Die Departement van Basiese Onderwys het woedend gereageer op oproepe van die Demokratiese Alliansie dat ‘n volskaalse oudit van verlede jaar se matriekuitslae gehou word.
Die DA-leier, Helen Zille het gister gesê die regering moet dringend en onafhanklik die geloofwaardigheid van verlede jaar se uitslae en dié van toekomstige matriekeksamens ondersoek.
Die departement voer aan dat die DA, wat die Wes-Kaap beheer, jaloers is omdat ‘n ander provinsie die beste in die eksamen gevaar het.
Die Vrystaat is vanjaar as die beste presteerder aangewys, nadat die Wes-Kaap sedert 2008 die plek beklee het.
Die departement se woordvoerder, Panyaza Lesufi, sê die DA wil nie erken dat arm mense ook goed kan presteer nie. – RSG
Die Onderwys Departement is net so korrup soos die res van die ANC se departemente. Die matriek slaagsyfer 2013 is duimsuig en gemanipuleerd. Ek was self betrokke in ‘n geval waar ‘n skoolhoof antwoorde voorsien – en dit toegesmeer is.
Hulle wil net nie erken dat onderwys as ‘n geheel in SA faal nie!
Dankie vir die een, ek het nou lekker saam met jou gelag !
Om punte aan te pas doen hierdie kinders en land geen guns nie – sonder die volledige kennis sal die NSA altyd n deredeklas burger kweek.
As die feire nie aan jou kant is nie dan hammer jy op die tafel.