.
Hy staan tereg op aanklagte van roekelose of nalatige bestuur, opsetlike saakbeskadiging, versuim om bystand aan beseerdes op ’n ongelukstoneel te verleen nadat hy self die motorfietsryer se beserings veroorsaak het.
Semitjie het die ampsmotor van Humphrey Mmemezi, destyds Gautengse LUR vir plaaslike regering en behuising, bestuur toe hy deur ʼn rooi verkeerslig gejaag het en Thomas byna noodlottig getref het.
Semitjie beweer hy moes Mmemezi na ʼn vergadering haas en dat hy opdrag gekry het om blou ligte te gebruik.
Ferreira het ernstige beserings in die ongeluk opgedoen en blywende skade.
“n Motorfietsryer het gisteraand gesterf toe hy agter in ‘n bakkie vasgery het in Sterkfonteinweg, Krugersdorp, het paramediese personeel Sondag gesê.
“Netcare 911-paramedici het op die toneel aangekom en die motorfietsrywer, ‘n man in sy vyftigerjare, op die pad gevind met lewensgevaarlike beserings,” het die woordvoerder van Netcare 911, Chris Botha, gesê.
“Paramedici het vir byna ‘n uur gepoog om hom op te wek maar die pasiënt het tragies op die toneel gesterf weens die uitgebreide beserings wat hy opgedoen het.”
Die ongeluk het Saterdagaand omstreeks 19:40 plaasgevind.
Die oorsaak van die ongeluk is onbekend en word deur die polisie ondersoek. – Sapa
Humphrey Mmemezi, destyds LUR vir plaaslike regering en behuising, het kort voor Thomas Ferreira se ongeluk beveel dat die blou ligte op sy motor aangeskakel moet word, het die Krugersdorpse landdroshof Donderdag gehoor.
Mmemezi het aanvanklik gelieg en gesê hy was nie in die voertuig toe die ongeluk gebeur het nie. Die Gautengse premier het egter later met die sak patats vorendag gekom.
Die bestuurder van die LUR se voertuig het homself ook nie aan die beseerde kind gesteur nie en net die skade aan sy voertuig bekyk, het omstanders aan die media bevestig.
Mmemezi het dié blouligbevel aan sy bestuurder, Joseph Semitjie, gegee voor hulle die LUR se huis op die dag van die ongeluk in November 2011 verlaat het.
“Ons het nie die blou ligte gebruik omdat ons wou nie. Die LUR het ons gesê om dit te doen,” het Semitjie se voormalige kollega Nomakhosi Onica Mashifane aan die hof gesê.
Semitjie staan tereg op vier aanklagte, waaronder die versuim om bystand aan beseerdes op ‘n ongelukstoneel te verleen.
Mashifane, wat ook nie haar gevorderde bestuurskursus voltooi het nie, het gesê hulle het nie stilgehou by stoptekens terwyl hulle die LUR vervoer het nie, omdat hulle haastig was.
Sy het gesê toe hulle in Paardekraal-rylaan in Krugersdorp aankom, het hulle die sirene aangeskakel om ander motoriste bewus te maak dat hulle aankom.
“Die motoriste uit verskillende rigtings het weens die sirene tot stilstand gekom en ons het gedink dit is veilig om aan te hou ry,” het Mashifane gesê.
Toe hulle aangehou ry het, het hulle ‘n geluid aan die linkerkant van die voertuig gehoor.
“Ons was reeds verby die kruising toe ons die geluid hoor en ons het toe gesien dat ons voertuig aan die linkerkant getref is,” het Mashifane gesê. – Sapa
Ses verdagtes in polisieaanhouding is beseer toe hulle na hulle hofverskyning na die Kagiso-polisiestasie onderweg was.
Ses verdagtes in polisieaanhouding en twee polisiebeamptes dié week beseer toe die voertuig waarin hulle gery het met ‘n bakkie gebots het en op sy dak beland het.
Dié ongeluk het omstreeks 3.30nm op die hoek van Hoofrif- en Paardekraalweg, Krugersdorp plaasgevind toe die polisiebeamptes na Kagiso Polisiestasie onderweg was nadat die verdagtes in die Krugersdorp Landdroshof verskyn het.
Brigadier Sipho Ngubane van die Kagiso Polisiestasie sê dat al die insittendes van die polisievoertuig vir behandeling na Leratong Hospitaal geneem is.
“Niemand het ernstige beserings opgedoen nie. Die passasiers is vir skok en geringe beserings soos krapmerke en kneusplekke behandel.”
Hy sê dit lyk nie of die passasiers van die bakkie waarteen die polisievoertuig gebots het, ernstig beseer is nie.
Dit wil voorkom of albei voertuie moontlik afgeskryf gaan word.
‘n Omstander op die toneel sê ‘n polisievoertuig en die nooddienste is na die toneel ontbied.
“Die nooddienste se ambulans het baie naby die polisievoertuig gestop en die polisiebeamptes van die ander voertuig het bystand verleen om seker te maak dat die verdagtes nie ontsnap nie.”
Ngubane sê die polisie ondersoek die oorsaak van die ongeluk. – looklocal.co.za
Skaars ‘n week nadat ‘n gesin van Kenmare, Krugersdorp, al hulle besittings in ‘n huisbrand verloor het, is die besittings van nog ‘n gesin in dié area ook deur ‘n brand verwoes.
Elaine du Preez, ‘n buurvrou van die huis in Howthweg wat aan die brand geraak het nadat vlamme van ‘n veldbrand daarheen versprei het, vertel dat sy voor 3nm op 7 Augustus gesien het hoe die veld in die omgewing van die Donegal Villas kompleks brand.
“Skaars ‘n halfuur later was die vuur in die vallei. ‘n Sterk wind het die vlamme teen die huise gewaai en ons het die plante natgespuit toe ons sien hoe sterk die vlamme is.”
Sy sê daar was toe reeds vier brandweermanne met kannetjies water op hulle rûe wat ‘n oog oor die vuur gehou het.
“Die mense langs ons se lapa het eerste aan die brand geraak. Ons het dit probeer natspuit, maar dit het nie gehelp nie.”
Die hitte het die huis se ruite laat bars en in die tussentyd het die vlamme na ‘n grasdak lapa op die stoep versprei wat die huis laat vlamvat het.
Die eienaars was nie tuis nie en die diere op die perseel is nie beseer nie.
Du Preez sê een van die bure het aan haar gesê dat sy 12 oproepe na die brandweer gemaak het en dat hulle na bewering ook verdwaal het.
“Iemand moes hulle na die huis bring, maar dit was toe reeds te laat aangesien die huis reeds afgebrand het.”
Gerhardt Nieuwoudt, die streeksbevelvoerder van die nooddienste by die Wes-Randse Distriksmunisipaliteit bevestig die voorval en sê twee brandweerwaens asook ‘n Land Cruiser is na die veldbrand by die Donegal Villas kompleks gestuur en het het teen 3.51nm daarvan bewus geword dat ‘n huis aan die brand geraak het.
“Daar was ‘n probleem met die brandkrane wat nie in plek was nie en toe was. Die brandweerwaens het rondgery om na water te soek.”
Hy sê daar was die volgende dag ook ‘n veldbrand naby Howthweg.
“Die brandweer is daarheen ontbied nadat hulle ‘n oproep teen 11.52vm ontvang het en was teen 12.15nm op die toneel waarna die vuur dadelik geblus is.”
Na hierdie insident is die brandweer na die toneel van nog ‘n brand in die Magaliesburg-area. – looklocal.co.za
Krugersdorp se Perreiras mag dalk dink ‘n letterverandering in hulle van is niks om oor te lag nie, maar vir ‘n inwoner van Noordheuwel is dit ‘n lagwekkende situasie.
Martin Higgins (48) wat al sewe jaar in Perreirastraat bly se straatnaam het oornag na Pierreirastraat verander toe munisipale werkers straatnaambordjies aangebring het met die verkeerde spelling.
“Ek was in die wolke toe ek sien dat straatnaambordjies deur die munispaliteit aangebring word, maar toe besef ek dat die naam verkeerd gespel is,” sê Higgins.
Hy sê hy het selfs aangebied om die koste te dra om dit reg te stel.
“Ek het die munisipaliteit gebel om dit te rapporteer waar ek genoem het dat ek die koste sal dra, maar dit is van die hand gewys. Die straatnaambordjies is van ‘n sekere materiaal gemaak, wat byvoorbeeld snags reflekteer as motorligte daarop skyn.”
Hy reken ook dat die verkeerde spelling daartoe kan lei dat mense wat na sy adres moet gaan, kan verdwaal omdat hulle nie die straatnaam kry nie.
Fritz (70) en Louise (66) Crause wat langs Higgins bly reken dat dit swak is om die straatnaam verkeerd aan te bring.
Vrae rakende die spelling van die straatnaam is aan Nkosana Zali, Mogale City Plaaslike Munisipaliteit se woordvoerder gerig, maar geen terugvoering is teen druktyd ontvang nie. – looklocal.co.za
Die VF Plus het vandag ‘n klagte by die Reklame Standaarde Agentskap (ASA – Advertising Authority of SA) ingedien oor die verkeerdelike gebruik van die naam Mogale City op ‘n advertensiebord.
Die advertensiebord op die N14 tussen Pretoria en Krugersdorp van MiWay-korttermynversekering het aanvanklik die naam Krugersdorp vertoon. Die naam Mogale City is egter skuins bo-oor Krugersdorp geplak.
Mnr. Jaco Mulder, Lid van die Gauteng Wetgewer vir die VF Plus, sê dat daar geen plek soos Mogale City by die Geografiese Pleknaamraad geregistreer is nie, maar wel Krugersdorp. Mogale City is slegs die naam van die munisipaliteit wat dienslewering aan die groter Krugersdorp gebied lewer.
“Die VF Plus het verlede Donderdag in die Hooggeregshof van Pretoria daarin geslaag om die naamsverandering van Pretoria na Tshwane te stuit deur die handhawing van ‘n vroeëre tussentydse bevel. Die onsensitiewe gebruik en verandering van plekname in Suid-Afrika moet met groter omsigtigheid hanteer word,” het Mulder gesê.
MiWay behoort deur die ASA versoek te word om die advertensie reg te stel deur die naam Krugersdorp op die advertensiebord terug te plaas.
