Die polisie is in Kaapstad ontplooi by Brown’s Farm in Phillipi op die Kaapse Vlakte waar ‘n groep oproeriges Dinsdagoggend paaie versper het.
‘n Woordvoerder van die polisie sê die oproeriges het die kruising by Varkensvlei- en Weltrevredeweg met rommel en brandende motorbande afgesper.
Volgens die polisie word verkeersvloei tans nog nie geraak nie.
Die gedeelte van die nabygeleë Vanguard-rylaan is weer heropen nadat dit Maandag versper is deur ontevrede inwoners.
Inligting dui daarop dat Brown’s Farm in Philippi verlede jaar in November deur optogorganiseerders geteiken is wat ook die mobilisering van mense van Khayelitsha, Dunoon en Wallacedene insluit.
Inwoners van plakkerskampe is opgevorder om in Kaapstad te gaan betoog en aangemoedig om te gaan plunder tydens die beplanningsvergaderings wat plaasgevind het.
Organiseerders het voorgestel dat kos en Kersgeskenke “maklik beskikbaar in die middestad sal wees” vir die betogers.
President Jacob Zuma sal Dinsdag vieringe in die Kongo-Brazzaville bywoon vir die 25ste herdenking van die Brazzaville-vredesverdrag wat die burgeroorlog in Angola beëindig het.
Verteenwoordigers van die regerings van Angola, Kuba en Suid-Afrika het die vredesakkoord op 13 Desember 1988 in Brazzaville, Kongo onderteken.
Na die slag van Lomba waar die Russe en Kubane ‘n finale afranseling toegedien is deur Suid-Afrikaanse soldate, is die vyandelike magte by Cuito Cuanavale vasgekeer.
Die Brazzaville-protokol het ‘n mandaat vir die onttrekking van verslane Kubaanse troepe uit Angola geskep.
Nie Kuba of die Sowjet-Unie het destyds die middele gehad om die Kubaanse soldate dadelik te repatrieer nie. Kuba was ‘n vasalstaat van die Sowjet-Unie en geheel en al afhanklik van skenkings en hulp van die moederland.
Die teenwoordigheid van Kubaanse troepe in Angola – die destydse platsak Sowjet-Unie se duurste buitelandse militêre avontuur – sou dus nog tien jaar duur en die onafhankllikheid van Namibië vertraag.
Nadat die Sowjet-Unie in duie gestort het, lê Kuba se heil glo by die VSA as dwelmnodus. Die land is steeds ‘n ekonomiese puinhoop na dekades van Fidel Castro en sy broer Raoel se narrediktatuur.
Castro is ook deesdae een van Rusland se felste kritici nadat hy Gorbatsjof as ‘n uitverkoper uitgekryt het. Sy broer het onlangs by Nelson Mandela se roudiens egter met president Barack Obama van die VSA blad geskud.
Namibië se onafhanklikheid is deur die New York-ooreenkoms moontlik gemaak.
Afrika-lande en Kuba sal tydens die Brazzavile-vieringe hulde bring aan Nelson Mandela, wat 24 jaar gelede uit die tronk vrygelaat is, alhoewel Kuba deelgeneem het aan die oorlog in Angola met die uitsluitlike doel om kommunisme te “internasionaliseer”.
Ander sogenaamde “bevrydingsbewegings” in die streek sal ook aan die Brazzaville-verrigtinge deelneem ten spyte daarvan dat hulle byna geen rol in die oorlog gespeel het nie.
Die ANC sal deel wees van dié herdenking omdat hulle “aangesluit het by Kuba in Angola om te help veg”.
Volgens die SABC het “hierdie oorlog die apartheidsregering uit Angola verdryf, wat die weg baan vir Namibië se onafhanklikheid asook die ontbanning van die ANC en die vrylating van Nelson Mandela”.
ʼn Man van Kaapstad word ondervra nadat ʼn minderjarige meisie dood aangetref is op sy bed.
“Die polisie is Saterdagaand na Delft ontbied nadat inwoners die 26-jarige man aangerand het, het ‘n woordvoerder van die polisie gesê.
Die man is op die toneel behandel en later na ʼn hospitaal geneem.
Die polisie is daarna na ʼn huis in Cheesewoodstraat geneem en hulle op die lyk van die twaalfjarige verneem afgekom,
“Die man voer aan hy dra geen kennis van die voorval nie. Hy het glo vroeër sy huissleutels aan ʼn onbekende man oorhandig,” het die polisiewoordvoerder gesê.
Die polisie ondersoek ʼn saak van moord en moontlik ʼn saak van verkragting, na aanleiding van die uitslag van die nadoodse ondersoek.
‘n Werknemer van die Amerikaanse konsulaat in Johannesburg wat met ‘n mes in sy bors by sy huis se oprit gevind is, het vir die dienste van ‘n prosituut betaal wat glo nie na sy wense was nie.
Die vrou wat tereggestaan het op die moord van die Amerikaner is in die Palm Ridge-landdroshof vrygespreek.
Regter Leonie Windell het Lorraine Mogapi Vrydag vrygespreek. Windell het bevind dat die staat nie daarin kon slaag om Mogapi se skuld te bewys nie.
Die regter het gesê Mogapi se weergawe is die mees waarskynlike een.
Christopher Bates is in Januarie 2013 doogesteek in die Johannesburgse woonbuurt Illovo.
Bates het glo ingestem om R200 aan die prostituut te betaal en haar na sy huis geneem waar hy geweier het om haar te betaal omdat sy glo nie die geld werd was nie.
Bates het glo toe ‘n mes in die kombuis gaan haal, waarna Mogapi hom met pepersproei gespuit het.
Mogapi kon daarin slaag om uit die huis te vlug, maar Bates het haar glo met ‘n bofbalkolf gejaag.
‘n Egpaar wat in Mnandi buite Centurion op hul hoewe aangeval is, het in die vroeë oggendure van skote wakker geword.
Die vyf swart aanvallers het Rina de Villiers (70) se 73-jarige man Henk in die hart geskiet en haar vir dood agtergelaat nadat hulle haar geslaan, gemartel en deur ‘n venster gestamp het.
Hulle het ook op die hond, ‘n rottweiler, geskiet wat daarna skuiling gaan soek het.
Die egpaar sou in Augustus 50 jaar getroud gewees het.
Mevrou de Villiers het aan Beeld gesê: “Hulle was so brutaal, hul taal vieslik vuil. Hulle het die huis verniel asof hulle van die duiwel besete was.”
Een rower het De Villiers van vertrek tot vertrek rondgepluk op soek na waardevolle items om te steel nadat hulle haar man doodgeskiet het.
Sy het terugbaklei en die swarte se hand in ’n deur vasgeslaan waarna hy woedend drie skote deur die oop gleuf geskiet.
Die ander swartes het De Villiers daarna oorrompel, haar vasgebind en gemartel. Hulle het haar daarna deur ’n venster gestamp en sy het die plaveisel kop eerste getref.
Sy het toe gemaak of sy bewusteloos is en doodstil gelê. Een het haar vir oulaas in die ribbes geskop.
“Ek het in daardie verskriklike reën bly lê totdat ek hulle nie meer kon hoor nie. Ek was so bang hulle sien ek lewe nog.”
Twee-en-twintig mense wat verlede week in hegtenis geneem is in verband met openbare geweld, sal vandag in die Zeerust Landdroshof in Noordwes om borgtog aansoek doen.
Sowat 300 gemeenskapslede van Kruisrivier naby Zeerust het klippe gegooi na die huis van ‘n plaaslike sakeman, en die gebou aan die brand gesteek.
Hulle beskuldig Tshepo Kraai daarvan dat hy kinders ontvoer en vir rituele vermoor het.
Vyf van sy voertuie is ook tydens die aanval aan die brand gesteek.
Kraai en sy vrou is na ‘n hospitaal gehaas nadat hulle brandwonde opgedoen het, maar is later ontslaan. – RSG
Die veroordeelde dwelmhandelaar, Glen Agliotti se voorlopige sekwestrasie sal na verwagting vandag in die Hooggeregshof in Pretoria ‘n finale bevel gemaak word.
Die Suid-Afrikaanse Inkomstediens het in November verlede jaar ‘n voorlopige bevel vir sekwestrasie bekom, het RSG berig.
Volgens hofdokumente skuld Agliotti SAID/SARS meer as 38 miljoen rand, sowel as rente van meer as 22 miljoen rand.
Agliotti moet vandag in die hof redes gee oor waarom die sekwestrasie nie ‘n finale bevel gemaak moet word nie.
Die leier van die Ekonomiese Vryheidvegters, Julius Malema, verskyn vanoggend in die Noord Gautengse Hooggeregshof in Pretoria om sekwestrasie teen te staan oor die miljoene rand wat hy die Ontvanger van Inkomste skuld.
Volgens hofstukke skuld Malema 16 miljoen rand plus rente nadat hy tussen 2006 en 2010 nie belastingopgawes ingedien het nie.
SAID/SARS het Malema in kennis gestel dat hy nie sy opgawes ingedien het nie, maar dit het hom 18 maande geneem om dit te doen.
Malema het ook nie die Ratang Trust vir belastingdoeleindes geregistreer nie en die Inkomstediens moes dit namens hom doen.
Die Ontvanger het beslag gelê op van Malema se eiendom.
Sy onvoltooide huis in Sandton is verlede jaar vir vyf komma nege miljoen rand verkoop. Sy plaas in Limpopo het ook onder die hamer gekom asook huishoudelike toerusting.
Sewe mense verskyn vandag in die hof nadat hulle oor die naweek verkiesingsmateriaal by ‘n registrasiepunt in Taung in Noordwes gevandaliseer het.
Intussen het kolonel Sabata Mokgwabone van die polisie gesê drie vroue en vier mans het na bewering gedwonge toegang tot ‘n registrasiepunt by Itlameng Laerskool verkry en registrasiemateriaal by kiesbeamptes geëis,
Die verdagtes het ook glo baniere van die Onafhanklike Verkiesingskommissie van die skoolheining verwyder en dit aan die brand gesteek.
Dit is onwettig om verkiesingsmateriaal te beskadig in terme van Artikel (1) (c) van die Kieswet van 1998, het hy gesê. Die groep het na bewering by die skool opgedaag en registrasiemateriaal van OVK-beamptes geëis.
Hulle is Sondagmiddag in hegtenis geneem. Hulle is tussen die ouderdomme van 20 en 33.
Thandi Modise, premier, het vir ‘n ondersoek gevra oor waarom die sewe mense nie onmiddellik in hegtenis geneem is op die toneel nie.
Paul Ramaloko, woordvoerder van die Valke, sê dat hy nie dink dat die vermeende moordenaar George Louca sal slaag as hy om borgtog in die Kempton Park-landdroshof aansoek doen nie.
Louca, die verdagte in die moord op die eienaar van die Teazers-ontkleeklubs, Lolly Jackon, sal Maandagoggend verskyn nadat hy Sondag in die land aangekom het.
Jackson is in Mei 2010 by ‘n huis in Edenglen aan die Oos-Rand vermoor.
Daar word geglo dat mafiabaas Radovan Krejcir Louca byna R4 miljoen betaal het om Jackson te laat vermoor. Louca het bande met Krejcir.
Louca het drie jaar lank teen sy uitlewering geveg, maar sy aansoek in die hooggeregshof in Ciprus het misluk.
Die minister van polisie, Nathi Mthethwa sê hy is optimisties dat die uitlewering van Louca daartoe sal lei dat ‘n ondergrondse misdaadnes oopgevlek sal word.
Louca voer aan dat hy slegs ‘n ooggetuie was, en dat hy die moord probeer aanmeld het voordat hy landuit gevlug het.
Die Valke gaan amptelike aanklagte teen hom aanhangig maak vir sy beweerde rol in die moord.
Ramaloko sê Louca word ook aangekla van die besit van vermoedelik gesteelde goedere.
Ramaloko het lof gehad vir die Departement van Justisie gehad om Louca uitgelewer te kry aan Suid-Afrika.
Louca het vroeër aan die Sunday Times gesê dat hy nie glo hy sal ‘n regverdige verhoor kry nie.
Die omstrede Nathan Kirsh, die man agter Agang en die DA se Glynnis Breytenbach, is die grootste aandeelhouer van Magal Security Systems en ‘n direkteur van die maatskappy.
Magal Security Systems ontwikkel en lewer beheerstelsels en betredingsalarms. Dié maatskappy is die belangrikste verskaffer van elektroniese heinings vir die omstrede veiligheidsheiningprojek in die Wes-Oewer.
Die Israeliese Ministerie van Verdediging het 80% van die bod vir die installering van betredingsalarmstelsels langs die veiligheidsheining aan Magal toegeken.
Die veiligheidsheining is in Julie 2004 onwettig verklaar deur die Internasionale Hof van Justisie.
Daarbenewens het die twee Deense finansiële instellings, die Deense Bank ( Danske Bank ) en die pensioenaris Bank ( PKA ) al hul beleggings van Magal Security Systems onttrek aan die begin van 2010 vir hul rol in die die bou van die heining.
Vier dae nadat die orkaan Sandy New York getref het, was die tagtigjarige miljardêr persoonlik in sy pakhuis in Queens waar hy toegekyk het hoe kosvoorraad verkoop word.
Na die orkaan verwoesting gesaai het, en hy fabelagtige winste uit die verskaffing van noodvoorrade kon maak, het Kirsh aan Bloomberg gesê: “Chaos. Dit is fantasties!”
Kirsh het sy eerste fortuin in Afrika gemaak in 1958, toe hy ‘n graanmeul- en moutbedryf in Swaziland gevestig het. ‘n Saketransaksie met Sanlam wat uitgerafel het, het hom in 1986 permanent na Swaziland gedryf.
Twaalf jaar later het hy het ‘n Suid-Afrikaanse groothandelvoedselverspreidingbesigheid begin waar hy net aan winkels in die besit van swart winkeliers verskaf het.
Hy beheer ook Primedia, wat Radio 702 besit.
Behalwe vir Agang, gee Kirsh ook geld vir die DA se nuwe kandidaat Glynnis Breytenbach, wat deesdae beweer sy word bedreig.
Volgens Beeld ry Glynnis “na verskeie aanslae op haar lewe in ’n gepantserde BMW wat aan die miljardêr-eiendomsmagnaat Natie Kirsh behoort”.
FW de Klerk, ook ‘n ontvanger van Kirsh se geld, maak eweneens gebruik van ‘n gepantserde voertuig.
Kirsh het glo die pantserwa tot Breytenbach se beskikking gestel ná vyf voorvalle waarin daar na haar motor geskiet is, iemand haar van die pad gedwing het, haar agtervolg het en by ’n roltrap van die Gautrein-stasie in Sandton afgestamp het.
Nadat Breytenbach die BMW gekry het, is drie dooie katte glo teen die hek voor haar huis opgehang, maar Breytenbach het vreemd genoeg nog geen klagte by die polisie oor die beweerde voorvalle ingedien nie.
Dit het glo gebeur nadat Breytenbach besluit het om lt.genl. Richard Mduli, misdaadintelligensiehoof, weens bedrog en korrupsie te vervolg.
Kirsh het ook, volgens Beeld, skenkings aan die FW de Klerk-stigting gegee, onder meer die betaling van Breytenbach se regskoste, wat meer as R2 miljoen beloop.
Die NVG ondersoek tans Breytenbach se hegte verhouding met Kirsh en het aanbeveel dat sy weens bedrog en korrupsie aangekla behoort te word.
Adv. Mxolisi Nxasana, hoof van die NVG, het intussen Breytenbach se bedanking as aanklaer aanvaar nadat die partye ‘n skikking bereik het.
Breytenbach staan as ’n parlementêre kandidaat vir die DA.
Die Sunday Independent het Sondag berig dat Kirsh die buitlandse skenker is wat Mamphela Ramphele, Agang-leier, wou sien saamsmelt met die DA.
Kaapstad se beeld as Suid-Afrika se goedbestuurde, misdaad-vrye DA-paradys is ‘n goedkoop, leë verkoopsfoefie, waarskynlik betaal uit die sakke van dwelmbase en pedofiele.
In werklikheid is die stad besmet deur internasionale onderwêreldfigure wat instroom om hul twyfelagtige bedrywighede van daar te bestuur.
Oor die afgelope paar jaar, het ‘n Serwiese voortvlugtige moordenaar Dobrosav Gavric, die Russiese Igor Russol en Marokkaanse Houssain Ait Taleb in die Kaapstad-landdroshof hul verskyning gemaak.
Hulle is almal reeds gebrandmerk deur die polisie as onderwêreldboewe met skakels na georganiseerde misdaad, het die Times berig.
Dwelms met ‘n straatwaarde van R12 miljard is in 2012 binne maande in die provinsie gekonfiskeer en dit verteenwoordig glo slegs die puntjie van die ysberg.
Dan Plato, die Wes-Kaapse LUR vir gemeenskapsveiligheid, het vroeër gesê nuwe name uit die onderwêreld word daagliks toegevoeg tot die lys wat reeds aan hulle bekend is.
Die hoëprofiel-saak waarna Plato vroeër verwys het, is dié van plaaslike sakemanne Mark Lifman en André Naudé, wat albei na bewering “sekuriteit” by Kaapstad se nagklubs verskaf, sonder die nodige permitte.
Nietemin het die DA-lid die onderwêreldfigure ontmoet en blykbaar van hulle die versekering ontvang dat hulle nie by onwettighede betrokke is nie.
Lifman, wat glo ook ‘n voorliefde vir minderjarige seuns het, is reeds daarvoor aangekla, maar is later vrygespreek.
Kaapstad is ook een van die gewildste “pienk” of gay toerismebestemmings ter wêreld. Soos Lin Sampson van die Sunday Times al berig het, is daar insgelyks sekstoerisme waar blanke vroue vanuit Europa, veral Brittanje en Duitsland, na Kaapstad toe stroom om daar deur gekleurde mans “gediens” te word.
Oral waar prostitusie bedryf word en dwelms vrylik beskikbaar is, gedy georganiseerde misdaad gewoonlik ook. Dít alles onder die wakende oog van mev. Zille wat onmoontlik nie op hoogte daarvan kan wees nie.
Plunderaars takel buitelanders se winkels by Du Noon, in die Kaap
Oproermakers in Majakaneng in Noordwes het twee winkels wat aan buitelanders behoort geplunder, het ‘n inwoner gesê.
“Toe die polisie op ons geskiet het, het lede van die gemeenskap kwaad geword en die winkels geplunder,” het Pule Rakomane gesê.
Betogers het ook drie voertuie aan die brand gesteek, het The Times berig.
“Hulle was ou motors wat nie meer gebruik word nie,” sê Rakomane.
Polisie het egter gesê hulle het weet niks van die plundering of verbrande motors nie.
“Ons het nie verslae van die voorvalle ontvang nie,” het kol Sabata Mokgwabone gesê.
“Wat ons wel weet, is dat die betogers ‘n vergadering gehou het en dat ‘n raadslid se huis gevandaliseer is. Die betogers het ook probeer om die N4 te versper, maar die polisie het hulle gekeer, ” het hy gesê .
Rakomane het gesê betogers het by die plaaslike taxi-staanplek saamgetrek om hul volgende plan van aksie te bespreek.
Polisie het gesê ‘n sementvragmotor is vroeër op die N4 aan die brand gesteek .
‘n Bus wat konstruksiewerknemers vervoer is ook beskadig … by Majakaneng,” het Rakomane gesê.
Inwoners is glo in oproer oor watertekorte, beter paaie en HOP-huise.
Die Times berig dat ‘n “Derde Mag” vermoedelik agter die dodelike betogings oor dienslewering in Gauteng sit, en ‘n hoë-vlak van ondersoek daarna is reeds geloods.
Bewerings het vore gekom dat politieke partye en ander groepe geïnfiltreer is deur mense wat geweldgeteisterde gemeenskappe verder destabiliseer.
Woensdag het mense met ANC T-hemde op betogers in Sebokeng, in die Vaaldriehoek, geskiet.
Dit het tot die dood van Lerata Rabolila, 26, gelei en ‘n 34-jarige man is beseer. Die oproeriges van die Boiketlong-plakkerkamp het die strate ingevaar oor ‘n gebrek aan behuising en grond.
Gauteng Gemeenskapsveiligheid LUR Faith Mazibuko het Donderdag beveel dat die polisie die “onsigbare hand” van ‘n vermeende “Derde Mag” ondersoek.
Mazibuko se woordvoerder, Thapelo Moila, het gesê: “Hierdie protes, veral in Sebokeng, het ‘n element van mense wat die gemeenskap aanhits.”
Boiketlong was Donderdag vir ‘n tweede dag afgesper, met inwoners wat ‘n spoorlyn oorgeneem het, brandende versperrings opgerig het en skole laat sluit het.
Hulle soek glo geregtigheid vir die dood van die jongste slagoffer van die oproer.
“Die ANC sit hieragter. Hul lede, geklee in ANC T-hemde, probeer om ons protes te stop. Toe hulle nie kon nie, het hulle op ons geskiet,” sê ‘n leier van die gemeenskap Elvis Motaung.
Ander glo weer dit is ‘n “ander mag” wat sit agter die geweld.
Sebokeng se onrus volg na dae van geweld in Bronkhorstspruit se lokasie by Ekangala, Zithobeni en Rethabiseng, naby Pretoria.
Tshwane se burgemeester Kgosientso Ramokgopa het Donderdag gesê die protes word deur mense wat nie van plan is om te betaal vir dienste nie, gedryf.
“[Die gebrek aan] dienslewering is wanneer daar geen elektrisiteit, paaie, sport- en gesondheidsfasiliteite bestaan nie. Dit is nie die geval hier nie,” het Ramokgopa gesê.
Die ANC het te kenne gegee dat hulle geen geweld verwag wanneer die DA ’n optog na die ANC se hoofkantoor in Johannesburg lei nie.
Die ANC het vroeër gesê die optog is aanhitsing wat geweld sal meebring. Die DA-leier, Helen Zille, het ontken dat dit aanhitsing is soos die ANC beweer.
Die party het Donderdag in Gauteng gesê ANC-lede sal “nie gewelddadig optree teenoor die opposisie nie”.
David Makhura, Gautengse ANC-sekretaris, aan verslaggewers in Johannesburg gesê: “Die ANC-lede in die provinsie weet hulle word nie toegelaat om fisiek met lede van die opposisie te baklei nie.
“Die stryd tussen ons en die DA handel oor wie die beste visie vir Suid-Afrika het, oor wie die beste beleidsrigtings het om Suid-Afrika vorentoe te neem. Ons sal daar wees om hulle te ontvang en hulle op te voed oor ons planne om die ekonomie te transformeer,” het Makhura gesê.
Die DA beplan om Woensdag na Luthulihuis in Johannesburg op te ruk as deel van die party se “stryd om werkskepping”.
Die polisie is in Kaapstad ontplooi by Brown’s Farm in Phillipi op die Kaapse Vlakte waar ‘n groep oproeriges Dinsdagoggend paaie versper het.
