Karin Roodt – Bladsy 46

Pasop vir malaria en knokkelkoors!

Die Nasionale Instituut vir Oordraagbare Siektes (NIOS) moedig reisigers wat terugkeer van Mosambiek en ander malariabrandpunte aan om onmiddellik ‘n dokter te raadpleeg as hulle ‘n koors het.

“Daar kan ‘n rekord aantal gevalle van malaria wees as gevolg van die swaar reën oor die vakansieseisoen,” sê prof Lucille Blumberg, adjunk-direkteur van die instituut .

Mosambiek het met ‘n aantal van sy malariaprogramme weggedoen, insluitende dié wat binnenshuise bespuiting met insekdoders behels.

Reën verhoog die kans vir malaria want selfs ‘n klein plassie kan ‘n teelaarde vir muskiete word,

Dikwels word koors, hoofpyn en naarheid wat malariasimptome is, verkeerdelik as griep gediagnoseer.

Blumberg het gesê dat elke jaar sterf jong en gesonde mense van die siekte omdat hulle nie dadelik behandeling ontvang nie.

Verlede jaar het ‘n man is siek geword van ‘n Gnathostoma-rondewurm .

Hy het rou vis geëet, ‘n lekkerny van die Karibameer tussen die grens van Zambië en Zimbabwe.

Die parasiet in die vis wat hy geëet het was weens ‘n ete wat nie gaargemaak was nie.

Hy het koors en diarree ontwikkel met sy terugkeer na Suid-Afrika en is getoets vir malaria. Die toetse was negatief.

Daar was 1794 gevalle van malaria in Johannesburg verlede jaar, wat lei tot 23 sterftes.

Ander reis-verwante siektes ná die Kersvakansie sluit bilharzia en bosluisbytkoors in. Die bosluisbyte is moeilik om te sien en kan deur dokters gemis word.

Reisigers wat terugkeer uit Suidoos-Asië en Angola moet bewus wees dat hulle dalk blootgestel kon gewees het aan die virus wat knokkelkoors veroorsaak, wat soms ook noodlottig kan wees.

Knokkelkoors is ‘n infeksie wat deur muskiete in tropiese en subtropiese streke oorgedra word.

Angola het ‘n uitbreking van die siekte in Mei gehad wat deur die Wêreldgesondheidsorganisasie aangeteken is en ‘n geval is in Namibië aangeteken.

Die infeksie veroorsaak simptome soortgelyk aan verkoue, maar ontwikkel soms in ‘n potensieel gevaarlike komplikasie wat as erge koors bekend staan. Die voorkoming van die siekte hang van voldoende oordragbeheermaatreëls af.

Die Aedes aegypti-muskiet die hoofdraer van die siekte en word dit na mense deur die byte van besmette vroulike muskiete oorgedra. Ná die virus se inkubasietydperk van vier tot tien dae, kan ‘n besmette muskiet die virus vir die res van sy lewe oordra.

Daar is geen spesifieke behandeling teen knokkelkoors nie, terwyl die handhawing van volume van pasiënte met erge koors se liggaamvloeistof kritiek is. Daar is ook geen entstof teen die siekte nie.

Moontlike gevalle van knokkelkoors sluit volgens die ministerie ‘n hoë koors (40°C) tesame met twee van die volgende simptome in: erge kopseer, pyn agter die oë, spier- en gewrigpyne, naarheid, braking, geswelde kliere of ‘n uitslag.

Simptome duur gewoonlik van twee tot sewe dae na ‘n inkubasietydperk van vier tot tien dae.

SAUK se eerste swart nuusleser oorlede

Alice Chavunduka, die bekende voormalige SABC TV-nuusleser en aanbieder is op die ouderdom van 46 oorlede.

Sy het dikwels self gespot dat haar foutlose Britse aksent nie veel in gemeen het met dié van haar swart landgenote nie.

Chavunduka het televisiegeskiedenis in Suid-Afrika gemaak toe sy die eerste swart vroulike nuusleser op die SAUK se wit TV -kanaal , TV1 , was om nuus te lees in Engels.

Sy het voorheen nuus gelees in Zimbabwe en het van die ouderdom van 12 in kinderradio-programme op die Zimbabwiese Uitsaaikorporasie ( ZBC ) opgetree.

Chavunduka is Sondag in Johannesburg dood, ‘n week nadat sy ‘n epileptiese aanval in haar huis gehad het.

Sy was voorheen betrokke in twee ernstige motorongelukke, een wat haar met epilepsie gelaat het.

Sy is gebore in Zimbabwe. Haar pa is Professor Gordon Chavunduka wat voorheen gedien het as vise-kanselier van die Universiteit van Zimbabwe.

Professor Chavunduka het vanaf 1992 tot 1996 voor aftrede in sy amp gedien. Hy was ook ‘n skrywer van verskeie boeke oor tradisionele medisyne.

Haar jong suster Thandiwe Chavunduka Muluswela het aan SW Radio Africa gesê haar suster het in duie gestort op Oujaarsaand .

Sy was bewusteloos gevind en is na die hospitaal gehaas waar sy ‘n week in ‘n koma was, voor haar dood oor die naweek.

Thandiwe het gesê begrafnisreëlings moet nog gefinaliseer word, maar Alice se liggaam sal waarskynlik na Harare gerepatrieer word voor die einde van hierdie week.

Roubeklaers is reeds by die huis in Mount Pleasant, Harare byeen.

Swaar reën looi Oos-Kaap

Die N1-snelweg tussen Laingsburg en Prince Albert in die Wes-Kaap is heropen na oorstromings in die gebied.

Die plaaslike Wilgerhoutrivier het vroeër oor sy walle gestoot, wat die sluiting van die N1 genoodsaak het en ‘n swaar las op die verkeer geplaas het.

Motoriste wat deur Laingsburg ry, is aangeraai om met omsigtigheid te bestuur. Die swaar reën het miljoene rande in skade veroorsaak in die dorp .

Die polisie het intussen die lyke van twee mense wat in Robertson deur die oorstroomde Breederivier meegesleur is, gekry. Hulle het onder ‘n brug geslaap toe die voorval plaasgevind het Woensdag .

Die polisiewoordvoerder, Elvis Mahote sê nog ‘n man het in die rivier geval van die Adderleystraatbrug in Robertson.

“Die polisie is steeds op soek langs die rivier na die liggaam van ‘n 36-jarige man van Nkqubela, Robertson.”

Intussen is daar geen uitkoms vir die reeds oorstroomde dorpie Pearston in die Oos-Kaap nie, nadat meer swaar reën geval het.

Fratsvloede het die gebied getref vroeër in die week nadat die Blyderivier sy walle oorstroom het.

Die hoof van Rampbestuur in die Cacadu distriksmunisipaliteit, Mandisa Nohashe, sê die dorp kan moontlik tot ‘n rampgebied verklaar word.

Hy sê hulle sal Vrydag vergader om die skade te bekyk, ‘n kosteberaming te doen en dan te besluit of dit ingevolge wetgewing ‘n ramptoestand is of nie.

Verskeie mense is op Ladismith in die Wes-Kaap van die buitewêreld afgesny nadat die Touwsrivier sy walle oorstroom het.

Die verkeer op talle hoofroetes is steeds ontwrig.

Verskeie plase is weens die reën van die buitewêreld afgesny en huise in die Breederiviervallei, Laingsburg, Hessequa en George is oorstroom.

In die Oos-Kaap is agt kinders uit die Thinarivier gered na swaar reën in die Mpindwenigebied.

Zambiese opposisielid vas nadat hy president patat noem

Zambiese polisie het ‘n leier van die opposisie vir laster in hegtenis geneem en aangekla, nadat hy die president met ‘n patat vergelyk het.

Frank Bwalya , hoof van die Alliance for a better Zambia, het na bewering verwys na president Michael Sata as “Chumbu Mushololwa” tydens ‘n radio -uitsending.

Die Bemba-term verwys letterlik na ‘n patat wat breek wanneer dit gebuig word en word gebruik om iemand wat nie ag slaan op advies nie, te beskryf.

Bwalya , ‘n voormalige Katolieke priester en ondersteuner van Sata, is die jongste leier van die opposisie wat Zambië se leier omkrap.

In September is Nevers Sekwila Mumba van die Movement for Multiparty Democracy deur die polisie ondervra nadat hy Sata ‘n leuenaar genoem het.

Ten spyte van goeie arbeidswette, raak Sata se uitsprake al hoe meer diktatoriaal en populisties, sê ontleders.

Die regering het verlede jaar gedreig om alle Shoprite-winkels te sluit nadat die Suid-Afrikaanse maatskappy 3000 werkers wat onwettig gestaak het oor betaling, wou afdank.

Shoprite, Afrika se grootste kleinhandelaar, moes daarna inderhaas teruggekrabbel en die werkers weer aanstel.

“Die polisie het besluit om hom [Bwalya] in hegtenis te neem en aan te kla van laster,” het Eric Chanda , die sekretaris-generaal van Alliansie gesê.

As Bwalya skuldig bevind word, staar hy ‘n maksimum tronkstraf van vyf jaar in die gesig.

“President Sata is dieselfde ou man wat op alle radiostasies gelaster het teen oudpresidente Banda en Mwanawasa en niemand het hom in hegtenis geneem nie,” het Chanda gesê.

Oud-president Rupiah Banda is voor die howe gedaag op verskeie aanklagte van korrupsie.

Minder swart meisies skryf matriek

Die Departement van Basiese Onderwys se tegniese verslag na die 2013 matriekuitslae toon dat swart tienermeisies steeds swakker vaar as tienerseuns.

Van die seuns het tagtig persent verlede jaar matriek geslaag teenoor 78 persent van die meisies.

Met ‘n groter groep meisies wat matriek geskryf het, was die algehele slaagsyfer 78,2%.

Die neiging het oor die afgelope paar jaar egter nog nie verander nie.

‘n Dosent van die Universiteit van die Vrystaat, Rita Niemann, sê dit is ‘n aanduiding van ‘n groter maatskaplike probleem, spesifiek wat betref tienerswangerskappe.

In swart kulture is kinders ‘n statussimbool en die swangerskappe word nie as ‘n probleem beskou nie.

Niemann sê selfs al maak die wet daarvoor voorsiening dat swanger meisies na geboorte kan terugkeer skooltoe, is die werklikheid dat hulle tuisbly.

Die staatsuitkerings vir jong moeders moedig ook swart swangerskappe aan.

‘Armes kan ook presteer’

Die Departement van Basiese Onderwys het woedend gereageer op oproepe van die Demokratiese Alliansie dat ‘n volskaalse oudit van verlede jaar se matriekuitslae gehou word.

Die DA-leier, Helen Zille het gister gesê die regering moet dringend en onafhanklik die geloofwaardigheid van verlede jaar se uitslae en dié van toekomstige matriekeksamens ondersoek.

Die departement voer aan dat die DA, wat die Wes-Kaap beheer, jaloers is omdat ‘n ander provinsie die beste in die eksamen gevaar het.

Die Vrystaat is vanjaar as die beste presteerder aangewys, nadat die Wes-Kaap sedert 2008 die plek beklee het.

Die departement se woordvoerder, Panyaza Lesufi, sê die DA wil nie erken dat arm mense ook goed kan presteer nie. – RSG

Rusland sê terreur volg oral dieselfde patroon

Poetin besoek 'n slagoffer van die Wolgograd-aanval — Poetin besoek ‘n slagoffer van die Wolgograd-aanval

Rusland sê misdadige terreuraanvalle volg oral in die wêreld presies dieselfde patroon.

Die land se veiligheidsmagte het, ‘n maand voordat die winterspele in die Swartsee-oord, Sotsji begin, een van die grootste veiligheidsoperasies in die geskiedenis van die Olimpiese spele van stapel gestuur.

Die onlangse selfmoordbomaanvalle in Wolgograd toon dat dit tyd vir internasionale spelers is om op te hou om terroriste in “goeie” en ” slegte” mense op grond van ‘n geopolitiese agenda in te deel, het Rusland se ministerie van buitelandse sake gesê .

Die wêreld moet verenig in ‘n stryd teen die bedreiging, het die ministerie bygevoeg.

“Die aanvalle, sinies beplan op die vooraand van die Nuwejaarsvieringe, is ‘n poging deur die terroriste om ‘n tuisfront oop te maak, paniek en chaos te veroorsaak, intergelooftwis en konflik binne die Russiese samelewing te saai,” het die ministerie in ‘n verklaring gesê.

Die ministerie het beklemtoon dat die Wolgogradaanvalle presies op dieselfde patroon as die afgelope terreuraanvalle in die VSA , Sirië , Irak , Libië, Afghanistan , Nigerië, en ander lande uitgevoer is.

“Die posisie van sommige politici en politieke strateë , wat nog steeds probeer om terroriste as “goeie” en “slegte” mense, afhangende van die huidige geopolitieke doelwitte, te verdeel, is duidelik slu,” het die ministerie beklemtoon.

“Terrorisme is altyd ‘n misdaad en die straf daarvoor moet onvermydelik wees.”

Die owerhede het meer as 30.000 polisiebeamptes en troepe van die departement van binnelandse sake in die gebied ontplooi.

Die grootste bron van kommer is ‘n moontlike aanval deur Islamitiese militante uit die Kaukasus wat deur Westerse belangegroepe befonds en bestuur word.

Verlede maand is twee dodelike bomaanvalle in die stad, Wolgograd uitgevoer.

Sanral begin 2014 met faktuur-ramp

Die Suid-Afrikaanse Nasionale Padagentskap (Sanral ) het die jaar begin met ‘n faktuurramp.

Die agentskap is die implementeerders van die omstrede e-tolstelsel wat op 3 Desember 2013 in Gauteng in werking getree het.

Padgebruikers wat die skyfies aangeskaf het in die hoop om afslag te kry, het Praag gekontak om te kla oor hemelhoë rekeninge wat hulle reeds ontvang het, terwyl hulle die snelweg een of twee keer gebruik het oor ‘n afstand van minder as 10 km onder net een elektroniese oorbrug.

Een motoris het ‘n rekening ontvang van R200 vir vier kort ritte.

Motoriste ontvang SMS’e of e-pos wat sê dat hulle geld skuld en hul rekeninge oorhandig sal word vir invordering.

Van die motoriste is oorlede of in ander provinsies wat die dreigboodskappe ontvang het.

Outa sê hulle het versoek dat die Openbare Beskermer se adjunk dadelik ‘n alternatiewe dispuutresolusieproses in werking stel.

Intussen het Sanral sê oor 963.000 e-skyfies vir padgebruikers is uitgereik in Gauteng sedert e-tol aan die begin van Desember afgeskop het.

Sanral se Vusi Mona sê dit beteken dat daar ‘n toename van meer as 300.000 is sedert die aanvang van die gehate stelsel.

Die minister van vervoer, Dipuo Peters het in Desember aangekondig dat 660.000 e-skyfies in sirkulasie is.

Verskeie organisasies, waaronder Outa en Cosatu, sal voortgaan om die e-tolstelsel teen te staan in Gauteng en het motoriste aangemoedig om nie e-skyfies te koop nie.

Onwettige myners uit ou skag gered

Volgens die polisie is sowat 30 vermeende onwettige myners uit ‘n ou goudmynskag op Florida aan die Wes-Rand gered.

Hulle sal Woensdag die soektog vir meer mense hervat, wat vermoedelik nog ondergronds vasgekeer is.

Minstens drie van hulle het ernstige beserings opgedoen nadat gevegte ondergronds tussen twee strydende bendes uitgebreek het.

Die mans was vasgekeer nadat ‘n tou na die oppervlak gesny is.

Die polisie se kolonel Noxolo Kweza het gesê: “Tot dusver het ons 30 mense gered. Ons het onwettige myners gekry en ons het hulle uitgehaal want hulle is nie veronderstel om daar te wees nie. Hulle is daar onwettig. Ons prioriteit is nou om seker te maak dat daar niemand oorbly nie en ons sal aanhou om terug te gaan om seker te maak.”

Volgens die polisie sal die verdagtes teregstaan op aanklagte van onwettige mynbedrywighede en betreding.

Polisie betrek by moord op winkeleienaar

Die polisie word betrek by die ontvoering en moord van ‘n winkeleienaar by die Montana-handelaarsmark in die noorde van Pretoria.

Usman Saeed se liggaam is in Desember verlede jaar langs ‘n grondpad naby Cullinan gevind.

Die ondersoekbeampte, Mari Petzer, het aan die landdroshof in Pretoria-Noord gesê getuies sal getuig dat een van die ontvoerders ‘n polisie-uniform gedra het en dat die beskuldigde ‘n dag voor die ontvoering ‘n vergadering met polisielede gehad het.

Abdul Rana Raulf, Amir Shah en Schabir Mohamed doen aansoek om borgtog op aanklagte van moord en ontvoering.

Saeed se vrou, Lynette, sê dit was veral gister baie moeilik vir die familie omdat haar suster, Odette haar matriekuitslae gekry het.

“Dit was ‘n baie emosionele oomblik omdat hy haar belowe het dat hy haar ‘n duisend rand vir elke onderskeid wat sy kry, sal gee. Vanoggend [Dinsdag] toe sy het haar resultate gekry en sy het vyf onderskeidings. Dit was baie oorweldigend, want hy is nie hier om dit met ons te deel nie.”

Die borgtogaansoek sal Vrydag voortgaan.

China vra onmiddellike skietstilstand in Suid-Soedan

China, die grootste belegger in Suid-Soedan se olie-industrie, het Maandag vir ‘n onmiddellike skietstilstand in die wêreld se nuutste staat gevra, terwyl rebelle en die regering se onderhandelaars stry oor die omvang van die vredesonderhandelinge drie weke se gevegte tot ‘n einde moet bring.

Die Chinese minister van buitelandse sake Wang Yi het gesê Beijing is diep bekommerd oor die onrus in Suid-Soedan wat meer as ‘n duisend mense se lewens geëis en die regering gedwing het om olieproduksie te sny met sowat ‘n vyfde .

Soedan, wat ook ‘n ekonomiese belang het in sy suidelike buurman se olie-uitvoer , het gesê die regering bespreek die ontplooiing van ‘n gesamentlike mag om sy olievelde te beveilig.

Die geveg is die ergste in Suid-Soedan.

‘n Ethiopiese afgevaardigde het gesê Wang het beide rebelle- en die regeringsafvaardigings ontmoet.

Die gevegte wat in die hoofstad uitgebreek het, maar intussen versprei het, met duidelike etniese verdelingslyne, het president Salva Kiir se SPLA-regeringsmagte teen rebelle wat lojaal aan die voormalige vise-president Riek Machar teen mekaar opgestel.

Die vredesonderhandelinge het Saterdag formeel in Ethiopië afgeskop, maar afgevaardigdes het nog nie van aangesig tot aangesig ontmoet nie.

Suid-Soedan het onafhanklikheid van Soedan in 2011 verkry na ‘n vredesooreenkoms wat geëindig het na een van Afrika se langste burgeroorloë .

Ysgreep wurg Middeweste van VSA

Die Middeweste van die VSA se inwoners moes hulself Sondag staal vir die streek se koudste weer in twee dekades.

Voorspellers waarsku dat die ysige weer lewensgevaarlik is.

Die ysige wurggreep het talle skole en sakeondernemings laat sluit en meer as drieduisend vlugte is gekanselleer.

Noord-Amerikaners is gewaarsku om binneshuis te bly omdat vel wat aan die koue blootgestel word, binne enkele minute kan vries.

Die Amerikaanse Weerdiens sê tweederdes van die land kan geraak word terwyl die kouefront ooswaarts beweeg.

Die koue is die resultaat van ‘n relatief seldsame belyning van weerstoestande, sodat die Arktiese lugmaalstroom buitengewoon ver suid verplaas het.

Dit is tans kouer in die VSA op sekere plekke as in die Poolgebiede weens ysige lug wat suid beweeg.

Temperature van tot minus 17 grade Celcius word in Georgia en Alabama verwag en tot minus 23 in Atlanta.

In dele van Kanada het temperature van tot minus 40 grade gister voorgekom.

Malawiër met R19 miljoen se heroïen gevang voor

‘n Vyf-en-veertig-jarige Malawiër sal na verwagting vandag in die Musina se landdroshof om borgtog aansoek doen nadat hy met harde dwelms gevang is.

Hy is vasgetrek vir die beweerde smokkel van heroïentablette ter waarde van R19 miljoen in hegtenis geneem.

Makunkha Manda is by die Beitbrug-grenspos in Musina op die 20ste Desember in hegtenis geneem.

Meer as 1,981 kilogram tablette is in die bus gevind wat deur hom van Malawi af na Suid-Afrika bestuur is. – RSG

Die Flip Buys/Lina Spies-debat

Deur Leon Lemmer.

Lina Spies se brief oor Flip Buys se uitlatings oor Afrikaners is op 2 deser op Praag gepubliseer. Op 6 deser het Dan Roodt daarna in sy rubriek verwys. Pas het Ferdie du Preez van Bellville verdere kommentaar gelewer (Die Burger, 6 deser, p 8). Ter inligting van Praag-lesers haal ek Du Preez se brief in sy geheel aan.

“Ek verwys na Lina Spies se brief “Nee dankie vir bedreigde Afrikanerskap” (DB, 01.01).

“Ek ken nie Spies of Flip Buys nie. Maar Spies se herhaalde gebruik van die woordjie ‘retoriek’ trek die aandag op haar eie retoriek. Daar is vir my weinig verskil tussen haar retoriek en die retoriek wat die ANC besig. Ek vermoed dat sy, en diegene om haar, van daardie gelukkige blankes is wat hulle in dieselfde ‘bevoorregte’ posisie as dié van voor 1994 bevind. Blykbaar het sy nog nie met die skalpel van oorywerige regstellende aksie kennis gemaak nie.

“Die wyse waarop hierdie beleid toegepas word, het dieselfde vernederende effek op jeugdige blankes, bruin mense en Indiërs as die beleid waaraan swart mense voor 1994 onderworpe was. Ek verwys na genoemde drie rassegroepe, aangesien regstellende aksie nie alleen op Afrikaners van toepassing is nie.

“Spies se bewering dat die huidige geslag jongmense sonder meer ‘vry’ en ‘gelukkig’ is, grens vir my aan ‘n bespotting van die realiteit.

“Ek vind dit jammer dat iemand Buys kan verkwalik dat hy blywende veiligheid en voorspoed begeer vir die minderheidsgroep waartoe hy behoort.

“Ek twyfel of ek ooit een nag rustig sou slaap indien ek, byvoorbeeld, ‘n plaasboer sou wees.

“Spies vra: “Hoe skep ons so ‘n veilige plek?’

“‘n Mens skep dit met onder meer ‘n gedissiplineerde polisiemag, regeringsleiers wat bekwame mense in verantwoordelike poste aanstel en leiers wat nie geld wat vir armes bestee behoort te word, op uitspattighede en ander bedenklikhede uitmors nie. Die agtergeblewenes en armes sien en haat dit.

“‘n Mens skep nie ‘n veilige omgewing deur gedurige massa-aksie, geweldadige arbeidsgerigte betogings, die uitstort van menslike ontlasting (waar die hele wêreld dit kan sien) en ongestrafte vandalisme nie.

“Ek twyfel of my en Spies se voorouers dieselfde oor sake gedink het. Ek glo dat my voorouers vir presies dieselfde waardes sou gestaan het as daardie wat Buys propageer.

“Ek hoop nie ek word ook van ‘dom’ optrede beskuldig nie. Toe daar bandelose geweld in die land was, het ek my deel bygedra om dit te bestry. Toe die geleentheid daarvoor aangebreek het, het ek weer aktief meegewerk aan die skep van ‘n ‘vry’ en ‘gelukkige’ multikulturele samelewing – soos Spies dit pragtig stel.”

Sonder om hulle menings in besonderhede te ontleed, wil dit voorkom asof Buys, Spies en Du Preez elk ‘n mengsel van waarheid en dwaling aanbied.