praag.co.za

Onwettige myners uit ou skag gered

Written by

Karin Roodt

in

,

minersVolgens die polisie is sowat 30 vermeende onwettige myners uit ‘n ou goudmynskag op Florida aan die Wes-Rand gered.

Hulle sal Woensdag die soektog vir meer mense hervat, wat vermoedelik nog ondergronds vasgekeer is.

Minstens drie van hulle het ernstige beserings opgedoen nadat gevegte ondergronds tussen twee strydende bendes uitgebreek het.

Die mans was vasgekeer nadat ‘n tou na die oppervlak gesny is.

Die polisie se kolonel Noxolo Kweza het gesê: “Tot dusver het ons 30 mense gered. Ons het onwettige myners gekry en ons het hulle uitgehaal want hulle is nie veronderstel om daar te wees nie. Hulle is daar onwettig. Ons prioriteit is nou om seker te maak dat daar niemand oorbly nie en ons sal aanhou om terug te gaan om seker te maak.”

Volgens die polisie sal die verdagtes teregstaan op aanklagte van onwettige mynbedrywighede en betreding.

Comments

3 responses to “Onwettige myners uit ou skag gered”

  1. Trippie Avatar
    Trippie

    Ongevoelig dalk, ek voel hulle moet presies net daar gelos word. As jy jou kop in ‘n bynes druk, moet jy verwag om gesteek te word van alle kante af.

  2. Riempies Avatar
    Riempies

    Ag tog wat n onnoselheid – los die skepsels uit en repatrieer hulle net – Hierdie ANC het sowaar nie verstand nie – wat gaan hierdie hofsake hulle kos en help? As hulle toegesluit word kos dit die staat net nog n klomp geld en die regering is hoeka alreeds bankrot.

  3. Eric Bornman Avatar
    Eric Bornman

    Rampokkers baklei met rampokkers en kry uniform, rampokkers om hulle uit te help.
    al hierdie “ondergrondse bewegings” klink onheilspellend en die Rotschilds laat nie toe dat goud gesteel word van grond wat hulle by Boere gesteel het voor 1913 nie.

Leave a Reply

More posts