Deur Leon Lemmer.
Lina Spies se brief oor Flip Buys se uitlatings oor Afrikaners is op 2 deser op Praag gepubliseer. Op 6 deser het Dan Roodt daarna in sy rubriek verwys. Pas het Ferdie du Preez van Bellville verdere kommentaar gelewer (Die Burger, 6 deser, p 8). Ter inligting van Praag-lesers haal ek Du Preez se brief in sy geheel aan.
“Ek verwys na Lina Spies se brief “Nee dankie vir bedreigde Afrikanerskap” (DB, 01.01).
“Ek ken nie Spies of Flip Buys nie. Maar Spies se herhaalde gebruik van die woordjie ‘retoriek’ trek die aandag op haar eie retoriek. Daar is vir my weinig verskil tussen haar retoriek en die retoriek wat die ANC besig. Ek vermoed dat sy, en diegene om haar, van daardie gelukkige blankes is wat hulle in dieselfde ‘bevoorregte’ posisie as dié van voor 1994 bevind. Blykbaar het sy nog nie met die skalpel van oorywerige regstellende aksie kennis gemaak nie.
“Die wyse waarop hierdie beleid toegepas word, het dieselfde vernederende effek op jeugdige blankes, bruin mense en Indiërs as die beleid waaraan swart mense voor 1994 onderworpe was. Ek verwys na genoemde drie rassegroepe, aangesien regstellende aksie nie alleen op Afrikaners van toepassing is nie.
“Spies se bewering dat die huidige geslag jongmense sonder meer ‘vry’ en ‘gelukkig’ is, grens vir my aan ‘n bespotting van die realiteit.
“Ek vind dit jammer dat iemand Buys kan verkwalik dat hy blywende veiligheid en voorspoed begeer vir die minderheidsgroep waartoe hy behoort.
“Ek twyfel of ek ooit een nag rustig sou slaap indien ek, byvoorbeeld, ‘n plaasboer sou wees.
“Spies vra: “Hoe skep ons so ‘n veilige plek?’
“‘n Mens skep dit met onder meer ‘n gedissiplineerde polisiemag, regeringsleiers wat bekwame mense in verantwoordelike poste aanstel en leiers wat nie geld wat vir armes bestee behoort te word, op uitspattighede en ander bedenklikhede uitmors nie. Die agtergeblewenes en armes sien en haat dit.
“‘n Mens skep nie ‘n veilige omgewing deur gedurige massa-aksie, geweldadige arbeidsgerigte betogings, die uitstort van menslike ontlasting (waar die hele wêreld dit kan sien) en ongestrafte vandalisme nie.
“Ek twyfel of my en Spies se voorouers dieselfde oor sake gedink het. Ek glo dat my voorouers vir presies dieselfde waardes sou gestaan het as daardie wat Buys propageer.
“Ek hoop nie ek word ook van ‘dom’ optrede beskuldig nie. Toe daar bandelose geweld in die land was, het ek my deel bygedra om dit te bestry. Toe die geleentheid daarvoor aangebreek het, het ek weer aktief meegewerk aan die skep van ‘n ‘vry’ en ‘gelukkige’ multikulturele samelewing – soos Spies dit pragtig stel.”
Sonder om hulle menings in besonderhede te ontleed, wil dit voorkom asof Buys, Spies en Du Preez elk ‘n mengsel van waarheid en dwaling aanbied.
Die tyd het aangebreek om Spies-se-soort te ontbloot vir wie hulle werklik is. Sy was n raadslid aan die US en wou niks doen om die proses van verEngelsing te keer nie. Hierdie mense kom uit n beskutte/beskermde agtergrond en verstaan nie veel van kritiese denke nie. Hulle is op die oomblik die Afrikaner se grootste probleem.
Hulle het ook nooit met die volk op grondvlak gewerk waar hulle die psige van die volk leer ken het nie.
Presies. En dis duidelik dat die “dwaling” waarvan Lemmer praat te make het met Naarpers wat probeer wegsteek hoe anti-wit hulle eintlik is. Die storm in hulle teekoppie gaan nie oor Afrikaners en hulle probleme nie, gaan niks vir Afrikaners doen nie en is ‘n bietjie vermaak vir die oorgeduldige en lojale wit lesers. Dis ‘n opvoerinkie van Afrikaanses (die bewoners van die ivoortoring) dis al
“Die wyse waarop hierdie beleid toegepas word, het dieselfde vernederende effek op jeugdige blankes, bruin mense en Indiërs as die beleid waaraan swart mense voor 1994 onderworpe was.”
Ek is baie jammer, maar hiemee verskil ek lynreg. Hulle het hulle geleenthede gehad…skole…universiteite…tegnikons ens…ens…, maar hulle wou dit nie benut nie en het dit met alles wat hulle kon beveg en afgebrand. Hulle wou die blankes s’n gehad het. Hoekom was die blankes s’n so aanloklik? Want die blankes het dit gekoester vir wat dit werd was. Hulle het die belangrikheid daarvan vir die toekoms besef en dit opgepas en uitgebrei sodat hulle nageslag nog meer voordeel daaruit sou trek. Daarom was die blanke so “bevoorreg”.
Ja ek besit ‘n huis, ‘n kar en is nog gelukkig om ‘n werk te hê, maar hoeveel moet of mag ‘n mens verloor voordat jy nie meer as “bevoorreg” beskou word nie? Ek het dit nie ten koste van enigiemand anders bekom nie.
Voor ’94 is geskikte kandidate vir poste aangestel wat die kennis en vaardighede gehad het om die werk te doen. “Base” het werk gedeligeer omdat hulle nie die tyd gehad het om dit alles self te doen nie. Vandag word openlike rassediskriminasie toegepas. Nog erger….volgens wet. “Base” deligeer nou die werk omdat hulle geen benul het oor hoe om dit self te doen nie.
Dan wonder die mense nog hoekom die land so agteruitgaan. Dit gaan my verstand te bowe hoe daar nog mense kan wees wat dink ons boer vooruit.
Ek gun Buys die spies wat Spies in sy dermkanaal opgedruk het, en die buis wat Buys in ‘n stoïsynse swye nog nie oor Spies se kop getrek het nie. Wat Ferdie du Preez betref met sy “minderheidsregte” en hoe Bruines en Indiërs kamma ook onder affirmitive action ly, doen ek aan die hand dat Spies ‘n buis van Buys kry en Du Preez daarin opdruk en Buys by Spies ‘n spies kry om Du Preez se nie-rassige voet en uit sy nie-rassige bek te haal.