Die Vrystaatse Onderwysdepartement in samewerking met die Vrystaatse Universiteit sê hulle is vasbeslote om die gehalte van die onderwys in die provinsie te verbeter.
Hulle het die Internet Uitsaaiprojek in Bloemfontein bekendgestel ingevolge waarvan verskeie vakke soos Wiskunde en Wetenskap deur ervare onderwysers op ‘n daaglikse grondslag aangebied sal word.
Dit sal van ‘n studio op die suid-kampus van die Vrystaatse Universiteit aangebied word. Die projek van meer as vyf-miljoen rand per jaar, sal meer as 60 skole in die Vrystaat bereik.
Die LUR vir Onderwys, Tate Makgoe, sê leerders, veral in die swart skole, het nou toegang tot goeie onderwysers wat reeds bygedra het tot die selfvertroue van onderwysers én leerders.
Makgoe sê dit is een van die ingrypingsprosesse om die gehalte van die onderwysstelsel te verbeter.
Die Departement van Onderwys in Gauteng het intussen voorsorgmaatreëls getref vir 450 matriekleerders van Bekkersdal aan die Wesrand om te kan voorberei vir hul eksamen wat aanstaande Maandag begin.
Klasse in die gebied word ontwrig weens die afgelope ruk se geweld oor ontevredenheid met munisipale dienslewering.
Inwoners eis dat die Westonaria munisipaliteit ontbind word en onder administrasie geplaas word.
Donderdag is sewe mense in hegtenis geneem nadat ‘n gemeenskapsentrum aan die brand gesteek is.
Vroeër die dag het die polisie die geweld, wat begin oorspoel het na ‘n naburige township, Simunye, gestuit. Die polisie monitor steeds die gebied. – RSG
Die Vryheidsfront Plus is wesenlik gekant teen ‘n nasionale lotery aangesien dit juis gevoed word deur die finansiële bydraes van armes en dit sodoende eerder bedra tot maatskaplike probleme.
In Suid-Afrika is die lotery egter ‘n gegewe wat nie weggewens kan word nie en daarom moet toegesien word dat dit wetlik reg bedryf word, sê adv. Anton Alberts, die Vryheidsfront Plus se parlementêre woordvoerder oor sosiale ontwikkeling.
Adv. Albert het vandag met die Tweede Lesingsdebat van die Wysigingswetsontwerp op Loterye gesê ‘n nasionale lotery is nie werklik nodig nie en die inkomste wat uit belasting gegenereer word sou voldoende wees indien dit sinvol aangewend word en die ekonomie beter bestuur word.
“Indien die jaarlikse vermorsing van staatsinkomste deur middel van vrugtelose uitgawes, wanadministrasie en korrupsie net gedeeltelik gekeer kan word, sal daar genoeg inkomste wees sodat die staat sy maatskaplike verantwoordelikhede kan uitvoer.
“Die Nasionale Lotery is egter ‘n gegewe. Daarom is dit belangrik om toe te sien dit word wetlik reg bedryf in lyn met die Grondwet en die Wet op Nasionale Loterye,” sê adv. Alberts.
Hy sê dit is ook belangrik om toe te sien dat die wet volledig uitvoering gee aan die oorspronklike oogmerke daarvan en dat dit nie eindelik tot nadeel strek van die belastingbetalers en diegene wat daardeur bevoordeel moes word nie.
“Dit is ongelukkig wel die geval met die betrokke wet. Ek het self ondervind hoe inrigtings in Pretoria wat pasgebore babas versorg, vergeefs probeer het om geldelike hulp van die Nasionale Raad op Loterye te kry.
“Dit nieteenstaande die feit dat die meeste van die babas wat versorg word, swart is. In baie gevalle is die inrigtings nie eens geantwoord nadat aansoek gedoen is om hulp nie.
“Daarom is die veranderinge wat beoog word in die Lotery Wysigingswetsontwerp welkom. Veral die daarstelling van ‘n interne hersieningsliggaam om besluite van die Raad en verspreidingsagentskappe te hersien, is van groot belang.
“Ten minste het klein en onder-befondsde organisasies, wat nie geld het om regslui aan te stel nie, nou wel ‘n remedie indien hulle meen hul aansoeke is ongeregverdig afgekeur.
“Dit is ongelukkig so, en daar is ook ‘n sterk persepsie onder die publiek, dat die fondse nie uitkom waar dit die nodigste is nie. So byvoorbeeld het ‘n ryk skool steun ontvang vir kulturele aktiwiteite, terwyl babas nie kos het om te eet nie.
Daar is ook luukse wildplase wat ruim steun ontvang vir “bewaring” terwyl die ontvangers oor geen opleiding of kwalifikasie beskik as bewaringskenners nie. Die geld word eerder aangewend om ‘n ultra-luukse lewenstyl te onderhou.
“Indien die wanaanwending van loterygeld in die proses verhinder kan word en mense gehelp kan word waar dit regtig nodig is, is daar meriete aan die beoogde wysigings aan die wet. Die regering se pogings om self die lotery te beheer, kan egter nie toegelaat word nie.
“Die oogmerke van die wet sal net realiseer indien die stelsels, en die mense in beheer daarvan, effektief, onbevooroordeeld en met sterk morele oortuigings optree. Die voortdurende waaksaamheid van alle parlementslede is hiervoor nodig,” sê adv. Alberts.
Die voormalige sekretaris-generaal van die Verenigde Nasies, Kofi Annan, het Afrika-leiers gewaarsku om nie besluite te neem wat die funksie van die Internasionale Strafhof ondermyn nie.
Dit volg in aanloop tot die AU se vergadering vandeesweek om die rol van die hof te bespreek. Annan het gisteraand sy derde jaarlikse Desmond Tutu Internasionale Vredeslesing by die Universiteit van Kaapstad gelewer.
Annan sê hy is bekommerd oor pogings om die rol van die Internasionale Strafhof te systap. Hy sê sommige Afrika-lande soos Kenia het herhaaldelik nie sy leiers vervolg vir misdade teen die mensdom nie.
Annan het ook dade van terreur op die Afrika-vasteland veroordeel asook die hedendaagse politieke verskynsel van “die wenner-kry-alles”. Hy het dit beklemtoon dat die VN-Veiligheidsraad sal moet hervorm.
Annan sê dit kan nie geregverdig word dat Afrika met sy 54 lande nie ‘n enkele setel in die Veiligheidsraad het nie.
Hy sê so het lande in Latyns-Amerika, wat ‘n vyfde van die wêreld se bevolking het, ook nie ‘n setel nie. – RSG
Die Oos-Kaapse departement van gesondheid het ‘n verslag deur die Oos-Kaapse Gesondheidskrisis-koalisie ontken waarin beweer word dat die provinsie se gesondheidsdienste besig is om in duie te stort.
‘n Woordvoerder van die departement – Sizwe Kupelo – het die verslag as oordrewe bestempel en sê dat baie sedert 1994 verander het toe die ANC aan bewind gekom het.
Hy sê primêre gesondheidsdienste het toe nie in die oostelike dele van die provinsie bestaan nie, maar dat meer as ‘n duisend klinieke sedertdien in die Oos-Kaap gebou is.
Meer as 200 klinieke is volgens hom tot dusver vanjaar opgeknap.
Hy het ontken dat daar ‘n gesondheidsorgkrisis in die provinsie is.
Die Oos-Kaapse Gesondheidsoalisie, sluit groepe soosSection 27,dieTreatment ActionCampaignendie LandelikeDoktersAssosiasievan Suid-Afrika in. – RSG/praag
Die Seriti-kommissie van Ondersoek wat aangestel is om die regering se omstrede wapenaankope te ondersoek, sal vandag meer hoor oor die proses wat gelei het tot die besluit om die Suid-Afrikaanse Lugmag se Grippen-vegvliegtuie en Hawk-vegopleidingsvliegtuie aan te koop.
Brigadier-generaal John Bayne sal oor die Lugmag se verouderde vloot vliegtuie getuig en die debatte wat plaasgevind het oor die vervanging daarvan.
Bayne, wat die Direkteur van Gevegstelsels by die Lugmag is, sal ook getuig oor waarom vegvliegtuie aangekoop is in die huidige vreedsame politieke bestel en oor die aanwending van die vliegtuie.
Die Seriti kommissie is deur President Jacob Zuma aangestel om bewerings van bedrog, korrupsie en ongerymdhede in die sogenaamde wapenaankooptransaksie te ondersoek. – RSG
Die Kamer van Mynwese sê dit is die eerste keer dat daar ‘n situasie bestaan waar vakbonde nie bereid is om hulle eise vir ‘n salarisverhoging te wysig nie.
Geen ooreenkoms oor werkgewers in die goudmynbedryf se finale aanbod kon tot dusver bereik word nie. Werkgewers het dit onomwonde gestel dat hulle nié enige salarisverhogings hoër as 6,5 persent gaan aanbied nie.
Hulle plaas die blaam vir die huidige stand van sake op die tweespalt tussen vakbonde.
Werkgewers sê ook dat hulle nie afsonderlike ooreenkomste met individuele vakbonde gaan beklink nie.
Goudmynwerkers dreig om aanstaande week, selfs so vroeg as Sondag, met ‘n beskermde staking te begin.
Donderdag het goudaandele op die JSE skerp gedaal en ekonome het gewaarsku dat dit die bedryf ernstig kan skaad.
Intussen duur stakings in die voertuigvervaardigings- en konstruksiebedryf steeds voort en petroljoggies en paneelkloppers dreig ook om Maandag te begin staak. – RSG
Suid-Afrikaanse skerpskutters wat deur die Verenigde Nasies in die ooste van die Demokratiese Republiek van die Kongo ontplooi is, het ses M23-rebelle doodgeskiet.
“Skerpskutters het teikens op minstens ses geleenthede raakgeskiet,” het adv. Pikkie Greeff van die Suid-Afrikaanse Nasionale Weermagunie (Sanwu), gesê.
“In een geval was die teiken 2,2 km weg.”
Brig. genl. Xolani Mabanga, woordvoerder van die weermag, het bevestig dat Suid-Afrikaanse magte op rebelle losgebrand het, maar kon nie uitbrei oor die berigte van die skerpskutters nie.
‘n Tanzaniese soldaat van die Verenigde Nasies (VN) is dood en twee Suid-Afrikaanse soldate is Woensdag gewond in gevegte met M23-rebelle.
Volgens Reuters is verskeie burgerlikes ook in die gevegte dood.
Pres. Jacob Zuma het Donderdag bevestig dat drie Suid-Afrikaanse soldate sedert die naweek gewond is in gevegte in die land.
Suid-Afrikaanse soldate is deel van die VN se ingrypingsmag in die land. – Sapa/AFP
Die Suid-Afrikaanse weermag sê geen Suid-Afrikaanse soldate is dood in gevegte in die Demokratiese Republiek van die Kongo nie.
‘n Woordvoerder, brigadier-generaal Xolani Mabanga het berigte dat Suid-Afrikaanse soldate dood is, as propaganda afgemaak.
Mabangu sê die weermag sal binnekort ‘n mediakonferensie hou om die publiek op datum te bring met Suid-Afrika se deelname aan ‘n Verenigde Nasies-mag in die DRK.
Die weermag het gister aangekondig dat ‘n vyfde Suid-Afrikaanse soldaat gewond is in gevegte met rebellemagte.
Intussen sê die VN ‘n Tanzaniese lid van die VN-vredesmag is dood terwyl hulle die Kongolese weermag ondersteun het in gevegte met rebelle naby die oostelike dorp, Goma. – RSG
Die vier maande oue baba wat vroeër vandeesmaand in Ceres verkrag is, is steeds in die Rooikruis-kinderhospitaal en dokters weet nie wanneer sy ontslaan sal word nie.
Die baba en ‘n sewejarige seun is uit ‘n huis ontvoer en verkrag. Sedertdien is ‘n 25-jarige plaaswerker in hegtenis geneem en hy het verlede week vir die tweede keer in die Ceres-landdroshof verskyn, berig Eyewitness News.
Die baba het sedert die aanval vyf operasies ondergaan.
“Sy vorder goed en is in ‘n bestendige toestand. Die dokters bespreek nog wanneer sy ontslaan sal word en ‘n datum is nog nie bevestig nie,” het Lauren O’Connor-May, die hospitaal se woordvoerder, gesê.
Produksiekoste is tans buitensporig hoog wat melkboerdery betref. “Teen die pryse wat ons kry, gaan dit broekskeur,” sê mnr. Bernard Maree, voorsitter van die Vrystaatse tak van die Melkprodusente-organisasie.
Produsente in die provinsie verdien R3,65 tot R3,85 per liter melk, terwyl hulle R4,89 per liter nodig het om alle koste te dek. Van dié boere verdien wel R4,10 per liter, maar Maree sê dit hang af van die bottervet-inhoud van die melk wat gelewer word.
Die verhoging van 52% in die minimum lone vir plaaswerkers in Maart vanjaar het die situasie verder laat versleg. “Ons betaal daardie lone, maar verhoogde produksie deur die werker is nie noodwendig aan die beter loon gekoppel nie.”
Melkprodusente in die Vrystaat het egter dié week gehoor dat daar steeds ‘n toekoms vir hulle in die melkbedryf is. ‘n Groot aantal melkprodsusente het reeds die bedryf verlaat.
Op die melkprodusente-organisasie se jaarlikse kongres in Bloemfontein, het die hoof van die departement van landbou-ekonomie en landelike ontwikkeling aan die universiteit van Pretoria, Johann Kirsten, gesê dat verstedeliking en die bevolkingsgroei, verseker dat daar ‘n groot behoefte aan suiwelprodukte is.
Nie een enkele kandidaat van die 25 000 het vanjaar se toelatingseksamen tot ‘n universiteit in Liberië geslaag nie.
Die Universiteit van Liberië sal dus geen eerstejaars op kampus hê nie. Dié instelling is een van die vasteland se twee universiteite wat deur die staat bestuur word.
Minderas ‘n honderd kon daarin geslaag om diedie EngelsofWiskunde baas te raak om te kwalifiseerom deel te weesvan die normaleklas van2k–3kstudente.
Histories,is die slaagsyferongeveer 20-30% enin die afgelope jaar, is die toetsaangepas na ‘n raaiformaatom dit makliker te maak.
Diewiskunde-eksamenfokusoor die algemeenoprekenkunde,meetkunde, algebra,analitiesemeetkunde en elementêrestatistieken waarskynlikheid,terwyl die Engelseeksamenoor die algemeenfokus opgrammatika, sinsvoltooiing, leesbegrip enlogieseredenasie.
Maaras‘n bewys van die vlak van korrupsie ennepotisme,is dietoelatingsvereistestydeliklaer gestel vir Wiskundeen Engels om ongeveer1.6Kstudentein staat te stelom te regsitreer.
Die studente het glo nie min entoesiasme getoon. Hulle het ook nie ‘n basiese begrip van Engels nie en het gekla dat die “meganika” van Engels ‘n uitdaging is.
Liberië, wat in Wes-Afrika geleë is, het die burgeroorlog wat ‘n dekade gelede geëindig het, die skuld gegee. In Suid-Afrika waar ons daagliks moet hoor dat ons danksy “Madiba” een vrygespring het, is skoolprestasie ook besig om te daal.
Pres. Ellen Johnson Sirleaf het onlangs gesê dat die land se onderwysstelsel “uitdagings bied”. Talle skole het ‘n tekort aan basiese studiemateriaal. Onderwysers is ook nie goed opgelei nie.
Dis die eerste keer wat elke student wat die eksamen geskryf het, nie geslaag het nie.
Die N2 naby Khayelitsha op die Kaapse Vlakte is vir verkeer gesluit weens ‘n protesoptrede.
Die Wes-Kaapse verkeershoof, Kenny Africa sê die protesgangers bestook ook voertuie met klippe.
Die gedeelte van die pad wat geraak word is tussen die R300 en Mew-weg.
Die polisie monitor die situasie. Intussen hou die polisie en verkeersbeamptes steeds die situasie dop by Du Noon naby Milnerton waar inwoners oor dienslewering betoog.
Paaie in die omgewing is vir verkeer gesluit en motoriste is gevra om waaksaam te wees. – RSG
Vrese het toegeneem dat die geweld in Egipte verder kan uitbrei ná die leier van die Moslembroederskap in hegtenis geneem is.
Mohamed Badieseaanhoudingis die jongste in‘n reeksgebeure watverdere verontwaardiging ontlok van die beleërdeBroederskapondersteuners endie krisisindie Arabiesewêreld se verskerp.
Maandag, het ‘n Egiptiesehofbeslissing dat dieland se voormaligeoutokratieseleier,HosniMoebarak,vrygelaat kan worduit die tronkbinne enkele dae in die vooruitsig gestel.
Mubarak,85, se vrylatingverhoogvermoedens datsy voormaligemilitêre–gesteunde regeringteruggekeer het na diestaatsgreep teen MohamedMorsi,dieIslamitiesepresident,op 3 Julie.
Die tussentydse eerste minister van Egipte het laat blyk dat dié land kan klaarkom sonder geldelike hulp van die VSA en die Europese Unie en steun uit Saoedi-Arabië kan verwag.
Sowel die VSA as die EU het vroeër gesê hulle hersien hulle betrekkinge met Egipte te midde van die voortslepende geweld in die land na die afsetting van die president Mohammed Morsi.
Die eerste minister Hazem Al Beblawi het aan ‘n televisienuusdiens gesê sy land is op die regte pad en hy is nie bekommerd oor ‘n burgeroorlog nie.
Byna ‘n 1000 mense is reeds dood in die weermag se bloedige veldtog teen Morsi-ondersteuners. EU-lande se ministers van buitelandse sake kom vandag in Brussel byeen om betrekkinge met Egipte te bespreek.
Nadat Islamiste ‘n Fransiskaanse skool aan die brand gesteek het, is drie nonne soos “krygsgevangenes” op straat geparadeer alvorens ‘n Moslemvrou haar oor hulle ontferm het. Twee ander vroue wat ook by die skool werksaam was, is seksueel geteister en aangerand terwyl hulle deur die massas probeer beweeg het.
In die vier dae sedert die veiligheidsmagte twee sitstakingkampe van die afgesette Egiptiese president se ondersteuners ontruim het, het Islamiste dosyne Koptiese kerke, tesame met besighede en skole wat aan die Christen-minderheid behoort, aangeval. Dit wil voorkom of die intimidasieveldtog daarop gemik is om die Christene wat nie in Kaïro is nie, te waarsku om nie by politieke aktivisme betrokke te raak nie.
Die Moslemmeerderheid in Egipte het al in die verlede teen die Christene, wat slegs 10% van die bevolking van 90 miljoen uitmaak, gediskrimineer en geweld gepleeg. Aanvalle het egter toegeneem nadat die Islamiste mag verkry het met die Arabiese Lente-opstand in 2011 wat Hosni Mubarak uit die politieke stoel gelig het. Christene het nog meer deurgeloop nadat president Mohammed Morsi op 3 Julie onsetel is, iets wat toenemende Islamiste-woede onder leiding van Morsi se Moslembroederskap ontketen het.
Chaos het ontstaan nadat die Egiptiese militêr-gesteunde administrasie inbeweeg het om die twee kampe met betogers te ontruim. Dit het daartoe gelei dat betogers wat op Morsi se heraanstelling aangedring het, doodgeskiet is, maar ook tot toenemende, landwye konfrontasies. Sedert Woensdag is ongeveer 40 kerke geplunder en aan die brand gesteek, terwyl 23 aangeval en beskadig is.
Een van die wêreld se oudste Christengemeenskappe wat tot dusver nie polities aktief was nie, het ook tot die politieke arena toegetree nadat Mubarak ontsetel is en Christene op regverdige behandeling ná die onrus begin aandring het.
Baie Morsi-ondersteuners beweer dat Christene ‘n disproposisionele groot rol tydens die dae van massabetogings gespeel het, met miljoene wat geëis het dat Morsi moes bedank voor die regering nog omvergewerp is.
Ten spyte van die geweld, het Egipte se Koptiese Christenkerk Vrydag sy onderdanigheid aan die nuwe politieke bedeling hernu en in ‘n verklaring gesê dat hulle die weermag en polisie in hul stryd teen “die gewapende gewelddadige groepe en swart terrorisme” ondersteun.
Al het Egiptiese Christene onder ekstremistiese aanvalle deurgeloop, het hulle in sommige gebiede meer aansluiting by gematigde Moslems gesoek om sodoende hul solidariteit te betoon.
Honderde mense uit beide gemeenskappe het by twee kloosters in die Bani Suef-provinsie, suid van Kaïro, saamgedrom om verwagte aanvalle Saterdag af te weer, het ‘n plaaslike aktivis, Gigis Wahieb, gesê. Aktiviste het oor soortgelyke insidente in gebiede elders, suid van Kairo berig, maar dat dit nie genoeg was om voldoende beskerming aan kerke en kloosters te bied nie.
Wahieb, asook ander aktiviste en slagoffers van die jongste geweldvlaag, blameer sowel die polisie as die ekstremistiese Islamiste vir dít wat gebeur het. Volgens hulle het die aanvalle tegelykertyd met ‘n aanslag op polisiestasies in provinsies soos Bani Suef en Minja plaasgevind sodat polisie hul stasies moes beskerm en nie die Christene te hulp kon snel nie.
Ezzat Ibrahim, ‘n Christen-aktivis van Minja, ‘n provinsie suid van Kaïro, waar Christene ongeveer 35 % van die bevolking verteenwoordig, het gesê dat die polisie in sewe uit die nege gebiede eenvoudig verdwyn het sodat ekstremiste feitlik straffeloos kon optree.
Volgens sekerheidsbeamptes wat anoniem wou bly omdat hulle nie die nodige magtiging gehad het om die inligting te verskaf nie, is daar sedert Woensdag twee Christene dood, waaronder ‘n taxibestuurder wat in ‘n betoging deur Morsi-ondersteuners in Alexandrië beland het. Die ander persoon is deur Islamiste in die suidelike provinsie van Sohag doodgeskiet.
Die aanvalle het daarop gedui dat alhoewel die Islamiste in Kaïro op die verdediging is, hulle steeds oor invloed in provinsiale vestings beskik, asook die vermoë om geweld teen aansienlike Christen-minderhede te pleeg.
Gamaa Islamija, ‘n ekstreme Islamiste-groep wat groot invloed in provinsies suid van Kaïro uitoefen, het enige verbintenis met die aanvalle ontken. Die woordvoerder, Moerad Ali, het gesê dat die Moslembroederskap wat die betoging teen Morsi se afsetting gelei het, die aanvalle afkeur.
Suster Manal is hoof van die Fransiskaanse skool in Bani Suef. Sy was besig om onbyt met twee besoekende nonne te eet toe die nuus haar bereik dat die twee betogerskampe deur die polisie ontruim is, met honderde wat gedood is. Die gevolg was ‘n aanval wat ses ure geduur het. Sy, susters Abeer en Demiana en ‘n aantal skoolwerknemers het gesien hoe ‘n groep aanvallers by die skool deur mure en vensters inbreek. DIe skool is geplunder, ‘n kruis is by ‘n skoolhek omgegooi en met ‘n swart banier, soortgelyk aan dié van Al-Kaida, vervang.
Toe die Islamiste hul beveel om weg te gaan, was daar vure op bykans elke hoek van die 115 jaar oue hoofgebou en twee nuwer geboue. Manal het gesê dat die spaargeld vir ‘n nuwe skool verdwyn het. Rekenaars, ‘n projektor, lessenaars en stoele is weggedra. Dringende noodoproepe na die polisie, asook na senior polisie-amptenare wie se kinders in die skool is, het beloftes van ‘n vinnige reaksie ontlok. Maar niemand het opgedaag nie.
Die Islamiste het haar net genoeg tyd gegun om ‘n paar kledingstukke te gryp.
In ‘n uur lange telefoniese onderhoud met Associated Press het Manal, 47, haar nagmerrie-ondervinding in herinngering geroep, hoe sy in die skool saam met ander vasgevang was terwyl die brand op die grondvloer gewoed het en ‘n geveg tussen die polisie en Islamiste buite op straat plaasgevind het. Met tye het die giftige gasse van die vuur in die biblioteek of traangas wat deur die polisie op straat gebruik is haar oorweldig.
Suster Manal onthou hoe sy ‘n week gelede deur die polisiemanvader van ‘n leerling ingelig is dat haar skool deur dogmatiese Islamiste geteiken word wat daarvan oortuig is dat dit ongewenste onderwys aan Moslemkinders verskaf. Sy het geen ag daarop geslaan nie, gerus in die wete dat die skool oor ‘n gelyke aantal Moslem- en Christelike leerlinge beskik en daarom nie deur Moslem-ekstremiste aangeval sou word nie. Sy was verkeerd.
Die skool se ligging is prominent. Dit staan oorkant die pad van die vernaamste treinstasie en is langs ‘n besige buseindpunt wat onlangs ‘n groot aantal Islamiste aangetrek het. Hulle was op pad na Kaïro om aan te sluit by die groter van die twee sitstakingskampe wat Morsi ondersteun. Die buurt van die skool stem ook ooreen met een van Bani Suef se Islamiste-vestings wat uit Morsi se Moslembroederskap en ultrakonserwatiewe Salafiste bestaan.
“Ons is nonne. Ons maak op God en die engele staat om ons te beskerm,” het sy gesê. “Aan die einde het hulle ons soos krygsgevangenes deur die strate geparadeer en op ons gevloek terwyl ons van een agterstraatjie na ‘n ander gelei is sonder dat hulle ons vertel het waarheen ons op pad was.” ‘n Moslemvrou wat eens op ‘n tyd ‘n onderwyseres by die skool was, het Manal en die ander twee nonne raakgesien toe hulle by haar huis verbyloop, met ‘n groot skare nuuskierige omstanders wat saamdrom.
“Ek het haar onthou, haar naam is Saadija. Sy het aangebied om ons onderdak te gee en gemeen sy kon ons beskerm omdat haar skoonseun ‘n polisieman is. Ons het haar aanbod aanvaar,” het sy gesê. Twee Christenvroue wat by die skool werk, Warda en Bedoer, wat ook familie van mekaar is, moes veg om uit die skare te kom, terwyl hulle deur die ekstremiste betas, geslaan en beledig is. “Ek het daarna gekyk en dit ysingwekkend gevind,” het Manal gesê.
Die voorval by die Fransiskaanse skool is by Minja herhaal waar ‘n Katolieke skool tot op die grond afgebrand is en ‘n Christelike weeshuis insgelyks aan die brand gesteek is.
“Ek is beangs en nie in staat om te fokus nie,” sê Boelos Faami, die pastoor van ‘n Katolieke kerk nie te ver van Manal se skool af nie. “Ek verwag te eniger tyd ‘n aanval op my kerk,” het hy Saterdag gesê.
Bishoi Alfons Nagoeib, ‘n 33-jarige sakeman van Minja, het ‘n soortgelyke, onstellende verhaal om te vertel.
Sy algemenehandelsaak in ‘n hoofstraat in die provinsiale hoofstad, wat ook Minja genoem word, is vandeesweek afgebrand met die vlamme wat alles binne verteer het.
“‘n Buurman het my geroep en vertel dat die winkel aan die brand was. Toe ek daar aankom, kom drie ekstremiste dreigend na my toe, waarna hulle agterkom dat ek die eienaar is,” vertel Nagoeib. Sy vader en broer het by die mans gepleit om sy lewe te spaar. Gelukkig het iemand geskree dat ‘n Christelike seun besig was om die gebeure met sy selfoon te verfilm, dus het die skare na die seun toe gehardloop en geskree: “Noesrani, Noesrani.” Dit is ‘n woord uit die Koran wat ‘n skeldnaam vir Christene in Egipte geword het.
Nagoeib het na ‘n nabygeleë gebou gehardloop waar hy oor ‘n woonstel beskik en hom daar toegesluit. Ná ‘n ruk het hy die woonstel verlaat, opgehardloop na die dak toe en oorgespring na die gebou langsaan waardeur hy veilig kon uitkom, op veilige afstand van die woedende skare.
“In ons Mustafa Fami-straat, het die Islamiste vroeër ‘n rooi X op Moslemwinkels geverf en ‘n swart X op Christenwinkels,” het hy gesê. “U kan seker wees die winkels met ‘n rooi X het niks oorgekom nie.”
In Fajoem, ‘n oaseprovinsie suidwes van Kaïro, het Islamiste vyf kerke geplunder en aan die brand gesteek, volgens biskop Ibram, die plaaslike hoof van die Koptiese Ortodokse Kerk, wat by verre die grootste van Egipte se Christelike denominasies is. Volgens hom het hy sowel Christene as kerklui aangesê om nie weerstand teen die skares Islamiste te bied nie, uit vrees vir lewensverlies.
“Die plunderaars was so pligsgetrou dat hulle na een van die vyf kerke wat hulle verwoes het teruggekeer het om te sien of hulle nog iets kon vat,” het hy aan AP gesê. “Hulle het ons stoele en banke op vragmotors gelaai en toe daar nie meer plek was nie, het hulle die res vernietig.” – AP
Die Vrystaatse Onderwysdepartement in samewerking met die Vrystaatse Universiteit sê hulle is vasbeslote om die gehalte van die onderwys in die provinsie te verbeter.
