toeriste – praag.co.za

Brief: Vandag is ek gatvol

Nie ‘n geïrriteerde soort gatvol nie. Nee, sommer ‘n soort ek-is-gereed-om-te-ontplof-gatvol. Ek is dik vir so baie dinge en situasies, in ons land en wêreldwyd.

Laat ek begin om te sê dat ek ‘n Boervrou is. Die bloed van my voorvaders wat deur my are vloei, maak my van nature ‘n hardegat, uithouer met sterk opinies, beginsels en waardes. Ek is nie die gaan-lê-tipe nie en ook nie die stilsit-in-die-hoekie of die aanvaar-alles-tipe nie. Ek sou myself beskou as redelik verdraagsaam, soos baie van my volksgenote, tot jy ons moer te ver koer, dan gaan jy dinges wat jy nie geëet het nie.

Tumi Morake, Martin Bester, Max (minimum) du Preez, Kopdoek, Jan-Jan Joubert en Sloet (Lees Slet) de Villiers is so tipies NIE deel van my volksgenote nie. Nou moet ek seker ook ander by hierdie minder uitgelese groepie byvoeg, soos die bestuur van KKNK, Kakaranda, Netwerk 24, Spur, ag nee, die lys is eenvoudig te lank.
Dit is vir my verbysterend om te sien dat soveel dinge in ons mooi land verkeerd gaan, maar hierdie groepe en individue is so besig met hulle polities korrekte agendas dat hulle nie n dooie duit omgee vir die land en sy mense self nie. “hang hulle” word so gereeld uit hulle geledere gehoor as ‘n blanke persoon iets sê of doen teen n swart persoon. Hulle word uitgekryt as rassiste. Maar verhang die bordjies vir een oomblik en die prentjie verander na een van “dis n tragiese gebeurtenis wat spruit uit ons land se probleem met misdaad”. Wel ek sê vandag vir jou, KAK!!!! Dis een en dieselfde ding!!!

Sê ek alle blanke mense is goed en alle swartes sleg? Beslis nie!!! Maar dis tyd dat die politici, mediamense en openbare figure ophou om met poeierkwassies rond te loop en almal om hulle se gatte wit te verf met welriekende poeiers, terwyl die oorgrote meerderheid se aksies stink van dít wat dit is, KAK.

Dis tyd dat die minister van polisie ‘n slag van sy Twitter afklim en iets daadwerkliks doen aan die vlaag plaasmoorde (en ja, plaaswerkers is ook slagoffers) en nie net op die bus Nederlandse toeriste fokus om sy beeld as omgee-leier te poets nie. Om die waarheid te sê, hou sommer heeltemal op om slagoffers te besoek, want jy kan niks aan hulle situasie verander nie, inteendeel, jy beklemtoon net vir hulle jou onvermoë om die polisiehoof en die res van die mag onder jou, te bestuur. Hoekom gaan besoek jy nie eerder die polisiestasies en kyk hoeveel onbevoegde dik gevrete olifante die stoele vol sit, terwyl ‘n handjie vol bekwame mense al die werk moet doen nie? Dit sluit sommer die weermag ook in wat aan dieselfde siekte lei. Ek is oortuig dat as hier rêrig ‘n papaja die waaier tref in SA, is die weermag die eerste lede wat vra wat hulle nou eintlik veronderstel is om te doen, want hulle en die polisie het nog nie hulle gebruiklike KFC gehad nie.

Ek meen maar net, wanneer het die sogenaamde leiers in die land, die openbare figure en die mense en organisasies met ‘n publieke platform so blind geword, dat ons almal stil is oor die feit dat ons land die wêreldbeker van ons afgod-sport Rugby wil aanbied en daardeur vir die res van die wêreld sê, “all is well in the rainbow nation?” en dít terwyl toeriste aangeval word, ons eie boere soos vlieë afgemaai word nadat hulle fisies en emosioneel geskend is, ons kinders verkrag word in skole deur onderwysers wat versonderstel is om hulle te vorm, ons jeug uitgelewer is aan bendes en die meerderheid kerke hulle blind hou vir die morele verval van die gemeenskap, want hulle soek geld en makrogemeentes. Ons speel rykland-rykland terwyl ons mense krepeer van hongerte in wit en swart plakkerskampe en die dikgatpolitici hulleself vervreet en versuip aan die hardverdiende geld van Jan Alleman. “Verdeel die rykdom!!!!” skree hulle. Verdeel onder wie? Julle aanhangers kry nie eers ‘n stukkie van die koek nie. Al wat ryker word, is die uitgevrete korrupte pionne en hulle Gupta-vriende.

Ongelukkig het ek nou alles gesê wat ons almal reeds weet. Alhoewel dit ‘n riem onder die hart is om te sien hoe mense spontaan begin opstaan en net soos ek gatvol is vir die korruptes en dubbele standaarde in hierdie land, moet ek bieg dat ek self ook nie weet wat die oplossing is nie. Al wat ek vir seker weet, is dít: terwyl jy hier gelees het, is nog ‘n boer vermoor of aangeval, iemand is gekaap, iemand is in hulle huis op die dorp vermoor, iemand is dood weens swak gesondheidsdienste en geen politici kan die seer in hulle families en vriende se harte minder maak, of die leemte wat hulle in die gemeenskap laat, vul nie. Wat ek wel goed weet, is dat daar ook in hierdie tyd nog ‘n korrupte of duistere transaksie gedoen is en ook dat daar nog ‘n paar gatvol mense besluit het: GENOEG IS GENOEG.

— Audrey Bierman

Gewapende polisie ontplooi na mesaanval in Londense park een eis

‘n Mesaanval in Londen het ‘n vrou se dood veroorsaak en vyf ander mense is beseer.

Die aanvaller wat amok gemaak het in sentraal-Londen se Russell Square kon ‘n terreurmotief gehad het, sê ondersoekbeamptes nadat ‘n verdagte in hegtenis geneem is op die toneel.

Beamptes het ‘n elektriese skokgeweer gebruik om die 19-jarige man in hegtenis te neem. Die polisie is ingeroep na die voorval in Russell Square naby die Britse Museum net ná 22:30 Woensdag.

Die verdagte is na die hospitaal geneem waar hy in polisie-aanhouding bly.

Mark Rowley, assistent-kommissaris die Metropolitaanse Polisie en mees senior teen-terrorisme beampte in Brittanje het die media toegspreek.

Hy het gesê “geestesgesondheid” was ‘n “beduidende” faktor in die voorval, maar het nie uitgebrei oor terrorisme nie.

Twee mans, wat na bewering van Midde-Oosterse afkoms is, is gesien dat hulle verdag optree buite die hotel na die voorval, volgens getuies.

Een getuie, ‘n 35-jarige, wat anoniem wou bly, het aan Express.co.uk gesê: “Ek het gesien hoe twee mans van Midde-Oosterse afkoms verdag optree buite die Imperial Hotel, op Southampton Row.

“Een man het op ‘n motorfiets aan die verkeerde kant van die pad opgejaag met die ander man wat in ‘n ander rigting laat spaander het.”

“Jy weet daar is iets verkeerd wanneer jy die polisie sien opdaag met gewere,” het ‘n ander ooggetuie gesê.

Maar Scotland Yard het gesê vir “gerusstelling en veiligheid” sal Londen Donderdagoggend ekstra beamptes ontplooi, insluitende gewapende polisie.

Die aanval in die gewilde toeriste-area kom te midde van waarskuwings oor die onafwendbaarheid van ‘n terroriste-aanval in die Verenigde Koninkryk na maande van jihadi-aanvalle in Europa en die Midde-Ooste.

Die slagoffer, wat vermoedelik in haar 60’s was, se naam is nog nie bekend nie. Twee vroue en drie mans is beseer.

PRAAG stel binnekort nuwe veiligheidstoepassing vry

PRAAG wil ‘n oplossing bied vir die verswakkende veiligheidsituasie in Suid-Afrika met ‘n splinternuwe slimfoontoepassing.

Die polisie ontvang nasionaal nagenoeg 29 400 noodoproepe per dag by sy 22 beskikbare inbelsentrums. Dié oproepe is na die polisie se 10111-nommer om misdaad aan te meld.

Die aantal daaglikse oproepe wat ontvang word, is ongeveer 20 oproepe per minuut. Slegs mense in nood behoort te bel vir hulp, maar dit is dikwels moeilik om deur te kom na die polisie se noodlyn.

Inbellers wat inbel met vals inligting of poetsbakkers, skep voorts ‘n onnodige vermorsing van hulpbronne en tyd.

PRAAG beoog daarom om binnekort ‘n landwye noodtoepassing vry te stel waarmee mense in gevaar dadelik die heel naaste hulp sal kan ontbied.

Terwyl die polisie aanbeveel dat telefoonnommers van die naaste polisiestasie en mediese nooddienste byderhand is, is daar 08600 10111 as alternatief vir 10111, asook die nommer 112 vir selfone.

Die toepassing sal alle boodskappe na ‘n sentrale beheerkamer herlei vanwaar die nooddienste, buurtwagte en privaatveiligheidsdienste en GPF-lede uitgestuur kan word.

Selfs buitelandse toeriste sal teen betaling van die PRAAG-diens gebruik kan maak.

Toeriste in Egipte deur veiligheidsmagte doodgeskiet

Die Egiptiese regering het om verskoning gevra nadat veiligheidsmagte Sondag “per ongeluk” 12 mense, insluitende twee Mexikaanse toeriste, doodgeskiet het.

Die Egiptiese ministerie van binnelandse sake sê ondersoek sal ingestel word oor hoekom die toeriste in die verbode gebied was.

Tien Mexikane en Egiptenare is ook in die voorval beseer en in die hospitaal opgeneem.

Die veiligheidsmagte het klaarblyklik ‘n toeriste-konvooi aangesien vir die militante wat hulle agtervolg het.

Die Egiptiese polisie sowel as die weermag was besig met ‘n gesamentlike operasie om die militante in die uitgestrekte Al-Waha-woestyngebied in die weste van die land te volg.

Hulle het op die konvooi, bestaande uit vierwielaangedrewe voertuie sonder nommerplate, losgebrand.

Pres. Enrique Peña Nieto van Mexiko het die aanval op Twitter skerp gekritiseer en ‘n volledige ondersoek na die skietvoorval geëis.

Vyf van die Mexikaanse toeriste se toestand is stabiel. Die Mexikaanse ambassadeur Jorge Alvarez het hulle in die hospitaal besoek.

‘n Woordvoerder van die Egiptiese ministerie van toerisme het bevestig dat die konvooi wel in ’n verbode gebied was en hul voertuie was ook nie gelisensieerd nie.

Sedert pres. Mohammed Morsi van die Moslemsbroederskap in 2013 uit die kussings gelig is in ‘n militêre oorname, word Egipte deur onrus en terreur geteister.

Insurgente van die Islamitiese Staat in Egipte het reeds die dood van honderde soldate en polisie in aanvalle veroorsaak.

Binnelandse Sake krabbel terug oor reisvereistes

Die Suid-Afrikaanse departement van binnelandse sake het teruggekrabbel oor omstrede reisvereistes vir kinders wat na en van Suid-Afrika reis.

Volgens die verklaring is die volledige geboortesertifikaat nie meer nodig wanneer albei ouers met geldige paspoorte en visums vir hulself en hul kinders na of van Suid-Afrika reis nie.

Tot verlede week is die nuwe regulasies vertolk as sou ’n kind met een of albei ouers of ’n voog reis, ’n volledige geboortesertifikaat vir ’n kind ’n vereiste is.

Die nuwe reisreëlings vir kinders het op 1 Junie van krag geword.

Nuwe bepalings en diegene wat vrygestel is van die dokumentasie soos volg opgesom:

• Minderjariges wat voor 1 Junie uit die land gereis het sal nie die dokumentasie nodig hê om die land weer binne te kom nie;
• geen ondersteunende dokumentasie word vereis deur minderjariges wat in regstreekse transito op ’n Suid-Afrikaanse internasionale lughawe is nie;
• minderjariges in besit van ’n geldige Suid-Afrikaanse visum sal nie bykomende dokumentasie hoef te toon wanneer hulle die land binnekom of verlaat nie;
• in die geval van lande wat die besonderhede van die ouers in kinders te paspoorte verskaf of enige amptelike identifiseringsdokumente, behoort aanvaar te word om die identiteit van die ouers van ’n minderjarige te bewys; en
• waar enige ouer of ouers wie se name in die volledige geboortesertifikaat verskyn, nie in staat is om toestemming aan die kind te verleen om te reis nie, hetsy vanweë ’n onlangse sterfte, fisiese of geestelike gestremdheid, kan diegene wat namens die kind optree om spesiale vergunning aansoek doen deur ’n volle motivering saam met ondersteunende dokumentasie, byvoorbeeld ’n mediese praktisyn se behandelingsertifikaat, aan die kantoor van die direkteur-generaal te stuur by die volgende e-posadres: consent@dha.gov.za.

Welkomse gesin ontsnap aanval in Tunis

Die plesierbootvaartmaatskappy MSC Cruises het bekendgemaak dat net een Suid-Afrikaner in die terreuraanval op ‘n museum in Tunisië beseer is, en dat rekenskap gegee kan word van al 78 Suid-Afrikaners aan boord.

Dit volg na ‘n verklaring deur die Tunisiese regering, gister, dat een Suid-Afrikaner in die aanval dood en verskeie gewond is. Die maatskappy sê die MSC Splendida het gister in Tunis vasgemeer en ‘n besoek aan die Bardo Nasionale Museum aangebied.

Minstens 23 mense, meestal toeriste, is in die aanval dood.

Intussen is ‘n Welkomse sakeman, Johan Cronjé en sy gesin, se lewe gespaar tydens die bloedbad. Hulle hou tans vakansie op die Splendida.

Cronjé het ‘n kort rukkie gelede vanaf die boot aan OFM-nuus gesê hulle het besluit om ‘n private taxi te huur en was daarom nie tydens die aanval by die museum nie.

Cronjé sê hy is dankbaar dat hy en sy gesin ongedeerd is, maar sy hart gaan uit na dié wat geliefdes verloor het.

Suid-Afrikaner onder slagoffers van Tunis-aanval

Tunisië se ministerie van binnelandse sake het Woensdagaand bevestig dat daar ‘n Suid-Afrikaner onder die 20 toeriste was wat gedood is toe gewapende mans die nasionale museum in Tunis aangeval het.

Daar was ook Suid-Afrikaners onder die gewondes, het gesê die Minister van gesondheid gesê.

AP het vroeër die Tunisiese premier Habbib Essid aangehaal wat gesê het twee van die aanvallers is doodgeskiet, maar dat van die aanvallers ontsnap het.

Die aanval op die befaamde Nasionale Bardomuseum was die eerste op ‘n toerisme-aantreklikheid in jare in Tunisië.

Dit is nie duidelik wie die aanvallers was nie, maar veiligheidsmagte is onmiddellik in die gebied ontplooi.

Tunisië se parlementsgebou, langs die museum, is ontruim.

‘n Private televisiekanaal Wataniya het gemaskerde Tunisiese veiligheidsmagte getoon wat toeriste by ‘n nabygeleë plek weg van die gevaar lei, terwyl gewapende veiligheidsmagte gewere na ‘n aangrensende gebou rig.

Baie bejaardes, blykbaar Duitse toeriste, het ook omgekom. Talle ander het in paniek na veiligheid gevlug, insluitend ten minste een paar met twee kinders.

Onder die toeriste wat vermoor is, was Italianers van ‘n passasiersboot op ‘n sewe-dag reis wat in Tunis vasgemeer het.

Die eienaar van die boot, die Costa Crociere het bevestig dat sommige van sy 3 161 passasiers die hoofstad Woensdag besoek het, maar kon nie bevestig hoeveel passasiers by die museum was ten tye van die aanval nie.

Die Nasionale Bardomuseum, in ‘n 15de-eeuse paleis, is die grootste museum in Tunisië en huisves een van die wêreld se grootste versamelings Romeinse mosaïek onder sy 8 000 werke.

Die aanval is veroordeel deur die VSA, die VN, Frankryk en die Verenigde Arabiese Emirate.

Klaarblyklik het Twitter-rekeninge gekoppel aan die Islamitiese Staat (ISIS) verantwoordelikheid vir die aanval aanvaar.

Klaar met Afrika

Dit was hul tweede besoek aan Namibië, ’n wonderlike land wat hulle vertrou het. Maar nou is hulle klaar met Afrika. Hulle gaan ook hul vriende aanraai om weg te bly.

So het die egpaar Josef en Johanna Stapfler Vrydag aan die Republikein gesê voordat hulle drie dae ná hul aankoms in Namibië weer op ’n vliegtuig terug na Frankfurt was. Die Stapflers was die vorige middag by Omaruru se Franke-toring die slagoffers van ’n man wat asof van nêrens verskyn het, hulle afgedreig en hulle toe liederlik aangerand het.

Ná hul aankoms in Windhoek het die egpaar in hul gehuurde motor een aand in ’n lodge net suid van Karibib geslaap. Donderdagaand het hulle soos bespreek in ’n bergherberg wes van Omaruru geslaap nadat hulle die vorige dag aangerand is. Vrydag was dit vir hulle terug Windhoek en huis toe. Hul Namibiese toer van 18 dae wat hulle ook na Damaraland en die Zambezistreek sou bring, het net drie dae geduur.

Die egpaar in hul vroeë veertigerjare was ontnugter en teleurgesteld.
Na behandeling in die staatshospitaal op Omaruru het die Stapflers self vertel wat Donderdagmiddag net voor die etensuur by Omaruru se Franke-toring met hulle gebeur het. Hulle wou die Franke-toring as ’n historiese erfenisbaken besoek. Daar gekom, was die deur gesluit.

Hulle was reeds terug by hul gehuurde voertuig toe hul aanvaller langs hul kar uitgeslaan het.

Die man het beduie dat hy honger was en geld of enigiets anders soek. In daardie stadium was Johanna se sak met hul kosbare reisgoed nog om haar nek. Sonder enige argument het die man haar sak gegryp en het ’n struweling ontstaan. Die volgende oomblik het die man haar met ’n harde voorwerp oor die kop geslaan. In sy een hand was ’n kannetjie. Johanna het gemeen dit kon die een of ander spreimiddel bevat en het vir haar oë gekeer. Toe Josef bygekom het, het hy ’n hou in sy ribbes gekry. Hy was nogtans sterk genoeg om op straat hulp te soek terwyl sy bebloed by hul voertuig gestaan het.

Oor hul skielike huis toe gaan was die egpaar dit eens: “Ons wil nie meer hier wees nie”.

In die sak waarmee hul aanvaller die hasepad gekies het, was allerlei kaarte van die egpaar, sowat tweehonderd euro en ’n klompie Namibiese dollars. Behalwe die sak en die inhoud daarvan is ander goed nie uit die gehuurde motor gesteel nie.

Aanvallers brand los op bus vol toeriste by Pelindaba

Drie mans het buite Pretoria op die N4 by Pelindaba op ‘n bus vol toeriste losgebrand.

Die insittendes van ‘n wit Audi met die registrasienommer XYK841GP het eers op die bus geskiet, dit tot stilstand gedwing en daarna die passasiers van hulle besittings beroof.

Die polisie sê drie mans in die wit motor het die bus se bande flenters geskiet om die bus te dwing om te stop.

Nadat die bus tot stilstand gekom het, het hulle opgeklim en al die passasiers se selfone en handsakke geëis.

Niemand is beseer nie. Die aanvallers is steeds op vrye voet.

Die SAPD is glo besig om verklarings van die passasiers te neem.

Natuurliefhebbers ontstoke dat olifantbul vankant gemaak is

Natuurliefhebbers is ontstoke oor die Nasionale Krugerwildtuin se besluit om ‘n olifantbul vankant te maak nadat ‘n paartjie aangeval is in hulle voertuig.

Die aanval het by ‘n watergat by Pretoriuskop gebeur terwyl die twee die olifant afgeneem het. Die paartjie is ongedeerd maar die man is vir skok behandel.

Die 30-Jarige Britse toeris is Maandag saam met haar 32-jarige Suid-Afrikaanse vriend deur die bul bestorm en 400m ver gestoot in die bosse in.

Kenners meen olifante toon dikwels agressiewe gedrag in die paarseisoen.

Suid Afrika se Nasionale Parke of SANParke sê die olifant is uitgesit omdat hy voorheen soortgelyke aggressiewe gedrag getoon het en dus as ‘n bedreiging vir ander toeriste beskou is.

Hulle sê die olifant het onverwags omgedraai, op hulle voertuig afgestorm en verskeie kere met sy tande gesteek terwyl hy blou VW in die bosse in gerol het.

Die betrokke olifant was kort tevore glo in ‘n geveg met ‘n ander bul betrokke. Jong olifante probeer in die trop indring om met die wyfies te paar en word deur die ouer olifante uitgehou.

Natuurbewaarders sê dit lei tot groot frustrasie wat die jong bul maklik elders kan uithaal. Toeriste behoort te alle tye ‘n gesonde afstand te handhaaf van die diere.

Bali-bomplanters toon geen berou

15:55:56 Drie Islamitiese militantes wat na verwagting binnekort vir die Bali-bomontploffings in 2002 tereggestel gaan word, sê hulle het

Tempel in Bali

geen berou nie. Amrozi, Ali Gufron en Imama Samudra en 'n paar honderd inwoners het gebede gehou op 'n veld buite die tronk op Nusakambangan in Indonesië om die Moslem-vakansiedag Eid al-Fitr te gedenk.

Hulle sê die aanvalle op die twee nagklubs op die eiland op 12 Oktober 2002 was daarop gemik om die Verenigde State en sy bondgenote te straf. Meeste van die mense wat in die bomaanvalle dood is, was buitelandse toeriste, veral Australiërs.

Samudra sê hy het geen, en sal nooit enige berou hê nie. Die ander het saamgestem en ander aanvalle insluitend dié op die Marriott-hotel in Islamabad, Pakistan deur militantes geprys. Minstens 54 mense is dood en honderde is in die aanval beseer. Brian Deegan van Adelaide, Australië, wie se seun Josh in die aanval dood is, sê die mans se optrede is afskuwelik, veragtelik en onbesonne.

Teregstellings in Indonesië geskied voor 'n vuurpeleton. Die militantes is onder Indonesië se streng teen-terroristewette skuldig bevind. Hulle het hulle appèlle uitgeput en Indonesië se prokureur-generaal het gesê die vonnis kan enige dag uitgevoer word noudat die heilige maand Ramadan verby is. Begenadiging word dikwels tydens Ramadan aan kriminele betoon.

Die Bali-aanvalle, wat na bewering deur al-Kaida befonds is, is deur lede van Jemaah Islamiyah, 'n militante groep van Suidoos-Asië uitgevoer. Hulle het sedertdien nog minstens drie ander selfmoordbomaanvalle in Indonesië uitgevoer. Die groep is hoofsaaklik in die streek ontbind met hulle leiers óf dood óf in die tronk.

1 гсу Фильчаков Харьков