Etiket: terreur

PAP in Midrand byeen vir Burundi-krisis

Die huidige politieke krisis in Burundi sal na verwagting die samesprekings van die Pan-Afrika Parlement oorheers wat vandag in Midrand in Gauteng begin.

Die PAP is die wetgewende gesag van die Afrika-Unie wat eers in Addis Abeba gesetel was.

Verteenwoordigers bespreek kwessies van Afrikalande wat die vasteland raak.

Die president van Kenia, Uhuru Kenyatta, sal na verwagting die openingsrede lewer.

Burundi het die afgelope ruk onder gewelddadige onluste deurgeloop omdat daar nie duidelikheid is oor die termyne van president Pierre Nkurunziza nie. Die Weste beskuldig hom daarvan dat hy vir ‘n derde termyn wil regeer, maar die president hou vol dat hy nie vir ‘n eerste termyn verkies is nie en dus nie in stryd met die grondwet optree nie.

Die president van die PAP, Bethel Amadi, sê die boodskap wat hulle aan staatshoofde en regerings wil oordra, is dat beperkings op ‘n ampstermyn gerespekteer moet word.

Die Al Sjabaab-groep het intussen ‘n aantyging deur president Pierre Nkurunziza van Burundi verwerp dat die Somaliese militante ‘n bedreiging vir sy land inhou.

Die President het in sy eerste openbare verskyning sedert verlede week se mislukte staatsgreep gepraat oor ‘n beweerde militante bedreiging.

Talle ontleder sê dat dit bloot ‘n rookskerm is vir die veiligheidsdienste om streng te kan optree teen onluste wat vir Maandag beplan word.

Owerhede verwag opnuut protes teen Nkurunziza se planne om vir ‘n derde termyn te staan. Burundi is nog nie voorheen deur Al Sjabaab geteiken nie.

Tweede tiener wou by ISIS aansluit

Die minister van staatsveiligheid, David Mahlobo het bevestig dat ‘n tweede tiener van Kaapstad gekeer is voordat sy by die Islamitiese Staat kon aansluit.

Die hoërskool-leerder van Grassy Park op die Kaapse Vlakte is ná ‘n wenk by die Kaapstadse Internasionale Lughawe aangekeer, berig RSG.

Mahlobo sê sekere gemeenskappe in die land word deur die ISIS-militante geteiken.

Die veiligheidsdienste het na bewering gereageer op grond van inligting wat deur die eerste Kaapse meisie verskaf wat by die ISIS wou aansluit. Die twee is glo vriendinne.

Die departement en die Valke het glo reageer op inligting wat ‘n 15-jarige meisie van Kenwyn verskaf het.

Mahlobo het sedertdien ouers herhaaldelik gemaan om hul kinders se internetgebruik dop te hou. Hy het Dinsdag weer die waarskuwing tydens ‘n perskonferensie voor die minister se begrotingsdebat in die parlement uitgereik.

“Ons weet dat ISIS jongmense teiken en die internet daarvoor gebruik,” het Sonto Kudjoe, direkteur-generaal van staatsveiligheid, gesê.

Intelligensiebronne sê egter hulle ondersoek ‘n fisiese teenwoordigheid van werwers van die jihad-groep in die land.

Mahlobo het gesê staatsveiligheidsagentskappe is baie paraat oor die kwessie van werwing deur fundamentalistiese groepe en hulle bly in kontak met gemeenskappe wat as teikens beskou word. Hy het gesê sedert die tiener van Kenwyn gepoog het om by ISIS aan te sluit, het verskeie gemeenskapsgroepe sy departement gekontak om te sê dat hul kinders aangehits word om dit ook te doen.

“In Kaapstad het ons met die Moslemregsraad vergader,” het hy gesê. Kinders word glo daagliks gewerf.

ISIS gaan van krag tot krag

Die Islamitiese Staat (ISIS) is die mees suksesvolle radikale Islamitiese groep wat groot dele van die grondgebied in die ooste van Sirië en oral in die noorde en weste van Irak ingeneem het.

‘n Verslag wat aan die VN se Veiligheidsraad in Julie verlede jaar voorgelê is deur ‘n VN-waarnemersmissie (UNDOF), toon dat dat Israel ten nouste betrokke is by die ondersteuning van ISIS.

Die Israelse premier Benjamin Netanyahu, het die skepping van ISIS verwelkom in ‘n toespraak in Junie 2014 by Tel Aviv Universiteit se INSS-byeenkoms.

Intussen het ‘n voormalige Amerikaanse generaal Wesley Clarke in ‘n onderhoud met CNN ook toegegee dat ISIS geskep is deur die VSA se “vriende en bondgenote”.

Die groep se brutale taktiek, insluitende massamoord en ontvoering van lede van godsdienstige en etniese minderhede, asook die onthoofding van soldate en joernaliste, het vrees en woede in die wêreld ontlok.

Die groep beplan die totstandkoming van ‘n kalifaat, ‘n staat wat deur ‘n enkele politieke en godsdienstige leier volgens sjaria, die Islamitiese wet, regeer word.

Al is die groep tans beperk tot Sirië en Irak, het ISIS beloof om die ” grense van Jordanië en Libanon te breek” en Palestina te bevry. Dit kry steun van Moslems oral in die wêreld en eis dat almal ‘n alliansie met sy leier, Ibrahim Awad Ibrahim Ali al-Badri al-Samarrai, beter bekend as Abu Bakr al-Baghdadi, aangaan.

ISIS se oorsprong dateer na die oorlede Abu Musab al-Zarqawi, ‘n Jordaniër wat die beweging Tawhid wa al-Jihad in 2002 tot stand gebring het. ‘n Jaar na die Amerikaans-geleide inval in Irak, het Zarqawi ‘n alliansie met Osama bin Laden aangegaan en Al-Kaïda in Irak (AQI) gestig, wat ‘n mag om mee rekening te hou in die insurgensie geword het. Die taktiek van Abu Musab al-Zarqawi is as te ekstreem deur Al-Kaïda se leiers beskou.

Na Zarqawi se dood in 2006, het AQI ‘n sambreelorganisasie, die Islamitiese Staat, in Irak (ISI) gevorm. ISI is stelselmatig verswak deur middel van Amerikaanse troepe se optrede en die vorming van Sahwa-rade (” ontwaking” ) deur Soenni Arabiese stamlede, wat die groep se wreedaardighede verwerp het.

Nadat hy in 2010 die leier geword het, het Baghdadi ISIS heropgebou. Teen 2013 was die groep opnuut besig met dosyne aanvalle ‘n maand in Irak. Dit het ook aangesluit by die rebellie teen pres. Bashar al-Assad in Sirië en die Al-Nusra Front tot stand gebring.

In April 2013 het Baghdadi ‘n samesmelting van sy magte in Irak en Sirië en die totstandkoming van die Islamitiese Staat in Irak en die Levant (ISIS) aangekondig.

Die leiers van Al-Nusra en Al-Kaïda het die skuif verwerp, maar vegters lojaal aan Al-Baghdadi het weggebreek van Al-Nusra en gehelp om ISIS in Sirië te hou.

Godsdienstige minderhede, veral Irak se Jazidi’s, is deur die Islamitiese Staat-groep geteiken.

Teen die einde van Desember 2013, het ISIS se fokus terug na Irak verskuif en ‘n politieke dooie punt tussen die Shia-geleide regering en die minderheid Soenni Arabiese gemeenskap uitgebuit. Met die hulp van stamlede, het die groep beheer oor die sentrale stad Falluja oorgeneem.

In Junie 2014 het Isis die noordelike stad Mosul ingeneem en toe suidwaarts in die rigting van Bagdad begin beweeg. Teen die einde van die maand, nadat die groep sy beheer oor dosyne stede en dorpe gekonsolideer het, het ISIS die skepping van ‘n kalifaat verklaar.

Sommige Soenni Arabiere het die Islamitiese Staat-groep ondersteun nadat Mosul ingeneem is. Sommmige waarnemers skat dat IS en sy bondgenote ongeveer 40 000 vierkante kilometer in Irak en Sirië beheer, ongeveer die grootte van België. Ander meen hulle beheer nader aan 90 000 vierkante kilometer, ongeveer die grootte van Jordanië. Die gebied sluit stede soos Mosul, Tikrit, Falluja en Tal Afar in Irak; Raqqa in Sirië, olievelde, damme, hoofpaaie en grenskruisings in.

Dit word beraam dat agt miljoen mense in die gebied woon, wat gedeeltelik of ten volle deur ISIS beheer word. In die gebiede het die groep streng vertolkings van Sharia geïmplementeer en word vroue gedwing om sluiers te dra, nie-Moslems gedwing om ‘n spesiale belasting te betaal of hulle tot Islam te bekeer en strawwe afgedwing wat geseling en teregstelling insluit.

Duisende buitelanders het vir ISIS in Sirië en Irak geveg. Amerikaanse amptenare is van mening dat daar tot soveel as 31 000 vegters in Irak en Sirië is. ‘n Deskundige oor Irak, Hisham al-Hashimi, sê ongeveer 30 persent is ” ideoloë” en dat die res uit vrees of onder dwang aangesluit het.

‘n Betekenisvolle aantal IS-vegters is nie Irakse of Siriese burgers nie. Die Soufan-groep het onlangs beraam dat meer as 12 000 buitelanders van minstens 81 lande, insluitende 2 500 uit Westerse lande, oor die afgelope drie jaar na Sirië gereis het om vir ISIS te veg.

Die Islamitiese Staat het een van die mees gedugte djihadistiese groepe ter wêreld geword. ISIS-vegters het toegang tot en is in staat om ‘n verskeidenheid klein en swaar wapentuig te gebruik. Dit sluit in vragmotorgemonteerde masjiengewere, vuurpyllanseeerders, lugafweerwapens en beweeglike grond-tot-lug-missielstelsels. Hulle het ook tenks en gepantserde voertuie van sowel die Irakse as Siriese weermagte gebuit. Dit sluit Amerikaanse Humvees en bombestande vragmotors in.

Die groep beskik klaarblyklik ook oor ‘n buigsame voorsieningsketting wat ‘n konstante voorraad ammunisie en klein vuurwapens tot vegters se beskikking stel. Die betekennisvolle vuurkrag het ISIS gehelp om in Augustus Koerdiese Peshmerga-posisies in die noorde van Irak, tot vele se verbasing, te verower.

Die Islamitiese Staat het glo US$ 2 miljard in kontant en bates, wat dit die wêreld se rykste militante groep maak. Aanvanklik het die meeste finansiële bystand van individue in Arabiese Golfstate gekom. Vandag is IS grootliks selfvoorsienend en verdien maandeliks miljoene dollar uit die olie- en gasvelde wat dit beheer, asook uit belasting, tolgeld, smokkelarry, afpersing en ontvoering. Die offensief in Irak was ook uiters lonend en het hulle toegang gegee tot die kontant wat in groot handelsbanke gehou is in die stede wat hulle verower het.

Onthoofdings, kruisigings en massaskietery is gebruik om hul vyande te terroriseer. ISIS-lede regverdig hierdie gruweldade deur verse uit die Koran waarin verwys word na ” kap die koppe van ongelowiges af” , maar Moslems verwerp dit.

Selfs die Al-Kaïda leier, Ayman al-Zawahiri, wat hom in Februarie 2014 van ISIS gedistansieer het oor die groep se optrede in Sirië, het Zarqawi in 2005 reeds gewaarsku dat sodanige brutaliteit daartoe sal lei dat dit ” Moslem-harte en simpatie” sal verloor.

Bron: Die Republikein, BBC, CNN, Jerusalem Post

Tien dood in aanval op VN-bussie

Minstens tien personeellede van die Verenigde Nasies is in ‘n ontploffing in Garowe in die Puntland-provinsie van Somalië dood.

Die ontploffing het ‘n bus geteiken wat VN-personeel werk toe vervoer.

Volgens berigte het die aanval by die kantore van die VN-voedselagentskap plaasgevind. Die ploftoestel was aan die wit Toyotabussie geheg wat naby die hoofkantoor afgegaan het.

Die slagoffers sluit vyf internasionale asook plaaslike personeellede in. MogadishuNews het bevestig dat daar buitelanders in die groep was.

Al Sjabaab het aanspreeklikheid vir die ontploffing in dié semi-outonome provinsie aanvaar wat tot dusver Islamitiese geweld vrygespring het.

Internasionale organisasies monitor Soedan-verkiesing

Met 15 onbekende kandidate wat teen hom staan, is daar geen werklike kompetisie vir die 71-jarige pres. Omar al-Bashir in die verkiesings wat gister in Soedan begin het nie.

Soedan verskyn op die VSA se lys van “terreurstate”. Stemmery word tans deur 15 internasionale organisasies, waaronder die Arabiese Liga, gemonitor.

Kiesers sal ook vir nasionale en staatswetgewers stem in die drie dag lange verkiesings wat waarskynlik deur Bashir se regerende National Congress Party (NCP) oorheers sal word, het AFP berig.

Die strate van die hoofstad, Kartoem, was gister stil met die aanvang van die verkiesing en stemdag wat tot ’n openbare vakansiedag verklaar is.

Hierdie verkiesings is die tweede sedert Bashir in 1989 aan bewind gekom het. Bashir het ’n demokraties verkose regering omvergewerp in ’n Islamities gesteunde staatsgreep en is Soedan se langsdienende leier sedert onafhanklikwording.

Hy het die 2010 presidentsverkiesing gewen wat deur die opposisie geboikot is en volgens Westerse waarnemers nie aan internasionale standaarde voldoen het nie.

Onder sy bewind het Soedan se ekonomie in duie gestort en die land het swaar gely onder die afstigting van Suid-Soedan in 2011 waar meer as driekwart van die land se oliereserwes is. Konflik teister die Suid-Kordofan- en Blou Nyl-state sedert 2011 en die Darfoer-streek sedert 2003.

Bashir is in 2009 deur die internasionale strafhof aangekla vir beweerde oorlogsmisdade en misdade teen die mensdom in Darfoer, en die daaropvolgende jaar ook vir volksmoord.

Nagenoeg 300 000 mense is dood in gevegte in die westelike deel van die land, sê die Verenigde Nasies.

Amptenare sê met die uitsondering van een distrik van Darfoer en sewe in Suid-Kordofan, sal verkiesings by 7 100 stempunte landwyd gehou word.

Altesaam 44 politieke partye neem aan die staats- en nasionale verkiesings deel in ’n land met 38 miljoen mense.

Steve Hofmeyr op Kerkplein om oom Paul te beskerm

Steve Hofmeyr sal vandag by Paul Kruger se standbeeld op Kerkplein in Pretoria ter beskerming van die anti-koloniale vegter se bronsbeeld opdaag saam met ander bekende sangers.

Hofmeyr sê hy wil verdere vandalisme by erfenisgebiede verhoed. Die sanger het op Twitter bevestig dat hy die protes sal bywoon.

Protesoptrede word na wat berig word ook beplan by die Jan van Riebeeck-standbeeld in Kaapstad en die Paul Kruger-standbeeld in Rustenburg.

Die Mangaung Metro in Bloemfontein het intussen ‘n week-lange gesprek oor die kwessie van koloniale- en apartheidsimbole en standbeelde aangekondig.

Die metro-woordvoerder, Qondile Khedama sê hulle is ook van plan om gemeenskappe in te lig oor die simboliese betekenis van simbole en standbeelde.

Daar sal byvoorbeeld inligtingsessies oor Bram Fischer gehou word om die huidige generasie te vertel van die “opheffingswerk” wat hy gedoen het.

Fischer was ‘n kommunis wat ‘n gewapende opstand en stedelike terreur aangemoedig het en wat homself soos ‘n vrou vermom het om die veiligheidspolisie te ontsnap. Hy het die sogenaamde “stryd” namens neo-kolonialistiese rewolusionêres gevoer.

Die standbeeld van die soldaat wat sy perd water gee in sy helm, is intussen na ‘n veilige plek vir bewaring geskuif.

Die beeld is vroeër deur EFF-lede van ‘n oorlogsmonument in Port Elizabeth afgebreek.

Die kommunikasiehoof van die Nelson Mandela-baai metro, Roland Williams sê hulle het met die polisie gereël om hul patrollies te verskerp in gebiede waar gedenktekens voorkom.

Williams sê dis die munisipaliteit se verantwoordelikheid om erfenisbates te beskerm.

Die Universiteit van Kaapstad sal na verwagting sy besluit bekend maak om die standbeeld van Cecil John Rhodes op sy kampus te verwyder, nadat die senaat verlede week ‘n voorstel goedgekeur dat die standbeeld moet weg.

Swart studente het verlede maand menslike ontlasting op die beeld uitgegooi en ‘n aantal betogings en sitstakings gehou om die aandag op ‘n gebrek aan transformasie by die universiteit te vestig.

Die universiteit se personeel is bykans deur die bank wit, terwyl die instelling groot gewag maak van rasvermenging in Suid-Afrika.

Indien die standbeeld verwyder word, sal dit aan die regering se erfenisowerhede oorhandig word.

Tergende vrae rondom ISIS-werwing

Hoe bespreek en betaal ‘n skoolmeisie van 15 plek op ‘n buitelandse vlug om by ISIS te gaan aansluit?

Dié en ander tergende vrae is geopper nadat ‘n vyftienjarige gereed was om ‘n British Airways-vlug in Kaapstad na haar bestemming te neem.

Yusuf Abramjee, die hoof van Crime Line, het gesê die meisie het ‘n vlug na Saoedi-Arabië bespreek.

Die meisie van Kenwyn is Paassondag gekeer om van Kaapstad na O.R. Tambo internasionale lughawe te vlieg volgens David Mahlobo, minister van staatsveiligheid.

Mahlobo het bevestig dat die meisie laat Sondagmiddag van ‘n British Airways-vliegtuig verwyder is waar sy in die sakeklas gewag het dat haar vlug opstyg.

Sy het nege uur voor die vlug uit haar huis verdwyn maar haar grootouers het eers Sondagoggend onraad bemerk.

Die polisie en die minister van staatsveiligheid is net betyds van haar verdwyning in kennis gestel voordat sy die land kon verlaat.

Bewysstukke wat in haar kamer gevind is, dui daarop dat sy geld oorgeplaas het en dat sy op die internet in kontak was met ISIS-werwers.

Abramjee en Mahlobo het aan ANA bevestig dat die meisie Maandag in die sorg van haar ouers geplaas is.

Die verdagte omstandighede rondom haar poging om alleen ‘n vliegtuig te bestyg wat bestem is vir Saoedi-Arabië laat talle vrae oor hoe British Airways se besprekingskantoor aan ‘n minderjarige ‘n internasionale kaartjie verkoop het.
 
Onder normale omstandighede moet ‘n tiener met ‘n wettige voog na die buiteland reis.
 
“Nee, dit is nie net ‘n wettige voog nie, net iemand wat verantwoordelik is,” het die besprekingsbeampte van British Airways by navraag gesê.
 
“Daardie persoon sal die nodige vorms teken namens die minderjarige, asook besonderhede van ‘n verantwoordelike volwassene wat die minderjarige sal afhaal by die bestemming.
 
“Hulle moet dan ‘n fooi van $150 betaal.”
 
Besoekers het ‘n visum nodig om na Saoedi-Arabië te reis, behalwe passasiers wat dieselfde of ‘n eerste aansluitingsvlug binne 18 uur haal.

Volgens die ouers sou die meisie na Turkye reis om by die rebelle in Sirië aan te sluit, het IFS berig.
 

VSA waarsku teen terreur in Oeganda

RSG berig dat die Oegandese polisie veiligheidsmaatreëls in die hoofstad, Kampala verskerp het nadat die VSA sy burgers teen terreur gewaarsku het.

Die Amerikaanse ambassade het gister gesê terreurgroepe kan plekke in Kampala teiken waar Amerikaners en ander Westerlinge gewoonlik bymekaar kom.

Die polisie sê die bedreiging word verbind met die Islamitiese groep al-Sjabaab.

Oeganda speel ‘n sleutelrol in die Afrika-Unie se poging om die Somaliese regering teen al-Sjabaab te beskerm.

Vlieënier van Alpe-rampvlug ‘uitgesluit’

Een van die twee vlieëniers op die gedoemde vlug wat in die Alpe verongeluk het, was uitgesluit uit die kajuit voor die vliegtuig met 150 mense neergestort het, het ‘n bron na aan die ondersoek Donderdag aan AFP gesê.

Kajuitopnames wat van die toneel verhaal is, het aangedui dat een van die sitplekke teruggestoot word en die deur oopgemaak word en dan weer toe, gevolg deur die klank van ‘n klop, het die bron gesê, en bygevoeg “daar was nie meer ‘n gesprek van daardie punt af tot die ongeluk nie”.

Die bron het gesê ‘n waarskuwingsalarm wat die nabyheid van die grond aandui, kon voor die impak gehoor word.

Die opname het getoon dat die vlieëniers normaal en in Duits gesels aan die begin van vlug-4U9525 vroeg Dinsdag. Die bron kon nie sê of dit die kaptein of die eerste beampte was wat die kajuit verlaat het nie.

Die New York Times het ‘n senior militêre amptenaar aangehaal wat betrokke is by die ondersoek, en berig dat die vlieëniers se gesprekke roetine was tot en met die punt waar een van hulle nie in staat was om terug te keer na die kajuit nie.

“Die man buite klop eers liggies aan die deur, en daar is geen antwoord nie,” het die koerant die ondersoeker aangehaal. “En dan slaan hy die deur harder en geen antwoord nie. Daar is nooit ‘n antwoord nie.”

Die klankopname dui daarop dat die uitgesluite vlieënier “probeer om die deur oop te breek.”

Die kajuitstemopnemer is laat Dinsdag gevind, ‘n paar uur na die ongeluk van die ekonomievlug vanaf Barcelona na Düsseldorf, en die data is Woensdagmiddag ontleed.

Die Airbus A320 het skielik ‘n noodlottige agt minute se daling ondervind kort nadat hy kruishoogte bereik het.

Geen noodsein is gestuur nie en die bemanning het nie gereageer op desperate pogings van grondbeheer om kontak te maak nie.

Duitse kenner onthul ‘terreurbestuur’

Die Duitse joernalis en regeringskonsultant Christoph Hoerstel, was 2006/7 spreker oor die onderwerp van Afghanistan by die leierskapsentrum (ZInFü) van die Bundeswehr.

In hierdie verband het hy het die term “terreurbestuur” gedefinieer en in die klaskamer ontleed, om soldate in dié land in staat te stel om die bisarre gebeure waarmee hulle te kampe gehad het, te verklaar.

Alle lesinginhoud is persoonlik hersien en deur die Duitse owerhede goedgekeur.

Op grond van hierdie ervaring, sê hy, is die vrees vir terrorisme nie toevallig nie. Dit word, volgens Hoerstel, aangewend deur regerings met ‘n sekere doelwit.

In tye van krisis en politieke onsekerheid, bestuur intelligensie-agentskappe, tesame met alle NAVO-regerings, die voorbereiding en uitvoering van aanvalle.

Hoerstel sê hy het in Afghanistan ontdek dat alle NAVO-lande daaroor lieg dat daar ‘n stryd teen terreur woed.

Daar is geen “oorlog teen terreur” nie, maar eerder “bestuurde vrees” of dan “terreurbestuur” wat gebruik word om sekere beleidsrigtings en besluite af te dwing, sê hy, omdat die akteurs reeds aan die veiligheidsmagte in 95% van alle gevalle bekend is.

Hy onthul ook dat ISIS in Jordanië deur die CIA opgelei is om terreur te pleeg.

Dat terreur na Europa uitgevoer word, is ‘n manier om politieke probleme aan te spreek wat oplaai weens die finansiële krisis wat lidlande in die gesig staar.

Hoerstel sê dit is ‘n harde, “bloedige bedryf” waar geld, inligting en menslike hulpbronne bewillig word en waar onskuldige mense opgeoffer word.

Hy meen ook dat Charlie Hebdo só ‘n geval is waar die mees ongewilde Franse president wat slegs 13% steun geniet het vóór die skietery, se gewildheid skielik na 29% opgeskiet het.

Marine Le Pen het onlangs in ‘n onderhoud met Sophie Desjardin van Euronews gesê Francois Hollande lyk op die oppervlak onskadelik maar is tot wrede koelbloedigheid in staat. Sy het nie uitgebrei oor haar opmerking nie.

Moenie my transformeer nie! Ek is Engels!

Cecil John Rhodes was nie ‘n gawe persoon nie. Jare voor die Nazi’s se konsep van rassuiwerheid het die homoseksuele Rhodes alle ander volke, behalwe sy mede-moddereilandjiebewoners, as benede hom en sy ingeteelde landgenote beskou. Hy het hom openlik beywer vir ‘n wêreldregering deur hom en sy Angel-Saksiese volksgenote, ook diegene oorkant die Atlantiese oseaan. Sy grypsug en territoriale aggressie het min perke geken. Dit het tot by Lusaka, die hoofstad van die voormalige Noord-Rhodesië, sowat 2500km noord vanaf Kaapstad, gestrek.

Ook die Boererepublieke het deurgeloop onder Rhodes se kolonialistiese aggressie. Hy was een van die aanstigters van die Jameson-strooptog, wat uit wat vandag Botswana is, teen die ZAR geloods is. Onder die vyande van die Boere- en Afrikanervolk, verdien Rhodes, naas die Kodesa-verraaiers, ‘n besonder prominente plek aan die skandmuur. Soos Jimmy Kruger dit dus oor Steve Biko se dood gehad het: Die vernietiging van Rhodes se standbeeld en die uitwissing van sy naam, laat my koud.

Nietemin het selfs die vorige regering Rhodes se standbeeld ongestoord laat staan op die kampus van UCT. Die Ooskaapse dorpie Rhodes, asook die universiteit op Grahamstad wat na Rhodes vernoem is, se name is onveranderd gelaat. Anders as die huidige misdaadbende wat die land tans wanbestuur, het Afrikaners nie ‘n minderwaardigheidskompleks nie, en vind ons dit nie nodig om ons minderwaardigheid te probeer besweer met sinnelose naamsveranderings nie.

Wat wel besonder interessant is, is dat die eise van die studente op beide UCT en Rhodes nie by die blote verwydering van Rhodes se standbeeld of sy naam eindig nie. Hulle eis ook dat blanke lektore etnies gesuiwer (“getransformeer”) moet word, dat studente deur swart professore en swart dosente onderrig moet word.

Nog interessanter is dat hoewel daar tot op hede bykans ekslusief op Afrikaanse plekname, ook name wat geen politieke konnotasie gehad het nie, en monumente jag gemaak is, daar tans ‘n klemverskuiwing plaasvind. Ook Engelse koloniale, name, simbole en liberale Engelse self – wat kan immers meer Engels wees as ‘n verwarde libgestremde professor op Rhodes of Ikeys? – is nou vierkantig in die visier van die toenemend-radikale gepeupel. Die gepeupel wil nou, midde-in die einste DA-beheerde Kaapstad, ‘n party wat self onlangs Afrikaanse of Hollandse name verander het, dieselfde maak met Rooi Helen en die res van die Afrikanerhatende DA-gespuis se erfenis.

Deur die jare het die liberale Engelse vanuit hul rykmansbuurte in die noorde van Johannesburg of die suide van Kaapstad op die konserwatiewe Afrikaner neergesien, terwyl hulle Prog of SAP gestem het, maar heimlik die Hemelse Vader vir die Natte bedank het. Baie van die Engelse blankes was ook veel meer radikaal, en veral Joodse Engelssprekendes – Slovo, Kasrils, Harris en andere – het hul Rhodes-agtige haat vir alles wat Afrikaner was, aktief uitgeleef, tot op die punt om terreurdade te pleeg teen die vorige regering.

En nou, meer as ‘n eeu ná Rhodes se dood, het die wiel gedraai. Die rewolusie is besig om sy eie kinders te verorber. Daardie radikaallinkse Engelse verkwisting van ‘n wit vel, Samantha Vice, wat Dowwe Dolla na ‘n Nasa-wetenskaplike maak lyk, en vanuit Rhodes haar blanke selfhaat sit en spu, is een van die einste blanke dosente wie se kop deur die gepeupel geëis word. Vice het reeds talle onsinnige, selfhatende stukkies gebrabbel gepubliseer wat wil-wil grens aan ‘n oproep vir die likwidasie van alle blankes in gaskamers. Selfs Dowwe Dolla sou egter besef dat Vice se swart eggenoot en selfhatende skrywes haar niks gaan help nie. Hulle gaan ook vir háár kom. Ook Vice se vel is en bly haar uniform.

Gaan die selfhatende Vice ook, die slag as die gepeupel haar soos ‘n wafferse Marie Antoinette uit haar kantoor op die Rhodes-kampus sleep, soos die Engelse dame tydens die Soweto-onluste gil?

“Don’t shoot! I’m English!”

Welkomse gesin ontsnap aanval in Tunis

Die plesierbootvaartmaatskappy MSC Cruises het bekendgemaak dat net een Suid-Afrikaner in die terreuraanval op ‘n museum in Tunisië beseer is, en dat rekenskap gegee kan word van al 78 Suid-Afrikaners aan boord.

Dit volg na ‘n verklaring deur die Tunisiese regering, gister, dat een Suid-Afrikaner in die aanval dood en verskeie gewond is. Die maatskappy sê die MSC Splendida het gister in Tunis vasgemeer en ‘n besoek aan die Bardo Nasionale Museum aangebied.

Minstens 23 mense, meestal toeriste, is in die aanval dood.

Intussen is ‘n Welkomse sakeman, Johan Cronjé en sy gesin, se lewe gespaar tydens die bloedbad. Hulle hou tans vakansie op die Splendida.

Cronjé het ‘n kort rukkie gelede vanaf die boot aan OFM-nuus gesê hulle het besluit om ‘n private taxi te huur en was daarom nie tydens die aanval by die museum nie.

Cronjé sê hy is dankbaar dat hy en sy gesin ongedeerd is, maar sy hart gaan uit na dié wat geliefdes verloor het.

Skietery in Swede se immigrantenes eis twee

Minstens twee mense is dood ná ‘n skietery by ‘n restaurant in Göteborg in Swede.

Die polisie sê outomatiese wapens is na bewering in die aanval gebruik. Ooggetuies sê die aanvallers was twee mans gewapen met Kalasjnikofs.

Göteborg is die tweede grootste stad in Swede, en ‘n immigrantenes van werkloosheid en geweld.

Die area waar die skietery plaasgevind het, Biskopsgaarden, het ‘n geskiedenis van nie-blanke bendegeweld. ‘n Staatsbehuisingskompleks vir die groot immigrantebevolking word deur hoë werkloosheid gekenmerk.

‘n Polisiewoordvoerder sê daar is geen aanduiding dat die voorval ‘n terreuraanval was nie. Verskeie mense is in die hospitaal opgeneem.

Die polisie kon nie bevestig hoeveel gewapende aanvallers daar was nie, maar het in ‘n verklaring gesê dat die dodetal na verwagting sal styg.

Nooddienste het gesê agt mense is na die hospitaal gebring deur ambulanse en ander Sweedse media berig dat twee dood is.

Swede en die naburige Denemarke het ‘n jarelange probleem met misaad deur kriminele bendes, insluitende Hells Angels, Bandidos, almal immigrante-groepe wat om die beheer van die land se dwelmhandel veg.

Een terroris onthou ‘n ander

Die minister van minerale hulpbronne Ngoako Ramatlhodi het uit Londen gesê dat hy uiters geskok is oor die dood van sy vriend van veertig jaar en medeterroris, Collins Chabane.

Hy het gesê hy het Chabane Donderdag vir die laaste keer in die parlement gesien, maar het nie ‘n kans gekry om met hom te gesels nie.

Ramatlhodi, wat in Londen ‘n konferensie bywoon, het gesê hy is platgeslaan deur Chabane se dood.

“Dit is net so ‘n groot skok,” het Ramatlhodi gesê.

Chabane en Ramatlhodi het by die Universiteit van die Noorde (nou die Universiteit van Limpopo) in 1977 ontmoet. Ramatlhodi was destyds die voorsitter van die universiteit se kultuurvereniging.

“Destyds was hy [Chabane]’n akteur. Hy het geskryf en geregisseer,” het Ramatlhodi gesê.

Ramatlhodi was deel van die anti-apartheidbeweging se ondergrondse bedrywighede. Hy het Chabane tot die rewolusie bekeer en hom gewerf hom vir die verbode terreurorganisasie, die ANC.

“Hy was ‘n bietjie aan die rustige kant, maar kon ook ‘n groot toneelspeler wees wat gedans en musiekinstrumente gespeel het.”

Dit is nie bekend watter instrumente Chabane bemeester het nie.

Chabane het die land in 1979 verlaat om militêre opleiding in die buiteland te ondergaan sodat hy terreur in Suid-Afrika kon kom pleeg.

Hy is met sy terugkeer in hegtenis geneem en eers vrygelaat in 1990.

‘n Jaar later het hy op die ANC se nasionale uitvoerende komitee gedien, waarvan Ramatlhodi ook ‘n lid was.

Chabane het ook as LUR gedien in Ramatlhodi se provinsiale kabinet in Limpopo.