praag.co.za

Tag: Sirië

  • Karel Combrinck: Moord en maskerades

    Karel Combrinck: Moord en maskerades

    Daar kry die dol hond in die Withuis toe sy dag van glorie om drie vermeende installasies vir “chemiese oorlogvoering” in Sirië aan te val, met Frankryk en Engeland njaf-njaf agterna.

    ‘n Mens sou kon vra wat is nou eintlik bereik en wat was die doel met die drieledige aanval (VSA 90% , Eng 5%, FR 5%). Die ander twee ook daar net om bek te lek. Was dit om Rusland tot een of ander aksie te provokeer en hulle dan te beskuldig van die aggressor te wees ? Was dit dalk om mede-dolhonde in die tuisgalery in die VSA gelukkig te hou  of verlore openbare steun te herwin? Of was dit bloot ‘n poging van die groot hond om te wys hoe macho hy kan wees?

    Interessant is dat die aanval plaasgevind het op dieselfde dag dat die inspeksie van die Agentskap vir die Verbod op Chemiese Wapens sou begin. Herinner sterk aan die situasie in 2003 toe George Bush Irak aangeval het nog voordat mnr Hans Blix se ondersoek voltooi was, maar wat reeds voorlopig bevind het dat daar geen wapens van massavernietging in Irak was nie, soos mettertyd geblyk het ‘n feit te wees: Geen wapens van massavernietiging in Irak.

    Ook interessant is dat Amerika telkens hulle propaganda en militêre aanslae teen regerings wat hulle in eie belang wil verwyder (“regime change”), grond op gefabriseerde aanklagte van die vervaardiging, besit en gebruik van chemiese wapens, so asof hierdie towerwoord aan hulle die reg verleen om links en regs missiele af te vuur en bomme te gooi. Natuurlik is die Amerikaanse geheue te kort om te onthou dat hulle die enigste land ter wêreld is wat wapens van massavernietiging op groot skaal gebruik het, tydens die atoombombardement van Hirosjima en Nagasaki, asook die massiewe aanwending van chemiese wapens in Viëtnam.

    Ook verskaf die Amerikaners, soos die Engelse en Franse, die afgelope vier jaar reeds massas wapens aan Saoedi-Arabië vir gebruik in ‘n letterlike volksmoord op die mense van die Jemen waarin derduisende volwassenes, vrouens en kinders reeds gedood en vermink is, skole en hospitale en ander infrastruktuur vernietig is, ens. Vreemd genoeg praat die media nie hiervan nie. Dit kan net wees omdat die mense wat die media besit dieselfde is as dié wat geld uit die wapenverkope maak.

    Tot dusver was daar nog geen duidelike bewys daarvoor dat Sirië of Rusland in die onlangse verlede chemiese wapens gebruik het nie. Die Amerikaners, tesame met hulle skoothonde het nou die sg.  chemiese aanlegte in Sirië vernietig sodat dit vir die inspeksiespan onmoontlik sal wees om te sertifiseer of dit wel chemiese aanlegte was of nie. Die Amerikaners het bloot die bewys dat hulle lieg, weggeblaas.

    Die blote feit dat chemiese wapens iewers gebruik is, is vir die Amerikaners, en hulle Engelse en Franse brakhonde genoeg om die skuld daarvoor op Rusland te pak. Die regering van mev May werk die afgelope weke daaraan om die skuld vir die aanslag teen Sergei Skripal en sy dogter Joelia, op die Russe se rekening te plaas, natuurlik om sodoende die Amerikaners ter wille te wees.

    Enkele aspekte stem egter tot nadenke:

    Eerstens is die aanval op Skripal en sy dogter gedoen agt jaar nadat hy as spioen in Rusland werksaam was. Voorts is volgens mev May ‘n uiters giftige gas in die aanslag gebruik wat nie alleen die lewens van Skripal en sy dogter bedreig het nie, maar ook ander mense in die omgewing. Tog, as ‘n mens kyk na foto’s wat na die tyd geneem is van die toneel van die sg. moordaanslag, dan sien ‘n mens personeel van die polisie, ens. met swaar maskers en oorpakke terwyl dosyne ander mense onbeskerm in die nabye omgewing rondloop. Die maskers en oorpakke is duidelik ‘n maskerade van mev May se regering. En as die Russe dan agt jaar na die tyd van ‘n spioen ontslae wil raak, sal hulle dit doen deur middel van ‘n gasaanval in die openbaar en  as’t ware hulle handtekening daarop laat soos mev May dit tot vervelens toe beskryf? Is daar dan nie veel meer diskrete maniere om dit te doen nie? Is dit tipies van die Russe om so pateties onbeholpe en amateuragtig te wees ?

    Skripal is ‘n Rus  wat, voordat hy hom permanent in Engeland gevestig het, ‘n  spioen in diens van Engeland in Rusland.  Die Russe het hom ontdek, gearresteer en verhoor en tot gevangenisstraf gevonnis. Uit Russiese oogpunt was hy dus skuldig aan hoogverraad waarvoor hulle hom kon hang. Hy is egter kort daarna in ‘n uitruilooreenkoms van spioene toegelaat om na Engeland te verhuis. Sou die Russe dan nou nie gedurende sy aanhouding en gevangenskap ‘n geleentheid kon bedink om hom weg te maak nie? Waarom agt jaar wag om dit in ‘n ander land te gaan doen?

    Deskundiges oor chemiese oorlogvoering het ná die voorval beklemtoon dat indien die stof wat in die aanval op Sergei en Joelia Skripal gebruik is, wel Nowitsjok was, soos mev May telkens beweer, die Skripals en ander mense wat na die aanval daarmee in aanraking was, binne enkele ure dood sou wees. Tot dusver was daar nog geen bewyse, ontledings ens., deur mev May aangevoer dat die stof wat gebruik is, wel Nowitsjok was nie.

    Veel waarskynliker is dat die Engelse geheimedienste self die aanslag op Skripal en sy dogter beplan en uitgevoer het en na ‘n aanval deur Rusland laat lyk het. Daarom dan ook dat mev May weier om bevindings van ‘n “ondersoek” na die insident bekend te maak, of aan die Russe te verskaf.

    Wat die Russe nou gaan doen en of hulle iets gaan doen, sal ons maar moet wag om te sien. Russiese belange is natuurlik nie in die aanval regstreeks getref nie. Dis dus onwaarskynlik dat hulle iets sal doen, maar as hulle wel wraak neem vir die aanval, dan het ons oorlog.

  • Karel Combrinck: Maddie lui die klokkie

    Karel Combrinck: Maddie lui die klokkie

    Êrens op Youtube is daar ‘n toneeltjie van ‘n man wat aan sy worshondjie Maddie, opdrag gee om ‘n klokkie te lui vir ‘n lekkertjie of ‘n koekie: Maddie the 10 Week old Dachshund learning to ring a service bell!

    Hierdie toneeltjie is ‘n volmaakte simboliese uitbeelding van die verhouding tussen Amerika en Europa vandag. As Duitsland, Frankryk, ens gehoorsaam is, en meesal is hulle, kry hulle dan soms ‘n koekie en soms net ‘n bitterbessie, afhangende van Amerika se bui. Pas weer het American Airlines ‘n bestelling van 47 Europese Airbus-stralers gekanselleer ten gunste van Boeing, duidelik binne die raamwerk van president Trump se beleid van “America first” .Dus ‘n geval van die bitterbessie…

    ‘n Voorbeeld van die Europese Unie se volslae en patetiese gedienstigheid aan die VSA is dié rondom die gaspypleiding uit Rusland na Wes-Europa waarvan die Europeërs volkome afhanklik is. Soos ons weet, is die Amerikaners reëlreg teen die bestaan van hierdie pypleiding gekant en beywer hulle hul instede daarvan vir ‘n pypleiding vanaf die Midde-Ooste deur Sirië na Wes-Europa, wat onder hulle beheer sal wees. Sirië weier egter om hierdie pypleiding oor hulle grondgebied toe te laat. Verder hoef nie gesoek te word nie vir die knaende Amerikaanse veldtog teen Sirië en Rusland. Dat hulle ‘n stryd voer teen Sirië “ter bevordering van die demokrasie” en weens die Siriese regering se gebruik van “chemiese wapens” is klaarblyklik maar net nog meer van die deursigtige leuens waaraan ons al gewoond is.

    Interessant is terloops dat Naarpers met Vuilbaard Scholtz aan die voorpunt deurgaans die pro-Amerikaanse standpunt stel. ‘n Mens kan wonder of Amerika Scholtz se steun nodig het of kry hy dalk ‘n koekie.

    Maar nou is dit natuurlik wesenlik wat die Europeërs self dink en sê van die bestaan en gebruik van die Russiese gaspypleiding wat duidelik in hulle belang is, maar wat nie in die Amerikaanse kraam pas nie. Hulle houding is dat hulle liefs nie wil kant kies nie. Hulle sal liewer maar wag en kyk hoe die dispuut homself oplos. Dit sou lagwekkend gewees het as dit nie so jammerlik tragies was nie.

    Ten einde die tekort aan te vul wat veroorsaak sou word indien die Europeërs die gastoevoer uit Rusland moes afsny, bied die Amerikaners aan om hulle eie, veel duurder skaliegas aan Europa te verskaf, wat Europa net nog meer afhanklik van Amerika sou maak. Vir die oomblik het die Europeërs nog nie aan hierdie brokkie gebyt nie, maar gee net kans…

    Dit sou in die belang van die Europese Unie wees om goeie en noue betrekkinge met Rusland te handhaaf. Rusland is vir hulle ‘n buurland, met ‘n vergelykbare kultuur, met reusebronne van grondstowwe, wat ‘n afsetgebied kon wees vir hulle produkte en wat hulle in staat sou kon stel om in samewerking werklik ‘n rol op die internasionale verhoog te speel. Maar nee, hulle verkies om krampagtig aan die Amerikaanse rokspante vas te klou en vol te hou met ‘n totaal verspotte en teenproduktiewe sanksieveldtog teen Rusland.

    Met die skepping van die Europese Unie is aan die Europeërs voorgehou dat die nuwe eenheid Europa in staat sou stel om sy stem op die internasionale terrein dik te maak en veral die hoof te bied teen Amerikaanse politieke en ekonomiese oorheersing. Hiervan het totaal niks gekom nie en Europa is nou meer onderdanig aan Amerika as wat hulle ooit was, ligjare verwyder van die tyd van Generaal De Gaulle toe daar nog geen Europese Unie was nie.

    Wat het dan gebeur? Wel, wat gebeur het en wat nooit aan die Europeërs verduidelik is nie, is dat die Europese Unie geheel en al ‘n Amerikaanse skepping is. Die Amerikaners het die Europese Unie tot stand gebring ten einde beter beheer oor hulle te hê, d.w.s . beheer oor hulle verdediging, hulle buitelandse beleid, hulle bankwese, hulle ekonomie, ten einde uiteindelik meer geld uit hulle te kan maak. Europa kan vandag letterlik beskou word as ‘n kolonie van die Amerikaanse empaaier. Die vooruitsig van ‘n sterker, meer onafhanklike Europa was weinig meer as ‘n koekie wat aan hulle belowe was as hulle die klokkie lui.

  • Dan Roodt: Ope brief aan elke christen in Suid-Afrika, deel 1

    Dan Roodt: Ope brief aan elke christen in Suid-Afrika, deel 1

    Die Hooggeregshof in Johannesburg het vandeesweek uitspraak gelewer en openbare skole verbied om “slegs een godsdiens” tydens saalopeninge of ander tradisionele aktiwiteite toe te laat. ‘n Skool mag ook nie meer ‘n christelike etos aanneem nie, maar moet iets anders in die plek daarvan stel, wat kan wissel van die mengkultuur (soos dit in Swede bekendstaan) tot Islam of marxisme-leninisme. Daarmee het die hof ten gunste van OGOD, oftewel Organisasie vir Godsdienste-Onderrig en Demokrasie, bevind, sodat aggressiewe ateïste soos Piet Croucamp van “God-is-breindood“-faam oorwinning gekraai het.

    Tans word daar gepoog om die uitspraak so te plooi dat dit bloot daarop sou neerkom dat “alle godsdienste in skole gelyk verklaar is”. Soos ons al met “taalgelykheid” in ons land gesien het, is “alle diere gelyk, dog sommige meer gelyk as ander”, om nou George Orwell in sy beroemde Animal Farm aan te haal. Net soos wat Engels meer gelyk as Afrikaans is, sal linkse ateïsme en Islam meer regte as die christelike geloof op skool geniet. Daar word bespiegel dat ons skole soos in Saoedi-Arabië of ander Moslemlande voortaan geen blyk van ‘n kruis op hul skoolwapen mag vertoon nie, dat skoolliedere met christelike inhoud gewysig moet word en dat selfs gedigte deur Elisabeth Eybers of Van Wyk Louw met christelike of godsdienstige temas nie meer in die kurrikulum aanvaarbaar gaan wees nie. Die eerste strofe van Eybers se treffende Kersgedig, “Maria”, sou byvoorbeeld nie meer in ‘n openbare skool gelees of behandel mag word nie:

    ‘n Engel het dit self gebring,
    die vreugde-boodskap – en jy het
    ‘n lofsang tot Gods eer gesing,
    Maria, nooi uit Nasaret!

    Ook die studie van skilderye in die kunsklas word hierdeur geraak, want soos almal weet is die hele Westerse skilderkuns deurtrek van christelike verwysings en simbole. Dit sou vervang moet word met nie-christelike of antichristelike kuns waarvan daar natuurlik in die twintigste eeu ‘n enorme hoeveelheid geproduseer is.

    Dit ly geen twyfel dat dié aanval op veral die Afrikaanse skool — daar is geen Engelse skole as teenpartye gedagvaar nie — georkestreer is nie. Binne ‘n dag of wat ná die uitspraak is ‘n grootskaalse propagandaveldtog op RSG en die program “Praat saam” van stapel gestuur waarin Piet Croucamp, die godloënaar en djihadis, die onmiddellike implementering van die hofuitspraak bepleit het. Volgens Croucamp gaan dit oor “verdraagsaamheid”, ‘n begrip wat vir hom beteken dat ander hulle by sy verwronge en beledigende opvattinge moet aanpas.

    Weereens is dit Orwelliaans, want onverdraagsaamheid en hatigheid teenoor die christelike geloof, waardes en kultuur, selfs onverbloemgde Boerehaat, word nou in die naam van “verdraagsaamheid” aangebied.

    Oor die afgelope twee of drie eeue was dit slegs marxis-leniniste en islamitiese djihadiste wat die beoefening van die christelike godsdiens verbied of belemmer het. Sedert die begin van die huidige konflik in Sirië, waar van die vroegste christelike gemeenskappe ter wêreld in Romeinse tye ontstaan het, is daar vele kerke en kunswerke deur die Islamitiese Staat-groep vernietig. Duisende christene is ook voor die voet doodgeskiet of gemartel. In Wes-Europa oorhandig die ontkerstende bevolking hul kerke en katedrale aan inkomende Moslems om moskees daarvan te maak, dikwels met munisipale en staatsubsidies.

    Internasionaal het ‘n soort alliansie tussen liberaal-marxiste en Islam ontstaan, en waarvan OGOD en sy hofaansoek bloot nog ‘n manifestasie is.

    Die aanval op christelike Afrikaanse skole moet ook binne dié internasionale konteks gesien word. Die beweegrede van OGOD en wie ook al agter dié organisasie staan, is nie “godsdiensvryheid” of “diversiteit” of enige van die polities korrekte slagspreuke waarmee die aanslag verdoesel word nie, maar om beheer oor ons kinders uit te oefen. In die provinsie Ontario van Kanada bestaan daar reeds wette wat die owerheid in staat stel om jou kinders van jou af weg te neem indien jy hulle nie polities korrek opvoed deur hulle byvoorbeeld aan homoseksualiteit en “diverse geslagsidentiteite” blootstel nie.

    Politieke korrektheid, ‘n term wat deur Mao Zedong gemunt is, is op sigself ‘n geloof en ‘n verskriklike dogma daarby. Die huidige hofuitspraak verteenwoordig daarom bloot die “dun ent van die wig” waarmee die staat en ekstremistiese groepe gaan poog om ons kinders te indoktrineer en te vervreem van hul kultuur, hul erfenis en hul identiteit. In die ou Sowjetunie was daar die verhaal van Pawlik Marosof wat meer lojaal teenoor die staat en die Kommunistiese Party as teenoor sy eie ouers was; hy was bly toe sy ouers deur die staat vir hul ideologiese “onsuiwerheid” tereggestel is.

    Kort op die hakke van “Afrikaans must fall” volg dus nou: “Christ must fall.”

    As Afrikaners en as christene word ons opgeroep om hierdie uitspraak, asook Piet Croucamp en die OGOD-beweging se marxistiese djihad teen ons en ons kinders te verwerp. Ons voorouers het teen die universele kerk, die Rooms-Katolieke Kerk, opgestaan; vandaar die benaming “Protestante”. Tydens die Bartolomeusnag van 1572 moes vele Franse Hugenote met hul lewens boet vir hul geloof. Ander is lewenslank tronk toe gestuur. Een van die Protestantse martelare, Marie Durand, is op die ouderdom van 15 in ‘n Franse kerker, die Tour de Constance opgesluit waar sy 38 jaar van haar lewe (1730 tot 1768) moes deurbring. Op die muur van haar sel het sy die woord “weerstaan” in Oksitaans uitgekrap.

    Marie Durand se woorde in die klip: “weerstaan”.

    Al word ons ook 38 jaar toegesluit omdat ons nie bereid is om die oorheersing van OGOD, Islam, politieke korrektheid en marxisme-leninisme te aanvaar nie, moet ons ons daarteen verset.

    Marion Maréchal-Le Pen

    Die jong Franse parlementslid wat intussen die politiek vaarwel gesê het, Marion Maréchal-Le Pen, het onlangs gesê: “Frankryk is geen Islamgebied nie.” Net so moet ons herbevestig dat Suid-Afrika christengebied is waar ons mag bid of Bybel lees net waar ons wil en wanneer ons wil, dat ons en ons kinders na willekeur gedigte of boeke met christelike verwysings mag lees of bestudeer, asook na al die klassieke Westerse skilderye met hul dikwels diep christelike betekenis mag kyk, Händel se Messias of ander musiek mag luister, ongeag die staat, OGOD, of vloekende antichris-djihadiste soos Piet Croucamp.

    Weerstaan!

    Ns. In ‘n tweede deel van dié ope brief, sal ek poog om dieper in te gaan op presies waarom die soort opvoeding wat ons as Afrikaners en as Westerlinge in ons skole beoefen, onlosmaaklik christelik is, asook na die verskillende tipes ateïsme verwys.

  • Is die VSA ISIS se nuwe lugmag?

    Is die VSA ISIS se nuwe lugmag?

    Soos Arthur Conan Doyle eenkeer geskryf het: “Wanneer jy die onmoontlike uitskakel, is al wat oorbly, maak nie saak hoe onwaarskynlik nie, die waarheid.” Die beroemde Britse skrywer en geneesheer, is bekend vir sy speurderkarakter Sherlock Holmes.

    Maar niemand het Sherlock nodig om die skreiende teenstrydighede in president Donald Trump se beweringe dat Sirië hul eie mense vermoor het in ‘n gifgasaanval raak te sien as bewys van kruipende globalisme nie.

    Na al Trump se veldtogbeloftes, het CNN se Fareed Zakaria opgemerk: “Daar is ‘n gevaar dat ons [die VSA] effektief opgetree as ISIS se lugmag. Want enigiets wat Assad verswak in ‘n strategiese sin in Sirië, versterk ISIS. Dit is basies die twee spelers op die grond.”

    Hier is ‘n paar juwele van die Trump-twiets wat terugdateer tot 2013 waarin hy baie duidelik waarsku om nie militêr in te gryp in Sirië nie:

    The President must get Congressional approval before attacking Syria-big mistake if he does not!

    AGAIN, TO OUR VERY FOOLISH LEADER, DO NOT ATTACK SYRIA – IF YOU DO MANY VERY BAD THINGS WILL HAPPEN & FROM THAT FIGHT THE U.S. GETS NOTHING!

    We should stay the hell out of Syria, the “rebels” are just as bad as the current regime. WHAT WILL WE GET FOR OUR LIVES AND $ BILLIONS?ZERO

    What will we get for bombing Syria besides more debt and a possible long term conflict? Obama needs Congressional approval.

    We should stop talking, stay out of Syria and other countries that hate us, rebuild our own country and make it strong and great again-USA!

    President Obama, do not attack Syria. There is no upside and tremendous downside. Save your “powder” for another (and more important) day!

    Let the Arab League take care of Syria. Why are these rich Arab countries not paying us for the tremendous cost of such an attack?

    Only days before last November’s election, Trump told a crowd in Florida that Hillary Clinton “wants to start a shooting war in Syria…that could very well lead to World War III.”

    Volgens die TNS Global peiling vir die Sputnik nuusagentskap, meen meerderhede in Duitsland, Frankryk, en die Verenigde Koninkryk, sowel as die helfte van die respondente uit Italië, dat die wêreld minder veilig geword het onder die presidentskap Trump. Sowat 45 persent van Amerikaners voel dieselfde. Duitsers lyk die meeste bekommerd, met 72 persent wat glo dat die wêreld ‘n minder veilige plek onder Trump sal word.

    Die gevoel van baie Europese kiesers is die mees optimistiese siening oor wat gebeur in Sirië tans, ná ‘n berig dat Trump se dogter inderdaad haar vader oorreed het om die missiel-aanval te loods.

    Trump se seun Eric het bevestig dat sy suster Ivanka Trump, wat onlangs amptelik ‘n onbetaalde Withuis-adviseur geword het, haar pa se besluit beïnvloed het om Sirië aan te val, volgens The Telegraph.

    Op Vrydag, 7 April het die VSA 59 kruismissiele op Sirië se Ash Shayrat vliegbasis in die provinsie Homs van skepe in die Middellandse See afgevuur sonder bewyse van wie verantwoordelik was vir die chemiese aanval.

    “Dit was aaklig. Hierdie ouens is barbare en ek is bly hy gereageer op die manier waarop hy gereageer het,” het Eric Trump bygevoeg, maar hy kon geen besonderhede gee nie.

    Die onderhandelingsposisies van Washington voor gesprekke tussen die minister van buitelandse sake Tex Tillerson en sy Russiese eweknie Sergei Lawrof, is aansienlik verswak deur die aanval.

    Dinsdag het ‘n joernalis van CBS gekerm dat Russiese president Poetin gereed moes staan om Tillerson te ontvang, want Rusland neem nou glo die VSA nie ernstig genoeg op nie.

    Die ironie van Major Garrett se gekerm was verlore op hom. Vir maande lank het hy en sy koerant, sowel as ander hoofstroomkoerante gekla dat Rusland die VSA se presidentsverkiesing geswaai het omdat hulle “te veel” aandag kry. Nou is dit skielik te min aandag.

  • Amerikaanse wit nasionaliste draai teen Trump

    Amerikaanse wit nasionaliste draai teen Trump

    Stomgeslaan deur die president waarin hulle hul vertroue geplaas het, het wit Amerikaanse Trump-ondersteuners teen die leier waarvoor hulle gestem het om oorloë te beëindig, gedraai.

    Sy kiesers het gedink hy bedoel wat hy sê omdat Trump vir jare volgehou het dat ‘n Siriese aanval ‘n verskriklike idee sal wees. Tot hy sonder enige bewyse skielik besluit het om presies dit te doen waarteen sy kiesers in die eerste plek gestem het.

    Voormalige Trump ondersteuners was Donderdagaand verenig in die veroordeling van die aanval op Sirië as ‘n groteske fout. Voormalige Breitbart-mederedakteur Milo Yiannopoulos het Trump se optrede “vals en gay” genoem. Trump het sy basis totaal vervreem wat in sy isolasionistiese, “America First” boodskap geglo het.

    Die redes vir die aanval wat Trump aanvoer is so ongeloofwaardig, dis pynlik om te aanskou. Daarbenewens was die Siriese lugbasis gebruik ter beskerming van die Christene in Homs, waar die meeste van hulle saamgetrek is. Sonder dié beskerming is die Siriese Christene uitgelewer aan ISIS.

    Sonder die wit nasionaliste se steun, sou Trump nooit die kieskolleges gewen het om president te word nie. As daar nou ‘n beweging kom om van hom ontslae te raak, is dit neusie verby vir die ryk eiendomsagent.

    Nasionaliste, anti-intervensioniste en anti-globaliste, sowel as die alt-regses het ook ‘n merkbare weersin in konflik met Rusland, iets wat die Amerikaanse aanval op Sirië dramaties gaan verhoog.

    Volgens die New York Times, het die Amerikaanse president Donald Trump “emosioneel” opgetree, ‘n monumentale fout vir ‘n leier van ‘n land soos die Verenigde State van Amerika en iets wat sy manlike kiesersbasis verafsku.

    Toevallig, kom die gekke aanval op Sirië net nadat Steve Bannon deur Trump se skoonseun Jared Kuschner weggejaag is. Kuschner is nie ‘n verkose amptenaar nie maar hy slaan die kitaar oor die VSA se besluite rakende buitelandse beleid.

    Trump, het sy ondersteuners geglo, sou die land uit onnodige oorloë hou. Die mees uitgesproke in hul verontwaardiging was leiers van die klein maar invloedryke wit nasionalistiese beweging. Paul Joseph Watson, ‘n redakteur vir die gewilde webwerf Infowars, het op Twitter gesê dat Trump “is net nog ‘n skaduregering/Neocon marionet.” Hy het bygevoeg: “Ek is amptelik af van die Trumptrein.”

    Alex Jones, eienaar van Infowars het gesê: “Die White Helmets, ‘n al-Qaeda geaffilieerde groep befonds deur George Soros en die Britse regering, het na bewering die chemiese wapen aanval op burgerlikes in die Siriese stad van Khan Sheikhun uitgevoer om blaam te lê op die Siriese regering.”

    Richard Spencer, wat die term het geskep “alt-regs” geskep het, het gesê dat hy die aanval veroordeel. “Die ergste scenario: Ons herhaal die 2000s: ‘n Konserwatiewe as leier met ‘n populistiese boodskap, word ‘n globalis en Neocon-sluiper. Weereens, ek sal wag en kyk, maar ek is bereid om Trump af te skryf.”

    Scott Adams, die spotprenttekenaar wat Dilbert geskep het, skryf op sy webwerf dat die chemiese wapenaanval ‘n “vervaardigde gebeurtenis” was.

    Blogger Mike Cernovich het gewaarsku dat die Verenigde State van Amerika Sirië gaan aanval. “Ons moet hom stop” het hy op ‘n lewendige internetvoer gepleit.

    Stefan Molyneux het dit raakgevat toe hy die volgende getwiet het:

    Marine Le Pen het Trump se onbesonne aanval ten sterkste veroordeel. Beide UKIP-leiers Nigel Farage en Paul Nuttall het ook teen hom uitgevaar en gewaarsku dat sy ondersteuners hom gaan verwerp.

  • VK, VSA en Frankryk blameer Assad vir chemiese aanval

    VK, VSA en Frankryk blameer Assad vir chemiese aanval

    Die Verenigde Koninkryk, VSA, en Frankryk blameer persident Assad vir ‘n chemiese aanval in die Veiligheidsraad in ‘n konsep-resolusie

    Tydens ‘n noodvergadering gehou deur die Veiligheidsraad van die Verenigde Nasies (VN-Veiligheidsraad) Woensdag, oor die vermeende chemiese aanval in die provinsie van Idlib, Sirië, is die skuld op die Siriese regering gepak.

    Die drie lande sê die beweerde chemiese aanval in Idlib is deur die Siriese weermag uitgevoer op 4 April.

    Maar Moskou het kategories die konsep-resolusie verwerp. Die gebied waarin die aanval gebeur het, is onder die volle beheer van terroristegroepe wie se posisies soms geteiken word deur die Russiese en Siriese Lugmagte.

    Siriese betrokkenheid by die beweerde aanval blyk hoogs onwaarskynlik te wees. Na ‘n ongekende chemiese wapenaanval in Sirië se Oos-Ghouta in 2013, toe ‘n paar honderd mense gedood is, het Sirië by die Konvensie oor die verbod van chemiese wapens aangesluit.

    In Januarie 2016, het die OPC aangekondig dat Sirië se hele chemiese wapenarsenaal vernietig is.

    Die sogenaamde White Helmets en die Siriese Observatory for Human Rights, beide geborgde nie-regeringsorganisasies wat die nuus van die beweerde aanval gebreek het, is berug vir hul verbintenis met anti-Assad terreurgroepe. Die SOHR is ‘n eenman-propaganda-operasie uit Londen sonder inligting van wat in Sirië gebeur, maar vreemd genoeg neem die hoofstroommedia hom heel ernstig op.

    Die Turkse regering het intussen die grens gesluit by die Bab Al Hama grenspos, en weier ambulanse uit die rigting van Khan Sheikhoun, waar die “aanval” glo gebeur het om Turkse grondgebied te betree.

    Die Siriese weermag is besig om die terroriste in die platteland van Hama terug te dryf, veral die Al Nusra Front. Hulle het dus nie nodig gehad om enige chemiese aanval uit te voer nie.

    Die dorpie Khan Shaikhoun self is geleë op die administratiewe grens tussen die provinsies van Hama en Idlib.

    In 2013, ná die Ghouta chemiese aanval, is die eposse van ‘n Britse huursoldaatmaatskappy onderskep deur krakers, en dit het toe geblyk dat die skuld wat op Sirië gepak is in 2013 vir ‘n chemiese aanval, die werk van ander partye kon gewees het.

    Die Britse huursoldaatmaatskappy, Britam Defense, het sedertdien erken dit is hulle eposse, maar beweer dat die kraker “JAsIrX,” die materiaal “vervals” het.

    Maar die volume van gekraakte dokumente van Britam laat dit hoogs onwaarskynlik lyk. Die eposse is aanvullend tot waarskuwings deur Israel en die Obama Withuis dat Siriese leier Bashar al Assad “moet gaan”.

    Jaromír Kohlíček, Tsjeggiese politikus en ‘n lid van die Europese Parlement het gesê dat die drie lande en sekere Arabiese borge dra die verantwoordelikheid vir die plaag van terrorisme in Sirië en Irak.

    In ‘n onderhoud met die Tsjeggiese koerant BLESK, het hy gesê dat die terroriste groepe in Sirië, finansiële ondersteuning en toerusting van die Saoedi-en Qatari regimes asook van spesifieke westerse lande, naamlik die VSA, Frankryk en Groot-Brittanje, ontvang.

    Hy sê dat die Siriese weermag wapens en toerusting ontdek het wat geskenk is deur sekere westerse lande, soos Groot-Brittanje, na die bevryding van woongebiede in die ooste van Aleppo.

    Nikki Haley, Amerikaanse ambassadeur by die Verenigde Nasies, het Woensdag te kere gegaan teen die Siriese regering en met geweld gedreig, sonder enige bewyse dat hulle verantwoordelik is.

    Die New York Times en ander hoofstroom Amerikaanse propaganda-afsetpunte het ook onmiddellik die skuld op die Siriese regering gepak.

    Die Times het twee van sy mees toegewyde anti-Siriese regeringspropagandiste op die Siriese gif-gas storie uitgeplaas, naamlik Michael B. Gordon en Anne Barnard.

    Gordon se mede-skrywer, Judith Miller, is die enigste Amerikaanse joernalis bekend wat al ‘n werk verloor het oor haar roekelose leuens oor Irak se kamtige wapens-van-massavernietiging. Haar skaamtelose propagandaleuens het bygedra tot die menslike tragedie in daardie land.

    Gordon was self ‘n mede-outeur van ‘n valse Times se voorbladberig op April 21, 2014, toe die departement van buitelandse sake en die Oekraïnse regering vervalste foto’s van Russiese soldate in die Oekraïne gebruik het.

  • Tillerson kondig nuwe plan aan vir Sirië en Irak

    Ministers van 68 lande wat saam die koalisie teen die Islamitiese Staat voer, het in Washington vergader om president Donald Trump se planne vir die vernietiging van die oorblywende vestings van die terreurgroep te hoor.

    Die vergadering is deur die Amerikaanse minister van buitelandse sake, Rex Tillerson, byeengeroep.

    Tillerson het gesê die Verenigde State sal “tussentydse sones van stabiliteit” oprig om te help dat vlugtelinge terugkeer huis toe in die volgende fase van die stryd teen die Islamitiese staat en Al-Kaïda in Sirië en Irak.

    Die Amerikaanse minister van buitelandse sake het nie duidelik maak waar hierdie sones opgerig gaan word.

    “Die Verenigde State sal ons druk op ISIS en Al-Kaïda verhoog en sal werk om tussentydse sones van stabiliteit te vestig, deur skietstakings, om toe te laat dat vlugtelinge terug keer,” het Tillerson by sy eerste groot diplomatieke gebeurtenis verklaar.

    Hoewel dit is onduidelik is hoe die sones sal werk, kan dié stap Amerikaanse militêre betrokkenheid in Sirië verhoog.

    Trump het tydens sy verkiesingsveldtog laat blyk dat hy ‘n “geheime plan” het om van ISIS ontslae te raak.

    Tot dusver het die Pentagon egter grootliks by voormalige president Obama se strategie gehou deur grondmagte te ondersteun en Amerikaanse deelname te verskerp in die aanloop tot die aanslag op Raqqa.

  • Dresden se ‘kunswerk’ uit solidariteit met terroriste

    Dresden se ‘kunswerk’ uit solidariteit met terroriste

    Amptenare in die oostelike Duitse stad Dresden het ‘n “kunswerk” gewy aan terroriste opgerig.

    Die Siriese “kunstenaar”, nou ‘n Duitse burger, wou “solidariteit” met die terroriste van Aleppo in Sirië wys.

    Inwoners het Dresden se burgemeester Dirk Hilbert uitgejou by die openingseremonie Dinsdag en geskree “Gemors!”, “Gaan weg!”, “Skaam jou!” en “Verraaier!”. Die Dresden-tak van die anti-immigrante party AfD, wat ‘n oplewing in gewildheid geniet sedert ‘n invloei van meer as 2 miljoen vlugtelinge, baie van Sirië, het die installasie ‘n “belediging vir die burgers van Dresden” genoem.

    Baie van hulle is woedend omdat hulle sê dat die stuk die herinnering van hul eie vuurbombardement van die stad aan die einde van die Tweede Wêreldoorlog aantas. In Februarie 1945, drie maande voor die einde van die oorlog toe die Duitsers reeds hul nederlaag verklaar het, is burgerlikes uitgedelg. Die lelike werk vorm deel van die 72ste herdenking van die vernietiging van Dresden.

    Die “kuns” installasie, bestaan ​​uit drie busse wat regop staan, op die plein voor die Frauenkirche. Die pragtige kerk is vernietig deur Britse en Amerikaanse bomwerpers in die Tweede Wêreldoorlog, maar met moeite opgebou na die oorlog ter herinnering aan diegene, burgerlikes, insluitende kinders, wat in die vuurhel omgekom het. Na dekades van geen onderhoud nie, is die Frauenkirche in 2005 heropen.

    Die werk lyk soos ‘n toneel uit 2015 toe terroriste in die Siriese stad ​​drie busse aan die einde van ‘n straat opgerig het om hulself te beskerm teen sluipskutters van die Siriese regering, berig Reuters.

    “Kunstenaar” Manaf Halbouni, het aan Reuters gesê hy was “geskok” deur die protes teen sy polities gelaaide werk. Halbouni verwys na die immigrasie krisis, maar toon sy algehele onkunde oor die Duitse geskiedenis: “Die doel van hierdie installasie was om dialoog te bevorder tussen mense, sodat ons almal saam dinge kan bespreek en probeer om probleme op te los.”

    Dit is nie duidelik watter soort dialoog nodig is tussen immigrante wat terrorisme in Sirië vier en burgerlikes wat tydens die oorlog omgekom het in wat beskryf word as ‘n oorlogsmisdaad nie. Op sy webwerf, het Halbouni nog onsin kwytgeraak en gesê sy werk verbind die lyding van mense in Sirië aan Europa “maar ook die hoop vir rekonstruksie en vrede”.

    Die terroriste in Sirië was beslis nie daar om vrede te bevorder nie en die busse was hulle idee om ‘n oorlog te voer teen ‘n land wat niemand bedreig het nie.

    Die predikant van die Frauenkirche kerk, Sebastian Feydt, het natuurlik die werk verdedig en sy kritici as “nasionale-sosialiste” uitgeskel.

    Maar as die terroriste in Sirië nie deur die Siriese regering met die hulp van Rusland die onderspit gedelf het nie, sou daar min kans op rekonstruksie en vrede in Aleppo gewees het.

    Hele stede, veral Aleppo, in die noordweste deel van Sirië, is in puin gelaat deur die ISIS-inval vir regime verandering om die Siriese president te ontsetel. Inwoners is opgesteek om ‘n “burgeroorlog” te voer deur die transnasionale ISIS-terreurmagte.

    Gordon Engler, AfD-lid, het gesê die werk is “nie kuns nie, maar ‘n politieke skuif” en skelm gedoen. Volgens Engel was die plan nooit met die inwoners van die stad bespreek nie, want “dit sou onmiddellik duidelik wees dat dit sal lei tot protes”.

    “Ek is ‘n lid van die Dresdenstadsraad,” verduidelik Engler. “Die hele ding is bewimpel deur die kantoor van die burgemeester. Ons het uitgevind wat aangaan net toe dit reeds duidelik was dat die opening sal plaasvind,” het Engler gesê.

  • Trump se verhouding met Rusland stuur skuddings deur VN

    Trump se verhouding met Rusland stuur skuddings deur VN

    President Donald Trump se goeie verhouding met Rusland het gesorg vir skuddings in die Verenigde Nasies, want Amerikaanse bondgenote is bekommerd dat ‘n vennootskap tussen Washington en Moskou ‘n historiese magsbalans wat dateer uit die Koue Oorlog, kan ondermyn.

    Die vyf vetolande van die Veiligheidsraad, waarop 15 lede dien, is tradisioneel in twee kampe verdeel: Frankryk, Brittanje en die VSA (die P3) teen Rusland en China.

    Maar Amerikaanse vriendskaplike betrekkinge met Rusland kan die VN se siening van konflikte in Sirië en die Oekraïne raak.

    ‘n Belangrike toets kom in Februarie, wanneer die Oekraïne die Veiligheidsraad se roterende presidentskap sal hou. Die land is diep bekommerd oor die volgehoue ​​steun van die Raad rakende sy aansprake op die Krim en die konflik teen sy eie mense op sy oostelike grens.

    Die nuwe rigting deur die Amerikaanse president kan die ontplooiing van vredesmagte of veroordelings oor menseregteskendings direk raak. Terwyl die vyf permanente lede besluite kan veto, maak hulle gewoonlik staat op meerderheid ondersteuning van ander lede van die Veiligheidsraad.

    Buitelandse diplomate “sal blind navigeer” met Trump, sê Richard Gowan, van die Europese Raad op Buitelandse Betrekkinge. “Baie verwag van hom om nouer met Rusland te bewerkstellig, maar is nie seker hoe ver dit sal gaan nie.

    Onderonsies met Beijing oor handel en Taiwan, kan die dinamika van die Veiligheidsraad verander.

    Dit voorspel niks goeds vir die Oekraïne nie, want die huidige regime hoop dat ander lande sal voortgaan om die referendum deur Rusland in die Krim te veroordeel. Die beleërde opposisie in Sirië kan uiteindelik ook inplof.

    Brittanje is diep bekommerd dat Trump se verhouding met president Vladimir Poetin Russiese belange sal bevorder in Oos-Europa, volgens twee senior amptenare, wat aan Bloomberg gevra het om nie geïdentifiseer te word nie.

    China het reeds Rusland gesteun in vyf besluite oor Sirië sedert 2011.

    Die VN-resolusie van die Veiligheidsraad in Desember, wat krities was teenoor Israel se nedersettingsbeleid, gaan waarskynlik nog vir meer ontsteltenis sorg.

    Die Trump-administrasie het intussen ‘n diep wantroue teenoor onverkose multilaterale instellings soos die VN getoon.

  • Britte gooi U-draai oor Sirië

    Britte gooi U-draai oor Sirië

    Die vernederende nederlaag van militante in Aleppo, Trump se verhouding met Rusland, en die Turkse toenadering tot Moskou het die internasionale skaakbord aansienlik verander.

    Britse Sekretaris van Buitelandse Sake, Boris Johnson, het ‘n U-draai gegooi oor president Bashar al Assad om deel te neem as ‘n kandidaat in die volgende Siriese verkiesing in ‘n dramatiese ommekeer van Britse beleid.

    Die sewe-jaar termyn van President al-Assad sal in Junie 2021 eindig.

    Die minister van buitelandse sake van die Verenigde Koninkryk se erkenning dat die inhuldiging van die nuwe president van die VSA beteken dat alle kante hul benadering oor Sirië in heroorweging moet neem, het die Guardian berig.

    “Ek moet realisties wees oor hoe die landskap verander het, en dit kan wees dat ons opnuut sal moet dink oor hoe ons dit hanteer. Die ou beleid, is ek bevrees om te sê, beteken nie meer veel nie,” sê Johnson.

    “Ons was onherroeplik verbind vir ‘n lang tyd tot die mantra dat Assad moet gaan, maar ons was nie in staat gewees op enige stadium om dit te maak gebeur nie,” het Johnson bygevoeg.

    In Junie 2014, het die Arabiese Republiek ‘n presidensiële verkiesing georganiseer. Die globalistiese magte was gekant teen daarteen, en – ‘n skending van die Weense vredesooreenkoms – het Siriese konsulate verbied om buite die land ‘n stemmery te organiseer.

    Die oorlog het verhoed dat etlike miljoene kiesers stem, terwyl al die state met diplomatieke bande in Sirië die verkiesing erken het.

    Bashar al-Assad is herkies as president met ‘n meerderheid van 88,7 persent van die stemme.

    Maar sedert 2011, beskuldig die globaliste Assad dat sy land ‘n diktatuur is en dat dit betrokke is in stelselmatige marteling. Die Siriese kiesers dink klaarblyklik nie so nie.

    In September 2015, het Johnson se voorganger, Philip Hammond, toegegee dat president Bashar vir ‘n oorgangstydperk van drie maande kan bly.

    Maar Hammond nogtans volgehou dat die Arabiese Siriese Republiek ‘n “diktatorskap” is en dat die mandaat van Assad “onwettig” is.

    In nog ‘n eerste, het die minister van buitelandse sake ook gesê die Verenigde Koninkryk se toekenning van uitvoerlisensies vir wapens aan Saoedi-Arabië kan sneuwel onder aantygings van oorlogsmisdade.

  • Bevryde Aleppo vier fees

    Bevryde Aleppo vier fees

    Terwyl ‘n amptelike verklaring oor die situasie uit Damaskus moet kom, het ‘n bron naby aan Siriese weermaghoofkwartier aan RIA Novosti gesê dat die weermag op die rand is daarvan om die stad van terroriste te bevry.

    Jubelende Siriërs het die strate ingevaar om hul bevryding te vier.

    Die hele gebied is byna volledig herower in en om Aleppo en is sowat 18 000 vierkante kilometer, ‘n groter gebied as die hele Katar of Libanon.

    Vroeër Maandag, het die Russiese ministerie van verdediging aangekondig dat meer as 13 000 burgerlikes gered is van militante dele van Oos-Aleppo met die hulp van die Russiese Sentrum vir Versoening oor die afgelope 24 uur.

    Maar op die Franse radiostasie, France Culture, se korrespondent in Aleppo het ‘n onderhoud gevoer met ‘n Siriese man wat hartseer is om sy vernielde woning weer te sien, met geen ruimte vir enige beskrywing van hoe dit dalk kon gebeur het nie.

    Die hele segment was opgestel teen die beleid van president Assad, met geen verwysing na die regime verandering wat deur buitelandse magte op die land afgedwing is nie. Die radio-onderhoud het eerder die “gevaar vir die wêrelderfenis” in Palmyra aan Assad toegeskryf, ‘n klassieke voorbeeld van “valse nuus”. Woedende luisteraars het gereageer en gesê die invloed van Katari-geld in Frankryk moet bevraagteken word.

    Mense van Aleppo het intussen in die strate uitgevaar na ‘n oorwinning van die Siriese weermag oor Al-Qaeda en naderende einde van die stryd om hul stad. Groot opslagplekke met buitelandse ammunisie, kos en medisyne is gevind in die kwartiere die vlugtende Takfiris.

    Die uittredende sekretaris-generaal van die Verenigde Nasies, Ban Ki Moon, het sy kommer uitgespreek oor onbevestigde berigte van “groot mensevergrype” in Aleppo die afgelope paar uur, maar kon geen voorbeelde gee nie. Hy het self benadruk dat die berigte nie bevestig kon word nie

    Hy het sy spesiale gesant in Sirië opdrag gegee om met die betrokke partye te beraadslaag. Ban het ‘n beroep op die Siriese regering en sy bondgenote gedoen om burgerlikes te beskerm.

    Die VN se raadgewer oor humanitêre aangeleenthede het vroeër gesê Sirië en Rusland is aanspreeklik vir die vergrype deur pro-regeringsmagte, sonder enige feite.

    Volgens die VN is sowat 50 000 Siriërs in Aleppo vasgekeer wat daagliks onder bomaanvalle deurloop. Die Siriese regering sowel as Rusland het nog nie op die onbevestigde aantygings gereageer nie.

    Sergei Lawrof het egter aan Reuters gesê die VSA is moontlik aanspreeklik vir die aanval op Palmyra om die aandag af te lei van hul nederlaag in Aleppo.

    Die kommunikasie van die Siriese weermag is glo deur ‘n buitelandse mag versteur sodat hulle nie die opbou in Palmyra opgemerk het nie.

  • Siriese magte trek terug uit Palmyra na ISIS-aanvalle

    Siriese magte trek terug uit Palmyra na ISIS-aanvalle

    Russiese lugaanvalle het talle vegters van die Islamitiese Staat (ISIS) in die antieke Siriese stad Palmyra gedood en ander gedwing om die wyk te neem nadat hulle vroeër die stad herbeset het.

    Maar ISIS het weer aangeval en Siriese magte uit dele van die stad verdryf.

    Meer as 60 lugaanvalle is oornag uitgevoer met meer as 300 ISIS-djihadiste wat dood is.

    ISIS het verlede week met ‘n offensief naby Palmyra, ‘n Unesco-wêrelderfenisterrein, begin. Nadat hulle Aleppo verloor het, skuil hulle nou by die erfenisterrein om bombardemente te ontsnap in die hoop om ‘n propaganda-oorwinning te behaal.

    In die offensief het hulle ongeveer 50 lede van die Siriese regering om die lewe gebring en gelyktydig aanvalle op verskeie posisies van die regering in die omgewing van Palmyra uitgevoer.

    In Mei 2015 het ISIS beheer oor Palmyra geneem en massiewe skade aan baie van die antieke plekke in die stad aangerig.

  • Weste speel viool terwyl hul regime-veranderingsprojek in Aleppo afbrand

    Weste speel viool terwyl hul regime-veranderingsprojek in Aleppo afbrand

    Siriese terroriste wat uit die buiteland befonds word om van die land se president Assad ontslae te raak, het nou hulle Moses teëgekom.

    Hulle is tans deur die Siriese weermag in die beleërde oostelike deel van Aleppo vasgekeer. Hul Westerse ondersteuners het vir ‘n onmiddellike vyf-dag-lange wapen­stilstand gevra.

    Alles wat beweeg in hulle vestings word dadelik gebombardeer, sê ooggetuies. Terwyl die Westerse proksiemagte ‘n gewisse uitwissing in die gesig staar, maak die ses Westerse lande by die VN se Veiligheidsraad asof niks gebeur het nie.

    Die dringende versoek is glo sodat burgerlikes en gewondes na veiligheid geneem kon word, maar dit is duidelik dat die Weste probeer om hulle ‘n kans te gee om te hergroepeer. Dit lyk egter na ‘n verlore saak.

    Hulle het dus nog geen aanduiding gegee dat hulle bereid is om te onttrek soos deur Damaskus en Moskou geëis is nie.

    Die Siriese magte en sy bondgenote het die afgelope twee weke vinnig gevorder en is nou na aan die volle beheer van die stad.

    Aleppo was voor die oorlog Sirië se stad met die grootste bevolking. ‘n Oorwinning vir die regeringsmagte sal ‘n belangrike sege in die ses-jaar-lange konflik wees.

    Sirië en Rusland wil hê die Takfiri’s moet Aleppo verlaat en sal nie ‘n skietstilstand oorweeg voor dit gebeur nie.

    Die Russe verwag dat Aleppo teen die naweek bevry sal wees van die indringers.

  • Europol waarsku dat ISIS aanvalle beplan

    Europol waarsku dat ISIS aanvalle beplan

    Dosyne militante is volgens alle aanduidings reeds in plek in Europa vir beplande aanvalle en meer sal waarskynlik uit Sirië en Irak na lande in die Europese Unie (EU) stroom soos hulle terugslae op die tuisfront toegedien word, het Reuters berig.

    In ‘n verslag oor die bedreiging van die Islamitiese Staat-groep (ISIS) vir die 28 lande, sê die Europese Unie se polisie-agentskap (Europol) die waarskynlikste vorms van aanvalle sal dit wees wat in onlangse jare voorgekom het, van massa-skietery en selfmoordbomaanvalle soos in Parys en Brussel gesien is, tot messtekery en ander aanvalle deur radikales wat alleen optree.

    Motorbomme en ontvoerings, wat algemeen in Sirië is, kan ook as taktiek in Europa na vore tree, sê Europol.

    Die hele EU word bedreig omdat byna al die regerings Amerika se koalisie in Sirië steun. Die agentskap waarsku ook dat ISIS waarskynlik Siriese vlugtelinggemeenskappe in Europa sal infiltreer in ‘n poging om vyandigheid teen immigrante aan te blaas.

    “Indien ISIS in Sirië en Irak deur koalisiemagte verslaan of verswak word, sal buitelandse vegters na hul families in die EU terugkeer,” lui die verslag.