praag.co.za

Tag: bewaring

  • Renosters ook deur TB bedreig

    Renosters ook deur TB bedreig

    Wetenskaplikes het bevestig dat tuberkulose (TB) wat van mense na wilde diere in aanhouding oorgedra is, onder renosters maai.

    In aanhouding het olifante en renosters dit by mense aangesteek.

    Enige soogdier kan die siekte dus deur aanraking met TB-lyers opdoen, maar omdat die siekte jare kan neem om te manifesteer, is dit baie moeilik om te diagnoseer.

    Teen die tyd dat die diagnose dus gemaak word, is dit al byna te laat en het die dier weer ander diere aangesteek.

    In navorsing van die Suid-Afrikaanse Mediese Navorsingsraad (MNR) en die Universiteit Stellenbosch (US) toon dat TB nog verdere verliese aan renosters kan beteken.

    En benewens stropery wat ‘n kopseer geraak het, word ander wild ook bedreig.

    ‘n Nuwe bloedtoets vir renosters kan opsporing van die siekte in wilde diere vergemaklik. Daar is reeds so ‘n toets vir buffels beskikbaar.

    Navorsers aan die US sê omdat renosters se getalle daal, is verdere verliese kommerwekkend. Van die renosters is in gebiede waar TB endemies is.

    TB (Mycobacterium bovis) in buffels is aanvank­lik veroorsaak deur siek beeste en het toe na leeus, wildsbokke, vlakvarke en ander diere versprei.

  • Olifante se toekoms lyk donker

    Olifante se toekoms lyk donker

    ’n Meerderheid van twee derdes van Cites se lidlande het by die 17de Vergadering (COP17) van die Konvensie op Internasio­nale Handel in Bedreigde Spesies (Cites) in Johannesburg besluit om ivoorhandel finaal die nekslag toe te dien.

    Hulle het ‘n raamwerk waarbinne ivoorhandel bespreek en bedryf kan word, verwerp.

    Amerika se afgevaardigdes op die beraad het aanbeveel Cites moet sy hulpbronne fokus daarop om olifante te “beskerm”, iets wat ivoorhandel beslis sou kon doen.

    Namibië, Zimbabwe en Suid-Afrika het daarom gehoop om Cites te oorreed om van hul verbod teen ivoorhandel af te sien, maar tevergeefs.

    Dié lande in Suider-Afrika wil graag hul groot voorraad ivoor van die hand sit om die geld in bewaring terug te ploeg, maar Cites wou geen rede insien nie.

    Die Internasionale Fonds vir Dierewelsyn (Ifaw) het gesê dit kom daarop neer dat Suid-Afrika, Namibië en Zimbabwe hul ivoor nie sal kan verhandel nie.

    Alhoewel ‘n amptelike besluit hieroor nog geneem moet word, is dit glo blote formaliteit.

    Jason Bell, direkteur van Ifaw se olifantprogram, het die nuus as “fantasties” beskryf en gesê “redelikheid” het uiteindelik geseëvier.

    Die toekoms van olifante lyk volgens hom nou rooskleuriger, maar die teendeel is egter waar. Daar is slegs 450 000 olifante oor weens stropery. Gereguleerde handel sou die stropers se taak bemoeilik het.

    Kenia, die Demokratiese Republiek van Kongo en Tsjad, het die aanslag teen Suid-Afrika gelei.

  • Leeuteel: Jagters gebraai, maar stropers nie

    Leeuteel: Jagters gebraai, maar stropers nie

    ‘n Toerisme deskundige, Melville Saayman sê, om volhoubare toerisme en ekonomiese groei in Suid-Afrika te verseker, moet ‘n leeuteelprogram ontwikkel word.

    Saayman het al voorheen oor die implikasies van die jag van leeus in gevangenskap gepraat.

    Sekere vyandige nieregeringsorganisasies wil kwessies rakende die jag van sulke leeus en ander roofdiere vir kommersiële doeleindes by die 2016 Internasionale Unie van Natuurbewaring se World Conservation Congress wat tans aan die gang is in die VSA, aan die groot klok hang.

    Die aktiviste het al groot skade aan Suider-Afrika se beeld as ‘n jag- en toersite bestemming berokken met histeriese veldtogte soos dié een van Cecil die leeu wat deur ‘n Amerikaanse tandarts in Zimbabwe geskiet is.

    Die tandarts, Walter Palmer, word nou verantwoordelik gehou vir die uitroei van wildlewe oor die hele kontinent, waarskynlik omdat hy wit en welvarend is. Die aktiviste rep nie ‘n woord oor swart stropers (foto bo) nie, die werklike probleem.

    Saayman sê ‘n duidelike onderskeid moet getref word tussen geblikte jag en die jag van diere in gevangenskap.

    Die jongste verslag oor spesiegetalle in Suider-Afrika toon dat Suid-Afrika en Namibië die enigste twee lande is waar wild toeneem. Die res van Afrika ervaar hoë vlakke van stropery en ‘n afname in die aantal wilde diere.

    Dit impliseer dat uit ‘n bewaringsoogpunt doen wild in Afrika oor die algemeen nie goed nie en een van die redes hiervoor is omdat jag, ook geblikte jag, groot waarde skep wat help met bewaring.

    Maar anti-jag aktiviste glo dat fotografiese safari’s ‘n natuurlike en ‘n beter plaasvervanger sal wees.

    Die werklikheid is dat dit nie maklik is om jagters met fotografiese toeriste te vervang nie omdat fotojagters baie minder bestee as jagters. Laasgenoemde vereis ook ‘n groot mate van vaardigheid, iets waaroor ‘n toeris met ‘n kamera nie beskik nie.

    Kenia is ‘n goeie voorbeeld van waar ‘n verbod op jag totaal misluk het. In die 1970’s het Kenia olifantjag verbied nadat hul getalle afgeneem het. Dit het egter geen verskil gemaak aan die groot spelers in ivoorhandel nie.

    Ivoor ervaar steeds so ‘n groot aanvraag dat amptenare maklik omgekoop kan word. Vandat die verbod in plek gestel is, word drie keer die aantal olifante geskiet of in strikke gevang, ‘n ramp vir bewaring en toerisme.

    ‘n Verbod op jag is nie die antwoord op die kwessies wat deur beide die anti-jagvoorstanders en sekere Britse bewaringsinstansies geopper word nie.

    Daar is baie voorbeelde in Suid-Afrika wat bewys dat goed bestuurde jag ekonomiese voordele genereer asook bydra tot bewaring. Die gevaar is dat redelike argumente op dowe ore sal val.

  • Waterskilpaaie ontwrig lugverkeer by JFK

    Waterskilpaaie ontwrig lugverkeer by JFK

    Meer as 400 waterskilpaaie het vlugte in New York vertraag omdat hul broeigebied naby die aanloopbane by die John F. Kennedy Internasionale Lughawe is.

    Tot dusver is 396 skilpaaie opgemerk by JFK-lughawe tydens migrasie vanjaar wat tans aan die gang is.

    Associated Press berig van die diertjies het oor die aanloopbane begin kruip en werkers moes hulle inderhaas bymekaarmaak voordat hulle in die pad van vliegtuie beland.

    Dit gebeur blykbaar gereeld dat die diere hul weg na die lughawe vind en plastiekversperrings wat aangebring is, blyk min effek te hê.

    Die waterskilpaaie is intussen na ‘n plek van bewaring geneem naby Jamaica Bay.

  • Polisie brand los op San-jagters in Namibië

    Polisie brand los op San-jagters in Namibië

    Die Namibiese polisie het op ‘n groepie Barakwena San in die westelike deel van die Zambezi-streek losgebrand terwyl hulle op ‘n oes-ekspedisie vir duiwelsklou was.

    Die San het ‘n permit van die ministerie van die omgewing en toerisme om duiwelsklou in die Bwabwata nasionale park te oes. ‘n Paar mans, vroue en ‘n baba het die dag voor die skietvoorval in die veld in die omgewing van Chetto gekamp.

    Namibië voorsien tans in 97 persent van die wêreldvraag na duiwelsklou wat veral in Duitsland verwerk word as ‘n kruiemedisyne teen onder meer rumatiek en ander gewrigkwale.

    Een lid van die San wat in die bene geskiet is, verkeer in ‘n kritieke toestand.

    Die San beplan om ‘n klag van poging tot moord teen die betrokke owerheid aanhangig te maak.

    John Johannes is in albei bene gewond en is na die Andara-staatshospitaal gebring.

    ‘n Verteenwoordiger van die Barakwena-mense, John Mundai Sililo, sê die groep het uitgekamp toe die polisie op die toneel opdaag en sonder enige waarskuwing op hulle begin skiet het.

    Die voorval is bevestig deur Mushavanga David van die Kwe San, wat ook op die raad van die Namibiese San dien.

    David sê ongeveer 20 skote is sonder aansiens des persoons met outomatiese wapens op die groep afgevuur “soos in ‘n oorlog”.

    “Die gemeenskap vrees nou vir hul fundamentele menseregte en wil regsadvies oor die aangeleentheid inwin,” het David aan Republikein gesê.

    Hy sê die groep oes-insamelaars het op Vrydag 1 Julie gaan kamp toe hulle ongeïdentifiseerde voetspore opgemerk het. Hulle het die bewaringsbeampte telefonies van die Chetto-kliniek af hieroor ingelig.

    Op Sondag 3 Julie het hulle op reaksie gewag, maar teen sonsondergang het niks nog gebeur nie. Hy sê die spesiale veldmag het die volgende dag omstreeks 08:00 by die kamp opgedaag en van tussen 20 en 30 meter af op die uitgelewerde groep San begin skiet.

    “Wat die groep en die gemeenskap verwar, is die geskietery op mense tydens die seisoen om duiwelsklou te oes,” het David gesê.

    Sililo sê diegene wat duiwelsklou oes, lig gewoonlik die plaaslike polisie en raadslede van die nedersetting in alvorens hulle in die bos ingaan.

    Gevolglik moes die teenstroping-eenheid die plaaslike mense geraadpleeg het en die inligting gebruik het om te besef dat hulle waarskynlik op die duiwelklou-oes-insamelaars sou afkom terwyl hulle na die vermeende wilddiewe soek.

    Dié plantsaad waarvan kruiemedisyne gemaak word en waarvan Namibië die wêreld se voorste uitvoerder is, is amptelik op ‘n skedule van die Konvensie oor Internasionale Handel in bedreigde spesies, CITES, geplaas ondanks verset deur Namibië.

    Duitsland, die grootste invoerder van duiwelsklou het die aansoek teen Namibië in 2002 gebring.

  • Breëkoparendster van TV-reeks word boskos

    Breëkoparendster van TV-reeks word boskos

    ‘n Breëkoparend uit die Kruger Nasionale Park, die ster van ‘n Britse bewaringstelevisiereeks Fierce, is deur bestaansboere in Mosambiek gejag, het navorsers van die Universiteit van Kaapstad bevestig.

    Die wyfiebreëkoparend van 4,6kg is vroeër vandeesmaand tydens ‘n dokumentêre program deur ‘n bekende TV-aanbieder Steve Backshall aan kykers voorgestel.

    Die voël is toe toegerus met ‘n GPS-toestelletjie onder die wakende oog van die Britse span wat hierdie seldsame groot roofvoëls kom verfilm het.

    Maar net ‘n paar weke later het die geveerde ster in die strik ‘n honger jagter in landelike Mosambiek beland, het die Universiteit van Kaapstad se navorsers gesê.

    ‘n Navorser van die Percy FitzPatrick Instituut vir Afrika Ornitologie se Sentrum vir Uitnemendheid by die Universiteit van Kaapstad, sê die voël se daaglikse patroon het skielik verander en hulle het onraad vermoed.

    Die span het deur onherbergsame terrein gereis om die reste van die arend te probeer opspoor.

    Hulle het uiteindelik die voël gekry met sy nek in ‘n strik vas, waarskynlik gestel om klein wildsbokke te vang.

    Dit is die derde volwassene arend uit agt wat toegerus was met GPS wat binne drie jaar dood is. Twee ander het ook in jagters in Mosambiek se kospotte beland.

    Daar was nog geen uitbarstings deur glanspersoonlikhede oor dié verwikkeling nie.

  • Swart wildbewaarder skop ietermago genadeloos vir foto

    Swart wildbewaarder skop ietermago genadeloos vir foto

    ‘n Video van ‘n swart veldwagter se vreemde houding teenoor ‘n ietermago is op YouTube gelaai.

    Die veldwagter het tydens ‘n nagrit by Punda Maria in die Kruger Nasionale Park uit sy voertuig gespring en die dier hardhandig begin skop sodat hy ‘n foto kon kry.

    “Hy het later gesê hy wil teruggaan om die dier te vang, sodat hy die publiek geld kan vra om dit te sien,” het Jason Janse van Vuuren in beskrywing van die video wat hy opgelaai het, gesê.

    Volgens Reynold Thakhuli, die waarnemende hoof van kommunikasie by Sanparke, is hulle bewus van die video en ondersoek tans die voorval.

    Elke spesie van ietermago is tans bedreig, deels as gevolg van die vraag na ietermagovleis en -skubbe in Asië.

    “In sommige kulture word geglo dat ietermagoë genesende kragte besit en om hierdie rede hulle word gereeld in tradisionele medisyne gebruik. Ietermagoë word ook beskou as ‘n lekkerny en is in groot aanvraag in lande soos China en Viëtnam. Dit is wat hulle die meeste verhandele dier in die wêreld maak, “volgens Sanparke.

    Afrikaspesies word toenemend geteiken weens die skerp afname in die bevolkings van hul Asiatiese neefs.

    Volgens bewaringsinstansies is vier ton Afrika-ietermagoskubbe deur die Hong Kong owerhede in beslag geneem in Junie.

    Dit verteenwoordig ongeveer 1100 tot 6600 individuele diere.

  • Kenia verbrand stapels ivoor

    Kenia verbrand stapels ivoor

    Natuurbewaarders van Kenia se natuurlewe dienste (KWS) het olifanttande op ‘n brandstapel in Nairobi se nasionale park uitgepak om te vernietig.

    Dié stap is geneem ter voorbereiding van ‘n geskiedkundige verbranding van tonne ivoor, renosterhorings en ander gekonfiskeerde natuurlike trofeë.

    Kenia sal op 30 April nagenoeg 105 ton gekonfiskeerde ivoor, byna die hele voorraadstapel van die land, verbrand.

    Verskeie Afrika-staatshoofde, bewaringsdeskundiges en hoë profiel filantrope sal die geleentheid bywoon wat hulle hoop ‘n sterk boodskap teen wildstropery sal stuur.

    Die vernietiging van ivoor sal die waarde daarvan verder verhoog, en die reeds winsgewende sluik handel verder stimuleer, omdat die produk skaarser raak.

    ‘n Beheerde mark met streng regulasies kan ‘n oplossing vir baie Afrika-lande wees om ‘n inkomste te genereer en selfs bewaringsinisiatiewe finansier, het Suid-Afrika egter voorheen gesê.

    Vier Suid-Afrikaanse lande het geappelleer teen die CITES-ivoorhandelverbod om hierdie rede, waar daar ook ‘n groot voorraad van ivoor is.

  • Stropers se gif lei tot bewaringstragedie

    Stropers se gif lei tot bewaringstragedie

    Stropers gebruik deesdae gif teen wild in Suid-Afrika se Nasionale Parke.

    Die Kruger Nasionale Park (KNP) het Saterdag op ‘n olifantkarkas, 110 dooie witrugaasvoëls, twee leeumannetjies en twee jakkalse afgekom wat weens wildvergiftiging gevrek het.

    Daar is nog net 1 000 aasvoël-broeipare in die Nasionale Kruger Wildtuin oor. Die meer as 100 aasvoëls wat nou vergiftig is, is ‘n bewaringstragedie.

    Die olifantkarkas is gevind met geweerskote in sy kop, sy tande is verwyder en gif is daarop gekry. Aasdiere in die omgewing van die olifantkarkas is vergiftig nadat hulle van die blootgestelde dele van die karkas gevreet het.

    “Dit wil voorkom asof stropers hulself tot wildvergiftiging in die Nasionale Parke en ander beskermde gebiede in Suider-Afrika gewend het en ons natuurlewe daarmee wil verwoes. Wildvergiftiging is nie net ‘n bedreiging vir ons biodiversiteitbates nie, maar ‘n enkele voorval kan honderde spesies beïnvloed,” het ‘n bestuurder van die park gesê.

    Hy het gesê deur in te meng met die duur van die diere se lewensiklus, is hul ekologiese rol beïnvloed.

    Verlede jaar het die Park ‘n soortgelyke voorval aangemeld waarin een olifant en vier Afrikaleeus dieselfde oorgekom het, met 46 aasvoëls en 1 Bateleur wat ook aan vergiftiging gevrek het.

    In nog ‘n voorval van doelbewuste vergiftiging van rooijakkalse en ander klein roofdiere in die Addo Olifant Nasionale Park in 2014, is dieselfde werkswyse om wild dood te maak deur middel van vergiftiging, opgemerk.

    Die anti-stropereenheid se vinnige reaksie het verhoed dat die uitkoms nog erger kon gewees het.

    Alhoewel vergiftiging op ‘n lae vlak teenwoordig is, is dit ‘n werklike probleem in buurlande soos Mosambiek en Zimbabwe.

  • Nog 22 olifante in Zim vergiftig

    Minstens 22 meer olifante is dood nadat hulle deur vermeende wilddiewe naby Zimbabwe se grootste wildreservaat vergiftig is, het AFP berig.

    “Ons het Maandag 22 olifantkarkasse in die Sinamatela-gebied ontdek en tot dusver het ons 35 olifanttande gevind,” het Caroline Washaya,die woordvoerder van die ­bestuursowerheid vir parke en natuurlewe, gesê.

    Die onlangse sterftes volg skaars twee weke nadat 26 olifante weens vergiftiging in twee afsonderlike gevalle buite die Hwange nasionale park naby Kariba en na aan die grens met Botswana dood is.

    Verlede maand is minstens 14 olifante aan vergiftiging in verskillende aanvalle dood.

    Wilddiefstal is algemeen in Zimbabwe se nasionale parke met olifante en renosters wat vanweë hulle tande en horings, die hoofteikens is. Dit word dan na lande in Oos-Asië gesmokkel.

    Verlede jaar is meer as 300 olifante dood nadat wilddiewe sianied naby hul watergate geplaas het.

  • Vrystaatse renosters deur hommeltuie beskerm

    Terwyl plaasmoorde en -aanvalle voortwoed, kan renosters darem voortaan rustig slaap.

    Die department van omgewingsake en natuurbewaring in die Vrystaat gaan die stryd teen renosterstropery met meer gevorderde tegnologie aanpak nadat ‘n toenemende getal renosters die afgelope maande aansienlik in die provinsie gestroop is.

    Die departement se Coenie Erasmus, wat in beheer is van die Groenskerpioene wat voorvalle van wilddiefstal, insluitend renosterstropery, ondersoek, sê weens ‘n tekort aan mannekrag en duur gevorderde toerusting, is altesaam ses renosters die afgelope maand op private grond en in reservate in die provinsie doodgeskiet.

    Hy sê die department gaan voortaan hommeltuie gebruik met ‘n nagsigfunksie om renosterstropery te bekamp. Hy sê natuurbewaarders het nie die vermoë en die nodige toerusting om die stryd teen slinkse tropers te wen nie, terwyl ‘n hommeltuig eerder as die duursame gebruik van helikopters, hul taak kan vergemaklik.

    ‘n Hommeltuig is stiller en minder sigbaar as ‘n helikopter. Erasmus sê dit beskik oor goeie kameraresolusies wat die patrolering van heinings oor ‘n 5km afstand moontlik maak met minder mannekrag. Die tuig kan ook hoog en laer vlieg en goeie beeldmateriaal verskaf. Dit feit dat dit tot 400m hoog kan vlieg vergemaklik ook die tel van wild.

    Die departement se eerste hommeltuig is op die Vereniging vir Staatsamptenare in die Vrystaat aan die department op ‘n oorhandig. Bestuurder van die VSA, Gerhard Koorts, sê geld is op ‘n gholfdag ten bate van die bekamping van renosterstropery gebruik om die hommeltuig aan te koop.

    Die vakbond het besluit die skunking te maak omdat dit belangrik is om nie slegs na lede se belange om te sien nie, maar ook ‘n bydrae te maak tot natuurbewaring.

    Erasmus sê die hommeltuig sal in die Willem Pretorius-reservaat, waar vier renosters die afgelope maand doodgeskiet is, gebruik word.

  • Groep wil handel in renosterhoring gewettig hê

    ‘n Groep Suid-Afrikaanse renostertelers het die regering hof toe geneem om die plaaslike verbod op renosterhoringverkope opgehef te kry, het voorsitter van die groep Donderdag gesê.

    Wettiging van horinghandel sal help om die bedreigde spesies te red, het die Private Rhino Owners Association (PROA) Pelham Jones aan dpa gesê.
     
    Honderde Suid-Afrikaanse renosters word gestroop van elke jaar weens ‘n groot aanvraag vir hul horings, veral in Asië, waar daar geglo word dat seksuele potensie hupstoot kry daardeur maar ook in tradisionele medisyne.
     
    ‘n Verbysterende 1 215 renosters is verlede jaar in Suid-Afrika geslag, wat ‘n geskatte 25 000 swart en wit renosters huisves, die tuiste van die wêreld se grootste troppe.
     
    Dit beteken ‘n toename van 21% in stropery van die vorige jaar.
     
    “Ons sien dit duidelik dat die handelsverbod nie stropery in enige manier laat afneem nie. In teendeel, dien dit as stimulasie vir die swartmarkhandel,” het Jones gesê.
     
    Die groep beplan ‘n regsgeding teen ‘n moratorium van 2009 wat die handel in renosterhoring in Suid-Afrika verbied. Internasionaal, is die verkope sedert 1977 verbied.
     
    Die vereniging, wie se 320 lede sowat ‘n vyfde van renosters van die land se bevolking besit, sê horingverkope sal fondse vir die bewaring van die bedreigde spesies genereer.
     
    “Net meer as 1 000 renosters is dood op private grond sedert 2008,” het Jones gesê. “Dit beteken R400 miljoen se renosters is verloor, plus R300 miljoen wat bestee is aan sekuriteit om hulle te beskerm.”
     
    Die wettiging van binnelandse handel sal beteken dat renosterhoring aangekoop sal kan word deur kommoditeitspekulante wat die horings geneties sal kodeer en in veilige bewaring sal kan stoor totdat die internasionale handelsverbod opgehef word.

  • Vyf vermeende renosterstropers aangekeer

    Vyf vermeende renosterstropers het Maandag in die KwaMsane Landdroshof in Kwazulu-Natal verskyn waarna hulle op R5 000 borgtog elk vrygelaat is, het News24 berig.

    Die vyf mans is 13 Junie in hegtenis geneem na ‘n wenk dat renosterstropers op pad was om ‘n renoster in die Umfolozi-gebied te stroop.

    Polisie het die vyf omstreeks sewe-uur die aand naby Mfekayi voorgekeer. Daar is beslaggelê op ‘n jaggeweer, ammunisie, ‘n byl, knaldemper en ander tipiese strooptoerusting.

    Polisiewoordvoerder Vish Naidoo sê dit blyk dat die stropers besluit het om renosters in die Umfolozi-gebied te teiken nadat groter polisiesigbaarheid in die Isimangaliso-wildreservaat stroperaktiwiteit aan bande gelê het.

    Die vyf mans staan tereg op aanklagte van sameswering om renosters te jag, sowel as die onwettige besit van vuurwapens en ammunisie. Die saak is tot 28 Julie uitgestel.

  • Duitse popster wil Namibiese renosters red

    ‘n Derde witrenoster is op die wildsplaas Okamahoro wes van Okahandja in Namibië gestroop, het die Republikein berig.

    Volgens die polisie van die Otjozondjupastreek is die renoster met 10 geweerskote neergevel. In Mei is ook twee witrenosters op dié plaas gestroop. Niemand is nog in hegtenis geneem nie en die ondersoek duur voort.

    Intussen het die opbrengs van ’n potjie poker op Swakopmund die boerpot van die Red die Renosterfonds (SRT) geword.

    Die wedgeld beloop N$100 000 en is deur ’n merkwaardige seun van dié dorp tot die laaste sent vir die bewaring van die bedreigde swartrenosterspesie geskenk.

    Die jong man, Christoph Thesen, ’n Duitse popster met die verhoognaam T-Zon, se pa, mnr. Werner Thesen van Swakopmund, het die oorhandiging van die geld aan die voorsitter van die SRT, mnr. Simson !Uri?Khob, waargeneem.

    Saam met die oorhandiging was daar ’n onderneming van die jong kunstenaar met Duitsland aan sy voete dat soortgelyke ondersteuning ook in die toekoms van hom verwag kan word.

    Die potjie poker is vanjaar in Mei in Hamburg gespeel en Christoph was as “baie belangrike kunstenaar” genooi om daar op te tree. Dit was ’n spel in belang van liefdadigheid wat deur ’n internetmaat­skappy, pokerstar.de, aan­gebied is. Toe stap Christoph met die wedgeld weg.

    “Dis ’n mannetjie met ’n groot hart,” het sy pa tydens die oorhandiging gesê. “Hy is deurentyd bewus van sy welsynsverpligtinge. Hy het gehoor van die renosterstropery in sy geboorteland en het onmiddellik besluit om tot die bewaring van die swartrenosters by te dra.”

    Christoph is in 1993 op Swakopmund gebore en het ná drie jaar in Windhoek in 2011 aan die DHPS gematrikuleer. As 12-jarige seun het hy reeds sy eerste liedjies geskryf en vrygestel. In 2012 het hy by die Makro Media-akademie in Keulen ingeskryf en in 2015 was hy gekwalifiseer om spesiale geleenthede aan te bied.

    Sy loopbaan het as YouTube/rap/hip-hop kunstenaar ontwikkel. In 2014 het sy eerste album, Doppelleben.

    Vroeër vanjaar het hy meer as 20 verhoogoptredes in Duitsland en Oostenryk gelewer. Sy tweede album is op pad en teen September behoort sy tweede Europese toer te begin.