‘n Boer is Sondagoggend in Groot Marico in Noordwes in die jongste plaasaanval vermoor.
Die eienaars van die Sumsaren-wildreservaat, Koos Erasmus (59) en sy vrou, Martie (54), is deur drie swartes in hul huis aangeval.
Die swartes het die huis deur ‘n badkamervenster binnegeding en Erasmus in sy slaapkamer doodgeskiet.
Hulle het daarna sy vrou met ‘n panga aangeval. Sy het die aanval oorleef, maar Erasmus is op die toneel dood.
Die drie swartes het kort na middernag by die huis ingebreek. Erasmus se vierjarige kleinkind het by die egpaar gekuier. Hy was saam met sy oupa en ouma in die kamer toe hulle aangeval is, maar is ongedeerd.
Die seuntjie se ouers wat in Johannesburg woon, Erasmus se dogter en die se man, is erg getraumatiseerd.
Die verdagtes het glo met R260 000, ‘n skootrekenaar, ‘n 9mm-pistool en Erasmus se wit Mazda-dubbelkajuitbakkie op die vlug geslaan.
Die bakkie is later ‘n paar kilometer van die plaas af opgespoor.
Die polisie ondersoek ‘n saak van moord, poging tot moord en huisroof. Niemand is nog ivm die aanval in hegtenis geneem nie.
Die boeregemeenskap in Noordwes het ‘n beroep op die provinsiale regering gedoen om plaasmoorde te bekamp.
Die voorsitter van Agri-Noordwes, Cor Janse van Vuuren sê die boere lewe in vrees.
Hy het die polisie die skuld gegee en gesê dat hulle óf nie bereid is nie óf nie in staat is om plaasmoorde te keer nie.
Na brandstigting en openbare geweld is 46 mense is in Montague Gardens in Milnerton in Kaapstad in hegtenis geneem.
‘n Oproerige groep inwoners van Joe Slovo Park het ‘n bus aan die brand gesteek. Volgens die polisie het die oproermakers die bestuurder uit die bus gedwing nadat hulle gedreig het om die bus aan die brand te steek.
Hulle het die bus in ligte laaie gelaat nadat die bestuurder uitgeklim het. Die groep is vermoedelik dieselfde mense wie se plakkershutte verlede week gelykgeskraap is.
Die Stad Kaapstad het die plakkershutte vernietig omdat hulle nie aan ‘n hofbevel gehoor gegee het nie.
Verskeie paaie in die Kaapse Skiereiland is tans gesluit weens gewelddadige oproer.
Inwoners het paaie met brandende buitebande versper en verkeersligte beskadig. Verbygaande motoriste word ook met klippe bestook.
Die polisie en die verkeersdienste is in die gebied ontplooi.
Die woordvoerder van die Kaapstadse verkeersdiens, Maxine Jordaan sê die R-300 tussen Highlands en Oliver Tambo, en tussen Govan Mbeki en Simfonieweg is gesluit.
Jordaan het motoriste aangeraai om versigtig te wees en waar moontlik alternatiewe roetes te gebruik.
Die polisie is ook op die N2 ontplooi waar verkeer nog vryelik vloei.
Die Australiese eerste minister, Tony Abbott het bekendgemaak dat twee groterige voorwerpe in die suidelike Indiese Oseaan opgemerk is wat moontlik verbind kan word met vlug MH370.
Australië, wat beheer oorgeneem het van die soektog in die gebied, sê die ontleding van nuwe satelliet-beelde het “betroubare” inligting aan die lig gebring.
Die premier Tony Abbott het egter gewaarsku dat die satellietbeelde nie duidelik is nie en dat niemand te gou gevolgtrekkings moet maak nie.
Die vermiste vliegtuig van die Maleisiese lugdiens met 239 passasiers aan boord het bykans twee weke gelede vermis geraak tussen Kuala Lumpur en Beijing.
John Young, hoof van die Australian Maritime Safety Authority (Amsa), het na Abbott se aankondiging gesê dat die voorwerpe is “relatief onduidelik” op die satellietbeelde, maar was van “redelike grootte en waarskynlik deurdrenk … en wip op en af in die water.”
Die Amerikaanse vloot se P8 Poseidon en Nieu-Seeland se lugmag Orion sal ook aan die soektog wat nader aan Perth geskuif het, deelneem.
Die Maleisiese regering meen die vliegtuig is doelbewus van koers af gestuur en het verskeie ure lank gevlieg nadat daar van sy roete afgewyk is.
President Barack Obama van die VSA het die soektog as ‘n hoë prioriteit vir sy regering verklaar nadat Maleisië glo beskikbare inligting aan die FBI verskaf het.
Dr Jim Garrow meen egter die VSA beskik oor baie meer inligting as wat hulle voorgee.
Garrow sê die vliegtuig het waarskynlik op die Amerikaanse basis Diego Garcia geland omdat daar 20 wetenskaplikes aan boord was wat vir China geklassifiseerde sagteware ontwerp het.
Garrow sê die skakel is vermoedelik Obama se broer wat in China woon.
Die Japanse motorreus, Toyota, het ingestem om R12 miljard se boete te betaal om ‘n strafregtelike geskil met die VSA op te los na veiligheidsprobleme tot die herroeping van miljoene voertuie gelei het.
Toyota sê hy neem volle verantwoordelikheid vir die ontwerpprobleme.
Toyota-handelaars het vroeër gekla dat die hulle onregverdig behandel word deur die Amerikaanse regering. Sommige sê dit is omdat die regering miljarde belê het in twee mededingers, General Motors en Chrysler.
Meer as 150 Toyota-handelaars in Washington het wetgewers genader namens van Toyota, wat meer as 8 miljoen voertuie moes herroep as gevolg van kommer oor veiligheid.
Hulle kla dat die Amerikaanse regering onregverdig teenoor Toyota optree. Die Amerikaanse produkte vergelyk nie goed met die Japannese motors nie. Japannese modelle oorheers die toptien verkopers in die VSA.
Paul Atkinson, ‘n Toyota-handelaar van Houston, Texas, het by ‘n mediakonfrensie luide applous gekry toe hy gesê het: “Hoe het ons skielik oornag die skurke geword? Ek begryp dit nie.”
Die motorvervaardiger het nietemin volle verantwoordelikheid aanvaar vir die kwellings wat die maatskappy se optrede aan sy kliënte veroorsaak het.
Volgens inligting het die maatskappy tussen 2009 en 2011 meer as tienmiljoen voertuie teruggeroep omdat daar probleme met die vloermatte en die petrolpedaal was wat skielik onbeheerde versnelling kon veroorsaak.
Die Departement van Justisie in Amerika sê die maatskappy het aanvanklik probeer om die omvang van die probleme te verbloem.
Amerika het die optrede as “skaamteloos” beskryf sonder dat die veiligheid van bestuurders en passasiers in ag geneem is.
Kritici meen egter die Amerikaners kan nie met Toyota meeding nie, en het Japan met verdere optrede gedreig om hul eie motorvervaardigers te beskerm.
Suid-Afrika se “veiligheidsgroepering”, wat die polisie, weermag, openbare werke en staatsveiligheid insluit, het Die Openbare Beskermer, Thuli Madonsela se bevinding oor Nkandla verwelkom.
Die “bevinding” is die jongste Anglo-Amerikaanse aanslag teen BRICS se invloed in Suid-Afrika en teen Jacob Zuma wat hulle nie as ‘n betroubare bondgenoot beskou nie.
Madonsela se verslag het glo bevind dat daar wanadministrasie, bestuurstekorte en die uitbuiting binne die voorsieningsketting was.
Die DA, wat soos AgangSA deur skaduagtige buitelandse miljardêrs befonds word, gaan Donderdag strafregtelike aanklagte by die Nkandla-polisiestasie indien na die bekendstelling van die Openbare Beskermer se verslag oor die wanbesteding en swak bestuur.
Die afvaardiging sal die DA-woordvoerder, Musi Miamane en die DA se federale voorsitter, Wilmot James, insluit. Die DA se Parlementêre leier, Lindiwe Mazibuko, het vroeër gesê hulle is op die punt om met die prosedure te begin om President Jacob Zuma in ‘n staat van beskuldiging te plaas.
Die eensydige berigte in die hoofstroompers oor Nkandla is ‘n duidelike bewys dat die mediamonopolie Anglo-Amerikaanse belange verteenwoordig en nie belangstel in gebalanseerde nuusdekking nie.
Die wapenskandaaldiefstal waar Britse en Duitse agente hul sakke volgestop het met belastingbetalers se geld, beloop miljarde meer as Nkandla, maar die swendelaars sal waarskynlik nooit voor stok gekry word nie.
Die Openbare Beskermer, Thuli Madonsela, het in haar verslag bevind dat Zuma en sy familie onregmatig voordeel getrek het uit die veiligheidsopgraderings aan die president se privaatwoning.
Die DA het nie kommentaar gelewer op die feit dat KwaZulu-Natal se finansies waarskynlik die gesondste in die land is nie, in teenstelling met plekke soos Midvaal of die Oos-Kaap waar die DA hoop om hul invloed uit te brei nie.
Madonsela hou vol met onbenullighede soos die beeskraal, hoenderhok, swembad en besoekers se ontvangsgebied wat nie deel was van die vereiste veiligheidsmaatreëls nie.
Die Presidensie sê intussen die Openbare Beskermer se verslag oor Nkandla bevestig die belangrikheid van Hoofstuk Nege-instellings om die demokrasie te versterk.
‘n Woordvoerder van die Presidensie, Mac Maharaj, sê Zuma was deurlopend bekommerd oor bewerings van wanpraktyke in verband met aankope in die Nkandla-projek en het die Spesiale Ondersoek-eenheid opdrag gegee om die berigte te ondersoek.
Die regering het vroeër sy standpunt herhaal dat alle installasies by die President se privaatwoning noodsaaklike veiligheidsopgraderings was.
Die Front Nasionaal het Woensdag ‘n beroep gedoen vir groter gelykheid tussen partye om ‘n vry, regverdig en geloofwaardige verkiesing te verseker.
Dr Dan Roodt, die party se mediaverteenwoordiger, het na sy inleidende woorde, oorgeslaan na Afrikaans en die media gevra om alle partye ‘n gelyke kans te gee in hul dekking.
Die FN was van die partye wat die Gedragskode vir die verkiesing onderteken het wat vra vir politieke verdraagsaamheid.
Dr Roodt het ook melding gemaak van die belangrike gebeure in die Krim waar die skiereiland dié week ‘n eensydige onafhanklikheidsverklaring uitgereik het.
Talle partye het gesê die Gedragskode moet aangepas word. Mpho Ramakatsa van die EFF sê hulle wil hê die verpligte OVK deposito om aan die verkiesing deel te neem moet hersien word.
Dit volg nadat hulle hofaansoek om die deposito ongrondwetlik te laat verklaar van die hand gewys is. Die EFF wil ook hê dat die SAUK regverdige mediadekking aan alle partye moet gee.
Die VF+ het by monde van Pieter Mulder ironiese grappe uit sy voorbereide aflewering gelees. Hy het in Engels gepraat en gesê: “Politics is about relatives. When you win, the relatives come.” Die VF+ word deur die Mulderfamilie bedryf, met slegs Mulders in die topposisies.
Mulder het ook nie geskroom om blatant te lieg nie, en die gehoor verseker dat die party steeds groei, nadat die VF+ reeds in drie agtereenvolgende verkiesings kwaai stemme verloor het.
Die EFF-leier Julius Malema het meer Twitter-volgelinge as die amptelike opposisie-leier, Helen Zille.
Die hoof uitvoerende beampte van Apurimac Media het Dinsdag gesê die sosiale media gee politici insig oor hoe hul politieke veldtogte deur aanlyngehore voor die algemene verkiesing ontvang word.
Die verkiesing van 2014 is Suid-Afrika se eerste digitale verkiesing.
Die EFF van Malema het die meeste Twitter-volgelinge, met 426.755, gevolg deur die Demokratiese Alliansie met 391.811.
ANC-president Jacob Zuma het 314.149 Twitter.volgelinge, terwyl Agang SA se leier Mamphela Ramphele net 40.066.
Tussen 8 en 14 Maart het Zille 43 keer getwiet, Malema 13 keer, Ramphele 9 keer en Zuma nie een keer nie.
Zille het ‘n “betrokke” Facebook-gehoor, met 6463 gebruikers wat klets oor die kommentaar sy pos, in vergelyking met Malema se 142 en Ramphele se twee.
Niemand het met Zuma gesels nie. Bronne binne die DA sê die Facebook-stryders word aangesê om die blad lewendig te hou.
In terme van Facebook se “hou van”, was Malema aan die voorpunt met 79.700, Zuma met 38.776 , gevolg deur Ramphele met 2496.
Zille het geen gehad nie, want sy het nie ‘n toegewyde Facebook-onderwerpblad nie.
Die DA het die meeste Facebookvriende, met 71.377, die EFF het 64.477 en die ANC het 58.176.
Die Tshwanemetroraad in Pretoria het R19 miljoen beskikbaar gestel om 144.000 swart gesinne by te staan wat deur vloede geraak is, het RSG berig.
Die munisipaliteit sê skade van sowat R124 miljoen is veral in swart gebiede soos Soshanguve, Mabopane, Ga-Rankuwa, Rethabiseng en Mamelodi aangerig.
Die metro het ook vroeër meer as ‘n R100 miljoen beskikbaar gestel om sowat 40.000 huise in Tshwane se dakke te herstel wat aan die einde van verlede jaar deur hael beskadig is.
Dit sal insluit die herstel van die huise en vensters en die vervanging van die asbesdakke wat verlede jaar in November en Desember in die storms beskadig is.
Die Openbare Beskermer, Thuli Mandonsela, het in die jongste skermutseling oor lukratiewe regeringsposte gesê daar is “georkestreerde pogings” om die integriteit van haar kantoor onder verdenking te bring.
Madonsela, die Britte se liefling, is tans besig met ‘n suiweringsveldtog teen president Zuma se vertrouelinge in aanloop tot die verkiesing.
Die verskoning wat die OB gebruik is dat daar te veel “korrupsie” bestaan. Die korrupsie in die ANC is egter vanaf 1994 tasbaar.
Dit is bekend dat Madonsela ook nie ondersoeke teen haar eie ondersteuners van die anti-Zuma-faksie onder leiding van die minister van kuns en kultuur, Paul Mashatile, onderneem nie.
Regeringsamptenare wat skuldig is aan korrupsie moet summier afgedank word, het Mashatile vroeër gesê.
Mashatile het self al miljarde op “kultuurfunksies” verkwis.
“Ons moet korrupsie uitroei. Ons moet nie na altwee kante van die storie kyk wanneer mense van ons openbare hulpbronne steel nie,” het Mashatile tydens ‘n paneelbespreking deur die Swart Bestuursforum in Johannesburg gesê verlede jaar.
“Ons moet hulle afdank sodat daardie hulpbronne gebruik kan word waarvoor dit bedoel is.” Hy het bygevoeg dat die gebrek aan herverdeling van grond die groot probleem is.
“Swart mense geniet steeds nie die besit van grond nie. Dit is ‘n probleem.”
Madonsela het Dinsdag teen Pansy Tlakula van die OVK te velde getrek oor ‘n “onreëlmatige” huurkontrak.
Madonsela se jongste verklaring is gerig teen die minister van Visserye, Tina Joemat Petterson, se besluit om die Noord-Gautengse Hooggeregshof in Pretoria te vra om Madonsela se verdoemende verslag te hersien.
Volgens die verslag het die Minister belastingbetalers se geld verkwis.
Madonsela sê die korrekte prosedure sou wees vir Joemat- Petterson om die kwessie na president Jacob Zuma te verwys en te wag totdat hy daaroor besin het.
Die Openbare Beskermer stel vandag ook haar verslag oor veiligheidsopgraderings by Nklandla bekend.
Die grondgrypers onder leiding van Madonsela wil toenemende politieke druk op die Zoeloe-faksie plaas deur klagtes oor net sekere politieke figure se korrupsie te belig en te sorg dat daar geen ondersoeke teen hul eie faksie onderneem word nie.
Naspers en RSG herhaal klakkeloos en blindelings die propaganda waarvan die uiteindelike doelwit grondgryp is, sonder om hul lesers en luisteraars oor die agtergrond in te lig.
Die Vryheidsfront Plus, die PAC, COPE en IVP het die regering gevra om die bevindinge van die Openbare Beskermer oor die veiligheidsopgradering by Nkandla te respekteer.
Corne Mulder van die VF+ sê die regerende party ondermyn Hoofstuk 9-instellings waarvan die Openbare Beskermer en die Menseregtekommissie deel vorm.
Ná die ondertekening van ‘n ooreenkoms rakende die toetrede van die Krim tot Rusland, bly die Russiese Federasie nog ‘n lid van die G8, het die Duitse kanselier Angela Merkel Dinsdag gesê.
Duitsland, Italië en Frankryk het behoorlik geskarrel om die skade van vroeëre anti-Russiese mediaverklarings oor samewerking tussen geïndustrialiseerde lande te beperk.
Al wat tans gebeur is die opskorting van die voorbereidings deur Westerse lande om die G8 -beraad in Sochi te hou in Junie, het Merkel benadruk.
“Behalwe dit is geen verdere besluite geneem nie,” het die Duitse kanselier gesê.
Merkel het bygevoeg dat wat die G8 betref, “is daar niks verder [gevorder] nie”.
Intussen het Italië se minister van buitelandse sake Federica Mogherini het ook beklemtoon dat “die G8-formaat nie afgeskaf is nie”.
“In die afgelope dae, het vennote uit die groot sewe reeds die besluit geneem het om deelname op te skort in die voorbereiding van die G8-beraad in Sochi. Maar dit verwys na werk in die groot agt-formaat, maar nie na die afskaffing van die formaat self nie,” het Mogherini gesê.
Sy het beklemtoon dat “pogings aangewend word om hierdie formaat te bevestig”.
Die hoof van die Italiaanse diplomatieke diens het ook gesê dat ‘n opsie bespreek bespreek is om honderde Europese waarnemers op ‘n OSCE-missie te stuur.
Vroeër, het die Franse Minister van Buitelandse Sake Laurent Fabius verklaar dat Westerse lande ooreengekom het om Rusland se deelname aan die G8 op te skort.
Fabius het tydens ‘n onderhoud met die radiostasie Europe1 gesê: ” Al sewe voorste wêreldmagte het besluit om Rusland se lidmaatskap op te skort.’
Die Franse minister van buitelandse sake se opruiende uitspraak is kort daarna heftig deur Franse ministerie van buitelandse sake se woordvoerder Romain Nadal ontken.
Rusland bly ‘n lid van die G8 het Nadal gesê. Volgens Nadal het Frankryk geen planne om sy wapenkontrak met Rusland vir die verskaffing van die Mistral-klas skepe te kanselleer nie.
Nadal het naarstiglik die uitspraak probeer kwalifiseer en gesê Fabius het net melding gemaak van ‘n gesamentlike besluit oor die skorsing van die voorbereidings vir die organisasie se beraad wat in Sochi gehou moet word.
Nadal het beklemtoon dat die status van die kontrak vir die lewering van die Mistral-klas skepe na Rusland absoluut nie in gedrang is nie.
Op 17 Maart egter, het die Franse minister van buitelandse sake Laurent Fabius gewaarsku dat Parys kan die kontrak vir die lewering van die Mistral sal kanselleer na Rusland in geval sy beleid teenoor die Oekraïne nie verander nie.
Vandag het die Franse ministerie van buitelandse weereens teruggekrabbel. “Wat ons eintlik bedoel is net die opskorting van die kontrak en niks anders nie. Ons is vasbeslote om te doen wat moontlik is om dit te verhoed dat dit gebeur.” het Nadal by ‘n inligtingsessie gesê.
Nadal het beklemtoon dat net “die derde vlak van sanksies daarby bedoel word”, en dat die situasie nog nie sover gegaan het dat dit oorweeg word nie. Die Franse regering het hul uitnodiging aan president Poetin om Parys te besoek, herhaal.
Vanaf vandaag tot donderdag stemmen Venetië en de Venetianen over de onafhankelijkheid van Italië. Tegelijkertijd wordt daarmee beslist over het lidmaatschap van de EU en de NAVO. “Onafhankelijkheid of de dood”, dat is het motto van de initiatiefnemers van het referendum.
Naar het voorbeeld van Kosovo eisen de Catalanen, Schotten, Basken en de Venetianen hun onafhankelijkheid. De roep van de volkeren naar vrijheid en zelfbeschikking gaat door heel Europa en zal weldra overal te horen zijn. De weg naar een onafhankelijkheid is gemakkelijk te begaan. Volgens internationale toestemming is hiervoor slechts de toestemming van de meerderheid van de bewoners van een regio of stad nodig.
Vanaf vandaag tot donderdag willen de burgers van de stad Venetië en van de provincie Venetië stemmen over de onafhankelijkheid van Italië, evenals over de daarmee verbonden EU-uittreding en het lidmaatschap van de NAVO. De wet over het referendum werd al in 2006 aangenomen door de lokale autoriteiten. Duitstalige media hebben een nieuwsblokkade over dit referendum opgelegd. Men vreest hiermee de “doos van Pandora” te openen, zodat de vonk van de vrijheid en de vrijheidsdrang op de volkeren van Europa, vooral op de Duitsers, Zwitsers en Oostenrijkers, overspringt. Alleen Britse kranten berichten hierover.
68% van de 6 miljoen Venetianen en de bewoners van aangrenzende gebieden (viermaal zoveel inwoners als de Krim) zou voor onafhankelijkheid zijn. Uit een enquête, die door het dagblad “Corriere della Sera” in september 2012 werd uitgevoerd, bleek dit percentage zelfs 80% te zijn.
De vraag van het referendum luidt: “Wilt u dat de regio Venetië een onafhankelijke en soevereine republiek wordt?”
Als het referendum wordt aangenomen, dan willen de aanhangers van de onafhankelijkheid onmiddellijk na het einde van het referendum geen belastingen meer afdragen aan Rome.
Het eindresultaat op donderdag wordt met spanning verwacht. Waar moeten de Venetianen rekening mee houden? Zullen de Amerikanen gevechtsvliegtuigen in Oostenrijk en Albanië stationeren of vanaf het grootste militaire Amerikaanse steunpunt in het buitenland, in Kosovo, Venetië aanvallen en bombarderen? Zal de EU er opnieuw massaal politici op uitsturen en ze op het Mercato de Rialto ophitsen tot een staatsgreep?
Wordt het referendum, net zoals op de Krim, onwettig verklaard en komt de VN-veiligheidsraad bijeen? En waar is überhaupt de OVSE om te ijken of het referendum wel goed wordt uitgevoerd?
Rome heeft al aangekondigd het referendum en het zelfbeschikkingsrecht van de volkeren niet te erkennen en gedreigd met consequenties. Zal Poetin dan hulp sturen en de nieuwe Republiek Venetië bescherming aanbieden net zoals aan de bevolking op de Krim?
Het worden spannende dagen. En we kijken allemaal niet meer naar de Krim, maar naar Venetië, een van de mooiste steden ter wereld.
‘n Forensiese verslag het bevind dat die voorsitter van die Onafhanklike Verkiesingskommissie, Pansy Tlakula, aanspreeklik is vir haar rol in die aankoop van die kommissie se nuwe hoofkwartier.
Thuli Madonsela het namens die Openbare Beskermer vroeër ‘n verslag vrygestel wat toon dat Tlakula ‘n “uiters onreëlmatig” rol in die verkryging van die Riverside Office Park gebou, in Centurion, gehad het.
Die kantoorpark is vir die OVK se hoofkantoor gehuur.
Madonsela het onbehoorlike gedrag en wanadministrasie aan Tlakula toegeskryf, asook ‘n botsing van belange met ‘n mede-direkteur waarmee sy glo romanties betrokke is.
Tlakula is daarvan beskuldig dat sy ‘n romantiese verhouding met die voorsitter van die Parlement se portefeuljekomitee vir finansies Thaba Mufamadi het, wat ‘n 20%-belang in Abland het uit hoofde van mede-direkteurskap in Lehotsa Investments (Edms) Beperk.
Die OB het aanbeveel dat die OVK sy ooreenkoms met Abland hersien, aan wie die kontrak toegeken is om die Riverside Office Park gebou te huur.
Madonsela het aanbeveel dat die Parlement oorweeg om aksie te neem teen Tlakula.
Dit is een van die bevindinge van ‘n verslag wat deur die Nasionale Tesourie aangevra is oor die aankoop van die gebou in Centurion oos van Pretoria.
Die Openbare Beskermer, Thuli Madonsela, het vroeër bevind dat die proses wat Tlakula gevolg het om die huurkoopkontrak van R320 miljoen vir die hoofkwartier te bekom, nie regverdig, deursigtig of mededingend was nie.
Die forensiese ondersoek toon dat die kontrak tussen die OVK en die verhuringsmaatskappy, Abland ook gladnie regverdig of markverwant is nie.
Die betrokke amptenare het luidens die verslag nie die koste oorweeg nie maar dit wat hulle wou hê gekies.
Navorsers waarsku dat skole in Gauteng en die Wes-Kaap oorval word deur leerders wat uit ander provinsies instroom, het RSG berig.
Die Nasionale Instituut vir Rasse-betrekkinge het in onlangse navorsing bevind dat dié twee provinsies die eerste keuses is vir kinders wat beter onderwysgeleenthede soek.
Limpopo en die Oos-Kaap het die meeste leerlinge wat padgee weens swak prestasies en gebrekkige skoolgeriewe.
Die verslag toon dat meer as 150.000 skoolgaande kinders tussen 2001 en 2007 skole in die Oos-Kaap, Limpopo, die Vrystaat en Noordwes verlaat het.
Tussen 2000 en 2012 het die leerlinggetalle by staatskole in die Oos-Kaap en Limpopo met meer as 400.000 afgeneem.
Die Nasionale Rampbestuursentrum is steeds op ‘n gereedheidsgrondslag nadat swaar reëns die afgelope weke tot groot vloedskade en oorstomings gelei het.
Die meeste damme is die noordooste van die land is 100% vol.
Rampbestuur sal gereed staan bly totdat die Suid-Afrikaanse Weerdiens se voorspellings vir swaar reën landwyd afneem.
Die adjunk-minister van Samewerkende Regering, Andries Nel, het Maandag gesê die vloede het reeds die lewens van 32 mense in vyf provinsies die afgelope weke geëis.
Die uiterste weerstoestande het tot vloede, oorstromings en fratsvloede gelei. Daar was 25 verdrinkings alleen, waarvan 12 in Mpumalanga was. Ses mense is dood toe hulle deur weerlig getref is.
In KwaZulu-Natal is ‘n persoon dood toe ‘n muur omgeval het tydens ‘n storm.
Sake-ondernemings in Warmbad (Bela Bela) in Limpopo sê dit sal ‘n paar dae neem voordat werksaamhede na normaal sal kan terugkeer.
Talle ondernemings het deurgeloop onder oorstromings in die gebied. Duisende rande se skade aan infrastruktuur is aangerig.
Vragmotorbestuurders, wat by die Groblersburg-grenspos tussen Suid-Afrika en Botswana vasgekeer is deur hoë watervlakke, het intussen besluit om van ander grensposte gebruik te maak.
‘n Frats-storm in die Bergville-omgewing in KwaZulu-Natal het talle dakloos gelaat toe hulle huise se dakke afgewaai het. Agtien mense is in die storm beseer en een is deur weerlig doodgeslaan.
Die storm het in die Mawusi-gebied Maandag by Bergville gewoed. Kragonderbrekings het voorgekom en bome is ontwortel.
Rampbestuurspanne is na die gebied gestuur. Inwoners in die gebied was teen laatnag steeds besig om van hulle besittings te probeer red.
Alle gegradueerdes, ongeag of hulle opvoeding privaat befonds of betaal is vir deur die Nasionale Studente Finansiële Hulpskema, kan dalk binnekort gedwing word om ‘n jaar se gemeenskapsdiens te doen.
Die gemeenskapsdiens sal soortgelyk wees aan dit wat van studente-dokters verwag word.
Dit is volgens die ANC se nasionale uitvoerende komitee se sub-komitee oor onderwys en gesondheid. Hulle het Maandag gesê hulle sal die voorstel binne die volgende vyf jaar implementeer.
Die komiteevoorsitter Naledi Pandor, die minister van binnelandse sake, en komiteelid Mduduzi Manana, adjunk-minister van hoër onderwys en opleiding, het gegradueerdes se vrese probeer besweer dat hulle gedwing sal word om hul toetrede tot die arbeidsmark uit te stel weens verpligte donkiewerk in die openbare sektor.
Pandor het gesê gegradueerdes sal ‘n jaar se ondervinding opdoen in hul studierigtings.
Dit blyk ook uit die ANC se verkiesingsmanifes wat die basis sal vorm van die nuwe regering se programme.
Op die ANC se konferensie in Mangaung in Desember 2012, het afgevaardigdes van die konferensie se onderwys- en gesondheidskommissie besluit dat oorweging geskenk moet word aan ‘n “gegradueerde belasting vir alle gegradueerdes van hoër onderwys instellings”.
Die belasting was bedoel om die koffers van die Nasionale Studente Finansiële Hulpskema te vul, wat na verwagting ‘n groter rol sou speel in die staat se planne vir gratis onderwys vir alle voorgraadses.
Die belastingvoorstel is uiteindelik geskrap ná groot ongelukkigheid.
Professor Servaas van der Berg, van die Universiteit van Stellenbosch, het die idee verwerp as ‘n “suboptimale” oplossing en dit as ‘n vermorsing van kosbare tyd beskryf.
“Dit sal nie werk nie. Al wat dit sal doen, is om die tydperk waarbinne ‘n mens die arbeidsmark sou betree met ‘n jaar uit te stel,” sê Van der Berg.
“Mense sal in poste geplaas word waarin hulle onderbenut sal wees.”
Hy het opgemerk dat Statistiek SA se arbeidsmagopname aantoon dat die aantal gegradueerde gegradueerdes in diens ongeveer 55.000 is.
Maar dit het ook gewys dat sowat 340.000 gegradueerdes, insluitende houers van diplomas en sertifikate, sonder ‘n werk in 2011 was.
Daar sal bykomende druk op die fiskus wees omdat gegradueerdes ‘n toelae vir hul jaar kry in die staatsdiens sal kry.
Luzuko Buku, sekretaris-generaal van die SA Students’ Congress, het gesê daar oorleg met gegradueerdes wees en mense moet nie gedwing word om te werk in “ondraaglike toestande” nie.
