‘n Swart man (27) van Kuruman verskyn na verwagting vandag in die landdroshof op Mothibistad nadat menslike organe na bewering in sy vrieskas gevind is.
Ernest Mabilo doen vandag aansoek om borgtog.
Volgens Noord-Kaapse polisiewoordvoerder, Mohale Ramatseba, is ‘n hart en longe verlede Vrydag in Mabilo se vrieskas gevind.
Mabilo, wat by ‘n begrafnisonderneming in Kuruman werk, staar ‘n aanklag van die onwettige besit van menslike liggaamsdele in die gesig. Hy bly in aanhouding.
Die nasionale voedoe-vakansiedag in die Wes-Afrikaland, Benin het vanjaar ‘n politieke kleur gehad met beoefenaars van die tradisie wat gebid en offerhande vir vrede gebring het, het Reuters berig.
Honderde volgelinge van die tradisionele godsdiens het in die kusdorp Ouidah, eens ‘n belangrike hawe in die slawehandel, byeengekom om vir kalmte te bid voor die presidentsverkiesing wat in Februarie plaasvind.
Benin het nie ‘n geskiedenis van verkiesingsgeweld nie, maar David Kofi Aza, ‘n bekende priester, het verlede maand gesê ‘n orakel met die naam Fa het die dood van tientalle mense in naverkiesinggeweld voorspel omdat die verloorder nie die uitslae sou aanvaar nie.
Aza sê die orakel het nie onthul hoe die krisis afgeweer kan word nie.
By die seremonie in Ouidah het die geestelike leier, Daagbo Hounan Houna II, die dooies gevra om die orde tydens die verkiesing te help handhaaf.
In die binneland in Savalou, die tuisdorp van eerste minister Lionel Zinsou, het priesters en hoogwaardigheidsbekleërs ‘n hoender aan die brand gesteek tydens ‘n seremonie, voordat bloed en palmolie op ‘n fetisj bestaande uit muntskulpe en sand uitgegooi is.
Die verkiesingsveldtog word oorskadu deur omstredenheid oor die regerende party se besluit om Zinsou as kandidaat te stel, ‘n besluit wat deur die uittredende president, Thomas Boni Yayi, goedgekeur word.
Verlede Dinsdag het politici van opposisiepartye vergader vir besprekings oor die moontlike vorming van ‘n koalisie om Zinsou se kanse te belemmer om verkies te word.
Zinsou het sowel Franse as Beninese burgerskap en hy het ‘n groot deel van sy lewe in Frankryk deurgebring. Sy kritici voer aan dat hy ‘n buitestaander is, sonder werklike begrip vir die realiteite van die lewe in Benin.
Die borgtog-aansoek van die Deense burger, Peter Fredericksen, wat van onder meer seksuele aanranding aangekla word, gaan voort.
Die saak teen die 63-jarige wapenhandelaar van Bloemfontein het ‘n verrassende wending geneem, nadat dit aan die lig gekom dat Peter Fredericksen ook verbind word met die skietdood van sy swart vrou in Lesotho verlede maand.
Die klagstaat teen hom lees as volg: Twee aanklagte van aanranding met die doel om ernstig te beseer, een van aanranding, verskeie aanklagte van die vervaardiging van pornografie, die verspreiding van kinderpornografie, asook die besit daarvan.
Daar is ook twee aanklagte van sameswering, die verwydering van menslike weefsel en ‘n aanklag dat menslike weefsel by ‘n ongemagtigde plek verwyder is, sowel as bigamie.
Fredericksen is op 17 September in hegtenis geneem nadat vrouedele van sewe swart vroue in die vrieskas van sy Langenhovenparkhuis ontdek is. Hulle is almal vermoedelik van Lesotho.
Dit is nie bekend of die Deen die menslike dele vir moetie verkoop het nie.
Sy oorlede vrou, Anna Matseliso Molise, het hom dieselfde dag by die polisie aangegee.
Volgens die BBC word hy in Denemarke deur die polisiegesoek op aanklagte van onwettige wapenhandel.
Die Aartsbiskop van die Sioniste Kerk, Bhekukufa Sambonga Gumede en nog drie mense verskyn vandag in die Manguzi-landdroshof in KwaZulu-Natal vir die moord op ‘n 21-jarige albino meisie.
Thandazile Mpunzi is verlede jaar vermoor en haar liggaam is geskend.
Die biskop het glo drie mans gehelp om die liggaam te skuif en self sekere liggaamsdele geneem.
Die kommissie vir bevordering en beskerming van kulturele, godsdienstige en taalgemeenskappe en tradisionele leiers sal ook die hofsaak bywoon.
Die 20-jarige Mpunzi het vermis geraak en haar liggaam is in ‘n vlak graf opgespoor.
Die drie, Siyabonga Gwala, 18, Lindokuhle Khumalo, 19, en Mandla Mabuza, 19, is in hegtenis geneem nadat hulle die graf uitgewys het.
Die polisie het nie aanvanklik onthul dat Mpunzi ‘n albino was nie.
Familielede het haar verdwyning reeds op 5 Augustus aangemeld.
Emanguzi is naby Kosibaai, sowat 20 km suid van KwaZulu-Natal se grens met Mosambiek.
‘n Swartvrou is Dinsdag in hegtenis geneem nadat sy ‘n toordokter genader het om die Noordwes-premier Supra Mahumapelo en die uitvoerende burgemeester van Mahikeng, Gosiame Seatlholo, te vermoor, het die Valke gesê.
“Die 42-jarige raadslid is in die vroeë oggendure in Mmasebudule in hegtenis geneem,” het Paul Ramaloko, woordvoerder van die Valke, gesê.
Die vrou het ‘n toordokter op 21 November gevra om te help om Mahumapelo en Seatlholo met moetie te vermoor. Hy het teësinnig ingestem, maar het die polisie op 28 November van haar moordplanne in kennis gestel.
“Sy is Dinsdag in hegtenis geneem toe sy die toordokter vir die tweede keer gaan besoek het,” het hy gesê. Sy sal Woensdag in die Lehurutshe-landdroshof verskyn.
Die premier se kantoor het hul skok oor die moordplan uitgespreek: “Die kantoor van die premier verneem met skok kennis oor die inhegtenisneming van ʼn verdagte wat premier Mahumapelo wou vermoor.”
Die woordvoerder het ook die polisie bedank vir hul vinnige reaksie op die saak. “Intussen kan ons lede van die publiek verseker dat premier Mahumapelo veilig is en met sy gewone amptelike take voortgaan.”
Swart mensehandelaars is op binnekring-TV in Pretoria vasgevang waar hulle ‘n wit tweeling steel in ‘n apteek.
Lees verder.
Paaslike inwoners van Ncotshane in die noorde van KwaZulu-Natal het die huis van ‘n moordverdagte aan die brand gesteek.
Die swart man word daarvan verdink word dat hy ‘n vierjarige seun vermoor het vir moetie.
‘n Polisiewoordvoerder, Thulani Zwane, sê die seun is Woensdag as vermis aangemeld.
Die liggaamsdele van die seun is vroeër in ‘n sak gevind by ‘n kerk naby Pongola.
Na bewering het iemand op die liggaamsdele in die sak afgekom en die polisie ontbied.
Die huis wat afgebrand is behoort aan ‘n plaaslike pastoor.
Speurders het ‘n lyk gevind waarvan liggaamsdele afgesny is, nadat hulle ‘n man vasgetrek het wat ‘n sak met dié dele daarin wou verkoop.
‘n Mosambiekse man is intussen daarvan aangekla dat hy in besit van menslike liggaamsdele is.
Die swart man het Woensdag in die Malamulele-landdroshof verskyn.
Die saak teen Samson Majoko (35) is tot 31 Julie uitgestel vir verdere ondersoek, het brig. Hangwani Mulaudzi van die polisie in Limpopo gesê.
Die polisie het Majoko in Junie in hegtenis geneem ná ‘n wenk ontvang is oor ‘n man wat liggaamsdele wou verkoop.
“Die polisie het hul na die toneel gehaas en die verdagte in hegtenis geneem. Hy het in ‘n voertuig gesit en ‘n plastieksak by hom gehad waarin menslike geslagsdele en twee hande was,” het Mulaudzi gesê.
Twee swart buitelanders en ‘n Suid-Afrikaanse vrou het in die Klerkdorpse Landdroshof verskyn omdat hulle glo ‘n hond lewendig geëet het voordat hulle die dier geslag het.
Lees verder.
Regter Ian Farlam, voorsitter van die Farlam-kommissie, moes die verrigtinge in Centurion tydelik staak nadat familielede van twee veiligheidswagte wat by Marikana vermoor is, se foto’s vertoon is, ineengestort het.
Mnr. X het Maandag sy grusame getuienis voortgesit oor wat in 2012 tydens die staking by Marikana gebeur het.
Hy het voorheen getuig hoe Amcu-lede mensvleis geëet het vir moetie.
Regter Farlam het ‘n aansoek van adv. Dali Mpofu, wat namens van die mynwerkers optree, verwerp om mnr. X vir sielkundige waarneming te stuur.
Mnr. X het Vrydag uitstel gevra omdat hy gevoel het mense in die openbare galery toor hom met moetie.
Volgens Mpofu is die getuie se geloofwaardigheid onder verdenking.
Mpofu het aangevoer mnr. X is paranoïes en hallusinerend en dat hy ’n metaalplaat in sy kop het weens ’n breinbesering.
Amcu-lede was volgens mnr. X se getuienis daarop uit om die polisie uit te lok en aan te val tydens die staking.
Hy het gister herhaal hoe Amcu toordokters, Izinyanga, gehuur het vir moetie om hulle teen polisiekoeëls te beskerm.
Die aand van 11 Augustus 2012 op die koppie in Marikana is een wag se ken met ’n panga afgekap en hy het in die motor doodgebrand.
Mnr. X het gesê hulle het die volgende oggend besluit om die vakbond NUM se kantoor in Marikana aan te val en lede daar te vermoor.
“Daar was drie vuurwapens. Die res was gewapen met pangas en assegaaie. Bhele (een van die leiers) het ’n kan petrol saamgedra.
“Op pad na die NUM-kantoor het ons by ’n mynhostel verbygestap. ’n Groep veiligheidswagte wou ons nie daar inlaat nie en ons met rubberkoeëls geskiet. Die vuurwapens het nie gewerk nie. Ons het geglo dis danksy die moetie.”
Volgens mnr. X het die wagte weggehardloop. “Twee wagte was in ’n private motor. Ons het dit met die petrol aan die brand gesteek. Een wag se ken is met ’n panga afgekap en hy het in die motor doodgebrand.
“Die ander wag is uit die motor gesleep en ek het hom met ’n panga in die gesig geslaan. Iemand het hom met ’n assegaai gesteek. Ek het hom ook gesteek. Bhele het sy tong en wang afgesny en in ’n plastieksak gegooi. Van sy bloed is in ’n ander plastieksak gegooi. Dit is verbrand om die moetie sterker te maak.”
Mnr. X sit Dinsdag sy getuienis voort.
Duisende mynwerkers het by die Royal Bafokeng-stadion in Rustenburg begin aankom.
Hulle sal na verwagting deur die president van Amcu, Joseph Matunjwa toegespreek word oor nuwe looneise.
Matunjwa sal die stakende mynwerkers waarskynlik inlig oor toekomstige optrede na ‘n ooreenkoms in beginsel bereik is tussen die platinumprodusente en Amcu.
Die mynwerkers het op 23 Januarie met die langste staking in die geskiedenis begin.
Adjunkpresident Cyril Ramaphosa het gesê die ANC sal nie regstreeks inmeng in die onderhandelings tussen die vakbond en platinummaatskappye nie.
Ramaphosa sê vakbonde het die grondwetlike reg om werkers se eise te verdedig.
Die minister van Minerale Hulpbronne, Ngoako Ramatlhodi het hom vroeër aan die bemiddeling tussen die twee twistende partye onttrek toe hy nie daarin kon slaag om ‘n beloofde ooreenkoms af te dwing nie.
Intussen sal die Farlam-kommissie verdere getuienis van “mnr X” aanhoor.
Mnr X het voorheen voor die Marikana Kommissie van Ondersoek getuig dat Amcu NUM-lede wou gaan vermoor.
Hy getuig vanuit ‘n onbekende plek by wyse van ‘n video-verbinding.
Die Kommissie het Vrydag vroeg verdaag nadat Mnr X gevra het om sy tradisionele geneser te raadpleeg.
Tien mense, onder wie twee polisielede en twee veiligheidswagte van Lonmin is dood voor die polisie 34 stakende mynwerkers doodgeskiet het 16 Augustus 2012.
Mnr X het getuig oor kannibalistiese rituele waaraan hulle gedurende dié tyd deelgeneem het.
Hulle het onder meer mensvleis van die twee vermoorde Lonmin veiligheidswagte geëet in opdrag van ‘n tradisionele geneser.
Hy het het hulle verseker dat Amcu sal onoorwinlik wees as hulle sy moetie gebruik.
’n Oudmynwerker, wat om veiligheidsredes slegs as Meneer X bekend staan, het Donderdag oor afskuwekkende moetierituele voor die Marikana-insident getuig.
Meneer X, ’n rotsboor-operateur, tree op as die polisie se sleutelgetuie waarin die gru-besonderhede oor mensvleis wat deur Amcu-lede vir moetie gebruik is, na vore gekom het.
Hy is deel van ‘n getuiebeskermingsprogram en getuig deur middel van ’n elektroniese beeldskakel vanaf ’n ongeïdentifiseerde plek.
Die Amcu-myners het veiligheidswagte vermoor om liggaamsdele van die menselyke vir tradisionele genesers te bekom sodat hulle daarmee teen koeëls beskerm sou word.
Die ANC het Amcu reeds daarvan beskuldig dat hulle ook deur buitelandse agente geïnfiltreer is.
Die oudmyner getuig in Centurion voor die Farlam-kommissie oor die omstandighede rondom die dood van 44 mense in Augustus 2012 by Marikana.
Tien mense, onder wie polisiebeamptes en sekuriteitswagte, sowel as ses ander mynwerkers is in die week voor die Marikana-slagting tydens gewelddadige stakings vermoor.
Julius Malema, EFF-leier, en sy partylede het intussen Donderdag uit die Nasionale Vergadering van die parlement gestap omdat Malema volgehou het om die ANC en die polisie vir die moorde by Marikana verantwoordelik gehou het.
Malema het geweier om opmerkings terug te trek wat hy tydens die debat oor die Staatsrede gemaak het. Hy het toe gesê die ANC het massamoord by Marikana gepleeg.
Die voorsitter van die Nasionale Raad van Provinsies, Thandi Modise, het beslis dat sulke bewerings onparlementêr is en dat hy dit moet terugtrek.
Die Kantoor van die ANC se Hoofsweep het die gedrag van lede van die Ekonomiese Vryheidsvegters in die Nasionale Vergadering as skokkend bestempel.
Die ANC se Parlementêre woordvoerder, Moloto Mothapo, sê die kantoor verwelkom aanduidings dat die Parlement die voorval gaan ondersoek
Die nasionale hoof van die polisie okkulte-misdaadeenheid, kolonel Attie Lamprecht sê daar was die afgelope tyd landwyd ‘n toename in misdade wat met die okkulte verband hou.
Die toename in moetiemoorde het ook tot oproer in Motupa, Moleketla en Kubjana in Limpopo gelei. Die provinsie spog met ongeveer 250 moetiemoorde per jaar.
Navorsers soos Oliver Becker het reeds daarop gewys dat dié moorde verbind kan word aan sokker en politiek regoor Afrika.
Daar is veral in Gauteng op die liggame van kinders afgekom waarvan liggaamsdele verwyder is, het RSG berig.
Die polisie vermoed dat hulle vir moetierituele vermoor is. Daar was die afgelope maande 78 voorvalle in Johannesburg wat met daarmee verbind kan word.
Van dié gevalle was 48 strafregtelik vervolg. Lamprecht het ‘n beroep op gemeenskappe gedoen om bewus te wees van die probleem.
Die polisie se okkulte-eenheid het Woensdag die ondersoek na die dood van die twee swart skoolmeisies in Dobsonville, Soweto, oorgeneem.
Die twee meisies is dood aangetref, geklee in hul skooluniforms. Hulle het snymerke op hul hande en nekke gehad. Die polisie het skeermesse, kerse en hul tasse langs hulle gevind.
‘n Polisie woordvoerder, Tebello Mosikili sê op hierdie stadium, weet hulle nie wat die dood van die twee kon veroorsaak het nie.
“Die ondersoekspan en die misdaadtoneeldeskundiges is reeds op die toneel om al die bewyse te versamel. En die ondersoekspan van die provinsiale okkulte-ondersoekeenheid sal die ondersoek oorneem. Kollegas van die eenheid is reeds op die misdaadtoneel.”
Die meisies is Dinsdagoggend op pad skool die laaste keer opgemerk. Nie een van die meisies, tussen die ouderdomme van 15 en 16, is as vermis aangemeld nie.
Die regering het sy kommer uitgespreek oor die dood van twee tienermeisies in Soweto. ‘n GCIS-woordvoerder Phumla Williams sê hulle is getref deur die dood van twee meisies in Dobsonville.
Die regering het ‘n beroep op die publiek gedoen om nie die reg in eie hande te neem nie.
Een van die meisies het na bewering aan vriende vertel sy sou by ‘n groep aanvaar word as sy die lewe van iemand naby aan haar neem.
Mede-leerlinge by George Khosa Sekondêre Skool sê hulle het die twee meisies die skoolterrein sien verlaat met twee seuns Dinsdag.
Hulle glo die seuns is deel van ‘n groep wat sulke dade pleeg.
Daar is glo ‘n moontlikheid dat doe dood van die twee deel van ‘n “offerhande” was.
Die polisie het intussen ‘n huis in Dobsonville deursoek waar donker rituele moontlik plaasvind.
Die polisie sê hulle het ‘n lasbrief gekry om die huis te deursoek. In die agterplaas is beendere gevind wat vermoedelik die van ‘n dier is.
Talle mense is steeds by die huis saamgedrom. Die twee seuns is intussen in hegtenis geneem en sal Vrydag in die Protea-landdroshof verskyn.
