praag.co.za

Seks, drank en rook onder minderjariges buite beheer

Written by

praag

in

,

‘n Winkelsentrum in Krugersdorp, Gauteng het ‘n partytjiebestemming vir wit minderjariges geword wat drink en rook.

In baie gevalle laai die ouers hul tieners by die winkelsentrum af denkende dat hul telge gaan fliek, sonder enige idee van die oortredings wat sommiges in die donker hoeke van die sentrum begaan.

Die Krugersdorpnuus het klagtes ontvang oor minderjarige kinders wat in die openbaar by die winkelsentrum drink en rook. Oortreders word ook by die dam op sekere dae van die week en oor naweke gewaar.

Na bewering is seksuele aktiwiteite reeds op afgeleë plekke in die sentrum opgemerk, met tieners wat gevang is in bedenklike posisies.

Daar is reeds berig oor dwelmmisbruik deur die jongmense, en na bewering rook ‘n paar tieners dagga openlik by die skaatsplankpark.

Die Krugersdorpnuus het onlangs die Key West-winkelsentrum besoek om verslag te doen oor die Jack Parow-verskyning.

Minderjarige kinders is opgemerk waar hulle rook en drink binne en net buite die sentrum, by die skaatsplankpark en die dam.

Die Krugersdorpnuus het selfs ‘n foto van ‘n minderjarige meisie met ‘n alkoholiese drankie geneem terwyl sy kennelik onder die invloed luidrugtig oor die aankoop van ‘n ses-pak biere redekawel, heeltemal onbewus van die nuusspan se teenwoordigheid.

Een van haar vriende nie te ver weg weg nie, het die flits van die kamera gesien en het ‘n opmerking gemaak oor ‘n foto wat geneem word.

Die jong seun, skaars 13 jaar oud, het die nuusspan uitgetart: “Kyk antie”, en geposeer vir ‘n foto met ‘n sigaret in sy mond.

Esther Sequeira van Hoërskool Roodepoort het gesê sy het dié verskynsel al dikwels gesien: “Al baie kere gesien hoe jong meisies … miskien 14 uithang saam groot volwasse anderkleurige mans, beslis onder die invloed van drank of dwelms. Ouers word moet wakker word. Kinders is kosbaar.”

keywest

Comments

12 responses to “Seks, drank en rook onder minderjariges buite beheer”

  1. Kaylee van Yken Avatar
    Kaylee van Yken

    Ek is bewus daarvan dat tye verander het, of met ek eerder se, mense het verander. Beide ouers werk, dalk is dit vir hulle ‘n welkome ruskansie, gee die kinders ‘n geldjie om saam met maats te kuier – en dis die resultate, met dikwels onaangename nagevolge. Ma, Pa, jou kind is JOU verantwoordelikheid tot die dag wat hy/sy selfonderhoudend is – kom jul pligte as ouers na en moenie later se, “as ek maar dit, of dat gedoen het”.

    Vir geen oomblik is ek spyt ons as kinders het nooit by maats oorgeslaap nie, nooit saam met maats gerinkink nie.

    Spesiaal aan my moeder.

    1. Gas Avatar
      Gas

      Al die swakkes onder volk word vir die wolwe gegooi, die bejaardes, die werkloses, die haweloses, die siekes (wanneer jy opgeneem word in ‘n staatshospitaal is dit jou voorlaaste stilhouplek onderweg na die begraafplaas), en nou weer hierdie berig oor die jeug (nog nie eens uit hul puberjare nie!). Dis hartverskeurend. So ‘n paar jaar gelede was daar ‘n berig in ‘n Sondagkoerant oor afgryslike getalle Tukkiestudente wat hul studies met hul lone as sekswerkers betaal. Al gedink aan die uitdrukking ‘n verlore geslag?

      1. Kaylee van Yken Avatar
        Kaylee van Yken

        Jy raak ‘n hele paar teer punte aan (inderdaad hartverskeurend) – terwyl jy melding maak van staatshospitale. Ek lees die volgende gisteraand – en plaas dit net so.

        “Indien enige een kan help om Amanda by haar seun te kry. Comment en ek sal n nommer verskaf.

        Amanda du Toit

        My seun is op 21 j verlam deur n duik ongeluk, hy is op google Dawie Erasmus hy is n quadropleeg nou. So 62 dae terug is hy na steve biko vir nierstene probleme en wat in die operasie verkeerd geloop het, weet ek nie! Een van sy derms is beskadig en als het in sy maag uitgeloop wat septisema veroorsaak het, ure later en operasies later is my kind nou in n “induced koma” masjiene haal vir hom asem en die septiesema gaan nie weg nie. Sy longe wil nie reg werk nie en die wond op sy maag is nog oop. Ek is in Amanzimtoti, sy pa is by hom in pretoria maar ons almal is naby aan moed opgee. Hy is Dawie Erasmus op facebook en ek het so so gebede nodig vir hom asseblief.”

        1. Gas Avatar
          Gas

          Hier kan die Pretorianers die bul by die horings pak. En wat van Afrikaner-gesinde mense van Pretoria wat in die mediese beroep staan daar, dalk nog in daai hospitaal met die dodelike naam? Kom aan! Daar is werk vir julle, al is dit net ‘n bietjie “ongesonde” belangstelling in sy vordering?

          Maar ek het nog ‘n saak op die hart. Terug by die verwaarloosde jeug en ons verwaarloosde swakkes… Daar is soveel mooi pogings, en daar is soveel mense wat veral in die afgelope paar jaar betrokke geraak het by die Afrikaner se nasionalistiese politiek. Dis sonder twyfel lofwaardig.
          Maar hoe kan jy ‘n openbare figuur glo dat hy of sy jaloers sal waak oor die Afrikaner se selfbeskikking in sy eie vaderland as daardie mens/e nie met dieselfde ywer waak teen die verdere verwaarlosing en aftakeling van daardie volk se kinders en ander swakkes nie.
          Anders gestel en in die vorm van ‘n vraag: Loop die pad na politieke outonomie vir die Afrikanervolk nie deur die versorging van sy jeug en swakkes nie? Nog ‘n vraag: Hoe kan die Afrikanervolk omsien na sy eie vaderland, eendag, as hy nie wil omsien na sy eie kinders en ander verswaktes en verwaarloosdes van hier en nou nie?
          Jammer vir die preek!

          1. Kaylee van Yken Avatar
            Kaylee van Yken

            Dankie, baie netjies opgesom. Buurman se seun van 24 is al vir meer as ‘n jaar daar (ook verlam) – 6 maande in, en dan ‘n paar weke tuis. Hy het eergister ‘n maagoperasie moes ondergaan. Wonder of daar nie pasiente is wat dien as proefkonyne nie ? Wat onlangs ook daar gebeur het met hom, is te NAAR om oor te vertel.

          2. Gas Avatar
            Gas

            ‘n Mens moet dink aan een of ander “aksielys”, ook ‘n opgaaf van alle Afrikaners en Blankes wat in staatshospitale opgeneem word, iets soos BKA-facebook vir misdaad.
            As daar gedink word aan alles wat reeds deur gewone Afrikaners en Blankes “op die grond neergesit is” om terreur en beplande misdaad uit te ruik en hok te slaan, waarom nie dieselfde gebeurlikheidsbeplanning wat opnames in staatshospitale betref nie.
            Soos in misdaad, waar sekuriteitsmaatskappye saamwerk met instansies soos die BKA en AfriForum om besonderhede oor terreur, misdaad en die slagoffers aan ‘n sentrale databasis te gee, so kan goedgesinde ambulans- en ander mediese personeel gegewens na die basis deurgee en waar nodig op bepaalde webwerwe aan Jan en Alleman rapporteer.
            Maar die “aksielys” kan uit meer as ‘n opgaaf bestaan, daar kan op ‘n standaardvorm plek ingeruim word vir watter voortgesette optrede ook al aanbeveel word, nie die verstrek van ingewikkelde inligting nie, doodgewone inligting wat vir die waarnemer daarvan in staat stel om ‘n taamlike duidelike prentjie oor elke geval te vorm.
            Ek kan aan geen beter persone dink om inhoud aan so ‘n aksie te gee as vrouens nie, Riempies! As ek die BKA-webwerf so bekyk, dan sien ek dis maar vrouens wat die ratte met hul naastediens daar aan die draai hou.

          3. Riempies Avatar
            Riempies

            Gas soos dit is doen ek my ding hier plaaslik met bejaardes.
            Dan is hier ook dames wat sorg vir n kospakkies na skool.

          4. Riempies Avatar
            Riempies

            Gas ek kan nie meer as tenvolle met jou saamstem nie. Ek
            wens ek kon al die klein verwaarloosde kindertjies in die blanke plakkerkampe
            gaan uithaal en grootmaak, vir een mens is dit nie moontlik nie – maar as twee
            of drie gemiddelde huisgesinne saam n so n gesin in die plakkerkampe “aanneem” en versorg en ophef kan dit gedoen word.

          5. G Avatar
            G

            Moenie jammer sê nie. Ek neem dit ter harte

          6. Dolk Avatar
            Dolk

            Jy praat die heilige waarheid! Dis presies hoe ons dit beskou – jy preek nie.

        2. Dolk Avatar
          Dolk

          Dit is verskriklik…!!! Elke gebed en stukkie daadwerklike bydrae help! Waar ons kan help moet ons help – anders is ons aandadig aan liefdeloosheid.

  2. Hans Onrust Avatar
    Hans Onrust

    de Indianen werden ook stevig aan de alcohol en slechte dope gezet in de VS tot ze niks anders meer deden dan zuipen en blowen. En wellicht is het verhaal van Bahnhof Zoo in West Berlijn met Christiane F. ook in SA bekend.
    Kijk Bowie en Iggy Pop konden later goede dokters enz. betalen maar de meeste andere ‘ruime denkers’ verschrompelden op den duur.
    https://www.youtube.com/watch?v=zplaNKA3aeY

Leave a Reply

More posts