Etiket: Kenia

Kerry na Afrika te midde van stygende Moslembedreiging

Met die vredesooreenkoms in Suid-Soedan wat aan die uitrafel is en djihadiste wat voortgaan met aanvalle in Somalië, het die Amerikaanse minister van buitelandse sake, John Kerry, in Nairobi aangekom om met Kenia se pres. Uhuru Kenyatta samesprekings te voer.

Die twee het veiligheid in die streek en terrorisme bespreek voordat Kerry ministers van buitelandse sake van Kenia, Somalië, Suid-Soedan en Uganda vir samesprekings ontmoet het.

Die Amerikaanse vredesending na Oos-Afrika is bekommerd oor die verswakkende toestand in Suid-Soedan en ander lande in die streek.

Die ontmoeting was gefokus op die herstel van die mislukte vredesooreenkoms in Suid-Soedan en verkiesings in Somalië wat voor die deur is.

Suid-Soedan sal intussen ‘n Amerikaanse hulppakket van $138-miljoen ontvang, is voorwaardelik aangekondig.

In ’n verklaring wat voor die besoek deur die Keniaanse presidentskantoor uitgereik is, is verduidelik dat die ontmoeting met Kenyatta op streekveiligheid en stabiliteit sal fokus.

Verkiesings vind volgende maand in Somalië plaas en Burundi beleef sedert April 2015 ’n politieke krisis.

Terrorisme was ook op die agenda, vanweë die bedreiging wat Somalië se Al-Sjabaab-militante vir die streek inhou.

Kerry se vorige besoek aan Kenia in Mei 2015 het die weg gebaan vir ’n besoek van pres. Barack Obama, twee maande later.

Die hoë-profiel Amerikaanse diplomatieke sendings beklemtoon Kenia se belangrikheid as streekvennoot vir Amerika, veral wat sekuriteit betref, en is ook ’n aanduiding dat betrekkinge met Kenia aan die verstewig is.

Dié betrekkinge was vir ’n geruime tyd gespanne terwyl Kenyatta voor die internasionale geregshof vir vermeende misdade teen die mensdom tereggestaan het.

Kerry wil die jaaroue vredesooreenkoms in Suid-Soedan, wat tot dusver nie daarin kon slaag om ’n einde aan die konflik te maak nie, weer laat herleef.

Kerry sal ook na Nigerië reis voordat hy Afrika môre onderweg na Saoedi-Arabië verlaat.

Hy sal samesprekings met President Muhammadu Buhari in Abuja voer. Amerika het sedert Buhari verlede jaar aan bewind gekom het, groter veiligheidsondersteuning aan Nigerië gegee teen die Moslemterreurgroep Boko Haram (foto bo).

Intussen het Libië se regeringsmagte, met die steun van Amerikaanse lugaanvalle, verdere vordering met die herowering van Sirte gemaak, het woordvoerders gesê.

Die magte het die sekuriteitsgebou wat deur die Islamitiese Staat-groep (ISIS) as gevangenis gebruik is, die hof, die Al-Naga-distrik en Dubaistraat herower.

Die nuutste oorwinning is in gevegte Sondag “in die aangesig van desperate weerstand van die djihadiste” behaal, lui ’n verklaring.

ISIS se skerpskutterposisies is in twee Amerikaanse lugaanvalle geneutraliseer en regeringsmagte het, sonder enige verlies in eie geledere, twee motorfopvaltoestelle onskadelik gestel.

Rio Spele ingelui deur ‘n ontploffing

Die Rio Olimpiese Spele het met ‘n ontploffing afgeskop toe militêre plofstofdeskundiges ’n verdagte pakket naby aan die eindpunt van die mans se fietswedren by Copacabana-strand opgeblaas en vrees by toe­skouers ingeboesem het.

By ‘n perdesportbyeenkoms in Deodoro, wat op ’n militêre basis is, het ‘n dwaalkoeël deur die seildak van die mediasentrum geskeur en op die vloer beland.

“Alle owerhede het die versekering gegee dat die koeël niks met die Spele of die Olimpiese familie of die media te doen gehad het nie. Die area was nie die teiken nie,” het ’n woordvoerder van die Spele, Mario Andrada, gesê.

Die openingseremonie was ’n glansgeleentheid, met atlete van deelnemende lande wat ouder­gewoonde in die Maracanã Olimpiese stadion deur Griekeland binne­gelei is.

Meer as 11 000 atlete van 206 nasionale Olimpiese komitees, insluitende vir die eerste keer Kosovo en Suid-Soedan, neem vanjaar deel. Altesaam 28 sportdissiplines word aangebied, insluitende sewes-rugby­ en gholf, wat in 2009 deur die internasionale Olimpiese komitee ingesluit is.

Rio de Janeiro is die eerste Suid-Amerikaanse stad om die somer­spele aan te bied. Dit is ook die eerste keer dat die Olimpiese Spele in ’n Portugeessprekende land aangebied word en die hele somerspele in die winter aangebied word.

Die aanloop tot die Spele is deur omstredenheid geteister, insluitende die onstabiliteit van die land se federale regering, kommer oor gesondheid en veiligheid oor die Zika-­virus en ernstige besoedeling in Guanabara-baai.

Dwelmskandale het die Russiese span sowel as die Keniaanse span getref, en meegebring dat talle Russiese atlete verbied is om aan die Spele deel te neem, terwyl die Keniane steeds welkom is.

Dié politiekery om die Russe uit te hou sal sorg vir minder belangstelling. Ook is onthul dat die Spelekomitee nie naastenby genoeg fondse het nie en deur die staat geborg sal moet word.

Ten minste die helfte van Brasilië se inwoners is fel gekant teen die Spele.

Nederlandse ambassadeur in Kenia begaan doodsonde: Eerlikheid

Die Nederlandse ambassadeur in Kenia het ‘n doodsonde begaan: Eerlikheid.

Ambassadeur Frans Makken (foto hierbo) het te ver gegaan met ‘n diplomatieke verduideliking.

In die vakblad viceversa sê Makken naamlik:

“In het verleden hielpen we overheidsinstellingen om hun diensten te verbeteren. Nu lossen we problemen op door samen te werken met de private sector. We geven de programma’s zo vorm dat ze voor bedrijven winstgevend zijn. Daarmee formuleren we dus een eigenbelang waardoor de private sector er ook iets aan heeft. De keuze om geen geld aan de overheid over te maken is een bewuste. Ik zeg het maar gewoon: het is een bodemloze put. Ze werken niet efficiënt en als je er steeds weer nieuw geld in stopt blijven ze dat ook. De efficiëntie moet je zoeken in sectoren waar de marge ertoe doet. In de private sector krijgen we dus veel meer waar voor ons geld.”

Verder in die onderhoud prys Makken die Keniaanse privaatsektor, wat inderdaad indrukwekkende ekonomiese groei toon.

Maar met sy geregverdigde kritiek teen die Keniaanse regering, gaan hy te ver.

Makken is deur minister Lilianne Ploumen ingeroep en oor die kole gehaal vir sy eerlikheid.

“Hij verliest zijn post niet, maar ambassadeur Frans Makken in Kenia wacht een ‘stevig gesprek’ op het ministerie in Den Haag.”

Die PVV wil egter Makken se eerlikheid beloon deur aan te beveel dat ‘n ridderskap aan hom toegeken word.

Aap sorg vir landwye algehele kragverlies in Kenia

Nie ‘n amptenaar nie, maar ‘n aap het die skuld gekry vir ‘n landwye kragonderbreking in Kenia ná hy op ‘n “transformator by ‘n kragstasie geval het”.

Die land aan ooskus van Afrika was Dinsdag sonder elektrisiteit vir meer as drie uur ná die voorval kort ná 11:30 plaaslike tyd.

Die elektrisiteitsmaatskappy Kengen het in ‘n verklaring beweer dat die onderbreking die gevolg was van ‘n aap wat op ‘n kragstasiedak geklouter het en oor ‘n transformator gestruikel het.

“Op 1129 uur vanoggend, het ‘n aap op die dak van Gitaru-kragstasie geklim en oor die transformator gestruikel.

“Dit het veroorsaak dat ander masjiene by die kragstasie oorlaai wat gelei tot ‘n verlies van meer as 180MW by die aanleg, wat ‘n nasionale kragverlies veroorsaak het.

“Die stelsel is intussen herstel en al ons krageenhede word normaalweg bedryf.

“Kengen kraginstallasies word deur elektriese heinings beskerm wat plunderende wilde diere weghou.

“Ons is jammer oor hierdie geïsoleerde voorval en die maatskappy is op soek na maniere om verdere verbetering van sekuriteit by al ons kragsentrales te verseker.”

Intussen duur openbare geweld in Kenia se westelike stad, Kisumu, voort met paaie wat deur brandende buitebande en klippe afgesper word.

Oproeriges eis dat die ­verkiesingsliggaam, wat volgende jaar se verkiesings moet reël, moet bedank.

Die polisie en betogers het sedert láát April herhaaldelik slaags geraak tydens protesoptogte wat byna weekliks deur die opposisie gereël is en waarin die onafhanklike verkiesing- en afbakeningskommissie van partydigheid beskuldig word.

Kisumu en ander dorpe in die weste van die Kenia is opposisievestings en het reeds van die ernstigste g­eweldpleging beleef. Drie mense is in gevegte in die streek op 23 Mei dood.

Die polisie het ook met betogers in Nairobi gebots, waar die opposisie gister vergaderings beplan het.

‘n Vergadering verlede week tussen pres. Uhuru Kenyatta en die opposisieleier, Raila Odinga, kon nie daarin slaag om die spanning te verlig in ’n land wat geneig is om politieke onrus te beleef nie. Geweldpleging ná die 2007-verkiesing het die lewens van ongeveer 1 200 mense geëis.

Die opposisie eis ’n dialoog om die verkiesingskommissie te hervorm.

Verkiesingskommissarisse ontken vooroordeel en sê hulle wil aanbly.

Die regering hou vol dat enige hervormings grondwetlike kanale moet volg, wat ’n petisie aan die parlement vereis waar Kenyatta se Jubilee-koa­lisie ’n meerderheid het.

Kenia verbrand stapels ivoor

Natuurbewaarders van Kenia se natuurlewe dienste (KWS) het olifanttande op ‘n brandstapel in Nairobi se nasionale park uitgepak om te vernietig.

Dié stap is geneem ter voorbereiding van ‘n geskiedkundige verbranding van tonne ivoor, renosterhorings en ander gekonfiskeerde natuurlike trofeë.

Kenia sal op 30 April nagenoeg 105 ton gekonfiskeerde ivoor, byna die hele voorraadstapel van die land, verbrand.

Verskeie Afrika-staatshoofde, bewaringsdeskundiges en hoë profiel filantrope sal die geleentheid bywoon wat hulle hoop ‘n sterk boodskap teen wildstropery sal stuur.

Die vernietiging van ivoor sal die waarde daarvan verder verhoog, en die reeds winsgewende sluik handel verder stimuleer, omdat die produk skaarser raak.

‘n Beheerde mark met streng regulasies kan ‘n oplossing vir baie Afrika-lande wees om ‘n inkomste te genereer en selfs bewaringsinisiatiewe finansier, het Suid-Afrika egter voorheen gesê.

Vier Suid-Afrikaanse lande het geappelleer teen die CITES-ivoorhandelverbod om hierdie rede, waar daar ook ‘n groot voorraad van ivoor is.

Slegte week vir leeus in Kenia

Verlede week was ‘n slegte week om ‘n leeu in Kenia te wees.

Donderdag is ‘n tweejarige leeu bekend as Lemek dood aangetref, met ‘n spies deurboor, het die Kenya Wildlife Service gesê.

Die tweede dooie leeu kom net ‘n dag nadat veldwagters van die diens ‘n ander leeu, Mohawk doodgeskiet het omdat hy glo ‘n swarte van sy motorfiets gestamp het.

Die swarte het vermoedelik self afgeval van skrik, maar het nogtans die leeu blameer vir sy geringe beserings.

Die spoor- en pad-projek wat sny deur die hart van ‘n natuurreservaat, Nairobi Nasionale Park, aan die buitewyke van die hoofstad, veroorsaak dat die leeus probeer om te ontsnap op soek na stiller jagvelde, volgens Reuters.

Beide leeus is in die suide van die park, gestig in 1946, doodgemaak. Die park word tans omring deur krotbuurte.

“Voor die konstruksie in die park begin het, het die leeus nie ontsnap nie, so daar is aanduidings dat die geraas en skietwerk hul bewegings beïnvloed,” sê Robert Ndetei, bewaringbestuurder by die Nairobi-kantoor van die World Wildlife Fund.

Die moorde het min verontwaardiging uitgelok, in teenstelling met wêreldwye woede-uitbarstings oor ‘n wit Amerikaanse tandarts ‘n leeu met ‘n kruisboog doodgeskiet het.

Walter Palmer is selfs deur die Zimbabwiese polisie in verband met aanklagte van stropery gesoek. Die Huisgenoot het selfvoldaan na die tandarts verwys as “die mees gehate man in die wêreld”.

Theo Bronkhorst, ’n professionele jagter van Zimbabwe en eienaar van Bushman Safaris in Bulawayo, moes ook in die hof verskyn het op ’n aanklag van die stroop van ene Cecil.

Die oud-CNN-aanbieder Piers Morgan het getwiet : “Ek sal graag die moordenaar-tandarts dr. Walter Palmer gaan jag sodat ek hom kan opstop en op my kantoormuur kan monteer.”

Die TV-persoonlikheid Sharon Osbourne het op Twitter getwiet sy hoop dat Palmer sy huis, praktyk en geld verloor aangesien hy “reeds sy siel kwyt is”.

“Walter Palmer is Satan. Ek weet nie hoe enigiemand ná dít vir tandheelkundige dienste na die man kan gaan nie. Hy is ‘n moordenaar,” het sy in ‘n daaropvolgende twiet gesê.

Richard Dawkins het alle trofeejagters as “sleg” uitgekryt en “olifant- en renosterstropers is nog erger” het hy getwiet.

Die Suid-Afrikaanse supermodel Candice Swanepoel en die Namibiese model Behati Prinsloo was ook besonder vyandig.

“Hoe durf jy, Walter Palmer! Watter plesier kry jy deur so iets te doen? Dit is ‘n seën om die diere lewendig in hul natuurlike habitat te sien. Jy moet siek wees om so ‘n majestueuse skepping van God te wil doodmaak,” het Swanepoel gesê.

Prinsloo het ​op Instagram uitgevaar: “Verveelde idiote wat dink dat trofeejag ‘n sport is, moet gestop word. Hoe kan ons steeds mense toelaat om hierdie ongelooflike diere te jag.”

In teenstelling word die swart plakkers in Kenia wat dié diere doodmaak, nie deur die media of bekendes veroordeel nie. In plaas daarvan word liters ink verspil oor die onafwendbaarheid van die leeus se krimpende habitat.

Leeu wat man aanval in Nairobi geskiet

’n Man is die week in die buitewyke van Kenia se hoofstad, Nairobi deur ’n leeu aangeval en beseer waarna natuurbewaarders die leeu van kant gemaak het.

Dit is die vierde keer vanjaar dat leeus buite die Amboseli Nasionale Park in Kaijado rondloop en die tweede keer in twee weke dat iemand deur ’n leeu aangeval en beseer word.

Die donkermaanhaar-leeumannetjie is in ’n beboude gebied in die suide van die hoofstad doodgeskiet, het AFP berig.

’n Woordvoerder van Kenia se afdeling vir natuurbewaring, Paul Udoto, sê die beseerde man is na ’n nabygeleë hospitaal geneem.

In vorige voorvalle vanjaar is die leeus óf teruggejaag na die 117 vierkante kilometer natuurreservaat óf het die diere self na die park teruggekeer.

Die reservaat is byna heeltemal omring deur die vinnig groeiende stad met meer as drie miljoen mense.
Die park is nie heeltemal omhein nie ten einde ruimte te laat vir die tradisionele migrasie van diere op soek na weiding.

Die groot katte is onder toenemende druk van een van Afrika se vinnigste groeiende stede wat inbreuk maak op eeue ou migrasieroetes en jagvelde.

SANParke in Suid-Afrika het intussen gesê die rondloperleeu, Sylvester, sal slegs van kant gemaak word as laaste uitweg.

Die bewaringsowerheid het gister planne aangekondig om Sylvester uit te sit wanneer hy weer gevang is, maar dit het tot ‘n hewige reaksie in die sosiale media gelei.

Die leeumannetjie het Maandag vir die tweede keer uit die Karoo Nasionale Park naby Beaufort-Wes ontsnap. Hy is nog nie weer gevang nie.

‘n Woordvoerder van SANParke, Wanda Mkutshulwa, sê daar is verskeie opsies beskikbaar waarvan een is om die leeu na die wildtuin terug te neem.

Hulle kan dit ook oorweeg om die leeu na een van hulle ander nasionale parke te verskuif. n Derde opsie is om Sylvester aan ‘n ander staats- of nie-staatsinstansie te skenk.

‘Keniane is ervare misdadigers’

Keniane is “ervare met diefstal en pleeg van ander misdade” het hul president tydens ‘n staatsbesoek aan Israel verklaar.

Uhuru Kenyatta het bygevoeg dat Kenia “20 keer meer wonderlik” is as Israel, maar “al wat ons ooit kan doen is kla”.

Sy kommentaar is glo ‘n poging om Keniane aan te moedig om hul land te ontwikkel, soos Israel glo reggekry het.

Kenyatta het hand geskud met die Israeliese eerste minister, Benjamin Netanyahu, op ’n gesamentlike mediakonferensie in Jerusalem.

Hy het vandeesweek ’n staatsbesoek aan Israel gebring met verskeie samewerkingsooreenkomste wat tussen Kenia en Israel gesluit is.

Daar is egter baie Keniane wat glo dat die president se toespraak net leë retoriek is, en dat hy nie ernstig is oor die aanpak van korrupsie of etniese verdeeldheid nie.

Hulle kla dat etnisiteit bepaal of hulle in die regering werk kry, en omkopery en korrupsie is aan die orde van die dag.

Kenyatta is vroeër beskuldig deur die Internasionale Strafhof (ICC) van misdade teen die mensdom omdat hy na bewering etniese geweld tydens die verkiesing in 2007 aangemoedig het, waarin meer as 1200 Keniane omgekom het.

Maar die saak is laat vaar in 2014 na die aanklaer se kantoor gesê het hulle het nie genoeg bewyse teen hom nie.

Internasionale Strafhof val vas met Kenia-saak

Kenia se adjunkpresident, William Ruto, se regsgeleerde het die Internasionale Strafhof (ICC) aangeraai om die klagte van misdade teen die mensdom teen hom te laat vaar.

Die aanklaers nie daarin kon slaag om sy rol in verkiesingsverwante bloedvergieting te bewys nie.

“Die bewyse is nie daar nie,” het Karim Khan die drie regters wat op die bank was verlede week meegedeel, waar Ruto teregstaan vir sy aandeel in die dodelike 2007-2008 verkiesings­geweld.

Ruto (49) en sy medebeskuldigde, die eienaar van ’n radiostasie, Joshua arap Sang (40) staar drie klagte van misdade teen die mensdom, insluitende moord, gedwonge deportasie en vervolging in die gesig.

Pogings in Suid-Afrika om Soedan se president voor die Hof te daag, is besig om stoom te verloor.

Suid-Afrika het ‘n plig ingevolge die internasionale reg om die immuniteit van ‘n dienende hoof van ‘n vreemde staat te respekteer.

Onder Suid-Afrikaanse reg, sou dit ‘n misdaad wees om hierdie immuniteit te skend.

Die Hooggeregshof in Pretoria het in Junie verlede jaar bevind dat die regering se besluit om nie die Soedanese president Omar al-Basjir aan te hou nie, strydig is met die grondwet.

Egipte het intussen dié week ‘n amptelike uitnodiging aan Al-Basjir gerig om ‘n Afrika-beraad in Egipte by te woon.

Al-Kaïda gebruik Trump vir werwing

Al-Kaïda se Oos-Afrika-filiaal het ‘n werwingsvideo uitgereik wat swart Amerikaners en Moslems teiken en ‘n videogreep van die presidentskandidaat Donald Trump insluit waar hy sê Moslems moet verbied word om Amerika binne te gaan.

Die 51-minute lange video deur die Somaliese al-Sjabaab militante groep stel Amerika voor as ‘n land met geïnstitusionaliseerde rassise teen swartmense wat ook Moslems vervolg.

In die video word vertel van verskeie Amerikaners van Minnesota wat by al-Sjabaab aangesluit het en nou in Somalië veg, het AP berig.

Al-Sjabaab veg teen die internasionaal erkende Somali-regering. Die groep is in 2011 met die hulp van troepe van die Afrika-unie uit Mogadishu verdryf.

Die militante het desondanks verskeie guerrilla-aanvalle in Somalië en lande wat soldate vir die AU-mag bygedra het, soos Kenia, Djibouti en Uganda, uitgevoer.

Trump se advertensieveldtog sal Maandag afskop. Die Republikeinse presidensiële kandidaat se langverwagte eerste advertensie is deel van ‘n reeks wat uitgesaai sal word in die laaste maand voor die Iowa-koukusse.

Trump het belowe om ten minste $2 miljoen per week op die advertensies te bestee.

Die video verwys na die VSA se “suidelike grens” met Meksiko, maar beelde wat gebruik word vir die swart toestroming is van die klein Spaanse enklawe op die vasteland van Marokko.

Migrante probeer die grens van Melilla oorsteek, een van die twee enklawes aan die Marokkaanse kus wat deel is van Spanje.

Sodoende kan hulle die Europese Unie bereik, selfs al is hulle nog steeds op die Afrika-kontinent.

Trump het die Demokratiese kandidaat Hillary Clinton uitgedaag om sonder gewapende lyfwagte te reis om te bewys dat gewere onveilig is.

“Hillary het gesê dat gewere jou nie veilig hou nie. As sy werklik dit glo, moet sy eis dat haar swaar gewapende lyfwagte vinnig ontwapen word!” het Trump Sondag in ‘n twiet gesê.

As ‘n voormalige eerste dame en nou as ‘n presidensiële kandidaat, beskik Clinton oor die beskerming van gewapende veiligheidsagente.

Sy het ook ‘n lang rekord van wapenbeheer, en het in Oktober gesê sy sal as verkose president geweerverkope ten seerste bekamp, met beperkings op mense wat as ideologies gevaarlik beskou word.

President Barack Obama sal hierdie week na verwagting uitvoerende maatreëls uitreik om meer beperkings op wapenverkope te plaas.

Trump het gesê as verkose president sal hy onmiddellik enige sodanige uitvoerende aksie veto.

Wapenverkope in die VSA het intussen die hoogte ingeskiet.

Air France doen noodlanding in Kenia

Verskeie passasiers word nog deur die Keniaanse owerheid ondervra nadat ‘n verdagte pakkie aan boord van ‘n vliegtuig van Air France gevind is.

Die bomdreigment het veroorsaak dat die Boeing na Mombasa in Kenia herlei moes word.

Die vliegtuig was van Mauritius af op pad na Parys toe die pakkie opgemerk is. Air France het die Keniane se bewering verwerp dat die pakkie ‘n bom bevat het, en gesê dit was ‘n vals alarm.

Volgens die Britse Uitsaaikorporasie blyk dit dat die pakkie net ‘n kartondoos was wat met ‘n kombuistydhouer toegerus was.

Air France se vliegtuig moes by die Internasionale Lughawe Moi in die vroeë ure Sondagoggend ‘n noodlanding uitvoer.

Die twee verdagtes aan boord van die vliegtuig het in Mauritius opgeklim.

Beide die vliegtuig en die lughawe is veilig ontruim terwyl die toestel verwyder is van die vliegtuig.

Sowat 459 passasiers en 14 bemanningslede van die Boeing 777 is deur die Keniaanse owerhede ontruim.

Een van dié aan boord, Benoit Lucchini, het gesê passasiers was kalm en is deur die bemanning vertel dat hulle van die roete afwyk as gevolg van ‘n tegniese probleem.

“Die vliegtuig het gedaal, stadig, stadig, stadig, so ons het besef dat daar waarskynlik iets verkeerd is,” het hy gesê.

“Maar die personeel van Air France was fantasties, net wonderlik. Hulle het almal kalm en regtig stil gehou.”

Senior speurders van Frankryk het in Nairobi aangekom om te help met die komplekse ondersoek in die nasleep van die terroriste-aanvalle die afgelope maand in Parys, waarin 130 omgekom het en waarvoor die terroriste groep, die Islamitiese staat verantwoordelikheid aanvaar het.

ISIS het ook verantwoordelikheid aanvaar vir die aanval op die Metrojet 9268, van die Russiese lugredery Kogalymavia, wat in die noordelike Sinai op 31 Oktober 2015, neergestort het.

Air France het dit as ‘n daad van aggressie teen die redery bestempel, en gesê die skuldiges sal vervolg word.

Terroris van aanval op universiteit vas

‘n Amerikaans-gebore Islamitiese rebel wat vermoedelik een van die aanhitsers was van die terreuraanval op die Garissa-universiteit in Kenia vroeër vanjaar, het homself die naweek aan die Somaliese weermag oorgegee.

Abdimalik Jones het onlangs weggebreek van al-Sjabaab om aan te sluit by vegters wat die Islamitiese Staat (ISIS) ondersteun, het dpa berig.

Somaliese soldate het hom gevind waar hy naby die hawestad Barawe in die Laer Shabelle-streek weggekruip het. Hy is beveel om homself oor te gee.

Sowat 148 mense, meestal studente, is dood toe al-Sjabaab-militante in April op die kampus in die noordooste van Kenia toegeslaan het.

Jones sal na Mogadisjoe geneem word waar hy verder ondersoek sal word.

Terreur-oefening lei tot dood van student

Mediese beamptes moes bystand verleen aan beseer­de studente by die Nairobi-wes hospitaal in Kenia.

‘n Veiligheidsoefening om die Strathmore Universiteit se gereedheid in geval van ‘n terroriste aanval te toets, het skeefgeloop en ‘n stormloop het gevolg nadat geweerskote gehoor is.

Een persoon is dood en 20 is in die voorval beseer.

Vreesbevange studente het by uit vensters uitgepeul na die geweerskote gehoor is.

Die skote het tot paniek onder die 5000 studente gelei.

Daar was ook berigte dat algehele chaos geheers het. Spanning loop hoog in Nairobi, wat reeds talle kere getref is deur ISIS-terreur in die vorm van die al-Sjabaab-groep.

Die plaaslike radiostasie Nation FM het eers nadat die chaos uitgebars het, getwiet dat die skote deel is van ‘n terreur-oefening.

“Dit was net ‘n oefening,” het Jafet Koome, die polisiebevelvoerder in die hoofstad aan Reuters gesê.

Die Pous, wat ses dae gelede besoek gebring het aan die land, het gesê hy is meer bekommerd oor muskiete as oor Moslemterreur.

Tydens die Pous se besoek is 10 000 polisielede in Kenia ontplooi.

Afrika maak reg vir Pous

Afrondingswerk is aan die gang vir die Pous se besoek aan Afrika.

Honderde geraamde portrette van pous Franciskus is in Nairobi gereed vir wanneer die geestelike sy verskyning daar maak.

Die pous besoek Kenia, Uganda en die Sentraal Afrikaanse Republiek vanaf 25 tot 30 November.

Kenia gaan tot 10 000 polisiebeamptes ontplooi. Die land verwag skares so groot as een miljoen mense.

Volgens berigte in Le Figaro en ander Franse koerante, het die Franse weermag die Vatikaan afgeraai om te reis, en sê hulle die veiligheid van die Pous kan nie gewaarborg word nie.

‘n Franse amptenaar het gesê die verantwoordelikheid vir die veiligheid “is in die hande van die VN-sending”. Die Franse het tans 900 soldate in die Sentraal-Afrikaanse Republiek, ter ondersteuning van die VN-sending van 11.000 soldate.

Die aanvalle in Parys het kommer oor die veiligheid van die geestelike leier geskep, sê Federico Lombardi, die Vatikaan-woordvoerder, en bygevoeg dat toestande ver van “rustige en vreedsaam” is.

Die Islamitiese staat, wat die skuld dra vir die aanvalle in Parys, het dreigemente gemaak om Rome aan te val, insluitend in ‘n video hierdie week. Sekuriteit in Rome en die Vatikaan is sigbaar strenger in die afgelope dae.

Die twee dekades van konflik in die Sentraal-Afrikaanse Republiek het ‘n godsdienstige dimensie. Oor die afgelope twee jaar het politieke geskille ontaard in grusame sektariese aanvalle tussen Christene en Moslems.

Die VN beskuldig Christene van “etniese suiwering” in die land.