Die Vrystaatse Onderwysdepartement in samewerking met die Vrystaatse Universiteit sê hulle is vasbeslote om die gehalte van die onderwys in die provinsie te verbeter.
Hulle het die Internet Uitsaaiprojek in Bloemfontein bekendgestel ingevolge waarvan verskeie vakke soos Wiskunde en Wetenskap deur ervare onderwysers op ‘n daaglikse grondslag aangebied sal word.
Dit sal van ‘n studio op die suid-kampus van die Vrystaatse Universiteit aangebied word. Die projek van meer as vyf-miljoen rand per jaar, sal meer as 60 skole in die Vrystaat bereik.
Die LUR vir Onderwys, Tate Makgoe, sê leerders, veral in die swart skole, het nou toegang tot goeie onderwysers wat reeds bygedra het tot die selfvertroue van onderwysers én leerders.
Makgoe sê dit is een van die ingrypingsprosesse om die gehalte van die onderwysstelsel te verbeter.
Die Departement van Onderwys in Gauteng het intussen voorsorgmaatreëls getref vir 450 matriekleerders van Bekkersdal aan die Wesrand om te kan voorberei vir hul eksamen wat aanstaande Maandag begin.
Klasse in die gebied word ontwrig weens die afgelope ruk se geweld oor ontevredenheid met munisipale dienslewering.
Inwoners eis dat die Westonaria munisipaliteit ontbind word en onder administrasie geplaas word.
Donderdag is sewe mense in hegtenis geneem nadat ‘n gemeenskapsentrum aan die brand gesteek is.
Vroeër die dag het die polisie die geweld, wat begin oorspoel het na ‘n naburige township, Simunye, gestuit. Die polisie monitor steeds die gebied. – RSG
Om maand voor die tyd vir Matriek wiskunde n kurses aan te bied – is na my mening n bietjie laat in die dag. Ek dink dit gaan eerder net die leerders verwar.
Riempeis of hulle nou daardie klasse gaan aanbied of nie, indien hulle nie deurgesit word nie word dit in elke val volgende jaar gedoen. Soos ek dit verstaan kan iemand nou van sy skool loopbaan begin, tot hy ‘n matriek sertifikaat in die hand het, nie een standerd hoef deur te kom nie. Hulle mag jou nou net een jaar terug hou en moet jou die volgende jaar deursit.
Die land word al meer ongeletterd.
Ek hoop die munisipale rekening is betaal, sonder krag gaan die rekenaars nie veel beteken nie. O ja, en die onluste. Hoe lank gaan die goed staan voor dit weggedra of stukkend gegooi word?
My nederige opinie? As ons skoliere in die eerste plek nie kan/wil leer nie, gaan geen wêreldklas rekenaar program ‘n verskil maak nie.
‘n Voorstel! Die regering is mos op ‘n besparing “spree”
Ek kan beter as jy doen …
Haha lekker man lekker!!
Ek kan beter as julle altwee doen
Dis ‘n wenner.
Is dit die universiteit se verantwoordelikheid of die onderwysdepartement s’n? Dis oor universiteite welsynsorganisasies geword het dat daar nie meer geld vir navorsing by universiteite is nie.
Ek hoop hulle leer iets. Ek het net gister die derdejaars vir wie ek nou klasgee se vraestelle klaar gemerk en mensig dit was bloedig. Slegs 5 uit 50 is deur.
Dis ‘n tragedie! Dit kan net slegter gaan.
Skalks fout met die lektor ?
Toe nie – dit was ‘n oopboek vraestel en die helfte van die punte vrae was voorbeelde uit die handboek. So eintlik ‘n baie eenvoudige vraestel. Wys net dat weinig in die klas moeite gedoen het om die handboek te lees.
Rooikop – wonder ek nou of dit nie daaraan
toegeskryf kon word dat die handboek nie gelees kon word omdat hulle op skool
nie nodig gehad het om gehoorlik te leer lees en skryf en verstaan – om te slaag
nie – en nou werk dit op universiteit n bietjie anders. Ek het eerlik nie woorde
vir sulke opdrag van regeringswee om kinders onverdiend deur te sit nie – mens
kan dit nie eens brutale onnoselheid noem nie want daar is geen besef by die
opdraggewers dat hulle n so n kind se toekoms daardeur vernietig
nie.
More Riempies, hierdie is derdejaars so daar is geen verskoning hoekom hulle nie kan lees nie.
Om egter terug te kom na die deursit storie. Hoewel ek in omtrent ALLES wat ek doen glo aan die individu se regte en dat die individu se voordeel bo die van ‘n “kollektief” is dit met onderwys anders.
In ‘n onderwys stelsel word die skolier/student gesien as die “kliënt”. Aan die een kant is dit waar want die skolier/student moet die beste moontlike onderrig ontvang. Aan die ander kant, wat in hierdie geval vir my swaarder weeg, is dat dit skolier/student die PRODUK is van die opleidingsisteem. Die standaard waaraan die skolier/student moet voldoen moet sodanig wees dat die persoon nuttig vir die samelewing en industrie moet wees, indien nie kan die land en sy ekonomie nie vooruit gaan nie, die persoon kan ook nie vir sy gesin en/of familie sorg en hulle situasie verander nie.
Ons sien dit juis met die “liberation before education” slagspreuk. Ons land se ekonomie stagneer – ek reken omdat daar nie genoeg opgeleides is nie (kom ons neem aan ons leef in ‘n land waar oproer en luiheid nie aan die orde van die dag is nie). Dit is ook hoekom die huidige generasie sal arm bly. Dit het die Afrikaner 5-6 gelsagte geneem om sy nasie uit uiterste armoede (die armblanke vraagstuk) op te hef en dit was NOGSTEEDS nie afgehandel nie. Nou het die ANC ‘n hele generasie van kennis ontneem! Dit gaan hulle ten minste nog 5-6 geslagte neem voor hulle die probleem kan oorkom. Hulle moes eerder “liberation through education” gepleeg het – dan was die land vooruit maar ek kan vir jou sê dan sou die blanke in die land nie ‘n oorlewingskans gehad het nie. Nou staan ons nog ‘n halwe kans.
Met die hele deursit store is die regering besig om beide die individu en die samelewing tot so ‘n mate te bevoeter dat ek nie weet of dit ooit herstelbaar sal wees nie. Ons met ‘n klomp halfopgevoede barbare (ek sluit die blankes hierby in) wat dink hulle is geregtig op baie maar wat nie ‘n sinvolle bydrae kan maak nie.