praag.co.za

Tag: Republikeine

  • Linkse terroris wat op Republikeine skiet was Daily Show aanhanger

    Linkse terroris wat op Republikeine skiet was Daily Show aanhanger

    ‘n Republikeinse kongreslid Steve Scalise verkeer in ‘n kritieke toestand nadat hy geskiet is deur ‘n linkse wit terroris wat belowe het om Trump te vernietig.

    Die man het losgetrek op Republikeinse kongreslede wat bofbal geoefen het om in ‘n vriendskaplike wedstryd teen Demokrate te speel, nie ver van die Withuis nie.

    Die skieter, wat deur die wetstoepassingsbeamptes geïdentifiseer is as die 66-jarige James T. Hodgkinson, is ‘n ondersteuner van Bernie Sanders en ‘n vurige ondersteuner van verlinkse TV-propagandiste, John Oliver, Rachel Maddow, en Bill Maher, het sy sosiale mediarekeninge gewys.

    Oliver bied die The Daily Show aan waarin hy mbv “grappige” leuens veral wittes swartsmeer om ‘n anti-wit-agenda te bevorder. Verlinkses in Suid-Afrika is ook aanhangers van Oliver.

    Volgens sy Facebook-bladsy was Hodgkinson ‘n “demokratiese sosialis” wat Bernie Sanders ondersteun het. Hy het selfs ‘n groot afbeelding van Sanders gehad as sy banier en ‘n profielfoto wat sê: “Demokratiese sosialis verduidelik in drie woorde: Ons die mense.”

    Hodgkinson was onder die invloed van linkse samesweringsteorieë en het geglo dat president Trump bande met Rusland het. Hy het ‘n petisie onderteken waarin hy gevra het vir ‘n ondersoek na Trump-Rusland verhoudinge.

  • Amerikaanse linkses is ‘onvoorspelbaar en op soek na identiteit’

    Amerikaanse linkses is ‘onvoorspelbaar en op soek na identiteit’

    Militêre historikus Victor Davis Hanson het aan die Daily Caller gesê dat daar ‘n “groot leuen” rondom “Russiese samespanning” is wat deur Demokrate en die media bevorder word.

    In ‘n eksklusiewe onderhoud met die Daily Caller News Foundation, het hy voorgestel dat president Barack Obama gekonfronteer is met identiteitspolitiek en “die blou muur van die Demokrate het verkrummel,” en werkende mense teen die party gedraai. “Russiese bemoeiing” is toe gebruik om hul verkiesingsverlies te verduidelik.

    Hy het Demokratiese leiers “afgeleef” genoem en jonger Demokratiese ondersteuners “onvoorspelbaar en op soek na ‘n identiteit”. Voormalige president Bill Clinton en Hillary Clinton was meer in die Russiese politiek betrokke as die meeste Republikeine, het Hanson gesê.

    Toe die “groot leuen” van Russiese samespanning in die afgelope Amerikaanse presidentsverkiesing deur invloedryke Demokrate herhaal is, is twyfel gesaai en gerugte sonder bewyse versprei, maar nuwe verrassende bewyse van Obama se misdadige optrede teen Trump-ondersteuners sal oor die volgende ses maande rugbaar raak, het Hanson voorspel.

    Eerder as om oplossings te vind om die kiesers van die werkersklas na die Demokratiese Party te lok, voorspel Hanson dat hulle ras, klas en geslag sal moet gebruik, asook klimaatsverandering en ander foefies wat deur Hollywood en die radikale elite uitgedink word.

    Hanson het ook die opspraakwekkende en groeiende onverdraagsaamheid en kinderagtigheid op Amerikaanse kampusse bespreek, waar sprekers met verskillende sienings deurlopend verban en stilgemaak word deur linkses.

    Oor aangeleenthede van identiteitspolitiek het Republikeine dikwels probeer om links te probeer lyk, en nie aktief teen rasse-, etniese en geslagsdrukgroepe opgetree nie. Die strategie was om minderhede nie teen te gaan nie in die hoop om ‘n groter deel van hul stemme te trek.

    Daarom beweer Hanson dat die instelling van die Republikeinse Party in ‘n eksistensiële paradoks vasgevang bly, want sonder Donald Trump se pro-wit en nasionalistiese 2016-veldtog sou die GOP waarskynlik nie die verkiesing gewen het nie.

    Trump glo dat 3 persent BBP-groei in die VSA en geen groot oorlog in die buiteland nie, ‘n ekonomiese nasionalisme kan bevorder om die hoofstroom “vryemark” -republikanisme te vervang.

    Maar as die ekonomie traag bly of ‘n konflik ontwikkel in die buiteland, sal Trump sukkel om sy momentum te behou.

  • Trump weer derde sluipmoordpoging af

    Trump weer derde sluipmoordpoging af

    Die Republikeinse presidentskandidaat Donald Trump is inderhaas van die verhoog in Nevada deur veiligheidsmanne verwyder nadat ‘n man glo na sy wapen gereik het.

    Ten minste twee getuies het gesien hoe die man na sy wapen reik terwyl hy na die verhoog loop waar Trump besig was om sy toespraak te lewer.

    Dit is die derde poging om Trump in ‘n sluipmoord om die lewe te bring. Sy kinders en veldtogbestuur het daarna getwiet dat dit ‘n sluipmoordpoging was.

    Alhoewel die aanvaller beweer dit was ‘n grap, het niemand nog hulle twiets verwyder nie.

    ‘n Woordevoerder vir die Amerikaanse geheime diens het in ‘n verklaring gesê daar was ‘n oproering in die gehoor naby die verhoog omdat iemand glo “pistool” geskree het. Geen wapen is egter aan die verdagte gevind na ‘n “deeglike soektog” nie, het hy volgens CNN gesê.

    ‘n Man wat aan verslaggewers gesê het hy is Austyn Crites, is deur die geheime diens en die polisie uit die vertrek geneem. Daar was taakmaglede met outomatiese gewere in die vertrek waar Trump gepraat het.

    Trump is deur ‘n mesaanvaller bestorm in Dayton, Ohio by name Tom DiMassimo asook deur ‘n Brit Michael Sandford in Nevada wat hom wou doodskiet.

    Volgens die polisie is niemand nog in hegtenis geneem nie. 

  • Hillary lyk gedaan, sukkel met bottel agurkies

    Hillary lyk gedaan, sukkel met bottel agurkies

    Gerugte dat Hillary Clinton nie fisies geskik is vir die Withuis nie, wil nie gaan lê nie.

    Maar die Demokratiese presidentskandidaat sê hierdie uitsprake kom van van die Republikeinse kandidaat, Donald Trump, en is deel van sy “mal strategie” en ‘n “alternatiewe realiteit”.

    Clinton wil waarskynlik graag die aandag aflei van die nuus wat aanhoudend deursyfer oor kriminele bedrywighede rakende haar epos.

    Trump het na die Clinton Foundation verwys in ‘n toespraak in Akron, Ohio, as ‘n “speel vir deel” toegangsroete vir buitelandse entiteite en regerings om invloed te koop in die VSA.

    Hy het gesê haar optrede was krimineel en die gehoor het gedreunsing dat sy toegesluit moet word. Clinton verteenwoordig die korrupsie wat hoogty vier in Washington, waar invloed en besluite gekoop word, het hy gesê onder groot toejuiging.

    Trump het ook verwys na haar Moslem-raadgewer, Huma Abedin, en haar ma wat ‘n fundementalistiese Moslem is. Albei dien op die redaksie van ‘n tydskrif wat fundementalisme bevorder.

    Abedin se man, Anthony Weiner, ‘n ongeneeslike sekspes, het geen beheer oor homself nie, het Trump gesê. Hy het bygevoeg dat dié soort mens onder meer met staatsgeheime vertrou is.

    Hillary, wat nie gesond lyk nie, het tydens ‘n opname van ABC se Jimmy Kimmel Live gesê. “Ek moet in ‘n alternatiewe realiteit instap en soos jy weet, vrae beantwoord of ek lewendig is en so aan.”

    Clinton sê sy bevraagteken nie Trump se gesondheid nie en glo hy is “so gesond soos ‘n os.”

    “Dit het een van hul temas geword,” sê sy. “Maak seker of ek lewendig is.”

    Sy het daarna ‘n bottel agurkies met groot moeite oopgedraai – in haar “realiteit” – om te wys hoe gesond sy is. Maar die bottel was reeds vir haar oopgemaak want die kenmerkende geluid van die vakuum onder die deksel wat gebreek word, was hoorbaar afwesig.

    Dit is die eerste keer dat Clinton teengekap het oor gerugte oor haar gesondheid, wat kommer wek onder haar eie ondersteuners.

    Baie van die spekulasie spruit uit harsingskudding wat Clinton in Desember 2012 opgedoen het nadat sy flou geword het, ‘n episode wat haar dokter later aan ‘n maagvirus en ontwatering toegeskryf het, maar sy moes lank ‘n spesiale bril dra vir dubbelvisie na bloeding op die brein.

    Dit word egter verswyg.

    Dit is nou al byna ‘n jaar wat Clinton weier om enige mediakonferensies te hou.

  • Ted Cruz maak ‘n gek van homself by Trump se benoeming

    Ted Cruz maak ‘n gek van homself by Trump se benoeming

    ‘n Voormalige aanspraakmaker op die Repu­blikeinse Party in Amerika se nominasie as presidentskandidaat, Ted Cruz, het hom Woensdag die argwaan van afgevaardigdes na die nasionale konvensie op die hals gehaal, toe hy verseg het om Donald Trump te ondersteun.

    Die afloop van die gejou was egter ‘n hoogtepunt van die aand nadat die visepresidentskandidaat, Mike Pence, daarna as ‘n versoenende faktor in die kollig getree het.

    Cruz het midde ’n staande applous op die verhoog in Cleveland opgestap en die gehoor verveel met gemeenplase totdat hy afgevaardigdes aangeraai het om “met hul gewete” te stem sonder om Trump se naam te noem.

    “Stem vir kandidate op die stembrief wat jy vertrou om ons vryheid te verdedig en wat getrou aan die grondwet sal wees,” het hy gesê.

    boecruz

    Die gehoor het hierop begin om hom luidkeels uit te jou en gedreunsing “Endorse Trump!” Cruz het daarmee finaal sy politieke loopbaan beëindig en hy en sy vrou, Heidi, ‘n werknemer van Goldman Sachs, moes haastig die saal verlaat.

    Goewerneur Chris Christie het by die Konvensie gesê Cruz het vroeër in sy teenwoordigheid plegtig belowe om Trump te steun deur ‘n onderneming te teken.

    Christie sê hy is geskok dat iemand hul woord so maklik kan breek en dat sulke optrede politici ‘n slegte naam gee.

    Trump het Cruz tydens veldtogvoering “Lyin’ Ted” genoem.

    Kort daarna het Pence die gehoor onder luide toejuiging verenig. “Wat ons verenig, is baie meer as enige iets wat ons skei,” het hy gesê.

    Melania Trump se toespraak Maandag, waarin dele uit Michelle Obama se toespraak agt jaar gelede aangehaal is, was weer in die kalklig.

    ‘n Toespraakskrywer het om verskoning gevra en aangebied om te bedank, maar Trump wou haar bedanking nie aanvaar nie.

    Trump het die benoeming van die Republikeinse party tydens die party se nasionale konvensie in Cleveland Ohio Donderdagaand aanvaar.

    Trump is nou amptelik die party se kandidaat vir die presidentsverkiesing op 8 November.

    In sy aanvaardingstoespraak het Trump homself verklaar as ‘n vriend van die werkersklas.

    Hy het sy Demokratiese teenstaander, Hillary Clinton daarvan beskuldig dat sy ‘n spoor van dood, vernietiging en terreur agtergelaat het toe sy minister van buitelandse sake was.

    Trump se toespraak het die vierdaagse konvensie afgesluit. Hy het uit die vuis gepraat en herhaal dat hy die muur gaan bou om Meksikaanse dwelmbendes en ongewensde immigrante uit die VSA te hou.

    Hy het die gehoor aan sy voete gehad.

  • Trump triomfeer as presidentskandidaat

    Trump triomfeer as presidentskandidaat

    Donald Trump is amptelik die presidentskandidaat vir die Republikeinse Party.

    Die miljardêr is Dinsdagnag in Cleveland in die Amerikaanse deelstaat Ohio amptelik as dié party se kandidaat aangewys.

    Hy het 16 teenstanders uitgestof en moes byna ‘n jaar lank ‘n uiters giftige mediaveldtog, selfs uit Republikeinse geledere, trotseer.

    Hoofstroomontleders het ook week na week plegtig verklaar dat Trump nie ‘n kans staan om ooit benoem te word nie.

    Kort voor die aankondiging het Rupert Murdoch, eienaar van die gewilde Fox News nog van sy stigter Roger Ailes probeer ontslae raak, om die Trump-golf te keer.

    Ailes, wat te “regs” is na Murdoch se smaak, is ‘n Trump-ondersteuner en was voorheen die raadgewer van president Richard Nixon. Hy het Fox van niks af uitgebou tot ‘n magtige en uiters winsgewende media-organsisasie.

    Donald Trump jr., Trump se oudste seun, het by die party se nasionale konvensie die deelstaat New York se steun aan die kandidaat toegesê wat aan hom 1 237 afgevaardigdes besorg het.

    Die byeenkoms is die eerste dag ontwrig deur ‘n groep wat gedink het hulle kan die benoeming ontspoor, maar die teenstanders is gou uitgeboender en hul pogings het klaaglik misluk.

    Die Amerikaanse presidentsverkiesing vind op 8 November plaas.

    Mike Pence, goewerneur van Indiana, is reeds voor die benoeming as die Republikeinse Party se visepresidentskandidaat aangewys, in ‘n poging om die onderlinge geskille binne die party by te lê.

    Afgevaardigdes het senator Ted Cruz uitgejou nadat hy nie in ‘n toespraak sy amptelike steun aan Trump as die party se presidentskandidaat toegesê het nie.

    Cruz het vroeër teen Trump meegeding vir die party se benoeming, en het in die tweede plek geëindig. Hy het Trump gelukgewens, maar die swak verloorder het bygevoeg dat Amerikaners volgens hulle “gewetes” moet stem.

    Trump-ondersteuners het ook striemende aanvalle teen Hillary Clinton geloods gedurende die Republikeinse Party se konvensie.

    Sy het privaat e-posbedieners gebruik in haar ampstermyn as minister van buitelandse sake, vermoedelik om betalings te ontvang vir gunste, ook van buitelanders. Dit kom basies neer op hoogverraad.

    Die federale speurdiens (FBI) het ná ‘n ondersoek bevind dat Clinton gelieg het oor haar hantering van geklassifiseerde inligting. Sy gaan egter nie strafregtelik daaroor vervolg word nie.

    Clinton het haar fondsinsameling ongeërg voorgesit ná Trump se benoeming en getwiet: “Donald Trump is pas aangewys as die Republikeine se kandidaat. Begin nou geld bydra sodat hy nooit sy voet in die Ovaalkantoor sit nie.”

  • Neusie verby vir anti-Trump-faksie in Cleveland

    Neusie verby vir anti-Trump-faksie in Cleveland

    Die Republikeinse party sal vandeesweek sy eienaardige ver­houding met Donald Trump beter kan omskryf wanneer die party se nasionale ­konvensie in Cleveland plaasvind.

    Daar is steeds die #NeverTrump-­faksie binne die GOP wat hoop om die verloop van die geskiedenis te ­verander, maar hul kanse om dit te vermag is nou naby aan nul.

    Daar was ‘n oomblik in die arena gistermiddag toe die voorsittende beampte ‘n poging deur anti-Trump afgevaardigdes geïgnoreer het om die aannemingsproses te ontspoor. Die beweging het klaaglik misluk.

    Heelwat Joodse partylede gaan vol twyfel oor die wenslikheid van Trump as ­presidentskandidaat na die konvensie en het planne beraam om van hom ontslae te raak.

    Die aangewese genomineerde is ­egter onvoorspelbaar en geneig om vir aangename verrassings te sorg.

    Omdat Trump oor sy eie fondse beskik, raak hy ‘n kopseer vir diegene wat hom probeer omkoop om ‘n sekere agenda na te volg.

    Betaalde betogers sal ook in volle mag na die konvensie opruk om dit te probeer ontwrig en dalk soos voorheen ook deelnemers te intimideer en aan te rand.

    Melania Trump het onder skoot gekom omdat sy glo Michelle Obama se vroeëre toespraak geplagiariseer het.

    Die gewilde Nederlandse politikus Geert Wilders is ook by die Trump-byeenkoms in Cleveland opgemerk.

  • Super Trump Dinsdag

    Super Trump Dinsdag

    Die grootste dag van die voorverkiesingsveldtog, Super-Dinsdag, is wanneer die meeste Amerikaanse kiesers stem om hul partykandidaat aan te wys. Republikeine kon die helfte van hul afgevaardigdes kies, en Demokrate ‘n derde.

    Donald J. Trump se wenveldtog het sy gewildheid oor ‘n breë spektrum beklemtoon.

    Trump en Hillary Clinton het as die onderskeie voorlopers in hul partye se presidentsbenoemings uitgestaan.

    Trump het tot dusver in sewe deelstate gewen in die Republikeine se benoemingstryd in vergelyking met die twee wat sy naaste teenstaander, Ted Cruz, ingepalm het.

    Cruz het tydens ‘n toespraak ‘n beroep op die ander kandidaat, Marco Rubio, gedoen om aan die wedloop te onttrek en by hom aan te sluit om Trump te verslaan. Ted Cruz is van die Republikeine.

    Hillary Clinton is in die Demokrate se voorverkiesings ook die duidelike voorloper en het reeds in sewe deelstate gewen.

    Die miljardêr-sakeman het ondermeer Alabama, Georgia, Massachusetts en Tennessee, asook Arkansas, Vermont en Virginia ingepalm en daardeur gewys dat hy plaaslike en ideologiese verskille in die Republikeinse Party te bowe gekom het.

    Die teorieë oor hoe om Trump te keer, hoop intussen op.

    Sy teenstanders hoop op ‘n ineenstorting van sy ondersteuningsbasis deur na hulle as “wit gemors” te verwys of ‘n konsolidasie van anti-Trumpkiesers agter net een kandidaat.

    Hierdie twee dinge wil klaarblyklik nie gebeur nie. En as dit nie binne die volgende twee weke gebeur nie, is Trump op koers om die Republikeinse benoemingstryd te wen.

  • Trump behaal klinkende oorwinning in Nevada

    Trump behaal klinkende oorwinning in Nevada

    Die Republikeinse aanspraakmaker op die Amerikaanse presidentskap, Donald Trump het loshande die Nevada-koukusse gewen.

    Ted Cruz en Marco Rubio is neffens mekaar in die tweede plek, maar kon nie ‘n wenindruk maak op kiesers wat keelvol is vir die establishment nie.

    Trump het vroeër ook in New Hampshire en Suid-Carolina klinkende oorwinnings behaal en is goed op pad om die Republikeinse presidentskandidaat vir die verkiesing op 8 November te word.

    Trump het volgens vroeë aanduidings sowat 45 persent van die stemme verower. Hy het in sy oorwinningstoespraak in Las Vegas gesê dat hy nou die hele land in sy visier het.

    Dit was ‘n pragtige vertoning van momentum vir sy veldtog, wat dit al hoe moeiliker maak vir ‘n ander partykandidaat om die Republikeinse nominasie te wen.

    “Ons is lief vir Nevada,” het Trump tydens sy kort oorwinningtoespraak in Las Vegas gesê. “En binnekort gaan die land begin wen, wen, wen.”

    Nie net was dit ‘n oorwinning in die Silver State nie, maar dit was ‘n oorwinning met ‘n groot marge.

    Een van die mees verrassende aspekte van die oorwinning vir Trump is sy sukses onder latyns-Amerikaanse koukus-gangers wat sy anti-immigrasieplatform steun, insluitend die bou van ‘n muur langs die VSA-Meksiko grens.

    Die anti-establishment ywer binne die Republikeinse kieserskorps beklemtoon die enorme uitdaging vir Rubio en Cruz in die komende weke.

    Rubio was nie eens in Nevada Dinsdagaand nie. Cruz het die hoop uitgespreek dat hy goed sal kan doen in Texas, maar dis nie ‘n uitgemaakste saak nie.

  • Trump wen Suid-Carolina

    Trump wen Suid-Carolina

    Die miljardêr-sakeman Donald Trump het die Republikeinse nominasiestryd in die suidelike Amerikaanse staat van Suid-Carolina Saterdag gewen.

    Die aantal kandidate wat deelneem om as die party se kandidaat aangewys te word, het gekrimp met die voormalige goewerneur van Florida, Jeb Bush, wat aangekondig het dat hy gaan uittree.

    Trump wat 32,6% van die stemme ingepalm het, se naaste teenstanders senator Marco Rubio van Florida en senator Ted Cruz van Texas moes vir die tweede plek stoei, met 22,5% en 22,1% van die stemme onderskeidelik.

    Die resultate gee aan Trump momentum op pad na die volgende mylpaal in Nevada Dinsdag, asook vir Super-Dinsdag. Laasgenoemde word op 1 Maart gehou met meer as ‘n dosyn state wat ‘n kandidaat sal aanwys.

    Trump het ondersteuners gesê dat hy groot oorwinnings wat voorlê te wagte is.

    “Kom ons wen groot in Nevada,” het hy gesê. “Kom ons wen groot op [1 Maart]. Kom ons bêre hierdie ding weg en kom ons laat Amerika weer seëvier.”

    Trump-ondersteuners het het hul woede uitgespreek teen ‘n gebrekkige politieke stelsel en die invloed van die groot veldtogskenkers in politiek.

    Trump “kan nie gekoop word nie en hy sal jou vertel in jou gesig wat hy dink en hoe hy voel,” het Michael Reilly, 18, aan dpa gesê. Dit is die eerste keer dat hy stem.

    Intussen het die voormalige minister van buitelandse sake Hillary Clinton, Vermont se senator Bernie Sanders in die Demokratiese koukusstryd in die westelike staat van Nevada net-net geklop.

  • Obama takel Trump

    Obama takel Trump

    Met die gewilde miljardêr, Donald Trump, steeds die voorloper onder die Republikeine, het pres. Barack Obama nou ook tot die stryd toegetree en in ‘n onderhoud gesê Trump sal nie president word nie, omdat hy vertroue in die oordeel van Amerikaners het.

    “Om die president te word, is ernstige werk, en nie dieselfde as om die gasheer van ‘n geselsprogram of werklikheidsprogram op televisie, ‘n vermaaklikheidskunstenaar, ‘n promotor of ‘n bemarker te wees nie,” het Obama gesê.

    Trump het egter dadelik teruggekap en gesê Obama moes bly wees hy wat Trump is, het nie as kandidaat in die vorige verkiesing gestaan nie.

    Obama het in dié verkiesing geseëvier oor die Republikeinse kandidaat, Mitt Romney. “As ek die kandidaat was, sou Obama nie ‘n twee termyn president gewees het nie,” het Trump gesê.

    Trump geniet volgens meningspeilings 38 persent van Republikeine se steun en is 16 punte voor sy naaste teenstaander, Ted Cruz.

    Aan die Demokrate se kant, geniet Hillary Clinton 56 persent van die steun teenoor Bernie Sanders wat 38 persent van die steun geniet. Clinton se grootste steun kom van veral vrouens en swart kiesers.

    Suid-Carolina, waar die volgende rondte voorverkiesings gehou sal word, word as belangrik geag vir kandidate omdat dit die deelstaat is waar die eerste voorverkiesing in die suide van die land plaasvind.

    Die deelstaat is ‘n Republikeinse vesting, met 65 persent van die inwoners wat hulle as wedergebore Christene bestempel.

    Ondertussen duur die debat oor die opvolger van die ontslape regter van die hooggeregshof, Antonin Scalia, voort.

    Obama het reeds aangedui dat hy Scalia se opvolger sal aanwys, maar Republikeine sê hulle sal sy nominasie in die senaat blokkeer. Hulle meen dit behoort die prerogatief van die volgende president, wat in Januarie 2017 aan bewind kom, te wees om die posisie te vul.

    Obama hou egter voet by stuk en sê hy sal iemand met wat erns het met “die demokrasie en die regstaat”, waarskynlik ‘n Demokraat, benoem.

    Sommige Republikeinse senatore het egter aangedui hulle sal wag om te sien wie die genomineerde is, voor hulle besluit om die kandidatuur te steun al dan nie.

  • Twee Republikeine blaas die aftog

    Twee Republikeine blaas die aftog

    Die Amerikaanse deelstaat New Jersey se Goewerneur Chris Christie en voormalige sakevrou Carly Fiorina het uit die Republikeine se benoemingstryd getree.

    Hulle het beide die beëindiging van hul veldtogte vir die 2016 Republikeinse nominasie aangekondig, en ruimte gelaat in die veld van Donald Trump se teenstanders

    Dit beteken ook minder mededingers vir Trump in die 8 November presidensiële verkiesing.

    ‘n Senior medewerker het aan Reuters bevestig dat Christie sal onttrek, ‘n dag nadat die dapper Republikein sesde geëindig het in New Hampshire.

    Dit het tot twyfel oor sy lewensvatbaarheid as ‘n kandidaat gelei.

    Mede-Republikein Fiorina, ‘n voormalige uitvoerende hoof van Hewlett Packard, het op Facebook aangekondig dat sy haar veldtog gaan opskort.

    Trump se oorblywende teenstanders, die meeste van hulle hoofstroom-Republikeine, sal waarskynlik baat vind by die twee se vertrek, wat sewe Republikeine laat in ‘n veld wat voorheen uit 17 kandidate bestaan het.

    Christie het die grootste deel van sy veldtog se hulpbronne in New Hampshire gestort en het ‘n goeie vertoning daar as van kritieke belang gesien.

    Hy kon egter net sowat 7 persent van die stemme Dinsdag op homself verening, ten spyte van ‘n veglustige teenwoordigheid in ‘n Republikeinse debat verlede naweek.

  • Sanders lyk sterk teen Hillary

    Sanders lyk sterk teen Hillary

    Bernie Sanders lyk sterk nadat hy as ideologiese wenner uit die stryd getree in die Demokratiese Party se voorverkiesingstryd in die deelstaat Iowa.

    Hy kon Hillary Clinton van dieselfde party nie klop in die amptelike stemming oor wie die partykandidaat moet wees in die Amerikaanse presidentsverkiesings wat in November plaasvind nie, maar het sterker vertoon as wat voorheen geglo is.

    Haar ver-linkse teenstander in die leierskapstryd van die Demokrate, Sanders, het alle verwagtinge oortref.

    Demokratiese Sosialiste is die grootste sosialistiese organisasie in die Verenigde State van Amerika, en is sedert 1982 besig om “openlik ‘n demokratiese sosialistiese teenwoordigheid in Amerikaanse gemeenskappe en politiek te vestig”.

    Dié organisasie is entoesiastiese ondersteuners van die Joodse Sanders.

    Sanders het so te sê gelyk geëindig met sy teenstander wat nie daarin kon slaag om hom oortuigend te klop nie.

    Clinton het in 2008 verloor in die Iowa-koukusse teen Barack Obama.

    Wat die Republikeinse stryd betref, het die gewilde Donald Trump ‘n kortkop agter sy mededinger Ted Cruz geëindig.

    Trump was die gunsteling in Iowa maar minder gewilde kandidate het die stem verdeel. Intussen het die hoofstroommedia internasionaal ‘n smeerveldtog teen Trump geloods.

    Trump én Sanders geniet steun in die staat New Hampshire, waar die volgende voorverkiesing sal plaasvind.

    Die partybenoemingstryd sal bepaal wie Amerika se presidentskandidate vir onderskeidelik die Republikeine en die Demokrate gaan wees.

    Die koerant, die Des Moines Register het ‘n beroep op die Demokratiese Party gedoen om vinnig te beweeg om te bewys dat Maandag se resultate korrek is.

    Die stuk getiteld “Redaksioneel: Iets ruik sleg in die Demokratiese Party,” begin met: “Weer eens lag die wêreld vir Iowa.”

    Die klein oorwinning wat Clinton behaal het sal volgens die koerant slegs geloofwaardig wees “as ‘n volledige oudit van die resultate gedoen word”.

    Die koerant se redaksie het ook gesê daar is te veel geleenthede vir foute in die proses en daarop gesinspeel dat Clinton nie die deelstaat se benoeming regverdig gewen het nie.

  • Amerikaanse benoemingstryd skop af

    Amerikaanse benoemingstryd skop af

    Die verkiesing van kandidate vir Amerika se presidentsverkiesing in November het in alle erns begin.

    Iowa is die eerste staat om sy presidentskandidate te verkies.

    Republikeine het Ted Cruz as hul kandidaat gekies, nadat daar vroeër ‘n driehoekige stryd tussen Cruz, Donald Trump en Marco Rubio was.

    Trump het tweede na Cruz geëindig. Hy was nederig en het sy ondersteuners bedank vir sy tweede posisie. Hy het bygevoeg dat hy steeds as die wenner gaan uittree.

    Cruz het 28% behaal met ‘n appèl op godsdiens en kerkgemeenskappe. Trump het 24% van die kiesers oorgehaal en Rubio 23%.

    Meer as 90 persent van die Demokrate se stemme is getel.

    Hillary Clinton en Bernie Sanders is die voorlopers. Hillary kon net-net daarin slaag om Sanders te klop met 694 stemme teenoor Sanders se 692 tot dusver.

    Amerikaanse politieke waarnemers sê die uitslag van die Iowa-kandidaatsverkiesing verteenwoordig nie die sentimente in die algemene verkiesing nie.