Die vetsugsyfer in die Verenigde State het vanjaar die hoogste vlak ooit bereik, volgens die Verenigde Gesondheidstigting se 2018-verslag, terwyl ‘n onrusbarende toename in die misbruik van voorskrif-tipe psigoterapeutiese middels insgelyks opgemerk is.
Vetsug is ‘n toonaangewende bydraer tot kardiovaskulêre siekte, kanker en ander gevaarlike gesondheidstoestande. Daarbenewens laat ‘n toename in dwelmsterftes, selfmoord en kardiovaskulêre siekte voortydige sterftes in die VSA die hoogte inskiet.
Die vetsugkoers het van 29,9% tot 31,3% van die bevolking gestyg, het Associated Press berig. Die koers het vir die eerste keer in Amerika se Gesondheidsranglysgeskiedenis die 30-persentpunt van alle volwassenes oorskry, ‘n styging van 5% slegs in die afgelope jaar.
Voortydige sterftes het met 3 persent toegeneem, van 7 214 tot 7 432 verlore jare vir mense jonger as 75 jaar per 100 000 mense.
Die selfmoordsyfer het sedert 2012 met ‘n skokkende 16 persent toegeneem (van 12,0 tot 13,9 sterftes per 100 000 mense). Die staat Montana het die hoogste selfmoord op 26,0 sterftes per 100 000. Die selfmoordsyfer is baie hoër onder mans: 22,2 sterftes per 100 000 in vergelyking met vroue teen 6,2 sterftes per 100 000.
Montana is ook staat in die VSA wat die minste swart is. Volgens die jongste Amerikaanse sensusbevolkingsberamings is 0,43 persent van Montana se 944 632 inwoners swart. Daar is slegs 4 094 swart mense daar, wat ook die kleinste swart gemeenskap van enige staat in die land is, wat daarop dui dat selfmoord meestal witmense tref.
Terwyl Amerikaners vetter as ooit is, spog die VSA ook die met die meeste dwelmsterftes ooit, asook die hoogste gebruk van anti-depressante in die geskiedenis.
Ongeveer 24,6 miljoen mense in die Verenigde State het volgens die jongste regegringstatistiek ‘n tipe onwettige dwelm in Junie gebruik. Sowat 9,4 persent van alle persone van 12 en ouer is betrokke by die gebruik van onwettige dwelms of die onmediese gebruik van voorskrifmedisyne.
Die Nasionale Opname oor Dwelmgebruik en Gesondheid (NSDUH), ‘n jaarlikse reeks onderhoude met 67 500 persone wat deur die Substansmisbruik en Geestesgesondheidsdienste-administrasie geborg word, verskaf die mees akkurate ramings.
Volgens die bevindings van die NSDUH in 2013, het onwettige dwelmmiddelsyfers ‘n onlangse neiging begin toon met toenemende dagga-gebruik en ‘n onrusbarende toename in die misbruik van voorskrif-tipe psigoterapeutiese middels.
Volgens die opname is die algemeenste dwelms wat misbruik word:
Dagga, met 19,8 miljoen mense
Voorskrifmiddels: 6,5 miljoen niemediese gebruikers.
Kokaïen: 1,5 miljoen gebruikers.
Hallusinogene, waaronder Ecstasy: 1,3 miljoen gebruikers.
Metamfetamien: ongeveer 595 000 gebruikers.
Heroïen: sowat 300 000 gebruikers.
Die meeste onwettige dwelmgebruikers verrig ‘n werk of verkeer in diens, het die studie getoon.
Volgens SAMHSA se ramings het 2,8 miljoen mense dwelms vir die eerste keer in 2013 gebruik, gemiddeld 7 800 nuwe gebruikers per dag. Van die nuwe gebruikers was 54,1 persent jonger as 18 jaar.
Dit het egter heelwat kritiek op Twitter en Facebook ontlok. Volgens my kritici kan ‘n mens nie so ‘n verband tref nie. Miskien neem ek te veel aan, naamlik dat mense met die Suid-Afrikaanse Engelse kultuur bekend is. Baie Afrikaners ken hier en daar ‘n Engelssprekende, maar het nog nooit in Johannesburg of Kaapstad of Natal tussen hulle gewoon nie. Daarom dink hulle aan Engelse as “blankes” of mede-blankes wat ‘n kultuur met hulle deel. Die Engelse elite in die groot stede het egter niks met ons in gemeen nie en woon nie in dieselfde land nie. Eintlik het niks sedert Paul Kruger se dae verander nie: Daar is steeds “uitlanders” wat vir Suid-Afrika en veral Afrikaners net minagting koester. Hulle het wesentlik Brits gebly en is ewe dekadent as hul mede-Britte oorkant die water.
Veral Johannesburg verteenwoordig ‘n eiland in Suid-Afrika wat op die res van die land se rykdom teer, selfs parasiteer. Salarisse hier is baie hoër as elders en mense leef in ‘n borrel, ‘n soort “klein Engeland” waar Britse norme en kultuur geld. Dit sluit die Britse geneigdheid tot dwelmgebruik in. Die Londense koerant The Guardian het onlangs berig dat Engeland geheel en al in die greep van dwelms verkeer: I was relaxed about Britain’s drug culture revolution – but not any more.
John Harris skryf in dié artikel:
According to figures released last month, 2016 saw the highest-ever recorded number of deaths in England and Wales from what the Office for National Statistics calls “drug poisoning”, which includes everything from paracetamol to amphetamines: 3,744, up from 2,600 20 years ago. Heroin and morphine were involved in 1,209 deaths, which amounted to about a third of the total; cocaine was cited in relation to 371 fatalities. And ecstasy was named on the death certificates of 63 people, up from 57 in 2015, 43 in 2014, 31 in 2013 – and, back in 1993, a mere 12.
Meer Britte gaan weens dwelms dood as mense wat vanweë plaasmoorde in Suid-Afrika sterf, te oordeel aan die syfers hier bo. Trouens, selfs in Suid-Afrika is dit moontlik dat meer mense weens dwelmmisbruik doodgaan as in plaasmoorde. Presiese jaarlikse syfers is nie beskikbaar nie, maar volgens ‘n berig op die IOL-webblad wat navorsing deur die Universiteit van Pretoria aanhaal, het 385 mense net in Pretoria tussen 2003 en 2010 aan dwelms gesterf. En dit was hoofsaaklik jong blanke mans:
The race or ethnic profile of the deceased who tested positive for drugs was mostly white – accounting for 85.1 percent of positive cases, despite only making up 20.1 percent of the general Tshwane population.
Toe ek destyds van ‘n Afrikaanse hoërskool (Helpmekaar) na die Universiteit van die Witwatersrand toe is, was dit opvallend hoe drasties die Afrikaanse en Engelse kulture verskil het as dit by dwelms kom. By die Hoër Seunskool Helpmekaar was daar gerugte dat daar twee seuns in die skool was wat al dagga gerook het. Ons het dit met groot oë vir mekaar vertel. Self het ons nie eens geweet hoe dagga lyk nie en dit ook nooit teëgekom nie. Ons het wel mettertyd alkohol begin gebruik, selfs misbruik, want dit kon ‘n mens by die naaste drankwinkel koop en destyds was daar kwalik ‘n ouderdomsperk daarop.
By Wits aangekom, het ek tot my stomme verbasing uitgevind dat die meerderheid Engelse jongmense dagga rook. By enige partytjie het pakkies dagga onmiddellik te voorskyn gekom. Dit was algemeen.
Eenkeer is ek na ‘n partytjie in ‘n ou huis in Crown Mines uitgenooi. Dit was nog in die dae van segregasie tussen wit en swart, maar ek sou sê dat ‘n derde of die helfte van die partytjiegangers swart of gekleurd was. By die Johannesburgse Engelse elite het apartheid nooit eintlik gegeld nie; lees maar Nadine Gordimer se roman A world of strangers wat in die vyftigerjare afspeel.
In elk geval, die gasheer wat sy verjaardag gevier het, was reeds twee dae lank besig om dagga te rook en daggakoekies te eet. Op die eerste verdieping was daar ‘n soort toegemaakte stoep met strooi waarin hy soos ‘n dier rondgekruip het. Ek was nogal geskok, maar al my Engelse medestudente het net gelag. Dit was bloot pret. ‘n Deel van die partyjie het in ‘n verlate ou gebou plaasgevind, waar daar vuur gemaak, dagga gerook en op die maat van Bob Marley en Peter Tosh se reggae-musiek gedans is. In dieselfde tyd skat ek het die gemiddelde Afrikaanse student na Gé Korsten en Min Shaw geluister. Waarskynlik sou jy by Tuks of Potch geskors word indien jy dwelms gebruik. By Wits sou hulle egter die hele kampus moes skors.
Die meeste studente het uit gegoede huise gekom. As jy nie ‘n Alfa-Romeo of Lancia, wat destyds duur klein sportmotors was, gery het nie, het die meisies nie eintlik in jou belanggestel nie.
Een van my klasmaats het elke dag by die swembad op die kampus dagga gerook. Trouens, sover ek onthou het hy eenkeer sommer in die klas dagga gerook. Destyds kon ons in die klasse ook rook, bedoelende nou tabak. Ek het so ‘n Peterson-pyp gehad en het altyd agter in die klas gerook dat die blou wolke trek. Gelukkig het ek dié nare gewoonte binnekort laat vaar en nooit weer ‘n pyp of sigaret opgeneem nie.
In my honneursjaar het ek in ‘n kommune in Yeoville gewoon. Daar was verskeie sulke kommunes in Yeoville waar ideologiese en regte dagga vrylik gerook en op allerlei maniere verbruik is. Ons het al die marxistiese skrywers onder die son gelees en bespreek: Marx, Hegel, Lenin, Marcuse, Horkheimer, Adorno, Sartre, Althusser, ens.
Ek het verskeie Joodse meisies gehad. Een se ouers was besonder welaf en het in Houghton gewoon met ‘n vakansiehuis aan die Kaapse kus. Een vakansie is ons daarheen. Ons het skaars by die dubbelverdieping met ‘n see-uitsig aangekom, of die dagga is uitgepluk. Daar is selfs ‘n koek gebak met dagga as bestanddeel.
Hoewel ek my lewe lank al tussen Engelse in Johannesburg woon, verstaan ek nie hul obsessie met dwelms nie. Waarom wil jy jou bewussyn verdoof wanneer die werklikheid so boeiend en pragtig is? Elke sonsondergang is vir my ‘n wonderwerk. Om die ligte bries op jou vel te voel, kan ‘n mens noop om ‘n gedig te skryf. Maar Engelse benodig dwelms soos ander mense kos en water, lyk dit my.
Sedert 1994 verkeer ons onder ‘n Engelse regering. Die ANC is ‘n Engelse organisasie wat jare lank in Engeland deur die Britte vertroetel en befonds is. Goed, Nederland en Swede het ook ‘n groot finansiële bydrae aan die ANC gelewer, maar dit was onder invloed van die Britse media wat deurentyd die ANC opgehemel en Suid-Afrika as “apartheidsland” afgekraak het. Soms wonder ek hoeveel van daardie Engelse joernaliste was onder die invloed van dagga en ander dwelms terwyl hulle hul eensydige berigte oor Suid-Afrika geskryf het.
Onlangs tydens my besoek aan Amsterdam was ek oplaas by die Rijksmuseum wat ‘n tyd lank vir opknappings gesluit was. Ek het my verwonder aan Rembrandt, Vermeer, Frans Hals en vele ander groot kunstenaars van die sewentiende eeu. As ‘n mens aan Nederlandse kuns dink, het jy byna onmiddellik Rembrandt voor jou geestesoog. Om voor sy Nagwag te staan, is ‘n onbeskryflike sintuiglike ervaring, soveel beter as enigiets wat ‘n dwelm jou kan bied.
In die tyd toe ons voorouers in Nederland en Vlaandere van die grootste kuns ter wêreld voortgebring het, was Engeland agterlik en onbeskaaf, ‘n broeiplek vir seerowers en diewe. Trouens, Elisabeth I het haar koninkryk op seerowery gebou, deur koninklike briewe aan vrybuiters soos Sir Francis Drake uit te reik om ander skepe ter see te gaan beroof. ‘n Vlaamse skip wat eenkeer in ‘n Britse hawe vasgemeer het, is dadelik beroof deur ‘n Engelse vrou wat dit uit haar kamervenster gewaar het.
Vermeer: Meisie met pêreloorbel.
Daar was min of geen Engelse kuns in die sewentiende eeu nie. Vandag is daar egter Engelse “kuns”, soos die groteske falliese beelde van Sarah Lucas wat Brittanje by die Venisiese Biennale verteenwoordig het.
Sarah Lucas: beeld, deel van die reeks ‘I scream Daddio’.
Daar bestaan baie groot verskille tussen Engelse en Afrikaners. Ek weet, want ek het lang tye in albei wêrelde deurgebring. Die gemiddelde Afrikaner het geen benul van wat Engelsheid werklik behels nie, terwyl die Johannesburgse of Kaapstadse uitlander insgelyks geen begrip vir ons patriotisme, aardsheid en verknogtheid aan Afrikaans het nie. Vandaar dus die argeloosheid waarmee die huidige Afro-Saksiese alliansie ons en ons kultuur wil uitwis.
Terloops, my twiet oor Engelse en dwelms het ontstaan toe Jani Allen ‘n boek deur ene Dominique Botha, Valsrivier, by my aanbeveel het. Dit is ‘n outobiografiese werk waarin die skryfster se ouer broer, Paul, op die ouderdom van 27 weens ‘n oordosis dwelms in Londen beswyk. Blykbaar was hy op ‘n Engelse hoërskool en waarskynlik ‘n Engelse universiteit.
Engelse skole en kampusse is sinoniem met dwelms. Ek staan by daardie stelling en enige ernstige navorsing oor dié onderwerp sal my gelyk gee.
Maar daar is ook ‘n ander aspek aan Engels wat dit veral in ons konteks ‘n funeste, aaklige taal maak. In die VSA, asook Brittanje, bestaan daar wel mense wat nie linkse dwelmgebruikers is nie en sekerlik soos die meeste Afrikaners tradisionele gesinswaardes aanhang. Die probleem is egter dat die heersende Engelse kultuur wat vanuit New York en Londen uitstraal, wesentlik deur kultuurmarxisme en politieke korrektheid gekenmerk word. Dit staan ook vyandig teenoor sowel Afrikaners as Vastelandse Europeërs. Ek het al male sonder tal in Britse publikasies gelees hoe agterlik Franse, Duitsers of Nederlanders nou eintlik is. Die Londense Financial Times het al dikwels die ondergang van die euro voorspel, sonder dat dit ooit bewaarheid is. Nietemin beskik Duitsland oor ‘n veel groter ekonomie as dié van Brittanje. Die kleine Nederland wat maar oor ‘n kwart van die Britse bevolking beskik en ‘n landjie so groot soos die Krugerwildtuin, voer meer as die Verenigde Koninkryk uit.
Ek dink dit het tyd geword dat ons moet rebelleer teen Engelse hovaardigheid en verdrukking, veral in Suid-Afrika. Die huidige plan om Afrikaanse skole finaal die nekslag toe te dien, is waarskynlik deur Barbara Creecy, die aartsvyandige Panyaza Lesufi se regterhand, uitgedink. Dit gaan deur ons Engels-eentalige parlement gestoomroller word en soos wat “Afrikaans Must Fall” by Tukkies, Kovsies en elders geseëvier het, gaan Afrikaanse staatskole in al die Afrikaanse buurte summier oorgeneem, verengels en vernietig word.
Hoewel Franssprekendes in Kanada ‘n minderheid verteenwoordig, geniet Frans gelyke status met Engels in dié land. Verskeie Kanadese eerste ministers het reeds beweer dat die tweetaligheid van Kanada ‘n integrale deel van dié land se identiteit uitmaak. Sover ek weet, het geen Engelse politikus in Suid-Afrika nog ooit iets positiefs oor Afrikaans kwytgeraak nie. Oor die afgelope tweehonderd jaar was hulle feitlik deurentyd vyandig teenoor ons en ons taal. Ek verwag ook nie dat enige Engelse openbare figure in die huidige stryd hul steun vir die behoud van Afrikaanse skole aan ons sal toesê nie.
Daar is egter reeds meer Europeërs en suidelike Amerikaners wat ons ondersteun as plaaslike Engelse. Ons het hulle, hul taal en dwelmgewoontes nie nodig nie. Trouens, ons kinders moet liefs teen Engelse beskerm word wie se dekadente, beginsellose en polities korrekte idees en gewoontes tot hul dood mag lei, soos in die geval van Paul Botha, waaroor sy suster in haar boek skryf. Vandat Engels op Afrikaanse kampusse ingestel is, het dieselfde triestige atmosfeer hom daar voelbaar gemaak.
Behalwe dat Engelsheid ‘n mens benewel, sluit die opgang in ‘n eentalige monokultuur ook enige diversiteit van denke uit. In Engeland word daar tans sensuur toegepas en word mense wat die verkeerde dinge op sosiale media sê – soos byvoorbeeld kritiek op Islamitiese terreur – strafregtelik vervolg. Onder andere het die Britse owerheid die Nederlandse politikus Geert Wilders verbied om hul land te besoek.
Vele Engelssprekendes ken net hul eie taal en verwag dat ander hul daarby moet aanpas. Hierteenoor is die meeste Vastelandse Europeërs twee- of meertalig. Die meeste Afrikaners ken ook Engels en ander tale. Tot onlangs is Duits in die meeste Afrikaanse skole as vak aangebied.
Die Engelse kultuur is oppervlakkig en het ‘n gebrek aan diepgang. Telkens as ek in Europa, veral Frankryk of Duitsland kom, is dit vir my ‘n groot verligting om agter te kom dat daar steeds intelligente, denkende wesens op die planeet Aarde verkeer. Dit is mense wat eeue se geskiedenis en verwikkelinge, tesame met filosofiese of kunshistoriese verwysings in ‘n gesprek kan inweef sodat ‘n mens eintlik lus kry om dae lank net aan te hou praat en debatteer. In ons toenemend Engelse Suid-Afrika ervaar ek feitlik nooit daardie gevoel nie. Hoe meer Afrikaners weens verengelsing van hul Europese erfenis ontneem word, hoe oppervlakkiger en dommer word hulle. Dan praat ‘n mens nie eens van die hanskakies – diegene wat sommer vrywillig verengels en Engelse stereotipes oor Afrikaners hul eie gemaak het – in ons midde nie. Skepsels soos Max du Preez, Adriaan Basson, Roof Bezuidenhout en baie ander sanik aanmekaar oor apartheid, witskuld en ander onderwerpe wat links-liberale Engelse eindeloos interessant vind.
In welke mate sulke hanskakies aan breinskade ly weens al die dwelms wat hulle saam met hul Engelse vriende verbruik het, sal mens nooit weet nie. Maar hulle is oogluikend nie helder of genuanseerd in hul denke nie.
Verengelsing en verdomming gaan inderdaad hand aan hand. Wee ons kinders wat binnekort dalk almal in Engelse skole ingedwing gaan word waar hulle benewens dwelms, aan die uitsigloosheid van ‘n Engelse opvoeding blootgestel gaan word. Die gemiddelde wiskundepunt in Soweto se honderde Engelse skole is reeds twintig persent; ek vermoed dit gaan die nasionale norm word soos wat ideologiese konformisme alle kennis en denke in ons land verdring.
Soos ek verder getwiet het:
I am just doing once in a while wat the arrogant, know-it-all “Englishman” does every day! The “raider” from the lost Empire. And just remember: Zuma is an Englishman from Natal too! Your pride and joy. pic.twitter.com/n6UXwbvf9w
Die hopelose Engelse skole met hul Anglikaanse name begin mos almal met “Sint”. Pleks dat hulle “Sint Kokaïen”, “Sint Dagga” of “Sint Heroïen” genoem word; dit sou meer beskrywend wees.
Daardie kwasi-Engelse sangster Karen Zoid wat in eie reg ‘n opperste Boerehater is, het op tipies Britse wyse in haar liedjie “Katriena” oor dwelms gesing:
Sy deel in haar pad
Met die heroinmonster
Sy voel hoe sy asem
In haar ore fluister
Sy sien
Sy versteen
As die lewe wyk
As die lewe wyk
Na die ewigheid
Ignoreer vir ‘n oomblik die groteske anglisisme in die eerste reël, want sy is mos Engels. Dan is daar nog die volgende strofes:
Katriena Katriena Katryn
Was lief vir haar lewe
En bietjie vir my
Katriena Katriena Katryn
Was te opgevang
In haar sadness en pyn
Dis amper so swak soos die poësie van Ingrid Jonker.
Jare lank het die sarkasties neulende Engelse ons ‘n utopie belowe as hul gunsteling-ANC net die land mag regeer. FW de Klerk, wat self deesdae Engels as huistaal het, het besluit om voor dié idee te swig. Nou blyk dit dat die Engelse utopie van die “nuwe Suid-Afrika” wat eintlik ‘n meer derdewêreldse weergawe van Engeland verteenwoordig, eintlik ‘n distopie is. Dis ‘n land van verskrikking, van geweld en korrupsie, van vernietiging.
Die arme Afrikaner: so ver van God en so naby aan Engeland!
‘n Tweede klag van die onwettige besit van dagga is by die een van oortreding van die Immigrasiewet gevoeg in ‘n aanklag teen ‘n beampte van die Vioolsdrift-grenspos tussen Suid-Afrika en Namibië.
Die verdagte is vroeër vandeesweek in hegtenis geneem weens beweerde bedrog. Die 46-jarige Benedictus Fredericks het Vrydag vlugtig in die hof verskyn.
Hy is vasgetrek ná ‘n ondersoek deur die Valke wat die Departement van Binnelandse Sake gelas het.
Woordvoerder van die Valke, Philani Nkwalase, sê Fredericks is op R2000 borgtog vrygelaat en sal weer op 12 April in die landdroshof op Springbok verskyn.
Intussen is twee ander beamptes wat ook vir ondervraging ingeneem is, vrygelaat.
Dinsdag het gewapende mans geklee as polisiebeamptes meer as R20 miljoen in buitelandse valuta van die vraggebied gesteel. Sommige berigte sê dit is R200 miljoen. Teenstrydige berigte bestaan oor hoeveel geld presies geroof is en bewerings is nog onbevestig.
Die polisie het twee van die voertuie wat gebruik is in Dinsdag se multi-miljoenrandse rooftog by die O R Tambo Internasionale Lughawe aan die Oos-rand, in Mamelodi, oos van Pretoria, gevind.
Die Minister van Polisie, Nathi Nhleko het vroeër gesê die polisie se soektog na die rowers duur “onverpoosd” voort.
Nhleko sê die hoeveelheid geld wat geroof is, vorm deel van die ondersoek en geen inligting kan daaroor bekend gemaak word nie. Dié vaagheid laat vermoede ontstaan dat die geld met dwelmhandel verbind kan word en dat die regering bewus is van die kwessie.
Acsa het bevestig dat die twee voertuie wat gebruik is, teruggevind is in Mamelodi.
Die jongste rooftog by die sogenaamde veilige kant van die OR Tambo Internasionale Lughawe kom net vyf maande nadat ‘n bende weggekom het met ‘n beraamde een-en-‘n-half ton van elektroniese goedere in kratte.
Dinsdagaand, het die misdadigers die fasiliteit geklee soos polisiebeamptes binnegedring, maar soos in die voorval in Oktober het hulle hulp van personeel by die lughawe gehad.
Die Air Cargo operateurs se Alwyn Rautenbach sê talle sulke voorvalle is verlede jaar alleen aangeteken.
“Ons het ‘n bekommernis dat polisie-uniforms gebruik is en gemerkte polisiemotors is ook gebruik. Dit wil voorkom asof vir ons asof die polisie betrokke is.”
Rautenbach het gesê in 2016 was daar 10 rooftogte in die vragruim, vier wat deur mense in polisie-uniforms gepleeg is.
Die voertuie is ‘n bakkie waaraan Polisie-kentekens aangebring is en die ander een is ‘n Ford Focus.
Vroeër het die lughawensmaatskappy – ACSA – al die sekerheidswagte, wat tydens die rooftog aan diens was, as voorsorgmaatreël vervang.
“Die geld was in ‘n lae denominasies in Amerikaanse dollar, pond en euro,” sê ‘n bron.
Dit is nie die eerste keer dat die polisie na bewering met misdaad by die lughawe verbind word nie. In die parlement verlede maand het die baas van die Onafhanklike Polisie-ondersoek Direktoraat Robert McBride gesê die polisie voer ‘n oorlog onder mekaar vir die beheer van dwelms wat deur die lughawe beweeg.
Hy het gesê Opod ondersoek gevalle waar die polisie en die Valke op mekaar geskiet het en mekar vermoor het om die beheer oor dwelmverspreiding en winste te kry.
Drie swartes, waaronder ‘n onderwyser van Tweespruit in die Vrystaat, sal Maandag na verwagting aansoek doen om borgtog nadat hulle aangekeer is vir dwelmhandel.
Polisiewoordvoerder, Martin Xuma, sê Daniel Molelle, ‘n plaaslike hoërskoolonderwyser, en sy twee makkers, Mojalefa Mosia en Tshokolo Sekwere, het Maandag in die landdroshof op Excelsior verskyn.
Hulle is verlede Vrydag deur die polisie betrap met altesaam 23 Ndanda-pille ter waarde van R1000. Xuma sê die pille weeg 35-gram. Dit is soortgelyk aan Mandrax gemeng met ander dwelms.
Xuma sê gemeenskapslede het inligting aan die polisie verskaf oor mans wat handel met dwelms dryf. Die polisie het ‘n ondersoek begin.
Gemeenskapslede is gevra om die polisie te ontbied wanneer hulle die verdagtes gewaar. Hy sê die polisie het vinnig gereageer nadat inligting ontvang is van ‘n wit Ford Bantam-bakkie wat deur Molelle bestuur is en in die Dawiesville-gebied naby Tweespruit opgemerk is.
Mosia en Sekwere was ook in die bakkie. Hy sê die polisie het toegeslaan oomblikke nadat die bakkie by ‘n adres in die gebied gestop het.
Hy sê daar is op die pille beslag gelê nadat die bakkie deursoek is.
‘n Verdagte, wat in hegtenis geneem is in verband met die kweek van daggaplante en in besit van verwerkte dagga was, het Maandag in die Bloemfonteinse landdroshof verskyn.
Provinsiale woordvoerder van die Valke, S’Fiso Nyakane, sê die Valke en lede van die polisie se Taktiese Reaksie- en Misdaadintelligensie-eenheid het ‘n 36-jarige man by sy woning in die stad aangekeer.
Pieter van Tonder, van De Bruinlaan in die gegoede woonbuurt Rayton, is Vrydagoggend vasgetrek.
Nyakane sê Van Tonder het uit twee kamers in sy huis sy onwettige bedryf bestuur. Die polisie het glo inligting ontvang dat dagga by ‘n huis gekweek en verwerk word.
Nyakane sê daar is op toerusting ter waarde van sowat R20 000 beslag gelê. Daggaplante en verwerkte dagga ter waarde van R70 000 is ook daar gevind. Nyakane sê nog mense kan inhegtenis geneem word.
Van Tonder is op borgtog van R5 000 vrygelaat. Hy sal weer op 2 Desember verskyn.
Dwelms met ter waarde van bykans R8 miljoen is Dinsdag in ‘n dwelmfabriek op ‘n plaas naby Rustenburg gevind, het Noordwes-polisie gesê.
Polisiewoordvoerder, Sabata Mokgwabone, sê die polisie het Dinsdagaand tydens ‘n klopjag omstreeks 23:00 op die plaas by Boons, afgekom.
Hy sê ‘n 54-jarige vrou wat na bewering die dwelmlaboratorium bedryf het, is aangekeer. Mandrax-tablette en chemikalieë wat gebruik word om ander dwelmmiddels te vervaardig is gevind.
Mokgwabone sê die waarde van die dwelms kan moontlike hoër wees as wat voorheen geglo is. ‘n Klag van omkopery word ook teen die vrou ondersoek.
“Toe die polisie by die betrokke plaas aangekom het was die hekke gesluit. Terwyl hulle gewag het dat iemand die hekke kom oopsluit, het hulle twee mans sien weghardloop. Hulle het toe ondersoek gaan instel en ondek dat die plek as dwelmlaboratorium gebruik word. Die eienaar van die plaas is inhegtenis geneem en aangekla vir die oortreding van die Wet op Dwelmmiddels, Wet 140 van 1992,” sê Mokgwabone.
Sy sal na verwagting vandag in die landdroshof op Koster verskyn.
Die polisie in die Noord-Kaap ondersoek ‘n voorval waarin daar op dagga en Mandrax-tablette ter waarde van bykans R2 miljoen op ‘n erf in Kimberley beslag gelê is.
Alhoewel nog niemand is in hegtenis geneem is nie, het die provinsiale polisiekommissaris, Risimati Shivuri, die lede van die blitspatrollie se spoedige reaksie geloof.
Agt houers is in Veldstraat gevind en die polisie-ondersoek duur glo voort.
Polisiewoordvoerder, Mohale Ramatseba, sê lede van die blitspatrollie het Saterdag inligting ontvang en omstreeks 19:00 op ses 20 liter-houers met dagga en ‘n 25 liter-houer, ook met dagga in, afgekom. Die Mandrax-tablette was in ‘n 20 liter-houer.
Hy sê dié houers is by ‘n drein buite ‘n huis op die erf weggesteek.
Ramatseba sê daar was mense by die huis met die polisie se aankoms.
‘n Vragmotorbestuurder wat dagga ter waarde van R2 miljoen vervoer het en wat by die Nakop-grenspos in die Noord-Kaap in hegtenis geneem is, sal na verwagting vandag in die Upington Landdroshof verskyn.
Polisiewoordvoerder Sergio Kock sê die 35-jarige Gift Mangumta sal na verwagting vandag amptelik om borgtog aansoek doen.
Mangumta is in hegtenis geneem nadat operasionale polisie sy vragmotor by die grenspos deursoek en 400 kg dagga gevind het.
Die dagga was weggesteek in vier splinternuwe dubbelkajuit-bakkies wat op die vragmotor gelaai was.
Kock sê Mangumta staar aanklagte van daggahandel in die gesig.
Die vragmotor was van Suid-Afrika na Namibië onderweg.
Die twee teenstanders in die wedloop om die Withuis, Hillary Clinton en Donald Trump, het die week afgeskop en met hul twee maande lange oorblywende resies voor die Amerikaanse presidentsverkiesing begin.
Die kandidate het Werkersdag, die tradisionele dag waarop die pylvak-wedloop begin, gebruik om hul argumente te stel waarom hulle die beste vir werkende klas Amerikaners sal wees.
Die Demokraat, Clinton, het voorgeloop in nasionale meningspeilings, en het aansienlik harder werk in sogenaamde swaai-state en ook heelwat meer geld as Trump vir haar veldtog uitgegee.
Die gewilde Republikeinse aanspraakmaker op die Withuis, Trump, wie se veldtog klaarblyklik nie stuit teen kritiek oor sy “kwetsende” retoriek nie, loop tans voor met 45% teenoor Hillary se 43%.
Die wedloop sal oor die volgende 63 dae al hoe feller raak.
Gerugte oor Clinton se gesondheid wil nie gaan lê nie. Een van haar swart veiligheidsbeamptes (bo) loop glo konstant naby haar met een of ander soort medikasie byderhand met ‘n blitstoedieningstoestel.
Clinton het onlangs veiligheidspersoneel wat snuffelhonde aanhou uit haar kantoor weggejaag. Skindertonge beweer dit is omdat sy dwelms gebruik.
Die Republikeinse Party se presidentskandidaat, Donald Trump, het Woensdag in Phoenix, Arizona, in ‘n brander van ‘n toespraak belowe dat onwettige immigrante uit Mexiko se dae getel is want die VSA gaan ‘n muur bou met dwelmgeld.
“Ons gaan ‘n muur bou en Mexiko gaan daarvoor betaal!” het hy onder luide toejuiging gesê.
Trump het gesê die 11 miljoen mense wat onwettig in Amerika is, gaan teruggestuur word na waar hulle vandaan kom.
Ure nadat hy die Mexikaanse president, Enrique Peña Nieto, ontmoet het, het Trump gesê: “Ons sal ’n groot muur op die suidelike grens bou. En Mexiko sal daarvoor betaal, 100%. Hulle weet dit nog nie, maar hulle gaan vir daardie muur betaal.”
Die Republikeinse kandidaat het hom soos ‘n waardige president gedra en hy is met grasie deur die Mexikaanse president ontvang soos ‘n ware leier.
‘n Professor in joernalistiek, professor Carlos Bravo Regidor het beaam dat Trump soos ‘n leier opgetree het. “Hy was rustig, ferm, presidensieel.”
“Ons vernedering is nou totaal,” het ‘n Mexikaanse televisiejoernalis van Televisa getwiet.
Nieto het later getwiet: “Aan die begin van die gesprek met Donald Trump het ek dit duidelik gemaak dat Mexiko nie vir die muur gaan betaal nie.”
Die Mexikaanse president Peña Nieto het vroeër op ’n mediakonferensie saam met Trump egter gesê hy steun die Amerikaanse kandidaat se stryd teen oorgrensmisdaad.
Trumpveldtogbestuurders sê die plan is dat die onwettige dwelmkartels gaan betaal vir die muur.
Bronne na aan beide die Mexikaanse regering en die Trumpveldtog het bevestig dat hierdie voorstel voorgelê is, maar hulle wil anoniem bly, gegewe die voorlopige aard van die gesprekke.
Volgens die jaarlikse oudit van die Amerikaanse Departement van Justisie vir die boekjaar vir 2015, beloop die bates van die kartels waarop beslag gelê is reeds byna $9 miljard, en dit sluit nie die bates in wat deur die Mexikaanse regering gekonfiskeer is nie.
In sy toespraak in Phoenix het Trump gesê die stryd teen onwettige immigrante in Amerika sal afskop om dié wat ernstige misdade gepleeg het, so gou as moontlik te uit die VSA te sit.
Hy sê hy ‘n spesiale deportasie-taakmag moet misdadigers identifiseer wat gedeporteer kan word.
Nieto se besluit om Trump te nooi om die muur te bespreek is met ontsteltenis deur die Demokrate begroet en met groot vreugde deur Nieto se politieke vyande tuis.
Nieto het Hillary Clinton, die Demokratiese Party se presidentskandidaat, ook uitgenooi om sy land te besoek. Dit is nie bekend of sy die uitnodiging aanvaar het nie.
Mexikaanse opposisielede sê Nieto is deur Trump, die land se grootste vyand, vir propaganda misbruik en sy uitnodiging was ‘n “monumentale fout” omdat dit die Amerikaanse kandidaat se posisie verder verstewig het.
In ‘n 2012-skatting wat saamgestel is deur die RAND Corporation op versoek van die Withuis, is bevind dat Amerikaners gemiddeld $100 miljard jaarliks op die vier mees verhandelde onwettige dwelms spandeer: crack/kokaïen, heroïen, dagga, en methamphetamien (meth).
Die Dagga-party se aansoek om die verbod op dagga ongrondwetlik te verklaar is Woensdag in die Wes-Kaap se Hooggeregshof tot Desember uitgestel.
Die uitstel is aangevra om die Staat tyd te gun om ‘n verslag oor die huidige daggabeleid in Suid-Afrika te bestudeer.
Daggaroker Garreth Prince (foto) sê die party bevraagteken die grondwetlikheid van die Wet op Narkotika. Prince het reeds ‘n vorige Grondwethofaansoek verloor.
Hy sê die aansoek handel nie daaroor of die dwelm skadelik is of nie, maar oor vryheid van keuse.
Prince sê alkohol en tabak is ook skadelik, maar word nie gekriminaliseer nie.
Altesaam 1 800 mense is in die Filippyne dood in dwelmverwante optrede, sedert pres. Rodrigo Duterte sewe weke gelede aan bewind gekom en ’n oorlog teen dwelms verklaar het.
Die hoof van die polisie, Ronald Dela Rosa, het gister ’n senaatkomitee meegedeel dat 712 dwelmhandelaars en gebruikers sedert 1 Julie in polisieoperasies dood is.
Die polisie ondersoek ook 1 067 ander dwelmverwante sterftes, het Dela Rosa gesê.
Die opmerkings kom ’n dag nadat Duterte die Verenigde Nasies (VN) aangeval het na hul kritiek oor die vlaag sterftes.
Duterte het Sondag op ’n laatnag mediakonferensie gesê die Filippyne kan die VN verlaat.
Hy het China en ander lande genooi om saam ’n nuwe globale forum te vorm omdat die VN nie geslaag het om sy mandaat uit te voer nie.
Duterte het ook die afdanking elke lid van sy administrasie wat aangestel is deur ‘n vorige president aangekondig.
Die skuif is die jongste in watter Duterte ‘n veldtog teen korrupsie noem.
Die kortste stembriewe gaan in Buffalo City in die Oos-Kaap aan kiesers uitgedeel word, waar net 12 politieke partye deelneem.
Kiesers in die Mangaung Metro Munisipaliteit gaan die tweede kortste stembrief van alle metro munisipaliteite landwyd kry tydens die 2016 Munisipale Verkiesing.
Volgens die OVK gaan net 14 politieke partye in dié gebied aan die verkiesing deelneem.
Die langste stembrief gaan in Kaapstad, Suid-Afrika se dwelmhoofstad, uitgedeel word waar kiesers ‘n keuse van 36 politieke partye het.
Daar word vermoed dat politieke partye ook gebruik word om geld te was, aangesien wetgewing nie vereis dat skenkers blootgelê word nie.
Die leier van die IVP, Mangosuthu Buthelezi het in Ulundi in KwaZulu-Natal by die party se laaste saamtrek voor Donderdag se verkiesing gesê in die Wes-Kaap is daar bejaardes wat al 18 jaar op huise wag en steeds vir die DA stem.
Buthelezi sê daar is ook gemeenskappe sonder kraanwater. Hierdie inwoners is nie eers bewus van die menigte partye nie.
Die OVK het vroeër aangedui dat ‘n rekord getal politieke partye vanjaar aan die verkiesing gaan deelneem.
In terme van plaaslike munisipaliteite het die Richtersveld-munisipaliteit in die Noord-Kaap die kleinste proporsionele stembrief met net drie partye wat in die gebied tot die verkiesingstryd toegetree het.
Stembriewe is intussen in Soweto gesteel. Houers met bykans 2000 stembriewe is Donderdag uit `n afleweringsvoertuig in Dobsonville gesteel.
Die gesteelde stembriewe sal nie gebruik kan word nie en veiligheidsmaatreëls is opgeskerp.
Meer as 800 000 kiesers sal vandag en môre spesiale stemme kan uitbring in wat eintlik maar weer eens ‘n etniese sensusopname is.
Die Verkiesingskommissie sê dié syfer is glo die hoogste ooit.
Die VK se adjunk-hoofverkiesingsbeampte, Sy Mamabolo sê die hoë getal mense wat spesiale stemme kan uitbring, is moontlik gemaak weens die VK se veldtog om registrasie te vergemaklik.
Mense kon hulle aansoeke indien met SMS-boodskappe, op die internet of aansoeke per hand.
Nelson Mandelabaai sal na verwagting ‘n koalisie-raad kry waar die EFF met die DA kan saamwerk teen die ANC.
Dit sal beteken dat ‘n stem vir die DA in Pretoria en Port Elisabeth in werklikheid ‘n stem vir die EFF is, want met die DA-steun asook die EFF se steun, kan Tshwane dieselfde pad loop.
Die Munisipale Verkiesing 2016 vind op Woensdag 3 Augustus plaas.
