praag.co.za

Trump se verhouding met Rusland stuur skuddings deur VN

Written by

praag

in

,

President Donald Trump se goeie verhouding met Rusland het gesorg vir skuddings in die Verenigde Nasies, want Amerikaanse bondgenote is bekommerd dat ‘n vennootskap tussen Washington en Moskou ‘n historiese magsbalans wat dateer uit die Koue Oorlog, kan ondermyn.

Die vyf vetolande van die Veiligheidsraad, waarop 15 lede dien, is tradisioneel in twee kampe verdeel: Frankryk, Brittanje en die VSA (die P3) teen Rusland en China.

Maar Amerikaanse vriendskaplike betrekkinge met Rusland kan die VN se siening van konflikte in Sirië en die Oekraïne raak.

‘n Belangrike toets kom in Februarie, wanneer die Oekraïne die Veiligheidsraad se roterende presidentskap sal hou. Die land is diep bekommerd oor die volgehoue ​​steun van die Raad rakende sy aansprake op die Krim en die konflik teen sy eie mense op sy oostelike grens.

Die nuwe rigting deur die Amerikaanse president kan die ontplooiing van vredesmagte of veroordelings oor menseregteskendings direk raak. Terwyl die vyf permanente lede besluite kan veto, maak hulle gewoonlik staat op meerderheid ondersteuning van ander lede van die Veiligheidsraad.

Buitelandse diplomate “sal blind navigeer” met Trump, sê Richard Gowan, van die Europese Raad op Buitelandse Betrekkinge. “Baie verwag van hom om nouer met Rusland te bewerkstellig, maar is nie seker hoe ver dit sal gaan nie.

Onderonsies met Beijing oor handel en Taiwan, kan die dinamika van die Veiligheidsraad verander.

Dit voorspel niks goeds vir die Oekraïne nie, want die huidige regime hoop dat ander lande sal voortgaan om die referendum deur Rusland in die Krim te veroordeel. Die beleërde opposisie in Sirië kan uiteindelik ook inplof.

Brittanje is diep bekommerd dat Trump se verhouding met president Vladimir Poetin Russiese belange sal bevorder in Oos-Europa, volgens twee senior amptenare, wat aan Bloomberg gevra het om nie geïdentifiseer te word nie.

China het reeds Rusland gesteun in vyf besluite oor Sirië sedert 2011.

Die VN-resolusie van die Veiligheidsraad in Desember, wat krities was teenoor Israel se nedersettingsbeleid, gaan waarskynlik nog vir meer ontsteltenis sorg.

Die Trump-administrasie het intussen ‘n diep wantroue teenoor onverkose multilaterale instellings soos die VN getoon.

Comments

3 responses to “Trump se verhouding met Rusland stuur skuddings deur VN”

  1. Johnnycongo Avatar
    Johnnycongo

    Dit is interessant om te let hoe massa breinspoeling werk. Wie se mening word weergegee en afgedwing vir welke eind-doel? Die gemiddelde mens voor die TV, met die koerant op die stoep, in die gehoor, in die kerkbanke of by die ANC/ ECC/ DA se politieke of jaarlikse byeenkomste eet als vir soetkoek op (solank ek nie self hoef te dink nie) of raak sommer self die muis-polisie en takel mekaar onderling om die “polities korrekte sienswyses” of hoofstroom se begogelende reklame op mekaar af te dwing. Enige “profeet” wie se oge oopgegaan het in Reguitstraat word summier gekruisig! Navorsing oor die verspreiding en migrasie van volkere, veral die “rentmeester volke” dui daarop dat kunsmatige bondgenootskappe en Edomitiese alliansies die ewewig en “Koninkryk” erg skade gedoen het. Om die “Jode”, “Russe”, “Duitser”, “blankes” of “swartes” gedurig te ettiketeer vir propaganda doeleindes verdien meer ontleding in die post-moderne en “post-truth” eeu waarin ons leef, meen ek.

  2. Boer Jan Avatar
    Boer Jan

    Ek sien geen probleem nie, Trump en Putin het goeie verhouding, Sjinese is kwaad vir Trump oor sy verhouding met Taiwan, Putin doen voorspraak by Bijing en wolla almal is gelukig, of gee tenminste voor hulle is gelukig. Agteraf is die Sjinese nog steeds Hand op die blaas met Noord Korea maar hou dit stil terwille van die vrede met VSA. Die selfde tipe verhoudings bestaan in die midde ooste ales gaan oor geld en mag. Ek glo nie daar is enigsins ‘n magsbelans probleem nie, behawe dat die Konservatiewe denkendes dalk begin om die Liberale Establishment om te krap.

  3. Suidpunt Avatar
    Suidpunt

    En skielik iewers uit my agterkop kom nog ‘n voorspelling êrens op.

    Ek dink dit was ‘n vrou wat gedroom/visioen gehad het hoe Rusland vir Duitsland sal binneval met een of ander poeier wat alles laat vrek waaraan dit in aanraking kom – veral die Rynvallei sal deurloop. Nou weet ek nie of die visioen in die 80’s, 90’s of 2000’s was nie – want die konteks sal nogal drasties verskil. Daar was ook die voorspelling hoe Amerika se oorlogsplanne deur die tweegatjakkals Brittanje tydens die Derde Wêreldoorlog inligting aan Rusland sal uitlek. Rusland en Amerika sal nie een Brittanje kan vertrou nie – en die kernbomme reën op Brittanje neer. Jy sal dan jou pond teen die badkamer kan uitplak – so min werd is dit. ‘n Ander visioen sê weer ‘n Turk sal die Derde Wêreldoorlog begin. Og, ja – daar sal ook, volgens ‘n ander visioen, konflik oor Alaska
    uitbreek – Alaska het vroeër aan Rusland behoort, maar dit is aan
    Amerika verkoop. En nou wil Rusland dit glo terugkry.

    Nou ja, as hierdie droom sou bewaarheid word, speel alles mooi in plek. Al wat nog kort is die EU wat nog moet ontbind (soos tannie Le Pen, oom Wilders et al. wil hê), as jy in die regse rigting gaan; en as dit nie gebeur nie (links bly) is NAVO in elk geval te pap soos ‘n piesang, en dan kan Rusland vloere vee met die Europese vasteland. En iewers sak ‘n verhongerde Afrika ook nog op Europa toe, lui ‘n ander visioen weer (is dit nou die immigrantekrisis, of is dit na afloop van Die Gees van Verskrikking in Suid-Afrika?). Wat sou Rusland se motief wees om Europese grond te verower? Om Europa tot bekering te bring? Om Europa te suiwer van sy liberalisme en verrotting? Of is dit maar ‘n Bibliese regverdiging van grondgebied wat verlore gaan as die mense gesondig het. Tans weet ek geen Russiese regverdiging om Wes-Europa op te eis nie nie.

    Elke voormalige Sowjetstaatjie is egter doelbewus so klein gelos: ‘n groot mag kan enetjie vir enetjie platslaan: die weermag van elke Slawiese land is net te klein (ja, ja, maar wat nou van Oekraïne?). Of dieselfde verkragting van Duitse vroue sal volg soos in die 1940’s weet ek nie. Maar dan bots hierdie visioen weer met ‘n ander visioen waar die Duitsers die Boere sal kom help. Net soos Amerika ook vir Suid-Afrika ‘n teenaanval teen Indië sal loods wat Suid-Afrika (onder bewind van die Boere) wil aanval (dit is nou na die Nag van die Lang Messe, gevolg deur die Gees van Verskrikking, gevolg waar die Boer die reg in eie hand sal neem, gevolg deur die massasterftes op die grense soos almal van die Boere probeer wegkom, gevolg deur ‘n ruk stilte, gevolg deur China en Indië wat Suid-Afrika wil kom binneval, alles terwyl die Derde Wêreldoorlog reeds woed).

    Daar was al so baie visioene, mens kan maar net elke dag jou dagboek byhou en kyk wat gebeur. So is Nelson Mandela toe nie dood omdat hy in sy ontbytpap verstik het met die tyding van ‘n blanke vrou wat vir Thabo Mbeki doodgeskiet het nie (visioen by die millenniumwending). ‘n Mens kan ‘n hele lys saamstel.

    Maar as ek die toekoms kan weet, wie sê mense kan dit nie ondermyn nie? ‘n Tydsparadoks. As die Duitsers ons dan sal kom help, waarom word Duits, en nie Frans nie, uit die universiteite geweer, byvoorbeeld. Is dit blote toeval? En as jy weet mense weet van die Nag van die Lang Messe, waarom nie voorsorgmaatreëls tref dat dit nie op daardie stadium gebeur nie?

    Alles raak ‘n paradoks.

Leave a Reply

More posts