Zambiese polisie het ‘n leier van die opposisie vir laster in hegtenis geneem en aangekla, nadat hy die president met ‘n patat vergelyk het.
Frank Bwalya , hoof van die Alliance for a better Zambia, het na bewering verwys na president Michael Sata as “Chumbu Mushololwa” tydens ‘n radio -uitsending.
Die Bemba-term verwys letterlik na ‘n patat wat breek wanneer dit gebuig word en word gebruik om iemand wat nie ag slaan op advies nie, te beskryf.
Bwalya , ‘n voormalige Katolieke priester en ondersteuner van Sata, is die jongste leier van die opposisie wat Zambië se leier omkrap.
In September is Nevers Sekwila Mumba van die Movement for Multiparty Democracy deur die polisie ondervra nadat hy Sata ‘n leuenaar genoem het.
Ten spyte van goeie arbeidswette, raak Sata se uitsprake al hoe meer diktatoriaal en populisties, sê ontleders.
Die regering het verlede jaar gedreig om alle Shoprite-winkels te sluit nadat die Suid-Afrikaanse maatskappy 3000 werkers wat onwettig gestaak het oor betaling, wou afdank.
Shoprite, Afrika se grootste kleinhandelaar, moes daarna inderhaas teruggekrabbel en die werkers weer aanstel.
“Die polisie het besluit om hom [Bwalya] in hegtenis te neem en aan te kla van laster,” het Eric Chanda , die sekretaris-generaal van Alliansie gesê.
As Bwalya skuldig bevind word, staar hy ‘n maksimum tronkstraf van vyf jaar in die gesig.
“President Sata is dieselfde ou man wat op alle radiostasies gelaster het teen oudpresidente Banda en Mwanawasa en niemand het hom in hegtenis geneem nie,” het Chanda gesê.
Oud-president Rupiah Banda is voor die howe gedaag op verskeie aanklagte van korrupsie.
Hulle wil mos sulke wetgewing hier ook instel. Jy mag mos nie meer die president sleg sê nie al doen hy wat – nog ‘n bewys dat ons eerder ‘n “demockery” het.
Goeie more RK … my bydrae hier het soos mis voor die son verdwyn … ek het ook maar net verwys na groente … iets in die lyn van ‘n koolkop …
Jy is seker deur die filters gevang.
More Trip, ek het jou kommentaar by een van die ander aritkels gesien. In hierdie nuwe orde deurmekaar wêreld moet mens ongelukkig maar versigtig wees. Veral hier op die web – sy geheue is lank (papier is geduldig maar die web maak dit sigbaar vir almal). Ek het goed as student kwytgeraak so 25 jaar gelede en google vind dit nogsteeds.
so van groente gepraat,…….ons het nie patats nie maar koolkoppe, en n leier wat ook satan heet
Hulle speel seker pampoen, pampoen met die ou !
jip, wens iemand wil die pampoen aan sy stingel optel en uit werp, uit die tuin uit. maar gelukkig het ons “beetroot” en rape as n wonderkuur
Eerder ‘n karkoer. ‘n Inheemse plant wat vir niks deug nie.