Natuurliefhebbers is ontstoke oor die Nasionale Krugerwildtuin se besluit om ‘n olifantbul vankant te maak nadat ‘n paartjie aangeval is in hulle voertuig.
Die aanval het by ‘n watergat by Pretoriuskop gebeur terwyl die twee die olifant afgeneem het. Die paartjie is ongedeerd maar die man is vir skok behandel.
Die 30-Jarige Britse toeris is Maandag saam met haar 32-jarige Suid-Afrikaanse vriend deur die bul bestorm en 400m ver gestoot in die bosse in.
Kenners meen olifante toon dikwels agressiewe gedrag in die paarseisoen.
Suid Afrika se Nasionale Parke of SANParke sê die olifant is uitgesit omdat hy voorheen soortgelyke aggressiewe gedrag getoon het en dus as ‘n bedreiging vir ander toeriste beskou is.
Hulle sê die olifant het onverwags omgedraai, op hulle voertuig afgestorm en verskeie kere met sy tande gesteek terwyl hy blou VW in die bosse in gerol het.
Die betrokke olifant was kort tevore glo in ‘n geveg met ‘n ander bul betrokke. Jong olifante probeer in die trop indring om met die wyfies te paar en word deur die ouer olifante uitgehou.
Natuurbewaarders sê dit lei tot groot frustrasie wat die jong bul maklik elders kan uithaal. Toeriste behoort te alle tye ‘n gesonde afstand te handhaaf van die diere.
Ek stem saam, daar is mense wat die wilde diere tart, heeltemal te “mak” raak, selfs al is daar waarskuwings !
Waarom die dier van kant maak wanneer toeriste en besoekers die reels verontagsaam !
Hulle bly WILDE diere, en sal enigiets doen om hulself te beskerm, sou dit na moontlike gevaar lyk.
Ek was self so bietjie meer as ‘n week gelede in die Krugerwildtuin en die olifante was besonder agressief. Sommer babatjies van so 1.8m hoog wat die voertuie stormloop.
Hulle spot mos en sê ‘n olifant se seksorgane sit in sy voete – so bly maar liewer ver weg.